factor.am: Երուսաղեմում 24 ժամվա ընթացքում տեղի է ունեցել արդեն երկրորդ հարձակումը։ Այս մասին տեղեկացնում է BBC-ի ռուսական ծառայությունը։
Սկզբում զինված տղամարդը կրակ է բացել Նևե Յակով շրջանում գտնվող սինագոգի մոտ, ինչի հետևանքով զոհվել է 7 մարդ։ Հրաձիգին ոչնչացրել են ուժայինները։ Ոստիկանությունը կատարվածն ահաբեկչություն է որակել։
Երկրորդ միջադեպը տեղի է ունեցել «Դավթի քաղաք» հնագիտական պեղումների կենտրոնի մոտ։ Այնտեղ 13-ամյա դեռահասը նույնպես կրակ է բացել մարդկանց վրա՝ վիրավորելով 23-ամյա երիտասարդին և նրա 47-ամյա հորը։ Նրանք ծանր վիճակում տեղափոխվել են հիվանդանոց։ Հարձակվող պաղեստինցի դեռահասը, ոստիկանության խոսքերով, «վնասազերծվել է», նրա վիճակի մասին ոչինչ չի հաղորդվում։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)