Արթուր Վանեցյան

8-րդ գումարման Ազգային ժողովի «Պատիվ ունեմ» խմբակցության ղեկավար։

Ծնվել է 1979թ. դեկտեմբերի 8-ին Երեւանում:

1997-1999թթ. ծառայել է ՀՀ զինված ուժերում:

1999թ. ավարտել է Հայաստանի պետական ագրարային համալսարանը անասնաբուծություն մասնագիտությամբ, 2002թ.՝ ՌԴ դաշնային անվտանգության ծառայության ակադեմիան, 2003թ.՝ Սանկտ Պետերբուրգի արտաքին տնտեսական կապերի եւ իրավունքի ինստիտուտը:

2000-2003թթ. աշխատել է ՀՀ ԱԱԾ Արարատի մարզային վարչության Մասիսի բաժնի օպերլիազոր: 2003-2009թթ. աշխատել է ՀՀ ԱԱԾ հակահետախուզության գլխավոր վարչության ավագ օպերլիազոր, գլխավոր վարչության պետի օգնական, բաժանմունքի պետ, 2009-2016թթ.՝ Երեւանի քաղաքային վարչության Էրեբունի եւ Նուբարաշեն վարչական շրջանների բաժնի պետ, 2016-2018թթ.՝ ՀՀ ԱԱԾ Երեւանի քաղաքային վարչության պետի տեղակալ։

2018-2019թթ. եղել է ՀՀ Ազգային անվտանգության ծառայության տնօրենը:

2018-2019թթ. եղել է ՀՀ ֆուտբոլի ֆեդերացիայի նախագահ: 2020 թվականից «Հայրենիք» զարգացման հիմնադրամի հոգաբարձուների խորհրդի նախագահն է, «Հայրենիք» կուսակցության նախագահը:

2021թ. հունիսի 20-ին ԱԺ պատգամավոր է ընտրվել «Պատիվ ունեմ» կուսակցությունների դաշինքի համապետական ընտրական ցուցակով:

Կարեն Վանեցյանի նկատմամբ քրեական հետապնդում իրականացնելու նպատակով հանձնման մասին միջնորդություն է ուղարկվել ՌԴ |1lurer.am|

1lurer.am: Հայաստանի Հանրապետության գլխավոր դատախազությունը, ՀՀ իրավասու մարմինների կողմից հետախուզվող Կարեն Վանեցյանի նկատմամբ քրեական հետապնդում իրականացնելու նպատակով, հանձնման մասին միջնորդություն է ուղարկել Ռուսաստանի Դաշնության գլխավոր դատախազություն: Այդ մասին «Լուրերին» տեղեկացրին ՀՀ գլխավոր դատախազությունից: Հիշեցնենք, որ դատախազը 2023 թվականի նոյեմբերի 1-ին հանրային քրեական հետապնդում էր հարուցել Շվեյցարիայի Համադաշնության և Հայաստանի Հանրապետության քաղաքացի Կարեն Վանեցյանի նկատմամբ՝ հանցավոր ճանապարհով ստացված գույքն օրինականացնելու համար (փողերի լվացում): Քրեական վարույթով պարզվել էր, որ Վանեցյանը, հանդիսանալով Կիպրոսի Հանրապետությունում գրանցված՝ ՀՀ ոչ ռեզիդենտ կազմակերպության իրական շահառու, 2018 թվականի հուլիսի 23-ին ձեռք էր բերել և տնօրինել «Զանգեզուրի պղնձամոլիբդենային կոմբինատ» ՓԲ ընկերության 12.5 տոկոս բաժնետոմսերը: Նշված՝ հանցավոր ճանապարհով ստացված 12.5 տոկոս բաժնետոմսերը փաստացի պատկանել են 2013-2018 թվականների ընթացքում Սուրբ Աթոռում ՀՀ արտակարգ և լիազոր դեսպանի պաշտոնը զբաղեցրած Միքայել Մինասյանին և գրանցված եղել «Զանգեզուր մայնինգ» ՍՊ ընկերության անվամբ: Վանեցյանի կողմից բաժնետոմսերի ձեռքբերման նպատակն է եղել թաքցնել դրանց հանցավոր ծագումը, իրական բնույթը: Կարեն Վանեցյանը, տեղեկացված լինելով, որ «Զանգեզուրի պղնձամոլիբդենային կոմբինատ» ՓԲ ընկերության 12.5 տոկոս բաժնետոմսերը Միքայել Մինասյանին պատկանող ընկերությանն են անցել հանցավոր ճանապարհով, նպատակ ունենալով իր համար ակնհայտ շահավետ պայմաններով դառնալ այդ բաժնետոմսերի փաստացի սեփականատեր, միաժամանակ թաքցնել և խեղաթյուրել այդ գույքի հանցավոր ծագումը, պատկանելությունը, տնօրինման եղանակը, դրան հաղորդել էր օրինական քաղաքացիաիրավական գործարքների արդյունքում ստացված գույքի տեսք: Նա 1 մլրդ դրամով և 13 մլն ԱՄՆ դոլարով օֆշորային կազմակերպության միջոցով ձեռք էր բերել և տնօրինել հանցավոր ճանապարհով ստացված, առանձնապես խոշոր չափերով՝ առնվազն 14 մլրդ 526 մլն 300 հազար դրամ արժողությամբ գույքը: Նախաքննության ընթացքում Կարեն Վանեցյանի գտնվելու վայրը պարզել հնարավոր չէր եղել: Միջնորդություն էր ներկայացվել Հակակոռուպցիոն դատարան՝ նրա նկատմամբ կալանավորումը որպես խափանման միջոց կիրառելու վերաբերյալ:

12:29 - 02 փետրվարի, 2024

Կարեն Վանեցյանը երկու ամսով կալանավորվել է |factor.am|

factor.am: Ազգային անվտանգության ծառայության նախկին տնօրեն Արթուր Վանեցյանի եղբայրը՝ Կարեն Վանեցյանը, երկու ամսով կալանավորվել է։ Այս մասին տեղեկացրեց գլխավոր դատախազի խորհրդական Լուսինե Մարտիրոսյանը։ Հիշեցնենք, որ գլխավոր դատախազությունը հայտնել էր, որ Կարեն Վանեցյանը, հանդիսանալով Կիպրոսում գրանցված՝ ՀՀ ոչ ռեզիդենտ կազմակերպության իրական շահառու, նշված կազմակերպության միջոցով 2018 թ․ ձեռք է բերել և տնօրինել «Զանգեզուրի պղնձամոլիբդենային կոմբինատի» 12.5 տոկոս բաժնետոմսերը: Նշված՝ հանցավոր ճանապարհով ստացված 12.5 տոկոս բաժնետոմսերը, փաստացի պատկանել են 2013-2018 թթ․ի ընթացքում Սուրբ Աթոռում ՀՀ դեսպանի պաշտոնը զբաղեցրած Մ.Մ.-ին (Միքայել Մինասյանի-խմբ․) և գրանցված եղել «Զանգեզուր Մայնինգ» ՍՊ ընկերության անվամբ: Կ.Վ.-ի կողմից բաժնետոմսերի ձեռքբերման նպատակն է եղել թաքցնել դրանց հանցավոր ծագումը, իրական բնույթը:

21:29 - 04 նոյեմբերի, 2023

«Հայրենիք» կուսակցությունը այս պահին որոշում չունի՝ կմասնակցեն Երևանի քաղաքապետի ընտրություններին, թե ոչ |tert.am|

tert.am: «Հայրենիք» կուսակցության մամուլի խոսնակ Սոս Հակոբյանը չի հաստատում լրատվամիջոցներում շրջանառվող տեղեկությունը, համաձայն որի՝ «Հայրենիք» կուսակցությունը Երևանի քաղաքապետի ընտրություններին չի մասնակցի։ Նա Tert.am-ի հետ զրույցում հայտնեց, որ այս պահին որոշում չունեն, հետևաբար, չի կարող վերջնական որևէ բան ասել՝ կմասնակցեն Երևանի ավագանու ընտրություններին, թե՝ ոչ։ Սոս Հակոբյանն ասաց, որ որոշում լինելու դեպքում այն կհրապարակեն։ Ավելի վաղ ավագանու ընտրություններին մասնակցությունը չի բացառել «Հայրենիք» կուսակցության առաջնորդ, ԱԱԾ նախկին տնօրեն Արթուր Վանեցյանը՝ նշելով, որ դեռ կորոշեն, ընտրություններին ժամանակ կա։ Անդրադառնալով Արթուր Վանեցյանի այս հայտարարությանը, Սոս Հակոբյանը պատասխանեց․ «Այո, ասել ենք, որ չենք բացառում, որ մասնակցելու ենք ընտրությանը, բայց, երբ 100 տոկոսով որոշում լինի, կհրապարակենք»։ Նշենք, որ Երևանու ավագանու ընտրության քարոզարշավը կմեկնարկի օգոստոսի 23-ին, իսկ սեպտեմբերի 17-ին նշանակված է ընտրության օրը։ Շարունակությունը՝ սկզբնաղբյուր կայքում

15:20 - 02 օգոստոսի, 2023

Դատարանը որոշել է, որ Գագիկ Մելքոնյանը պետք է «Հ1»-ի ուղիղ եթերում հերքի, որ Վանեցյանը ռազմի դաշտից փախուստի է դիմել

Երևանի առաջին ատյանի ընդհանուր իրավասության քաղաքացիական դատարանը Գագիկ Մելքոնյանի դեմ իմ հայցադիմումի գործով կայացրել է որոշում, որի մասին ցանկանում եմ կիսվել հանրության, առաջին հերթին՝ իմ այն ընկերների հետ, ովքեր 44-օրյա պատերազմի ժամանակ կամավորագրվել էին «Հայրենիք» ջոկատին։ Այս մասին ֆեյսբուքյան իր էջում գրել է «Հայրենիք» կուսակցության նախագահ Արթուր Վանեցյանը: Նա նաեւ նշել է. «Դեռ 2021 թ. Գագիկ Մելքոնյանն Հանրային հեռուստաընկերության եթերում իմ և իմ ընկերների պատիվն ու արժանապատվությունն արատավորող մի շարք հայտարարություններ էր արել, այդ թվում՝ մեզ մեղադրել էր ռազմի դաշտից փախուստի մեջ։ Դատարանն այս կապակցությամբ որոշել է, որ Մելքոնյանը պետք է «Հ1» հեռուստաալիքով՝ ուղիղ եթերի միջոցով՝ հանդես գա հերքման տեքստով։ Դատարանի վճռով նա պարտավոր է արտաբերել կոնկրետ տեքստ՝ հայտարարելով, որ իր կողմից տարածված տեղեկությունները «սուտ են և կեղծ, չեն համապատասխանում իրականությանը, դրանք ամբողջությամբ հանդիսացել են զրպարտություն»։ Գագիկ Մելքոնյանի և նմանատիպ մյուս զրպարտիչ հայտարարություններով փորձ է արվել ստվեր գցել իմ և ընկերներիս անձնվեր գործունեության ու բարի համբավի վրա, և չափազանց կարևոր է, որ այդ փաստն այլևս արձանագրված է նաև դատարանով։ ՀԳ. Դատարանը նաև վճռել է Գագիկ Մելքոնյանից հօգուտ ինձ բռնագանձել 500 000 (հինգ հարյուր հազար) ՀՀ դրամ՝ որպես զրպարտության համար փոխհատուցման գումար։ Հասկանալի է, որ մեր խնդիրը ճմարտությունն արձանագրելն էր, այլ ոչ թե ֆինանսական փոխհատուցումը։ Ուստի ստացված գումարը կհատկացվի բարեգործական նպատակների»։

12:41 - 13 հուլիսի, 2023

Եթե ընդդիմությունը հանդես գա միասնական թեկնածուով, Ավինյանը շանս չի ունենա․ Վանեցյան |aysor.am|

aysor.am: Երևանի ավագանու ընտրությունները պետք չի դիտարկել որպես շարքային ՏԻՄ ընտրություններ։ Այդ մասին 168.am-ի հետ զրույցում հայտարարել է «Հայրենիք» կուսակցության ղեկավար Արթուր Վանեցյանը: Նա կարծիք է հայտնել, որ Երևանի ավագանու ընտրություններին ընդդիմությունը պետք է հանդես գա միասնական թեկնածուով, պետք է ուժերը կոնսոլիդացվեն։ «Այդ դեպքում իշխանությունը զրո շանս կունենա հաղթելու։ Իսկ եթե ոչ, ապա մենք պետք է շնորհավորենք ՔՊ թեկնածուին՝ կլինի Տիգրան Ավինյանը, թե մեկ այլ ուսապարկ»,- նկատել է նա։ Արթուր Վանեցյանը նշել է՝ «Հայրենիք» կուսակցությունը «վերմակն իր կողմ» քաշելու խնդիր չունի։

12:59 - 19 ապրիլի, 2023

Առաջիկայում ինձ ավելի հաճախ կտեսնեք տարբեր հարթակներում․ Արթուր Վանեցյանը՝ քաղաքական ակտիվության մասին |tert.am|

<ditert.am: v class="inner-content__left inner-content__left--770 fl"> Երբ ինձ ասում են՝ զբաղվո՞ւմ եք քաղաքականությամբ, թե ոչ, միշտ այլ կերպ եմ փորձում այդ հարցին մոտենալ. ես 20 տարեկանից սկսած ծառայում եմ իմ հայրենիքին ու շարունակում եմ ծառայել։ Այս մասին Ղարաբաղյան շարժման 35 ամյակին նիրված կոնֆերանսի ժամանակ լրագրողների հետ զրույցում ասաց «Հայրենիք» կուսակցության ղեկավար Արթուր Վանեցյանը: Խոսելով խորհրդարանում իր գործունեությունը դադարեցնելու մասին՝ Վանեցյանը ասաց․ «Ես համարում եմ, որ խորհրդարանը այլևս չի հանդիսանում այն գործիքը, որով կարող եմ էֆեկտիվ պայքարել այս իշխանություններիի դեմ ու ծառայել մեր երկրին։ Այս ընթացքում մենք զբաղվել ենք կուսակցաշինությամբ, մարդկանց հետ հանդիպումներով։ Այո, միգուցե հանրային գործունեություն չենք ծավալել, բայց դա որևէ կերպ չի խանգարում մեր հասարակական-քաղաքական գործունեությանը։ Առաջիկայում ինձ և իմ գործընկերներին ավելի հաճախ կտեսնեք տարբեր միջոցառումներին, տարբեր հարթակներում»։ Շարունակությունը՝ tert.am-ում

15:14 - 20 փետրվարի, 2023

«Պատվի՛ առեք մեր զինվորներին, որտեղ էլ որ հանդիպեք նրանց». Արթուր Վանեցյանի շնորհավորական ուղերձը

«Հայրենիք» կուսակցության նախագահ Արթուր Վանեցյանը շնորհավորել է Հայաստանի բանակի տոնը. «Մեր մեծ տոնը՝ Բանակի օրը։ Այսօր իրապես մեծ տոն է։ Մենք սա պետք է լավ գիտակցենք։ Բանակը մեր ժողովրդի ծնունդը, ստեղծագործությունն ու ամենաթանկ ձեռքբերումն է։ Բանակը մեր պետության գոյության միակ երաշխավորն է։ Բանակն ապագա ունենալու մեր միակ հույսն է։ Եվ հարկ է, որ չնայած բոլոր դժվարություններին, վերջին տարիների բոլոր աղետներին այսօր ոտքի կանգնենք և սրտանց շնորհավորենք մեր ամենանվիրյալ պաշտպաններին` Բանակի տոնի կապակցությամբ։ Բանակը մենք ենք։ Բանակը մեր եղբայրներն ու զավակներն են։ Բանակը մեր մայրերն ու քույրերն են։ Բոլորս։ Վերջին տարիներին մեր ժողովրդին փորձել են խաբել։ Ասել, որ դա այդպես չէ։ Ամեն կերպ վարկաբեկել են մեր Բանակը, դավաճանել նրան, փորձել օտարել զավակին իր մորից՝ Բանակը ժողովրդից։ Դրա հետևանքներն էլ շատ չուշացան։ Բայց մենք պարտավոր ենք նորից մեկ մարմին դառնալ։ Վերականգնվել։ Ու կրկին լինել հաղթանակած Բանակ: Հարգելի հայրենակիցներ, պատվի առեք մեր զինվորներին որտեղ էլ որ հանդիպեք նրանց։ Սիրե՛ք մեր Բանակն ավելի քան ձեր զավակներին։ Գնահատե՛ք մեր Բանակը կյանքից էլ ավել։ Ամեն մեկդ ձեր տեղում դարձեք զինվոր ու հզոր Բանակ։ Ծառայեք Հայրենքին ու պաշտպանեք այն ամեն տեսակ սպառնալիքներից։ Ու թող դարեր շարունակ Հունվարի 28-ին հնչեն մեր հաղթանակած Բանակի շեփորների հնչյունները։

13:27 - 28 հունվարի, 2023

Վանեցյանը չի բացառում մասնակցությունը Երևանի քաղաքապետի ընտրություններին |armenpress.am|

armenpress.am: «Հայրենիք» կուսակցության ղեկավար Արթուր Վանեցյանը չի բացառում, որ կմասնակցի 2023 թվականի Երևանի քաղաքապետի ընտրություններին։ Այս մասին նա ասաց նոյեմբերի 5-ին Ազատության հրապարակում կազմակերպված Միասնության հանրահավաքի ընթացքում՝ լրագրողների հետ զրույցում։ «Երևանի քաղաքապետի ընտրություններին դեռ բավական ժամանակ կա։ Ոչ բացառում եմ իմ մասնակցությունը, ոչ էլ չեմ բացառում։ Այս պահին կթողնեմ առանց մեկնաբանության։ Կարծում եմ՝ մյուս տարվա մեջ այդ հարցին կանդրադառնամ»,- ասաց Վանեցյանը։

16:29 - 05 նոյեմբերի, 2022

«Պատիվ ունեմ»-ն առաջարկել է միջխորհրդարանական հանձնաժողովներում Արթուր Վանեցյանին փոխարինել այլ ներկայացուցիչներով

Ազգային ժողովի խորհրդի նախօրեին կայացած նիստում փոփոխություններ են կատարվել Հավաքական անվտանգության պայմանագրի կազմակերպության խորհրդարանական վեհաժողովում (ՀԱՊԿ ԽՎ), միջխորհրդարանական հանձնաժողովներում ԱԺ պատվիրակությունների, ինչպես նաեւ բարեկամական խմբերի կազմերում: ԱԺ-ից հայտնում են, որ Օրակարգային հաջորդ հարցերը վերաբերում էին ԱՊՀ ՄԽՎ-ում , միջխորհրդարանական հանձնաժողովներում ԱԺ պատվիրակությունների, ինչպես նաեւ բարեկամական խմբերի կազմերի փոփոխությանը: «Պատիվ ունեմ» խմբակցությունն առաջարկում էր լիազորությունները վայր դրած պատգամավոր Արթուր Վանեցյանին փոխարինել խմբակցության այլ ներկայացուցիչներով: Քանի որ «Պատիվ ունեմ» խմբակցության անդամները չէին մասնակցում խորհրդի նիստին, որոշվել է այդ հարցերի քննարկումը հետաձգել:

09:40 - 04 հոկտեմբերի, 2022

Մեր ազգի առջև ծառացած լրջագույն սպառնալիքներին դեմ հանդիման տոնական տրամադրություն չկա, իսկ տոնը դեռ կնշենք, երբ հասնենք մեր նպատակներին․ Արթուր Վանեցյան

Հայաստանի Անկախության տոնի առթիվ գրառում է արել «Հայրենիք» կուսակցության ղեկավար, ԱԱԾ նախկին տնօրեն Արթուր Վանեցյանը։ «Սիրելի՛ հայրենակիցներ, քույրեր և եղբայրներ,Այսօր Հայաստանի Հանրապետության և մեր ազգի համար նշանակալի օր է՝ Հայաստանի Անկախության տոնն է։ Բնական է, սակայն, որ մեր պետության և ազգի առջև ծառացած լրջագույն մարտահրավերներին և սպառնալիքներին դեմ հանդիման տոնական տրամադրություն չկա և չի կարող լինել։ Այժմ մեր հիմնական մտածումը Հայրենիքի պաշտպանությունն է՝ ագրեսիա և բռնազավթում իրականացրած թշնամուց, և մեր պետական կառուցակարգերը տարերային և ոչ պրոֆեսիոնալ կառավարման հետևանքով խարխլած օրվա իշխանություններից։ Հետևաբար խոնարհվելով մեր երկրի անկախության համար մղած պայքարում իրենց կյանքը տված նահատակների սուրբ հիշատակի առջև, հենց այսօր պետք է ուխտենք, որ թշնամուն դուրս պետք է մղենք մեր Հայրենիքի տարածքից և սկսենք կառուցել մեր ու մեր նախնիների երազած հզոր և անվտանգ Հայաստանը։ Իսկ տոնը դեռ կնշենք, կնշենք, երբ հասնենք մեր վերոնշյալ նպատակներին»։

15:02 - 21 սեպտեմբերի, 2022

Արթուր Վանեցյանի գործարար հորեղբորորդին խոշոր ընկերություն է գնել Ռուսաստանում |civilnet.am|

civilnet.am: Ամերիկյան Bunge ագրոարդյունաբերական ընկերությունը Ռուսաստանում իր ակտիվները վաճառել է գործարար Կարեն Վանեցյանին՝ Հայաստանի ԱԱԾ նախկին տնօրեն, «Հայրենիք» կուսակցության ղեկավար տնօրեն Արթուր Վանեցյանի հորեղբորորդուն։ Այդ մասին հայտարարել է Bunge ընկերությունը։ Bunge-ն հիմնադրվել է երկու դար առաջ Ամստերդամում, իսկ այժմ գործունեություն է ծավալում ավելի քան 40 երկրներում։ Ընկերությունը զբաղվում է գյուղմթերքի զանգվածային արտադրությամբ, ունի սոյայի, ձեթի, մարգարինի, բրնձի, ընդեղենի, ալյուրի, մսամթերքի արտադրություն։ Բացի այդ, Bunge-ն կազմակերպում է գյուղմթերքի տրանսպորտային տեղափոխումը, ունի իր հետ համագործակցող ֆերմերների խոշոր ու կայուն շրջանակ։ 2021-ին ընկերության զուտ եկամուտը գերազանցել է 2 մլրդ դոլարը, աշխատակիցների թիվը մոտ 23 000 է։ Bunge-ին են պատկանում մի քանի տասնյակ հայտնի բրենդեր, Ռուսաստանում ընկերությունը հայտնի է իր «Օլեյնա», «Մասլենիցա», «Սեմյոնովնա», «Իդեալ», Golden drop բուսական յուղերի ու ձիթայուղերի արտադրությամբ։ Կարեն Վանեցյանը ձեռք է բերել Bunge-ի հենց ռուսաստանյան բիզնեսը։ Bunge-ն Ռուսաստան մուտք է գործել 2004-ին և անմիջապես դարձել բուսական յուղի արտադրության հսկաներից։ 2020-ի տվյալներով՝ ընկերությանն է պատկանում ռուսական բուսական յուղի շուկայի 10,3 տոկոսը։ Ընկերությունը Վորոնեժի մարզում 2008-ին շահագործման է հանձնել բուսայուղի արտադրությունը կազմակերպող հզոր գործարան, որը թույլ է տալիս տարեկան 200 միլիոն շիշ ձեթ արտադրել։ Կարեն Վանեցյանը ագրոարդյունաբերության ոլորտում ունի մեկ այլ ընկերություն՝ Exoil Group-ը, որը գործունեություն է իրականացնում Ուկրաինայում՝ դարձյալ բուսական յուղի շուկայում, զբաղվում է նաև հացահատիկի վերամշակմամբ։ Այս ընկերության բաժնետերերից ու տնօրենների խորհրդի անդամներից մեկն էլ Միխայիլ Զուրաբովն է՝ Զանգեզուրի պղնձամոլիբդենային կոմբինատի 12,5 տոկոսի բաժնետերը։ Ռուսական Bunge-ի վաճառքի մասին սկսել էր խոսվել դեռ այս տարվա հունիսի վերջին՝ Ռուսաստանի նկատմամբ արևմտյան պատժամիջոցների համատեքստում։ Bunge-ի վաճառքի գործարքի գինը չի հրապարակվում, գործարքը վերջնական ձևակերպվելու է ռուսական կարգավորող մարմինների ընթացակարգերն անցնելուց հետո։

16:41 - 20 սեպտեմբերի, 2022

Բաքվի հերթական ագրեսիան պիտի ստանա համապատասխան միջազգային արձագանք․ Արթուր Վանեցյան

«Հայրենիք» կուսակցության նախագահ Արթուր Վանեցյանը ֆեյսբուքյան գրառմամբ անդրադարձել է սահմանին տիրող իրավիճակին։ Գրառումն ամբողջությամբ ներկայացնում ենք ստորև․ «Այսօր մենք բոլորս հերթական անգամ հայտնվել ենք դժվարին իրավիճակում: Բոլորիս մտքերը սահմանին կանգնած մեր տղաների հետ են, ովքեր անձնվիրաբար իրականացնում են հայրենիքի պաշտպանության իրենց սուրբ առաքելությունը: Խոնարհումս՝ մեր ընկած զինվորների հիշատակին, համբերություն նրանց ընտանիքներին ու հարազատներին, ապաքինում բոլոր վիրավորներին: Այսօրվա իրավիճակը, ցավոք, կանխատեսելի էր: Կարո՞ղ էինք խուսափել սրանից՝ իհա՛րկե: Եվ բազմիցս ու շատ հստակ նշել ենք շարունակվող ողբերգությունը կանգնեցնելու միակ ուղին: Սրա հետ կապված ասելիք շատ կա, բայց այսօր այդ ամենի օրն ու ժամը չէ: 2020թ. 44-օրյա պատերազմի սանձազերծման և պատերազմական հանցագործությունների համար համարժեք արձագանքի չարժանացած Ադրբեջանը հերթական ագրեսիային է դիմել՝ հարձակվելով ՀՀ սուվերեն տարածքի վրա: Կեսգիշերից հայկական դիրքերի ուղղությամբ թշնամու հարձակման և հայ-ադրբեջանական սահմաններին ստեղծված լարված իրավիճակի պատճառները մի քանիսն են: Եվ, իհարկե, այդ ամենում զգալի դեր ունի միջազգային հանրության հասցեական գնահատականի բացակայությունը: Բաքվի հերթական ագրեսիան, որն այս անգամ ՄԱԿ-ի անդամ ՀՀ սուվերեն տարածքի նկատմամբ է իրականացվում, պիտի ստանա համապատասխան միջազգային արձագանք՝ • Ռուսաստանի Դաշնության կողմից, որը ՀՀ ռազմավարական դաշնակիցն է՝ 1997թ. «Բարեկամության, համագործակցության և փոխադարձ օգնության մասին» պայմանագրով առկա երկկողմ պարտավորություններով ու համապատասխան գործիքակազմով: ՌԴ-ն նաև 2020թ. նոյեմբերի 9-ի հրադադարի հայտարարության միջնորդն ու երաշխավորն է, ՄԱԿ ԱԽ մշտական անդամ, ԵԱՀԿ Մինսկի խմբի համանախագահող երկրներից մեկը և հայ-ադրբեջանական հարաբերությունների կարգավորման գործընթացում միջնորդական առաքելություն իրականացնող երկիր, • ՀԱՊԿ-ի կողմից, որի լիարժեք անդամ է Հայաստանի Հանրապետությունը և որն ունի ստեղծված իրավիճակի հանգուցալուծման հարցում հստակ պարտավորություններ՝ հաշվի առնելով, այդ թվում, ՀՀ պաշտոնական դիմումը, • ԵԱՀԿ-ի կողմից՝ որպես Եվրոպայում անվտանգության և համագործակցության հարցերով մասնագիտակցված կառույցի, որի ներքո է ձևավորվել նաև արցախյան կարգավորման գործընթացում 1992թ. միջնորդական հիմնական ձևաչափ հանդիսացող մարմինը՝ ԵԱՀԿ ՄԽ համանախագահությունը, • ՄԱԿ-ի կողմից՝ որպես միջազգային իրավակարգի պահպանման պատասխանատու կառույցի: Կարևոր է գիտակցել, որ այսօր ստեղծված իրավիճակում վերոնշյալ պետությունների ու կառույցների, նաև միջազգային հանրության մյուս անդամների արձագանքի բացակայությունը, հապաղումը, հասցեական կամ հստակ չլինելը, անկախ դրանց պատճառներից, մեծացնելու է ամենաթողության մթնոլորտը Բաքվում՝ հնարավորություն տալով նոր սադրանքների ու ապօրինությունների: Հետևաբար, այսօրվա լռության պարագայում վաղվա Ադրբեջանի կեցվածքի ու քայլերի պատասխանատուն են դառնալու նաև վերոնշյալ դերակատարները»,- գրել է նա։

18:14 - 13 սեպտեմբերի, 2022

«Պատրաստ եմ և պարտավորված ամեն ինչ անել Շիրակի մարզի խնդիրները բարձրաձայնելու և լուծումներին հետևողական լինելու համար». Մարտուն Գրիգորյանը կվերցնի պատգամավորական մանդատը

Մանդատը վայր դրած Արթուր Վանեցյանի փոխարեն պատգամավորական մանդատը կվերցնի ՀՀ ԱԺ նախկին պատգամավոր Մարտուն Գրիգորյանը։ Այս մասին նա գրել է իր ֆեյսբուքյան էջում։ «Հարգելի գյումրեցիներ, շիրակցիներ, հայրենակիցներ, վերջին օրերին լրատվամիջոցներով տեղեկացրել եմ, որ վերցնելու եմ ԱԺ պատգամավորի մանդատը։ Բոլորս հասկանում ենք, որ երկրում առկա ներքաղաքական և հատկապես արտաքին քաղաքական օրակարգում` ծանր ու դժվարին այս ժամանակահատվածում, հեշտ որոշում չէր ստանձնել այսպիսի պատասխանատվություն։ Անկախ դժվարություններից ու խոչընդոտներից, որպես Շիրակի մարզից, Գյումրուց ընտրված ընդդիմադիր պատգամավոր պատրաստ եմ և պարտավորված ամեն ինչ անել մարզի խնդիրները բարձրաձայնելու և լուծումներին հետեւողական լինելու համար։ Հընթացս կտեղեկացնեմ Ձեզ պատգամավորական աշխատանքիս ծավալի ու զարգացման մասին։ Շնորհակալ եմ», - գրել է նա։

10:19 - 05 հուլիսի, 2022

Շուտ է այդ հարցին պատասխանել. Մարտուն Գրիգորյանը՝ ԱԺ պատգամավորի մանդատը վերցնելու մասին |factor.am|

factor.am: Գյումրեցի նախկին պատգամավոր, ԲՀԿ Շիրակի մարզային կառույցի նախկին պատասխանատու Մարտուն Գրիգորյանը դեռ վաղ է համարում պատասխանելը հարցին՝ արդյո՞ք կվերցնի պատգամավորական մանդատը, թե ոչ։ «Շուտ է այդ հարցին պատասխանելը»,- մեզ հետ զրույցում ասաց Մարտուն Գրիգորյանը։ Հիշեցնենք՝ ԱԺ «Պատիվ Ունեմ» խմբակցության ղեկավար Արթուր Վանեցյանը այսօր հրաժարականի դիմում է ներկայացրել Ազգային ժողովի նախագահին։

16:56 - 21 հունիսի, 2022

Արթուր Վանեցյանը մանդատը վայր է դնում

«Հայրենիք» կուսակցության մամուլի խոսնակ Սոս Հակոբյանը տարածել է Արթուր Վանեցյանի հայտարարությունը, որում նշվում է, որ Վանեցյանը մանդատը վայր դնելու դիմում է ներկայացրել։ Հայտարարությունը՝ ստորև․ «Սիրելի՛ հայրենակիցներ, Այսօր օրենքով սահմանված կարգով դիմում եմ ներկայացրել պատգամավորական մանդատս վայր դնելու վերաբերյալ։ Ձեզանից շատերի համար իմ այս որոշումն անակնկալ չէ․ ես մի քանի անգամ հրապարակայնորեն հայտարարել եմ, որ ինձ այլևս չեմ տեսնում այս խորհրդարանում։ Պատճառն ակներև է՝ ՀՀ քաղաքացին մեզ քվե էր տվել այս իշխանությունների կործանարար գործունեությունը կասեցնելու և երկիրն աղետից դուրս բերելու համար։ Սակայն այս խորհրդարանը, իմ կարծիքով, դադարել է լինել նպատակին հասնելու արդյունավետ հարթակ։ «Հայրենիք» կուսակցության Խորհուրդը որոշում է կայացրել շարունակել գործունեությունը խորհրդարանից դուրս։ Կուսակցության որոշմամբ դե յուրե և դե ֆակտո դադարում է գոյություն ունենալ ՀՀԿ-ի հետ մեր ձևավորած «Պատիվ ունեմ» դաշինքը, որի շրջանակներում մեր գործընկերների հետ համեմատաբար կարճ, բայց հագեցած ճանապարհ ենք անցել ու, վստահ եմ, դեռ անցնելու ենք՝ հանուն երկրի փրկության, իսկ ապագայում նաև՝ մեր պետականության առողջացման և ուժեղացման։ Շնորհակալություն եմ հայտնում «Պատիվ ունեմ» և «Հայաստան» խմբակցությունների մեր գործընկերներին ՝ միասին անցած ճանապարհի ու համատեղ աշխատանքի համար։ Ուզում եմ վստահեցնել, որ իմ՝ մանդատը վայր դնելու և «Հայրենիք» կուսակցության՝ խորհրդարանից դուրս պայքարը շարունակելու որոշումները բացառապես մեր ընտրությունն են և որևէ կերպ չեն կարող կաշկանդող կամ ուղղորդող գործոն հանդիսանալ «Պատիվ ունեմ» խմբակցության մեր գործընկերների, այդ թվում՝ «Հայրենիք» կուսակցության առաջադրմամբ Ազգային ժողով անցած մեր անկուսակցական ընկերների համար․ այս հարցում յուրաքանչյուրն իր գիտակցված, հիմնավորված ընտրությունը պիտի անի։ Հարգելի՛ հայրենակիցներ, 2021-ի արտահերթ ընտրություններին մասնակցելու և արդյունքում պատգամավորական մանդատ վերցնելու շարժառիթները շատ հստակ էին։ Ես մշտապես հայտարարել եմ, որ մենք ամեն ջանք գործադրելու ենք՝ մեր երկրին համերաշխություն բերելու, անվտանգ Հայաստան և Արցախ ունենալու և մեր քաղաքացիների կյանքի որակն էապես բարձրացնելու համար։ Անշուշտ, այդ ամենին, ինչպես նաև իմ՝ պատգամավորական գործունեության այս տասնմեկ ամիսների գործունեությանը անդրադառնալու ժամանակ դեռ կունենանք։ Պատգամավորական մանդատն ինձ համար երբեք ինքնանպատակ չի եղել, այն ընդամենը գործիք էր մեր երկրին ու պետականությանը ծառայելու համար: Գործիք, որն այսօր այլևս ինձ համար կիրառելի չէ։ Մենք այսօր կանգնած ենք հայրենազրկման շեմին և սխալվելու իրավունք այլևս չունենք։ Պայքարն այլընտրանք չունի, և ինչպես բազմիցս նշել եմ՝ այսօր հանուն հայ ժողովրդի, Հայաստանի և Արցախի պայքարում կուսակցական դրոշներ, բաժանարար գծեր ու կարգավիճակներ չկան։ Սա մեր համազգային պայքարն է, և մենք՝ «Հայրենիք» կուսակցության անդամներս, շարունակելու ենք այն մեր ժողովրդի հետ միասին»։

13:25 - 21 հունիսի, 2022

Վանեցյանն առնվազն ինձ պայքարից դուրս գալու մասին որևէ բան չի ասել. Սաղաթելյան |armenpress.am|

armenpress.am: ՀՅԴ Հայաստանի գերագույն մարմնի ներկայացուցիչ, ԱԺ փոխնախագահ Իշխան Սաղաթելյանն անդրադարձել է հարցին, թե ինչու «Հայրենիք» կուսակցության նախագահ, «Պատիվ ունեմ» խմբակցության ղեկավար Արթուր Վանեցյանը Ֆրանսիայի հրապարակում վրանները հանելուց դեռ մի քանի օր առաջվանից չկար այնտեղ՝ «Դիմադրություն» շարժման առաջին շարքերում: Սաղաթելյանը հրավիրված ասուլիսում նախ հիշեցրեց, որ Վանեցյանը ապրիլից դեռ հայտարարել է փողոցային պայքարի իր նպատակների մասին: «Հայտարարելուց առաջ, իր պայքարի ընթացքում և մինչև երեկ եղել ենք շատ ակտիվ կապի մեջ, մշտապես քննարկել ենք այն որոշումները, որ հայտարարվել են այդ հրապարակում: Արթուր Վանեցյանը եղել է այս շարժման կարևոր մասնակիցներից մեկը՝ իր կուսակցությունով: Եվ այս պայքարը միասին բերել, հասցրել ենք այստեղ: Իր հետագա որոշումների մասին պետք է հայտնի Արթուր Վանեցյանը: Առնվազն ինձ պայքարից դուրս գալու, հետ կանգնելու, այլ գործունեության մասին որևէ բան դեռ չի ասել»,- ասաց Սաղաթելյանը: Նրա խոսքով՝ Վանեցյանի հետ բազմաթիվ հարցերի մասին բազմաթիվ անգամ խոսել են, քննարկել, և ինքը մեծապես կարևորում ու արժևորում է այն ճանապարհը, որ միասին անցել են: «Իսկ թե սրանից հետո ինչ կլինի, պետք է ասի Արթուր Վանեցյանը, առնվազն ինձ այլ բան չի ասել»,- նշեց նա: Հետևե՛ք մեզ նաև Telegram-ում

15:01 - 16 հունիսի, 2022