Ջեյհուն Բայրամով

2020 թվականի հուլիսից՝ Ադրբեջանի արտագին գործերի նախարար։

Ջեյհուն Բայրամովը ծնվել է 1973 թվականին Բաքվում: Ավարտել է Ադրբեջանի պետական տնտեսական ինստիտուտի տնտեսագիտության ֆակուլտետը: Հետագայում նա ավարտել է Ադրբեջանի համալսարանի իրավագիտության ֆակուլտետը:

1996-2000 թվականներին աշխատել է Ադրբեջանի ֆինանսների նախարարությունում՝ տարբեր պաշտոններում։ 2018-2020 թվականներին եղել է Ադրբեջանի կրթության նախարարը։

Մոսկվան պատրաստակամություն է հայտնել նպաստելու ՀՀ-Ադրբեջան խաղաղության պայմանագրի կնքմանը. ՌԴ ԱԳՆ-ն՝ Լավրով-Բայրամով հանդիպման մասին |tert.am|

tert.am: Ապրիլի 12-ին Անթալիայի դիվանագիտական ֆորումի շրջանակում կայացել ՌԴ ԱԳ նախարար Լավրովի և Ադրբեջանի արտգործնախարար Բայրամովի հանդպումը։ Այս մասին հայտնում են ՌԴ ԱԳՆ-ից։ Նախարարները մտքեր են փոխանակել միջազգային և տարածաշրջանային օրակարգի արդի հարցերի շուրջ։ Նշվել է 3+3 Տարածաշրջանային համագործակցության պլատֆորմի շրջանակներում փոխգործակցության շարունակականության, ինչպես նաև Կասպյան հնգյակի աշխատանքի ակտիվացման կարևորությունը։ Ռուսական կողմը հաստատել է իր պատրաստակամությունը՝ նպաստելու ադրբեջանա-հայկական հարաբերությունների կարգավորման գործընթացին և խաղաղության պայմանագրի կնքմանը։ Ընդգծվել է 2020-2022 թվականներին Ռուսաստանի, Ադրբեջանի և Հայաստանի ղեկավարների միջև եռակողմ համաձայնագրերի ողջ շրջանակի իրականացման անհրաժեշտությունը։

16:34 - 12 ապրիլի, 2025

ՀՀ Սահմանադրության մեջ ոչինչ չկա այն մասին, որ Ղարաբաղը Հայաստանի մաս է․ Միրզոյանը՝ Բայրամովին |tert.am|

tert.am: ՀՀ Սահմանադրության մեջ ոչինչ չկա այն մասին, որ Ղարաբաղը Հայաստանի մաս է, այս մասին «Հարավային Կովկասում տարածաշրջանային համագործակցության մարտահրավերներն ու հնարավորությունները» խորագրով պանելային քննարկման ընթացքում ասել է Արարատ Միրզոյանը։ «Ընդհակառակը, մենք մեր մտահոգություններն ունենք Ադրբեջանի Սահմանադրության հետ կապված, բայց անընդհատ չենք բարձրացնում այդ հարցը, որովհետև համաձայնագրի տեքստում ունենք կոնկրետ դրույթ, որում ասվում է, որ կողմերից ոչ մեկը չի կարող վկայակոչել իր ներքին օրենսդրությունը ՝ սույն համաձայնագիրը չկատարելն արդարացնելու համար»,- նշել է նա։ Ադրբեջանի ԱԳ նախարար Ջեյհուն Բայրամովը իր հերթին նշել էր, որ ԵԱՀԿ Մինսկի խմբի լուծարման և Հայաստանի Սահմանադրության փոփոխությունների վերացումը իրական հնարավորություն է բացում խաղաղության համաձայնագրի ստորագրման համար։

14:19 - 12 ապրիլի, 2025

Անթալիայում մեկնարկել է Միրզոյան-Բայրամով երկկողմ հանդիպումը |armenpress.am|

armenpress.am: Անթալիայում մեկնարկել է Հայաստանի արտաքին գործերի նախարար Արարատ Միրզոյանի և Ադրբեջանի արտաքին գործերի նախարար Ջեյհուն Բայրամովի երկկողմ հանդիպումը: Ինչպես հաղորդում է «Արմենպրես» լրատվամիջոցը, այս մասին հայտնել էՀՀ ԱԳ նախարարության մամուլի քարտուղար Անի Բադալյանը: Նշենք, որ Արարատ Միրզոյանը մասնակցում է Անթալիայի դիվանագիտական ֆորումին Աշխատանքային այցի շրջանակներում ծրագրված են նաև երկկողմ հանդիպումներ, ՀՀ ԱԳ նախարարի մասնակցությունը «Հարավային Կովկասում տարածաշրջանային համագործակցության մարտահրավերներ և հնարավորություններ» պանելային քննարկմանը՝ Ադրբեջանի և Վրաստանի ԱԳ նախարարների հետ։

13:08 - 12 ապրիլի, 2025

Բայրամովը կրկին ականների ու ՀՀ Սահմանադրության հարցն է բարձրացրել |azatutyun.am|

azatutyun.am: Ադրբեջանի արտգործնախարար Ջեյհուն Բայրամովն Աբու Դաբիյում նախօրեին հանդիպել է իր գործընկեր Աբդուլլահ բին Զայեդ Ալ Նահիանի հետ, քննարկել համագործակցությունը, մասնավորապես, քաղաքական, տնտեսական, առևտրային, էներգետիկ և հումանիտար ոլորտներում։ Ըստ ադրբեջանական Azertac-ի՝ Բայրամովը Արաբական Միացյալ Էմիրությունների արտգործնախարարին է ներկայացրել «տարածաշրջանում վերականգնողական աշխատանքները», խոսել «խաղաղության պայմանագրից ու առկա մարտահրավերներից»։ Ադրբեջանի արտգործնախարարը կրկին ընդգծել է «ականների սպառնալիքներն» ու «Ադրբեջանի նկատմամբ տարածքային պահանջները», որոնք, ինչպես Բայրամովն է ասել, «առկա են Հայաստանի Սահմանադրության մեջ և մի շարք օրենսդրական ակտերում։ Ադրբեջանական կողմի փոխացմամբ, ընդգծվել է Արաբական Միացյալ Էմիրությունների աջակցության կարևորությունն «ականազերծման, ինչպես նաև Ադրբեջանի օկուպացիայից ազատագրված տարածքների վերականգնման հարցում»։ Պաշտոնական Բաքուն և Երևանը մարտի 13-ին հայտարարեցին խաղաղության համաձայնագրի վրա աշխատանքներն ավարտելու մասին։ Երևանը համաձայնագիրը ստորագրելու պատրաստակամություն է հայտնում, Բաքուն՝ պայմաններ առաջ քաշում՝ «Ադրբեջանի նկատմամբ տարածքային նկրտումներ պարունակող» Հայաստանի Սահմանադրության փոփոխություն, Ղարաբաղյան հարցով տարիներ շարունակ զբաղված ԵԱՀԿ Մինսկի խմբի լուծարում, հրադադարը խախտելու մեղադրանքներ, վերջին օրերին էլ ականների հարցն է բարձրացնում՝ պահանջելով միջազգային հանրությունից պատասխանատվության ենթարկել Հայաստանին՝ «տարածքներն ականներով պատելու ու ականազերծման աշխատանքները միտումնավոր խոչընդոտելու համար»։ Երևանը Սահմանդրությունը փոփոխելու պահանջն իր ներքին գործերին միջամտելու փորձ է որակում, ԵԱՀՄ Մինսկի խմբի լուծարումն, ասում է, հնարավոր է միայն խաղաղության պայմանագրի ստորագրումից հետո, հերքում է հրադադարի խախտումների բոլոր մեղադրանքները, իսկ ականապատ դաշտերի ավելի լավ որակի քարտեզներ, ըստ Երևանի, պարզապես չկան՝ Հայաստանն «ինչ քարտեզ ու տեղեկություն ունեցել է, արդեն փոխանցել է Բաքվին»։

13:56 - 08 ապրիլի, 2025

Բայրամովը կրկին խաղաղության պայմանագրի կնքման պայմաններն է հնչեցրել՝ ՀՀ Սահմանադրության փոփոխություն, ԵԱՀԿ Մինսկի խմբի լուծարում |factor.am|

factor.am: Ադրբեջանի արտաքին գործերի նախարար Ջեյհուն Բայրամովը և Մեծ Բրիտանիայի արտաքին գործերի, համագործակցության և զարգացման հարցերով պետքարտուղար Դեյվիդ Լամմին հեռախոսազրույց են ունեցել, որի ընթացքում քննարկել են երկու երկրների համագործակցության հարցեր, տարածաշրջանային ներկա իրավիճակը, ինչպես նաև Ադրբեջանի և Հայաստանի միջև խաղաղության գործընթացի վիճակը։ Ադրբեջանական կողմի հաղորդմամբ՝ տեղեկացնելով տարածաշրջանում տիրող իրավիճակի և խաղաղության գործընթացի մասին՝ Բայրամովը հայտարարել է, որ չնայած խաղաղության համաձայնագրի տեքստի շուրջ բանակցությունների ավարտին՝ այն ստորագրելու համար անհրաժեշտ է Հայաստանի Սահմանադրության մեջ համապատասխան փոփոխություն կատարել՝ իբր, «Ադրբեջանի նկատմամբ տարածքային պահանջները վերացնելու համար»։ Նաև ընդգծվել է ԵԱՀԿ Մինսկի խմբի և այլ համապատասխան կառույցների վերացման անհրաժեշտությունը։ Նախարարները մտքեր են փոխանակել փոխադարձ հետաքրքրություն ներկայացնող այլ հարցերի շուրջ։

18:28 - 19 մարտի, 2025

Բայրամովը հայտարարում է, թե խաղաղության պայմանագրի տեքստի շուրջ բանակցային գործընթացն ավարտված է

«Խաղաղության պայմանագրի տեքստի շուրջ բանակցային գործընթացն ավարտված է»։ Ինչպես հայտնում են ադրբեջանական լրատվամիջոցներ այս մասին լրագրողների հետ զրույցում ասել է Ադրբեջանի ԱԳ նախարար Ջեյհուն Բայրամովը։ Նախարարը նշել է, որ «Հայաստանը ընդունել է ադրբեջանական կողմի առաջարկները մնացած երկու կետերի վերաբերյալ»։ «Տեքստի վրա աշխատանքն ավարտված է։ Հաջորդ փուլում Հայաստանի Սահմանադրությամբ պետք է վերացվեն տարածքային պահանջները Ադրբեջանի նկատմամբ։ Բացի այդ, Մինսկի խումբն ու նրա մնացորդները պետք է լուծարվեն»,- ասել է նա։ Հիշեցնենք, որ խաղաղության պայմանագրի շրջանականերում կողմերը չէին համաձայնեցրել միմյանց նկատմամբ միջազգային հայցերը հետ կանչելու և սահմանին երրորդ երկրների ներկայացուցիչներ չտեղակայելու կետերը։ Բացի այդ, Ադրբեջանը պահանջում է փոխել Հայաստանի Մայր օրենքը՝ խնդրահարույց համարելով նախաբանում հղումը Անկախության հռչակագրին, որում Արցախի ու Հայաստանի միավորման մասին հիշատակում կա։ Երեկ՝ մարտի 12-ին, Արարատ Միրզոյանը պատասխանելով հարցին, թե հայկական կողմը համաձա՞յն է հրաժարվել միջազգային հայցերից նախքան խաղաղության պայմանագրի ստորագրումը, ասել էր․ - «Մի շարք հարցեր քննարկվում են խաղաղության պայմանագրի տեքստի շրջանակներում, և հետևաբար, եթե համաձայնեցվում են, կարող են և պարտադիր պետք է կիրառվեն՝ պայմանագրի ստորագրումից և ուժի մեջ մտնելուց հետո։ Այո՛, մենք քննարկում ենք նաև Հայաստան-Ադրբեջան միջպետական սահմանին երրորդ կողմերի ուժերի բացառումը, միմյանց նկատմամբ միջազգային իրավական հարթակներում վեճերից, հայցերից, գանգատներից հրաժարումը և եթե համաձայնեցվի, ստորագրվի և մտնի ուժի մեջ, այս կետերը, ինչպես և մնացած բոլոր կետերը ենթակա են պարտադիր կատարման»։

15:47 - 13 մարտի, 2025

Ադրբեջանը մեր հուսալի ռազմավարական գործընկերն ու դաշնակիցն է. Տոկաև

Ադրբեջանի արտաքին գործերի նախարար Ջեյհուն Բայրամովին Աստանայում ընդունել է Ղազախստանի նախագահ Կասիմ-Ժոմարտ Տոկաևը: Վերջինս նշել է, որ Բաքվի հետ հարաբերությունները Աստանայի համար կարևոր նշանակություն ունեն։ Տոկաևի խոսքով՝ Ղազախստանն Ադրբեջանը դիտարկում է որպես հուսալի ռազմավարական գործընկեր և դաշնակից: Բայրամովն էլ ընդգծել է երկկողմ հարաբերությունների դինամիկ զարգացումը: Նա շնորհակալություն է հայտնել ղազախական կողմին Ակտաուում Ադրբեջանական ավիաուղիների ինքնաթիռի կործանման հետ կապված օպերատիվ աջակցության համար: Հանդիպման ընթացքում քննարկվել են խոշոր ռազմավարական նախագծերի իրականացման հարցեր: Քննարկվել են նաև առևտրի, ներդրումների, թվայնացման, տարանցման և տրանսպորտի ոլորտներում հետագա փոխգործակցության հեռանկարները:

18:30 - 11 մարտի, 2025

Բայրամովը կրկին որպես խաղաղության խոչընդոտ նշել է «ՀՀ Սահմանադրությունն ու ռազմականացումը» |factor.am|

factor.am: Ադրբեջանի ԱԳ նախարար Ջեյհուն Բայրամովը հայտարարել է, թե Հայաստանը, իբր, «դեռևս տարածքային պահանջներ ունի Ադրբեջանի նկատմամբ, երկրում կան ռևանշիստական տրամադրություններ, այս ամենը շարունակում է խոչընդոտ հանդիսանալ Բաքվի և Երևանի միջև տևական խաղաղության հաստատմանը»։ Այս մասին նա հայտարարել է Աստանայում իր ղազախ գործընկեր Մուրատ Նուրթլեուի հետ համատեղ մամուլի ասուլիսում։ Նա շնորհակալություն է հայտնել Ղազախստանին անցյալ տարվա մայիսին հայ-ադրբեջանական հարաբերությունների կարգավորման բանակցությունների հարթակ տրամադրելու համար։ Ըստ Բայրամովի՝ այդ քայլը ցույց է տալիս, որ Ղազախստանը մեծ նշանակություն է տալիս Բաքու-Երևան խաղաղության գործընթացին։ «Ադրբեջանի և Հայաստանի միջև միջպետական հարաբերությունների կարգավորման և խաղաղության պայմանագրի ստորագրման գործընթացը բավականին մեծ ճանապարհ է անցել։ Չնայած դրան, տևական խաղաղության ճանապարհին բազմաթիվ խոչընդոտներ են մնում։ Հիմնականը Հայաստանի Սահմանադրության մեջ պահպանվող տարածքային պահանջներն են Ադրբեջանի նկատմամբ, այդ երկրի արագ ռազմականացումն ու ռևանշիստական տրամադրությունների աճը»,- ասել է Ադրբեջանի ԱԳ նախարարը։

11:45 - 11 մարտի, 2025

Բայրամովը մեկնել է Գերմանիա |tert.am|

tert.am: Ադրբեջանի ԱԳ նախարար Ջեյհուն Բայրամովը այցով մեկնել է Գերմանիա: Այցի շրջանակում նախատեսվում է Բայրամովի մասնակցությունը Մյունխենի անվտանգության 61-րդ համաժողովին, ինչպես նաև հանդիպումներ պետական բարձրաստիճան պաշտոնյաների հետ։ Փետրվարի 14-16-ը Գերմանիայում կանցկացվի Մյունխենի անվտանգության 61-րդ միջազգային համաժողովը, որին կմասնակցեն երկրների և կառավարությունների ավելի քան 60 ղեկավարներ։

12:15 - 13 փետրվարի, 2025

Ջեյհուն Բայրամովն աշխատանքային այցով մեկնել է Թուրքիա |azatutyun.am|

azatutyun.am: Ադրբեջանի արտաքին գործերի նախարար Ջեյհուն Բայրամովն աշխատանքային այցով մեկնել է Անկարա՝ մասնակցելու Ադրբեջանի, Թուրքիայի և Ուզբեկստանի արտաքին գործերի, էկոնոմիկայի/առևտրի և տրանսպորտի նախարարների երկրորդ եռակողմ հանդիպմանը։ Ինչպես հաղորդում է APA-ն, այցի շրջանակներում Բայրամովը ելույթ կունենա եռակողմ հանդիպմանը, ինչպես նաև նախատեսվում են մի շարք բարձր մակարդակի երկկողմ հանդիպումներ։

09:29 - 29 հունվարի, 2025

Ջեյհուն Բայրամովը կրկին ասել է, որ Հայաստանի Սահմանադրության մեջ շարունակվող տարածքային պահանջները խաղաղության գործընթացի հիմնական խոչընդոտն են |factor.am|

factor.am: Ադրբեջանի ԱԳ նախարար Ջեյհուն Բայրամովը Մեծ Բրիտանիայի արտաքին, համագործակցության և զարգացման հարցերով պետքարտուղար Դեյվիդ Լամմիի հետ հեռախոսազրույցում քննարկել է երկու երկրների միջև համագործակցության օրակարգի հեռանկարները, ինչպես նաև տարածաշրջանային ներկա իրավիճակը, հարաբերությունների կարգավորման իրավիճակը և Ադրբեջանի ու Հայաստանի միջև խաղաղության գործընթացը, հայտնում են ադրբեջանական լրատվամիջոցները։ Բրիտանացի նախարարը ևս մեկ անգամ ցավակցություն է հայտնել դեկտեմբերի 25-ին Բաքվից Գրոզնի թռչող ադրբեջանական ինքնաթիռի կործանման կապակցությամբ։ Նա ասել է, որ Մեծ Բրիտանիան պատրաստ է աջակցություն ցուցաբերել ողբերգության պատճառների հետաքննության հարցում։ «Ադրբեջանի ԱԳ նախարարն իր հերթին տեղեկատվություն է տրամադրել տարածաշրջանում առկա իրավիճակի և խաղաղ գործընթացի մասին՝ նշելով, որ չնայած խաղաղության համաձայնագրի և սահմանազատման հարցում զգալի առաջընթացին, Հայաստանի Սահմանադրության մեջ շարունակվող տարածքային պահանջները գործընթացի հիմնական խոչընդոտն են»,-ասվում է Ադրբեջանի ԱԳՆ-ի հաղորդագրության մեջ։

19:12 - 22 հունվարի, 2025

Խաղաղության պայմանագրի երկու հոդվածների շուրջ լիարժեք համաձայնություն ձեռք չի բերվել․ Բայրամով

Ադրբեջանի ԱԳ նախարար Ջեյհուն Բայրամովը հայտարարել է, որ խաղաղության պայմանագրի երկու հոդվածների շուրջ լիարժեք համաձայնություն ձեռք չի բերվել, և բանակցությունները շարունակվում են։ Ադրբեջանի արտգործնախարարի խոսքով՝ Հայաստանի արտաքին գործերի նախարար Արարատ Միրզոյանի հետ հաջորդ հանդիպման վայրի ու ժամի վերաբերյալ դեռ պայմանավորվածություն չկա։ Բայրամովը կրկին խոսել է ՀՀ Սահմանադրության մասին՝ նշելով․ «Հայաստանի սահմանադրությամբ և իրավական փաստաթղթերում դեռևս կան պահանջներ ադրբեջանական հողերի նկատմամբ։ Սրանք պետք է վերացվեն»։

15:36 - 20 հունվարի, 2025

Բայրամովը ԱՄՆ դեմոկրատ ադմինիստրացիային մեղադրել է կողմնակալության մեջ Հայաստանին աջակցելու առումով

Ադրբեջանի արտաքին գործերի նախարար Ջեյհուն Բայրամովը անդրադարձել է ՀՀ-ի և ԱՄՆ-ի միջև ռազմավարական գործընկերության մասին փաստաթղթի ստորագրմանը: Նա լրագրողների հետ զրույցում հայտնել է, որ չի ցանկանում մեկնաբանել երկու երկրների միջև հարաբերությունները՝ միաժամանակ նշելով. «Բայց 2024 թվականին մենք ականատես եղանք միակողմանի մոտեցման․ տեսել ենք Հայաստանին միակողմանի աջակցության փաստեր, հատկապես ԱՄՆ դեմոկրատական վարչակազմի, բայց նաև որոշ եվրոպական մայրաքաղաքների կողմից։ Անցյալ տարվա ապրիլին պաշտոնական հանդիպում կայացավ ԱՄՆ պետքարտուղարի, Եվրոպական հանձնաժողովի նախագահի և Հայաստանի վարչապետի միջև։ Անընդունելի է իրենց միջնորդ անվանողների միակողմանի մոտեցումը, հատկապես հայ-ադրբեջանական հարաբերությունների կարգավորման գործընթացի ինտենսիվ փուլում»:

15:13 - 20 հունվարի, 2025

Ֆիդանն ու Բայրամովը քննարկել են Հայաստանի ու Ադրբեջանի միջև խաղաղության գործընթացը |1lurer.am|

1lurer.am: Թուրքիայի արտգործնախարար Հաքան Ֆիդանին ընդունել է Ադրբեջանի արտգործնախարար Ջեյհուն Բայրամովը: Նշվում է, որ դիվանագետները, ի թիվս այլնի, հատուկ ուշադրություն են դարձրել Հայաստան-Ադրբեջան կարգավորման գործընթացին, խաղաղության բանակցություններում առկա խնդիրներին։ Քննարկվել է Հայաստանի և Ադրբեջանի միջև սահմանազատման գործընթացը: Ըստ ադրբեջանական ԶԼՄ-ների՝ Բայրամովը Ֆիդանին տեղեկացրել է այդ ուղղությամբ հետագա անելիքների մասին: Հաքան Ֆիդանը կարևոր քայլ է որակել սահմանազատման հարցում Հայաստանի և Ադրբեջանի միջև ձեռք բերված համաձայնությունը: «Հարավային Կովկասում խաղաղության հաստատումը բխում է բոլոր կողմերի շահերից»,- ասել է թուրք դիվանագետը։ Միևնույն ժամանակ նա նշել է, թե Անկարան հասկանում է Բաքվի մտահոգությունները: Անդրադարձ է եղել նաև տնտեսության, հաղորդակցությունների ոլորտներում Թուրքիայի և Ադրբեջանի հարաբերությունների զարգացմանը: Բայրամովը հայտնել է, որ ներկայումս աշխատանքներ են տարվում դեպի Թուրքիա և Եվրոպա ադրբեջանական գազի արտահանման ծավալներն ավելացնելու ուղղությամբ։

15:24 - 18 հունվարի, 2025

Վրաստանի և Ադրբեջանի միջև ռազմավարական գործընկերությունն օրինակելի է. Բոճորիշվիլի |1lurer.am|

1lurer.am: Պաշտոնական այցով Ադրբեջանում գտնվող Վրաստանի արտաքին գործերի նախարար Մակա Բոճորիշվիլին Ջեյհուն Բայրամովի հետ հանդիպումից հետո հայտարարել է, որ երկրների միջև ռազմավարական գործընկերությունն օրինակելի է, և հարաբերություններն է՛լ ավելի արագ տեմպերով կզարգանան: «Ցավոք, Վրաստանի երկու տարածաշրջանները շարունակում են օկուպացված լինել Ռուսաստանի կողմից, ինչը զգալիորեն մեծացնում է մեր անվտանգության մարտահրավերները։ Ավելին, լայն տարածաշրջանում տեղի ունեցող իրադարձությունները լրացուցիչ անվտանգության ռիսկեր են պարունակում։ Այնուամենայնիվ, Վրաստանի և Ադրբեջանի միջև հարաբերություններն առանձնանում են միմյանց ինքնիշխանության և տարածքային ամբողջականության փոխադարձ հարգանքով, ինչը կազմում է մեր գործընկերության հիմքը»,- ասել է Վրաստանի արտգործնախարարը։ Բոճորիշվիլին նաև ընդգծել է Հարավային Կովկասում խաղաղության հաստատման և Ադրբեջանի ու Թուրքիայի հետ եռակողմ ձևաչափով առավել սերտ համագործակցության կարևորությունը: Այսօր նաև Վրաստանի վարչապետ Իրակլի Կոբախիձեն է ժամանել Ադրբեջան: Այցի շրջանակում Բաքվում տեղի կունենա Վրաստանի և Ադրբեջանի վարչապետների գլխավորությամբ Վրաստան-Ադրբեջան տնտեսական համագործակցության միջկառավարական հանձնաժողովի նիստը:

12:05 - 17 հունվարի, 2025

Բայրամովը հայտարարել է, որ «ժամանակն է ամբողջությամբ դադարեցնել USAID-ի գործունեությունն Ադրբեջանում» |armenpress.am|

armenpress.am: Ադրբեջանի արտաքին գործերի նախարար Ջեյհուն Բայրամովը հայտարարել է, որ Ադրբեջանում ԱՄՆ ՄԶԳ (USAID) գործունեության շարունակման անհրաժեշտություն այլևս չկա։ «Արմենպրես»-ի հաղորդմամբ՝ այս մասին նա նշել է վրացի գործընկեր Մակա Բոչորիշվիլիի հետ համատեղ մամուլի ասուլիսի ժամանակ։ Նա նշել է, որ Ադրբեջանի կողմից 2023 թվականի սեպտեմբերին Լեռնային Ղարաբաղում իրականացված ռազմական գործողություններից հետո ԱՄՆ-ը ձեռնարկել է «միջազգային իրավունքի հետ անհամատեղելի քայլեր», իսկ 907-րդ ուղղման կասեցումը, որը նախկինում երկար տարիներ գործել էր, այս անգամ չեղարկվել է։ Նախարարը հիշեցրել է, որ ԱՄՆ ՄԶԳ գործունեությունը Ադրբեջանում իրականացվում էր 2000 թվականից գործող շրջանակային փաստաթղթի հիման վրա։ Սակայն, ըստ Բայրամովի, վերլուծությունը ցույց է տվել, որ այդ գործունեությունը չի ծառայել Ադրբեջանի շահերին, այլ ավելի շուտ իրականացրել է ԱՄՆ օրակարգը։ «Այս տարվա ընթացքում մենք բազմիցս տեղեկացրել ենք ԱՄՆ-ին, որ պայմանագրի երկարաձգումը պետք է քննարկվի նոր պայմաններով։ Սակայն ԱՄՆ-ն փորձել է թելադրել իր պայմանները՝ հաշվի չառնելով Ադրբեջանի շահերը։ Այդ պատճառով որոշում կայացվեց համաձայնագիրը այլևս չերկարաձգել»,- նշել է Բայրամովը։ Նա նաև հայտարարել է, որ համաձայնագրի ժամկետն ավարտվել է 2024 թվականի փետրվարին, իսկ այդ ժամանակահատվածում ԱՄՆ-ից ստացված առաջարկները չեն համապատասխանել Ադրբեջանի շահերին։

21:37 - 16 հունվարի, 2025