ԱՄՆ

Ամերիկայի Միացյալ Նահանգները դաշնային սահմանադրական հանրապետություն է Հյուսիսային Ամերիկայում, որը բաղկացած է որոշակի ինքնավարություն ունեցող 50 նահանգներից և դաշնային նշանակության Կոլումբիա մարզից։ Ամերիկայի Միացյալ Նահանգները հյուսիսում սահմանակցում է Կանադային, հարավում՝ Մեքսիկային, ծովային սահման ունի Ռուսաստանի հետ։

Մայրաքաղաքը՝ Վաշինգտոն, տարածքը 9,826,675 կմ² է։ 2019 թվականին դրությամբ բնակչությունը կազմում է 328 239 523 մարդ։ Գործող նախագահը Ջոզեֆ Բայդենն է։

Ամերիկայի Միացյալ Նահանգները ներկայումս անդամակցում է ՄԱԿ-ի Անվտանգության Խորհրդին, Հյուսիսատլանտյան դաշինքին, Առևտրի համաշխարհային կազմակերպությանը, Տնտեսական համագործակցության և զարգացման կազմակերպությանը և այլ միջազգային կազմակերպությունների։

Պենտագոնում հայտարարել են Ռուսաստանի կողմից ՆԱՏՕ-ի սպառնալիքի մասին |armenpress.am|

armenpress.am: Ռուսաստանն սպառնալիք Է ներկայացնում ՆԱՏՕ-ի բոլոր անդամների համար: Այդ մասին ճեպազրույցի ընթացքում հայտարարել Է Պենտագոնի պաշտոնական ներկայացուցիչը: Նրա ելույթի սղագրությունը հրապարակվել Է ԱՄՆ-ի պաշտպանության նախարարության կայքում: «Ռուսաստանն սկնհայտ սպառնալիք Է ներկայացնում ՆԱՏՕ-ի բոլոր դաշնակիցների, ներառյալ ԱՄՆ-ի, համար, ռազմական ուժ օգտագործելով իր նպատակներին հասնելու համար»,-նշել են Պենտագոնում: Բացի այդ, նշվում Է, որ ԱՄՆ-ը մտադիր Է առաջ տանել իր շահերը եւ Մոսկվային հարկադրել «պատասխան տալու ոչ խելամիտ եւ ագրեսիվ գործողությունների համար»: «Մենք տեսնում ենք ամբողջ աշխարհում իր ավտորիտար մոտեցումներով անվտանգությունն ու կայունությունը խարխլելու Ռուսաստանի ձգտումը: Մենք դա տեսնում ենք նաեւ Չինաստանի հետ նրա համագործակցության մեջ»,-ընդգծել են ԱՄՆ-ի պաշտպանության նախարարությունում: Ավելի վաղ ՆԱՏՕ-ի գլխավոր քարտուղար Ենս Ստոլտենբերգը հայտարարել Է, որ դաշինքը պատրաստ Է Ռուսաստանի հետ ինչպես առճակատման, այնպես Էլ նրա հետ համագործակցության: Նա նշել Է Մոսկվայի հետ հարաբերությունների պահպանման անհրաժեշտությունը սպառազինությունների մրցավազքի վերսկսման վտանգի պատճառով: Այդուհանդերձ, Ստոլտենբերգը կարծում Է, որ Մոսկվայի հետ հարկավոր Է երկխսություն վարել ուժի եւ վճռականության դիրքից: ՌԴ ԱԳ նախարարության պաշտոնական ներկայացուցիչ Մարիա Զախարովան հայտարարել Էր, որ հենց ՆԱՏՕ-ն Է բացահայտորեն միջամտում երկրի ներքին գործերին՝ քաղաքական եւ տնտեսական զսպման հասնելու նպատակով, օգտագործելով ինչպես պատժամիջոցների մեխանիզմները, այնպես Էլ քաղաքական սադրանքները: Մասնավորապես, նա նշում Է վարկաբեկումը՝ Ռուսաստանի մասին ապատեղեկատվության եւ բացահայտ ֆեյքերի տիրաժավորման ճանապարհով, հաղորդել Է ՌԻԱ Նովոստին:

16:26 - 17 փետրվարի, 2021

ԱՄՆ-ի գլխավորած կոալիցիան նոր ռազմաբազա կստեղծի Սիրիայում |tert.am|

tert.am: ԱՄՆ-ի գլխավորած միջազգային կոալիցիան պատրաստվում է նոր ռազմաբազա հիմնել Սիրիայի հյուսիս-արևելքում գտնվող Հասաքե նահանգի Այն Դուար շրջանում, հայտնում է Asharq Al-Awsat–ը:Պարբերականը մեջբերում է Լոնդոնում գործող Մարդու իրավունքների մշտադիտարկման սիրիական կենտրոնի (SOHR) զեկույցը, որը նախորդ շաբաթ հաղորդել էր կոալիցիային պատկանող ավելի քան 50 մեքենաներից և բեռնատարներից բաղկացած ռազմական շարասյան այդ ուղղությամբ տեղաշարժի մասին:«Զրահամեքենաներ, զենքեր, ռազմական և նյութատեխնիկական սարքավորումներ տեղափոխող բեռնատարները մտան Իրաքի Քրդստանի շրջանի Ալ-Ուալիդ սահմանային անցակետով՝ շարժվելով դեպի Քամշլի», - ասված է վերանշյալ զեկույցում՝ նշելով, որ այն կոլաիցիայի` տարեսկզբից ի վեր Սիրիա մուտք գործած 11–րդ շարասյունն է։

14:32 - 16 փետրվարի, 2021

ԱՄՆ պետքարտուղար էնթոնի Բլինքենը երեկ հեռախոսազրույց է ունեցել Թուրքիայի արտգործնախարար Մեհմութ Չավուշօղլուի հետ

ԱՄՆ պետքարտուղար էնթոնի Բլինքենը երեկ հեռախոսազրույց է ունեցել Թուրքիայի արտգործնախարար Մեհմութ Չավուշօղլուի հետ։ Զրույցի ընթացքում քարտուղար Բլինքենն ընդգծել է երկու պետությունների միջև երկարատև երկկողմանի հարաբերությունների կարևորությունն ու ընդհանուր շահերը ահաբեկչության դեմ պայքարում, ինչպես նաև ժողովրդավարական ինստիտուտների, ներառական կառավարման ու մարդու իրավունքների պահպանման կարևորությունը։ Երկու կողմն էլ պարտավորվել են ավելի ամրապնդել համագործակցությունն ու նպաստել Սիրիայի հակամարտության քաղաքական կարգավորմանը։ Քարտուղար Բլինքենը նաև կոչ է արել Թուրքիային ձերբազատվել ռուսական С-400 զենիթահրթիռային համակարգերից։

11:52 - 16 փետրվարի, 2021

Թուրքիայում ԱՄՆ դեսպանը կանչվել է երկրի Արտգործնախարարություն |tert.am|

tert.am: Անկարայում ԱՄՆ դեսպան Դեվիդ Սաթերֆիլդը կանչվել է Թուրքիայի արտաքին գործերի նախարարություն Իրաքում Քուրդիստանի աշխատավորական կուսակցության (Թուրքիայում արգելված և ահաբեկչական հայտարարված կուսակցություն է) անդամների կողմից Թուրքիայի քաղաքացիների սպանության վերաբերյալ Վաշինգտոնի հայտարարության կապակցությամբ: Այս մասին տեղեկացնում է «Անադոլու» գործակալությունը: ԱՄՆ Պետդեպարտամենտը ափսոսանք է հայտնել Իրաքյան Քուրդիստանում Թուրքիայի քաղաքացիների մահվան կապակցությամբ, իր աջակցությունն է հայտնել Թուրքիային։ Եթե հաստատվեն ՔԱԿ-ի ձեռքով թուրք խաղաղ բնակիչների մահվան մասին հաղորդագրությունները, ԱՄՆ-ը ամենախիստ կերպով կդատապարտի այդ գործողությունները, նշել են Պետդեպարտամենտում: Թուրքիայի նախագահ Էրդողանը կտրուկ քննադատել է նման արձագանքը՝ հերթական անգամ ԱՄՆ-ին մեղադրելով ՔԱԿ-ին աջակցելու մեջ։

19:41 - 15 փետրվարի, 2021

ԱՄՆ նախկին նախագահ Դոնալդ Թրամփն արդարացվեց Սենատում |amerikayidzayn.com|

amerikayidzayn.com: ԱՄՆ սենատը չհավաքեց անհրաժեշտ թվով ձայներ նախկին նախագահ Դոնալդ Թրամփին իմփիչմենթի ենթարկելու համար: ԱՄՆ Սենատում կայացավ քվերակություն նախկին նախագահ Դոնալդ Թրամփի երկրորդ իմփիչմենթի վերաբերյալ, որի արդյունքում Թրամփին մեղավոր ճանաչելու օգտին քվեարկեց 57 սենատոր անհրաժեշտ 67 ձայնի փոխարեն, և այսպիսով նախկին նախագահ Թրամփն արդարացվեց: Կոնգրեսի կողմից արդարացված Թրամփը, սակայն, շարունակում է մնալ բազմաթիվ դատախազների թիրախում ՝ իր գործարար գործունեության համար:

21:40 - 14 փետրվարի, 2021

Բայդենը մեկնաբանել է Թրամփի իմփիչմենթի գործով Սենատի քվեարկության արդյունքները |tert.am|

tert.am: Կապիտոլիումի գրոհը տխուր էջ է ԱՄՆ պատմության մեջ, իսկ Դոնալդ Թրամփի դեմ մեղադրանքների էությունը կասկածի ենթակա չէ, հայտարարել Է ԱՄՆ նախագահ Ջո Բայդենը՝ մեկնաբանելով Սենատում՝ նախկին նախագահին իմփիչմենթի ենթարկելու հարցով քվեարկությունը, գրում է CNN-ը։ «Թեև վերջնական քվեարկությունը չի հանգեցրել դատապարտման, մեղադրանքների էությունը կասկածի ենթակա չէ», -ասված է Բայդենի հայտարարության մեջ, որը տարածել է Սպիտակ տունը: Բայդենի խոսքով՝ «նույնիսկ նրանք, ովքեր դեմ էին քննադատությանը, ինչպես, օրինակ, Սենատում փոքրամասնության առաջնորդ Մակքոնելը, կարծում են, որ Դոնալդ Թրամփը մեղավոր է իր պարտքը չկատարելու համար և գործնականում բարոյապես պատասխանատու է Կոնգրեսի շենքում տեղի ունեցած սադրանքի համար»: Ավելի վաղ հաղորդվել էր, որ ԱՄՆ Կոնգրեսի Սենատն արդարացրել է ԱՄՆ նախկին նախագահ, հանրապետական Դոնալդ Թրամփին նրան իմփիչմենթ հայտարարելու գործի շրջանակում։ Թրամփին իմփիչմենթ հայտարարելու համար անհրաժեշտ էր 100 սենատորից 67-ի կողմ քվեարկությունը: Հօգուտ իմփիչմենթի քվեարկել էր 57, դեմ՝ 43 սենատոր, և ոչ բավարար թվով կողմ ձայների առկայությամբ նախագիծը մերժվել էր:

11:09 - 14 փետրվարի, 2021

ԱՄՆ Սենատը Թրամփին իմպիչմենտի չի ենթարկել. 34 կողմ ձայն չի բավականացրել |tert.am|

tert.am: ԱՄՆ Կոնգրեսի Սենատը արդարացրել է ԱՄՆ նախկին նախագահ, հանրապետական Դոնալդ Թրամփին նրան իմպիչմենտ հայտարարելու գործի շրջանակում, հաղորդում է ТАСС-ը: Թրամփին իմպիչմենտ հայտարարելու համար անհրաժեշտ էր 100 սենատորից 67-ի կողմ քվեարկությունը: Հօգուտ իմպիչմենտի քվեարկել է 57, դեմ՝ 43 սենատոր, և ոչ բավարար թվով կողմ ձայների առկայությամբ նախագիծը մերժվել է: Ավելի վաղ նախատեսվում էր, որ Թրամփի դեմ իմփիչմենթի հարցով վերջնական քվեարկությունը տեղի կունենա շաբաթ կամ կիրակի, սակայն գործընթացը երկարաձգվում է:

10:40 - 14 փետրվարի, 2021

Հայաստանի դեսպանն ԱՄՆ կոնգրեսական Վալադաոյի հետ խոսել է Ադրբեջանի կողմից հայ գերիների հայրենադարձման մասին

Միացյալ Նահանգներում Հայաստանի արտակարգ և լիազոր դեսպան Վարուժան Ներսեսյանը փետրվարի 12-ին հեռավար հանդիպում է ունեցել կոնգրեսական Դեյվիդ Վալադաոյի հետ։ Այս մասին հայտնում է ԱՄՆ-ում ՀՀ դեսպանության ֆեյսբուքյան էջը: Դեսպան Ներսեսյանը շնորհավորել է կոնգրեսականին իր առաքելությունը որպես Ներկայացուցիչների պալատի անդամ վերսկսելու, ինչպես նաև Հայկական հարցերի կոնգրեսական հանձնախմբի համանախագահ ընտրվելու կապակցությամբ: Դեսպանը մանրամասն ներկայացրել է Լեռնային Ղարաբաղի ժողովրդի դեմ թուրք-ադրբեջանական վերջին ագրեսիան, նկարագրել պատերազմին հաջորդած մարտահրավերներն ու հումանիտար ճգնաժամը: Այդ համատեքստում Վարուժան Ներսեսյանն ընդգծել է հայ ռազմագերիների և պատանդի կարգավիճակում գտնվող քաղաքացիական անձանց հայրենադարձման հարցը։ Զրուցակիցները կարևորել են ԼՂ խաղաղ կարգավորման առանցքային հարցերի հասցեագրումը ԵԱՀԿ Մինսկի խմբի համանախագահության շրջանակներում։

14:44 - 13 փետրվարի, 2021

ԱՄՆ պետքարտուղարությունը չի բացառում նոր պատժամիջոցներ Ռուսաստանի նկատմամբ |1lurer.am|

1lurer.am: Միացյալ Նահանգները չի բացառում Ռուսաստանի նկատմամբ նոր պատժամիջոցների կիրառումը «մարդու իրավունքների խախտման» համար: Այս մասին հայտարարել է ԱՄՆ պետքարտուղարության ներկայացուցիչ Նեդ Փրայսը՝ փոխանցում է РИА Новости-ն: «Մենք ուշիուշով հետևում ենք մարդու իրավունքների խախտումներին, որի մասին ես հայտարարել եմ: Դուք ավելի շատ լուրեր կլսեք Մոսկվայի խախտումներին համապատասխան արձագանքի մասին»,- նշել է ԱՄՆ պետքարտուղարության ներկայացուցիչ Նեդ Փրայսը: Ռուսաստանը հերքում է մարդու իրավունքների խախտումների վերաբերյալ ԱՄՆ-ի մեղադրանքները:

11:20 - 13 փետրվարի, 2021

ԱՄՆ-ում մի խումբ հանրապետականներ քննարկում են առանձին կուսակցություն հիմնելու հարցը

100-ից ավելի նախկին պաշտոնյա հանրապետականների մի խումբ քննարկել է «աջ կենտրոնական» կուսակցություն հիմնելու հնարավորությունը, որը կապված է նրա հետ, որ իրենք դժգոհ են Հանրապետական կուսակցության քաղաքականության ուղղվածության հետ նախկին նախագահ Դոնալդ Թրամփի իշխանության օրոք։ Ներկայացուցիչների պալատի նախկին անդամ Չարլի Դենթը հաստատել է, որ անցած ուրբաթ օրը տեղի է ունեցել մոտ 120 հանրապետականների հանդիպում, որի ժամանակ քննարկվել է այն հարցը, թե կձևավորվի առանձին կուսակցություն, թե՞ առանձին խմբակցություն Հանրապետական կուսակցության ներսում, որը կգործի անկախ։ Թարգմանությունը՝ Լիլիթ Հարությունյանի

12:28 - 12 փետրվարի, 2021

ԱՄՆ Սենատում շարունակվում են Դոնալդ Թրամփի իմպիչմենտի լսումները

ԱՄՆ Սենատում շարունակվում են ԱՄՆ նախկին նախագահ Դոնալդ Թրամփի իմպիչմենտի լսումները, երեկ մեղադրական կողմն ավարտեց իր ելույթները։ Իմպիչմենտի թիմի ներկայացուցիչները 2 օր շարունակ Սենատի անդամներին փաստարկներ էին ներկայացնում, որ նախկին նախագահը պատասխանատու է հունվարի 6-ի անկարգությունների համար, որ նա չի կանգնեցրել Կապիտոլիումի վրա հարձակվող մարդկանց զանգվածը ու դրանից հետո որևէ կերպ չի արտահայտել իր ափսոսանքը կատարվածի համար։ Այսօր լսումների ժամանակ իրենց ելույթներով հանդես կգան Դոնալդ Թրամփի պաշտպանները։ Որպեսզի նախաձեռնությունն ընդունվի Սենատում, մեծամասնություն կազմող դեմոկրատներից բացի՝ կողմ է պետք է քվեարկի նաև առնվազն 17 հանրապետական։ Թարգմանությունը՝ Լիլիթ Հարությունյանի

11:09 - 12 փետրվարի, 2021

Բայդենը չեղարկել է Թրամփի որոշումը, որը թույլ էր տալիս պետական բյուջեից ֆինանսավորել Մեքսիկայի հետ սահմանին պատի կառուցման աշխատանքները |tert.am|

tert.am: ԱՄՆ նախագահ Ջո Բայդենը չեղարկել է նախորդ նախագահ Դոնալդ Թրամփի կողմից արտակարգ իրավիճակ սահմանելու վերաբերյալ որոշումը Մեքսիկայի հետ սահմանին պատ կառուցելու ֆինանսավորումն իրականացնելու վերաբերյալ, հաղորդում է РБК-ն: «Ես հստակեցրել եմ, որ երկրի հարավում արտակարգ իրավիճակի սահմանումն անհիմն է եղել: Հայտարարել եմ նաև, որ իմ ղեկավարած վարչակարգի քաղաքականությունը միտված է լինելու նրան, որ ամերիկացի հարկատուների վճարած գումարները չծախսվեն սահմանային պատ կառուցելու համար»,- հայտնել է Բայդենը:

09:24 - 12 փետրվարի, 2021

Անվտանգության մյունխենյան համաժողովն այս տարի կանցկացվի առցանց ձևաչափով. միջոցառմանն առաջին անգամ կմասնակցի ԱՄՆ նախագահը |tert.am|

tert.am: Մյունխենի անվտանգության հարցերով համաժողովը 2021-ին կանցկացվի առցանց ձևաչափով և տեղի կունենա փետրվարի 19-ին: Այս մասին հայտնում է ТАСС գործակալությունը՝ հղում անելով գերամանկան աղբյուրին: Նշվում է, որ համաժողովին իր մասնակցությունը հաստատել է ԱՄՆ նախագահ Ջո Բայդենը: Այս մասին տեղեկացրել է հեղինակավոր համաժողովի ղեկավար Վոլֆգանգ Իշինգերը: Մյունխենյան միջազգային համաժողովի գոյության մոտ 60-ամյա պատմության ընթացքում ԱՄՆ նախագահը ոչ մի անգամ չի մասնակցել միջոցառմանը: Միևնույն ժամանակ նշվում է, որ ինքը Բայդենը երեք անգամ այցելել է համաժողովին փոխնախագահի պաշտոնում գտնվելիս, ինչպես նաև մեկ անգամ 2019-ին:

09:21 - 12 փետրվարի, 2021

Առաքելյանը հուսով է, որ ԱՄՆ-ն ևս կաջակցի Հայաստանում ապրող արցախցիներին

ՀՀ աշխատանքի և սոցիալական հարցերի նախարար Մեսրոպ Առաքելյանն աշխատանքային հանդիպում է ունեցել Հայաստանում ԱՄՆ դեսպան Լին Թրեյսիի հետ։ Հանդիպման ընթացքում կարևորվել է գործընկերային հարաբերությունների և համատեղ իրականացվող ծրագրերի արդյունավետ շարունակականությունը։ Զրույցի ընթացքում Մեսրոպ Առաքելյանն անդրադարձել է կորոնավիրուսի տնտեսական հետևանքների չեզոքացման և արցախահայության աջակցության ծրագրերին՝ նշելով, որ դրանց հասցեականության ապահովումն ու քաղաքացիների կյանքի որակի բարձրացումը նախարարության առաջնահերթություններից են։ «Պատերազմի օրերին Արցախի գրեթե ամբողջ բնակչությունը տեղափոխվել է Հայաստան։ Մեր և Արցախի կառավարությունների գործուն ջանքերի շնորհիվ՝ երկու ամսվա ընթացքում Արցախում կեցության վայր ունեցող շուրջ 100.000 քաղաքացի վերադարձել է Արցախ։ Քաղաքացիների կյանքի որակը բարձրացնելու նպատակով շարունակում ենք վերջիններիս սոցիալական աջակցության տրամադրման գործընթացը»,- նշել է նախարարը՝ հույս հայտնելով, որ Միացյալ Նահանգները ևս մասնակցություն կունենա Հայաստանում ապրող արցախցիներին աջակցելու գործում։ «Ձեր ղեկավարած նախարարությունը Միացյալ Նահանգների համար կարևոր գործընկեր է։ Երկու կառույցների միջև լավ հարաբերություններն էական դեր ունեն համատեղ իրականացվող ծրագրերի հարցում, որոնք մեր երկրների կառավարությունների ընդհանուր օրակարգերի մասն են կազմում»,- նշել է դեսպանը։ Նա կարևորել է նաև թրաֆիքինգի զոհերի և աշխատանքային շահագործման դեպքերի բացահայտման ուղղությամբ ներդրված համատեղ ջանքերը՝ նշելով, որ այս հարցում Հայաստանն էականորեն բարելավել է իր դիրքերը։ Հանդիպման ընթացքում կողմերը քննարկել են նաև ԱՄՆ Միջազգային զարգացման գործակալության կողմից սոցիալական աշխատողի ինստիտուտի զարգացման, հաշմանդամություն ունեցող անձանց իրավունքների պաշտպանության ոլորտում իրականացվող և նախատեսվող ծրագրերը։

19:04 - 11 փետրվարի, 2021

ԱՄՆ Սենատը սահամանդրական է համարել Թրամփին իմպիչմենտի ենթարկելու գործընթացը |tert.am|

tert.am: ԱՄՆ Սենատը սահամանդրական է համարել ԱՄՆ նախկին նախագահ Դոնալդ Թրամփին իմպիչմենտի ենթարկելու գործընթացը, հաղորդում է РИА Новости-ն: Սենատում սահամանդրականության հարցով քվեարկություն է տեղի ունեցել, և 56 սենատոր քվեարկել է դրա սահմանադրական լինելու օգտին, իսկ մյուս 44 հանրապետական սենատորները դեմ են եղել՝ ցույց տալով, որ նպատակ ունեն արդարացնելու Թրամփին։ Պաշտոնաթող նախագահին իմպիչմենտի ենթարկելու հարց նախկինում երբեք չի քննարկվել ԱՄՆ-ում, գործընթացն այժմ շարունակվում է:

09:47 - 10 փետրվարի, 2021

«Չենք դիտարկում որպես խոչընդոտ». Պենտագոնը մեկնաբանել է ՌԴ-ի, Չինաստանի և Իրանի համատեղ զորավարժությունները |tert.am|

tert.am: Ռուսաստանի, Չինաստանի և Իրանի`փետրվարին Հնդկական օվկիանոսում կայանալիք համատեղ ռազմածովային զորավարժություններն ԱՄՆ իշխանությունները չեն դիտարկում որպես խոչընդոտ տարածաշրջանում իրենց հնարավորությունների համար։ Նման հայտարարությամբ է հանդես եկել Պենտագոնի ներկայացուցիչ Ջոն Քիբբին` ճեպազրույցի ժամանակ: «Ռազմածովային ուժերի հնարավորությունների կատարելագործումը սպասելի էր: Չեմ կարծում, որ այս զորավարժությունները կխոչընդոտեն նավարկության ազատությունը պաշտպանելու և ամբողջ աշխարհում մեր դաշնակիցներին և գործընկերներին աջակցելու մեր ունակությանը»,- մանրամասնել է Քիրբին:Վերջին անգամ 3 երկրների միջև ռազմածովային զորավարժություններն անցկացվել են 2019 թվականի դեկտեմբերի վերջին: Այս ժամանակ իրանցի զինվորականները համոզմունք էին հայտնել, որ զորավարժությունները շարունակական բնույթ կկրեն:

10:55 - 09 փետրվարի, 2021