Արման Բաբաջանյան

Արման Շամիրի Բաբաջանյանը (հունվարի 15, 1976Երևան), ՀՀ ԱԺ 7-րդ գումարման անկախ պատգամավոր է, անկուսակցական։

1993-1995թթ. սովորել է Վենետիկի Սուրբ Ղազար կղզու հոգեւոր ակադեմիայում: 1995թ. ավարտել է Վենետիկի Մուրադ-Ռաֆայելյան վարժարանը, 1998թ.՝ Էջմիածնի Գեւորգյան ճեմարանը: 2001թ.՝ Սանկտ Պետերբուրգի արտաքին տնտեսական կապերի, էկոնոմիկայի եւ իրավունքի ինստիտուտը: Իրավագետ: 2004թ.՝ Հարավային Կալիֆոռնիայի համալսարանի (ԱՄՆ) արտաքին հարաբերությունների ֆակուլտետը: Միջազգայնագետ (մագիստրոսական աստիճան): 2005թ.՝ Ջորջթաունի համալսարանի (ԱՄՆ) Security Studies (SSP) դպրոցը: Կոնֆլիկտաբանության մագիստրոս:

Եղել է 1998թ.՝ նախագահական ընտրություններում նախագահի թեկնածու Կարեն Դեմիրճյանին սատարող երիտասարդական կազմակերպությունների համակարգողը, 
2003թ.՝ ՀՀ նախագահական ընտրություններում նախագահի թեկնածու Ստեփան Դեմիրճյանի նախընտրական շտաբի պատասխանատուն Լոս Անջելեսում: 2003 թվականից ՝ «Ժամանակ» (Լոս Անջելես), 2006 թվականից՝  «Ժամանակ Երեւան», ապա «Ժամանակ» օրաթերթի հիմնադիր խմբագիր: 2004-2006թթ.՝ AMGA հեռուստաընկերության (ԱՄՆ) «Realpolitik» հաղորդաժամի հեղինակ: 2010-2019թթ.՝ «www.1in.am. Առաջին լրատվական» կայքէջի հիմնադիր խմբագիր:

2006 թ․ պարտադիր զինվորական ծառայությունից խուսափելու համար դատապարտվել 4 տարվա ազատազրկման։

2018 թվականի դեկտեմբերի 9-ին կայացած ԱԺ ընտրություններում պատգամավոր է ընտրվել «Լուսավոր Հայաստան» կուսակցության համապետական ցուցակով, սակայն 2019-ի սեպտեմբերի 6-ին հայտնել է, որ դուրս է գալիս ԼՀ խմբակցության կազմից։ Այժմ գործունեությունը շարունակում է որպես անկախ պատգամավոր։ 

Ռոբերտ Քոչարյանին մեծ ֆիասկո է սպասվում. Արման Բաբաջանյան |armtimes.am|

Ռոբերտ Քոչարյանին մեծ ֆիասկո է սպասվում. Արման Բաբաջանյան |armtimes.am|

armtimes.am: ՀՀ ԱԺ անկախ պատգամավոր Արման Բաբաջանյանը, որը 2018 թվականի խորհրդարանական ընտրություններին «Լուսավոր Հայաստան»  կուսակցության նախընտրական ցուցակում էր, 2021-ի արտահերթ ընտրություններին մասնակցելու հայտ է ներկայացրել իր  «Հանուն Հանրապետության» կուսակցությամբ: Արման Բաբաջանյանն ընտրություններին դաշինքով հանդես կգա  «Քրիստոնեա- ժողովրդավարական» կուսակցության հետ: Դաշինքի վարչապետի թեկնածուն հենց Արման Բաբաջանյանն է: Պատգամավորի խոսքով՝ ի սկզբանե  «Հանուն Հանրապետություն» կուսակցությունը քաղաքական դաշտում խնդիր էր դրել ապահովել լայն համախմբում այն քաղաքական ուժերի, որոնց համար Հայաստանի ինքնիշխանությունը եւ ժողովրդավարությունը քննարկման առարկա չեն, եւ համատեղ ջանքերով, նախ, բացառել նախկին քրեաօլիգարխիկ ռեժիմի մնացուկների ռեւանշի որեւէ հնարավորություն, մյուս կողմից, ստիպել իշխանությանը հետեւողականորեն իրագործել երկրում արմատական համակարգային բարեփոխումների օրակարգը։ Իսկ Լեւոն Շիրինյանը, որը «Քրիստոնեա- ժողովրդավարական» կուսակցության ղեկավարն է, առաջինն է կիսել իրենց մտահոգությունները ու պատկերացումները: ՀԺ-ի հարցազրույցը Արման Բաբաջանյանի հետ՝ ստորեւ. - Պարոն Բաբաջանյան, մինչ հայտարարելը, որ դաշինք եք կազմելու Լեւոն Շիրինյանի հետ, մամուլում շատ էր շրջանառվում, որ «Հանուն Հանրապետության» կուսակցությունը դաշինք է կազմելու «Հանրապետություն» կուսակցության հետ, դիտարկե՞լ էիք այդ տարբերակը, քննարկում ունեցե՞լ եք Արամ Սարգսյանի հետ: - Անշուշտ, մենք «Հանրապետություն» կուսակցության ղեկավար, իմ լավ բարեկամ Արամ Սարգսյանի հետ եւս ունեցել ենք քննարկումներ վերը նշված օրակարգով։ Սակայն, պարոն Սարգսյանը որոշեց առաջիկա ընտրություններին մասնակցել առանձին, եւ այդ որոշման մասին պաշտոնապես հայտարարություն արեց, որն էլ մենք ընդունեցինք ի գիտություն։  - Ձեր թիմն սկսել է մարզային այցելությունները: Քաղաքացիների հետ հանդիպումներից ի՞նչ եզրահանգման եք գալիս: Ի՞նչ քաղաքական տրամադրություն ունեն նրանք: - Գլխավոր եզրահանգումն այն է, որ տարիներով Հայաստանի հարյուրավոր բնակավայրեր, այնտեղ ապրող քաղաքացիներ մնացել են երկրի հասարակական-քաղաքական կյանքից վտարված, օտարված, բազում պարզագույն խնդիրներ մնացել են չլուծված, քանզի երեւանյան բարձր կաբինետներում, որոնք քսան տարի շարունակ զավթված են եղել կազմակերպված քրեական խմբավորման կողմից, այդ հարցերի նկատմամբ վերաբերմունքը «լավագույն դեպքում» եղել է հանցավոր անտարբերությունը, մարդկանց ուղղակի մղել են արտագաղթի՝ գլուխները խնդիրներից ազատելու համար։ Ինչ վերաբերվում է քաղաքական տրամադրություններին, ապա ուզում եմ շեշտել, որ համատարած զզվանք կա «նախկինների» նկատմամբ։ Սակայն, նաեւ մեծ է հիասթափությունը գործող իշխանությունից, որի բազում բացթողումների պատճառով «նախկինների» առանձին շրջանակները փորձում են ռեւանշ ձեռնարկել եւ, ամենակարեւորը՝ դա անհնարին չեն համարում։ Չկողմնորոշված, հիասթափված քաղաքացիների սեգմենտը չափազանց մեծ է, եւ այդ սեգմենտին չի բավարարում այն քաղաքականությունը, որը նա տեսնում է։ - 26 քաղաքական ուժ հայտ է ներկայացրել մասնակցելու խորհրդարանական ընտրություններին: Ինչի՞ կարող է հանգեցնել սա, ինչի՞ հետ է կապված քաղաքական ուժերի այսքան մեծ հետաքրքրությունն ընտրությունների նկատմամբ: - Իհարկե, մարդկանց անօտարելի իրավունքն է քաղաքականապես ինքնադրսեւորվել ընտրություններին, եւ այսպիսի մասնակցությունը վկայում է առաջիկա ընտրությունների մեծ կարեւորության մասին, որին արժանացնում է մեր հասարակության քաղաքականապես ակտիվ մասը։ Սակայն, մյուս կողմից, 26 ուժերի մասնակցությունը վկայում է երկրում կուսակցական համակարգի անկատարության, քաղաքական հասունությունից բավականին հեռու լինելու մասին։ Բայց եւ, եկեք ընդունենք, որ սա այն գործընթացն է, որով մենք պետք է անցնեինք 1990-ականներին, ինչը տեղի չունեցավ, քանզի երկրի բնականոն ընթացքը խաթարվեց սովետական մնացուկների եւ կրիմինալ խմբավորումների կողմից՝ առաջին իշխանությունների կոպիտ սխալների արդյունքում։ - Ընտրությունների երկրորդ փուլ լինելու հեռանկար տեսնո՞ւմ եք: Եվ ընդհանրապես, ընտրությունների ինչպիսի՞ ելք եք կանխատեսում: - Մեծ հաշվով, որեւէ հեռանկար բացառելը սխալ եմ համարում։ Բայց եւ այնպես, իշխող քաղաքական ուժը, գոնե վստահելի սոցհարցումների տվյալներով, մնում է առաջատար։ Վստահ եմ նաեւ, որ մեր դաշինքը եւս այս ընտրություններին կարժանանա տասնյակ հազարավոր ընտրողների հավանությանը, եւ մենք պատկառելի ներկայություն կունենանք ապագա խորհրդարանում։ Իսկ պատմականորեն դատապարտված քաղաքական միավորներն, իմ համոզմամբ, չնայած փակ տարածքներից տիրաժավորվող հոխորտանքների, իրենց ակնկալած որոշիչ քանակի ձայներ, այնուամենայնիվ, չեն ստանա։Շարունակությունը՝ armtimes.am-ում։
19:46 - 05 հունիսի, 2021
Պետք է անհապաղ ջանքեր ձեռնարկել՝ դիմելու ՄԱԿ-ի Անվտանգության խորհրդին. Բաբաջանյան |1lurer.am|

Պետք է անհապաղ ջանքեր ձեռնարկել՝ դիմելու ՄԱԿ-ի Անվտանգության խորհրդին. Բաբաջանյան |1lurer.am|

1lurer.am: Ադրբեջանի զինված ուժերը խուժել են ոչ միայն Հայաստանի սուվերեն տարածք, այլև ՀԱՊԿ-ի սուվերեն տարածք են մուտք գործել: Ունենք մի իրավիճակ, երբ այլևս այլ բան չի մնում, քան անհապաղ ձեռնարկել ջանքեր՝ դիմելու Միավորված ազգերի կազմակերպության Անվտանգության խորհրդին՝ այս իրավիճակին հանգուցալուծում, այլ ճանապարհներ գտնելու ուղղությամբ: Այս մասին ԱԺ-ում ասաց պատգամավոր Արման Բաբաջանյանը՝ նշելով, որ դա այլընտրանք չունեցող քայլ է: «Ակնհայտորեն թիրախը Հայաստանի արտահերթ ընտրություններն են, Հայաստանում քաոս ստեղծելն է, և այդ իրավիճակում հնարավորինս շատ զիջումներ ստանալն է Հայաստանից: Սա հաստատապես միայն Թուրքիայի և Ադրբեջանի համատեղ որոշումը չէ: Ակնհայտորեն տեսնում ենք շահագրգիռ այլ երկրներ ևս այս ուղղությամբ»,- ասաց Բաբաջանյանը: Պատգամավորի խոսքով՝ երեկ Շորժայի ուղղությամբ գրոհը տեղի ունեցավ այն բանից հետո, երբ Հայաստան ժամանեց Իրանի պատվիրակությունը, և հստակ առարկայական խոսակցություն սկսվեց Հյուսիս-հարավ մայրուղու նախագծի կառուցման, համատեղ ծրագրերի մասին: Ասաց՝ այդ ամենը տեղի է ունենում նաև գլոբալ իրողությունների համատեքստում, երբ Միացյալ Նահանգների և Իրանի միջև միջուկային համաձայնագրի շուրջ շատ կարևոր համաձայնություններ են ձեռք բերվում պատժամիջոցների չեղարկման շուրջ:
11:34 - 26 մայիսի, 2021
Ընտրություններին կմասնակցի նաև «Շիրինյան-Բաբաջանյան ժողովրդավարների դաշինք»-ը. Բաբաջանյանը և Շիրինյանը հուշագիր ստորագրեցին


 |armenpress.am|

Ընտրություններին կմասնակցի նաև «Շիրինյան-Բաբաջանյան ժողովրդավարների դաշինք»-ը. Բաբաջանյանը և Շիրինյանը հուշագիր ստորագրեցին |armenpress.am|

armenpress.am: Հանուն Հանրապետության և Քրիստոնեա-ժողովրդավարական կուսակցությունները հայտարարեցին ժողովրդավարական երկու ուժերի կողմից արտահերթ խորհրդարանական ընտրություններին միասնական ճակատով մասնակցելու մասին: Դաշինք կազմելու մասին հուշագիրը ստորագրեցին երկու կուսակցությունների առաջնորդներ Արման Բաբաջանյանը և Լևոն Շիրինյանը: Այսպիսով, այս ուժերը հունիսի 20-ին կայանալիք արտահերթ խորհրդարանական ընտրություններին կմասնակցեն «Շիրինյան-Բաբաջանյան ժողովրդավարների դաշինք» անվանմամբ:   Քրիստոնեա-ժողովրդավարական կուսակցության նախագահ Լևոն Շիրինյանը նշեց, որ իրենք որոշել են առաջիկա ընտրություններում հանդես գալ միասնական ճակատով ու իրենց նպատակն է 2018 թվականի հեղափոխության իդեալների  ու բացթողումների վերհանման իրականացումը: «Մեր երկրում պակասում է վճռականությունը, այս ուժը լինելու է նա, որ դրսևորելու է կամք, սկզբունքայնություն ու մինչև վերջ գնալու ցանկություն: Մենք կանգնած ենք մեր պատմության ճակատագրական խնդիրները լուծելու առաջ, այսօր ավելի սուր է վիճակը, քան 1920 թվականին, երբ Հայաստանում բռնազավթվեց իշխանությունը»,- ասաց Շիրինյանը՝ ավելացնելով, որ Հանուն Հանրապետության կուսակցության հետ որևէ տարաձայնություն չունեն, հարցերի քննարկումները եղել են կարճ , ունեն համախոհություն և տրամադրություն՝ միասին գնալու դեպի ընտրություններ: «Հույս ունեմ, որ մեր դաշինքը կունենա նույն տրամաբանությունը: Հայաստանը պետք է ունենա վերընթաց զարգացում, մեր առաջ դնում ենք արդիականացման, արդյունաբերության զարգացման, գիտատեխնիկական ու մշակութային բարձր արժեքների վրա հիմնված պետություն ունենալու նպատակ»,- ասաց Լևոն Շիրինյանը: Իր հերթին, Արման Բաբաջանյանը անդրադարձավ Սյունիքում ստեղծված իրավիճակին: «Այսօր Սյունիքով անցնում է Հայաստանի ինքնիշխանության ողնաշարը ու մեր արձագանքից է կախված, թե որքան անկոտրում կմնա այդ ողնաշարը, որքանով կհաջողենք մեր ձգտումների մեջ: Մենք առաջիկա խորհրդարանում պետք է նյութականացնենք մեր նպատակները: Այն ինչ տեղի է ունենում այսօր մեր երկրում՝ ընտրական գործընթացների հետ գրեթե անհամատեղելի են: Այսօր լուռ գործելու, աշխատանքով դրսևորվելու ժամանակաշրջան է, իսկ եթե որոշում ենք խոսել, ապա միայն կոնկրետ ծրագրերից, խնդիրներից, առարկայորեն, վեր հանելով ներքին և արտաքին անվտանգային խնդիրները»,- ասաց Բաբաջանյանը՝ ընդգծելով, որ առաջիկա ընտրությունները մեր պետականության համար ոչ պակաս կարևոր միջոցառում է:   
20:22 - 18 մայիսի, 2021
Հանուն Հանրապետության և Քրիստոնեա-ժողովրդավարական կուսակցությունները քննարկում են առաջիկա արտահերթ խորհրդարանական ընտրություններին համատեղ ներկայանալու հարցը

Հանուն Հանրապետության և Քրիստոնեա-ժողովրդավարական կուսակցությունները քննարկում են առաջիկա արտահերթ խորհրդարանական ընտրություններին համատեղ ներկայանալու հարցը

ԱԺ անկախ ապտգամավոր Արման Բաբաջանյանը ֆեյսբուքյան գրառմամբ տեղեկացրել է, որ Հանուն Հանրապետության և Քրիստոնեա-ժողովրդավարական կուսակցությունները քննարկում են առաջիկա արտահերթ խորհրդարանական ընտրություններին համատեղ ներկայանալու հարցը։ «Նախօրեին, Քրիստոնեա-ժողովրդավարական կուսակցության գրասենյակում տեղի է ունեցել հանդիպում Հանուն Հանրապետության կուսակցության պատվիրակության հետ: Որոշում է կայացվել ստեղծել աշխատանքային խումբ՝ դիրքորոշումների հստակեցման և միասնական ճակատով հանդես գալու հնարավորությունների և տարբերակների մշակման համար: Կողմերը քննարկել են նաև ներքին և արտաքին քաղաքականությանն առընչվող հարցեր, համաձայնություն է ձեռք բերվել խորացնել հետագա համագործակցությունը՝ հասարակական և պետական քաղաքական կարևորագույն խնդիրների լուծմանն ուղղված գործընթացներ հարուցելու, իսկ արդեն ձևավորված գործընթացներում՝ արդյունավետ մասնակցություն ունենալու նպատակով»,- գրել է  նա:
13:44 - 17 մայիսի, 2021
Հանցագործներին ընտրություններին մասնակցելու հնարավորություն տալով նրանց համար կանաչ լույս եք վառում. Բաբաջանյան |armtimes.com|

Հանցագործներին ընտրություններին մասնակցելու հնարավորություն տալով նրանց համար կանաչ լույս եք վառում. Բաբաջանյան |armtimes.com|

armtimes.com: «Մենք լավ չենք հասկանում, թե երկրում ինչ գործընթացներ են մեկնարկել, առավելապես վարչապետի հրաժարականից հետո»: Այսօր ԱԺ արտահերթ նիստի ընթացքում հայտարարեց անկախ պատգամավոր Արման Բաբաջանյանը: Բաբաջանյանը նշեց, որ կարող է «գռազ» գալ Վահագն Հովակիմյանի հետ. «Ձեր այս փոփոխություններն իրականցացնելուց հետո, այս խախտումները տեղ են գտնելու ընտրական գործընթացի ժամանակ: Դուք չգիտեք ձեր գլխի գալիքը, թե ինչ արհավիրք եք բերել մեր երկրի գլխին, այն ժամանակ, երբ հանգիստ արձագանքեցիք Մարտի 1-ի գործով դատական որոշմանը, ՍԴ-ի որոշմանը»: Պատգամավորի խոսքով՝ հանցագործներին, պետության և պետականությանը պատերազմ հայտարարածներին, հայ ժողովրդին գնդակարահարածներին ընտրություններին մասնակցելու հնարավորություն տալով նրանց համար կանաչ լույս է վառվում. «Մենք էլ հիմա պրեմենտիվ միջոցներ ենք մտածում, թե էլ ինչ անենք, որ Քոչարյանին ու նրա հանցակիցներին թույլ չտանք, որ ընտրությունների վրա ազդեցություն ունենան»: Բաբաջանյանը նշեց՝ այս փոփոխությունները չեն կարող հիմնարար լուծումներ գտնել, որպեսզի ընտրություններն անցկացվեն ազատ, անկախ ու թափանցիկ: Հիշեցնենք, որ ԱԺ-ն արտահերթ նիստ է գումարել։ Օրակարգում են Հայաստանի Հանրապետության հարկային օրենսգրքում փոփոխություն կատարելու մասին, Հայաստանի Հանրապետության քրեական օրենսգրքում փոփոխություններ եւ լրացումներ կատարելու մասին, Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ եւ լրացումներ կատարելու մասին հարցերը։
13:36 - 28 ապրիլի, 2021
Հայ գերիների հարցը ԵԽԽՎ լիագումար նիստի օրակարգում ներառելուն դեմ են քվեարկել նաև ՌԴ պատվիրակության անդամներ․ Բաբաջանյան

Հայ գերիների հարցը ԵԽԽՎ լիագումար նիստի օրակարգում ներառելուն դեմ են քվեարկել նաև ՌԴ պատվիրակության անդամներ․ Բաբաջանյան

Ուշագրավ է, որ հայ գերիների ու տեղահանված անձանց հարցը ԵԽԽՎ լիագումար նիստի օրակարգում ներառելուն, ի շարս թուրքերի և ադրբեջանցիների, դեմ են քվեարկել նաև ԵԽԽՎ-ում Հայաստանի ռազմավարական դաշնակից Ռուսաստանի ԵԽԽՎ պատվիրակության մի քանի անդամներ: Այս մասին ֆեյսբուքյան իր էջում հայտնում է Արման Բաբաջանյանը։ «Դեմ է քվեարկել նաև մի քանի սերբ: Ռուսական պատվիրակության մնացյալ անդամները ձեռնպահ են քվեարկել: Եվ սա այն դեպքում, երբ նոյեմբերի 9-ի եռակողմ հայտարարության կետերի, այդ թվում 8-րդ կետի՝ գերիների վերադարձի իրագործումը հենց Ռուսաստանի միջազգային հեղինակության հարցն է: P.S. Հետևությունները թողնում եմ նրանց, ովքեր Հայաստանի անվտանգությունը վերապահել են Ռուսաստանին»,- գրել է Բաբաջանյանը:
19:55 - 19 ապրիլի, 2021
Մենք չենք կարող Ադրբեջանի հետ տնտեսական նույն միության մեջ գտնվել. Բաբաջանյան |1lurer.am|

Մենք չենք կարող Ադրբեջանի հետ տնտեսական նույն միության մեջ գտնվել. Բաբաջանյան |1lurer.am|

1lurer.am: Ռուսական լրատվամիջոցներում վերջերս լուրեր տարածվեցին, որ Եվրասիական տնտեսական միությանը Ադրբեջանի անդամակցության հնարավորությունն է քննարկվում ՌԴ իշխանությունների կողմից, և Ռուսաստանի իշխանություններին այս պահին թվում է, որ կկարողանան Հայաստանին համոզել գերիների վերադարձի դիմաց համաձայնելու ԵԱՏՄ-ին Ադրբեջանի անդամակցությանը: Այս մասին ԱԺ ամբիոնից հայտարարեց պատգամավոր Արման Բաբաջանյանը: Նրա խոսքով՝ մեր երկիրը, ինչպես նախկինում, այսօր առավել ևս չպետք է գերիների վերադարձի խնդիրը որևէ կերպ պայմանավորի Ադրբեջանի՝ ԵԱՏՄ-ին հնարավոր անդամակցությամբ: «Մենք չենք կարող միևնույն տնտեսական միության մեջ Ադրբեջանի հետ գտնվել, քանի դեռ հակամարտության վերաբերյալ մենք չունենք վերջնական դիրքորոշում և չունենք խաղաղության պայմանագիր այդ երկրի հետ: Կարծում եմ՝ սա պետք է լինի մեր արտաքին քաղաքական վերաբերմունքը ստեղծված իրավիճակին: Գիտենք նաև, որ Բաքվում Լուկաշենկո-Ալիև ձևաչափով քննարկումներում ևս շոշափվել է այս թեման: Այսօր փոխվարչապետ Մհեր Գրիգորյանը խոսել է այս հարցով և նշել, որ Երևանը շուտով կունենա պատասխան հարցի վերաբերյալ, ինչը նշանակում է, որ հարցը բավական հասունացել է, և ստեղծված տարածաշրջանային նոր իրողությունները ՌԴ-ի համար Ադրբեջանի անդամակցության առաջնահերթություն են սահմանել: Կարևոր է, որ կարողանանք մեր շահը առաջ մղել և պաշտպանել արժանիորեն»,- ասաց Բաբաջանյանը:
20:26 - 16 ապրիլի, 2021
Սա ամբողջությամբ քաղաքական որոշում էր. Բաբաջանյանը՝ Քոչարյանի գործով որոշման մասին

 |armenpress.am|

Սա ամբողջությամբ քաղաքական որոշում էր. Բաբաջանյանը՝ Քոչարյանի գործով որոշման մասին |armenpress.am|

armenpress.am: ՀՀ ազգային ժողովի խմբակցություններում չընդգրկված պատգմավոր Արման Բաբաջանյանը «Մարտի 1»-ի գործի առնչությամբ դատարանի կայացրած որոշումը համարում է քաղաքական՝ շեշտելով, որ «դատական իշխանությունը դիրքավորվել է ժողովրդի իշխանության դեմ»: Բաբաջանյանը նման տեսակետ հայտնեց ԱԺ-ում լրագրողների հետ ճեպազրույցում: Պատգամավորի կարծիքով՝ առնվազն մի քանի պաշտոնյաներ, այդ թվում՝ նաև Արդարադատության նախարարը, պետք է արդեն պաշտոնանկ արված լինեին, քանի որ պատասխանատու են եղել այն բարեփոխումների համար, որոնք պիտի դատական համակարգը հիմնավորապես առողջացման տանեին: Ըստ նրա՝ դատական համակարգը ըստ էության դիրքավորվել է գործող քաղաքական միջավայրին համապատասխան: «Մենք ակնհայտորեն տեսնում ենք, որ ՍԴ-ն, առհասարակ դատական համակարգը և իհարկե իրավապահ համակարգի այլ ինստիտուտներ, գերատեսչություններ, ուղղակի ցույց են տալիս, թե հանցավոր համագործակցությամբ ինչպես են ընդունակ տեղի ունեցած սահմռկեցուցիչ հանցագործությունը՝ «Մարտի 1-ի» գործն ուղղակի տապալել, երբ ըստ էության կա հանցանքը, բայց չկա հոդվածը, բայց կա 85 հատոր քրեական գործը, որտեղ ահռելի վկայություններ կան՝ արդեն անմեղ ճանաչված Ռոբերտ Քոչարյանի ուղղակի հանցակցության և այդ հանցագործությանը մասնակից լինելու վերաբերյալ»,-ասաց Բաբաջանյանը: Պատգամավորը կարծում է, որ սա գործող իշխանության վերջին տարիների քաղաքականության անհետևողականության հետևանքն է:  «Ես կարծում եմ, որ սա ամբողջությամբ քաղաքական որոշում էր, որն ամբողջությամբ տեղավորվում է նաև առաջիկա ընտրությունների համատեքստում: Եվ դատական իշխանությունը, ինչպես ամիսներ շարունակ դիրքավորվել է ընդդեմ Հայաստանի պետականության, ցույց է տալիս իր համակրանքը որոշակի քաղաքական շրջանակի և քաղաքական գործչի նկատմամբ: Սա պատահական չէ, պատահական չէ ընտրված ժամանակահատվածը»,-ասաց նա ու կարծիք հայտնեց՝ դատական իշխանության գործողությունները մեծապես դիրքավորում են ընդդեմ ժողովրդի իշխանության, ընդդեմ այդ իշխանությունը խորհրդանշող Նիկոլ Փաշինյանի: Բաբաջանյանի «Հանուն Հանրապետության» կուսակցությունը դատարանի այս որոշման առնչությամբ ծրագրում է բողոքի գործողություններ: «Սակայն կարծում եմ, որ մեր ժողովուրդը հենց արտահերթ ընտրություններում իր քվեով պետք է պատասխանի տեղի ունեցածին և դատական իշխանության այս վարքին»,-նշեց նա:
13:48 - 07 ապրիլի, 2021
ԱԺ արտահերթ նիստում քննարկվում է Ընտրական օրենսգրքում փոփոխությունների նախագիծը. պատգամավորը կոչ արեց կողմ քվեարկել |armtimes.com|

ԱԺ արտահերթ նիստում քննարկվում է Ընտրական օրենսգրքում փոփոխությունների նախագիծը. պատգամավորը կոչ արեց կողմ քվեարկել |armtimes.com|

armtimes.com: Ազգային ժողովն այսօր պատգամավորներ Արման Բաբաջանյանի,  Սերգեյ Բագրատյանի, Վահագն Հովակիմյանի, Համազասպ Դանիելյանի նախաձեռնությամբ արտահերթ նիստ է հրավիրել: Օրակարգում «Հայաստանի Հանրապետության ընտրական օրենսգիրք» սահմանադրական օրենքում փոփոխություններ եւ լրացումներ կատարելու մասին որոշման նախագիծն է: Նախագծի հեղինակներից Վահագն Հովակիմյանը նշեց, որ նախագծի քննարկման հրատապության պատճառն այն է, որ մի քանի օրից ԿԸՀ-ն սկսելու է ընտրական հանձնաժողովներում անդամների լիցենզավորման դասընթացների և լիզենզավորման գործընթացը. «Փոփոխությունները շատ կարևոր են, որպեսզի մինչ այդ գործընթացի սկսվելը, հանձնաժողովների ապագա անդամները դասընթացների ընթացքում այդ փոփոխությունները իրացրած լինեն»: Հովակիմյանն անդրադառնալով նախագծով առաջարկվող փոփոխություններին, մասնավորապես խոսեց ռեյտինգային ընտրակարգի մասին, նշելով, որ այն միշտ քննադատության է արժանացել.«Այս համակարգի ներդրման պահից կա հանրային պահանջ, որ այն պետք է փոխվի: Մյուս կողմից ԱԺ արտահերթ ընտրությունները, տեղի են ունենում մի պայմաններում, որի նպատակն է հաղթահարել քաղաքական ճգնաժամը, որը մենք ունենք: Գործընթացը պետք է կազմակերպվի այնպես, որ շահագրգիռ բոլոր կողմերի համար ընդունելի լինի: Ցանկանում եմ ընգծել, որ ԱԺ ընտրությունները համամասնական ընտրակարգով անցկացնելու շուրջ քաղաքական ուժերի շրջանում ի սկզբանե առկա է եղել լայն համախոհություն»: «Իմ քայլ»-ի պատգամավորը հիշեցրեց՝  ռեյտինգային ընտրակարգի վերացումը եղել է 2018 թվականի ընտրություններին, որպես նախընտրական խոստում ներկայիս խորհրդարանաի 3 ուժերի նախընտրական ծրագրերում. «Ուժերը 2018 թվականի հոկտեմբերի 22-ին և 29-ին կողմ են քվեարկել ընտրական ԸՕ-ի այն փոփոխություններին, որով նախատեսվում էր հրաժարվել ռեյտինգային ցուցակներից: Հովակիմյանը հավալեց, որ կան փոփոխություններում կետեր, որոնք վերաբերում են կորոնավիրուսային փաստով ստեղված իրավիճակին. «Աշխարհի շատ երկրներ վերանայում են ընտրությունների կազմակերպման իրենց մոտեցումները: Ըստ այդմ, այս փոփոխություններով առաջրկվում է սահմանել իրավական հիմքներ, կարանտինի պայմանների համահունչ ընտրական գործըթնացները կազմակերպելու համար»: Պատգամավորը շեշտեց, որ իրենք պատրաստ են քննարկել բոլոր առարկությունները: Նա առաջարկեց ԸՕ նախագծի քննարկումը երկրորդ ընթերցմամբ կազմակերպել առաջին ընթերցմամբ ընդունելուց 24 ժամվա ընթացքում: Առաջին ընթերցմամբ ընդունված նախագծերի փաթեթի վերաբերյալ գրավոր առաջարկների, ինչպես նաև գլխադասային հանձնաժողովի եզրակացությունը ներկայացնելու համար կսահմանվի 3-ական ժամ:
11:53 - 01 ապրիլի, 2021
Արման Բաբաջանյանն իր կյանքին ու առողջությանն ուղղված սպառնալիքների հարցով դիմել է ՄԻՊ-ին

Արման Բաբաջանյանն իր կյանքին ու առողջությանն ուղղված սպառնալիքների հարցով դիմել է ՄԻՊ-ին

Մարդու իրավունքների պաշտպանին (ՄԻՊ) է դիմել Ազգային ժողովի պատգամավոր Արման Բաբաջանյանը և նշել, որ ստանում է իր կյանքի ու առողջությանը, ֆիզիկական անվտանգությանն ուղղված սպառնալիքներ իր համար անհայտ հեռախոսահամարներից: Այս մասին ասվում է ՄԻՊ-ի աշխատակազմի հանրային կապերի բաժնի տարածած հաղորդագրությունում։ «Ըստ նրա՝ սոցիալական ցանցերով տարածվել են իր հեռախոսահամարն ու տան հասցեն: Հաշվի առնելով, որ դիմում-ահազանգը վերաբերում է նախևառաջ պատգամավորի կյանքի, հոգեկան ու ֆիզիկական անձեռնմխելիության իրավունքներին՝ դրա հիման վրա նախաձեռնվել է գրավոր ընթացակարգ և Արման Բաբաջանյանի ահազանգի հանգամանքները պաշտոնական գրությամբ ուղարկել են ՀՀ Ոստիկանություն: Ինչպես պահանջում է օրենքը, Մարդու իրավունքների պաշտպանի ուշադրության ներքո կլինեն Ոստիկանության գործողությունները՝ կապված Արման Բաբաջանյանի կյանքի, առողջության ու անվտանգության ապահովման հետ»,- նշված է հաղորդագրությունում:
13:03 - 10 մարտի, 2021
Այս արհավիրքը դուք եք բերել ԲԴԽ և ձեր իշխանության ժամանակ նա Վանեցյանի առաջադրմամբ է ընտրվել․ Արման Բաբաջանյանը՝ «Իմ քայլը» խմբակցության պատգամավորներին

Այս արհավիրքը դուք եք բերել ԲԴԽ և ձեր իշխանության ժամանակ նա Վանեցյանի առաջադրմամբ է ընտրվել․ Արման Բաբաջանյանը՝ «Իմ քայլը» խմբակցության պատգամավորներին

Պարոն Վարդազարյան, Դուք ուղղակի չգիտեք, թե ինչ «ղալաթ» եք բերել Ձեր գլխին՝ նոյեմբերի 15-ի Ձեր հայտարարությամբ։ Մեկ էլ ասեմ, որ եկել եք «սատանի մայլեն քյանդրբազություն եք անում», այդ Ձեր բոլոր տեսակի պաշտպանողական հայտարարությունները կոպեկի արժեք չունեն։ Այս մասին ԱԺ-ում, դիմելով ՀՀ ԲԴԽ նախագահ Ռուբեն Վարդազարյանին, ասաց ԱԺ անկախ պատգամավոր Արման Բաբաջանյանը։ «Ձեզ հարց ուղղելուց առաջ, ուզում եմ դիմել իշխանական ֆրակցիային՝ այս արհավիրքը դուք եք բերել ԲԴԽ և ձեր իշխանության ժամանակ նա Վանեցյանի առաջադրմամբ է ընտրվել, բոլորն էլ շատ լավ գիտեն, որ ոչ թե այս մարդու դատական համակարգի վաստակն է գործել, այլ ինքը Սերժ Սարգսյանի և Ռոբերտ Քոչարյանի օրոք վնգստացող դատավոր է եղել, անհասկանալի պատճառով Վանեցյանի առաջադրմամբ էս պատուհասը դատական համակարգի գլխին եք բերել»,- հավելեց նա։ Իր ելույթում Բաբաջանյանը հեռախոսով միացրեց նաև նոյեմբերի 14-ին ԱԱԾ-ի հրապարակած ձանագրությունը, որտեղ ազատամարտիկ Աշոտ Մինասյանը և ԱԺ նախկին պատգամավոր, Նախկին գումարման ԱԺ «Հայաստանի Հանրապետական» խմբակցություն անդամ Վահրամ Բաղդասարյանը քննարկում էին մի շարք գործողություններ՝ մասնավորապես գործող վարչապետին կյանքից զրկելու վերաբերյալ։ Բաբաջանյանը մասնավորեպս նշեց․ «Դուք ասացիք, որ եկել եք Ձեր գործընկերներին ներկայացնելու, բայց ես առաջարկում եմ լսել Ձեր իրական ընկերների խոսակցությունը։ Սա Ձեր ընկերների, նախկին պաշտոնյանների խոսակցությունն է, ես ուզում եմ կանգ առնել հենց այս խոսակցության վրա և այն ամսաթվի վրա, թե երբ է տեղի ունեցել վարչապետին խփելու վերաբերյալ խոսակցությունը՝ նոյեմբերի 14, պարո՛ն Վարդազարյան։ Այդ մարտակոչը, որն արել եք նոյեմբերի 15-ին ուղղակի կապ ունի այս մտադրության և այս՝ Ձեր ընկերական շրջանակի հետ։ Ի դեպ, Դուք այստեղ  խոսում եք, արտահայտում եք Ձեր վերաբերմունքը Բաղրամայան պողոտայում հնչող բռնությունների վերաբերյալ։ Ձեր տղան Բաղրամյան պողոտայի ակտիվիստներից մեկն է, այնպես որ դրա մասին էլ եմ ուզում խոսեք, բայց նաև ուզում եմ պատասխանեք՝ որ այդպես մխրճվել եք դատական համակարգ և կարողացել եք բարեկեցիկ կյանք ապահովել Ձեզ համար, հարց է առաջանում՝ կա՞ գոնե այնպիսի բան, որի համար հպարտ եք, որ եղել եք դատավոր, հետո կենտրոնի դատարանի նախագահ և կարող եք համարել, որ Ձեր գործունեությւոնը և կյանքը միայն հանուն ՁԵզ չի անցել։ Մի բան, որ կարող եք վկայաբերել որպես Ձեր ներդրում՝ Հայաստանի Հանրապետության իրավունքի զարգացման մեջ»։  Վարդազարյանը, արձագանքելով Բաբաջանյանի հարցերին, պատասխանեց, որ դատական օրենսգրքի 4-րդ հոդվածի առաջին մասը, դատական օրենսգրքի 69-րդ հոդվածի առաջին մասին 3-րդ կտը, դատական օրենսգրքի 70-րդ հոդվածի առաջին մաս 3-րդ կետը, դատավորների էթիկայի կանոնների 3-րդ կանոնը իրեն զսպում են, որ ԲԴԽ նախագահը  չպատասխանեի պատգամավորին իր բառապաշարով և բառամթերքով։ «Ձեր վիրավորական արտահայտությունները իմ անձի նկատմամբ ունենալու են հետևանք այստեղից գնալուց հետո, ես դիմելու եմ ԱԺ խորհրդին կամ Էթիկայի հանձնաժողովին, այժմ կարգավորումները չեմ հիշում և խնդրելու եմ, որ Ձեզ ենթարկեն կարգապահական պատասխանատվության՝ Ձեր իսկ օգտագործած բառապաշարի համար։ Չեմ պատասխանի Ձեր մյուս հարցերին՝ նույն պատճառաբանությամբ։ Ինչ վերաբերում է իմ որդուն, որը որ, Ձեր պնդմամբ, Բաղրամյան փողոցի ակտիվիստներից է, ապա տեղեկացնեմ Ձեզ և մեր հասարակությանը, որ տղաս առնվազն երկու շաբաթ առաջ ողնաշարի ճողվածքով մի շաբաթ պառկել է հիվանդ, մի շաբաթ առաջ վիրահատվել է և այժմ էլ հետվիրահատական բուժում է ստանում՝ տանը պառկած»,- հավելեց Վարդազարյանը։ Վերջինիս խոսքով՝ Բաբաջանյանի պնդումները  քայլ են փորձել վիրավորել, գոտկատեղից հարվածել և ԲԴԽ նախագահի  ընտանիքի անդամներին ներքաշել այս զրույցին, այս հարցադրմանը։ Վարդազարյանի կարծիքով նման վարքագիծը հարիր չէ ԱԺ պատգամավորին։ Վարդազարյանը խոսք տվեց, որ այն պահին, երբ այլևս չի լինի դատավոր, ավելի խիստ կպատասխանի Բաբաջանյանին։  Արձագանքելով ԲԴԽ նախագահին՝ Բաբաջանյանը նշեց, որ կցանկանար՝ ԲԴԽ նախագահը կոռեկտության սահմաններում մնար նաև նոյեմբերի 15-ին, երբ նման մարտակոչ էր  հղում համակարգին և քաղաքկան ուժերին, ովքեր պատրաստվում էին երկրում ծանրագույն հանցագործություն գործել։ Բաբաջանյանը ևս մեկ հարց ուղղեց ԲԴԽ նախագահին․ «Ես քանի որ նաև ինչ-որ իմաստով հետապնդում եմ Ձեզ, գիտեմ, թե ում հետ եք հանդիպում։ ԲԴԽ-ում սկսվել է Գագիկ Ջհանգիրյանի հետ կապված գործընթացը՝ դատավոր Կարինե Պետրոսյանի դիմումի համաձայն։ Այդ դիմումը ներկայացնելուց օրեր առաջ Կարինե Պետրոսյանի հետ հանդիպել եք «Տիցիանո» սրճարանում և սուրճ եք խմել , կարե՞լի է իմանալ՝ այդ հանդիպման բովանդակությունը որևէ կերպ առնչվե՞լ է Գագիկ Ջհանգիրյանի դեմ սկսված վարույթի հետ»։  Վարդազարյանը տեղեկացրեց, որ ունի ընտանեկան, ընկերական հարաբերություններ ունի Կարինե Պետորսյանի հետ, և երբ ԲԴԽ-ում ասկսել է քննվել Կարինե Պետրոսյանի վերաբերյալ՝ Արդարադատության նախարարի կողմից հարուցված վարույթը, ԲԴԽ նախագահը ինքնաբացարկ է հայտնել։  «Թե ինչ ենք խոսել իր հետ սրճարանում, բացառապես իմ և տիկին Պետրոսյանի խնդիրն է։ Ես ինքնաբացարկ եմ հայտնել, նրա վերաբերյալ որևէ վարույթի չեմ մասնակցել և չեմ մասնակցելու»,- եզրափակեց Վարդազարյանը ։
14:03 - 03 մարտի, 2021
Արման Բաբաջանյանը նախագահին խնդրել է ընթացք տալ վարչապետի՝ ԶՈւ շտաբի պետին ազատելու հրամանին

Արման Բաբաջանյանը նախագահին խնդրել է ընթացք տալ վարչապետի՝ ԶՈւ շտաբի պետին ազատելու հրամանին

ԱԺ անկախ պատգամավոր Արման Բաբաջանյանը քիչ առաջ դիմել է ՀՀ նախագահ Արմեն Սարգսյանին և համոզմունք հայտնել, որ երկրում ստեղծված ներքաղաքական պայթյունավտանգ իրավիճակում միակ համայականը դիտարկում են երկրի նախագահի կողմից: Բաբաջանյանը մասնավորապես գրել է. «Համոզված ենք, որ ընթացք տալով ԶՈւ շտաբի պետին ազատելու վերաբերյալ վարչապետի հրամանին, պետք է անհապաղ սկիզբ դնենք բոլոր շահագրգիռ քաղաքական ուժերի և անհատների հետ հանդիպումներին, ազդարարենք ձեր կողմից Հայաստանում աննախադեպ քաղաքական ճգնաժամը հաղթահարելու շուրջ քննարկումների և բոլոր կողմերի համար ընդունելի ելքի շուրջ միջնորդական առաքելության ներդրման մասին: Քաղաքական քննարկումները պետք է ծավալվեն երկու հիմնարար սկզբունքների շուրջ՝ առաջիկա քաղաքական գործընթացներում ուժի և բռնության սպառնալիքի բացառում, և ստեղծված ներքաղաքական իրավիճակը հաղթահարելու համար արտահերթ խորհրդարանական ընտրության գնալու վերաբերյալ համաձայնության մասին առաջադրված հուշագրի ստորագրում: Հանուն ՀՀ-ի, ձեր կողմից այդպիսի հանձանությունը մեծապես կողջունի Հայստանի, Արցախի  և սփյուռքի հայության կողմից»: Հիշեցնենք՝ որ վարչապետը ԶՈՒ ԳՇ պետ Օնիկ Գասպարյանին աշխատանքից ազատելու որոշում է ստորագրել, որին հաջորդել էր Օնիկ Գասպարյանի՝ վարչապետ Նիկոլ Փաշինյանի հրաժարականի պահանջի հայտարարությունը:    
19:55 - 26 փետրվարի, 2021