Ինֆոթեգեր Մեր մասին
hy en ru
Նվիրաբերել

Ճապոնիա

Կղզեխմբային ինքնիշխան միապետություն է, որը գտնվում է Արեւելյան Ասիա տարածաշրջանում։ Այն Խաղաղ օվկիանոսի արեւմտյան ափին է՝ զբաղեցնելով Ասիա աշխարհամասի արեւելյան ծովափը, տարածվելով Օխոտի ծովից մինչեւ Արեւելաչինական ծով, Չինաստանի Ժողովրդական Հանրապետության հարավը։

Ըստ չինական եւ ճապոնական գաղափարագրերի` Ճապոնիա անունը նշանակում է «արեւի ծագում» կամ «ծագող արեւի երկիր»։ Ճապոնիան կազմված է մոտ 6,852 հրաբխային ծագման կղզիներից։ Առավել խոշոր չորս կղզիներն են Հոնսյուն, Հոկայդոն, Սիկուկուն եւ Կյուսուն, որոնք զբաղեցնում են Ճապոնիայի ցամաքային տարածքի մոտ իննսունյոթ տոկոսը։

Բնակչության թվաքանակով աշխարհում տասներորդն է՝ մոտ 127 մլն մարդ։ Բնակչության կազմը միատարր է․ ճապոնացիները կազմում են Ճապոնիայի ամբողջ բնակչության 98.5 %-ը։ Մայրաքաղաքի՝ Տոկիոյի բնակչությունը կազմում է մոտ 9,1 մլն մարդ։ 

Ճապոնիան ՆԱՏՕ-ին անդամակցելու պլաններ չունի․Ֆումիո Կիսիդա |panorama.am|

Ճապոնիան ՆԱՏՕ-ին անդամակցելու պլաններ չունի․Ֆումիո Կիսիդա |panorama.am|

panorama.am: Ճապոնիան մտադիր չէ անդամակցել ՆԱՏՕ-ին, իսկ երկրում Հյուսիսատլանտյան դաշինքի ներկայացուցչություն բացելու որոշում դեռ չի կայացվել: Այս մասին չորեքշաբթի հայտարարել է վարչապետ Ֆումիո Կիսիդան՝ խորհրդարանի վերին պալատի լիագումար նիստի ընթացքում պատասխանելով պատգամավորների հարցերին, գրում է ՏԱՍՍ-ը։ «Ճապոնիան մտադիր չէ միանալ ՆԱՏՕ-ին ոչ որպես մշտական, ոչ էլ որպես ասոցացված անդամ», - ասել է նա: Անդրադառնալով Ճապոնիայում դաշինքի ներկայացուցչություն բացելու հնարավորությանը ՝ կառավարության ղեկավարը նշել է, որ այդ թեման քննարկվում է, սակայն «առայժմ որոշումներ չեն ընդունվել»։ Միաժամանակ նա ընդգծել է, որ իր երկիրը կշարունակի ամրապնդել համագործակցությունը ՆԱՏՕ-ի անդամ երկրների և նրանց դաշնակիցների հետ՝ հաշվի առնելով այն բարդ մարտահրավերները, որոնց բախվում են։  
11:13 - 24 մայիսի, 2023
Զելենսկին ժամանել է Ճապոնիա՝ մասնակցելու G7-ի գագաթնաժողովին |armenpress.am|

Զելենսկին ժամանել է Ճապոնիա՝ մասնակցելու G7-ի գագաթնաժողովին |armenpress.am|

armenpress.am: Ուկրաինայի նախագահ Վլադիմիր Զելենսկին ժամանել է Ճապոնիա՝ մասնակցելու G7-ի գագաթնաժողովին: Այս մասին հայտնում է Reuters-ը: G7-ի անդամները՝ ԱՄՆ-ն, Ճապոնիան, Գերմանիան, Ֆրանսիան, Բրիտանիան, Իտալիան, Կանադան բախվում  են մեծ մարտահրավերների, որոնք ռուս-ուկրաինական իրավիճակի և Չինաստանի հետ լարվածության հետևանք են: Անհանգստացած լինելով մատակարարման շրջաններում Չինաստանի մեծ դերից՝ G7-ը հրապարակել է պաշտոնական հաղորդագրություն՝ սահմանելով ընդհանուր ռազմավարություն՝ աշխարհի երկրորդ խոշորագույն տնտեսության հետ ապագա գործարքների համար:
12:32 - 20 մայիսի, 2023
Վլադիմիր Զելենսկին անձամբ կմասնակցի G7-ի գագաթնաժողովին |hetq.am|

Վլադիմիր Զելենսկին անձամբ կմասնակցի G7-ի գագաթնաժողովին |hetq.am|

hetq.am: Ուկրաինայի նախագահ Վլադիմիր Զելենսկին անձամբ կայցելի Հիրոսիմա և կմասնակցի G7-ի առաջնորդների գագաթնաժողովին, որն այս տարի կայանում է ճապոնական այդ քաղաքում։ Տեղեկությունը այսօր՝ մայիսի 19-ին, հաստատել է Ուկրաինայի ազգային անվտանգության և պաշտպանության խորհրդի քարտուղար Ալեքսեյ Դանիլովը։ «Այնտեղ կընդունեն շատ կարևոր որոշումներ, այդ իսկ պատճառով մեր նախագահի ֆիզիկական ներկայությունը կարևոր է, որ պնդի մեր շահերը, բացատրի, տա հստակ առաջարկներ և հստակ փաստարկներ այն մասին, թե ինչ է կատարվում մեր երկրում»,- «Рада» հեռուստաընկերության եթերում հայտարարել է Դանիլովը։ Ավելի վաղ, ճապոնական Kyodo գործակալությունը, հղում անելով ամերիկյան և ճապոնական մի շարք պաշտոնյաների, հայտնել էր, որ Զելենսկին անձամբ կմասնակցի G7-ի գագաթնաժողովին։ Bloomberg գործակալությունը նաև նշել էր, որ Ուկրաինայի նախագահը Ճապոնիա կժամանի ամերիկյան զինվորական ինքնաթիռով՝ Սաուդյան Արաբիայում Արաբական պետությունների լիգայի գագաթնաժողովին մասնակցելուց հետո։ Հիշեցնենք, որ ավելի վաղ ճապոնացի պաշտոնյաները հայտարարում էին, որ Զելենսկին կմասնակցի տեսակապով։ Հիշեցնենք, որ Հիրոսիմայում արդեն իսկ մեկնարկել է G7-ի գագաթնաժողովը։ Այն կավարտվի մայիսի 21-ին։ G7-ի երկրներից զատ, որի կազմում են Կանադան, Ֆրանսիան, Գերմանիան, Իտալիան, Ճապոնիան, Մեծ Բրիտանիան, ԱՄՆ և ԵՄ-ն, Հիրոսիմայի գագաթնաժողովին հրավիրվել են նաև Ավստրալիայի, Բրազիլիայի, Վիետնամի, Հնդկաստանի, Ինդոնեզիայի, Կուկի կղզիների, Կոմորյան կղզիների, Հարավային Կորեայի առաջնորդները։
15:41 - 19 մայիսի, 2023
Ճապոնիայում ոստիկանն ինքնասպան է եղել վարչապետի պաշտոնական նստավայրի տարածքում |tert.am|

Ճապոնիայում ոստիկանն ինքնասպան է եղել վարչապետի պաշտոնական նստավայրի տարածքում |tert.am|

tert.am: Ուրբաթ վաղ առավոտյան Ճապոնիայի վարչապետի պաշտոնական նստավայրի տարածքում ոստիկանի դի է հայտնաբերվել. ըստ Տոկիոյի ոստիկանության՝ դա, ամենայն հավանականությամբ, ինքնասպանություն է։Վարչապետ Ֆումիո Կիսիդան նստավայրում չի եղել, երբ ծառայակից ոստիկանը տեղական ժամանակով առավոտյան ժամը 4:40-ի սահմանում պահակակետում հայտնաբերել է 25-ամյա երիտասարդի դին:
12:07 - 05 մայիսի, 2023
Ճապոնիան վերահաստատում է Լաչինի միջանցքով տեղաշարժի ազատությունն ապահովելու անհրաժեշտությունը

Ճապոնիան վերահաստատում է Լաչինի միջանցքով տեղաշարժի ազատությունն ապահովելու անհրաժեշտությունը

ՀՀ ԱԳ նախարարի տեղակալ Մնացական Սաֆարյանը մայիսի 3-ին ընդունել է Ճապոնիայի ԱԳ խորհրդարանական փոխնախարար Յումի Յոշիկավայի գլխավորած պատվիրակությանը։ Ինչպես տեղեկացնում են ՀՀ արտաքին գործերի նախարարությունից, Մնացական Սաֆարյանը կարևորել է հայ-ճապոնական հարաբերությունների հետագա զարգացումն ու ամրապնդումը՝ առանձնացնելով տնտեսական համագործակցության ակտիվացումը, արժևորելով Ճապոնիայի կառավարության կողմից Հայաստանում իրականացվող պաշտոնական օգնության ծրագրերը, ինչպես նաև ընդգծելով ճապոնական ներդրումների ներգրավման կարևորությունը։ «ՀՀ ԱԳ նախարարի տեղակալը զրուցակիցներին է ներկայացրել Ադրբեջանի կողմից ՀՀ-ի նկատմամբ վարվող ագրեսիվ քաղաքականության հետ կապված վերջին զարգացումները, ինչպես նաև Լաչինի միջանցքի արգելափակման հետևանքով ԼՂ-ում ստեղծված ծանր մարդասիրական իրավիճակը՝ կարևորելով միջազգային հանրության, այդ թվում Ճապոնիայի հասցեական գործողությունները ՄԱԿ արդարադատության միջազգային դատարանի վճռի կյանքի կոչման ուղղությամբ»,- ասվում է հաղորդագրության մեջ: Ըստ աղբյուրի՝ Յումի Յոշիկավան իր հերթին նշել է, որ իր այցի նպատակն է ակտիվացնել հայ-ճապոնական երկխոսությունը: Անդրադառնալով Լաչինի միջանցքի արգելափակմանը՝ Յումի Յոշիկավան իր մտահոգությունն է հայտնել Լեռնային Ղարաբաղում հումանիտար իրավիճակի վատթարացման կապակցությամբ՝ վերահաստատելով պաշտոնական Տոկիոյի դիրքորոշումն առ այն, որ անհրաժեշտ է ապահովել միջանցքի երկայնքով տեղաշարժի ազատությունն ու անվտանգությունը՝ համաձայն կողմերի ձեռք բերած պայմանավորվածությունների, ինչպես նաև միջազգային իրավունքի դրույթների: Նշվում է, որ հանդիպման ընթացքում մտքեր են փոխանակվել նաև տարածաշրջանային մի շարք հարցերի շուրջ, քննարկվել են հայ-ճապոնական մշակութային և կրթական փոխանակումները, համագործակցությունը տնտեսական և զբոսաշրջային ոլորտներում և այլն։  
19:54 - 03 մայիսի, 2023
Ալեն Սիմոնյանը Ճապոնիայի ԱԳ նախարարի խորհրդարանական տեղակալին մանրամասներ է փոխանցել Լաչինի միջանցքի ճգնաժամի հետեւանքով առաջացած հումանիտար աղետից

Ալեն Սիմոնյանը Ճապոնիայի ԱԳ նախարարի խորհրդարանական տեղակալին մանրամասներ է փոխանցել Լաչինի միջանցքի ճգնաժամի հետեւանքով առաջացած հումանիտար աղետից

ՀՀ ԱԺ նախագահ Ալեն Սիմոնյանը մայիսի 2-ին ընդունել է Ճապոնիայի արտաքին գործերի նախարարի խորհրդարանական տեղակալ Յումի Յոշիկավային: Այս մասին հաղորդագրություն է տարածել Ազգային ժողովի հասարակայնության  հետ կապերի և հաղորդակցության վարչությունը։  Համաձայն հաղորդագրության՝ կողմերը փաստել են, որ «երկուստեք շահագրգռված են քաղաքական երկխոսության խորացմամբ, առեւտրատնտեսական կապերի զարգացմամբ եւ մի շարք այլ ուղղություններով համագործակցության ընդլայնմամբ»: ՀՀ ԱԺ նախագահը նշել է, որ «երկկողմ փոխգործակցության շրջանակում մեծ է խորհրդարանական դիվանագիտության դերը՝ պատրաստակամություն հայտնելով առավել խորացնելու միջխորհրդարանական համագործակցությունը, ակտիվացնելու շփումներն օրենսդիր մարմինների միջեւ»: «Ալեն Սիմոնյանը փաստել է, որ մեր երկիրը մեծապես կարեւորում եւ բարձր է գնահատում Ճապոնիայի կառավարության կողմից առողջապահական համակարգին եւ այլ ոլորտներում շարունակաբար ցուցաբերվող աջակցությունը: Խոսելով հայ-ճապոնական մշակութային համագործակցության խորացման նախադրյալներից՝ ՀՀ ԱԺ նախագահը հիշատակել է նախորդ ամսին Ազգային ժողովի այգում անցկացված Հանամի տոնը, որը դեռ 2015 թվականից կազմակերպվում է «Արումենիա-Նիպոն» հայ-ճապոնական գիտամշակութային միության, ՀՀ ԱԺ Հայաստան-Ճապոնիա պատգամավորական բարեկամական խմբի ջանքերով: Ճապոնացի հյուրի խնդրանքով ՀՀ ԱԺ նախագահը մանրամասներ է փոխանցել Լաչինի միջանցքի ճգնաժամի հետեւանքով առաջացած հումանիտար աղետից՝ շեշտելով, որ ուժի կիրառումը եւ ուժի կիրառման սպառնալիքն Ադրբեջանի քաղաքականության անբաժանելի մասն են եւ նպատակ ունեն էականորեն ապակայունացնելու իրավիճակը տարածաշրջանում ու խաթարելու միջնորդ գործընկերների՝ խաղաղ բանակցությունները շարունակելուն ուղղված ջանքերը: Նա հավելել է, որ չնայած բոլոր մարտահրավերներին` Հայաստանը որդեգրել է ժողովրդավարության ուղին եւ շարունակում է հավատարիմ մնալ խաղաղության հասնելու օրակարգին»,- ասված է հաղորդագրության մեջ:  
18:24 - 02 մայիսի, 2023
Ճապոնիան Ռուսաստանին բողոք է հայտնել Կուրիլների շրջանում զորավարժությունների պատճառով |news.am|

Ճապոնիան Ռուսաստանին բողոք է հայտնել Կուրիլների շրջանում զորավարժությունների պատճառով |news.am|

news.am: Ճապոնիայի կառավարությունը բողոք է հայտնել Ռուսաստանին ապրիլի 18-22-ին Կուրիլյան կղզիների հարավային մասում հրթիռային զորավաժություններ անցկացնելու ծրագրերի հետ կապված։ Այս մասին երկուշաբթի Տոկիոյում կայացած մամուլի ասուլիսում տեղեկացրել է կառավարության քարտուղար Հիրոկաձու Մացունոն։ «Ռուսաստանի իշխանությունների՝ մեր ափամերձ պահպանությանն ուղարկած ծանուցման համաձայն, ապրիլի 18-22-ին Իտուրուպ կղզու մոտ նախատեսվում են հրթիռային հրաձգության զորավարժություններ»,- ասել է նա։ Նրա խոսքով՝ զորավարժությունների անցկացման տարածքը ներառում է այն շրջանը, որը Ճապոնիան համարում է իր տարածքային ջրերը։ «Մենք բողոք ենք հայտնել, քանի որ ռուսական ռազմական ներկայության ուժեղացումը հյուսիսային տարածքներում (Ճապոնիայում այդպես են անվանում Կուրիլների հարավային հատվածը) հակասում է մեր երկրի դիրքորոշմանը»,- ավելացրել է Մացունոն։ Ռուսական կողմը քանիցս անտեղին է անվանել Տոկիոյի բողոքները՝ Կուրիլյան կղզիներում զորավարժությունների անցկացման հետ կապված։ ՌԴ ԱԳՆ-ն ընդգծել է, որ հարավային Կուրիլյան կղզիները ՌԴ տարածքի անբաժանելի մասն են, իսկ դրանց ռուսական պատկանելությունը կասկածի ենթակա չէ։ 
14:42 - 17 ապրիլի, 2023
Հյուսիսային Կորեան Փհենյանի շրջանից միջին հեռահարության բալիստիկ հրթիռ է արձակել |news.am|

Հյուսիսային Կորեան Փհենյանի շրջանից միջին հեռահարության բալիստիկ հրթիռ է արձակել |news.am|

news.am: Հյուսիսային Կորեան հինգշաբթի Փհենյանի մերձակայքից միջին կամ մեծ հեռահարության բալիստիկ հրթիռ է արձակել Ճապոնական ծովի ուղղությամբ։ Այս մասին տեղեկացրել է Yonhap գործակալությունը՝ հղում կատարելով Կորեայի Հանրապետության Զինված ուժերի Շտաբների պետերի կոմիտեին։ Հարավկորեացի զինվորականների տվյալներով՝ արձակումը գրանցվել է տեղի ժամանակով ժամը 07.23-ին։ «Մենք լիովին համագործակցում ենք ԱՄՆ-ի հետ՝ ամրացնելով եւ խորացնելով մեր զգոնությունը»,- ավելացրել են կոմիտեում։ Հրթիռն անցել է մոտ 1 000 կիլոմետր։ Նշվել է, որ այն արձակվել է մեծ անկյան տակ։ «Հյուսիսի կողմից բալիստիկ հրթիռի արձակումը ՄԱԿ-ի Անվտանգության խորհրդի բանաձեւերի ակնհայտ խախտում է եւ կոպիտ սադրանք, որը խափանում է խաղաղությունն ու կայունությունը Կորեական թերակղզում եւ աշխարհում»,- ասել են Կորեայի Հանրապետության Շտաբների պետերի կոմիտեում։ Yonhap գործակալության  գնահատականներով, եթե հրթիռն արձակվեր նորմալ անկյան տակ, ապա կարող էր հաղթահարել մոտ 5 000 կիլոմետր։ Միջմայրցամաքային բալիստիկ հրթիռներ են համարում ավելի քան 5 500 կիլոմետր թռիչքի երկարությամբ հրթիռները, ուստի, ինչպես գրել է գործակալությունը, չի բացառվում, որ Փհենյանը հինգշաբթի արձակել է միջմայրցամաքային հրթիռ։
11:05 - 13 ապրիլի, 2023
Բլինքենը Ճապոնիայում կմասնակցի Մեծ յոթնյակի ԱԳ նախարարների հանդիպմանը |azatutyun.am|

Բլինքենը Ճապոնիայում կմասնակցի Մեծ յոթնյակի ԱԳ նախարարների հանդիպմանը |azatutyun.am|

azatutyun.am: ԱՄՆ պետքարտուղար Էնթոնի Բլինքենը Ճապոնիայում կմասնակցի Մեծ յոթնյակի արտգործնախարարների հանդիպմանը և նրանց հետ կքննարկի իրավիճակը Ուկրաինայում, միջուկային զինաթափումը, պարենային և էներգետիկ անվտանգության հարցերը։ Այս մասին հայտարարել է Պետդեպարտամենտի մամուլի ծառայության ղեկավարի տեղակալ Վեդանտ Պատելը լրագրողների համար հատուկ ճեպազրույցում՝ նվիրված Բլինքենի Վիետնամ և Ճապոնիա կատարելիք այցին։ Այցը տեղի կունենա ապրիլի 14-18-ը։
12:23 - 11 ապրիլի, 2023
Սիրիայի և Իսրայելի նախագահները դատապարտել են Իսրայելի իշխանություններին |azatutyun.am|

Սիրիայի և Իսրայելի նախագահները դատապարտել են Իսրայելի իշխանություններին |azatutyun.am|

azatutyun.am: Ճապոնիայի կառավարությունը կշարունակի ավելացնել պատժամիջոցների միջոցով ճնշումը Ռուսաստանի վրա՝ միաժամանակ մեծացնելով աջակցությունն Ուկրաինային, այսօր հայտարարել է Ճապոնիայի նախարարների կաբինետի գլխավոր քարտուղար Հիրոկաձու Մացունոն։ «Միջազգային կարգը պաշտպանելու համար, որպես Մեծ յոթնյակի նախագահող և ՄԱԿ-ի Անվտանգության խորհրդի ոչ-մշտական անդամ, Ճապոնիան, սերտ համագործակցելով միջազգային հանրության, առաջին հերթին՝ Մեծ յոթնյակի հետ, կշարունակի ուժեղացնել Ռուսաստանի Դաշնության դեմ կոշտ պատժամիջոցները և աջակցությունն Ուկրաինային», - ասել է նա։ Ճապոնիայի պատժամիջոցները, որոնք մի քանի փուլով մտցվեցին Ուկրաինայում ստեղծված իրավիճակի պատճառով, արդեն ազդում են Ռուսաստանից մոտ հազար մարդու և հարյուր կազմակերպության վրա։ Ճապոնիան հաստատել է նաև երկրից Ռուսաստան արտահանման համար արգելված ապրանքների և տեխնոլոգիաների ցանկը, այն արդեն պարունակում է մոտ 800 ապրանք։
10:25 - 10 ապրիլի, 2023
ՊԵԿ նախագահը հյուրընկալել է ՀՀ-ում Ճապոնիայի արտակարգ և լիազոր դեսպանին

ՊԵԿ նախագահը հյուրընկալել է ՀՀ-ում Ճապոնիայի արտակարգ և լիազոր դեսպանին

ՀՀ պետական եկամուտների կոմիտեի նախագահ Ռուստամ Բադասյանն ընդունել է Հայաստանում Ճապոնիայի արտակարգ և լիազոր դեսպան Մասանորի Ֆուկուշիմային:  ՊԵԿ նախագահը կարևորել է երկու երկրների միջև ձևավորված արդյունավետ փոխգործակցությունը և հույս հայտնել, որ այն կնպաստի երկկողմ հարաբերությունների խորացմանն ու զարգացմանը։ Ներկայացվել են գործող թվային համակարգերը, այդ թվում՝ ներդրված արհեստական բանականության համակարգը և դրանց զարգացման միտումները։ Կողմերը բարձր են գնահատել երկու երկրների պետական եկամուտների ծառայությունների միջև ձևավորված արդյունավետ աշխատանքային հարաբերությունները և համատեղ ջանքերը` միտված երկկողմ փոխգործակցության ամրապնդմանն ու խորացմանը։
18:20 - 05 ապրիլի, 2023
Ճապոնիան հայտնել է ՆԱՏՕ-ի հետ համագործակցությունը զարգացնելու իր մտադրության մասին |shantnews.am|

Ճապոնիան հայտնել է ՆԱՏՕ-ի հետ համագործակցությունը զարգացնելու իր մտադրության մասին |shantnews.am|

shantnews.am: Ճապոնիայի կառավարությունը մտադիր է շարունակել զարգացնել համագործակցությունը ՆԱՏՕ-ի հետ և ողջունում է Ֆինլանդիայի մուտքը դաշինք, մամուլի ասուլիսում հայտարարել է Նախարարների կաբինետի գլխավոր քարտուղար Հիրոկաձու Մացունոն։ «Մի իրավիճակում, երբ աշխարհում անվտանգության իրավիճակը գնալով բարդանում է, ընդհանուր սկզբունքներ ունեցող երկրների միջև համագործակցությունն ավելի կարևոր է, քան երբևէ»,- ասել է գլխավոր քարտուղարը։ Մացունոն ընդգծել է, որ Տոկիոն «աջակցում է» ՆԱՏՕ-ին միանալու Ֆինլանդիայի որոշմանը և «ողջունում է անդամակցության գործընթացն ավարտին հասցնելու ջանքերը»։ «Այն ժամանակ, երբ միջազգային հանրությունը գտնվում է պատմական խաչմերուկում, մենք մտադիր ենք շարունակել զարգացնել համագործակցությունը ՆԱՏՕ-ի հետ՝ օրենքի տառի վրա հիմնված ազատ և բաց միջազգային կարգը պահպանելու և ամրապնդելու համար»,- հավելել է նա։ Ֆինլանդիայի արտաքին գործերի նախարար Պեկկա Հաավիստոն երեքշաբթի ԱՄՆ պետքարտուղար Էնթոնի Բլինքենին է փոխանցել Հելսինկիի՝ Հյուսիսատլանտյան պայմանագրին միանալու փաստաթուղթը, որը նշանակում է ՆԱՏՕ-ին երկրի անդամակցության պաշտոնական ընթացակարգի ավարտ։  
11:03 - 05 ապրիլի, 2023
Ճապոնիայի արտգործնախարարը 2019 թվականից ի վեր առաջին անգամ կայցելի Չինաստան |shantnews.am|

Ճապոնիայի արտգործնախարարը 2019 թվականից ի վեր առաջին անգամ կայցելի Չինաստան |shantnews.am|

shantnews.am: v class="news_text"> Ճապոնիայի արտաքին գործերի նախարար Յոշիմասա Հայաշին կայցելի Չինաստան: Այն կլինի Ճապոնիայի արտգործնախարարի առաջին այցը Չինաստան վերջին 4 տարվա ընթացքում, հայտնել են երկրի արտաքին գործերի նախարարությունից։ «Ճապոնիայի արտաքին գործերի նախարար Յոշիմասա Հայաշին ապրիլի 1-ից 2-ը կայցելի Պեկին: Նա բանակցություններ կվարի Չինաստանի արտգործնախարար Ցին Գանգի հետ: Սա Ճապոնիայի արտգործնախարարի առաջին այցն է Չինաստան 2019 թվականի դեկտեմբերից ի վեր»,- ասվում է ԱԳՆ-ում: 2019 թվականին Ճապոնիայի արտգործնախարարի երկու այց է տեղի ունեցել Չինաստան՝ փետրվարին Տարո Կոնոն է գնացել, իսկ դեկտեմբերին՝ ուղեկցել վարչապետ Սինձո Աբեին՝ այս պաշտոնում Կոնոյի իրավահաջորդ Տոշիմիցու Մոտեգիին։ Դրանից հետո շփումները սահմանափակվել են միայն հեռախոսազրույցներով։  
10:32 - 31 մարտի, 2023
Ճապոնիայի արտակարգ և լիազոր դեսպանը հյուրընկալվել է ՀՀ հակակոռուպցիոն կոմիտեում

Ճապոնիայի արտակարգ և լիազոր դեսպանը հյուրընկալվել է ՀՀ հակակոռուպցիոն կոմիտեում

ՀՀ հակակոռուպցիոն կոմիտեի նախագահ Սասուն Խաչատրյանն ընդունել է ՀՀ-ում Ճապոնիայի արտակարգ և լիազոր դեսպան Մասանորի Ֆուկուշիմային: Կոմիտեի նախագահ Սասուն Խաչատրյանը դեսպանին ներկայացրել է Հայաստանի նորաստեղծ հակակոռուպցիոն մարմնի գործառույթներն ու կոռուպցիոն բնույթի գործերի քննության առանձնահատկությունները, ինչպես նաև կառույցի գործունեության ընթացքում արձանագրված արդյունքները: Միաժամանակ Սասուն Խաչատրյանը հույս է հայտնել, որ ճապոնացի գործընկերների հետ համագործակցային կապերի ստեղծումն ու ընդլայնումը դրականորեն կանդրադառնան երկու երկրների իրավապահ մարմինների աշխատանքների վրա: Հակակոռուպցիոն կոմիտեի նախագահի խոսքով՝ այսօր հանցավորության դեմ պայքարում, մասնավորապես՝ հակակոռուպցիոն արդյունավետ միջոցառումների իրականացման աշխատանքներում տեղեկատվական նորագույն տեխնոլոգիաների ներդրումն ու կիրառումն անհրաժեշտություն է, ուստի՝ հաշվի առնելով Ճապոնիայի հարուստ փորձն ու ներուժը հիշյալ ոլորտում, Սասուն Խաչատրյանը կարևորել է նաև այդ ուղղությամբ համագործակցության զարգացումը: Շնորհակալություն հայտնելով ջերմ ընդունելության համար և այս հանդիպումը դիտարկելով որպես երկու երկրների իրավապահ համագործակցության արդյունավետ սկիզբ՝ Ճապոնիայի դեսպանը, իր հերթին, ներկայացրել է իրենց երկրի իրավապահ համակարգի կառուցվածքն ու առանձնահատկությունները: Միաժամանակ, անդրադառնալով առհասարակ կոռուպցիայի դեմ տարվող պայքարին, դեսպան Ֆուկուշիման ընդգծել է, որ այն ժողովրդավարական երկրների կայացման կարևոր գործոններից է, և այդ տեսանկյունից իրապես ողջունելի քայլ է համարում Հայաստանում կոռուպցիոն հանցագործությունների քննությամբ զբաղվող մասնագիտացված մարմնի՝ Հակակոռուպցիոն կոմիտեի ստեղծումը: Հանդիպման ավարտին կողմերը պայմանավորվել են խորացնել նոր ձևավորվող համագործակցային կապերն ու արդյունավետ աշխատանքներ տանել փորձի փոխանակման, փոխադարձ այցերի և կոռուպցիայի դեմ պայքարի շրջանակում համատեղ ծրագրերի իրագործման ուղղությամբ:
17:57 - 29 մարտի, 2023
Ճապոնիայում 6,1 մագնիտուդով երկրաշարժ է տեղի ունեցել |armenpress.am|

Ճապոնիայում 6,1 մագնիտուդով երկրաշարժ է տեղի ունեցել |armenpress.am|

armenpress.am: Ճապոնիայի հյուսիս-արևելյան Աոմորի պրեֆեկտուրայի ափերի մոտ  6,1 մագնիտուդով երկրաշարժ է տեղի ունեցել՝ հավանաբար առաջացնելով ափամերձ ջրերի թեթև տատանումներ: Այս մասին հաղորդում է Kyodo գործակալությանը: Ճապոնիայի օդերևութաբանական գործակալության տվյալներով՝ ստորգետնյա ցնցումները գրանցվել են տեղական ժամանակով 18:18-ին (Երևանի ժամանակով 13:18-ին): Երկրաշարժի օջախն ընկած է եղել ջրի տակ՝ 20 կիլոմետր խորության վրա։ Մինչև 4-բալանոց ցնցումներն զգացվել են Հոկայդո, Աոմորի և Իվատե պրեֆեկտուրաներում։ Զոհերի և ավերածությունների մասին տեղեկություններ դեռևս չեն ստացվել։ Օդերևութաբանական գործակալությունը նշել է, որ երկրաշարժից առաջացած ծովի մակերևույթի տատանումներն, ամենայն հավանականությամբ, վտանգ չեն ներկայացնում:
15:38 - 28 մարտի, 2023
Ճապոնիան դատապարտել է Բելառուսում մարտավարական միջուկային զենք տեղակայելու Ռուսաստանի որոշումը |armenpress.am|

Ճապոնիան դատապարտել է Բելառուսում մարտավարական միջուկային զենք տեղակայելու Ռուսաստանի որոշումը |armenpress.am|

armenpress.am: Ճապոնիան, որպես ԱՄՆ-ի կողմից ատոմային ռմբակոծության ենթարկված երկիր, անընդունելի է համարում և դատապարտում Բելառուսում իր մարտավարական միջուկային զենքը տեղակայելու Ռուսաստանի որոշումը։ Այսօր Տոկիոյում կայացած հերթական մամուլի ասուլիսում նման կարծիք է հայտնել Ճապոնիայի նախարարների կաբինետի գլխավոր քարտուղար Հիրոկաձու Մացունոն։ Այս մասին տեղեկանում ենք ՏԱՍՍ գործակալությունից: Մացունոն նաև Ռուսաստանին կոչ է արել խուսափել ցանկացած գործողությունից, որը կարող է սրել լարվածությունը: Բելառուսում մարտավարական միջուկային զենք տեղակայելու Մոսկվայի որոշմանն արձագանքել են նաև Ուկրաինայում: Կիևը պահանջել է հրավիրել ՄԱԿ-ի Անվտանգության խորհրդի նիստ։ Ըստ Ուկրաինայի ԱԳՆ-ի հայտարարության՝ Ռուսաստանի նման մտադրությունները չեն կարող առանձնահատուկ անհանգստություն չառաջացնել ողջ համաշխարհային հանրության մոտ: Նախարարության հայտարարության մեջ ընդգծվում է, որ Կիևը սպասում է գործողությունների Մեծ Բրիտանիայից, Չինաստանից, ԱՄՆ-ից և Ֆրանսիայից՝ «Կրեմլի միջուկային շանտաժին դիմակայելու համար»։ Մարտի 25-ին ՌԴ նախագահ Վլադիմիր Պուտինը հայտարարել էր, որ Ռուսաստանի Դաշնությունը բելառուսական կողմի խնդրանքով կտեղակայի իր մարտավարական միջուկային զենքը Բելառուսում, ինչպես Միացյալ Նահանգները վաղուց անում է իր դաշնակիցների տարածքում։ ՌԴ նախագահի խոսքով՝ դա կարվի առանց միջուկային զենքի չտարածման ռեժիմը խախտելու: Պուտինը վստահեցրել է, որ Մինսկը չի ստանա վերահսկողություն միջուկային լիցքերի նկատմամբ: ՌԴ նախագահն այս որոշման պատճառ է անվանել Մեծ Բրիտանիայի պաշտպանության փոխնախարարի հայտարարությունն Ուկրաինային աղքատացված ուրանով հրետանային արկեր մատակարարելու պլանների մասին։ Մոսկվան արդեն Մինսկին է հանձնել «Իսկանդեր» համալիրը, որը կարող է միջուկային զենք կրել։ Ռուսաստանի ղեկավարի խոսքով՝ Բելառուսի տարածքում մարտավարական միջուկային զենքի պահեստարանի շինարարությունը կավարտվի հուլիսի 1-ին։    
12:38 - 27 մարտի, 2023