Ինֆոթեգեր Մեր մասին
hy en ru
Նվիրաբերել

Ճապոնիա

Կղզեխմբային ինքնիշխան միապետություն է, որը գտնվում է Արեւելյան Ասիա տարածաշրջանում։ Այն Խաղաղ օվկիանոսի արեւմտյան ափին է՝ զբաղեցնելով Ասիա աշխարհամասի արեւելյան ծովափը, տարածվելով Օխոտի ծովից մինչեւ Արեւելաչինական ծով, Չինաստանի Ժողովրդական Հանրապետության հարավը։

Ըստ չինական եւ ճապոնական գաղափարագրերի` Ճապոնիա անունը նշանակում է «արեւի ծագում» կամ «ծագող արեւի երկիր»։ Ճապոնիան կազմված է մոտ 6,852 հրաբխային ծագման կղզիներից։ Առավել խոշոր չորս կղզիներն են Հոնսյուն, Հոկայդոն, Սիկուկուն եւ Կյուսուն, որոնք զբաղեցնում են Ճապոնիայի ցամաքային տարածքի մոտ իննսունյոթ տոկոսը։

Բնակչության թվաքանակով աշխարհում տասներորդն է՝ մոտ 127 մլն մարդ։ Բնակչության կազմը միատարր է․ ճապոնացիները կազմում են Ճապոնիայի ամբողջ բնակչության 98.5 %-ը։ Մայրաքաղաքի՝ Տոկիոյի բնակչությունը կազմում է մոտ 9,1 մլն մարդ։ 

Նիկոլ Փաշինյանը ցավակցական հեռագիր է հղել Ճապոնիայի վարչապետին

Նիկոլ Փաշինյանը ցավակցական հեռագիր է հղել Ճապոնիայի վարչապետին

Վարչապետ Նիկոլ Փաշինյանը ցավակցական հեռագիր է հղել Ճապոնիայի վարչապետ Ֆումիո Կիշիդային՝ Ճապոնիայի Իշիկավա պրեֆեկտուրայում և հարակից շրջաններում գրանցված ավերիչ երկրաշարժի և ցունամիի կապակցությամբ: Հեռագրում ասված է. «Խորը ցավով տեղեկացա Ճապոնիայի Իշիկավա պրեֆեկտուրայում և հարակից շրջաններում գրանցված ավերիչ երկրաշարժի և ցունամիի մասին, որը խլեց տասնյակ մարդկանց կյանքեր և մեծ ավերածությունների պատճառ դարձավ։ Այս ծանր պահին Հայաստանը և հայ ժողովուրդը բարեկամ ճապոնացի ժողովրդի կողքին են։ Վստահ եմ, որ Ճապոնիայի կառավարության կողմից ձեռնարկվող վճռական գործողությունների շնորհիվ արագորեն կհաղթահարվեն բնական աղետի ծանր հետևանքները։ Իմ կարեկցանքն ու զորակցությունն եմ հայտնում աղետի զոհ դարձած անձանց ընտանիքներին և հարազատներին՝ մաղթելով տոկունություն և շուտափույթ ապաքինում բոլոր վիրավորներին»:
14:14 - 05 հունվարի, 2024
Ճապոնիայում երկրաշարժերի զոհերի թիվը հասել է 73-ի |tert.am|

Ճապոնիայում երկրաշարժերի զոհերի թիվը հասել է 73-ի |tert.am|

tert.am: Ճապոնիայի Իսիկավա պրեֆեկտուրայում նախօրեին տեղի ունեցած հզոր երկրաշարժերի զոհերի թիվը հասել է 73-ի:  Այս մասին հայտնում է Kyodo գործակալությունը՝ տեղական իշխանություններին հղումով։ Մահվան դեպքերի մեծ մասը գրանցվել է Վաձիմա քաղաքներում՝ 39 մարդ, Սուզու քաղաքում նրանց թիվը հասել է 23-ի։ Ավելի վաղ հաղորդվել էր, որ զոհվել է 65 մարդ, ավելի քան 100 մարդ վիրավորվել է։ Բացի այդ, մոտ 750 մարդ կարող է հոսանքազրկվել երկրաշարժերի հետեւանքների պատճառով։
15:24 - 03 հունվարի, 2024
Տոկիոյի օդանավակայանում մարդատար օդանավ է հրդեհվել |azatutyun.am|

Տոկիոյի օդանավակայանում մարդատար օդանավ է հրդեհվել |azatutyun.am|

azatutyun.am: Japan Airlines ավիաընկերության օդանավը, այսօր վայրէջք կատարելով Տոկիոյի օդանավակայանում, հրդեհի է մատնվել։ Ավիաընկերությունը հայտնում է, որ 379 հոգի՝ բոլոր ուղևորները և անձնակազմը, տարհանվել են։ NHK հեռուստաընկերության կադրերում երևում է, թե ինչպես է օդանավը սահում ասֆալտից, իսկ հրշեջները փորձում են հանգցնել կրակը։ Օդանավի հրդեհվելու պատճառներն ուսումնասիրվում են։ Ըստ վարկածներից մեկի՝ մարդատար օդանավը կպել է առափնյա ծառայության օդանավին, որի պատճառով հրդեհ է բռնկվել։ Առափնյա ծառայությունը այս վարկածն ուսումնասիրում է։
15:02 - 02 հունվարի, 2024
Ճապոնիայում տեղի ունեցած երկրաշարժերի զոհերի թիվը հասել է 30-ի |tert.am|

Ճապոնիայում տեղի ունեցած երկրաշարժերի զոհերի թիվը հասել է 30-ի |tert.am|

tert.am: Նախօրեին Ճապոնիայի Իսիկավա պրեֆեկտուրայում տեղի ունեցած մի շարք երկրաշարժերի զոհերի թիվը հասել է 30-ի։ Այս մասին հայտնում է NHK հեռուստաալիքը՝ հղում անելով տեղի իշխանություններին։ Ավելի վաղ հաղորդվում էր 24 զոհի մասին։ Հաղորդվում է, որ առավել շատ զոհեր են գրանցվել Վաձիմա քաղաքում։ Այստեղ վերջին տվյալներով զոհվել է 15 մարդ։ Նշվում է, որ երկրաշարժերի հետևանքով կան տասնյակ տուժածներ։ Բացի այդ, փլատակների տակ դեռ կարող են մարդիկ լինել, ուստի տուժածների ու զոհերի թիվը կարող է փոփոխվել։ Հիշեցնենք, որ երեկ՝ հունվարի 1-ին, կենտրոնական Ճապոնիայում ավելի քան 40 երկրաշարժ է տեղի ունեցել, որոնցից ամենահզորը 7,6 մագնիտուդ ուժգնությամբ՝ ամենաուժեղն է Ճապոնիայի այս տարածքում 1885 թվականից ի վեր: 2011 թվականից ի վեր առաջին անգամ հայտարարվել է «մեծ երկրաշարժի» վտանգ, իսկ երկրի ամբողջ արևմտյան ափի համար հայտարարվել է ցունամիի վտանգ։
11:23 - 02 հունվարի, 2024
Ճապոնիայում ցունամիի վտանգի մասին է հայտարարվել |armeniasputnik.am|

Ճապոնիայում ցունամիի վտանգի մասին է հայտարարվել |armeniasputnik.am|

armeniasputnik.am: Ճապոնիայում 6,1 մագնիտուդով հզոր երկրաշարժ է տեղի ունեցել Իսիկավա պրեֆեկտուրայում, որը գլխավոր Հոնսյու կղզու հյուսիսարևմտյան ափին է: Տեղեկությունը հայտնում է TV Asahi-ն։ Երկրաշարժի էպիկենտրոնը Նոտո թերակղզում է՝ 10 կմ խորությամբ։ Այժմ իշխանությունները երկրի հյուսիսարևմտյան ափի ողջ երկայնքով ցունամիի սպառնալիքի մասին են հայտարարում: Ըստ նախնական կանխատեսումների՝ ալիքների բարձրությունը կարող է հասնել 5 մետրի: Ծովափնյա շրջանների բնակիչներն արդեն տարհանվել են։ Շինկանսեն երեք արագընթաց երկաթուղային գծերի սպասարկումը դադարեցվել է։ Երկրաշարժի հետևանքով ավելի քան հարյուր շենք է վնասվել, մի քանիսը փլուզվել են։ Իսիկավայում վնասների մասին դեռևս տեղեկություններ չկան։  Կառավարության գլխավոր քարտուղար Յոշիմասա Հայաշիի խոսքով հայտնի է տան փլուզման առնվազն վեց դեպքի մասին։ Փլատակների տակ կարող են մարդիկ լինել։ Տեղեկություններ կան նաև երկրաշարժի հետևանքով վիրավորների մասին։ Ճապոնական լրատվամիջոցների հաղորդմամբ նրանք ստացել են կյանքին վտանգ չսպառնացող վնասվածքներ։ Մահվան դեպքերի մասին տվյալներ դեռ չկան։
17:06 - 01 հունվարի, 2024
Նիկոլ Փաշինյանը հրաժեշտի հանդիպում է ունեցել ՀՀ-ում Ճապոնիայի դեսպան Ֆուկուշիմա Մասանորիի հետ

Նիկոլ Փաշինյանը հրաժեշտի հանդիպում է ունեցել ՀՀ-ում Ճապոնիայի դեսպան Ֆուկուշիմա Մասանորիի հետ

Վարչապետ Նիկոլ Փաշինյանն ընդունել է Հայաստանում Ճապոնիայի արտակարգ և լիազոր դեսպան Ֆուկուշիմա Մասանորիին, ով ավարտում է դիվանագիտական առաքելությունը մեր երկրում: Վարչապետը շնորհակալություն է հայտնել պարոն Մասանորիին իր ակտիվ գործունեությամբ հայ-ճապոնական հարաբերությունների և փոխգործակցության զարգացմանը նպաստելու համար: Նիկոլ Փաշինյանը նշել է, որ Հայաստանը կարևորում է Ճապոնիայի հետ տարբեր ուղղություններով համագործակցության ընդլայնումը և հույս հայտնել, որ երկկողմ կապերը կշարունակեն խորանալ ու ամրապնդվել: Դեսպան Ֆուկուշիմա Մասանորին իր հերթին ևս շնորհակալություն է հայտնել վարչապետին համագործակցության համար և վստահեցրել, որ հետագայում ևս կներդնի բոլոր ջանքերը` ի նպաստ Հայաստանի ու Ճապոնիայի հարաբերությունների զարգացման: Վարչապետ Փաշինյանը դեսպանին մաղթել է հաջողություններ:
19:17 - 22 նոյեմբերի, 2023
Ճապոնիայի համար Հայաստանը շատ կարևոր գործընկեր է. դեսպանը՝ Անահիտ Ավանեսյանին

Ճապոնիայի համար Հայաստանը շատ կարևոր գործընկեր է. դեսպանը՝ Անահիտ Ավանեսյանին

Առողջապահության նախարար Անահիտ Ավանեսյանն ընդունել է Ճապոնիայի դեսպան Ֆուկուսիմա Մասանորիին` նրա դիվանագիտական առաքելության ավարտի կապակցությամբ: Այս մասին տեղեկացրին ՀՀ առողջապահության նախարարությունից: «Ճապոնիայի համար Հայաստանը շատ կարևոր գործընկեր է՝ ուղղված երկկողմ հարաբերությունների առավել խորացմանը, զարգացած տնտեսություն ունենալուն և առողջապահական ոլորտի բարելավմանը` հիմնված օրենքի գերակայության վրա»,- նշել է Ֆուկուսիմա Մասանորին: «Գնահատելի է ձեր անձնական ներդրումը հայ-ճապոնական բարեկամական հարաբերությունների ամրապնդման և առողջապահական տարբեր ծրագրերի իրականացման հարցում»,- նշել է նախարարը: Երկկողմ գործակցության վերջին ձեռքբերումներից են` Նորագույն, ճշգրիտ ախտորոշման բժշկական սարքավորումների նվիրաբերում Երևանի և մարզերի առողջապահական հաստատություններին. վերջին սերնդի սարքավորումներով համալրված շտապօգնության 39 մեքենայի նվիրաբերում. պաթոհիստոլոգիայի գերժամանակակից լաբորատորիայի բացում Վանաձորի բժշկական կենտրոնում: Առաջիկա ծրագրերը նպատակաուղղված կլինեն բժշկական կենտրոնների վերազինմանը և ԼՂ բնակչության բռնի տեղահանման հետևանքով առկա մարտահրավերների հաղթահարմանը:
13:27 - 21 նոյեմբերի, 2023
Վահագն Խաչատուրյանն ընդունել է Հայաստանում Ճապոնիայի դեսպան Մասանորի Ֆուկուշիմային

Վահագն Խաչատուրյանն ընդունել է Հայաստանում Ճապոնիայի դեսպան Մասանորի Ֆուկուշիմային

Հանրապետության նախագահ Վահագն Խաչատուրյանն ընդունել է Հայաստանում Ճապոնիայի արտակարգ և լիազոր դեսպան Մասանորի Ֆուկուշիմային, որն ավարտում է իր դիվանագիտական առաքելությունը մեր երկրում:Նախագահը շնորհակալություն է հայտնել դեսպանին իր կատարած աշխատանքի համար և բարձր գնահատել նրա անձնական ներդրումը մեր երկրների և մեր ժողովուրդների միջև երկկողմ հարաբերությունների զարգացման գործում:«Ձեր գործունեությամբ մեկ անգամ ևս մեզ համար կարևորեցիք և՛ Ճապոնիայի դերը, և՛, իհարկե, Ճապոնիայի բարեկամական վերաբերմունքը Հայաստանի նկատմամբ: Դա արեցիք նույնիսկ շատ առանձնահատուկ կերպով՝ Ձեր ոճով ներկայանալով մեր հանրությանը: Շնորհակալություն այդ ամենի համար»,- ասել է նախագահ Խաչատուրյանը:Մասանորի Ֆուկուշիման շնորհակալություն է հայտնել ջերմ ընդունելության համար: «Ճապոնիայի համար Հայաստանը շատ կարևոր գործընկեր է՝ ընդլայնելու ազատ, բաց, ինչպես նաև միջազգային համագործակցությունը՝ հիմնված օրենքի գերակայության վրա: Համոզված եմ, որ Հայաստանը ժողովրդավարական երկրներից մեկն է, որն այժմ ավելի ժողովրդավար է դառնում»,- ասել է դեսպանը:Հանդիպման ընթացքում քննարկվել են Հայաստանի և Ճապոնիայի միջև համագործակցության շարունակական զարգացումն ու ընդլայնումը:Զրույցի ընթացքում մտքեր են փոխանակվել հարավկովկասյան տարածաշրջանային իրողությունների և առկա մարտահրավերների վերաբերյալ: Անդրադարձ է կատարվել Լեռնային Ղարաբաղի ժողովրդի բռնի տեղահանման հետևանքով ստեղծված հումանիտար ու սոցիալ-տնտեսական խնդիրներին, և դրանց լուծման ուղղությամբ տարվող աշխատանքներին:
20:46 - 16 նոյեմբերի, 2023
Կքննարկվեն հայ-ճապոնական համագործակցության հարցեր. Վահան Քերոբյանը Ճապոնիայում է

Կքննարկվեն հայ-ճապոնական համագործակցության հարցեր. Վահան Քերոբյանը Ճապոնիայում է

Նախարար Վահան Քերոբյանը և նախարարի տեղակալ Նարեկ Տերյանը գտնվում են Ճապոնիայում՝ «ԷՔՍՊՈ 2025 Օսակա, Կանսայ, Ճապոնիա» համաշխարհային ցուցահանդեսին հայտավորված երկրների մասնակիցների հանդիպում 2023» միջոցառմանը մասնակցելու և երկկողմ համագործակցությանն առնչվող մի շարք հարցեր քննարկելու նպատակով։ Այս մասին հայտնում են ՀՀ էկոնոմիկայի  նախարարությունից:  Այցի շրջանակում Վահան Քերոբյանը նոյեմբերի 13-ին հանդիպում է ունեցել Ռուսաստանի և նորանկախ պետությունների հետ առևտրի ընկերակցության (ROTOBO-Japan Association for Trade with Russia and NIS) գործադիր տնօրեն Կյոիչի Սուզուկիի և ասոցիացիայի անդամ Միզուկի Չումանի հետ։ Հանդիպմանը ներկա է եղել նաև Ճապոնիայում ՀՀ արտակարգ և լիազոր դեսպան Արեգ Հովհաննիսյանը։ «Ռոտոբո» ասոցիացիան խոշորագույն կազմակերպություն է, որի գործունեությունն ուղղված է ճապոնական ձեռնարկությունների և Եվրասիայի նախկին սոցիալիստական պետությունների միջև գործարար համագործակցության զարգացման խթանմանը։ Հանդիպման ընթացքում քննարկվել են սարքաշինության և մեքենաշինության ոլորտներին առնչվող մի շարք հարցեր, ինչպես նաև այս ուղղությամբ համագործակցության հնարավորությունները։ Ներկայացնելով Գյումրիի «չոր նավահանգստի» նախագիծը՝ Վահան Քերոբյանն առաջարկել է ճապոնական կողմին դիտարկել այդ նախագծում ճապոնական ընկերությունների ներգրավման հնարավորությունը։ Նախարարը ներկայացրել է նաև R&D նորարարական գրասենյակների հիմնադրման համար Հայաստանում ստեղծված բարենպաստ պայմանները։
16:52 - 13 նոյեմբերի, 2023
Ալեն Սիմոնյանը Ճապոնիային առաջարկել է միանալ «Խաղաղության խաչմերուկ» նախագծին

Ալեն Սիմոնյանը Ճապոնիային առաջարկել է միանալ «Խաղաղության խաչմերուկ» նախագծին

ՀՀ ԱԺ նախագահ Ալեն Սիմոնյանը նոյեմբերի 2-ին ընդունել է Հայաստանում դիվանագիտական առաքելությունն ավարտող Ճապոնիայի արտակարգ եւ լիազոր դեսպան Ֆուկուշիմա Մասանորիին: ՀՀ ԱԺ նախագահը մեծապես կարեւորել է դեսպանի կատարած աշխատանքը, նրա ջերմ վերաբերմունքը մեր երկրին եւ մեր ժողովրդին, ինչի վկայությունն է նաեւ հայոց լեզուն սովորելու դեսպանի պատրաստակամությունը: ՀՀ ԱԺ նախագահը շեշտել է, որ Ճապոնիան Հայաստանի համար կարեւորագույն գործընկեր է, եւ Հայաստանը շահագրգռված է բազմաբեւեռ համագործակցության խորացմամբ` այդ շրջանակում դիտարկելով նաեւ միջխորհրդարանական կապերի զարգացումը:   Ալեն Սիմոնյանն ընդգծել է, որ Հայաստանը բարձր է գնահատում Ճապոնիայի հստակ ուղերձները տարածաշրջանում Ադրբեջանի կողմից ուժի կիրառման քաղաքականության անընդունելիության վերաբերյալ`   երախտագիտություն հայտնելով Ճապոնիայի կառավարությանը սեպտեմբերի 19-ին Ադրբեջանի կողմից Լեռնային Ղարաբաղի վրա զինված հարձակման հետեւանքով ավելի քան 100 հազար բռնի տեղահանված հայերի առաջնային կարիքների համար հատկացված 2 միլիոն ԱՄՆ դոլար անհետաձգելի օգնության դրամաշնորհ տրամադրելու համար: Կողմերն անդրադարձել են «Խաղաղության խաչմերուկ» նախագծի հնարավորություններին: ԱԺ խոսնակը նշել է, որ առաջարկ է արվում Ճապոնիային եւս միանալ նախագծին: Նա նշել է նաեւ, որ Հայաստանն իր մասնակցությունը կունենա 2025 թվականին Օսակայում նախատեսվող էքսպոյին: Հանդիպման ավարտին դեսպանը երախտագիտություն է հայտնել իր պաշտոնավարման ընթացքում խորհրդարանի հետ սերտ աշխատանքի համար` շեշտելով, որ սկսված ծրագրերը շարունակական են լինելու: ՀՀ ԱԺ նախագահը դեսպանին մաղթել է հաջողություններ բոլոր հետագա ձեռնարկումներում:
12:44 - 02 նոյեմբերի, 2023
Ճապոնիան 2 մլն դոլար դրամաշնորհ կհատկացնի Լեռնային Ղարաբաղից տեղահանվածներին |armeniasputnik.am|

Ճապոնիան 2 մլն դոլար դրամաշնորհ կհատկացնի Լեռնային Ղարաբաղից տեղահանվածներին |armeniasputnik.am|

armeniasputnik.am: Ճապոնիայի կառավարությունը որոշել է 2 մլն դոլարի չափով դրամաշնորհ հատկացնել, որն ուղղվելու է Լեռնային Ղարաբաղից փախստականներին օգնություն ցուցաբերելուն: Այս մասին ասվում է Ճապոնիայի ԱԳՆ-ի տարածած հայտարարության մեջ։ Նշվում է, որ այդ միջոցները կփոխանցվեն Կարմիր խաչի միջազգային կոմիտեի և ՄԱԿ-ի Փախստականների հարցերով գերագույն հանձնակատարի գրասենյակի միջոցով: Ճապոնիայի կառավարության դրամաշնորհը կօգտագործվի ոչ պարենային ապրանքների, դեղորայքի և ջրի պաշարների գնման համար:
09:27 - 06 հոկտեմբերի, 2023
Նախարար Մկրտչյանն ընդունել է Հայաստանում Ճապոնիայի արտակարգ և լիազոր դեսպան Մասանորի Ֆուկուշիմային

Նախարար Մկրտչյանն ընդունել է Հայաստանում Ճապոնիայի արտակարգ և լիազոր դեսպան Մասանորի Ֆուկուշիմային

Աշխատանքի և սոցիալական հարցերի նախարար Նարեկ Մկրտչյանն այսօր ընդունել է Հայաստանում Ճապոնիայի արտակարգ և լիազոր դեսպան Մասանորի Ֆուկուշիմային։ Այս մասին հայտ Հանդիպման ընթացքում քննարկվել են նախարարության կողմից ԼՂ-ից բռնի տեղահանված անձանց աջակցության, ինչպես նաև վերջիններիս սոցիալական խնդիրների հաղթահարման ուղղությամբ համագործակցությանն առնչվող մի շարք հարցեր։    Նարեկ Մկրտչյանն անդրադարձել է նախարարության և ԼՂ-ում հումանիտար ճգնաժամի կառավարման աշխատանքային խմբի կողմից իրականացվող աշխատանքներին՝ այս համատեքստում կարևորելով միջազգային գործընկերների հետ համագործակցության դերը։ Նախարարը նշել է, որ գործընկեր կազմակերպությունների հետ նախարարությունը կշարունակի ակտիվ աշխատանքներ իրականացնել տեղահանված անձանց խնդիրների համատեղ կարգավորման նպատակով։ Մասանորի Ֆուկուշիման վշտակցություն է հայտնել ԼՂ-ում տեղի ունեցած դեպքերի առնչությամբ և նշել, որ Ճապոնիայի կառավարությունը ևս պատրաստակամ է անհրաժեշտ ջանքեր ներդնել և աջակցել՝ ԼՂ-ից բռնի տեղահանված անձանց սոցիալական խնդիրների հաղթահարման ուղղությամբ։
13:25 - 26 սեպտեմբերի, 2023
ՄԱԿ-ում Ճապոնիայի ներկայացուցիչը կոչ է արել Ադրբեջանին դադարեցնել իր ռազմական գործողությունները

ՄԱԿ-ում Ճապոնիայի ներկայացուցիչը կոչ է արել Ադրբեջանին դադարեցնել իր ռազմական գործողությունները

Արցախում իրավիճակի հարցով ՄԱԿ ԱԽ նիստին Ճապոնիան խոր մտահոգություն է հայտնել իրավիճակի վատթարացման կապակցությամբ եւ կոչ արել անհապաղ դադարեցնել մարտական գործողությունները։ ՄԱԿ-ում Ճապոնիայի ներկայացուցիչը կոչ է արել Ադրբեջանին դադարեցնել իր ռազմական գործողությունները։  «Իրավիճակի ցանկացած միակողմ փոփոխության փորձ անընդունելի է։ Սեպտեմբերի 20-ին համաձայնություն է ձեռք բերվել մարտական գործողությունները դադարեցնելու վերաբերյալ, թեպետ ռազմական առճակատումը դադարեցվեց, իրավիճակը շարունակում է անորոշ մնալ։ ԱԽ-ն պետք է շարունակի հետեւել տեղի իրավիճակին՝ իրադարձությունների վրա դրական ազդեցություն ունենալու նպատակով», - նշել է նա։ Ներկայացուցչի խոսքով՝ ԱԽ-ն պետք է մասնավորապես շարունակի զբաղվել ԼՂ-ում մարդասիրական իրավիճակով. «Պետք է ապահովել ամենախոցելի բնակիչների, այդ թվում հիվանդների, քրոնիկ հիվանդություններ ունեցողների, տարեցների, կանանց եւ երեխաների կյանքի եւ անվտանգության պաշտպանությունը։ Մարդասիրական հասանելիությունը միջազգային կազմակերպությունների համար պետք է առանց խոչընդոտների ապահովված լինի, որպեսզի պաշտպանվեն տեղի բնակիչների անվտանգությունը եւ ապահովվեն կարիքները։ Հակամարտության լուծումը Ադրբեջանի եւ այլ կողմերի միջեւ շատ կարեւոր է Կովկաս տարածաշրջանում խաղաղության եւ անվտանգության համար։ Նրանց միջեւ երկխոսությունը հույժ կարեւոր է», - ասել է ՄԱԿ-ում Ճապոնիայի ներկայացուցիչը՝ նշելով, որ Ճապոնիան բոլոր կողմերին կոչ է անում խնդիրները լուծել խաղաղ ճանապարհով։
00:42 - 22 սեպտեմբերի, 2023
Ճապոնիայի ԱԳ նախարարը ԼՂ-ում ռազմական գործողությունները դադարեցնելու կոչ է արել Ադրբեջանին |armenpress.am|

Ճապոնիայի ԱԳ նախարարը ԼՂ-ում ռազմական գործողությունները դադարեցնելու կոչ է արել Ադրբեջանին |armenpress.am|

armenpress.am:  Ճապոնիայի արտաքին գործերի նախարար Յոկո Կամիկավան կոչ է արել Ադրբեջանին անհապաղ դադարեցնել ռազմական գործողությունները Լեռնային Ղարաբաղում, որի հետևանքով կան տասնյակ զոհեր ու վիրավորներ՝ այդ թվում և քաղաքացիական բնակչության շրջանում։ Ճապոնիայի ԱԳ նախարարի հայտարարության մեջ մասնավորապես ասվում է․ «Ճապոնիան իր խորը մտահոգությունն է հայտնում Լեռնային Ղարաբաղում իրադրության վերջին վատթարացման առնչությամբ և խստորեն հորդորում է անհապաղ կասեցնել ագրեսիան, կոչ է անում Ադրբեջանին դադարեցնել ռազմական գործողությունները։   Ճապոնիան հորդորում է բոլոր կողմերին տարածաշրջանային խնդիրները լուծել խաղաղ կերպով՝ երկխոսության միջոցով»։
09:36 - 20 սեպտեմբերի, 2023
Ճապոնիան հաջողությամբ առաքելություն է ուղարկել դեպի Լուսին՝ միանալով մրցավազքին |armenpress.am|

Ճապոնիան հաջողությամբ առաքելություն է ուղարկել դեպի Լուսին՝ միանալով մրցավազքին |armenpress.am|

armenpress.am: Ճապոնիան սեպտեմբերի 7-ին հաջողությամբ հրթիռ է արձակել, որը պետք է լուսնագնացը հասցնի Լուսին։ Սա երկրի՝ այս տարվա արդեն չորրորդ նման փորձն էր․ նախկին փորձերը տապալվել էին վատ եղանակի պատճառով։ Այս մասին հաղորդում է BBC-ի հրապարակումը։ Եթե ամեն ինչ հարթ ընթանա, ապա լուսնագնացը, որը ստացել է «լուսնային դիպուկահար» անվանումը, պետք է հասնի Լուսնի մակերևույթին 2024 թ․ փետրվարին։ Ճապոնիան նախատեսում է իր տիեզերական սարքն իջեցնել Շիոլի խառնարանի մոտակայքում։ Ճապոնիան ցանկանում է դառնալ 5-րդ երկիրը, որը վայրէջք կկատարի Լուսնի վրա՝ հաջորդելով ԱՄՆ-ին, Ռուսաստանին, Չինաստանին և Հնդկաստանին։ Երկու շաբաթ առաջ Հնդկաստանը դարձավ առաջին երկիրը, որը հաջողությամբ տիեզերանավ իջեցրեց Լուսնի հարավային բևեռում։
13:13 - 07 սեպտեմբերի, 2023
Ճապոնիան սկսել է «Ֆուկուսիմա-1» ատոմակայանից մաքրված ջրի արտանետումը օվկիանոս |1lurer.am|

Ճապոնիան սկսել է «Ֆուկուսիմա-1» ատոմակայանից մաքրված ջրի արտանետումը օվկիանոս |1lurer.am|

1lurer.am: Ճապոնիայում սկսվել է «Ֆուկուսիմա-1» վթարաված ատոմակայանից մաքրված ջրի բացթողումը։ Նշվում է, որ 2023 ֆինանսական տարում ատոմակայանից բաց կթողնվի մոտ 31,2 հազար տոննա հեղուկ: TEPCO օպերատոր ընկերությունը հայտարարել է, որ մաքրված ջրի մեջ տրիտիումի խտությունը սահմանված նորմայից ցածր է: Եթե գործընթացում որևէ խախտում լինի, ջրի բացթողումն անմիջապես կդադարեցվի՝ ասել են կազմակերպությունում: Տոկիոյի որոշումը դժգոհություն է առաջացրել հարևան երկրներում։ Չինաստանի ԱԳՆ-ն կտրականապես դեմ է արտահայտվել Ճապոնիայի որոշմանը։ Նախարարության խոսնակ Վան Վենբինը Տոկիոյի քայլը անվանել է «չափազանց եսասիրական և անպատասխանատու»։ «Ռոսսելխոզնադզորն» էլ ուժեղացրել է հսկողությունը ՌԴ տարածքային ջրերի այն շրջանում որսված կենսառեսուրսների նկատմամբ, որը համեմատաբար մոտ է «Ֆուկուսիմա-1»-ից ջրի բացթողման պլանավորված վայրին։ Ճապոնական կողմի որոշումը դժգոհություն է առաջացրել նաև Հարավային Կորեայում, որտեղ արդեն մի շարք բողոքի ակցիաներ են անցկացվել: Կայանը նախատեսվում է ամբողջությամբ ապամոնտաժել մինչև 2050 թվականը:
13:58 - 24 օգոստոսի, 2023