Սիրիա

Թուրքիայի ԶՈՒ-ն 4 քուրդ զինյալի է սպանել Սիրիայի հյուսիս-արևելքում |ermenihaber.am|

ermenihaber.am: Թուրքիայի զինուժը Սիրիայի հյուսիս-արևելքում, որտեղ իրականացրել է «Խաղաղության ակունք» ռազմական օպերացիան, 4 քուրդ զինյալի է սպանել։ Այս մասին հաղորդագրություն է տարածել Թուրքիայի պաշտպանության նախարարությունը։ Թուրքիայի ՊՆ-ի հաղորդագրության մեջ նշվում է, որ թուրքական զինվորական ստորաբաժանումները սպանել են Թուրքիայում ահաբեկչական համարվող «Քուրդիստանի բանվորական» կուսակցության (PKK-ՔԲԿ) զինյալներին, որոնք փորձել են մուտք գործել Սիրիայի հյուսիս-արևելք։

12:11 - 04 ապրիլի, 2020

Թուրքիան այլևս ի վիճակի չէ միայնակ պաշտպանել Եվրոպայի և ՆԱՏՕ-ի սահմանները․ Չավուշօղլու |azatutyun.am|

azatutyun.am: «Թուրքիան այլևս ի վիճակի չէ փախստականների նոր խմբեր ընդունել` լինի դա Սիրիայից, թե որևէ այլ երկրից», - Financial Times-ում այսօր հրապարակված հոդվածում գրել է Թուրքիայի արտաքին գործերի նախարար Մևլութ Չավուշօղլուն: «ԵՄ անգործությունը` բիծ մարդկության խղճի վրա» վերնագրված հրապարակման մեջ Թուրքիայի արտաքին քաղաքական գերատեսչության ղեկավարը պնդում է, որ վերջին տարիներին Թուրքիան շուրջ 40 միլիարդ դոլար է ծախսել սիրիացի փախստականների կարիքները հոգալու համար: «Մեր երկիրը, սակայն, այլևս ի վիճակի չէ միայնակ պաշտպանել Եվրոպայի և ՆԱՏՕ-ի սահմանները», - նշել է Չավուշօղլուն: Նախարարի խոսքով՝ Արևմուտքը որևէ գործնական քայլի չի դիմում Իդլիբում ստեղծված ճգնաժամը հանգուցալուծելու համար: «Այդ իսկ պատճառով վերջին 9 տարում Իդլիբում 3,5 միլիոն մարդ է կուտակվել: Այդ շրջանը վերածվել է նոր Գազայի հատվածի», - պնդել է Չավուշօղլուն:

16:25 - 23 մարտի, 2020

Թուրքական զինուժը մարդկային ուժի կորուստներ ունի Իդլիբում |ermenihaber.am|

ermenihaber.am: Թուրքիայի պաշտպանության նախարարությունը հաստատել է, որ Սիրիայի Իդլիբ նահանգում թուրքական զինուժի ուղղությամբ իրականացված հարձակման հետևանքով 2 թուրք զինծառայող է սպանվել, 1-ը՝ վիրավորվել։ Բացի այդ նշվում է, որ Իդլիբում սրտի կաթվածից մահացել է նաև 1 թուրք զինվորական։ Նախարարության պաշտոնական հաղորդագրության մեջ ասվում է․ «Իդլիբի ապառազմականացված գոտում մեր ստորաբաժանումների ուղղությամբ ծայրահեղական որոշ խմբավորումների կողմից իրականացված հարձակման հետևանքով մեր զինծայողներից 2֊ը զոհվել, 1-ը վիրավորվել է»։ Նախարարությունը տեղեկացրել է, որ թուրքական զինուժը պատասխան կրակ է բացել թիրախների վրա։

10:56 - 20 մարտի, 2020

Թուրքական զորքերն ու զինյալները կրակ են բացել սիրիական սահմանամերձ բնակավայրերի ուղղությամբ |tert.am|

tert.am: Թուրքական բանակի և նրա կողմից կռվող սիրիական ընդդիմության հրետանային ուժերը չորեքշաբթի կրակ են բացել Հալեպի նահանգային կենտրոնից հյուսիս ընկած բնակելի կետերի ուղղությամբ: Այս մասին հայտնում է ТАСС-ը՝ հղում տալով SANA պետական գործակալությանը: Կրակահերթն իրականացվել է սահմանապահ Աազազ շրջանից, որը գտնվում է Սիրիայի հյուսիսում՝ «Եփրատի վահան» գործողությունից հետո՝ 2017-ին, քրդերի դեմ թուրքական զորքերի կողմից ստեղծած անվտանգության գոտում: Սիրիացի զինծառայողները թուրքական ընդդիմության դեմ պատասխան կրակ չեն բացել:

09:20 - 19 մարտի, 2020

Թուրքիայի ԶՈՒ-ն 4 քուրդ զինյալի է սպանել Սիրիայի հյուսիսում |ermenihaber.am|

ermenihaber.am: Մարտի 18-ին Թուրքիայի զինուժը Սիրիայի հյուսիսում, որտեղ իրականացրել է «Եփրատի վահան» և «Խաղաղության ակունք» ռազմական օպերացիաները, 4 քուրդ զինյալի է սպանել։ Այս մասին հաղորդագրություն է տարածել Թուրքիայի պաշտպանության նախարարությունը։ Թուրքիայի ՊՆ֊ի հաղորդագրության մեջ նշվում է, որ Թուրքիայում ահաբեկչական համարվող «Քուրդիստանի բանվորական» կուսակցության (PKK-ՔԲԿ) զինյալները կրակ են բացել թուրքական ստորաբաժանումների ուղղությամբ։

14:34 - 18 մարտի, 2020

Իդլիբում իրականացել է Թուրքիայի և Ռուսաստանի առաջին համատեղ պարեկությունը |ermenihaber.am|

ermenihaber.am: Ռուսաստանի և Թուրքիայի ստորաբաժանումները մարտի 15-ին առաջին համատեղ պարեկությունն են իրականացրել Սիրիայի Իդլիբ նահանգում M4 մայրուղու վրա: Այս մասին հայտնել է Թուրքիայի պաշտպանության նախարարությունը։ «Մոսկվայի համաձայնագրի շրջանակում Իդլիբի M4 մայրուղու հատվածում ցամաքային ստորաբաժանումների և օդուժի մասնակցությամբ իրականացվել է ռուս-թուրքական ցամաքային պարեկապահակային ծառայություն»,֊ասվում է հայտարարության մեջ։ Ավելի վաղ Ռուսաստանն այդ նպատակով ռազմական ոստիկանության ուժեր և զրահամեքենաներ էր ուղարկել Իդլիբ։

17:47 - 16 մարտի, 2020

Թուրքական զինուժը Սիրիայի հյուսիս֊արևելքում 11 քուրդ զինյալի է սպանել |ermenihaber.am|

ermenihaber.am: Մարտի 16-ին Թուրքիայի զինուժը Սիրիայի հյուսիս֊արևելքում, որտեղ 2019թ․ հոկտեմբերին իրականացրել է «Խաղաղության ակունք» ռազմական օպերացիան, 11 քուրդ զինյալի է սպանել։ Այս մասին Twitter-ում գրառում է արել Թուրքիայի պաշտպանության նախարարությունը։ Թուրքիայի ՊՆ֊ի հաղորդագրության մեջ նշվում է, որ Թուրքիայում ահաբեկչական համարվող «Քուրդիստանի բանվորական» կուսակցության (PKK-ՔԲԿ) զինյալները խաղաղությունը և անվտանգությունը խաթարելու նպատակով փորձել են ներթափանցել Սիրիայի հյուսիս֊արևելք։ Քուրդ զինյալները սպանվել են թուրքական զինուժի իրականացրած գործողությունների հետևանքով։

14:34 - 16 մարտի, 2020

Ռուսաստանը և Թուրքիան պայմանավորվածություն են ձեռք բերել Իդլիբի շուրջ |tert.am|

tert.am: Թուրքիայի և Ռուսաստանի ռազմական պատվիրակությունները Իդլիբի դեէսկալացիայի գոտու շուրջ բանակցությունների արդյունքում ստորագրել են Սիրիայի շուրջ պայմանավորվածության տեքստը: Դրա իրականացման ճանապարհին առաջին քայլը կլինի մարտի 15-ին Մ4 մայրուղու վրա համատեղ պարեկությունը: Այս մասին հայտնում է «Անադոլու» գործակալությունը՝ Թուրքիայի ազգային պաշտպանության նախարար Հուլուսի Աքարի հայտարարությանը հղումով։Նրա խոսքով՝ Թուրքիան և Ռուսաստանը Սիրիայում իրենց գործողությունները կհամակարգեն համատեղ համակարգող կենտրոնների միջոցով:Թուրքիայի պաշտպանության նախարարը նշել է, որ «Սիրիայի հյուսիս-արևմուտքից դրական հաղորդագրություններ են ստացվում հարկադիր վերաբնակների հոսքի դադարեցման և անգամ սիրիացիների՝ իրենց տները վերադառնալու մասին»:«Թուրքիան հանդես է գալիս Իդլիբում երկարատև հրադադարի ապահովման օգտին և ձեռնարկել է այդ ուղղությամբ անհրաժեշտ բոլոր քայլերը։ Ռուսական կողմը կառուցողական դիրքորոշում ունի այս հարցում»,-ասել է նա։

21:49 - 13 մարտի, 2020

Ռուսաստանն ու Թուրքիան Իդլիբի հարցով բանակցությունները կշարունակեն մարտի 13-ին Անկարայում |tert.am|

tert.am: Ռուս և թուրք զինվորականներն Անկարայում մարտի 13-ին կշարունակեն քննարկել սիրիական Իդլիբի հարցը: Ինչպես փոխանցում է ТАСС գործակալությունը, այս մասին հայտնել է Թուրքիայի Ազգային պաշտպանության նախարարությունը: «Թուրքիայի և Ռուսաստանի ռազմական պատվիրակություններն ավարտել են Ազգային պաշտպանության նախարարության շենքում անցկացվող բանակցությունների երրորդ օրը: Բանակցությունները կշարունակվեն վաղը»,- ասվում է հաղորդագրության մեջ: Կողմերը քննարկում են Սիրիայի Իդլիբ նահանգի М-4 ավտոմայրուղու մոտ համատեղ հերթապահության հարցը, որն, ինչպես ակնկալվում է, պետք է սկսվի մարտի 15-ին:

21:10 - 12 մարտի, 2020

Սիրիայում ՀՀ դեսպանությունը ժամանակավորապես սահմանափակում է քաղաքացիների հյուպատոսական ընդունելությունը

Հաշվի առնելով մի շարք երկրներում կորոնավիրուսի (COVID-19) տարածման արդյունքում ստեղծված իրավիճակը և համաճարակային ռիսկերը՝ ս.թ. մարտի 15-ից Սիրիայում ՀՀ դեսպանությունը ժամանակավորապես սահմանափակում է քաղաքացիների հյուպատոսական ընդունելությունը: Այս մասին հայտարարություն է տարածել Սիրիայում ՀՀ դեսպանությունը: «Միևնույն ժամանակ հորդորում ենք Սիրիայում գտնվող ՀՀ քաղաքացիներին (ռեզիդենտ) կանգնել հյուպատոսական հաշվառման կամ տրամադրել տեղեկություն իրենց գտնվելու վայրի վերաբերյալ՝ ուղարկելով տվյալները (անուն, ազգանուն, հայրանուն, ծննդյան ամսաթիվ, բնակության վայր /մարզ, քաղաք/ և շուրջօրյա հասանելի բջջային հեռախոսահամար) ստորև նշված էլ-փոստի հասցեին։ Հիշեցնում ենք, որ հյուպատոսական հաշվառման կանգնելը կամավոր և անվճար գործընթաց է, որի նպատակն է ՀՀ քաղաքացիների իրավունքների և շահերի պաշտպանությունն ապահովելը, արտակարգ իրավիճակներում հնարավոր աջակցություն ցուցաբերելը, անհրաժեշտ խորհրդատվություն տրամադրելը»,- ասված է հաղորդագրության մեջ։

18:48 - 12 մարտի, 2020

Թուրքիան խախտում է հրադադարի ռեժիմը․ Ասադի խորհրդական |ermenihaber.am|

ermenihaber.am: Սիրիայի Արաբական Հանրապետության նախագահ Բաշար ալ-Ասադի խորհրդական Բուսեյնա Շաբանը Թուրքիային մեղադրել է Սիրիայի Իդլիբ նահանգում կողմերի միջև հաստատված հրադադարը խախտելու մեջ: «Նույնիսկ Ռուսաստանի ու Թուրքիայի նախագահներ Վլադիմիր Պուտինի ու Ռեջեփ Թայիփ Էրդողանի հանդիպումից հետո Թուրքիայի կողմից հրադադարի մի շարք խախտումներ են եղել»,- ասել է Շաբանը: Վերջինս նշել է, որ Սիրիայի կառավարությունը հավատարիմ է հրադադարի ռեժիմին. Անդրադառնալով Սիրիայում Թուրքիայի գործողություններին՝ Ասադի խորհրդականն ասել է, որ իրենք ակնկալում են, որ ՆԱՏՕ-ն ու Եվրամիությունը պետք է դատապարտեն միջազգային իրավունքների նորմերին հակասող Թուրքիայի գործողությունները: «Սիրիան անկախ պետություն է, սակայն տուժում է Թուրքիայի ագրեսիայից ու միջամտությունից: ՆԱՏՕ-ից, ԵՄ-ից ու աշխարհի բոլոր պետություններից մեր սպասելիքն այն է, որ առնվազն քննադատեն Թուրքիայի անօրինական գործողությունները»,- ասել է Շաբանը:

13:09 - 12 մարտի, 2020

Ռուսական պատվիրակության հետ շարունակվում են կառուցողական բանակցությունները․ Թուրքիայի պաշտպանության նախարար Հուլուսի Աքար |ermenihaber.am|

ermenihaber.am: Թուրքիայի պաշտպանության նախարար Հուլուսի Աքարն իշխող «Արդարություն և զարգացում» կուսակցության խորհրդարանական խմբակցության նիստից առաջ պատասխանել է լրագրողների հարցերին: Աքարն, անդրադառնալով Մոսկվայի հուշագրով Սիրիայի Իդլիբ նահանգում հաստատված հրադադարից հետո վերջին զարգացումներին, նշել է, որ ցայժմ իրավիճակը հանգիստ է: Նրա խոսքով`թուրքական զինուժը շարունակում է պահպանել իր ներկայությունը Իդլիբ նահանգում: Աքարը հայտնել է, որ Թուրքիա մեկնած ռուսական զինվորական պատվիրակության հետ բանակցությունները դրական և կառուցողական հունով են ընթանում: Մարտի 10-ին Աքարն անձամբ հեռախոսազրույց է ունեցել Ռուսաստանի պաշտպանության նախարար Սերգեյ Շոյգուի հետ: «Երեկ երեկոյան ժամանել է ռուսական զինվորական պատվիրակությունը, բանակցություննեը սկսվել են, այսօր նույնպես շարունակվելու են: Մանրամասն քննարկվելու է, թե հուշագրի հիմնական կետերից ելնելով ինչ միջոցներ կարող են գործի դրվել»,-տեղեկացրել է Աքարը: Նա նաև ասել է, որ աշխատանքներ են իրականացնում մարտի 15-ին միջազգային M4 մայրուղու հատվածում Ռուսաստանի հետ համատեղ պարեկապահակային ծառայության կազմակերպման ուղղությամբ:

15:57 - 11 մարտի, 2020

Էրդողանը հույս ունի, որ ՆԱՏՕ-ն ու ԵՄ-ն ֆինանսական օգնություն կցուցաբերեն Թուրքիային |ermenihaber.am|

ermenihaber.am: Թուրքիայի նախագահ Ռեջեփ Թայիփ Էրդողանը հուսով է ֆինանսական, քաղաքական եւ ռազմական աջակցություն ստանալ Եվրամիությունից (ԵՄ) եւ ՆԱՏՕ-ից։ Թուրքիայի նախագահը Եվրախորհրդի նախագահ Շառլ Միշելի հրավերով մեկնել է Բրյուսել, որտեղ պետք է քննարկվի Անկարային լրացուցիչ ֆինանսական օգնություն տրամադրելու հարցը։ Տասնյակ հազարավոր միգրանտներ փորձում են ներթափանցել Հունաստան այն բանից հետո, երբ փետրվարի 28-ին Անկարան հայտարարել էր, որ այլեւս չի փորձի պահել նրանց իր տարածքում։ Նա նշել է, որ Սիրիայում իրավիճակը սպառնալիք է եվրոպական բոլոր երկրների համար։ Էրդողանը ՆԱՏՕ-ի գլխավոր քարտուղար Յենս Ստոլտենբերգի հետ հանդիպումից հետո կայացած մամուլի ասուլիսի ժամանակ ասել է, որ «ոչ մի եվրոպական երկիր իրավունք չունի անտարբեր նայելու Սիրիայում մարդասիրական դրամային»։» ԵՄ-ն ձգտում է խուսափել 2015-2016թթ․ միգրանտների ճգնաժամից կրկնությունից, երբ ավելի քան միլիոն մարդ, հիմնականում Մերձավոր Արեւելքից եւ Ասիայից, Թուրքիայով հասել էին ԵՄ։

16:47 - 10 մարտի, 2020

Անկարայում մեկնարկում են ռուս և թուրք զինվորականների բանակցություններն Իդլիբի թեմայով |ermenihaber.am|

ermenihaber.am: Մարտի 10-ին՝ Անկարայում Թուրքիայի և Ռուսաստանի զինվորականների միջև տեղի կունենան բանակցությունները Սիրիայի Իդլիբ նմահանգի հարցով, որի շուրջ մի քանի օր առաջ պայմանավորվածություն էր ձեռք բերվել երկու երկրների նախագահների միջև։ Ըստ Ռուսաստանի ՊՆ-ի՝ բանակցությունների ժամանակ քննարկվելու է Հալեպը Լաթաքիային կապող M-4 ավտոմայրուղու հարցը, որտեղ ըստ համաձայնության՝ մարտի 15-ից սկսած Ռուսաստանի ու Թուրքիայի զինուժը համատեղ պարեկապահակային ծառայություն են իրականացնելու։ Թուրքիան և Ռուսաստանը Մոսկվայում շուրջ 6 ժամ տևած բանակցություններից հետո Իդլիբի ապառազմականացված գոտում հրադադար հաստատելու վերաբերյալ արձանագրություն են ստորագրել: Ըստ արձանագրության` • Մարտի 6-ի կեսգիշերից սկսած Իդլիբի ապառազմականացված գոտու ամբողջ շփման գծի երկայնքով դադարեցվելու են բոլոր ռազմական գործողությունները: • M4 մայրուղուց 6կմ հարավ և 6կմ հյուսիս ձևավորվելու է անվտանգության միջանցք, որի մասին վերջնական սկզբունքները և ընթացակարգրեը Ռուսաստանի և Թուրքիայի պաշտպանության նախարարությունները պետք է հստակեցնեն 7 օրվա ընթացքում։ • Ռուսաստանը և Թուրքիան մարտի 15-ից պարեկություն են իրականացնելու M4 մայրուղու Տրումբա (Սարաքիբ շրջանից 2 կմ արևմուտք) - Այն ալ-Հավր հատվածում։

14:30 - 09 մարտի, 2020

Մակրոնը ցանկանում է Էրդողանի հետ քննարկել Սիրիայի խնդիրը |azatutyun.am|

azatutyun.am: Ֆրանսիայի նախագահ Էմանյուել Մակրոնն ասել է, թե ցանկանում է հանդիպել թուրք պաշտոնակից Ռեջեփ Թայիփ Էրդողանի հետ և քննարկել Սիրիայի հարցը: Մակրոնը, մասնավորապես, ուզում է Էրդողանից հստակ պարզաբանումներ ստանել Սիրիայի շուրջ թուրք-ռուսական պայմանավորվածությունների վերաբերյալ: Le Journal du Dimanche պարբերականի փոխանցմամբ` Մակրոնը կարող է Էրդողանին ընդունել արդեն առաջիկա երկուշաբթի օրը՝ մարտի 9-ին, սակայն Ելիսեյան պալատն այդ թեմայվ որևէ պաշտոնական ծանուցում դեռ չի տարածել:

18:01 - 08 մարտի, 2020

«Թուրքիայից փախստականների հոսքը դեպի Հունաստան էապես կավելանա» |azatutyun.am|

azatutyun.am: Թուրքիան հայտարարել է, թե Հունաստան և Եվրամիության այլ երկրներ տեղափոխվելու մտադրություն ունեցող փախստականների թիվն էապես կավելանա այն դեպքում, եթե Սիրիայում ճգնաժամը շարունակվի: «Սա ընդամենը սկիզբն է, դեռ կտեսնեք, թե ինչ կլինի, այն, ինչ այսօր եք տեսնում, աննշան կթվա առաջիկայում կայանալիքի համեմատությամբ»,- ասել է Թուրքիայի ներքին գործերի նախարար Սուլեյման Սոյլուն: Նրա փոխանցմամբ` ավելի քան 143 հազար փախստական է անցել Հունաստան: Միգրացիայի հարցով փորձագետներն ասում են, որ թուրք նախարարը չափազանցված տվյալներ է ներկայացրել: «Հունաստանի վարչապետ Կիրիակոս Միցոտակիսը չունի սահմանը պահելու հնարավորություն»,- ասել է Սոյլուն: Նա պնդել է, թե փախստականների հոսքը դեպի Հունաստան կավելանա, քանի որ առաջիկայում կհաստատվի ավելի ջերմ եղանակ, իսկ դրան զուգահեռ Թուրքիան ստիպված կլինի ավելի մեծ ուժեր հեռացնել այդ սահմանից և տեղակայել Սիրիայի հետ սահմանին:

16:59 - 08 մարտի, 2020