Թուրքիա

Արարատ Միրզոյանը և Հաքան Ֆիդանն անդրադարձել են Հայաստանի և Թուրքիայի միջև հարաբերությունների կարգավորման գործընթացին և պայմանավորվածությունների իրականացմանը

ՀՀ արտաքին գործերի նախարար Արարատ Միրզոյանը հեռախոսազրույց է ունեցել Թուրքիայի արտաքին գործերի նախարար Հաքան Ֆիդանի հետ: Այդ մասին հայտնում են ՀՀ ԱԳՆ-ից: Զրուցակիցները քննարկել են երկու երկրների միջև շարունակական երկխոսությանը, ինչպես նաև տարածաշրջանային զարգացումներին առնչվող հարցեր: Անդրադարձ է կատարվել Հայաստանի և Թուրքիայի միջև հարաբերությունների կարգավորման գործընթացին և պայմանավորվածությունների իրականացմանը:

18:20 - 25 հունիսի, 2024

Ըստ թուրքական լրատվամիջոցների՝ հեռախոսազրույց են ունեցել ՀՀ և Թուրքիայի ԱԳ նախարարները

Թուրքական TRT Haber-ը, հղվելով դիվանագիտական աղբյուրներին, գրում է, որ հեռախոսազրույց են ունեցել ՀՀ և Թուրքիայի ԱԳ նախարարներ Արարատ Միրզոյանն ու Հաքան Ֆիդանը։ Ըստ լրատվամիջոցի՝ կողմերը քննարկել են երկկողմ և տարածաշրջանային հարցեր։ ՀՀ ԱԳՆ-ից հեռախոսազրույցի վերաբերյալ հաստատում ստանալ չհաջողվեց։

17:39 - 25 հունիսի, 2024

Պուտինն ու Էրդողանը հեռախոսազրույց են ունեցել |armenpress.am|

armenpress.am: Ռուսաստանի նախագահ Վլադիմիր Պուտինը և Թուրքիայի նախագահ Ռեջեփ Թայիփ Էրդողանը հեռախոսազրույցի ընթացքում պայմանավորվել են շարունակել գործողությունների սերտ համակարգումը ահաբեկչության դեմ պայքարի ուղղությամբ: Այս մասին հաղորդում է Կրեմլի մամուլի ծառայությունը։ «ՌԴ նախագահ Վլադիմիր Պուտինի հետ հեռախոսազրույցի ընթացքում Թուրքիայի Հանրապետության նախագահ Ռեջեփ Թայիփ Էրդողանը խստորեն դատապարտել է Դաղստանում ահաբեկիչների հանցավոր հարձակումը», - նշված է հաղորդագրության մեջ։ Նախագահները պայմանավորվել են շարունակել գործողությունների սերտ համակարգումը ահաբեկչության դեմ պայքարի ուղղությամբ։ Ըստ Կրեմլի հաղորդագրության՝ երկու ղեկավարները պայմանավորվել են հետագա անձնական շփումների շուրջ, այդ թվում՝ հուլիսի 3-4-ին Աստանայում Շանհայի համագործակցության կազմակերպության գագաթնաժողովի ժամանակ։

17:21 - 25 հունիսի, 2024

Էրդողանը մտադիր է բանակցություններ վարել Պուտինի հետ Ղազախստանում․ Թուրքիայի ԱԳՆ

Թուրքիայի արտգործնախարար Հաքան Ֆիդանը հայտարարել է, որ Էրդողանը պլանավորում Է բանակցություններ վարել Ռուսաստանի նախագահ Վլադիմիր Պուտինի հետ Ղազախստանում: Թուրքիայի նախագահը հույս ունի Պուտինի հետ բանակցություններ վարել հուլիսի 3-4-ն Աստանայում կայանալիք Շանհայի համագործակցության կազմակերպության գագաթնաժողովի շրջանակում։ APA գործակալությունը հաղորդում է, որ այս մասին «Habertürk» հեռուստաալիքին տված հայտարարության մեջ ասել է Թուրքիայի արտգործնախարար Հաքան Ֆիդանը։ «Առաջիկա օրերին պարոն Էրդողանը հավանաբար կհանդիպի պարոն Պուտինի հետ Ղազախստանում»,- ասել է Ֆիդանը հեռուստաալիքին տված հարցազրույցում: Թուրքիայի ԱԳ նախարարը կարևոր է համարում Պուտինի կողմից Ուկրաինայում հակամարտության խաղաղ կարգավորման համար համապատասխան պայմանների հրապարակումը:

22:32 - 24 հունիսի, 2024

Թուրքիայի ԱԳՆ-ն ողջունում է Հայաստանի կողմից Պաղեստին պետության ճանաչումը |factor.am|

factor.am: Թուրքիայի ԱԳՆ-ն հայտարարություն է տարածել Հայաստանի կողմից Պաղեստինի ճանաչման կապակցությամբ։ «Մենք ողջունում ենք Պաղեստին պետությունը ճանաչելու Հայաստանի որոշումը՝ հետևելով այնպիսի երկրների, ինչպիսիք են Իսպանիան, Իռլանդիան, Նորվեգիան և Սլովենիան։ Ինչպես մենք միշտ ընդգծել ենք` Պաղեստինի ճանաչումը միջազգային իրավունքի, արդարության և խղճի պահանջն է»,- ասվում է հայտարարության մեջ։ Նշվում է, որ Թուրքիան կշարունակի ջանքերը, որպեսզի ավելի շատ երկրներ ճանաչեն Պաղեստինը։ Հիշեցնենք, որ ՀՀ ԱԳՆ-ն այսօր հայտարարել է Պաղեստին պետության ճանաչման մասին։

17:21 - 21 հունիսի, 2024

Տեղի է ունեցել Փաշինյան-Էրդողան հեռախոսազրույց․ քննարկվել են տարածաշրջանի և միջազգային օրակարգի վերջին զարգացումները

Հունիսի 18-ին Հայաստանի վարչապետ Նիկոլ Փաշինյանը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ։ Այս մասին հայտնում են ՀՀ կառավարությունից։ Վարչապետը շնորհավորել է Թուրքիայի նախագահին Կուրբան Բայրամի առթիվ, իսկ Թուրքիայի նախագահը շնորհավորել է Հայաստանի վարչապետին գալիք Վարդավառի՝ Հիսուս Քրիստոսի Պայծառակերպության տոնի առթիվ։ Նախագահ Էրդողանը ցավակցել է վարչապետ Փաշինյանին Հայաստանի հյուսիսային շրջաններում վերջերս տեղի ունեցած ջրհեղեղի կապակցությամբ։ Առաջնորդներն ընդգծել են իրենց քաղաքական կամքն առանց որևէ նախապայմանի Հայաստանի և Թուրքիայի հարաբերությունների ամբողջական կարգավորման վերաբերյալ։ Այդ համատեքստում առաջնորդներն ընդգծել են երկու երկրների հատուկ ներկայացուցիչների հանդիպումների շարունակականության կարևորությունը և վերահաստատել են մինչ այժմ ձեռք բերված պայմանավորվածությունները։ Առաջնորդները գոհունակությամբ արձանագրել են Հայաստանի և Թուրքիայի բարձրաստիճան ներկայացուցիչների շարունակական երկխոսությունը։ Նրանք քննարկել են նաև տարածաշրջանի և միջազգային օրակարգի վերջին զարգացումները։

09:18 - 19 հունիսի, 2024

Եվրո-2024․ Թուրքիան հաղթեց Վրաստանին |tert.am|

tert.am: Այսօր Եվրոպայի 2024 թվականի առաջնության խմբային փուլի առաջին տուրի շրջանակում կայացավ Թուրքիա-Վրաստան հանդիպումը։ Հանդիպումն ավարտվեց Թուրքիայի ընտրանու հաղթանակով՝ 3-1 հաշվով։ Հաղթող թիմի կազմում աչքի ընկան Մուլդուրն, Գյուլերը և Ակտուրկօղլուն, վրացիների թիմի կազմում՝ Միկաուտաձեն։ Նշենք, որ Վրաստանի հավաքականն առաջին հանդիպումն անցկացրեց միջազգային խոշոր մրցաշարում (ԱԱ, ԵԱ)։

22:10 - 18 հունիսի, 2024

Ադրբեջանի և Թուրքիայի արտգործնախարարները բանակցություններ են անցկացրել |news.am|

news.am: Հունիսի 17-ին հեռախոսազրույց է տեղի ունեցել Ադրբեջանի և Թուրքիայի արտգործնախարարներ Ջեյհուն Բայրամովի և Հաքան Ֆիդանի միջև։ Նախարարները քննարկել են երկու երկրների միջև երկկողմ դաշնակցային հարաբերությունների տարբեր ասպեկտների ուղղությամբ կատարված աշխատանքը։ Զուգահեռ քննարկվել են Ադրբեջանի վերահսկողությանն անցած Շուշիում Թյուրքական պետությունների կազմակերպության ոչ պաշտոնական գագաթնաժողովի նախապատրաստման հարցեր։ Հեռախոսազրույցի ընթացքում մտքեր են փոխանակվել նաև երկկողմ հետաքրքրություն ներկայացնող հարցերի, ինչպես նաև տարածաշրջանային իրավիճակի շուրջ։

19:49 - 17 հունիսի, 2024

Թուրք-ադրբեջանական միասնությունը շարունակելու է մնալ տարածաշրջանում խաղաղության և կայունության երաշխիքը. Ֆիդան |tert.am|

tert.am: Թուրք-ադրբեջանական միասնությունը շարունակելու է մնալ տարածաշրջանում խաղաղության և կայունության երաշխիքը, հայտարարել է Թուրքիայի արտաքին գործերի նախարար Հաքան Ֆիդանը:Նա այս մասին գրում է X. սոցկայքի իր էջում:«Թուրքիան և Ադրբեջանը երկու պետություն են, որոնք կապված են բարեկամության և անսասան եղբայրության խորը կապերով։ Շուշայի (Շուշիի-Խմբ.) հռչակագրով ամրագրված այս միասնությունը շարունակելու է մնալ մեր տարածաշրջանում խաղաղության և կայունության երաշխիքը։ Հուսով եմ, որ մեր սերն ու եղբայրությունը «Մեկ ազգ, երկու պետություն» կարգախոսի ներքո հավերժ կմնա», - գրել է նա: Շուշիի հռչակագիրը ստորագրվել է 2021 թվականի հունիսի 15-ին՝ Ադրբեջանի և Թուրքիայի նախագահներ Իլհամ Ալիևի և Ռեջեփ Թայիփ Էրդողանի կողմից: Ստորագրումը տեղի է ունեցել օկուպացված Արցախի Հանրապետության Շուշի քաղաքում:

12:13 - 16 հունիսի, 2024

Լավրովն ու Ֆիդանը քննարկել են Հարավային Կովկասում իրավիճակը |factor.am|

factor.am: ՌԴ ԱԳ նախարար Սերգեյ Լավրովն ու Թուրքիայի արտգործնախարար Հաքան Ֆիդանը քննարկել են Մերձավոր Արևելքում և Անդրկովկասում տիրող, ինչպես նաև ուկրաինական հակամարտության շուրջ ստեղծված իրավիճակը։ Այս մասին ասվում է ՌԴ ԱԳՆ-ի հաղորդագրության մեջ՝ Նիժնի Նովգորոդում ԲՐԻԿՍ-ի արտգործնախարարների հանդիպման շրջանակում երկու երկրների արտգործնախարարների բանակցությունների արդյունքների վերաբերյալ։ Նշվում է, որ նախարարները համեմատել են դիրքորոշումները երկկողմ քաղաքական երկխոսության և առևտրատնտեսական համագործակցության արդի հարցերի վերաբերյալ։ Ռուսական կողմից հատուկ շեշտադրվել է սերտ փոխգործակցությունը շարունակելու անհրաժեշտությունը՝ ի շահ ընթացիկ խնդիրների լուծման, կապերի հետագա ընդլայնման և փոխգործակցության հեռանկարային ոլորտների որոնումների։ «Անդրադարձ է կատարվել միջազգային օրակարգի հիմնական ասպեկտներին, այդ թվում՝ իրավիճակին Մերձավոր Արևելքում և Անդրկովկասում, ինչպես նաև որոշ միջազգային հարթակներում։ Սերգեյ Լավրովն իր թուրք գործընկերոջը տեղեկացրել է ԲՐԻԿՍ-ում Ռուսաստանի նախագահության առաջնահերթությունների մասին։ Ներկայացվել են ՌԴ սկզբունքային գնահատականները ուկրաինական հակամարտության շուրջ ստեղծված իրավիճակի վերաբերյալ»,- ասվում է հաղորդագրության մեջ։

15:00 - 11 հունիսի, 2024

Թուրքական կողմից չենք տեսել քայլեր սահմանի բացման պայմանավորվածությունն իրագործելու ուղղությամբ. Ռուբինյան |armenpress.am|

14:20 - 11 հունիսի, 2024

Ֆիդանը Նարիշկինի և Շոյգուի հետ քննարկել է Հայաստանի ու Ադրբեջանի միջև բանակցությունները |1lurer.am|

1lurer.am: Թուրքիայի արտգործնախարար Հաքան Ֆիդանը Մոսկվայում հանդիպել է Ռուսաստանի արտաքին հետախուզության ծառայության տնօրեն Սերգեյ Նարիշկինի հետ։ Այս մասին հայտնում է թուրքական TRTworld.com-ը։ Ըստ աղբյուրի տեղեկության՝ Ֆիդանը բանակցություններ է վարել նաև ՌԴ Անվտանգության խորհրդի քարտուղար Սերգեյ Շոյգուի հետ: Նշվում է, որ հանդիպումների ընթացքում քննարկվել են իրադրությունը Ուկրաինայում, Գազայի հատվածում, Սիրիայում, ինչպես նաև Հայաստանի ու Ադրբեջանի միջև խաղաղության համաձայնագրի կնքման շուրջ բանակցությունները:

11:48 - 11 հունիսի, 2024

Թուրքիան ուշադիր հետևում է ԼՂ-ից ՌԴ-ի խաղաղապահ ուժերի դուրսբերմանը. Էրդողանը՝ Ալիևի հետ հանդիպմանը |factor.am|

factor.am: Թուրքական կողմը մանրամասներ է հայտնել այսօր Անկարայում կայացած Թուրքիայի նախագահ Ռեջեփ Թայիփ Էրդողանի ու Ադրբեջանի նախագահ Իլհամ Ալիևի հանդիպման վերաբերյալ։ Թուրքիայի նախագահականը հաղորդում է, որ հանդիպմանը քննարկվել են Թուրքիա-Ադրբեջան հարաբերությունները, Գազայում Իսրայելի «վայրագությունները», ԼՂ-ի տարածքների «վերականգնման» ջանքերը, ինչպես նաև տարածաշրջանային և գլոբալ խնդիրներ։ «Նախագահ Էրդողանը հանդիպմանը հայտարարել է, որ Թուրքիան ուշադիր հետևում է Ռուսաստանի խաղաղապահ ուժերի դուրսբերմանը Ղարաբաղից և բարձր է գնահատել հայկական օկուպացիայից ազատագրված ադրբեջանական տարածքների վերակառուցման և վերականգնման ջանքերը»,-ասվում է հայտարարության մեջ։ Նշելով, որ «Իսրայելի ցեղասպան գործողությունները պաղեստինյան տարածքներում, հատկապես Գազայում, շարունակվում են, և որ Իսրայելի հանցագործությունները սպառնում են ոչ միայն տարածաշրջանային, այլև համաշխարհային անվտանգությանը, նախագահ Էրդողանը ասել է, որ մշտական լուծումը Արևելյան Երուսաղեմ մայրաքաղաքով պաղեստինյան պետության ստեղծումն է, և որ միջազգային հանրությունը պետք է ճնշում գործադրի Իսրայելի վրա՝ դրան հասնելու համար»:Ավելի մանրամասն՝ սկզբնաղբյուրում։

22:51 - 10 հունիսի, 2024

Ֆիդանն ու Բայրամովը տարածաշրջանային հարցեր են քննարկել |factor.am|

factor.am: Թուրքիայի ԱԳ նախարար Հաքան Ֆիդանը հեռախոսազրույց է ունեցել Ադրբեջանի արտգործնախարար Ջեյհուն Բայրամովի հետ՝ քննարկելով երկկողմ և տարածաշրջանային հարցեր, գրում են թուրքական լրատվամիջոցները՝ վկայակոչելով դիվանագիտական աղբյուրներին։ Ադրբեջանի ԱԳՆ հաղորդմամբ էլ՝ հեռախոսազրույցի ընթացքում նախարարները քննարկել են երկրների երկկողմ դաշնակցային հարաբերությունների տարբեր ասպեկտները և տարածաշրջանային խնդիրների ուղղությամբ կատարված աշխատանքը։

18:30 - 10 հունիսի, 2024

Թուրքիայի ԱԳ նախարարը կայցելի Ռուսաստան |tert.am|

tert.am: Թուրքիայի արտգործնախարար Հաքան Ֆիդանը հունիսի 10-11-ը կայցելի Ռուսաստանի Դաշնություն։ Այս մասին հայտնում է Թուրքիայի ԱԳՆ-ն։ Նշվել է, որ Հաքան Ֆիդանը մի շարք երկկողմ հանդիպումներ կանցկացնի Մոսկվայում, ինչպես նաև կմասնակցի BRICS+ հանդիպմանը, որը կկայանա հունիսի 11-ին Նիժնի Նովգորոդում՝ BRICS-ի արտգործնախարարների հանդիպման շրջանակում։

18:08 - 09 հունիսի, 2024

Իսրայելը Թեհրանի և Անկարայի ընդհանուր թշնամին է. Իրանի արտգործնախարարի ԺՊ |news.am|

news.am: Իրանի արտաքին գործերի նախարարի պաշտոնակատար Ալի Բաղերի Կանին, ընդգծելով Թեհրանի և Անկարայի միջև կապերի ընդլայնման անհրաժեշտությունը տարածաշրջանային կայունության ապահովման համար, ասել է, որ Իսրայելը երկու երկրների ընդհանուր թշնամին է, գրում է Mehr-ը։Այդ մասին շաբաթ օրը Ստամբուլում Թուրքիայի արտգործնախարար Հաքան Ֆիդանի հետ հանդիպման ժամանակ հայտարարել է Իրանի բարձրաստիճան դիվանագետը: Գովաբանելով Ստամբուլում հանդիպումը կազմակերպելու՝ Թուրքիայի արժեքավոր նախաձեռնությունը՝ Բաղերի Կանին իրանական պատվիրակության ներկայությունը պաղեստինյան հիմնախնդրին հատուկ ուշադրության, ինչպես նաև այս հարցում Թուրքիայի դերի ու դիրքորոշման նշան է անվանել։Խոսելով Թեհրանի և Անկարայի միջև բարեկամական կապերն ընդլայնելու Իրանի հանգուցյալ նախագահի և երկրի արտգործնախարարի վճռականության մասին՝ Բաղերի Կանին կոչ է արել զարգացնել երկկողմ հարաբերությունները և հասնել նրանց միջև ձեռք բերված պայմանավորվածությունների իրականացմանը։

19:58 - 08 հունիսի, 2024