Սահման

Բայդենի վարչակազմին և Պետդեպարտամենտին կոչ ենք անում դատապարտել Ադրբեջանի գործողությունները և անհապաղ դադարեցնել օժանդակությունը Ալիևի ռեժիմին. Հայ դատի Ամերիկայի հանձնախումբ

Բայդենի վարչակազմին և Պետդեպարտամենտին կոչ ենք անում դատապարտել Ադրբեջանի գործողությունները և անհապաղ դադարեցնել օժանդակությունը Ալիևի ռեժիմին. Հայ դատի Ամերիկայի հանձնախումբ

Հայ դատի Ամերիկայի հանձնախումբը, ամերիկահայ համայնքի լայն համախմբմամբ, աշխատում է Հայաստանի նկատմամբ ադրբեջանական վերջին ագրեսիան դատապարտելու ուղղությամբ՝ ողջունելով ԱՄՆ Կոնգրեսի Ներկայացուցիչների պալատի ավելի քան քսան և Սենատի ութ անդամների կողմից հասցեական դատապարտող հայտարարությունները, Ալիևին պատասխանատվության ենթարկելու վերաբերյալ Կոնգրեսի հայկական հարցերով խմբի կոչը, ինչպես նաև Ներկայացուցիչների պալատի հետախուզության հանձնաժողովի նախագահ Ադամ Շիֆի  կողմից Ադրբեջանին ամերիկյան ռազմական օժանդակությունից զրկելու վերաբերյալ օրենսդրական նախաձեռնության ներկայացումը։ Այս մասին տեղեկացնում է ՀՅԴ հանրային կապերի գրասենյակը: Սեպտեմբերի 13-ին տարածված հայտարարությամբ՝ Կոնգրեսի հայկական հարցերով խմբի համանախագահներ Ֆրենք Փալոնը, Գուս Բիլիրակիսը, Ջեքի Սփիերը, Դավիդ Վալադաոն և Ադամ Շիֆը մասնավորապես ընդգծել են․ «Մենք խստորեն դատապարտում ենք ադրբեջանական ուժերի կողմից ռազմական գործողությունները Հայաստանի հարավում։ Նախագահ Ալիևը դեռևս շարունակում է նույն մահացու հարձակումները Հայաստանի ինքնիշխան տարածքի վրա՝ արդարացում փնտրելով 2020 թվականի Լեռնային Ղարաբաղի պատերազմից հետո իր շարունակական թշնամանքի համար և փորձելով ստիպել Հայաստանին ենթարկվել կապիտուլյացիայի և ընդունել անհիմն տարածքային պահանջներ: Համաշխարհային առաջնորդները չպետք է ձեռքերը ծալած մնան և կեղծ հավասարություն դնեն երկու կողմերի միջև։ Այս հակամարտությունում կա միայն մեկ ագրեսոր, որին պետք է կանգնեցնել։ Մենք կոչ ենք անում Բայդենի վարչակազմին՝ անհապաղ միջոցներ ձեռնարկել՝ դադարեցնելու Ադրբեջանի ագրեսիան, և վերջապես Ալիևին, իր ապակայունացնող գործողությունների համար, ենթարկել պատասխանատվության»:  Կոնգրեսի հայկական հարցերով խմբի համանախագահների հայտարարությունից կարճ ժամանակ անց, Ադամ Շիֆը Ներկայացուցիչների պալատում ներկայացրել է օրենսդրական նախաձեռնություն՝ նպատակ ունենալով դադարեցնել ամերիկյան օժանդակությունն Ադրբեջանին ու դատապարտել Ալիևի ագրեսիան Հայաստանի ու Արցախի նկատմամբ։ Հայ դատի Ամերիկայի հանձնախմբի նախագահ Արամ Համբարյանն այս առիթով նկատել է․ «Մենք շնորհակալ ենք կոնգրեսմեն Շիֆին և Կոնգրեսի հայկական հարցերով խմբին իրենց առաջնորդության համար և երախտապարտ ենք բոլոր նրանց, ովքեր արդեն համաձայնել են աջակցել այս երկկուսակցական բանաձևին։ Մենք աշխատում ենք, որ այս բանաձևը ժամանակին ընդունվի և, որպես ամենահրատապ օրենսդրական առաջնահերթություն, անհապաղ դադարեցվի ԱՄՆ-ի կողմից Ադրբեջանին տրամադրվող ռազմական օգնությունը»: Կոնգրեսի Հայկական խմբի համանախագահները, համատեղ անդրադառնալով ներկայացված բանաձևին, նշել են․ «Մենք խստորեն դատապարտում ենք ադրբեջանական ուժերի մահաբեր հարձակումները Հայաստանի ինքնիշխան տարածքում։ Ադրբեջանական այս աղաղակող էսկալացիան ցույց է տալիս, թե որքան համարձակ է դարձել Ալիևի ռեժիմը, երբ նրա չհրահրված ագրեսիան ուղեկցվում է միջազգային հանրության խուլ լռությամբ և կեղծ ու անհասկանալի փաստարկներով՝ Ադրբեջանին քաջալերելով շարունակելու և ընդլայնելու իր հարձակումները: Մենք Բայդենի վարչակազմին և Պետդեպարտամենտին  կոչ ենք անում միանշանակ դատապարտել Ադրբեջանի գործողությունները և անհապաղ դադարեցնել օժանդակությունը Ալիևի ռեժիմին։ Մենք ամուր կանգնած ենք Հայաստանի և Արցախի ժողովրդի կողքին՝ ի պաշտպանություն նրանց տարածքային ամբողջականության, խաղաղության և ազատության իրավունքի»: Ներկայացուցիչների պալատում ներկայացված բանաձևում մասնավորապես ասվում է․ •   Դատապարտում ենք Ադրբեջանին՝ 2022 թվականի սեպտեմբերի 13-ին Հայաստանի և Լեռնային Ղարաբաղի վրա կատարած ռազմական հարձակման համար և անհապաղ ու անվերապահ հրադադարի կոչ անում, •  Կոչ ենք անում նախագահ Բայդենին՝ անհապաղ դադարեցնել Ադրբեջանին տրամադրվող օժանդակությունը՝ համաձայն «Ազատության աջակցության ակտի» 907-րդ հոդվածի պահանջների, և Ալիևի վարչակազմի համար պարզ դարձնել, որ Հայաստանի և Լեռնային Ղարաբաղի վրա հետագա հարձակումները կհանգեցնեն պատժամիջոցների կամ այլ գործողությունների։ •  Վերահաստատում ենք Միացյալ Նահանգների վճռական աջակցությունը Հայաստանի ինքնիշխանությանն ու տարածքային ամբողջականությանը, ինչպես նաև նրա վճռական հակազդեցությանն Ադրբեջանի ռազմական ագրեսիայի և միջազգային օրենքների ու նորմերի բացահայտ խախտումների դեմ։ •  Աջակցում ենք ԱՄՆ-ի և միջազգային մարդասիրական օգնության ծրագրերին` բավարարելու ադրբեջանական ագրեսիայի զոհերի հրատապ կարիքները ինչպես Հայաստանում, այնպես էլ Լեռնային Ղարաբաղում: Հայ դատի Ամերիկայի հանձնախումբն ամերիկահայ համայնքի մոբիլիզացիայի արդյունքում նախաձեռնել է նաև համագաղութային չորս ուղղություններով արշավ՝ ամերիկյան իշխանություններից պահանջելով դատապարտել ադրբեջանական ագրեսիան, դադարեցնել ամերիկյան ցանկացած տեսակի օժանդակությունն Ադրբեջանին, օրենսդրորորեն սահմանափակել Բաքվին տրամադրվող ամերիկյան ռազմական օժանդակությունը և վերականգնել «907-րդ հոդվածի» պահանջների կատարումը։
13:12 - 15 սեպտեմբերի, 2022
Վլադիմիր Պուտինը սահմանին տիրող իրավիճակը կքննարկի  Իլհամ Ալիևի հետ հանդիպմանը

Վլադիմիր Պուտինը սահմանին տիրող իրավիճակը կքննարկի Իլհամ Ալիևի հետ հանդիպմանը

Ռուսաստանի նախագահ Վլադիմիր Պուտինը Հայաստանի և Ադրբեջանի սահմանին տիրող իրավիճակը կքննարկի Ադրբեջանի նախագահ Իլհամ Ալիևի հետ հանդիպմանը։ Այս մասին այսօր լրագրողներին ասաց ՌԴ նախագահի մամուլի քարտուղար Դմիտրի Պեսկովը։ «Վաղը [Պուտինը] հանդիպում կունենա նախագահ Ալիևի հետ: Իհարկե, [Հայաստանի և Ադրբեջանի սահմանին տիրող իրավիճակի թեման] նույնպես կլինի օրակարգի առաջին տեղում», - ասել է Կրեմլի խոսնակը։ Պուտինն ու Ալիևը հանդիպում կունենան Շանհայի համագործակցության կազմակերպության գագաթնաժողովում, որը տեղի է ունենալու Սամարղանդում սեպտեմբերի 15-ին և 16-ին։ Պեսկովը հիշեցրել է, որ այս շաբաթ ՌԴ նախագահը հեռախոսազրույց է ունեցել Հայաստանի վարչապետ Նիկոլ Փաշինյանի հետ։  «Նախորդ օրը նախագահի և վարչապետ Փաշինյանի միջև զրույց է եղել, բավականին երկար»,- հայտարարեց Կրեմլի խոսնակը։
12:55 - 15 սեպտեմբերի, 2022
Ալեն Սիմոնյանը կոչ է արել միջազգային գործընկերներին հստակ և հասցեական արձագանքել Ադրբեջանի գործողություններին

Ալեն Սիմոնյանը կոչ է արել միջազգային գործընկերներին հստակ և հասցեական արձագանքել Ադրբեջանի գործողություններին

ՀՀ ԱԺ նախագահ Ալեն Սիմոնյանը սեպտեմբերի 15-ին ընդունել է Սանկտ Պետերբուրգի Օրենսդիր ժողովի նախագահ Ալեքսանդր Բելսկու գլխավորած պատվիրակությանը: Հանդիպմանը քննարկվել են սեպտեմբերի 13-ին Ադրբեջանի զինված ուժերի կողմից հրադադարի ռեժիմի խախտման, զոհերի, հայկական դիրքերի գնդակոծմանն առնչվող մանրամասներ: Անդրադարձ է եղել հրադադարի պայմանավորվածությանը. զրուցակիցները հույս են հայտնել, որ այն տևական կլինի: «Ադրբեջանի ռազմաքաղաքական ղեկավարությունն ուժով փորձում է հասնել իր մաքսիմալիստական նպատակներին և անտեսում է տարածաշրջանում խաղաղության հաստատման ուղղությամբ հայկական կողմի ջանքերը»,- նշել է Ալեն Սիմոնյանը՝ հիշեցնելով, որ իշխանությունները դիմել են միջազգային հանրությանը՝ ներկայացնելով տիրող իրավիճակը: Նա հավելել է, որ կոչ է անում միջազգային գործընկերներին և դաշնակիցներին առավելագույնս հստակ և հասցեական արձագանքել Ադրբեջանական Հանրապետության գործողություններին և արդյունավետ քայլեր ձեռնարկել Հայաստանի Հանրապետության ջանքերին աջակցելու համար՝ ապագայում նման գործողությունները կանխելու նպատակով: Հանդիպմանը քննարկվել են նաև հայ-ռուսական խորհրդարանական փոխգործակցությանն առնչվող հարցեր: Ռուս գործընկերը ներկայացրել է Հայաստան այցի ընթացքում կայանալիք հանդիպումների օրակարգը՝ նշելով, որ Երևանի ավագանու և Սանկտ Պետերբուրգի Օրենսդիր ժողովի միջև Փոխըմբռնման հուշագիր է ստորագրվել, ինչը հնարավորություն կընձեռի նախանշելու արդյունավետ և կառուցողական փոխգործակցության նոր վեկտորներ:
12:54 - 15 սեպտեմբերի, 2022
Գերմանացի պատգամավորը բարոյազուրկ է անվանել ԵՄ հանձնաժողովի նախագահին Ալիեւի հետ համագործակցելու համար
 |hetq.am|

Գերմանացի պատգամավորը բարոյազուրկ է անվանել ԵՄ հանձնաժողովի նախագահին Ալիեւի հետ համագործակցելու համար |hetq.am|

hetq.am: Եվրախորհրդարանի երեկվա՝ սեպտեմբերի 14-ի նիստում գերմանացի պատգամավոր, ԵՄ-Հայաստան խորհրդարանական գործընկերության հանձնաժողովի անդամ Մարտին Զոննեբորնը քննադատել է Եվրոպական միությանը Հայաստանի վրա հարձակված Ադրբեջանի բռնապետ նախագահ Ալիեւի հետ համագործակցության համար։ Իր խոսքը մասնավորապես ուղղելով Եվրոպական հանձնաժողովի նախագահ Ուրսուլա ֆոն դեր Լեյենին՝ նախկինում լրագրող, Die PARTEI կուսակցության հիմնադիր Զոննեբորնն ասել է. «Մեզ պոկելով գազի մի մատակարարից՝ Պուտինից, դուք մեզ համար գտել եք մեկին, որը դաժան պատերազմ է վարում՝ Ալիեւին։ Եվ մինչ գերմանական բազմաթիվ լրատվամիջոցներ լուռ են, նախկինում բռնապետ, իսկ հիմա ձեր բնութագրմամբ՝ վստահելի գործընկեր Ալիեւը հարձակվել է ժողովրդավարական Հայաստանի վրա։ Մեր նոր լավագույն ընկեր Ադրբեջանը Ռուսաստանից էլ հեռու է ժողովրդավարության, մամուլի ազատության եւ քաղաքացիական ազատությունների առումով»։ Ըստ պատգամավորի՝ Ալիեւն առաջամարտիկ է միայն Քրիստոնեա-դեմոկրատական միության կոռումպացված գործիչներին կաշառելու գործում (որի անդամ է Ուրսուլա ֆոն դեր Լեյենը-խմբ.)։ «Երբ դուք սկսեցիք ձեր ծառայությունն այստեղ, ես մտածում էի, որ դուք պարզապես ոչ կոմպետենտ եք եւ մի քիչ հանցագործ, հիմա գիտեմ, որ դուք զուրկ եք բարոյականությունից։ Ես չգիտեմ՝ այլեւս ինչ ասել Եվրամիության վիճակի մասին, միայն մի բան՝ մենք չպետք է թողնենք ԵՄ-ն լեյեններին»,- ելույթն ավարտեց Սոննեբորնը։
12:45 - 15 սեպտեմբերի, 2022
Կարին Տոնոյանը գործողությունների պլան է հրապարակել

Կարին Տոնոյանը գործողությունների պլան է հրապարակել

«5165» շարժման առաջնորդ Կարին Տոնոյանը հայտարարություն է տարածել, որում հայտնում է գործողությունների պլանի մասին․ «Հարգելի՛ հայրենակից, Նախ՝ երեկվա մասին: Ազգային Ժողովի մոտ հավաքը ինքնաբուխ էր, հընթացս ձևավորված ամբիոնը նույնպես և հետևաբար արված հայտարարությունները անկազմակերպ էին: Այն բոլոր հայտարարությունները, որոնք բռնության կամ քաոս հրահրող երանգներ ունեին, մեր սատարումը չունեն, դրանք մեր օրակարգի մաս չեն հանդիսանում: Մեր օրակարգը, մեր առաջիկա անելիքները հետևյալն են, որոնց շուրջ և տեղի է ունենալու ժողովրդի համախմբումը:Արձանագրենք, որ Հայաստանի վարչապետի պաշտոնը զբաղեցնող անձի հենարանը և նրա ապազգային ու հակապետական որոշումները սպասարկողները (նաև լուռ համաձայնությամբ), հետևյալ պետական մարմիններն են. Ազգային Ժողով, Կառավարություն, Դատական համակարգի զգալի մասը, Ոստիկանություն, Ազգային անվտանգության ծառայություն: Հենարան են նաև մեդիա դաշտի մի մեծ հատված, ներառյալ Հանրային Հեռուստաընկերություն և ռադիո, հասարակական կազմակերպություններ, տնտեսական դաշտում գերակա դերակատարներ, այդ թվում օլիգարխիկ համակարգի մաս կազմող անհատներ, որոնք նաև սերտաճել են ներկա իշխանությանը: Մեր թիվ մեկ խնդիրն է զրկել երկրի վարչապետի պաշտոնը զբաղեցնող անձին հենարանից և հեռացնել նրան պաշտոնից, ձևավորել անցումային կառավարություն, իրականացնել ճգնաժամային կառավարում, պետության ռեսուրսները առաջանահերթ ուղղել Հայաստանի անվտանգային համակարգի վերականգնմանը, վերազինել մեր բանակը նոր տեխնոլոգիական մարտական կարողություններով և ունակություններով` տալով նրան հնարավորություն ապահովելու Հայաստանի Սահմանադրությամբ բանակի վրա դրված պարտավորությունը` «Հայաստանի Հանրապետության զինված ուժերն ապահովում են Հայաստանի Հանրապետության պաշտպանությունը, անվտանգությունը, տարածքային ամբողջականությունը և սահմանների անձեռնմխելիությունը»: Վերոնշյալն իրագործելու համար հարկավոր են հետևյալ գործողությունները.  Գործողությունների խումբ 1. Ժամանակավորապես (մինչև վարչապետի պաշտոնը զբաղեցնողի հրաժարականը) պարալիզացնել հակապետական որոշումների հենարան հանդիսացող պետական կառույցների, կազմակերպությունների, խմբերի և անհատների հանցավոր համագործակցությունը: Սրա համար հարկավոր է այսօրվանից սկսած ԽԱՂԱՂ ԱՆՀՆԱԶԱՆԴՈՒԹՅԱՆ գործողություններով արգելափակել Կառավարության հիմնական մարմիններում` նախարարություններում, մարզպետարաններում և բուն կառավարության նստավայրում որևէ տեսակի գործունեություն: Դուրս եք գալիս փողոց, ինքնակազմակերպվում եք և խաղաղ գործողություններով արգելափակում եք նշված մարմինների նստավայրերը և խաթարում եք դրանց գործունեությունը մինչև համապատասխան անձի հրաժարականը: Այս նույն գործողություններն ենք իրականացնում նաև Բարձրագույն դատական խորհրդի, Հանրային հեռուստաընկերության և այլ իշխանական լրատվամիջոցների, իշխանության սատարող հասարակական կազմակերպությունների և օլիգարխիկ համակարգի ներկայացուցիչների հիմնական ձեռնարկությունների նկատմամբ: Գործողությունների խումբ 2.  Զուգահեռ, շրջափակում ենք Ազգային Ժողովի շենքը, ԽԱՂԱՂ ԱՆՀՆԱԶԱՆԴՈՒԹՅԱՆ գործողություններով և բացատրական աշխատանքներով ուղղորդում ենք ՔՊ կուսակցության պատգամավորներին ներկայանալ Ազգային Ժողով և միանալ վարչապետի պաշտոնը զբաղեցնող անձին անվստահություն հայտնող փաստաթղթին. սա, ժողովրդի պահանջի համաձայն, երեկ ԱԺ ընդդիմադիր ուժերը պարտավորվել են նախաձեռնել: Նշված մարմինների, կազմակերպությունների և անհատների գործունեությունը խաթարող անհնազանդության խաղաղ գործողությունները իրականացվում են այնքան ժամանակ, քանի դեռ չենք հասել վարչապետի պաշտոնը զբաղեցնող անձի հրաժարականին: Գործողությունների խումբ 3. Առաջին երկու խումբ գործողություններին զուգահեռ ձևավորվում է անցումային կառավարության օրակարգը և այդ օրակարգն իրականացնող մարդկանց շրջանակը: Ժամանակավոր` անցումային կառավարության ղեկավարը` վարչապետը, կլինի անձ, որը գործելու է միայն հայտարարված օրակարգի շրջանակներում և կատարելու է ճգնաժամային կառավարման կոլեգիալ որոշումները, նա պետք է վայելի հանրային բարձր վստահություն: Միաժամանակ, հայտարարում ենք, որ բոլոր այն պետական ծառայողները և պետական մարմինների այն բոլոր ներկայացուցիչները, ՔՊ բոլոր պատգամավորները, որոնք հրապարակայնորեն կհրաժարվեն վարչապետի պաշտոնը զբաղեցնող անձի հետ համագործակցելուց, կստանան անվտանգության երաշխիքներ անցումային կառավարության կողմից, որը կապահովի և կերաշխավորի նրանց և նրանց ընտանիքների անվտանգությունը: Վերջապես, խոսքն ուղղում ենք Հայաստանի Հանրապետության զինված ուժերում բարձրագույն սպայական կոչում ունեցող հրամանատարական ներկա և նախկին կազմերի բոլոր ներկայացուցիչներին: Հրաժարվե՛ք վարչապետի պաշտոնը զբաղեցնող անձի հետ համագործակցելուց, միացե՛ք մեզ` ժողովրդին, միասին վերականգնենք խարխլված անվտանգային համակարգը: Հայ ազգը սպասում է իր արժանավոր զավակների համախմբանը` հանուն պետության ու ժողովրդի գործուն և նվիրական քայլերի:  Աստված օրհնի մեր ժողովրդին, մեր պետությունը և մեր պետության ու ժողովրդի անվտանգության երաշխավոր բանակը: Հայտարարությունը բաց է միանալու համար»:
12:39 - 15 սեպտեմբերի, 2022
Երևանից զանգել են գյուղեր, քաղաքներ ու ասել, որ հողերը ծախած են. Պապոյանը կազմակերպված մեդիատեռոր որակեց սեպտեմբերի 14-ի իրադարձությունները

 |armenpress.am|

Երևանից զանգել են գյուղեր, քաղաքներ ու ասել, որ հողերը ծախած են. Պապոյանը կազմակերպված մեդիատեռոր որակեց սեպտեմբերի 14-ի իրադարձությունները |armenpress.am|

armenpress.am: Ազգային ժողովի «Քաղաքացիական պայմանագիր» խմբակցության պատգամավոր Գևորգ Պապոյանը անդրադարձավ սեպտեմբերի 14-ի իրադարձություններին, տեղի ունեցածը որակեց որպես մեդիատեռոր և շեշտեց, որ դեպքին պետք է տրվի իրավական գնահատական: Ազգային ժողովում իր ելույթի ժամանակ պատգամավորը նշեց, որ սեպտեմբերի 14-ին Հայաստանում հերթական մեդիատեռորը տեղի ունեցավ, որի զոհը Հայաստանի Հանրապետության քաղաքացին էր և Հայաստանի Հանրապետությունն էր: «Իմ քաղաքական գնահատմամբ՝ նման բան կարող են իրականացնել միայն թշնամական, օտարերկրյա գործակալական ցանցերը, որովհետև այն, ինչ երեկ տեղի ունեցավ, դա ուղղակիորեն հարված էր Հայաստանի Հանրապետությանը, Հայաստանի Հանրապետության բանակին, նրա մարտունակությանը և նրա ժողովրդին: Սեփական ժողովրդին տեռորի ենթարկելը, սեփական ժողովրդին ստեր մատուցելը, ճշմարտությունը նրանից թաքցնելը անձնական կամ ոչ անձնական շահերի համար, ես գնահատում եմ նման գործունեության արտացոլանք»,- ասաց Պապոյանը: Ըստ պատգամավորի՝ երեկվա դեպքերը  2020 թվականի նոյեմբերի 9-ի կրկնության փորձ էր՝ շատ պարզ եղանակով կատարել հեղաշրջում երկրում, գրավել պետական կառույցները, ուժով զավթել իշխանությունը: «Սա այլ քաղաքական գնահատական, իմ կարծիքով, չի կարող ունենալ: Բայց հերթական անգամ այդ շրջանակները, նրանց սնուցող շրջանակները համոզվեցին, որ մեր ժողովուրդը իրապես շատ լավ ամեն ինչ տեսնում է: Հնարավոր է շատ կարճ մեդիամանիպուլյացիաների միջոցով որոշակի աղմուկ առաջացնել, բայց բավական է ճշմարտությունը ներկայացնել և միանգամից ամիսներով, երբեմն տարիներով կառուցված ստի ռազմավարությունը, որը պետք է կոնկրետ գործողություն ծներ և դառնար, փլուզվում է: Սա շատ կարևոր արձանագրում է»,- ընդգծեց Պապոյանը: Պատգամավորը նշեց, որ երեկ ականատես է եղել մի քանի դեպքերի, որոնք թույլ են տալիս եզրակացնել կամ լուրջ կասկած հայտնել, որ երեկվա դեպքերը շատ լուրջ կազմակերպված գործողություն էին: «Երբ Երևանից զանգում են գյուղեր, քաղաքներ և ասում, որ հողերը հանձնել են, հողերը հանձնած է, թուղթը ստորագրած է, թուղթը հինգ րոպե հետո ստորագրվելու է, եկեք մեքենաներով հասեք Երևան, դա կազմակերպված էր: Ես նաև չեմ կիսում այն մոտեցումը, որ մասսայական մեդիամանիպուլյացիայի արդյունք է: Այսինքն՝ մարդիկ ինչ-որ լայվեր են լսել կամ «Ֆեյսբուք»-ի ինչ-որ հրապարակումներ են տեսել և դրանից հետևություններ էին արել: Այնտեղ կար կազմակերպված գործընթաց, որի արդյունքում մարդկանց մոլորեցրել էին, որպեսզի նրանք գան Բաղրամյան պողոտա և անեն գործողություններ, որոնք հակասահմանադրական են, հակաիրավական են և, բնականաբար, այդ մարդկանց թողնելու են իրավապահ մարմինների հետ միայնակ»,- ասաց Պապոյանը: Պատգամավորի խոսքով՝ երեկվա տեղի ունեցածը պետության դեմ երկրորդ ճակատ բացելն էր: «Իրավիճակ, երբ բանակը կռվում է, իրավիճակ, երբ բանակը լավ է կռվում, իրավիճակ, երբ բանակը իր ունեցած հնարավորությունների առավելագույնի չափով իրականացնում է և եթե այդ իրավիճակում զինվորին, սպային թիկունքից ասում ես, որ հողերը հանձնած է, դա ունենում է մեկ հետևանք՝ զինվորը և սպան թևաթափ է լինում: Հետևաբար, եթե մեր զինվորները և սպաները հավատային ընդդիմադիր որոշ շրջանակների կողմից դաշտ նետված թեզին, ապա միանշանակ թևաթափ էին լինելու և դրա հետևանքով մեր սահմաններին ունենալու էինք լրջագույն խնդիրներ: Բարեբախտաբար, բանակում վերջին փոփոխությունները իրենց արդյունքը տալիս են»,- ասաց Պապոյանը:
12:21 - 15 սեպտեմբերի, 2022
Հայաստան ՀԱՊԿ խաղաղապահ զորակազմ ուղարկելու մասին դեռ խոսք չկա. hույս ունենք` հակամարտությունը կլուծվի խաղաղ ճանապարհով. ՀԱՊԿ Միացյալ շտաբի պետ
 |tert.am|

Հայաստան ՀԱՊԿ խաղաղապահ զորակազմ ուղարկելու մասին դեռ խոսք չկա. hույս ունենք` հակամարտությունը կլուծվի խաղաղ ճանապարհով. ՀԱՊԿ Միացյալ շտաբի պետ |tert.am|

tert.am: ՀԱՊԿ Միացյալ շտաբի պետ, գեներալ-գնդապետ Անատոլի Սիդորովը կարծիք է հայտնել, որ Հայաստանի և Ադրբեջանի սահմանին ՀԱՊԿ ուժերի կիրառման մասին խոսք դեռ չկա, գրում է ՏԱՍՍ գործակալությունը:«Հայաստան ՀԱՊԿ խաղաղապահ զորակազմ ուղարկելու մասին դեռ խոսք չկա։ Հույս ունենք, որ հակամարտությունը կլուծվի խաղաղ ճանապարհով», - ասել է նա:Ավելի վաղ հաղորդվել էր, որ ՀԱՊԿ առաքելությունը Երևան կժամանի սեպտեմբերի 15-ի երեկոյան:Սիդորովի խոսքով՝ առաքելություն ուղարկելու առաջարկն առաջ է քաշել ՌԴ նախագահ Վլադիմիր Պուտինը. այն աջակցություն է ստացել կազմակերպության բոլոր անդամ երկրների կողմից։Նախօրեին  ՀԱՊԿ մամուլի քարտուղար Վլադիմիր Զայնետդինովն ասել էր, որ ՀԱՊԿ-ը սկսել է իրականացնել Հավաքական անվտանգության խորհրդի արտահերթ նիստում ձեռք բերված պայմանավորվածությունները, որոնք վերաբերում են կազմակերպության առաքելություն Հայաստան ուղարկելուն՝ «գնահատելու Հայաստանի սահմանի որոշ հատվածներում առկա իրավիճակը»։Մինչդեռ ՀԱՊԿ գլխավոր քարտուղար Ստանիսլավ Զասը ծրագրում է հաջորդ շաբաթ այցելել Հայաստան: Առաքելությունը կգլխավորի գեներալ-գնդապետ Անատոլի Սիդորովը:
12:18 - 15 սեպտեմբերի, 2022
Նիկոլին փրկելու ժամը չէ, հայրենիքը փրկելու ժամն է․ Գեղամ Մանուկյանը՝ ՔՊ-ականներին

Նիկոլին փրկելու ժամը չէ, հայրենիքը փրկելու ժամն է․ Գեղամ Մանուկյանը՝ ՔՊ-ականներին

Ասյօր Ազգային ժողովում շարունակվում է հերթական քառօրյան։ ԱԺ նիստերի դահլիճ էր եկել ընդդիմադիր «Հայաստան» խմբակցության պատգամավոր Գեղամ Մանուկյանը, որն ուզում էր ելույթ ունենալ։ ԱԺ փոխխոսնակ Հակոբ Արշակյանը, որը վարում է նիստը, ասաց, որ երբ պատգամավորների գրանցում էր հայտարարել, Մանուկյանը դահլիճում չէր, այնուհետև ժամանակ տվեց, որ նա գրանցվի։ Տեղից խոսելու համար նախազգուշացում ստացավ ՔՊ-ական Հովիկ Աղազարյանը, որից հետո Գեղամ Մանուկյանը հրավիրվեց ելույթի։ Նա հայտարարեց՝ ԱԺ-ում չէ քննարկելու ՍԴ դաատվորի թեկնածուի հարցը․ «Այստեղ եմ եկել տասնյակ հազարավոր մեր հայրենակիցների խոսքը, հորդորը, խնդրանքը փոխանցելու ձեզ, այն մարդկանց, որ հաշված ժամերի ընթացքում ինքնաբուխ երեկ հուզված, զայրացած, նյարդայնացած, վրդովված շտապել էին Բաղրամյան պողոտա՝ ԱԺ շենքի դիմաց։ Այդ մարդիկ ուղղորդված չէին․ որևէ մեկը նրանց չէր ուղղորդել։ Ուղղորդում չկար, պարզապես կար մեկ բան՝ հայրենիքի նկատմամբ անհանգստությունը, Արցախի նկատմամբ անհանգստությունը։ Եթե ասում ենք՝ կար ուղղորդում, ապա մեկ բան՝ երեկ ԱԺ դահլիճի այս ամբիոնից հնչած անթույլատրելի, վտանգավոր այն հայտարարությունը, որ եղել էր»։ Գեղամ Մանուկյանի պնդմամբ՝ երեկ ԱԺ դիմաց բողոքի ակցիա էին իրականացնում տասնյակ հազարավոր մարդիկ․ «Ժողովուրդ, որը նաև պարտադրեց, որ հաշված ժամերի ընթացքում Նիկոլ Փաշինյանի կողմից ինչ-որ թուղթ ստորագրելու, ՀՀ տարածք ի, Արցախի մասին ոչ մի բառ չասելու պատճառով այդ անհանգստությունից հետո ուղիղ եթերներով, գրավոր հայտարարություններով իշխանության ներկայացուցիչների կողմից եղան բազմաթիվ պարզաբանումներ, հերքումներ, որովհետև հասկանալ էր, որ մարդիկ վրդովված էին։ Հերքումներ, որոնք, այնուամենայնիվ, չհերքեցին այն վտանգավոր հայտարարությունը, չհերքեցին այս օրերին իշխանական պատգամավորների կողմից Արցախի հարցի, Արցախի ապագայի մասին այն բոլոր վտանգավոր հայտարարությունները, որ պարբերաբար հնչում են»։ Գեղամ Մանուկյանը նաև նշեց, որ Երեկ Ստեփանակերտում հազարավոր մարդիկ էին  հավաքված․ «Այդ մարդիկ իրենց դավաճանված էին զգում, այդ մարդիկ իրենց թուրքի դեմ մենակ էին զգում, քանի որ այդ մարդիկ մեկ էլ մի պահ լսել էին, որ ԱԺ այս ամբիոնից այլևս իրենց մասին խոսող չկա»։ Գեղամ Մանուկյանն անդրադարձավ նաև Նիկոլ Փաշինյանի երեկվա հայտարարություններին․ «Երեկ ամբիոնից Նիկոլ Փաշինյանի կողմից հնչել է մի արտահայտություն, որ ինչ-որ թուղթ եթե ստորագրի, մարդիկ կարող են քննադատել և ասել դավաճան»։ Մանուկյանի այս խոսքերից հետո ՔՊ-ական պատգամավորները սկսեցին բղավել։ Վահագն Ալեքսանյանը փորձեց նստած տեղից բարձրանալ, Վահագն Հովակիմյանը պահեց նրան։ Հակոբ Արշակյանը ՔՊ պատգամավորներին խնդրեց հանգստություն պահպանել, Գեղամ Մանուկյանին էլ՝ այնպես չանել, որ էլ ավելի լարվի խոսակցությունը։ «Տերմինալոգիա եք օգտագործում, կոնտեքստից կտրում եք որոշ բաներ, որը հուզական արձագանք է ստանում»,- դիմելով Մանուկյանին՝ նշեց Արշակյանը։ Իրավիճակը հանդարտվեց, Մանուկյանը շարունակեց իր ելույթը․ «Երեկ տասնյակ հազարավոր մարդկանց ներկայությունն այստեղ փաստեց, որ ժողովուրդը պոռթկման եզրին է։ Երեկ տասնյակ հարազարվոր ինքնաբուխ հավաքված մարդիկ սպասում էին քաղաքական մեծամասնության ներկայացուցիչներին։ Չեկան, բայց ժամանակ կա։ Վերջապես հասկացեք, որ իրավիճակն օրհասական է։ Վերջապես հասկացեք, որ իրավիճակի լուծումը մեկն է՝ նոր իշխանություն, նոր կառավարություն, նոր վարչապետ, որն այս վիճակից կարող է դուրս բերել։ Նիկոլին փրկելու ժամը չէ, հայրենիքը փրկելու ժամն է»։ Հիշեցնենք, որ երեկ ԱԺ դիմաց բողոքի ակցիա իրականացնող քաղաքացիները պահանջում էին, որ պատգամավորները վարչապետին անվստահություն հայտնելու գործընթաց սկսեն։ գործընթացի համար կային ընդդիմադիր 35 պատգամավորների ստորագրությունները, սակայն պակասում էր 18 ստորագրություն։ Ակցիայի մասնակիցները պահանջեցին, որ ՔՊ 18 պատգամավոր գա և ստորագրի փաստաթղթի տակ, որով անվստահություն հայտնելու գործընթացը կսկսվի։ Բողոքի ակցիային նախորդել էր Փաշինյանի հայտարարությունն այն մասին, թե որ դեպքում կստորագրի խաղաղության պայմանագիր․ «Ես ինձ վրա վերցրել եմ պատասխանատվություն գնալ ծանր որոշումների հանուն խաղաղության։ Բայց ծանր որոշումներ չի նշանակում ՀՀ պետական շահերին հակասող որոշումներ։ Մենք էդ որոշումներին պիտի գնանք՝ երաշխավորելու համար ՀՀ անվտանգությունը, տևական կայունությունը, խաղաղությունը։ Մենք չենք կարող էսօր վերնագրի ներքո գրել խաղաղության պայմանագիր, տակը ստորագրենք, որի արդյունքում 6 ամիս հետո նոր պատերազմ սկսվի։ Մենք ուզում ենք, որ ստորագրենք մի թուղթ, որի արդյունքում մեզ լիքը մարդ կքննադատի, կհայհոյի, դավաճան կասի, նույնիսկ կարող է ժողովուրդը որոշի մեզ իշխանությունից հեռացնել, էլի շնորհակալ կլինենք, եթե դրա արդյունքում ՀՀ-ն 29 800 կմ քառակուսի տարածքով ստանա տևական խաղաղություն և անվտանգություն։ Որոշումը, որը սա ապահովելու է, ես շատ այդ որոշումը ստորագրելու եմ։ Ինձ չի հետաքրքրում՝ ինչ կլինի հետո ինձ հետ, ինձ հետաքրքրում է՝ ինչ կլինի Հայաստանի Հանրապետության հետ»։   Գլխավոր լուսանկարը՝ ԱԺ-ի
12:11 - 15 սեպտեմբերի, 2022
Օլաֆ Շոլցը Հայաստանին ու Ադրբեջանին կոչ է արել հակամարտությունը կարգավորել բանակցությունների միջոցով

Օլաֆ Շոլցը Հայաստանին ու Ադրբեջանին կոչ է արել հակամարտությունը կարգավորել բանակցությունների միջոցով

Գերմանիայի կանցլեր Օլաֆ Շոլցը Հայաստանին ու Ադրբեջանին կոչ է արել հրաժարվել հետագա ռազմական գործողություններից և հակամարտությունը կարգավորել բանակցությունների միջոցով։ Այս մասին հայտնում է Deutsche Welle-ն։ Վրաստանի վարչապետ Իրակլի Ղարիբաշվիլին պաշտոմական այցով ժամանել Գերմանիա։ Վերջինս և կանցլեր Շոլցը հանդիպում են ունեցել, որից հետո հանդես են եկել մամուլի ասուլիսով։ «Պատասխանելով Լեռնային Ղարաբաղի շուրջ իրավիճակի սրման մասին հարցին՝ Շոլցը հակամարտությունն անվանել է «անիմաստ» և կոչ արել Հայաստանին ու Ադրբեջանին հրաժարվել հետագա ռազմական գործողություններից և հակամարտությունը լուծել բանակցությունների միջոցով»,- փոխանցում է  Deutsche Welle-ն։ Նշենք, սակայն, որ այս անգամ ռազմական գործողություններ են տեղի ունենում ոչ թե Արցախի Հանրապետությունում, այլ ՀՀ ինքիշխան տարածում։ Ադրբեջանը սեպտեմբերի լույս 13-ի գիշերը պատերազմ է սկսել Հայաստանի դեմ՝ դիրքային առաջխաղացման փորձեր անելով և հայկական տարածքներ օկուպացնելով։ Հակառակորդի թիրախում են նաև քաղաքացիական ենթակառուցվածքները։
12:00 - 15 սեպտեմբերի, 2022
 Հեռախոսազրույց են ունեցել Ադրբեջանի ու Թուրքիայի պաշտպանության նախարարներ Զաքիր Հասանովը և Հուլուսի Աքարը

Հեռախոսազրույց են ունեցել Ադրբեջանի ու Թուրքիայի պաշտպանության նախարարներ Զաքիր Հասանովը և Հուլուսի Աքարը

Ադրբեջանի պաշտպանության նախարար Զաքիր Հասանովը և Թուրքիայի ազգային պաշտպանության նախարար Հուլուսի Աքարը ևս մեկ հեռախոսազրույց են ունեցել։ Այս մասին հայտնում են Ադրբեջանի ՊՆ-ից, փոխանցում է haqqin.az-ը։ Ադրբեջանի ՊՆ հաղորդագրության մեջ նշվում է, որ «զրույցի ընթացքում Հասանովը թուրք նախարարին մանրամասն տեղեկացրել է ադրբեջանա-հայկական պետական   սահմանին ներկա օպերատիվ իրավիճակի մասին և նշել, որ հայկական զինված ուժերի բոլոր սադրանքները վճռականորեն ճնշվել են»։ «Իր հերթին Հուլուսի Աքարն ընդգծել է, որ Թուրքիայի զինված ուժերը մշտապես բարոյական աջակցություն են ցուցաբերում ադրբեջանական բանակին։ Հեռախոսազրույցի ընթացքում մտքերի հանգամանալից փոխանակում է տեղի ունեցել հայ-ադրբեջանական պետական   սահմանին տիրող իրավիճակի շուրջ»,- ասվում է ադրբեջանական գերատեսչության հաղորդագրության մեջ։
11:54 - 15 սեպտեմբերի, 2022
Հայաստանը և Ադրբեջանը մեր բարեկամ երկրներն են. այն, ինչ տեղի է ունենում, մեզ համար անընդունելի է. Ղարիբաշվիլի
 |tert.am|

Հայաստանը և Ադրբեջանը մեր բարեկամ երկրներն են. այն, ինչ տեղի է ունենում, մեզ համար անընդունելի է. Ղարիբաշվիլի |tert.am|

tert.am: Հայաստանի և Ադրբեջանի միջև ծավալված զինված հակամարտությունն անհանգստություն է առաջացնում Վրաստանում։ Այս մասին Բեռլինում կայացած մամուլի ասուլիսում հայտարարել է Վրաստանի վարչապետ Իրակլի Ղարիբաշվիլին, գրում է Regnum-ը։«Հայաստանը և Ադրբեջանը մեր բարեկամ երկրներն են, և այն, ինչ տեղի է ունենում այս երկրներում, մեզ համար անընդունելի է, և մենք մեծ մտահոգությամբ ենք հետևում այդ իրադարձություններին», - ասել է Ղարիբաշվիլին։ Նա նշեցլ է, որ Վրաստանը նախկինում հանդես է եկել որպես միջնորդ, երբ Ադրբեջանը 15 հայ ռազմագերիների ազատ արձակեց՝ Լեռնային Ղարաբաղի ականապատ դաշտերի քարտեզների դիմաց։ Վարչապետն ասել է, որ հույս ունի, որ հակամարտությունը շուտափույթ կարգավորվի։ Սեպտեմբերի 13-ին ժամը 00:05-ից Ադրբեջանի ԶՈՒ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաև ԱԹՍ-ներ: Ավելի ուշ Ադրբեջանը հրետանային միջոցներ է կիրառել նաև այլ ուղղություններով: Հայկական կողմի զոհերի թիվն այս պահի պաշտոնական տվյալներով 105 է: Վիրավորում ստացած 6 քաղաքացիական անձանցից 4-ը շարունակում են բուժումը հիվանդանոցներում:  
11:36 - 15 սեպտեմբերի, 2022
«Ժողովրդավարության բաստիոնը» այսօր իր քաղաքացիներին սպառնում է՝ հենց Նիկոլի դեմ դուրս եկաք, սահմանին մորթվելու եք ադրբեջանցիների կողմից․ Աննա Մկրտչյան |news.am|

«Ժողովրդավարության բաստիոնը» այսօր իր քաղաքացիներին սպառնում է՝ հենց Նիկոլի դեմ դուրս եկաք, սահմանին մորթվելու եք ադրբեջանցիների կողմից․ Աննա Մկրտչյան |news.am|

news.am: Մենք երեկ նպատակ ունեինք լինելու Բաղրամյան պողոտայում, աջակցելու քաղաքացիներին, քանի որ ինչպես հայտարարել էինք, որ լինելու ենք այնտեղ, որտեղ կա իրական բողոք եւ անկեղծ ցանկություն Նիկոլին վռնդելու, որովհետեւ այս մարդն է մեղավորն ու պատասխանատուն: Այս մասին, այսօր՝ սեպտեմբերի 15-ին, ԱԺ-ի դիմաց բողոքի ակցիայի ժամանակ հայտարարեց ԱԺ «Պատիվ ունեմ» խմբակցության պատգամավոր Աննա Մկրտչյանը: «Նիկոլը դավաճանելու է Հայաստանն այնքան, մինչեւ վերջին հայը չմորթվի թուրքի ու ադրբեջանցու կողմից: Ընդդիմադիր պատգամավորները մեկ մարդու նման ստորագրել են անվստահություն հայտնելու այդ փաստաթուղթը, եւ ինչպես երեկ հարթակը կազմակերպողներն են հայտարարել, մնում էր իրենց կողմից այդ 18 պատգամավորին բերման ենթարկել, խնդրել, համոզել եւ այլն: Ակնհայտ է, որ այդ մարդիկ համոզման ենթակա չեն, որովհետեւ կապված են ոչ թե քաղաքական կապերով, ոչ թե պետական շահով, այլ հանցակցությամբ, իսկ հանցակիցներին փորձ անել բաժանել, նշանակում է իրենց պատասխանատվության ժամը մոտեցնել: Իրենք դա թույլ տալ չեն կարող: Մենք այսօր էլ այստեղ ենք, ոչ մի հնարավորություն բաց չենք թողնելու սրանից ազատվելու, որովհետեւ պարզ գիտակցում կա, որ Հայաստանի վիճակն այսպիսին է, որովհետեւ ամենագլխավոր մարտահրավերը նստած է կառավարության շենքում»,-ասաց նա: Անդրադառնալով իշխող թիմի կողմից հնչող հայտարարություններին, թե երեկ Բաղրամյան պողոտայում հավաքվածները լավագույն մոբ ռեսուրսն են, Աննա Մկրտչյանն ասաց. «Նրանք ըստ էության ասում են՝ հայրենիք ունեցող հայեր, մենք կարող ենք կազմակերպել, որպեսզի թուրքը ձեզ մորթի: Ինքը 2 օր առաջ ԱԺ-ում արել է հետեւյալ արտահայտությունը՝ էլ քանի՞ կռվող կա Հայաստանում: Ուզում է հաշվի կռվողներին, իրենց էլ մորթելու ուղարկի ու հարցը փակի: Բացարձակ սուտ է, որ ՔՊ-ի որեւէ պատգամավոր երեկ սահմանում է եղել: Երեւի «Էրատոյի» նման մի տեղ փորել, մտել են, որ հյուրանոցներից դուրս գան, սիրուն նկարվեն ու հետ գան: Ցավում եմ, որ ԱԱԾ-ն այնքան է հեղինակազրկվել, որ ոչ միայն Նիկոլի ախռաննիկությունն է անում, այլ նաեւ արդեն լրատվությունն է Նիկոլի ապահովում: Բոլորս լսել ենք, որ Նիկոլ ասել է՝ ես ստորագրելու եմ, հիմա ասում են՝ տենց բան չի ասել, դուք խեղաթյուրում եք: Մի հատ բացեք, նորից լսեք: Ակնհայտ է, որ վախեցած են, ակնհայտ է, որ բանակցել են, որովհետեւ երկու օր է գալիս է ԱԺ, մի խոսք Արցախի մասին չկա: Առաջ գոնե Արցախի իրավունքներից էր խոսում, հիմա դրա մասին էլ խոսք չկա: Արդեն Հայաստանի բնակավայրերը ծախելն է ուզում լեգիտիմացնել: Ես հույս ունեմ, որ այս անգամ մեր կամքը մինչեւ վերջ կլինի»: Ընդդիմադիր պատգամավորն անդրադարձավ նաեւ նախօրեին Նիկոլ Փաշինյանի արած հետեւյալ հայտարարությանը. «Ես ինձ վրա վերցրել եմ պատասխանատվություն գնալ ծանր որոշումների հանուն խաղաղության։ Բայց ծանր որոշումներ չի նշանակում ՀՀ պետական շահերին հակասող որոշումներ։ Մենք էդ որոշումներին պիտի գնանք՝ երաշխավորելու համար ՀՀ անվտանգությունը, տևական կայունությունը, խաղաղությունը։ Մենք չենք կարող էսօր վերնագրի ներքո գրել խաղաղության պայմանագիր, տակը ստորագրենք, որի արդյունքում 6 ամիս հետո նոր պատերազմ սկսվի։ Մենք ուզում ենք, որ ստորագրենք մի թուղթ, որի արդյունքում մեզ լիքը մարդ կքննադատի, կհայհոյի, դավաճան կասի, նույնիսկ կարող է ժողովուրդը որոշի մեզ իշխանությունից հեռացնել, էլի շնորհակալ կլինենք, եթե դրա արդյունքում ՀՀ-ն 29 800 կմ քառակուսի տարածքով ստանա տևական խաղաղություն և անվտանգություն։ Որոշումը, որը սա ապահովելու է, ես ստորագրելու եմ։ Ինձ չի հետաքրքրում՝ ինչ կլինի հետո ինձ հետ, ինձ հետաքրքրում է՝ ինչ կլինի Հայաստանի Հանրապետության հետ»: Աննա Մկրչյանը վստահություն հայտնեց, որ դրանով ցույց են տալիս, որ Արցախն այլեւս քննարկման առարկա չէ. «Ես այնքան ուրախ եմ, որ նաեւ Ստեփանակերտում եղավ արձագանք, մարզերում հավաքվեցինք: Երեկ մենք ցւոյց ենք տվել, որ մենք անկամք մի զանգված չենք: Հ1-ով մեզ ասում են՝ բոլորիդ տանելու ենք մորթելու, չհամարձակվեք մեր դեմ դուրս գալ: «Ժողովրդավարության բաստիոնը» այսօր իր քաղաքացիներին սպառնում է հետեւյալ նախադասությամբ՝ հենց Նիկոլի դեմ դուրս եկաք, սահմանին մորթվելու եք ադրբեջանցիների կողմից: Այսինքն ասում են՝ էս երկիրը Նիկոլինն է, ոնց կուզենա, որ աճուրդին կուզենա՝ կդնի»: Աննա Մկրտչյանը նկատեց, որ իրենք միացել են իմպիչմենթի պահանջին եւ անգամ վարչապետի թեկնածուի մասին խոսք չկա. «Հանրային պահանջ էր ձեւավորվել Բաղրամյան պողոտայում տլ ստորագրություններ, տվել ենք, նորից ենք պատրաստ տալ: Հիմա խոսել իշխանափոխության անհրաժեշտության մասին, որովհետեւ ինչ-որ մեկն ուզում է գալ վարչապետ... այս ավերված երկրում, ինչ թվում է՝ միայն քաղաքական առումով խելագարը կարող է գալ: Բացառապես հայրենասիրական հիմունքներ է պետք երկիրը ոտքի կանգնեցնելու համար»: Հիշեցնենք, որ Վահագն Ալեքսանյանը հայտնել է, որ «օպերատիվ աշխատանք է տարվում բոլորին (ակցիայի մասնակից երիտասարդ տղաներին- խմբ․) իդենտիֆիկացնելու ուղղությամբ», հետո առաջնագիծ ուղարկելու ուղղությամբ։
11:22 - 15 սեպտեմբերի, 2022
ԱՄՆ-ն մտահոգություն է հայտնել Ադրբեջանի գործողությունների հետևանքով Հայաստանում քաղաքացիական անձանց վիրավորումների դեպքերի առնչությամբ


 |armenpress.am|

ԱՄՆ-ն մտահոգություն է հայտնել Ադրբեջանի գործողությունների հետևանքով Հայաստանում քաղաքացիական անձանց վիրավորումների դեպքերի առնչությամբ |armenpress.am|

armenpress.am: Միացյալ Նահանգները շարունակում է խիստ մտահոգիչ համարել Հայաստանի ինքնիշխան տարածքի նկատմամբ Ադրբեջանի սանձազերծած հարձակման հետևանքով ստեղծված իրավիճակը հայ-ադրբեջանական սահմանին։ Այս մասին լրագրողների հետ ճեպազրույցում հայտարարել է ԱՄՆ պետդեպի խոսնակ Նեդ Փրայսը։ «Մենք խորապես մտահոգված ենք հայ-ադրբեջանական սահմանին շարունակվող հարձակումների առնչությամբ։ Մենք այս շարունակական հարձակումներին ականատես ենք լինում երկրորդ օրը շարունակ։ Մենք մասնավորապես խիստ մտահոգված ենք Հայաստանի ներսում քաղաքացիական անձանց վիրավորումների մասին տեղեկությունների առնչությամբ»,- նշել է Փրայսը։ Նա հիշեցրել է, որ ռազմական գործողություններից կարճ ժամանակ անց պետքարտուղար Էնթոնի Բլինկենը հեռախոսազրույցներ է ունեցել Հայաստանի և Ադրբեջանի ղեկավարների հետ։ «Նա մեր խորը մտահոգությունն է հայտնել սահմանին իրականացվող ռազմական գործողությունների՝ այդ թվում և Հայաստանի ներսում հրետակոծությունների մասին տեղեկությունների առնչությամբ։ Նա կոչ է արել նախագահ Ալիևին անմիջապես դադարեցնել ռազմական գործողությունները, կանգնեցնել զինված ուժերի գործողությունները և հետ քաշել ուժերը սահմանից, ինչպես նաև դադարեցնել որևէ տեսակի ռազմական գործողություն, որը կարող է վտանգել քաղաքացիական անձանց կյանքը, աշխատել Հայաստանի և Ադրբեջանի միջև առկա բոլոր կարևոր խնդիրները խաղաղ բանակցությունների միջոցով կարգավորելու ուղղությամբ։ Մենք թե՛ այս համատեքստում, թե՛ դրանից առաջ, երկու առաջնորդներին բոլոր մակարդակներում հստակ ասել ենք, որ այս խնդիրը չի կարող ռազմական կարգավորում ունենալ։ Եվ մենք կոչ ենք արել երկու կողմերին զերծ մնալ հետագա ռազմական գործողություններից ու ներգրավվել երկխոսության ու դիվանագիտության մեջ»,- հայտարարել է Փրայսը։ Նա նշել է, որ ԵԱՀԿ Մինսկի խմբի ԱՄՆ համանախագահ Ֆիլիպ Ռիքերը շարունակում է լինել Բաքվում, որտեղ նախօրեին հանդիպել է նախագահ Իլհամ Ալիևի հետ։ Իսկ ԱՄՆ պետքարտուղարի եվրոպական և եվրասիական հարցերով տեղակալ Քերըն Դոնֆրիդն իր հերթին հեռախոսազրույց է ունեցել Ադրբեջանի ԱԳ նախարար Ջեյհուն Բայրամովի հետ։ «Մենք շարունակում ենք հանձնառու լինել՝ անելու հնարավոր ամեն բան՝ առաջ մղելու Հարավային Կովկասի խաղաղ և բարեկեցիկ ապագան»,- հայտարարել է պետդեպի խոսնակը։ Հարցին, թե արդյոք ամերիկյան կողմը բանակցություններ ունեցե՞լ է թուրք գործընկերների հետ՝ հաշվի առնելով Թուրքիայի դերն ու աջակցությունը Ադրբեջանին, Փրայսն ասել է․ Պետքարտուղար Բլինքենը, դեսպան Ռիքերը, պետքարտուղարի օգնական Դոնֆրիդը և նրա բյուրոյի անդամները մի շարք զրույցներ են ունեցել ոչ միայն Հայաստանի և Ադրբեջանի, այլև շահագրգիռ այլ կողմերի ու գործընկերների հետ։ Չունեմ հավելյալ տեղեկություն մանրամասնելու այդ բոլոր ներգրավվածությունները, բայց ինչպես ես երեկ ասացի, մենք պատրաստվում ենք խորապես ներգրավված մնալ դիվանագիտության մեջ։ Մենք պատրաստ ենք անել հնարավորը երկկողմ, բազմակողմ հիմքերի վրա, որպեսզի այդ ռազմական գործողությունները ավարտվեն, և լարվածությունը թուլանա»։
09:56 - 15 սեպտեմբերի, 2022