Ժոզեպ Բորել

Կարևոր քայլ է դեպի համապարփակ լուծում․ ԵՄ-ն ողջունել է Հայաստանի և Ադրբեջանի ԱԳ նախարարների հանդիպումը |armtimes.com|

armtimes.com: Եվրամիության դիվանագիտության ղեկավար Ժոզեպ Բորելը ողջունել է հուլիսի 16-ին Թբիլիսիում Հայաստանի և Ադրբեջանի արտգործնախարարներ Արարատ Միրզոյանի և Ջեյհուն Բայրամովի հանդիպումը։ «Ողջունում ենք Միրզոյան-Բայրամով հանդիպումը Թբիլիսիում։ Սա կարևոր քայլ է դեպի համապարփակ լուծում։ ԵՄ-ն լիովին աջակցում է խաղաղ, անվտանգ և բարգավաճ Հարավային Կովկասին։ Խնդրի կարգավորմանն ու հաշտեցմանը կարելի է հասնել միայն ուղիղ երկխոսության միջոցով»,- Twitter-ի իր միկրոբլոգում գրել է նա։ Ավելի վաղ Վրաստանի ԱԳ նախարար Իլյա Դարչիաշվիլիի հյուրընկալությամբ հանդիպել էին Հայաստանի արտաքին գործերի նախարար Արարատ Միրզոյանը և Ադրբեջանի արտաքին գործերի նախարար Ջեյհուն Բայրամովը:

09:12 - 19 հուլիսի, 2022

Բորելը հաստատել է Ուկրաինային զենքի համար լրացուցիչ միջոցներ հատկացնելու մասին ԵՄ որոշումը |armenpress.am|

armenpress.am: Եվրոպական միության արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելը, ԵՄ ԱԳ նախարարության խորհրդի արդյունքների համաձայն, հաստատել է Եվրամիության քաղաքական որոշումը՝ Ուկրաինային զենքի համար լրացուցիչ 500 մլն եվրո հատկացնելու վերաբերյալ։ Այս մասին տեղեկացնում է ՏԱՍՍ գործակալությունը: «Բոլոր նախարարները միակարծիք են եղել Ուկրաինային ուղղված համապարփակ աջակցությունը շարունակելու հարցում և քաղաքական որոշում են կայացրել ռազմական օգնության նոր տրանշ հատկացնելու մասին»,- հայտնել է Բորելը: Այսպիսով, ԵՄ-ի կողմից Ուկրաինային տրամադրվող ռազմական օգնության ընդհանուր ֆինանսավորումը հասել է 2,5 միլիարդ եվրոյի։ Բորելը չի նշել նոր ֆինանսավորման հատկացման կոնկրետ ժամկետներ:

19:57 - 18 հուլիսի, 2022

Բորելը հայտարարել է, որ ԵՄ-ն երբեք չի ճանաչի Ուկրաինայի քաղաքացիներին տրված ռուսական անձնագրերը |tert.am|

tert.am: Եվրամիության արտաքին քաղաքականության և անվտանգության հարցերով Բարձր ներկայացուցիչ Ժոզեպ Բորելն ինքնիշխանության կոպիտ խախտում է որակել ուկրաինացիների համար ՌԴ քաղաքացիություն ստանալու պարզեցված ընթացակարգի վերաբերյալ Ռուսաստանի Դաշնության նոր օրենսդրությունը՝ հայտարարելով, որ ԵՄ-ն չի ճանաչում նման անձնագրերը։ «Ռուսական նոր օրենսդրությունը, որը պարզեցրել է բոլոր ուկրաինացիների համար Ռուսաստանի քաղաքացիություն ստանալու գործընթացը, ուկրաինական ինքնիշխանության ևս մի կոպիտ խախտում է՝ կապված անօրինական պատերազմի հետ։ ԵՄ-ն երբեք չի ճանաչի այդ անձնագրերը», - գրել է Բորելն իր թվիթերյան միկրոբլոգում։

11:27 - 14 հուլիսի, 2022

ԵՄ-ն չի պատրաստվում պատերազմել Ռուսաստանի հետ. Բորել |shantnews.am|

shantnews.am: Եվրամիությունը չի պատրաստվում պատերազմել Ռուսաստանի հետ, հիմնական պատասխանն Ուկրաինայում անցկացվող ռազմական հատուկ օպերացիային կշարունակեն մնալ պատժամիջոցները, որոնց էֆեկտը գնալով միայն կաճի: Նման հայտարարությամբ է հանդես եկել ԵՄ արտաքին և անվտանգության քաղաքականության հարցերով բարձրագույն ներկայացուցիչ Ժոզեպ Բորելը Yomiuri թերթում հրապարակված հոդվածում: Նրա խոսքով՝ բախվելով Ուկրաինայում հատուկ գործողության հետ «մենք մտադրություններից սկսեցինք անցնել գործողությունների՝ ցույց տալով, որ երբ մեզ սադրում են, Եվրոպան կարող է պատասխանել: Քանի որ մենք չենք ցանկանում կռվել Ռուսաստանի հետ, պատասխանի հիմքում տնտեսական պատժամիջոցներն են: Դրանք արդեն սկսում են ազդեցություն ունենալ, որը առաջիկա ամիսներին միայն կավելանա»: Բորելը նաև ասել է, որ պատժամիջոցները, որոնք կիրառվում են Ռուսաստանի դեմ, ազդում են նրա ռազմարդյունաբերական համալիրի վրա և խոչընդոտում են նավթի արդյունահանմանը։ «Եթե խոսենք ռազմական ոլորտի մասին, ապա «Իսկանդերի» և «X-101»-ի նման ճշգրիտ կառավարվող հրթիռներ արտադրելու Ռուսաստանի կարողությունը սահմանափակ է», – ասել է Բորելը: «Նավթի արդյունահանման ոլորտում ոչ միայն օտարերկրյա ընկերությունները հեռանում են, այլև բարդ իրավիճակ է ստեղծվել այնպիսի առաջադեմ տեխնոլոգիաների կիրառման հարցում, ինչպիսին հորիզոնական հորատումն է»,- ասել է նա՝ հավելելով, որ ռուսական ընկերությունների հնարավորությունները նոր հանքավայրեր շահագործելու համար սահմանափակ են։ Ի թիվս այլ հարցերի, նա նշել է ավտոմոբիլային շուկայում և ավիացիայի ոլորտում առկա խնդիրները։

10:38 - 06 հուլիսի, 2022

Պատժամիջոցները Պուտինին կստիպեն ընտրել՝ նավթ կամ զենք. Բորել |factor.am|

factor.am: ԵՄ արտաքին գործերի և անվտանգության քաղաքականության հարցերով հանձնակատար Ժոզեպ Բորելը հոդված է հրապարակել՝ ներկայացնելով Ռուսաստանի դեմ պատժամիջոցների արդյունավետությունը և հավանականությունը, որ դրանք կկարողանան դադարեցնել պատերազմն Ուկրաինայում։ Եվրամիությունը պատժամիջոցների վեց փաթեթ է ընդունել, որոնք կոչված են պատժել Ռուսաստանին՝ Ուկրաինա ներխուժելով միջազգային իրավունքը խախտելու համար։ Ըստ Բորելի՝ պատժամիջոցներն աստիճանաբար ազատում են Եվրոպան կախվածությունից, որը վաղուց խոչընդոտում էր նրա քաղաքական ընտրություններին՝ Վլադիմիր Պուտինի ագրեսիվության դիմաց: Նա հիշեցրել է, որ մինչև 2022 թվականի վերջը ԵՄ-ն մտադիր է 90%-ով կրճատել ռուսական նավթի ներկրումը։

16:07 - 05 հուլիսի, 2022

ԵՄ-ն պատրաստ է աշխատել ՄԱԿ-ի հետ՝ պարենային ճգնաժամը կանխելու համար․ Բորել |news.am|

news.am: ԵՄ դիվանագիտության ղեկավար Ժոզեպ Բորելի կարծիքով՝ ուկրաինական իրադարձությունները «սպառնում են սովի համաշխարհային ալիքով», և ԵՄ-ն պատրաստ է աշխատել ՄԱԿ-ի հետ՝ պարենային աղետը կանխելու համար։ «Ես իմ բոլոր զրուցակիցներին հավաստիացրեցի, որ մենք պատրաստ ենք աշխատել ՄԱԿ-ի և գործընկերների հետ՝ պարենային գլոբալ անվտանգության վրա մեր պատժամիջոցների ցանկացած անցանկալի ազդեցություն կանխելու համար։ Մենք սերտ կապի մեջ ենք ՄԱԿ-ի հետ, որպեսզի լուծենք այնպիսի հարցեր, ինչպիսիք են սակարկումներից խուսափելը և պահանջների չափից ավելի պահպանումը, որոնք կարող են ազդել ռուսական հացահատիկի կամ պարարտանյութի գնումների վրա»,- շաբաթ օրն իր բլոգում գրել է ԵՄ արտաքին գործերի գերագույն ներկայացուցիչը: Նրա խոսքով՝ եվրոպական պատժամիջոցները չեն տարածվում այս արտահանման վրա։ «Մենք պատրաստ ենք այդ հարցերը քննարկել փորձագետների հետ՝ կոնկրետ խոչընդոտները, այդ թվում՝ վճարումների հետ կապված հնարավոր դժվարությունները բացահայտելու և դրանց լուծման ուղղությամբ աշխատելու համար»,- վստահեցրել է Բորելը։ Միաժամանակ նա խոստովանել է, որ նույնիսկ Ուկրաինայում ռուսական օպերացիայից առաջ սովի դեմ գլոբալ պայքարում դիրքերը թուլանում էին։ Բայց ուկրաինական հակամարտությունը, ըստ Բորելի, զգալիորեն սրել է իրավիճակը։ «Սննդամթերքի գները, որոնց վրա արդեն ազդել են համավարակն ու կլիմայի փոփոխությունը, իրականում երբեք այնքան բարձր չեն եղել, որքան այսօր, և շատ փորձագետներ զգուշացնում են, որ վատագույնը դեռ առջևում է»,- ասել է Եվրոպական դիվանագիտության ղեկավարը։ «Մենք պետք է շտապ Ուկրաինային իր հացահատիկը Սև ծովով արտահանելու հնարավորություն տանք»,- գրել է Բորելը։

19:48 - 18 հունիսի, 2022

Բորելը հայտարարել է Մոսկվայի հետ երկխոսության անհրաժեշտության մասին |armenpress.am|

armenpress.am: Եվրոպան պետք է Ռուսաստանի հետ գոյակցի Ուկրաինայում հակամարտությունն ավարտվելուց հետո, ուստի անհրաժեշտ է բոլոր ջանքերը ներդնել Մոսկվայի հետ երկխոսությանն աջակցելու համար: Այդ մասին Le Journal du Dimanche-ին տված հարցազրույցում հայտարարել է եվրոպական դիվանագիտության ղեկավար Ժոզեպ Բորելը: «Ռուսաստանը կշարունակի իր գոյությունը, եւ կարեւոր է՝ հստակորեն որոշել, թե ինչպես ենք մենք մտադիր նրա հետ ապրել: Դա շատ դժվար է լինելու, բայց մենք պետք է ռուսների հետ փոխգործակցենք այս մայրցամաքում: «…» Անհրաժեշտ է շարունակել Ռուսաստանի հետ խոսել»,- նշել է դիվանագետը: Նա նաեւ նշել է Ռուսաստանի հետ կապուղիների բաց լինելը՝ հիշեցնելով Ավստրիայի կանցլեր Կառլ Նեհամերի՝ ապրիլին Մոսկվա, ինչպես նաեւ Աֆրիկյան միության նախագահ Մակի Սալի՝ հունիսի սկզբին Սոչի կատարած ուղեւորությունների մասին: Բացի այդ, Բորելի խոսքով, ՄԱԿ-ի գլխավոր քարտուղարի երկու ներկայացուցիչները գտնվում են Ռուսաստանում՝ փորձելով լուծել ուկրաինական հացահատիկի արտահանման հետ կապված հարցը: Ավելի վաղ Ֆրանսիայի նախագահ Մակրոնը, խոսելով այն մասին, որ մշտապես պահպանում է Ռուսաստանի նախագահ Վլադիմիր Պուտինի հետ շփումները, ասել է, որ «չի կարելի նվաստացնել Ռուսաստանին, որպեսզի այն օրը, երբ մարտական գործողությունները դադարեն, մենք կարողանանք ելք գտնել դիվանագիտության օգնությամբ: «Ֆրանսիայի նախագահի նախկին թեկնածու Մարին լե Պենը պաշտպանել է նրա դիրքորոշումը, հաղորդել է ՌԻԱ Նովոստին:

14:59 - 13 հունիսի, 2022

Ռուսական զորքերը ոչնչացրել են Ուկրաինայում հացահատիկի խոշոր տերմինալը․ Բորել |lragir.am|

lragir.am: Ռուս զինվորականները ոչնչացրել են Ուկրաինայում հացահատիկի խոշոր տերմինալը Նիկոլաևում։ Այս մասին հայտարարել է ԵՄ դիվանագիտության ղեկավար Խոսեպ Բորելը, գրում է CNN-ը։ «Ռուսական հերթական հրթիռային հարվածը նպաստում է համաշխարհային պարենային ճգնաժամին: Ռուսական զորքերը ոչնչացրել են Ուկրաինայում հացահատիկի երկրորդ ամենամեծ տերմինալը Նիկոլաևում»,- գրել է Բորելը: Բորելը ասել է, որ հարվածը հակասում է Ռուսաստանի նախագահ Վլադիմիր Պուտինի վերջին խոստումներին՝ ուկրաինական նավահանգիստներից առևտրային բեռնափոխադրումների անվտանգ անցման վերաբերյալ: «Այն ապատեղեկատվությունը, որ Պուտինը տարածում է մեղադրանքները հերքելու համար, գնալով ավելի ցինիկ է դառնում»,- գրել է նա։

09:49 - 07 հունիսի, 2022

Բորելը հայտրարարել է, որ Եվրամիությունը պետք է լուրջ ռազմական ուժ դառնա |armenpress.am|

armenpress.am: Ուկրաինայի հակամարտությունն ապացուցեց , որ մեղմ ուժը բավարար չէ, ուստի Եվրամիությունն այսուհետև պետք է լուրջ ռազմական ուժ դառնա: Մայիսի 31-ին այդ մասին հայտարարել է ԵՄ-ի արտաքին քաղաքական ծառայության ղեկավար Ժոզեպ Բորելը ՝ ժամանելով Եվրամիության գագաթնաժողով: «Այն, ինչը մենք յուրացրեցինք Ուկրաինայի հակամարտության հիման վրա, որ բավարար չեն առևտուրը, օրենքի գերակայությունը, բավարար չէ ուժեղ քաղաքացիական տերություն լինելը, ԵՄ-ն նաև պետք է լուրջ ռազմական ուժ լինի»,- ասել է Բորելը: «Պաշտպանությունն ազգային իրավասություն է (ոչ Եվրամիության իրավասությունը): Մենք պետք է անենք ավելին,- հայտարարել է նա:- Մենք պետք է ավելացնենք մեր ռազմական բյուջեները համակարգված ռեժիմով: Եվ, անշուշտ, դա հեշտ չի լինի»: «Եթե ԵՄ-ի յուրաքանչյուր երկիր ավելացնի իր ռազմական ծախսերն իքս տոկոսով, դա միջոցների մեծ ծախս կլինի, քանի որ չեն վերացվի մեր հանգուցային ռազմական թերությունները, և կլինեն հնարավոությունների կրկնումներ: Բանակն ազգային ինքնիշխանության հիմքն է, և ռազմական ծախսերի համակարգումը շատ քաղաքական հմտություններ է պահանջում»: Բորելը հայտնել է, որ գագաթնաժողովում կնեկայացնի Եվրոպայի պաշտպանական գործակալության զեկույցը, որն ի մի միավորում եվրոպական բանակների կարիքները և Եվրոպայի պաշտպանական արդյունաբերության հնարավորությունները: Ավելի վաղ Եվրոպայի երկրների ռազմական ծախսերը դրանց համախառն ներքին արդյունքի առնվազն մինչև 2 տոկոսն ավելացնելու կոչերը հնչեցրել են սոսկ ԱՄՆ-ը և ՆԱՏՕ-ն, որտեղ Վաշինգտոնն առաջատար դեր է խաղում, հաղորդել է ՏԱՍՍ-ը:

15:04 - 31 մայիսի, 2022

Եվրամիությունը համաձայնության է հասել հակառուսական պատժամիջոցների վեցերորդ փաթեթի շուրջ. Բորել |1lurer.am|

1lurer.am: Եվրամիությունը համաձայնության է հասել հակառուսական պատժամիջոցների վեցերորդ փաթեթի, այդ թվում՝ նավթի էմբարգոյի շուրջ: Այդ մասին հայտարարել է Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը: «Այժմ մենք արդեն հստակ ծրագիր ունենք՝ արգելելու ռուսական նավթի ներմուծումը 90%-ով։ Այս տարվա վերջին մենք կգնենք 90%-ով պակաս ռուսական նավթ: Բացառություն կկազմեն միայն դեպի ծով ելք չունեցող երկրները»,- նշել է դիվանագետը: Նա կարծիք է հայտնել, որ դա Եվրամիությունում թեժ քննարկումների ողջամիտ հանգուցալուծում է: Բորելը հավելել է, որ պատժամիջոցների վեցերորդ փաթեթը ներառում է նաև սահմանափակումներ՝ կապված SWIFT համակարգի օգտագործման հետ: «Դա է՛լ ավելի կբարդացնի Ռուսաստանի տնտեսության վիճակը և արտաքին աշխարհի հետ հաղորդակցությունը»,- ասել է Բորելը: Միևնույն ժամանակ, նա ընդգծել է, որ ԵՄ-ն չի կարող խանգարել Ռուսաստանին վաճառել իր նավթն այլ երկրների: Բորելի խոսքով՝ ԵՄ-ն, սակայն, Ռուսաստանի ամենակարևոր գնորդն է, և Մոսկվան ստիպված կլինի փնտրել այլ գնորդներ և նվազեցնել նավթի գինը:

13:48 - 31 մայիսի, 2022

Բորելը Դմիտրի Կուլեբայի հետ քննարկել է ՌԴ-ի նկատմամբ պատժամիջոցների քաղաքականությունը |armenpress.am|

armenpress.am: ԵՄ-ի դիվանագիտության ղեկավար Ժոզեպ Բորելը մայիսի 29-ին հաղորդել է, որ հեռախոսազրույց է ունեցել Ուկրաինայի արտաքին գործերի նախարար Դմիտրի Կուլեբայի հետ, որի ընթացքում նրանք քննարկել են Ռուսաստանի վրա Եվրոպայի հետագա պատժամիջոցային ճնշումը: «ԵՄ-ի գագաթնաժողովից առաջ զանգահարել եմ Դմիտրի Կուլեբային: Եվրամիությունը շարունակում է նպաստել ռազմական օգնության մատակարարմանը»,-Բորելը գրել է Twitter-ում: «Մենք համաձայնվել ենք, որ անհրաժեշտ է առաջ շարժվել պատժամիջոցների հարցում»,-նշել է նա: Բորելը հավելել է, որ ԵՄ-ի անդամ երկրներն առաջիկա գագաթնաժողովում կքննարկեն, թե «ինչպես աջակցել Ուկրաինայից գյուղատնտեսական արտադրանքի արտահանմանը», հաղորդել է «Ինտերֆաքս»-ը:

12:07 - 30 մայիսի, 2022

Բորելը ողջունել է Բրյուսելում կայացած Փաշինյան-Ալիև-Միշել հանդիպումը |1lurer.am|

1lurer.am: Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը ողջունել է Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի և Եվրոպական խորհրդի նախագահ Շառլ Միշելի՝ մայիսի 22-ին Բրյուսելում կայացած հանդիպումը: «Ողջունում եմ Բրյուսելում Հայաստանի և Ադրբեջանի ղեկավարների հետ Շառլ Միշելի երրորդ եռակողմ հանդիպման անցկացումը: Հույս ունեմ տեսնել կոնկրետ քայլեր, որոնք նպաստում են դինամիկային կայուն խաղաղության հաստատման ճանապարհին: Եվրամիությունը շարունակում է ակտիվորեն մասնակցել տարածաշրջանում խաղաղության և հաշտեցման ջանքերին»,- Twitter-ի իր միկրոբլոգում գրել է Բորելը։

12:27 - 24 մայիսի, 2022

Արարատ Միրզոյանը Ժոզեպ Բորելին է ներկայացրել Հայաստանի դիրքորոշումը ԼՂ հակամարտության խաղաղ կարգավորման վերաբերյալ

Մայիսի 18-ին ՀՀ-ԵՄ գործընկերության չորրորդ նիստին ընդառաջ ՀՀ ԱԳ նախարար Արարատ Միրզոյանն առանձնազրույց է ունեցել ԵՄ արտաքին գործերի ու անվտանգության քաղաքականության հարցերով Բարձր ներկայացուցիչ Ժոզեպ Բորելի հետ։ Առանձնազրույցի ընթացքում կողմերն անդրադարձել են Հայաստան-ԵՄ հարաբերություններին, տարածաշրջանային ու միջազգային փոխադարձ հետաքրքրություն ներկայացնող հարցերին։ Արարատ Միրզոյանը ներկայացրել է Հայաստանի դիրքորոշումը՝ տարածաշրջանային խաղաղության ու կայունության հաստատման և Լեռնային Ղարաբաղի հակամարտության խաղաղ կարգավորման վերաբերյալ։ ՀՀ ԱԳ նախարարը կարևորել է միջազգային հանրության և, մասնավորապես՝ ԵՄ աջակցությունը ԵԱՀԿ Մինսկի խմբի համանախագահությանը՝ նպաստելու հակամարտության համապարփակ և տևական լուծմանը։

14:31 - 19 մայիսի, 2022

Լավրովը «գողություն» է անվանել ռուսական սառեցված ակտվները Կիևին փոխանցելու Բորելի առաջարկը

Ռուսաստանի արտգործնախարար Սերգեյ Լավրովը մեկնաբանել է եվրոպական դիվանագիտության ղեկավար Ժոզեպ Բորելի առաջարկը, որ պետք է ռուսական սառեցված ակտիվները փոխանցել Ուկրաինային՝ դրա վերականգնման համար, գրում է ՌԻԱ Նովոստին։ «Գողություն, որը չեն էլ փորձում թաքցնել», - ասել է Լավրովն ասուլիսի ժամանակ։ Նա նշել է, որ Արևմուտքի համար նման գործողություններն «արդեն սովորության պես բան են դառնում»։ Նորա Վանյան

18:44 - 10 մայիսի, 2022

ՌԴ ԱԳՆ-ն անդրադարձել է Ռուսաստանի սառեցված ակտիվներն Ուկրաինային փոխանցելու մասին Բորելի առաջարկին

Ռուսաստանի արտգործնախարարությունն անդրադարձել է եվրոպական դիվանագիտության ղեկավար Ժոզեպ Բորելի այն առաջարկին, որ Ռուսաստանի սառեցված արտարժութային պահուստները պետք է ուղղել Ուկրաինայի վերականգնմանը։ ՌԴ փոխարտգործնախարար Ալեքսանդր Գրուշկոն հայտարարել է, որ դա «ապօրինություն» է, գրում է ՏԱՍՍ-ը։ «Դա միջազգային հարաբերությունների հիմքերի խաթարում է, և այդ որոշումները, եթե ընդունվեն, կհարվածեն հենց եվրոպացիներին, ֆինանսական համակարգին և կխաթարեն Եվրոպայի և Արևմուտքի նկատմամբ վստահությունը, քանի որ դա լիակատար ապօրինություն է և, ավելի շուտ, ջունգլիների օրենք», - ասել է նա։ «Այդ պատճառով էլ հսկայական քանակությամբ երկրներ Ռուսաստանի հետ միասին կպաշտպանեն համաշխարհային կարգերը, որոնք հիմնված են միջազգային իրավունքի վրա», - ընդգծել է Գրուշկոն։ Նորա Վանյան

14:22 - 09 մայիսի, 2022

Բորելը հայտարարել է, որ ԵՄ-ն առայժմ չի քննարկում ռուսական գազից հրաժարվելու հարցը |armenpress.am|

armenpress.am: Եվրամիության երկրներն առայժմ չեն քննարկում ռուսական գազի մատակարարումներից հրաժարվելու հնարավորությունը: Այդ մասին հայտարարել է Եվրամիության արտաքին գործերի եւ անվտանգության քաղաքականության գերագույն ներկայացուցիչ Ժոզեպ Բորելը: «Նավթի շուկան գլոբալ է,- ասել է ԵՄ-ի դիվանագիտության ղեկավարն Իսպանիայի Cadena SER ռադիոկայանին տված հարցազրույցում:- Գազի հարցն այլ խնդիր է»: «Սկսենք այն բանից, որ դա ոչ միայն Էներգետիկական նյութ է,- նշել է նա:- Գազը հնարավոր չէ փոխարինել որեւիցե այլ բանով նավթաքիմիական արդյունաբերությունում»: Բորելը հավելել է, որ «Ռուսաստանից գազի փականը փակելու» հարցն «առայժմ չի քննարկվում», հաղորդել Է ՏԱՍՍ-ը:

17:20 - 05 մայիսի, 2022