Վրաստան

Վրաստանի Հանրապետություն ինքնիշխան պետություն Հարավկովկասյան տարածաշրջանում, որը միջանկյալ դիրք է զբաղեցնում Արևելյան Եվրոպայի և Հարավարևմտյան Ասիայի միջև։ Գտնվում է Առաջավոր Ասիայում՝ Մեծ Կովկասի լեռնային համակարգի արևմտյան և կենտրոնական հատվածներում:

Զբաղեցնում է 69 700 կմ քառ․ տարածք, իսկ բնակչությունը՝ ըստ 2019 թվականի մարդահամարի տվյալների, կազմում է 3 723 500 մարդ։ Բնակչության ճնշող մեծամասնությունը կազմում են վրացիները, գլխավոր ազգային փոքրամասնություններն են ադրբեջանցիներն ու հայերը։ Վրաստանը խորհրդարանական կառավարման համակարգով սահմանադրական, բազմակուսակցական հանրապետություն է։

Վրաստանի իշխանություններն ընդդիմադիր կուսակցության գրասենյակի մոտ ցույց են կազմակերպել |aliq.ge|

Վրաստանի իշխանություններն ընդդիմադիր կուսակցության գրասենյակի մոտ ցույց են կազմակերպել |aliq.ge|

aliq.ge: class="p1">Վրաստանում ընդդիմադիր «Եվրոպական Վրաստան» կուսակցության գրասենյակի մոտ իշխող «Վրացական երազանք» կուսակցության երիտասարդական թևի մասնակցությամբ ցույց է տեղի ունեցել: Ցուցարարները պահանջում են, որ «Եվրոպական Վրաստան» կուսակցության պատգամավորներ Էլենե Խոշտարիան և Իրմա Նադիրաշվիլին հրաժարվեն պատգամավորական մանդատներից` խորհրդարանում Խորհրդային միության հիմնը հնչեցնելու պատճառով: Փետրվարի 18-ին խորհրդարանական ընդդիմության պատգամավորներ Էլենե Խոշտարիան և Իրմա նադիրաշվիլին խորհրդարանի խոսնակի ամենամյա զեկույցի ժամանակ Խորհրդային միության հիմն են միացրել:

11:04 - 20 փետրվարի, 2020

ՀՀ ԶՈւ գլխավոր շտաբի պետը պաշտոնական այցով Վրաստանում է |aliq.ge|

ՀՀ ԶՈւ գլխավոր շտաբի պետը պաշտոնական այցով Վրաստանում է |aliq.ge|

aliq.ge: ՀՀ զինված ուժերի գլխավոր շտաբի պետը պաշտոնական այցով գտնվում է Վրաստանում: Գեներալ-լեյտենանտ Արտակ Դավթյանին հյուրընկալել է Վրաստանի զինված ուժերի հրամանատար, գեներալ-լեյտենանտ Վլադիմիր Չաչիբայան: Դիմավորման պաշտոնական արարողությունից հետո գործընկերները առանձնազրույց են ունեցել: Կողմերը քննարկել են Վրաստանի և Հայաստանի միջև պաշտպանական համագործակցության խորացման հարցերը: Քննարկումները մասնավորապես վերաբերել են ռազմական կրթության և ռազմական բժշկության ոլորտում համագործակցությանը: Գեներալ-լեյտենանտ Վլադիմեր Չաչիբայան հայ գործընկերոջը ծանոթացրել է վրացական պաշտպանական ուժերում ընթացիկ բարեփոխումներին: Հանդիպմանը մասնակցել են Վրաստանի Պաշտպանության ուժերի ներկայացուցիչները և Հայաստանի Հանրապետության պատվիրակության անդամները: Գեներալ-լեյտենանտ Արտակ Դավթյանը Հերոսների հրապարակում Վրաստանի տարածքային ամբողջականության համար զոհված հերոսների հուշահամալիրում ծաղկեպսակ է դրել, հարգանքի տուրք մատուցել նրանց հիշատակին: Երկօրյա այցի շրջանակներում Հայաստանի ԶՈւ պատվիրակության անդամները կայցելեն Կրծանիսիում ՆԱՏՕ-Վրաստան զորավարժությունների և գնահատման միասնական (JTEC) կենտրոն:

09:01 - 20 փետրվարի, 2020

«Վրացական երազանքը» ընդդիմադիր կուսակցություններին նոր առաջարկ ունի |aliq.ge|

«Վրացական երազանքը» ընդդիմադիր կուսակցություններին նոր առաջարկ ունի |aliq.ge|

aliq.ge: Վրաստանի իշխող թիմն ընդդիմադիր կուսակցություններին առանձին-առանձին հանդիպումներ ու ընտրական համակարգի վերաբերյալ բանակցություններ է առաջարկում: Այս մասին հայտարարել է «Վրացական երազանքի» գլխավոր քարտուղար Կախա Կալաձեն: Կալաձեն նշել է, որ երկխոսությունը պարտադիր է, ինչի համար «Վրացական երազանքը» պատրաստ է, և պարտադիր չէ, որ բոլոր կուսակցությունները միասին լինեն հանդիպման ժամանակ: Իշխող կուսակցության առաջարկն ընդդիմությունը չի ընդունում և հայտարարում է, որ «Վրացական երազանքը» ինքը հրաժարվեց երկխոսությունից, երբ ձերբակալեց ընդդիմության առաջնորդներից Գիգի Ուգուլավային: Միավորված ընդդիմությունն այս առաջարկն անվանում է անջատողական քաղաքականություն, որի նպատակն ընդդիմությունում պառակտում մտցնելն է: Վրաստանի իշխանությունն ընդդիմությանն առաջարկում էր ընտրական համակարգում փոփոխություններ կատարել՝ 77 համամասնական մանդատների քանակն ավելացնելով մինչև 100, իսկ մեծամասնական պատգամավորների քանակը նվազեցնել՝ հասցնելով 50-ի, սակայն ընդդիմությունը դեմ է այս առաջարկին: Փետրվարի 10-ին Վրաստանի գերագույն դատարանը որոշում կայացրեց Թբիլիսիի նախկին քաղաքապետ և ընդդիմադիր Գիգի Ուգուլավային ավելի քան 3 տարվա ազատազրկման դատապարտել, ինչից հետո, որպես բողոքի նշան, ընդդիմությունը լքեց իշխանության հետ բանակցությունների սեղանը:

11:50 - 19 փետրվարի, 2020

Վրաստանում կրկին բողոքի ցույցեր են |azatutyun.am|

Վրաստանում կրկին բողոքի ցույցեր են |azatutyun.am|

azatutyun.am: Կրկին բողոքի ցույցեր են տեղի ունենում Վրաստանում: Երեկ խորհրդարանը գլխավոր դատախազի պաշտոնում հաստատեց Իրակլի Շոթաձեին, ով 2018 թվականին հեռացել էր այդ պաշտոնից բողոքի ցույցերի պատճառով, երբ հազարավոր վրացիներ փողոց էին դուրս եկել 16-ամյա Դավիթ Սարալիձեի սպանության հանգամանքները բացահայտելու պահանջով: Այժմ ընդդիմությունը և քաղաքացիական ակտիվիստները հավաքվել են խորհրդարանի շենքի դիմաց՝ Շոթաձեին հեռացնելու պահանջով:

10:47 - 19 փետրվարի, 2020

Ստեփանծմինդա-Լարս ավտոճանապարհը կրկին փակվել է

Ստեփանծմինդա-Լարս ավտոճանապարհը կրկին փակվել է

Այսօր՝ ժամը 13:50-ի դրությամբ, Մցխեթա-Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար՝ Գուդաուրի-Կոբի ճանապարհահատվածում ձնահյուսի վտանգավորության պատճառով։ Այդ մասին հայտնում է Հայաստանի տարածքային կառավարման և ենթակառուցվածքների նախարարությունը՝ վկայակոչելով Վրաստանի տարածաշրջանային զարգացման և ենթակառուցվածքների նախարարության ճանապարհային դեպարտամենտից ստացած տեղեկատվությունը։ Եղանակային անբարենպաստ պայմանների պատճառով ռուս - վրացական սահմանի Վերին Լարսի անցակետի մոտ կուտակված են Հայաստանից մեկնող և Հայաստան ժամանող հարյուրավոր բեռնատարներ։

15:35 - 18 փետրվարի, 2020

Վրաստանի խորհրդարանի առջև բողոքի ակցիա է անցկացվում |tert.am|

Վրաստանի խորհրդարանի առջև բողոքի ակցիա է անցկացվում |tert.am|

tert.am: Վրաստանում ընդդիմադիր կուսակցություններն ու քաղաքացիական ակտիվիստները բողոքի ակցիա են անցկացնում խորհրդարանի շենքի առաջ: Այս մասին տեղեկացնում է netgazeti.ge կայքը:Բողոքի ակցիան իրականացվում է գլխավոր դատախազի պաշտոնում Իրակլի Շոթաձեի թեկնածության դեմ: Նրա թեկնածության հարցը խորհրդարանում պետք է քննարկվի, ինչպես նաև քվեարկության դրվի այսօր` փետրվարի 18-ին:Ակտիվիստները փորձում են «ամոթի միջանցքներ» ստեղծել խորհրդարանի մուտքի մոտ: Ակցիայի վայր են ժամանել մեծաթիվ ոստիկաններ:

11:49 - 18 փետրվարի, 2020

Գիորգի Մարգվելաշվիլին վերադառնում է ակտիվ քաղաքականություն |civilnet.am|

Գիորգի Մարգվելաշվիլին վերադառնում է ակտիվ քաղաքականություն |civilnet.am|

civilnet.am: Վրաստանի նախկին նախագահ Գիորգի Մարգվելաշվիլին հայտարարել է, որ վերադառնում է ակտիվ քաղաքականություն․ այդ մասին նա հայտնել է Թվիթերում։ «Ավտորիտարիզմ ընտրելով՝ «Վրացական երազանքը» հատեց կարմիր գծերը։ Չկա ժողովրդավարություն՝ չկա ազգային միասնություն, չկա արևմտյան ուղի։ Չեմ կարող նայել այս ամենին։ Ես վերադառնում եմ ակտիվ քաղաքականություն։ Ես ծառայում եմ մեր արևմտյան ընտրության առաքելությանը՝ ընկերներիս և վրաց ժողովրդի հետ միասին»,- գրել է Մարգվելաշվիլին։ Նախկին նախագահը դեռ չի հստակեցրել՝ ում հետ է համագործակցելու։ Վերլուծաբանների կարծիքով՝ այդ ուժը կարող է լինել «Լելո» կուսակցությունը, որը հիմնել է բանկիր Մամուկա Խազարաձեն։ Գիորգի Մարգվելաշվիլին 50 տարեկան է։ Նա եղել է Վրաստանի չորրորդ նախագահը՝ 2013-ի նոյեմբերից մինչև 2018-ի դեկտեմբեր։ By choosing authoritarianism, Georgian Dream crossed red lines. No democracy - no national unity, no western path. Won’t watch this happen. Returning to active politics. Will serve the mission of our western choice with my friends and the Georgian people. — Giorgi Margvelashvili (@MargvelashviliG) February 17, 2020

13:37 - 17 փետրվարի, 2020

Ուկրաինան, Վրաստանն ու Մոլդովան ԵՄ-ից ֆինանսական օգնություն են խնդրել |tert.am|

Ուկրաինան, Վրաստանն ու Մոլդովան ԵՄ-ից ֆինանսական օգնություն են խնդրել |tert.am|

tert.am: Ուկրաինան, Վրաստանն ու Մոլդովան Եվրահանձնաժողովին ուղղված համատեղ դիմում են ստորագրել՝ կառույցից ֆինանսական օգնություն խնդրելով։Ուկրաինայի արտգործնախարարության կայքում նշվում է, որ համատեղ դիմումի տակ ստորագրել են երեք պետությունների արտգործնախարարները:Փաստաթղթի ստորագրումը տեղի է ունեցել Մյունխենի Անվտանգության համաժողովի շրջանակներում:Դրանում նշվում է, որ ֆինանսական օգնությունն անհրաժեշտ է եվրոպական ինտեգրման գործընթացում անհրաժեշտ հավակնոտ բարեփոխումների իրագործման համար:

12:10 - 16 փետրվարի, 2020

Լարսում 9 կմ երկարությամբ նոր թունել է կառուցվում. Սուրեն Պապիկյան |shantnews.am|

Լարսում 9 կմ երկարությամբ նոր թունել է կառուցվում. Սուրեն Պապիկյան |shantnews.am|

shantnews.am: Թբիլիսիում գտնվող ՀՀ Տարածային կառավարման և ենթակառուցվածքների նախարար նախօրեին հանդիպել է Վրաստանում կանգ առած հայկական բեռնափոխադրող ընկերությունների վարորդների հետ, ովքեր արդեն քանի օր է` վրաց-ռուսական սահման տանող Մցխեթա-Ստեփանծմինդա-Լարս ավտոճանապարհի փակ լինելու պատճառով չեն կարողանում շարունակել ճանապարհը։ Նախարարը լսել է վարորդների մտահոգություններն ու քննարկել աջակցելու և իրավիճակը մեղմացնելու տարբերակներ։ Պապիկյանը նշել է , որ Լարսի հարցը Վրաստանի ու Ռուսաստանի տիրույթում է: Հայաստանն այս դեպքում միայն հետաքրքված կողմ է՝ որպես տարանցիկ ճանապարհից օգտնվող երկիր։ Ըստ նրա`մի քանի տարվա ծրագրերում նախատեսվում է նոր թունելի կառուցում: «Հայաստանի համար Լարսի խնդիրը նոր չէ, այլընտրանքը Վրաստանը Ռուսաստանին կապող մատչելի ու անցանելի ճանապարհի ստեղծումն է, ինչի ուղղությամբ աշխատում են երկու երկրների գործընկերները: Նախատեսվում է առաջիկայում կառուցել 9 կմ երկարությամբ նոր թունել, ինչը ոչ միայն կարագացնի ընթացքը դեպի Ռուսաստանի դաշնություն, այլև լինելու է ավելի լայն: Վարորդներին հնարավորություն է տրվելու խուսափել այն ձնահոսքերից, որոնք հիմա խանգարում են ճանապարհին: Այսինքն՝ պրոցեսը մեկնարկած է, մի քանի տարում արդյունք կունենանք: Այս փուլում ուղղակի կազմակերպական հարցեր ենք լուծում, որպեսզի մեր վարորդները, ովքեր ձնաբքի ու եղանակային պայմանների պատճառով հաճախ ստիպված են օրերով սպասել, դա անեն մի փոքր ավելի հարմարավետ տեղում, ավելի կանոնակարգված, սննդի ու այլ ենթակառուցվածքներին ավելի մոտ հատվածներում կայանեն մեքենաները: Լուծումը կարելի է գտնել: Դեսպանատունն ակտիվ աշխատում է: Խոսել եմ վարորդների հետ, գոհ են վերաբերմունքից ու մոտեցումից»,-ասել է Սուրեն Պապիկյանը։

19:04 - 12 փետրվարի, 2020

Վրաստանի խորհրդարանի մոտ ցույցը վերսկսվել է |aliq.ge|

Վրաստանի խորհրդարանի մոտ ցույցը վերսկսվել է |aliq.ge|

aliq.ge։ Վրաստանի խորհրդարանի մոտ այսօր, փետրվարի 5-ի առավոտյան վերսկսվել է ընդդիմության և քաղաքացիական ակտիվիստների կողմից կազմակերպված բողոքի ցույցը: Ընդդիմությունը հայտարարել էր, որ Վրաստանի խորհրդարանի գարնանային նստաշրջանի մեկնարկին զուգահեռ բողոքի ակցիա կանցկացնի՝ «ամոթի միջանցք» կազմակերպելով: Խորհրդարանի գարնանային նստաշրջանը մեկնարկել է երեկ՝ փետրվարի 4-ին, սակայն Բաղդաթիում տեղի ունեցած ողբերգական դեպքի պատճառով ցույցը չեղարկվել էր:

09:21 - 05 փետրվարի, 2020

Լարսն այսօր․ կան սահմանափակումներ |aliq.ge|

Լարսն այսօր․ կան սահմանափակումներ |aliq.ge|

aliq.ge: Առատ ձյան պատճառով վրաց-ռուսական սահման տանող՝ «Կազբեգի-Վերին Լարս» ավտոճանապարհին արգելվել է բեռնատարների երթևեկը։ Տեղեկությունը տարածել է Վրաստանի ներքին գործերի նախարարության ճանապարհային ոստիկանության մամուլի ծառայությունը։ Կցորդով ու կիսակցորդով մեքենաների տեղաշարժն արգելվել է Մցխեթա-Ստեփանծմինդա-Լարս ավտոմայրուղու՝ Գուդաուրի-Կոբի հատվածում։ Մնացած տրանսպորտի համար սահմանափակումներ չկան։ Խնդրահարույց հատվածներում ծառայություն են իրականացնում ճանապարհային ոստիկանության աշխատակիցները։ Հայտարարությունում հորդորում են քաղաքացիներին՝ ենթարկվել ճանապարհային ոստիկանի պահանջներին ու առավելագույն կերպով պահպանել երթևեկության կարգը։ Հիշեցնենք՝ խոսքը Վրաստանն ու Հայաստանը Ռուսաստանին կապող այս պահին միակ ցամաքային ճանապարհի մասին է, որին հատուկ են այս սեզոնի սահմանափակումները։

08:27 - 31 հունվարի, 2020

Վրաստանը պատրաստ է վերականգնել հարաբերությունները ՌԴ-ի հետ. Գավրիլով |aliq.ge|

Վրաստանը պատրաստ է վերականգնել հարաբերությունները ՌԴ-ի հետ. Գավրիլով |aliq.ge|

aliq.ge: Ռուսաստանի Պետական Դումայի պատգամավոր Սերգեյ Գավրիլովը «լուրջ ազդակ» է համարում Վրաստանի նախագահի հայտարարությունը: Նշենք, որ նախագահ Զուրաբիշվիլին հայտարարել էր, որ Եվրախորհրդի հովանու տակ կայանալիք միջոցառմանը Վրաստանը պատրաստ է ընդունել ՌԴ պատվիրակությանը` բռնազավթած տարածքների մասին օրենքը շրջանցելով: Գավրիլովը, որի` Վրաստան այցին հաջորդեցին զանգվածային ցույցեր, հայտարարում է, որ ռուս պատգամավորները պատրաստ են այցելել Վրաստան, եթե Զուրաբիշվիլիի խոստումն իրականություն լինի: «Ինչպես երևում է` Վրաստանը պատրաստ է ակտիվ քայլեր ձեռնարկել Ռուսաստանի հետ հարաբերությունները վերականգնելու բոլոր ուղղություններով` դիվանագիտական հարաբերությունները ներառյալ: Սա կարևոր է, հատկապես ֆաշիզմի դեմ տարած հաղթանակի հոբելյանի ֆոնին: Վրաստանը բազմազգ էր. ռուսներ, հայեր, քրդեր, աբխազներ… հույս ունենք, որ Վրաստանը նորից կդառնա բազմազգ հանրապետություն»,- հայտարարել է Գավրիլովը:

09:38 - 30 հունվարի, 2020

Իրակլի Կոբախիձեն ընտրվել է ԵԽԽՎ փոխնախագահ |aliq.ge|

Իրակլի Կոբախիձեն ընտրվել է ԵԽԽՎ փոխնախագահ |aliq.ge|

aliq.ge։ Վրաստանի խորհրդարանական մեծամասնության անդամ Իրակլի Կոբախիձեն ընտրվել է Եվրոպայի խորհրդի խորհրդարանական վեհաժողովի փոխնախագահ: Քվեարկությունը տեղի է ունեցել Ստրասբուրգում՝ ԵԽ ձմեռային նստաշրջանի շրջանակներում: Իրակլի Կոբախիձեի գլխավորությամբ Վրաստանի խորհրդարանական պատվիրակությունը այս օրերին Ստրասբուրգում մասնակցում է ԵԽԽՎ-ի նստաշրջանին։ Բացի այդ, նախատեսված է Վրաստանի Արտաքին գործերի նախարար Դավիթ Զալկանիանիի ելույթը։ Նա հանդես կգա որպես Եվրախորհրդի նախարարների հանձնաժողովի նախագահությունը ստանձնած երկրի ներկայացուցիչ՝ ներկայացնելով նախարարների կաբինետի կողմից իրականացված գործունեության հաշվետվությունը։ Հունվարի 27-ին Ստրասբուրգում ելույթ կունենա նաև Վրաստանի նախագահ Սալոմե Զուրաբիշվիլին:

13:44 - 27 հունվարի, 2020

Վրաստանի խորհրդարանի շենքի տարածքը ցանկապատել են |aliq.ge|

Վրաստանի խորհրդարանի շենքի տարածքը ցանկապատել են |aliq.ge|

aliq.ge: Վրաստանի խորհրդարանի դիմաց երկու մետր բարձրությամբ ցանկապատ է տեղադրվել: Մինչ այդ խորհրդարանի մոտ տեղադրված վրանները Թբիլիսիի քաղաքապետարանը հավաքել և տեղում երեխաների համար ամանորյա ատրակցիոններ էր տեղադրել: Վրաստանի խորհրդարանի տարածքը հունվարի 21-ին ուշ երեկոյան է պատվել կանաչ ցանկապատով: Ցանկապատից ներս անցնել չի թույլատրվում, տարածքում ոստիկաններ են կենտրոնացված: Թբիլիսիի քաղաքապետարանում ասում են, որ խորհրդարանի ցանկապատման մասին Թբիլիսիի կառավարման նիստին կխոսի քաղաքապետ Կախա Կալաձեն:

11:34 - 22 հունվարի, 2020

Ադրբեջանի պաշտպանության նախարարը պաշտոնական այցով Թբիլիսիում է |aliq.ge|

Ադրբեջանի պաշտպանության նախարարը պաշտոնական այցով Թբիլիսիում է |aliq.ge|

aliq.ge: Վրաստանի պաշտպանության նախարար Իրակլի Ղարիբաշվիլին այսօր պաշտոնական այցի շրջանակներում հյուրընկալել է ադրբեջանցի գործընկեր գեներալ-գնդապետ Զաքիր Հասանովին: Ինչպես հայտնեցին Վրաստանի պաշտպանության նախարարությունից, երկու երկրների նախարարները քննարկել են ռազմավարական գործընկերության և պաշտպանության ոլորտում համագործակցության հարցեր: Դիմավորման պաշտոնական արարողությունից հետո անցկացված ընդլայնված ձևաչափով հանդիպմանը Իրակլի Ղարիբաշվիլին Ադրբեջանի պաշտպանության նախարարին շնորհակալություն է հայտնել Վրաստանի ինքնիշխանության և տարածքային ամբողջականությանը աջակցելու համար և նշել, որ երկրների միջև բարիդրացիական հարաբերությունները տարածաշրջանում կայունության և անվտանգության երաշխիքն են: Նախարարները նաև զրուցել են ռազմական ոլորտում համագործակցության մասին: Հանդիպման ավարտին Իրակլի Ղարիբաշվիլին և Զաքիր Հասանովը 2020 թվականի երկկողմ համագործակցության ծրագիր են ստորագրել, ինչը պաշտպանության ոլորտում կնպաստի համագործակցության էլ ավելի խորացմանը և հաջող համագործակցությանը:

13:26 - 21 հունվարի, 2020

Փետրվարի 4-ից կվերսկսվի Վրաստանի խորհրդարանի արգելափակումը. Գոցիրիձե |aliq.ge|

Փետրվարի 4-ից կվերսկսվի Վրաստանի խորհրդարանի արգելափակումը. Գոցիրիձե |aliq.ge|

aliq.ge։ «Պետական շենքերի արգելափակման հետ փետրվարի 4-ից կվերսկսվի նաև խորհրդարանի արգելափակումը»,- այս մասին լրագրողների հետ զրույցում հայտարարել է «Ազգային շարժում» խմբակցության նախագահ Ռոման Գոցիրիձեն: Նրա խոսքով, իշխող թիմը մինչև ընտրություններ կհասնի փլուզված վիճակով: ««Վրացական երազանքը» պատրաստ չէ, որպեսզի այս երկրում անցկացվեն արդար ընտրություններ: Միակ բանը, որ նրանք հասկանում են, դա ուժն է, այդ իսկ պատճառով այս ուժը կօգտագործվի, և մենք նրանց ցույց կտանք ժողովրդի ցանկությունը: Արգելափակումները կշարունակվեն այնքան ժամանակ, քանի դեռ «Վրացական երազանքը» չի կատարել իր խոստումը: Նրանք ունեն երկու տարբերակ՝ կամ պետք է զիջեն, կամ ընտրություններին գնան լրիվ փլուզված»,- հայտարարել է Գոցիրիձեն: Նշենք՝ փետրվարի 4-ից մեկնարկում է Վրաստանի խորհրդարանի գարնանային նստաշրջանը:

06:54 - 21 հունվարի, 2020