Սեպտեմբերի 20-ին տեղեկություն էր տարածվել, որ Արցախի Մարտակերտի քաղաքի բնակչությունը տարհանվել է։ Ժամեր անց, սակայն, #CivilNetCheck-ին տեղի բնակիչներից հայտնեցին, որ թեև ի սկզբանե հայտարարվել էր, որ տարհանում է լինելու, սակայն հետո չեղարկվել էր։
Մարտակերտցի Անուշ Առաքելյանը մեզ հետ զրույցում հայտնեց, որ դեռ շարունակում են մնալ Մարտակերտում։ Երեկ հայտարարված հրադադարից հետո քաղաքում հանգիստ է, կրակոցներ չեն հնչել։
«Այս պահին սպասում ենք հասկանանք ինչ ենք անելու։ Մարտակերտն ընդհանուր շրջափակման մեջ է, նույնիսկ հնարավորություն չունենք սեփական ուժերով դուրս գանք և հասնենք օդանավակայան։ Չգիտեմ ինչի ենք սպասում, ինչքան ենք սպասելու»,- հայտնեց Անուշը։
Մարտակերտի հիվանդանոցից էլ մեզ հայտնեցին, որ այս պահին բուժմիավորումում 6-7 վիրավոր կա, որից մեկի վիճակը ծանր է։ Սակայն վիրավորներին էլ քաղաքից էվակուացնելու հնարավորություն չկա։ Հիվանդանոցում էլ բոլորը սպասողական վիճակում են։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)