azatutyun.am: «Համաս»-ը, որը ԱՄՆ-ի և ԵՄ-ի կողմից ճանաչվել է ահաբեկչական կազմակերպություն, հայտարարել է Գազայի հատվածում իսրայելցի պատանդների ազատ արձակման շուրջ բանակցությունները դադարեցնելու մասին:

Որպես պատճառ նշվում է «Ալ-Շիֆա» հիվանդանոցի տարածքի գնդակոծումը, հայտնում է Reuters-ը՝ վկայակոչելով պաղեստինցի պաշտոնյային։

Մինչդեռ NBC News-ը, վկայակոչելով Սպիտակ տան աղբյուրները, հայտնում է, որ Իսրայելը փորձում է բանակցել ծայրահեղական «Համաս»-ի հետ՝ 80 կանանց ու երեխաների ազատ արձակելու շուրջ՝ իսրայելական բանտերից պաղեստինցի կանանց ու դեռահասներին ազատ արձակելու դիմաց։

NBC News-ի աղբյուրը չի հստակեցրել, թե Իսրայելը քանի բանտարկյալ պետք է ազատի։ Վաշինգտոնը վստահություն չունի առևտրային սխեմաներից որևէ մեկի հարցով։

Իսրայելի պաշտպանության ուժերն ավելի վաղ հաստատել էին նոյեմբերի 12-ին հոսպիտալի տարածքում ռազմական գործողություն իրականացնելու փաստը։ Իսրայելը պնդում է, որ «Համաս»-ը հիվանդանոցն օգտագործում է որպես ստորգետնյա հրամանատարական կենտրոնի թաքստոց։ Խումբը հերքում է այս մեղադրանքները։ «Ալ-Շիֆա» հիվանդանոցային համալիրին իսրայելական հարվածի հետևանքով զոհվել է 13 մարդ, տասնյակ մարդիկ վիրավորվել են, հայտնում է «Համաս»-ը։ Անկախ աղբյուրներն այսօրվա պայմաններում չեն կարող պարզել այդ թվերի արժանահավատությունը: