20:53 - 13 հունվարի, 2024
Փաշինյանն Ադրբեջանին առաջարկում է սպառազինությունների վերահսկման վերաբերյալ պայմանագիր կնքել
Երբեմն Ադրբեջանի առաջարկներին ծանոթանալով՝ տպավորություն ենք ստանում, որ փորձ է արվում ստեղծել մի փաստաթուղթ, որով պետք է լեգիտիմացվեն հետագա պատերազմները․ սա տրամաբանությունից դուրս է։ Այս մասին ասել է ՀՀ վարչապետ Նիկոլ Փաշինյանը՝ ՔՊ նախաձեռնող խմբի նիստին։
«Մենք առաջարկում ենք զորքերը հայելային հետ քաշել, որ բախումների վտանգը չեզոքացնենք, Ադրբեջանը սա մերժում է, ասում ենք՝ եկեք սահմանային շրջանները ապառազմականացնենք, Ադրբեջանը մերժում է։
Ես կարող եմ ուրիշ առաջարկ անել․ եկեք սպառազինությունների վերահսկման վերաբերյալ պայմանագիր կնքենք, որ Հայաստանն ու Ադրբեջանը սպառազինությունների հետ կապված կոնկրետ պայմանավորվածություն ձեռք բերեն և դրանց կատարման՝ մեկը մյուսին վերահսկելու հնարավորություն ունենան։ Սա իհարկե նոր բան է, բայց կարծում եմ՝ եթե մենք անկեղծ ուզում ենք գնալ խաղաղության, բոլոր հարցերը կարելի է հասցեագրել», - նշել է Փաշինյանը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)