ՄԱԿ-ը Ռուսաստանին և Ուկրաինային կոչ է արել ապահովել խաղաղ բնակչության պաշտպանությունը ՌԴ Կուրսկի մարզում |armenpress.am|
22:43 - 08 օգոստոսի, 2024

ՄԱԿ-ը Ռուսաստանին և Ուկրաինային կոչ է արել ապահովել խաղաղ բնակչության պաշտպանությունը ՌԴ Կուրսկի մարզում |armenpress.am|

armenpress.am: Միավորված ազգերի կազմակերպությունն (ՄԱԿ), անդրադառնալով Ռուսաստանի Դաշնության Կուրսկի մարզում տեղի ունեցող ռազմական գործողություններին, բոլոր կողմերին կոչ է արել գործել պատասխանատու կերպով և ապահովել խաղաղ բնակչության պաշտպանությունը։ 

«Արմենպրես»-ի հաղորդմամբ՝ այս մասին հայտարարել է ՄԱԿ-ի գլխավոր քարտուղարի խոսնակի տեղակալ Ֆարհան Հակը։

«Մենք կոչ ենք անում բոլոր շահագրգիռ կողմերին գործել պատասխանատու և ապահովել խաղաղ բնակիչների պաշտպանությունը», - հայտարարել է Ֆարհան Հակը լրագրողների հետ ճեպազրույցի ընթացքում։

Ռուսաստանի Դաշնության Կուրսկի մարզն ուկրաինական զինված ուժերի կողմից լայնածավալ հարձակման է ենթարկվել օգոստոսի 6-ից։ Այնտեղ ծանր մարտեր են ընթացել նաև օգոստոսի 7-ին և շարունակում են մինչ օրս։ Կուրսկ է ժամանել «Ախմատ» հատուկ նշանակության ջոկատը, որի հրամանատարը հայտնել էր, որ մի քանի բնակավայրեր գրավված են։

 


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել