hetq.am: Արիզոնա նահանգի ոստիկանությունը հինգշաբթի օրը ձերբակալել է մի տղամարդու, որն սպառնում էր սպանել ԱՄՆ 45-րդ նախագահ և Հանրապետական կուսակցությունից ԱՄՆ նախագահի թեկնածու Դոնալդ Թրամփին:
«Այդ անձը ձերբակալվել է Քոչիս շրջանում՝ առանց որևէ միջադեպի»,- ասված է տարածված հայտարարության մեջ։
66-ամյա Ռոնալդ լի Սիվրուդը ձերբակալվել է հինգշաբթի օրը՝ տեղի ժամանակով ժամը 14:30-ին: Նրան դեռ մեղադրանք չի առաջադրվել։
Ինչպես նշում է CNN հեռուստաընկերությունը՝ հղում անելով տեղի ոստիկանության ներկայացուցչին, վերջին մի քանի շաբաթների ընթացքում Սիվրուդը սոցիալական ցանցերում մի քանի հաղորդագրություն էր հրապարակել, որտեղ սպառնացել էր սպանել Դոնալդ Թրամփին: Թե հատկապես որ սոցցանցերում էին հրապարակումներն արվել, դեռևս չի հստակեցվում։
Թրամփը Քոչիս է ժամանել նախօրեին։ Նա այնտեղ իր աջակիցների առջև ելույթ էր ունեցել միգրացիոն ճգնաժամի մասին։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)