18:01 - 20 սեպտեմբերի, 2024
Եվրոպական հանձնաժողովն Ուկրաինային 35 մլրդ եվրո վարկ կտրամադրի |hetq.am|
hetq.am: Եվրոպական հանձնաժողովը, G7-ի երկրների պայմանավորվածությունների շրջանակներում, Կիևին 35 միլիարդ եվրո վարկ կհատկացնի։ Այդ մասին հայտարարել է Եվրոպական հանձնաժողովի նախագահ Ուրսուլա ֆոն դեր Լեյենը Ուկրաինա այցի ընթացքում։
«Սա ԵՄ-ի կողմից ևս մեկ կարևոր ներդրում է Ուկրաինայի վերականգնման գործում»,- X-ի իր միկրոբլոգում գրել է եվրոպացի պաշտոնյան։
Ավելի վաղ Ուրսուլան հայտարարել էր, որ այս աշխատանքային այցի ընթացքում մտադիր է Ուկրաինայի նախագահ Վլադիմիր Զելենսկու հետ քննարկել Կիևին Եվրամիության լրացուցիչ վճարումների բաշխման մանրամասները: Նա ընդգծել էր, որ 160 միլիոն եվրոն նախատեսված է Ուկրաինայի էներգետիկ համակարգն ամրապնդելու և ձմռանը նախապատրաստելու համար։
«Քանի որ ջերմաստիճանն իջնում է, Եվրամիությունը պատրաստ է մեծացնել իր աջակցությունը Ուկրաինային: Մենք միասին պատրաստվում ենք ձմռանը»,- նշել էր եվրոպացի պաշտոնյան։
Կիևում ֆոն դեր Լեյենն արդեն իսկ հանդիպել է Ուկրաինայի նախագահ Վլադիմիր Զելենսկուն, որից հետո երկու պաշտոնյաները մամուլի ասուլիս են տվել։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)