14:15 - 27 հոկտեմբերի, 2024
Իլհամ Ալիևը շնորհավորել է Իրակլի Կոբախիձեին «Վրացական երազանք» կուսակցության հաղթանակի կապակցությամբ |1lurer.am|
1lurer.am: Ադրբեջանի նախագահ Իլհամ Ալիևը շնորհավորել է Վրաստանի վարչապետ Իրակլի Կոբախիձեին Վրաստանի խորհրդարանական ընտրություններում «Վրացական երազանք» կուսակցության հաղթանակի առիթով և հրավիրել է Ադրբեջան:
«Այս քվեարկությամբ Վրաստանի քաղաքացիներն իրենց աջակցությունն են հայտնել զարգացմանը, կայունությանը և ավանդական արժեքներին։ Հավատում եմ, որ ընտրությունների արդյունքները կնպաստեն Վրաստանի զարգացմանն ու բարգավաճմանը: Միևնույն ժամանակ, վստահություն եմ հայտնում, որ ընտրությունների արդյունքները կնպաստեն ադրբեջանա-վրացական միջպետական հարաբերությունների կայուն զարգացմանը, ինչը թելադրված է մեր ժողովուրդների կամքով, որոնք պատմականորեն ապրում են բարեկամության, եղբայրության, բարիդրացիության պայմաններում և կնպաստի Հարավային Կովկասում մեր երկրների դիրքերի հետագա ամրապնդմանը: Մեր քաղաքական երկխոսությունը շարունակելու համար հրավիրում ենք Ձեզ պաշտոնական այց կատարել Ադրբեջան»,- մասնավորապես ասված է Ադրբեջանի նախագահի նամակում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)