tert.am: Աբխազիայի նախագահ Ասլան Բժանիան խոստացել է հրաժարական տալ, երբ ցուցարարները լքեն Սուխումի խորհրդարանի շենքը, այս մասին փոխանցումէ ՌԻԱ «Նովոստին»:

«Երբ նրանք (ցուցարարները - խմբ.) դուրս գան շենքից, ես հրաժարականի դիմում կգրեմ, և նոր ընտրություններում կտեսնենք, թե որքան աջակցություն կստանանք»,- ասել է Բժանիան Տամիշ գյուղում մարդկանց հետ հանդիպման ժամանակ։

Հիշեցնենք, որ ավելի վաղ հաղորդել էինք, որ Աբխազիայի նախագահ Ասլան Բժանիան լքել է հանրապետության մայրաքաղաքը, ու գտնվում է հայրենի Տամիշ գյուղում:

Հիշեցնենք, որ երեկ Աբխազիայի մայրաքաղաք Սուխումում մարդիկ բողոքի ցույց են անցկացրել խորհրդարանի և նախագահական նստավայրի մոտ՝ ընդդեմ Ռուսաստանի հետ ներդրումային համաձայնագրի կնքման։  Սկզբում ցուցարարները բեռնատարով կոտրել են խորհրդարանի շենքի դարպասներն ու ներխուժել, ապա շրջափակել են նախագահականը և կրկին կոտրել դարպասները: Ցուցարարները պահանջել են նախագահի անհապաղ հրաժարականը: Նրանք ձվեր ու շշեր են նետել ոստիկանների ուղղությամբ, որոնք իրենց հերթին ծխային ռումբեր են օգտագործել։ Խորհրդարանի մոտ կրակոցներ են հնչել. բողոքի ակցիայի ժամանակ տուժել է ութ մարդ:

Շարունակությունը՝ սկզբնաղբյուր կայքում։