11:20 - 08 ապրիլի, 2025
Թրամփը մերժել է արդյունաբերական ապրանքների մաքսատուրքերը վերացնելու ԵՄ առաջարկը |hy.armradio.am|
hy.armradio.am: ԱՄՆ նախագահ Դոնալդ Թրամփը մերժել է արդյունաբերական ապրանքների վրա բոլոր փոխադարձ մաքսատուրքերը վերացնելու Բրյուսելի առաջարկը։
Ապրիլի 7-ին Սպիտակ տանը լրագրողների հարցին, թե արդյո՞ք բավարար է համարում Եվրահանձնաժողովի նախագահ Ուրսուլա ֆոն դեր Լեյենի առաջարկը, ԱՄՆ նախագահը բացասական պատասխան է տվել։
Թրամփը հայտարարել է, որ ԵՄ երկրները պետք է զգալիորեն մեծացնեն էներգակիրների ներկրումն ԱՄՆ-ից։
Նրա խոսքով՝ Եվրոպան պետք է ԵՄ-ի հետ ԱՄՆ-ի ներկայիս առեւտրային դեֆիցիտին համարժեք գնումներ անի։
Համարժեք ներմուծման դեպքում այս դեֆիցիտը «արագ կվերանա»,- հավելել է նա:
Ամերիկայի նախագահը ևս մեկ անգամ ընդգծել է, որ անարդար է համարում ԱՄՆ և ԵՄ երկրների միջև առևտրային հարաբերությունները։
«Եվրամիությունը շատ, շատ վատ է վարվել մեզ հետ»,- ասել է Դոնալդ Թրամփը։ «Մեր մեքենաները չեն գնում, մեր գյուղմթերքը չեն գնում, մեզանից համարյա ոչինչ չեն գնում»,- ընդգծել է Թրամփը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)