18:06 - 20 մայիսի, 2025
Մոսկվան ակնկալում է, որ Լավրովի այցը կամրապնդի Հայաստանի և Ռուսաստանի միջև քաղաքական երկխոսությունը |armenpress.am|
armenpress.am: Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան խոսել է ՌԴ ԱԳ նախարար Սերգեյ Լավրովի՝ Հայաստան կատարելից այցի ակնկալիքներից։
«Արմենպրես»-ի թղթակցի փոխանցմամբ՝ Զախարովան Լավրովի՝ Երևան սպասվելիք այցին անդրադարձել է ամենշաբաթյա ճեպազրույցի ժամանակ։
«Մոսկվայում ակնկալում են, որ Լավրովի այցը կխթանի Ռուսաստանի և Հայաստանի միջև քաղաքական ու միջգերատեսչական երկխոսության ամրապնդումը, կխորացնի փոխըմբռնումը և կնպաստի փոխընդունելի լուծումների որոնմանն այն հարցերում, որոնք հետաքրքրություն են ներկայացնում երկու կողմերի համար»,- նշել է Զախարովան։
ՌԴ ԱԳ նախարար Սերգեյ Լավրովը Հայաստան կայցելի մայիսի 20-ին։ Մայիսի 21-ին ՌԴ ԱԳ նախարարը հանդիպումներ կունենա ՀՀ վարչապետ Նիկոլ Փաշինյանի, նախագահ Վահագն Խաչատուրյանի, արտաքին գործերի նախարար Արարատ Միրզոյանի հետ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)