news.am: ՄԱԿ-ի գլխավոր քարտուղար Անտոնիո Գուտերեշը մտահոգված է Իսրայելի կողմից Իրանի միջուկային օբյեկտներին հարվածներով և կոչ է անում կողմերին ցուցաբերել առավելագույն զսպվածություն: Այս մասին հայտնել է համաշխարհային կազմակերպության ղեկավարի մամուլի խոսնակի տեղակալ Ֆարհան Հաքը:
«Գլխավոր քարտուղարը դատապարտում է Մերձավոր Արևելքում ցանկացած ռազմական սրացում: Նա մտահոգված է Իսրայելի կողմից Իրանի միջուկային օբյեկտներին հարվածներով, մինչդեռ Իրանը և Միացյալ Նահանգները բանակցություններ են վարում իրանական միջուկային ծրագրի շուրջ: Գլխավոր քարտուղարը հիշեցնում է ՄԱԿ-ի անդամ պետությունների պատասխանատվության մասին՝ գործել ՄԱԿ-ի կանոնադրության և միջազգային իրավունքի համաձայն», - ասվում է հայտարարության մեջ:
«Գլխավոր քարտուղարը խնդրում է երկու կողմերին էլ ցուցաբերել առավելագույն զսպվածություն և ամեն գնով խուսափել հակամարտության սրացումից», - ասել է Հաքը:
Ավելի վաղ Իսրայելի իշխանությունները հայտարարել էին Իրանին հարվածելու մասին, այդ թվում՝ երկրի տարբեր մասերում գտնվող միջուկային օբյեկտներին: Իսրայելի վարչապետ Բենիամին Նեթանյահուն հայտարարել է, որ գործողությունը նպատակ ուներ խափանել Իրանի միջուկային ծրագիրը և զգուշացրել է, որ կհետևեն ավելի շատ հարվածներ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
![Իսրայել-Իրան ռազմական էսկալացիա [ԹԱՐՄԱՑՎՈՂ]](https://cdn.infocom.am/enlarge?file=2025-06-14-13bd6d7c-99ab-4e67-a9d4-12a276c0cce7.jpg&type=jpeg&width=410&height=230)
comment.count (0)