azatutyun.am: Իրանը խնդրել է Կիպրոսին «որոշ ուղերձներ» փոխանցել Իսրայելին, այսօր հայտարարել է երկրի նախագահը։ Նիկոս Քրիստոդուլիդեսը տեղեկացրել է, որ ակնկալում է օրվա ընթացքում խոսել Իսրայելի վարչապետ Նեթանյահուի հետ։
Թե կոնկրետ ում կողմից են եղել ուղերձները կամ ինչ է ասվել դրանցում՝ չի նշվում։ Հայտնի է միայն, որ երեկ երեկոյան Կիպրոսի արտգործնախարարը հեռախոսազրույց է ունեցել իր իրանցի գործընկերոջ հետ։
Ըստ Քրիստոդուլիդեսի, Կիպրոսը նաև խնդրել է ԵՄ Արտաքին գործերի խորհրդի արտակարգ նիստ գումարել։
«Չի կարելի հանդուրժել, որ ԵՄ-ն, ունենալով նման աշխարհաքաղաքական դերակատարում, տեսնի այս բոլոր զարգացումները և առնվազն չհրավիրի Արտաքին գործերի նախարարների նիստ», - լրագրողներին ասել է նա։
Կիպրոսը առաջարկել է օգնել տարածաշրջանից երրորդ երկրների քաղաքացիների տարհանմանը և կոչ է արել բոլոր կողմերին զերծ մնալ այնպիսի գործողություններից, որոնք կարող են էլ ավելի սրել հակամարտությունը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
![Իսրայել-Իրան ռազմական էսկալացիա [ԹԱՐՄԱՑՎՈՂ]](https://cdn.infocom.am/enlarge?file=2025-06-14-13bd6d7c-99ab-4e67-a9d4-12a276c0cce7.jpg&type=jpeg&width=410&height=230)
comment.count (0)