10:50 - 01 փետրվարի, 2022
ԱՄՆ-ն հետ է կանչում Մինսկում աշխատող իր դիվանագետների ընտանիքներին և ամերիկացիներին կոչ է արել չմեկնել Բելառուս |tert.am|
tert.am: ԱՄՆ Պետքարտուղարությունը տեղեկացրել է, որ ռուսական զինված ուժերի կուտակումներ է նկատում Բելառուսի տարածքում և Ուկրաինայի հետ նրա սահմանի մոտ:
Ինչպես փոխանցում է «Կոմերսանտ»-ը, երեկ՝ հունվարի 31-ին, գերատեսչությունը հայտարարել է Բելառուսից պետծառայողների ընտանիքների անդամների տարհանման մասին: Նման որոշում էր կայացվել հունվարի 23-ին՝ Կիևում դիվանագետնեի ընտանիքների անդամների վերաբերյալ:
ԱՄՆ-ն իր քաղաքացիներին խորհուրդ չի տալիս մեկնել Բելառուս «կամայական իրավակիրառմամբ ձերբակալվելու վտանգի, ինչպես նաևԲելառուսի և ՈՒկրաինայի սահմանին ռուսական զինված ուժերի՝ մտահոգություն առաջացնող կուտակումների պատճառով»:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)