10:18 - 25 հոկտեմբերի, 2022
Մեկնարկեց ԱԺ հերթական քառօրյան․ նոր պատգամավորը երդմամբ ստանձնեց պարտականությունները
Մեկնարկել է 8-րդ գումարման Ազգային ժողովի հերթական քառօրյան։ Նիստերի օրակարգում ընդգրկված է 27 հարց։
Նիստի մեկնարկին ԱԺ փոխնախագահ Ռուբեն Ռուբինյանը տեղեկացրեց, որ ԿԸՀ-ն ներկայացրել է ԱԺ պատգամավոր ընտրված և լիազորությունները վաղաժամկետ դադարած պատգամավորի մանդատը հաջորդ թեկնածուին՝ Դավիթ Առուշանյանին տրամադրելու վերաբերյալ արձանագրություն։ Նոր պատգամավորը երդմամբ ստանձնեց պարտավորությունները։
Նշենք, որ Դավիթ Առուշանյանը Գյումրիի նախկին փոխքաղաքապետն է։ Հոկտեմբերի 10-ին Առուշանյանը փոխքաղաքապետի պաշտոնից ազատման դիմում է գրել:
Հիշեցնենք, որ օրեր առաջ ՔՊ պատգամավոր Վահագն Հովակիմյանը հրաժարվել էր մանդատից, ինչից հետո ԱԺ-ն Հովակիմյանին ընտրել էր ԿԸՀ նախագահի պաշտոնում։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)