Սիրիա

Սիրիա, պաշտոնական անվանումը՝ Սիրիայի Արաբական Հանրապետություն։ Գտնվում է «Առաջավոր Ասիայում»՝ Արաբական Արեւելքում։ Սիրիայի ցամաքային սահմանագիծը 2 հազար 363 կմ է։ Սիրիայի տարածքը շուրջ 185 000 քառ. կմ է եւ Հայաստանին գերազանցում է ավելի քան 6 անգամ։

ՌԴ, Իրանի և Թուրքիայի պատվիրակությունները քննարկել են Սիրիայում հրադադարի պահպանմանն ուղղված քայլերը   |tert.am|

ՌԴ, Իրանի և Թուրքիայի պատվիրակությունները քննարկել են Սիրիայում հրադադարի պահպանմանն ուղղված քայլերը |tert.am|

tert.am: Ռուսաստանի Դաշնության պատվիրակության անդամներն Իրանի և Թուրքիայի գործընկերների հետ քննարկել են Սիրիայում հրադադարի ռեժիմի պահպանմանն ուղղված հստակ քայլերը: ՏԱՍՍ գործակալության փոխանցմամբ՝ այս մասին հայտնել է ռուսական պատվիրակության ղեկավար Ալեքսանդր Լավրենտևը:«Բանակցություններ ենք վարել թուրքական պատվրակության հետ: Մինչ այդ, բանակցել էինք իրանական պատվիրակության հետ: Կառուցողական զրույց ենք ունեցել բոլոր հարցերով»,- ասել է վերջինս:Նրա խոսքով՝ քննարկվել է իրավիճակի կայունացման հարցը, որպեսզի հրադադարի պահպանման նորմալ ռեժիմ պահպանվի: «Դա առնչվում է և՛ Իդլիբին, և՛ հարավին, այդ թվում՝ հյուսիում գտնվող թուրք-սիրիական սահմանին, որտեղ վերջերս նկատվում է մարտական բախումների ակտիվացում»,- հավելել է Լավրենտևը:
13:45 - 21 դեկտեմբերի, 2021
Անդրանիկ Քոչարյանն ահաբեկիչների տեղափոխման վերաբերյալ տվյալները փոխանցել է ՆԱՏՕ-ի ներկայացուցչին   |armenpress.am|

Անդրանիկ Քոչարյանն ահաբեկիչների տեղափոխման վերաբերյալ տվյալները փոխանցել է ՆԱՏՕ-ի ներկայացուցչին |armenpress.am|

armenpress.am: ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը հայտարարեց, որ Սիրիայից ահաբեկիչների տեղափոխման վերաբերյալ ՀՀ հատուկ ծառայությունները տեղեկացված են եղել նաև Արցախյան 44-օրյա պատերազմի ընթացքում: Քոչարյանն այս մասին ասաց` անդրադառնալով «Հայաստան» խմբակցության Արթուր Ղազինյանի այն դիտարկմանը, թե  չհերքված տեղեկություն կա այն մասին, որ Նախիջևանում Սիրիայից տեղափոխված ահաբեկչական խմբավորումների կուտակումներ կան: «Այդ տեղեկությունները փոխանցվել են համապատասխան համանախագահող երկրների ղեկավարությանը, վերջին անգամ ես այդ փաթեթը փոխանցել եմ Հայաստանում գտնվող Ստոլտենբերգի  (ՆԱՏՕ-ի գլխավոր քարտուղար Յենս Ստոլտենբերգ –խմբ.) անվտանգության հարցերով խորհրդականին։ Դա ֆիքսվել է, այն լուրջ փաթեթ է, և կարող եմ ասել, որ մեր հատուկ ծառայությունների ու մեր սփյուռքի շատ լուրջ ձեռքբերումը կարող ենք արձանագրել», - ասաց Քոչարյանը:
15:34 - 30 նոյեմբերի, 2021
Իշխան Սաղաթելյանը հանդիպել է ՀՀ-ում Սիրիայի դեսպանի հետ․ կողմերը կարևորել են երկկողմ բարեկամական ու եղբայրական հարաբերությունների խորացումն ու ընդլայնումը

Իշխան Սաղաթելյանը հանդիպել է ՀՀ-ում Սիրիայի դեսպանի հետ․ կողմերը կարևորել են երկկողմ բարեկամական ու եղբայրական հարաբերությունների խորացումն ու ընդլայնումը

On November 22, the RA NA Vice President, the Head of the Armenia-Syria Friendship Group Ishkhan Saghatelyan met with the Ambassador Extraordinary and Plenipotentiary of the Syrian Arab Republic to the RA Mohammed Haj Ibrahim. Ishkhan Saghatelyan referred to the destabilizing role of Turkey in the region and the inadmissibility of the encroachments of that state against the territorial integrity of the countries of the region. In this context, the Deputy Speaker of parliament highlighted the cooperation of Armenia and Syria on the international parliamentarian platforms. The Ambassador, in his turn, has expressed an opinion that the steps of Turkey are completely against the stability of the region. He considered the involvement of mercenaries and terrorists by Turkey in the war, as it happened during the 44-day war, unacceptable. The sides have attached importance to deepening and expanding the bilateral friendly and fraternal relations, underlining that the cooperation of two countries is historically special. In the context of the development of parliamentary diplomacy, the interlocuters stressed the active role and the significance of mutual visits. The implementation of steps aimed at deepening economic relations, in particular, increasing the volumes of export and import was touched upon. The considerable role of Syrian Armenians in the social and political life of the country was underlined. The NA Vice President expressed readiness to support the implementation of the initiatives aimed at promoting the bilateral relations.
14:39 - 22 նոյեմբերի, 2021
«Բելավիա»-ն դադարեցնում է Իրաքի, Սիրիայի և Եմենի քաղաքացիների տեղափոխումը Թուրքիայից Բելառուս |azatutyun.am|

«Բելավիա»-ն դադարեցնում է Իրաքի, Սիրիայի և Եմենի քաղաքացիների տեղափոխումը Թուրքիայից Բելառուս |azatutyun.am|

azatutyun.am: Բելառուսի պետական ավիափոխադրողը՝ «Բելավիա»-ն, հայտարարել է, որ այսօրվանից դադարեցնում է Իրաքի, Սիրիայի և Եմենի քաղաքացիների տեղափոխումը Թուրքիայից Բելառուս՝ պաշտոնական Անկարայի խնդրանքով։ Որոշումը կայացվել է Լեհաստանի և Բելառուսի սահմանին օրեր շարունակվող միգրացիոն ճգնաժամի ֆոնին։ Ավելի վաղ՝ նախօրեին, արևմտյան կառավարությունները ՄԱԿ-ում դատապարտել էին Բելառուսի իշխանություններին և պնդել, թե Լուկաշենկոյի վարչակազմը միտումնավոր է ներգաղթյալներին ուղղորդում դեպի Եվրամիության սահման՝ վրեժխնդիր լինելու իր դեմ սահմանված պատժամիջոցների համար։ Լեհական լրատվամիջոցները հաղորդում են, որ անցած գիշեր իշխանությունները կանխել են ներգաղթյալների երկու խմբի կողմից ապօրինի սահմանահատումը, այսօր նման փորձերը շարունակվել են։ Միացյալ Նահանգները, Մեծ Բրիտանիան, Ֆրանսիան, Էստոնիան ու մի շարք այլ երկրներ երեկ ՄԱԿ-ում հայտարարել են, որ Բելառուսի ավտորիտար առաջնորդ Ալեքսանդր Լուկաշենկոն սպառնալիք է դարձել տարածաշրջանի անվտանգության համար։ Մոսկվան Լուկաշենկոյին իր աջակցությունը ցույց տալու համար երկու օր անընդմեջ միջուկային զենք կրելու ընդունակ ռազմավարական ռմբակոծիչներ էր ուղարկել Բելառուսի օդային տարածք։
14:52 - 12 նոյեմբերի, 2021
Հայաստանի հումանիտար առաքելության խմբի ականազերծած տարածքները հանձնվել են Հալեպի իշխանությունների

Հայաստանի հումանիտար առաքելության խմբի ականազերծած տարածքները հանձնվել են Հալեպի իշխանությունների

Այսօր  Հալեպում կայացել է հումանիտար առաքելության կողմից ականազերծված տարածքների հանձնումը Սիրիայի Արաբական Հանրապետության Հալեպի նահանգի իշխանություններին: Հալեպում Հայաստանի հումանիտար առաքելության խումբն իր փոքրիկ, բայց կարևոր լուման է ներդնում մեր հայրենիքի զարգացման և միջազգային ասպարեզում այն ավելի ճանաչելի դարձնելու ուղղությամբ։ Այս մասին տեղեկացնում է Հումանիտար ականազերծման և փորձագիտական կենտրոնը: 2 ականադաշտ՝ մոտ 450 000 քառակուսի մետր ընդհանուր մակերեսով, շահագործման է հանձնվել Հալեպի իշխանություններին: Ականազերծման աշխատանքների ընթացքում հայտնաբերվել և վնասազերծվել է ավելի քան 190 հատ զինամթերք և ենթազինամթերք, այդ թվում՝ հակատանկային և հակահետևակային ականներ, հրետանային արկերի և ավիառումբի մնացորդներ, ուղղորդված ականներ և ինքնաշեն պայթուցիկ առարկաներ: Ընթացակարգում ստորագրվել են հանձնման-ընդունման վկայականները և Հալեպի իշխանություններին է հանձնվել ականազերծված տարածքների քարտեզները: Արարողությանը մասնակցել են Հալեպի փոխնահանգապետ Քումեյթ շեյխ Ասին, Հալեպում տեղակայված ռուսական հակամարտող կողմերի հաշտեցման կենտրոնի ղեկավարությունը, Հալեպ նահանգի իշխանության ներկայացուցիչներ, այլ պաշտոնատար անձինք: Ողջունելով հյուրերին` խմբի ղեկավար Սերգո Ավետիսյանը համառոտ ներկայացրել է կատարված աշխատանքները, վստահություն հայտնել դրանց շարունակականության վերաբերյալ. «Ամռանը սկսված աշխատանքների արդյունքում, անգամ համաճարակային սահմանափակումների պայմաններում, հայ ականազերծողները միջազգային չափորոշիչներին համապատասխան ականազերծել են մոտ 45 հեկտար հողատարածք: Հայտնաբերվել և վնասազերծվել են բազմաթիվ նռնակներ, տարբեր տրամաչափի փամփուշտներ, հակատանկային և հակահետևակային ականներ»,-ասել է նա: Ողջունելով հյուրերին` փոխնահանգապետը կարևորել է կենտրոնի աշխատանքները և հույս հայտնել, որ ականազերծման գործընթացի ակտիվացումը կնպաստի Հալեպի ժողովրդի վերադարձին իրենց բնակավայրեր. «Ամենամյա ականազերծման աշխատանքների արդյունքում գյուղատնտեսական կիրառման համար պիտանելի են դառնում նորանոր հողատարածքներ, իսկ գլխավորը` նվազում է չվնասազերծված զինամթերքի պայթյունի հետևանքով հնարավոր դժբախտ պատահարների հավանականությունը»,-նշել է փոխնահանգապետը: Արարողության ընթացքում սիրիական կողմն իր խորին երախտագիտությունն է հայտնել եղբայրական ժողովրդին՝ կյանքեր փրկելու և անմնացորդ աջակցության համար ու նշել, որ այս մարդասիրական առաքելությունը ևս մեկ անգամ ամրագրում է երկու ժողովուրդների դարավոր բարեկամությունը։ Մինչև օրս Հումանիտար ականազերծման և փորձագիտական կենտրոնի ականազերծողները մաքրել և սիրիական իշխանություներին են հանձնել ականազերծված ավելի քան 880 հազար քառակուսի մետր տարածք, իսկ բժշկական խումբը բուժօգնություն է ցուցաբերել 42 հազարից ավելի տեղաբնակների։
20:37 - 23 հոկտեմբերի, 2021
Դամասկոսում ավտոբուսի պայթյունի հետևանքով առնվազն 27 զինվորական է զոհվել |azatutyun.am|

Դամասկոսում ավտոբուսի պայթյունի հետևանքով առնվազն 27 զինվորական է զոհվել |azatutyun.am|

azatutyun.am: Առնվազն 27 մարդ է զոհվել Սիրիայի մայրաքաղաքում զինվորականների տեղափոխող ավտոբուսի պայթեցման հետևանքով։ Սա ամենաարյունալի հարձակումն է Դամասկոսում 2017 թվականից ի վեր, երբ 31 մարդ էր զոհվել մահապարտի հարձակման հետևանքով, որի պատասխանատվությունը ստանձնել էր «Իսլամական պետություն» ահաբեկչական խմբավորումը։ Ավտոբուսն «ահաբեկչական հարձակման» է ենթարկվել կամուրջը հատելիս, հայտնում է սիրիական պետական SANA գործակալությունը։ Լրատվամիջոցի փոխանցմամբ` տեղի է ունեցել երկու պայթյուն, դեպքի վայրում հայտնաբերվել է ևս մեկ պայթուցիկ սարք, որը չէր հասցրել գործել։ Տեղի ունեցածի պատասխանատվությունը ոչ ոք չի ստանձնել։ Սիրիայում ավելի քան մեկ տասնամյակ շարունակվող հակամարտությունը շուրջ 350 հազար մարդու կյանք է խլել, երկրի բնակչության կեսը փախստական է դարձել։
16:31 - 20 հոկտեմբերի, 2021
Ալեն Սիմոնյանն ու ՀՀ-ում Սիրիայի դեսպանն անդրադարձել են տարածաշրջանում Թուրքիայի ապակայունացնող դերակատարությանը

Ալեն Սիմոնյանն ու ՀՀ-ում Սիրիայի դեսպանն անդրադարձել են տարածաշրջանում Թուրքիայի ապակայունացնող դերակատարությանը

 ՀՀ ԱԺ նախագահ Ալեն Սիմոնյանը հոկտեմբերի 12-ին ընդունել է Հայաստանում Սիրիայի Արաբական Հանրապետության արտակարգ եւ լիազոր դեսպան Մոհամմեդ Հաջ Իբրահիմին: «ՀՀ ԱԺ նախագահը փոխշահավետ համագործակցության ամրապնդման գործում կարեւորել է միջխորհրդարանական համագործակցության զարգացումը` վստահեցնելով, որ Ազգային ժողովը շարունակելու է բարեկամ Սիրիայի հետ արդյունավետ համագործակցությունը: Ընդգծելով խորհրդարանական դիվանագիտության առանցքային նշանակությունը երկկողմ կապերի զարգացման գործում` ԱԺ նախագահը համոզմունք է հայտնել, որ հարաբերությունների խորացմանը նոր ազդակ կհաղորդի առաջիկայում ձեւավորվելիք Հայաստան-Սիրիա խորհրդարանական բարեկամական խումբը»,- նշված է ԱԺ հասարակայնության հետ կապերի և հաղորդակցության վարչության տարածած հաղորդագրության մեջ: Մոհամմեդ Հաջ Իբրահիմը եւս անդրադարձել է խորհրդարանական հարաբերություններն առավել խորացնելուն ուղղված քայլերի իրականացմանը: Երկու երկրների դիվանագիտական հարաբերությունների հաստատման 30-ամյակին ընդառաջ կարեւորվել է փոխայցերն ակտիվացնելու անհրաժեշտությունը:  Դեսպանը փաստել է, որ սիրիահայերը Սիրիայի հասարակության անքակտելի մասն են եւ մեծ դերակատարություն ունեն երկրի հասարակական-քաղաքական կյանքում: Ալեն Սիմոնյանն իր հերթին ընդգծել է, որ սիրիահայերը Հայաստան եւ Արցախ են բերել նոր ու գեղեցիկ մշակույթ, որի պակասը զգացվում էր մեզանում: Կողմերն անդրադարձել են տարածաշրջանում Թուրքիայի ապակայունացնող դերակատարությանը: Այս առնչությամբ դեսպանն իր հերթին անթույլատրելի ու մերժելի է համարել 44-օրյա պատերազմում վարձկանների ու ահաբեկիչների ներգրավումը: ՀՀ ԱԺ նախագահը պատրաստակամություն է հայտնել աջակցելու բարեկամ ժողովուրդների շահերին միտված ցանկացած նախաձեռնության:
14:46 - 12 հոկտեմբերի, 2021
Ռուս զինվորականները Տաջիկստանում անցկացվելիք «Էշելոն» զորավարժությունների ժամանակ կկիրառեն Սիրիայում և Լեռնային Ղարաբաղում ձեռք բերած փորձը |tert.am|

Ռուս զինվորականները Տաջիկստանում անցկացվելիք «Էշելոն» զորավարժությունների ժամանակ կկիրառեն Սիրիայում և Լեռնային Ղարաբաղում ձեռք բերած փորձը |tert.am|

tert.am: Սիրիայում և Լեռնային Ղարաբաղում ձեռք բերված մարտական փորձը կներդրվի ռուս խաղաղապահների գործողությունների հիմքում ՀԱՊԿ հավաքական ուժերի նյութատեխնիկական ապահովման միջոցներով և ուժերով իրականացվելիք «Էշելոն-2021» հատուկ զորավարժությունների ժամանակ: ՏԱՍՍ գործակալության փոխանցմամբ՝ այս մասին ասել է Կենտրոնական ռազմական շրջանի փոխհրամանատար, գեներալ-լեյտենանտ Ալեքսեյ Լեմյակինը:Լեմյակինի խոսքով՝ ստորաբաժանումներն ուսումնամարտական առաջադրանքներ են կատարում հավաքվող ենթակառուցվածքների, տեխնիկայի վերալիցքավորման դաշտային կետերի տեղակայման, մարտի դաշտից վնասված զրահամեքենաների տարհանման, նյութական միջոցների, զինամթեքրի մատակարարման և տեխնիկական ապահովման այլ գործառույթների շուրջ:Գործողություններին ներգրավվելու է ավելի քան 500 զինվորական Բելառուսից, Ղազախստանից, Ռուսաստանից և Տաջիկստանից:
11:19 - 12 հոկտեմբերի, 2021
Սիրիայի ԱԳ նախարարը հայտարարել Է երկրում տնտեսական դրության վատթարացման մասին |armenpress.am|

Սիրիայի ԱԳ նախարարը հայտարարել Է երկրում տնտեսական դրության վատթարացման մասին |armenpress.am|

armenpress.am: Դամասկոսն այն կարծիքին Է, որ միջազգային հանրակցությունը պետք Է մեծացնի Սիրիային ցուցաբերվող օգնության ծավալը, որտեղ, այդ թվում ԱՄՆ-ի պատժամիջոցների պատճառով, դիտվում Է աղքատության աճ եւ բազային դեղամիջոցների անբավարարություն: Այդ մասին ՌԻԱ Նովոստիին հայտարարել Է Սիրիայի ԱԳ նախարարության ղեկավար Ֆեյսալ Միքդադը: «Անառարկելիորեն, այ՛ո: Պատժամիջոցները, որոնք սահմանվել են Միացյալ Նահանգների կողմից, ինչպես նաեւ միակողմանի հարկադրական միջոցները, շնչահեղձ են անում Սիրիայի ժողովրդին»,-ասել Է Միքդադը, պատասխանելով այն հարցին, թե պետք Է արդյոք մյուս երկրները, նրա կարծիքով, մեծացնեն Սիրիային ցուցաբերվող օգնության ծավալները: Ինչպես նշել Է արաբական հանրապետության դիվանագիտական գերտեսչության ղեկավարը, երկրի տնտեսական վիճակը չդադարող հակամարտության պայմաններում վերջին ժամանակներս Էլ ավելի Է վատթարացել: «Աղքատության աճի մակարդակն աճել Է, ինչպես նաեւ՝ դեղամիջոցների անբավարարությունը: Դեռ ավելին, մեզ նույնիսկ չեն բավականացնում բազային դեղամիջոցները քաղցկեղով հիվանդներին, ինչպես նաեւ ուրիշ հիվանդություններով, այդ թվում՝ կորոնավիրուսով հիվանդ անձանց»,-հայտնել Է Միքդադը: Սիրիայում զինված հակամարտությունը շարունակվում Է 2011 թվականից: 2017 թվականի վերջին Սիրիայում եւ Իրաքում հայտարարվեց «Իսլամական պետություն» ահաբեկչական խմբավորման նկատմամբ հաղթանակի մասին, հաղորդել Է ՌԻԱ Նովոստին:
13:22 - 23 սեպտեմբերի, 2021
Դամասկոսը պահանջել Է անհապաղ դուրս բերել թուրքական զորքերը Սիրիայից |armenpress.am|

Դամասկոսը պահանջել Է անհապաղ դուրս բերել թուրքական զորքերը Սիրիայից |armenpress.am|

armenpress.am: Սիրիայի կառավարությունը համառորեն պնդում Է, որպեսզի Թուրքիան անհապաղ դուրս բերի իր զորքերը հանրապետության հյուսիսային նահանգների տարածքից: Այդ մասին հայտարարել Է երկրի արտաքին գործերի նախարար Ֆեյսալ Միքդադը: Այսպես Է նա արձագանքել վերջերս Իդլիբի նահանգում լարվածության Էսկալացմանը: «Ես կարծում եմ, որ Թուրքիան պետք Է անհապաղ դուրս բերի զորքերը: Միջազգային հանրակցությունը, իր հերթին, պետք Է աջակցի Սիրիայի ջանքերը երկրի հյուսիսում Թուրքիայի կողմից բռնազավթված տարածքների ազատագրման ուղղությամբ»,-ՌԻԱ Նովոստիին ասել Է Միքդադը: Նա հավելել Է, որ այդ Էսկալացիայի հիմնական պատճառը «թուրքական օկուպացիան Է, ինչպես նաեւ այն աջակցությունը, որն Անկարան ցուցաբերում Է ահաբեկչական խմբավորումներին երկրում»: Այս տարվա օգոստոսին Սիրիայի հարցերով ՄԱԿ-ի հատուկ հանձնակատար Հեյր Փեդերսենը հայտնել Էր անվտանգության ոլորտում իրադրության վատթարացման եւ Սիրիայի առանձին շրջաններում զինված հակամարտության սրվելու մասին: Նա այն ժամանակ հատուկ ուշադրություն Էր դարձրել Իդլիբի նահանգի իրադրությանը: Փեդերսենի կարծիքով, այսպիսի ինտենսիվ բախումներ արաբական հանրապետության այս շրջանում չի եղել 2020 թվականի գարնանից ի վեր: Ավելի վաղ ռադիո Sputnik-ը հաղորդել Էր, որ Սիրիայի իշխանությունները վերադարձրել են վերահսկողությունը Դերիա նահանգի նկատմամբ:
11:21 - 23 սեպտեմբերի, 2021
Պուտինն ու Ասադը հանդիպում են ունեցել Մոսկվայում. ՌԴ նախագահն անդրադարձել է Սիրիայի գլխավոր խնդրին և երկրում կայացած ընտրություններին |tert.am|

Պուտինն ու Ասադը հանդիպում են ունեցել Մոսկվայում. ՌԴ նախագահն անդրադարձել է Սիրիայի գլխավոր խնդրին և երկրում կայացած ընտրություններին |tert.am|

tert.am: Ռուսաստանի և Սիրիայի նախագահներ Վլադիմիր Պուտինը և Բաշար ալ-Ասադը հանդիպում են ունեցել Մոսկվայում, ուր Ասադը ժամանել է չհայտարարված այցով: Այս մասին հայտնում է «ՌԻԱ Նովոստի»-ն:ՌԴ նախագահը ողջույնի խոսքում անդրադարձել է Սիրիայում երկրի ղեկավարի ընտրություններին, որոնք, ըստ Պուտինի, անցել են «շատ լավ արդյունքով»: «Արդյունքները խոսում են այն մասին, որ մարդիկ ձեզ վստահում են, և անկախ անցյալ տարիների դժվարություններից և ողբերգություններից՝ այնուամենայնիվ, ձեզ հետ են կապում վերականգնման գործընթացը և վերադարձը բնականոն կյանքի»,- ասել է ՌԴ նախագահը:«Գլխավոր խնդիրը, իմ կարծիքով, նրանում է, որ արտասահմանյան զինված ուժերն առանց ՄԱԿ-ի որոշման, առանց ձեր թույլտվության ներկա են գտնվում երկրի առանձին տարածքներում, ինչն ակնհայտորեն հակասում է միջազգային իրավունքին և ձեզ հնարավորություն չի տալիս ձեռնարկելու առավելագույն ջանքերը և շարժվելու երկրի վերականգնման ուղղությամբ այնպիսի տեմպերով, որոնք հնարավոր կլինեին, եթե ողջ տարածքը վերահսկվեր օրինական կառավարության կողմից»,- ընդգծել է ՌԴ ղեկավարը՝ արձանագրելով, որ Սիրիայում շարունակում են գործունեություն ծավալել գրոհայինները:  Շարունակությունը՝ tert.am-ում
10:42 - 14 սեպտեմբերի, 2021