Լուգանսկի և Դոնեցկի ինքնահռչակ հանրապետություններ

Արցախի ԱԺ խմբակցությունները կոչ են անում ԵԱՀԿ ՄԽ համանախագահ երկրներին և ՄԱԿ-ի անդամ մյուս 190 պետություններին ճանաչել ԼՂ Հանրապետությունը

Արցախի ԱԺ խմբակցությունները կոչ են անում ԵԱՀԿ ՄԽ համանախագահ երկրներին և ՄԱԿ-ի անդամ մյուս 190 պետություններին ճանաչել ԼՂ Հանրապետությունը

Արցախի ԱԺ խմբակցությունները հայտարարությամբ են հանդես եկել ԴԺՀ-ի, ԼԺՀ-ի, Խերսոնի և Զապորոժիեի մարզերի՝ ՌԴ-ին վերամիավորման մասին:   Հայտարարության մեջ ասվում է.   «Նկատի ունենալով Ռուսաստանի Դաշնության կողմից Դոնեցկի Ժողովրդական Հանրապետության և Լուգանսկի Ժողովրդական Հանրապետության անկախության ճանաչումը և դրան հաջորդած 2022 թ. սեպտեմբերի 30-ին վերոհիշյալ երկրամասերի, Խերսոնի և Զապորոժիեի մարզերի վերամիավորումը ՌԴ-ին՝ Արցախի Հանրապետության ԱԺ խմբակցությունները արձանագրում են, որ Լեռնային Ղարաբաղի Հանրապետությունը 1991 թ. իրավական առումով անթերի իրացրել է ինքնորոշման իր իրավունքը՝ միջազգային իրավունքի նորմերին, ժողովրդավարության սկզբունքներին և այդ ժամանակ գործող ԽՍՀՄ օրենսդրությանը համապատասխան:   Միջազգային հանրությունը Ադրբեջանը ճանաչել էր որպես անկախ պետություն ԽՍՀՄ ներքին օրենսդրությամբ որոշված սահմաններում: Ըստ այդ օրենսդրության՝ Ադրբեջանի անկախության ձեռք բերման ժամանակ Լեռնային Ղարաբաղը տվյալ երկրի հետ որևէ առնչություն չուներ, այլապես նա չէր ընդգրկվի ՄԱԿ-ի կազմում, ուստի Ադրբեջանի տարածքային ամբողջականությունը ոչ մի կապ չունի Լեռնային Ղարաբաղի Հանրապետության հետ:   Ընդունելով ՄԱԿ-ի կանոնադրության 1-ին հոդվածում ամրագրված ժողովուրդների իրավահավասարության և ինքնորոշման սկզբունքը և Արդարադատության միջազգային դատարանի 2010 թ. հուլիսի 22-ի վճիռը, ըստ որի միջազգային իրավունքը չի արգելում այնպիսի անկախության հռչակումը, ինչպիսին Կոսովոյում էր, Արցախի ԱԺ խմբակցությունները կոչ են անում ԵԱՀԿ Մինսկի խմբի համանախագահ երկրներին՝ Ռուսաստանի Դաշնությանը, Ամերիկայի Միացյալ Նահանգներին, Ֆրանսիային և ՄԱԿ-ի անդամ մյուս 190 պետություններին ճանաչել Լեռնային Ղարաբաղի Հանրապետությունը, դրանով իսկ ի չիք դարձնելով նրա բնակչության առջև ծառացած գոյաբանական լրջագույն սպառնալիքները»:   Հայտարարությունն արվել է Արցախի «Ազատ Հայրենիք-ՔՄԴ», «Միասնական hայրենիք», «Արդարություն», «Հայ Հեղափոխական Դաշնակցություն», «Արցախի ժողովրդավարական կուսակցություն» խմբակցությունների անունից:  
16:20 - 07 հոկտեմբերի, 2022
Պուտինը ստորագրել է ԴԺՀ-ն, ԼԺՀ-ն, Զապորոժիեն և Խերսոնը Ռուսաստանի կազմ ընդունելու մասին օրենքները
 |tert.am|

Պուտինը ստորագրել է ԴԺՀ-ն, ԼԺՀ-ն, Զապորոժիեն և Խերսոնը Ռուսաստանի կազմ ընդունելու մասին օրենքները |tert.am|

tert.am: ՌԴ նախագահ Վլադիմիր Պուտինը չորս օրենք է ստորագրել ինքնահռչակ Դոնեցկի Ժողովրդական Հանրապետության, Լուգանսկի Ժողովրդական Հանրապետության, ինչպես նաև Ուկրաինայի Զապորոժիեի և Խերսոնի մարզերը Ռուսաստանի կազմ ընդունելու մասին պայմանագրերի վավերացման մասին, գրում է ՏԱՍՍ-ը։ Համապատասխան համաձայնագրերը ստորագրվել են Մոսկվայում սեպտեմբերի 30-ին։ Դաշնության նոր սուբյեկտների սահմանները, ինչպես բխում է պայմանագրերից, կորոշվեն այն սահմաններով, որոնք «գոյություն են ունեցել Ռուսաստանի Դաշնության կազմ դրանց ընդունման  օրը», ասվում է հաղորդագրությունից։ Մինչև նոր շրջանների ղեկավարների ընտրությունը, Ռուսաստանի օրենսդրությանը համապատասխան, նրանք կղեկավարեն ժամանակավոր պաշտոնակատարներ, որոնց կնշանակի ՌԴ նախագահը։ Տարածաշրջանային խորհրդարանների ընտրությունները կանցկացվեն 2023 թվականի սեպտեմբերին: Մինչև 2023 թվականն այդ տարածքներում հնարավոր կլինի վճարել գրիվնայով, սակայն դրանից հետո միայն ռուսական ռուբլին կդառնա այս տարածքների դրամական միավորը։Ենթադրվում է, որ նոր շրջանների զինված ուժերը կներառվեն ՌԴ ԶՈՒ կազմում: Այդ տարածքներում չեն կիրառվի Ռուսաստանի Դաշնության սահմանադրությանը հակասող օրենսդրական նորմերը, այդ թվում՝ մահապատժի մասին։
12:12 - 05 հոկտեմբերի, 2022
Պետդուման հավանություն է տվել Ուկրաինայի չորս օկուպացված շրջանները Ռուսաստանին միացնելուն
 |factor.am|

Պետդուման հավանություն է տվել Ուկրաինայի չորս օկուպացված շրջանները Ռուսաստանին միացնելուն |factor.am|

factor.am: Պետդումայի պատգամավորները կողմ են քվեարկել ինքնահռչակ Դոնեցկի և Լուգանսկի հանրապետությունների, ինչպես նաև Խերսոնի և Զապորոժիեի շրջանների միացմանը, գրում է BBC-ի ռուսական ծառայությունը։ Ընթացակարգի համաձայն՝ Ռուսաստանի խորհրդարանի ստորին պալատը պետք է վավերացնի այդ տարածքների հետ պայմանագրերը և ընդունի սահմանադրական օրենքներ։ Համաձայնագրերը ստորագրվել են Կրեմլում ուրբաթ՝ սեպտեմբերի 30-ին։ Այն, որ ՌԴ նախագահ Վլադիմիր Պուտինը Պետդումա է ներկայացրել Ուկրաինայի Լուգանսկի, Դոնեցկի, Զապորոժիեի և Խերսոնի շրջանների անեքսիայի մասին օրինագծերը, հայտարարվել է նախօրեին։ Երեքշաբթի օրը՝ հոկտեմբերի 4-ին, դրանք պետք է հաստատվեն Դաշնության խորհրդի կողմից։ Ինքնահռչակ ԴԺՀ-ին միանալու օգտին քվեարկել է 413 պատգամավոր, ինքնահռչակ ԼԺՀ-ի միավորման օգտին՝ 412, Զապորոժիեի շրջանի օգտին՝ 409, Խերսոնի շրջանի օգտին՝ 411։ Բոլոր դեպքերում քվեարկությունը եղել է միաձայն։ Մեկնաբանելով թվերի տարբերությունը՝ Պետդումայի խոսնակ Վյաչեսլավ Վոլոդինը պատգամավորներին հորդորել է ավելի զգույշ լինել։ Դրանից հետո Պետդուման սկսել է քննարկել Ուկրաինայի չորս շրջանները Ռուսաստանի Դաշնության կազմում ներառելու վերաբերյալ սահմանադրական օրինագծերը։
16:35 - 03 հոկտեմբերի, 2022
Դա միլիոնավոր մարդկանց կամքն է. Պուտինը հայտնել է, որ համաձայնագրեր կստորագրվեն ՌԴ կազմ 4 նոր տարածքներ ընդունելու վերաբերյալ

Դա միլիոնավոր մարդկանց կամքն է. Պուտինը հայտնել է, որ համաձայնագրեր կստորագրվեն ՌԴ կազմ 4 նոր տարածքներ ընդունելու վերաբերյալ

ՌԴ նախագահ Վլադիմիր Պուտինը Կրեմլի Գեորգիևյան դահլիճում ելույթի ժամանակ հայտարարել է ինքնահռչակ Դոնեցկի և Լուգանսկի Ժողովրդական Հանրապետությունների, ինչպես նաև Խերսոնի և Զապորոժիեի մարզերի՝ ՌԴ կազմ ներառման մասին:Պուտինի խոսքով՝ մարդիկ հանրաքվեներով միանշանակ ընտրություն են կատարել, ըստ այդմ՝ համաձայնագրեր կստորագրվեն Ռուսաստանի Դաշնության կազմ չորս նոր տարածքներ ընդունելու վերաբերյալ:«Դա միլիոնավոր մարդկանց կամքն է»,- ընդգծել է Պուտինը:Նրա խոսքով՝ ԴԺՀ-ի, ԼԺՀ-ի, Զապորոժիեի և Խերսոնի մարզերի բնակիչները հավերժ ՌԴ քաղաքացիներն են դառնում: «Մենք կապահովենք ԴԺՀ-ի, ԼԺՀ-ի, Զապորոժիեի և Խերսոնի մարզերի անվտանգությունը, կօգնենք վերականգնել ենթակառուցվածքները: Ռուսաստանը երբեք չի դավաճանի ԴԺՀ-ի, ԼԺՀ-ի, Զապորոժիեի և Խերսոնի մարզերի բնակիչներին»,- ասել է Պուտինը:Նշենք, որ ԴԺՀ-ի, ԼԺՀ-ի, Խերսոնի և Զապորոժիեի մարզերի ղեկավարները ժամանել են Կրեմլ՝ Ռուսաստանին միանալու մասին համաձայնագրեր ստորագրելու:
16:39 - 30 սեպտեմբերի, 2022
Պուտինը ստորագրել է Խերսոնը և Զապորոժիեն անկախ տարածքներ ճանաչելու մասին հրամանագրերը |tert.am|

Պուտինը ստորագրել է Խերսոնը և Զապորոժիեն անկախ տարածքներ ճանաչելու մասին հրամանագրերը |tert.am|

tert.am: ՌԴ նախագահ Վլադիմիր Պուտինը երկու հրամանագիր է ստորագրել Խերսոնի և Զապորոժիեի մարզերը որպես անկախ տարածքներ ճանաչելու մասին։ Փաստաթղթերում պետության ղեկավարը վկայակոչում է ՄԱԿ-ի կանոնադրությամբ ամրագրված միջազգային իրավունքի համընդհանուր ճանաչված սկզբունքներն ու նորմերը, ժողովուրդների հավասար իրավունքների և ինքնորոշման սկզբունքը, գրում է rg.ru-ն։Հրամանագրերն ուժի մեջ են մտնում ստորագրման օրվանից։Սեպտեմբերի 23-ից 27-ը ինքնահռչակ Դոնեցկի և Լուգանսկի Ժողովրդական Հանրապետություններում, ինչպես նաև Խերսոնի և Զապորոժիեի մարզերում Ռուսաստանին միանալու հարցի շուրջ հանրաքվեներ են անցկացվել։ ԴԺՀ-ում քվեաթերթիկների 100 տոկոսի մշակման արդյունքների համաձայն՝ Ռուսաստանին միանալու օգտին քվեարկել է մարդկանց 99,23 տոկոսը, ԼԺՀ-ում՝ 98,42 տոկոսը, Խերսոնի մարզում՝ 87,05 տոկոսը, Զապորոժիեի մարզում՝ 93,11 տոկոսը։Պուտինը սեպտեմբերի 30-ին Կրեմլում կմասնակցի Ռուսաստանին նոր տարածքների միացման մասին պայմանագրերի ստորագրման արարողությանը:
11:02 - 30 սեպտեմբերի, 2022
Լուգանսկի, Դոնեցկի, Խերսոնի և Զապորոժիեի բնակիչների մեծամասնությունը կողմ է քվեարկել ՌԴ կազմի մեջ մտնելուն

Լուգանսկի, Դոնեցկի, Խերսոնի և Զապորոժիեի բնակիչների մեծամասնությունը կողմ է քվեարկել ՌԴ կազմի մեջ մտնելուն

Քվեաթերթիկների ամբողջական հաշվարկից հետո Զապորոժիեի շրջանի բնակիչների 93,11%-ը, Ինքնահռչակ Լուգանսկի Ժողովրդական Հանրապետության 98,42%%-ը, Ինքնահռչակ Դոնեցկի Ժողովրդական Հանրապետության 99,23%ը ու Խերսոնի մարզի 87,05%-ը կողմ է քվեարկել ՌԴ կազմ մտնելուն։ Այս մասին գրում է ТАСС-ը։ Ընտրատեղամասերի փակվելուց հետո Ինքնահռչակ ԼԺՀ-ի Կենտրոնական ընտրական հանձնաժողովը հայտնել է, որ հանրաքվեին մասնակցությունը, հաշվի առնելով ՌԴ ընտրատեղամասերը, կազմել է 94,15%, ընդհանուր առմամբ, քվեարկությանը մասնակցել է 1 662 607 ընտրող։ Զապորոժիեի շրջանում մասնակցությունը կազմել է 85%, քվեարկությանը մասնակցել է 541 093 մարդ։ Ինքնահռչակ ԴԺՀ-ում հանրաքվեին մասնակցությունը կազմել է 97,51% կամ 2,131,207 մարդ, Խերսոնի շրջանում՝ 78,86%, քվեարկել է 571,001 մարդ։
10:59 - 28 սեպտեմբերի, 2022
Հանրաքվեների դրական ելքի դեպքում՝ ՌԴ-ն Դոնբասը և այլ տարածքները վերադարձնելու Ուկրաինայի փորձերը կդիտարկի որպես հարձակում իր հողերի վրա. Կրեմլ
 |tert.am|

Հանրաքվեների դրական ելքի դեպքում՝ ՌԴ-ն Դոնբասը և այլ տարածքները վերադարձնելու Ուկրաինայի փորձերը կդիտարկի որպես հարձակում իր հողերի վրա. Կրեմլ |tert.am|

tert.am: ՌԴ նախագահի մամուլի քարտուղար Դմիտրի Պեսկովը, անդրադառնալով այսօր Դոնբասում և Ուկրաինայի՝ ներկայում ռուսական զորքի վերահսկողության տակ գտնվող տարածքներում ՌԴ կազմ մտնելու հարցով հանրաքվեների անցկացմանը, ասել է.«Դոնբասը և այլ տարածքները վերադարձնելու Ուկրաինայի փորձերը Ռուսաստանի Դաշնությունը, հանրաքվեների դրական ելքի դեպքում, կդիտարկի որպես հարձակում իր հողերի վրա»:Ինչպես գրում է ՏԱՍՍ գործակալությունը, Պեսկովն ասել է, որ Դոնբասում հանրաքվեների անցկացման անվտանգությունն ապահովված է պատշաճ մակարդակով:«Դոնբասի և այլ ազատագրված տարածքների՝ Ռուսաստանի Դաշնություն մուտքի գործընթացը  արագ տեղի կունենա», - ասել է Պեսկովը:Այսօր՝ սեպտեմբերի 23-ին, ինքնահռչակ Դոնեցկի և Լուգանսկի Ժողովրդական Հանրապետություններում (ԴԺՀ և ԼԺՀ), ինչպես նաև Խերսոնի մարզում և Զապորոժիեի մարզի՝ ներկայում ռուսական զորքի վերահսկողության տակ գտնվող տարածքներում մեկնարկել է Ռուսաստանի Դաշնությանը որպես սուբյեկտներ միանալու հարցով հանրաքվեների քվեարկությունը։ Բոլոր չորս մարզերում այն կանցկացվի մինչև սեպտեմբերի 27-ը ներառյալ։Անհապաղ հանրաքվե անցկացնելու հարցը բարձրացվել է շաբաթվա սկզբին ԴԺՀ-ի և ԼԺՀ-ի հանրային պալատների կողմից: Երկուշաբթի նրանք այս պահանջն ուղղել են հանրապետությունների ղեկավարներին։ Ամսաթվերը նշանակվել են երեքշաբթի, խորհրդարանները միաձայն ընդունել են հանրաքվեների մասին օրենքները, իսկ կենտրոնական ընտրական հանձնաժողովները՝ հաստատել քվեարկության կարգը։Նման քվեարկություն կազմակերպելու պահանջին երեքշաբթի միացել են Զապորոժիեի և Խերսոնի մարզերի բնակիչները։Չորեքշաբթի առավոտյան ՌԴ նախագահ Վլադիմիր Պուտինը հեռուստաուղերձում ասել է, որ Ռուսաստանը կաջակցի Դոնբասի, Զապորոժիեի և Խերսոնի մարզերի բնակիչների՝ իրենց ապագայի վերաբերյալ որոշմանը, որը նրանք կընդունեն հանրաքվեներով։
14:57 - 23 սեպտեմբերի, 2022
Դոնեցկում, Լուգանսկում, Խերսոնում, Զապորոժիեում մեկնարկում են ՌԴ կազմ մտնելու հարցով հանրաքվեները |tert.am|

Դոնեցկում, Լուգանսկում, Խերսոնում, Զապորոժիեում մեկնարկում են ՌԴ կազմ մտնելու հարցով հանրաքվեները |tert.am|

tert.am: Այսօր՝ սեպտեմբերի 23-ին, ինքնահռչակ Դոնեցկի և Լուգանսկի Ժողովրդական Հանրապետություններում (ԴԺՀ և ԼԺՀ), ինչպես նաև Խերսոնի մարզում և Զապորոժիեի մարզի՝ ներկայում ռուսական զորքի վերահսկողության տակ գտնվող տարածքներում կմեկնարկի Ռուսաստանի Դաշնությանը որպես սուբյեկտներ միանալու հարցով հանրաքվեների քվեարկությունը։ Բոլոր չորս մարզերում այն կանցկացվի մինչև սեպտեմբերի 27-ը ներառյալ, գրում է ՏԱՍՍ-ը։Անհապաղ հանրաքվե անցկացնելու հարցը բարձրացվել է շաբաթվա սկզբին ԴԺՀ-ի և ԼԺՀ-ի հանրային պալատների կողմից: Երկուշաբթի նրանք այս պահանջն ուղղել են հանրապետությունների ղեկավարներին։ Ամսաթվերը նշանակվել են երեքշաբթի, խորհրդարանները միաձայն ընդունել են հանրաքվեների մասին օրենքները, իսկ կենտրոնական ընտրական հանձնաժողովները՝ հաստատել քվեարկության կարգը։Նման քվեարկություն կազմակերպելու պահանջին երեքշաբթի միացել են Զապորոժիեի և Խերսոնի մարզերի բնակիչները։
09:58 - 23 սեպտեմբերի, 2022
Ռուսաստանը կաջակցի Դոնբասի, Զապորոժիեի և Խերսոնի շրջանների բնակիչների՝ իրենց ապագայի վերաբերյալ որոշմանը․ Պուտին

Ռուսաստանը կաջակցի Դոնբասի, Զապորոժիեի և Խերսոնի շրջանների բնակիչների՝ իրենց ապագայի վերաբերյալ որոշմանը․ Պուտին

«Իմ ելույթի թեման Դոնբասում տիրող իրավիճակն է և «հատուկ ռազմական գործողության» (Ուկրաինայում պատերազմը ՌԴ-ն այսպես է անվանում- խմբ․) ընթացքը՝ այն ազատագրելու նեոնացիստական ​​ռեժիմից, որը Ուկրաինայում իշխանությունը զավթել էր 2014 թվականին զինված հեղաշրջման արդյունքում»։ Այս մասին հայտարարեց ՌԴ նախագահ Վլադիմիր Պուտինը տեսաուղերձի ժամանակ։ Նա ելույթի սկզբում, մասնավորապես նշեց․ «Ես այսօր դիմում եմ ձեզ՝ մեր երկրի բոլոր քաղաքացիներին, տարբեր սերնդի, տարիքի և ազգության մարդկանց, մեր մեծ հայրենիքի ժողովրդին, բոլոր նրանց, ում միավորում է պատմական մեծ Ռուսաստանը, զինվորներին և սպաներին, կամավորներին, որ այժմ կռվում են առաջնագծում, մարտական ​​դիրքում են, մեր եղբայրներին ու քույրերին՝ Դոնեցկի և Լուգանսկի Ժողովրդական Հանրապետությունների (Ինքնահռչակ ԴԺՀ և ԼԺՀ- խմբ․), Խերսոնի և Զապորոժիեի շրջանների և նեոնացիստական ​​ռեժիմից ազատագրված այլ շրջանների բնակիչներին։ Խոսքը լինելու է Ռուսաստանի ինքնիշխանության, անվտանգության և տարածքային ամբողջականության պաշտպանության համար անհրաժեշտ, հրատապ քայլերի, սեփական ապագան որոշելու մեր հայրենակիցների ցանկության և կամքի սատարման ու արևմտյան էլիտաների մի մասի ագրեսիվ քաղաքականության մասին, որոնք ամբողջ ուժով ձգտում են պահպանել իրենց տիրապետությունը, և դրա համար փորձում են արգելափակել, ճնշել ինքնիշխան զարգացման ցանկացած կենտրոն, որպեսզի շարունակեն կոպտորեն պարտադրել իրենց կամքը այլ երկրներին և ժողովուրդներին, տարածել իրենց պսևդոարժեքները։ Այս Արեւմուտքի նպատակը մեր երկիրը թուլացնելն է, պառակտելն ու վերջիվերջո ոչնչացնելը։ Նրանք արդեն ուղղակիորեն ասում են, որ 1991 թվականին կարողացան պառակտել Խորհրդային Միությունը, իսկ հիմա եկել է հենց Ռուսաստանի ժամանակը, որ այն պետք է բաժանվի միմյանց հետ մահացու թշնամական հարաբերություն ունեցող շրջանների ու նահանգների։ Եվ նման ծրագրեր նրանք վաղուց են սկսել տարածել։ Նրանք խրախուսում էին միջազգային ահաբեկիչների խմբերին Կովկասում, նպաստում ՆԱՏՕ-ի հարձակողական ենթակառուցվածքի տեղակայումը մեր սահմաններին մոտ։ Նրանք իրենց զենքն են դարձրել տոտալ ռուսաֆոբիան՝ այդ թվում տասնամյակներ շարունակ նպատակաուղղված ատելություն սերմանելով Ռուսաստանի նկատմամբ, հատկապես Ուկրաինայում, որին նախապատրաստում էին՝ դարձնելու հակառուսական հենակետ, իսկ ուկրաինացի ժողովրդին վերածեցին թնդանոթի մսի և գցեցին պատերազմի մեջ մեր դեմ՝ անձազերծելով այն՝ այս պատերազմը, դեռ 2014 թվականին՝ օգտագործելով զինված ուժերը խաղաղ բնակչության դեմ, կազմակերպելով ցեղասպանություն, շրջափակում, տեռոր այն մարդկանց դեմ, որոնք հրաժարվեցին ճանաչել Ուկրաինայում հեղաշրջման արդյունքում իշխանության եկածներին։ Եվ այն բանից հետո, երբ Կիևի ներկայիս վարչակարգը փաստացի հրապարակավ հրաժարվեց Դոնբասի խնդրի խաղաղ լուծումից և, ավելին, հայտարարեց միջուկային զենքի մասին իր հավակնությունների մասին, միանգամայն պարզ դարձավ, որ նոր հաջորդ, ինչպես նախկինում երկու անգամ էր տեղի ունեցել, լայնածավալ հարձակումը Դոնբասի ուղղությամբ անխուսափելի է։ Եվ հետո, նույնքան անխուսափելի, հարձակում կլիներ ռուսական Ղրիմի վրա՝ Ռուսաստանի վրա։ Այս առումով կանխարգելիչ ռազմական գործողության մասին որոշումը միանգամայն անհրաժեշտ էր և միակ հնարավորը։ Նրա հիմնական նպատակները՝ Դոնբասի ողջ տարածքի ազատագրումը, եղել և մնում են անփոփոխ։ [Ինքնահռչակ] Լուգանսկի Ժողովրդական Հանրապետությունն արդեն գրեթե ամբողջությամբ մաքրվել է նեոնացիստներից։ [Ինքնահռչակ] Դոնեցկի Ժողովրդական Հանրապետությունում մարտերը շարունակվում են։ Այստեղ ութ տարի շարունակ Կիևի օկուպացիոն ռեժիմը ստեղծել է երկարաժամկետ ամրությունների խոր էշելոնացված գիծ: Նրանց ճակատային հարձակումը կհանգեցներ մեծ կորուստների, ուստի մեր ստորաբաժանումները, ինչպես նաև Դոնբասի հանրապետությունների զորամասերը, գործում են համակարգված, գրագետ, օգտագործում են տեխնիկա, պաշտպանում անձնակազմը և քայլ առ քայլ ազատագրում Դոնեցկի հողը, նեոնացիստներից մաքրում են քաղաքներն ու ավանները, օգնում այն մարդկանց, որոնց Կիևի ռեժիմը դարձրել է պատանդ, կենդանի վահան: Ինչպես գիտեք, հատուկ ռազմական ​​գործողությանը մասնակցում են պայմանագրով ծառայող պրոֆեսիոնալ զինծառայողները։ Նրանց հետ ուս ուսի կռվում են նաև կամավորական ջոկատները՝ տարբեր ազգերի, մասնագիտությունների, տարիքի մարդիկ, որոնք իսկական հայրենասերներ են։ Սրտի կանչով նրանք ելան ի պաշտպանություն Ռուսաստանի և Դոնբասի»։ Այնուհետև Պուտինը ասաց, որ Ռուսաստանը կաջակցի Դոնբասի, Զապորոժիեի և Խերսոնի շրջանների բնակիչների՝ իրենց ապագայի վերաբերյալ որոշմանը։ Նշենք, որ Ինքնահռչակ Դոնեցկի և Լուգանսկի Ժողովրդական Հանրապետությունների իշխանությունները, ինչպես նաև Զապորոժիեի և Խերսոնի շրջանների վարչակազմերը որոշել են հանրաքվեներ անցկացնել որպես Դաշնության սուբյեկտ Ռուսաստանի կազմի մեջ մտնելու վերաբերյալ։ Այս բոլոր տարածքներում քվեարկությունը տեղի կունենա սեպտեմբերի 23-ից 27-ը։
11:38 - 21 սեպտեմբերի, 2022
Ուկրաինան խզում է դիվանագիտական հարաբերությունները Սիրիայի հետ ԴԺՀ և ԼԺՀ ճանաչման պատճառով

Ուկրաինան խզում է դիվանագիտական հարաբերությունները Սիրիայի հետ ԴԺՀ և ԼԺՀ ճանաչման պատճառով

Ուկրաինայի արտգործնախարարությունը հայտարարել է Սիրիայի հետ դիվանագիտական հարաբերությունների խզման մասին՝ ինքնահռչակ ԴԺՀ և ԼԺՀ անկախության ճանաչման պատճառով, հայտնում է ՈւՆԻԱՆ-ը։ Ուկրաինայի ԱԳՆ-ն վճռականորեն դատապարտել է Սիրիայի այս որոշումը։ «Մեր դիրքորոշումը հստակ է․ մենք առավելագույնս կոշտ ենք արձագաքում Ուկրաինայի ինքնիշխանությունն ու տարածքային ամբողջականությունը խաթարելու ցանկացած փորձի և ազգային շահերն ենք պաշտպանում բոլոր հնարավոր միջոցներով, այդ թվում՝դիվանագիտական ճակատում», - ընդգծել է Ուկրաինայի արտգործնախարար Դմիտրի Կուլեբան։ Ուկրաինական կողմը նաև Սիրիայի դեմ առևտրային էմբարգոյի սահմանման գործընթաց է սկսում, պատժամիջոցներ կսահմանվեն նաև սիրիացի իրավաբանական և ֆիզիկական անձանց նկատմամբ։ Սիրիան ԴԺՀ և ԼԺՀ անկախության ճանաչման մասին հայտարարել է երեկ՝ հունիսի 29-ին։ Նորա Վանյան
18:25 - 30 հունիսի, 2022