Միջազգային օլիմպիական կոմիտե

Միջազգային օլիմպիական կոմիտե (ՄՕԿ) օլիմպիական շարժման բարձրագույն ղեկավար օրգան։ Այն տեղծվել է 1894 թվականի հունիսի 20-ին, ֆրանսիացի հասարակական գործիչ Պիեռ դե Կուբերտենի նախաձեռնությամբ։

ՄՕԿ-ը մշտական գործող կազմակերպություն է, որի անդամներն ընտրվում են ազգային օլիմպիական կոմիտեներ ունեցող երկրներից և համարվում ՄՕԿ-ի ներկայացուցիչ՝ իրենց երկրներում։ Յուրաքանչյուր երկրում կարող է լինել ՄՕԿ-ի միայն մեկ անդամ, բացառությամբ խոշոր, օլիմպիական շարժմանը առանձնապես ակտիվ մասնակցություն ունեցող երկրների եւ այն երկրների, որոնցում տեղի են ունեցել օլիմպիական խաղեր։

ՄՕԿ նախագահն այժմ Թոմաս Բախն է:

ՄՕԿ-ը կոչ է արել հետաձգել կամ չեղարկել Ռուսաստանում և Բելառուսում նախատեսված մարզական միջոցառումները

Միջազգային օլիմպիական կոմիտեի (ՄՕԿ) գործադիր խորհուրդը միջազգային ֆեդերացիաներին կոչ է արել հետաձգել կամ չեղարկել Ռուսաստանում և Բելառուսում նախատեսված մարզական միջոցառումները, ասվում է կազմակերպության կայքում։ Այս մասին հայտնում է Ռիա Նովոստին։ «Անհրաժեշտ է հաշվի առնել Ռուսաստանի և Բելառուսի կառավարությունների կողմից օլիմպիական զինադադարի խախտումը և բացարձակ առաջնահերթություն տալ մարզիկների անվտանգությանը: ՄՕԿ-ն ինքը որևէ միջոցառում չի նախատեսում այդ երկրներում»,- ասվում է հայտարարության մեջ:

19:16 - 25 փետրվարի, 2022

Պեկինի ձմեռային օլիմպիական խաղեր. Հայաստանի գեղասահորդները 18-րդն են |armtimes.com|

armtimes.com: Պեկինում անցկացվող 24-րդ ձմեռային Օլիմպիական խաղերում Հայաստանի ներկայացուցիչներ Թինա Կարապետյանն ու Սիմոն Սենեկալը 18-րդ տեղը գրավեցին գեղասահքի պարային զույգերի պայքարում։ Ազատ ծրագրում Հայաստանի պարային զույգը վաստակեց 167.03 միավոր: Կարճ ծրագրում Թինա Կարապետյան ու Սիմոն Սենեկալը 65.87 միավորով 19-րդն էին: Չեմպիոնի տիտղոսը նվաճեցին Ֆրանսիայի ներկայացուցիչներ Գաբրիելա Պապադակիսն ու Գիյոմ Սիզերոնը` երկու մրցումային օրվա արդյունքում վաստակելով 226.98 միավոր, որը համաշխարհային ռեկորդ է: Նախորդ ռեկորդը ևս պատկանում էր նրանց՝ 226.61, որը սահմանել էին Nebelhorn Trophy 2019 մրցաշարում: Արծաթե մեդալները նվաճեցին ռուսաստանցիներ Վիկտորյա Սինիցինան ու Նիկիտա Կացալապովը, բրոնզե մեդալները՝ ամերիկացիներ Մեդիսոն Հաբելն ու Զաքարի Դոնոհյուն։ Ազատ ծրագրին մասնակցելու իրավունք էր ստացել 20 զույգ։ Հիշեցնենք, 16 տարվա դադարից հետո Հայաստանն առաջին անգամ մասնակից ունեցավ գեղասահքի օլիմպիական մրցաշարում:

09:39 - 14 փետրվարի, 2022

Դահուկավազքի 10 կիլոմետրում Կատյա Գալստյանը 74-րդն էր, Անգելինա Մուրադյանը՝ 94-րդը |hetq.am|

hetq.am: Պեկինում ընթացող ձմեռային Օլիմպիական խաղերում այսօր կայացավ կանանց դահուկավազքի 10 կիլոմետր մրցաձևը դասական ոճում, որտեղ Հայաստանն ուներ երկու ներկայացուցիչ՝ 29-ամյա Կատյա Գալստյանն ու 18-ամյա Անգելինա Մուրադյանը։ 10 կիլոմետր դահուկավազքի մրցաձևին մասնակցում էր 98 մարզիկ։ Կատյա Գալստյանն այդ տարածությունը հաղթահարեց 34 րոպե 37․5 վայրկյանում և զբաղեցրեց 74-րդ հորիզոնականը, իսկ Անգելինա Մուրադյանը՝ 39 րոպե 43․4 վրկ արդյունքով գրավեց 94-րդ տեղը։ Անզիջում պայքար ծավալվեց ոսկե մեդալի համար և ի վերջո այն բաժին հասավ նորվեգուհի Թերեզա Յոհաուգին, որը 10 կմ տարածությունն անցավ 28 րոպե 6․3 վայրկյանում։ Նրան ընդամենը 0․4 վայրկյան զիջեց Ֆինլանդիայի ներկայացուցիչ Կերտու Նիսկանենը և դարձավ արծաթե մեդալակիր։ Բրոզնը ևս բաժին հասավ ֆինն մարզուհու՝ Կրիստա Պարմակոսկուն, որը 10 կմ-ն հաղթահարեց 28 րոպե 37․8 վայրկյանում։

12:38 - 10 փետրվարի, 2022

ԱՄՆ-ը վիզային սահմանափակումներ է մտցրել Բելառուսի մի շարք պաշտոնյաների նկատմամբ |azatutyun.am|

azatutyun.am: Երեկ ԱՄՆ Պետքարտուղարությունը վիզային սահմանափակումներ է մտցրել Բելառուսի այն պաշտոնյաների նկատմամբ, ովքեր ներգրավված են իրենց երկրից դուրս այլախոհների նկատմամբ ապօրինի բռնաճնշումների մեջ, մասնավորապես՝ անցած տարի Տոկիոյի ամառային Օլիմպիական խաղերի ժամանակ բելառուսցի մարզուհի Քրիստինա Տիմանովսկայայի բռնի հայրենադարձության: Պետքարտուղար Էնթոնի Բլինքենի հայտարարությունում ասվում է, որ Միացյալ Նահանգներն իր համերաշխությունն է հայտնում Տիմանովսկայային և բոլոր մյուսներին, «ովքեր բախվել են քննադատներին լռեցնելու՝ ռեժիմի փորձերին»։ Պետքարտուղարը վերահաստատել է Միացյալ Նահանգների շարունակական աջակցությունը Բելառուսի ժողովրդին՝ կոչ անելով Ալեքսանդր Լուկաշենկոյի ռեժիմին դադարեցնել բռնաճնշումները, ազատ արձակել քաղբանտարկյալներին, երկխոսել ժողովրդավարական ընդդիմության ու քաղաքացիական հասարակության հետ և անցկացնել ազատ ու արդար ընտրություններ՝ միջազգային վերահսկողության ներքո։

10:45 - 04 փետրվարի, 2022

Մեկնարկում են 24-րդ ձմեռային Օլիմպիական խաղերը․ Հայաստանը կներկայացնի 6 մարզիկ |hetq.am|

hetq.am: Այսօր՝ փետրվարի 4-ին, Չինաստանի մայրաքաղաք Պեկինում մեկնարկում են 24-րդ ձեմռային Օլիմպիական խաղերը։ Բացի Պեկինից որոշ մարզաձևեր կունդունեն նաև Չժանցզյակոու և Յանցին քաղաքները։ Ձմեռային Օլիմպիական խաղերին ներկայացված են 91 երկրների ազգային օլիմպիական կոմիտեներ։ Մասնակից մարզիկների ընդհանուր թիվը գերազանցում է 4000-ը, որոնք պայքարելու են մեդալային 109 հավաքածուների համար 7 սպորտաձևի 15 մրցաձևերում։ Ի դեպ, ռուս մարզիկները երկրորդ անգամ անընդմեջ հնարավորություն չունեն հանդես գալու Ռուսաստանի պետական դրոշի ներքո։ Պատճառը 2016-17 թվականների դոպինգ-սկանդալն է, երբ հայտնի դարձավ, որ 2014-ի Սոչիի Օլիմպիական խաղերում ռուս մի շարք մարզիկներ արգելված խթանիչներ են օգտագործել։ Պեկինի Օլիմպիական խաղերում Հայաստանի կունենա 6 ներկայացուցիչ։ Վաստակած վարկանիշային միավորների շնորհիվ Օլիմպիական խաղերին մասնակցելու իրավունք են ստացել դահուկավազորդներ Միքայել Միքայելյանը, Կատյա Գալստյանը, Անգելինա Մուրադյանը և լեռնադահուկորդ Հարություն Հարությունյանը: Ի տարբերություն նախորդ խաղերի, Պեկինի Օլիմպիական խաղերի ծրագրում ներառվել է 7 նոր մրցաձև։ Որոշումն ընդունվել է 2018 թվականի հուլիսին Միջազգային օլիմպիական կոմիտեի (ՄՕԿ) կողմից։ 7 նոր մրցաձևերն են՝ բոբսլեյի կանանց անհատական մրցույթը, բիգ-էյրի (big air) տղամարդկանց և կանանց մրցույթները «ֆրիսթայլ» ոճում, շորթ-տրեկի (չմշկավազք) խառը էստաֆետը, խառը թիմային մրցույթները ակրոբատիկայի «ֆրիսթայլ» ոճում, դահուկացատկում և սնոուբորդ-կրոսում։ Առավել մանրամասն՝ hetq.am-ում

10:40 - 04 փետրվարի, 2022

Պեկինում ձմեռային օլիմպիական խաղերի շրջանակներում Պուտինը չի նախատեսում շփվել այլ երկրների առաջնորդների հետ |armenpress.am|

armenpress.am: Ռուսաստանի նախագահ Վլադիմիր Պուտինը փետրվարի 4 - ին Պեկինում ձմեռային օլիմպիական խաղերի բացման ժամանակ չի նախատեսում առանձին երկկողմ հանդիպումներ անցկացնել այլ առաջնորդների հետ: Այս մասին ՏԱՍՍ-ին հայտնել է Ռուսաստանի նախագահի մամուլի քարտուղար Դմիտրի Պեսկովը՝ պատասխանելով հարցին, թե արդյոք Կրեմլը այլ պետությունների առաջնորդներից հարցումներ ստացել է բացման արարողության շրջանակներում ՌԴ նախագահի հետ առանձին հանդիպումներ անցկացնելու մասին։ «Մենք արդեն բազմիցս նշել ենք, որ արարողության կազմակերպիչները ստիպված մի շարք խիստ սահմանափակումներ են կիրառում ինչպես մարզիկների, այնպես էլ՝ հյուրերի, այդ թվում ՝ պաշտոնատար անձանց համար: Այնպես որ, հասկանալի պատճառներով Պեկինում Ռուսաստանի նախագահի օրակարգում երկկողմ հանդիպումներ չեն նախատեսվում», - ասել է Պեսկովը: Ճշտող հարցին, թե քննարկվում է արդյոք Վլադիմիր Պուտինի և Ուկրաինայի նախագահ Վոլոդիմիր Զելենսկու շփման հնարավորությունը, ով նույնպես կայցելի խաղերի բացման արարողությանը, Պեսկովը պատասխանել է, որ ներկայումս նման հանդիպում չի նախատեսվել: «Թեև մենք դա ամբողջությամբ բացառել չենք կարող, բայց, կրկնում եմ, որևէ երկկողմ հանդիպում, բացի ՉԺՀ-ի նախագահ Սի Ցզինպինի հետ բանակցություններից, նախագահ Պուտինի օրակարգում չկա», - ընդգծել է նա:

17:03 - 29 հունվարի, 2022

Ձմեռային Օլիմպիական խաղերը չեն հետաձգվի. ՄՕԿ փոխնախագահ |1lurer.am|

1lurer.am: Միջազգային օլիմպիական կոմիտեի (ՄՕԿ) փոխնախագահ, «Պեկին-2022»-ի համակարգող հանձնաժողովի նախագահ Խուան Անտոնիո Սամարանչ կրտսերը բացառել է ձմեռային Օլիմպիական խաղերը կորոնավիրուսի պատճառով հետաձգելու տարբերակը։ Այս մասին հայտնում է ՀԱՕԿ պաշտոնական կայքը: «Մեր պատասխանը ոչ է: Մենք սովորել ենք ճկուն լինել և արագ հարմարվել: Ունենք շատ ուժեղ թիմ, ունենք բոլոր ռեսուրսները, որպեսզի համակարգը կարողանա հաղթահարել կորոնավիրուսի հետ կապված մարտահրավերները, կազմակերիչները պատրաստ են ցանկացած սցենարի: Վստահ ենք, որ խաղերը չեն հետաձգվի և պատրաստ ենք ամեն ինչի: Խաղերը կսկսենք ժամանակին, և մարզահանդեսը չափազանց անվտանգ կլինի կորոնավիրուսի առումով»,- նշել է նա:

09:46 - 09 դեկտեմբերի, 2021

Ավստրալիան միացել է Չինաստանի Օլիմպիական խաղերի դիվանագիտական բոյկոտին, Մեծ Բրիտանիան դեռ մտածում է |1lurer.am|

1lurer.am: Ավստրալիան միացել է Չինաստանի Օլիմպիական խաղերի դիվանագիտական բոյկոտին։ Այս մասին հայտարարել է Ավստրալիայի վարչապետ Սքոթ Մորիսոնը՝ հայտնում է The Sydney Morning Herald-ը։ Նրա խոսքով՝ Ավստրալիայի իշխանության ներկայացուցիչները Պեկին չեն մեկնի, սակայն ավստրալացի մարզիկները ներկա կլինեն միջազգային մրցումներին։ Խաղերը կանցկացվեն 2022 թվականի փետրվարի 4-ից 20-ը։ Ավելի վաղ Սպիտակ տունը հայտնել էր, որ ԱՄՆ ղեկավարությունը չի մեկնի Օլիմպիական խաղերին, բայց ամերիկացի մարզիկներին թույլատրվել է ինքնուրույն որոշումներ կայացնել խաղերին մասնակցելու վերաբերյալ։ Չինաստանի Օլիմպիական խաղերին դիվանագիտական բոյկոտ է հայտարարել նաև Նոր Զելանդիան, իսկ Մեծ Բրիտանիան վերջնական որոշում դեռ չի կայացրել: Այդ մասին չորեքշաբթի հայտնել է Telegraph թերթը՝ վկայակոչելով վարչապետ Բորիս Ջոնսոնի վարչակազմի ներկայացուցիչներին: Ըստ պարբերականի, քննարկվող տարբերակներից մեկը նախարարների և այլ պաշտոնյաների՝ Պեկին մեկնելուց հրաժարվելն է, սակայն երկիրը կարող է պաշտոնապես ներկայացնել Չինաստանում Մեծ Բրիտանիայի դեսպան Քերոլայն Ուիլսոնը։ Օլիմպիական խաղերի դիվանագիտական բոյկոտի հարցում Միջազգային օլիմպիական կոմիտեն (ՄՕԿ) որոշել է քաղաքական չեզոքություն պահպանել։ ՄՕԿ-ը բացատրել է, որ խաղերին պետական պաշտոնյաների և դիվանագետների ներկայությունը կամ բացակայությունը յուրաքանչյուր երկրի ներքին խնդիրն է:

12:11 - 08 դեկտեմբերի, 2021

Պեկինի ձմեռային Օլիմպիական խաղերը չեն չեղարկվի |armenpress.am|

armenpress.am: Միջազգային օլիմպիական կոմիտեն (ՄՕԿ) մտադիր չէ կորոնավիրուսի նոր շտամի պատճառով չեղարկել կամ հետաձգել Պեկինում 2022թ. կայանալիք ձմեռային Օլիմպիական խաղերը: Այս մասին գրում է ՀԱՕԿ-ը: «Մենք հիմնվում ենք միջազգային մարզական միջոցառումների անցկացման հաջող փորձի,ներառյալ ՝ Տոկիոյի խաղերը և Չինաստանում ներկայումս գործող COVID-19-ի զսպմանքաղաքականության վրա», - ասվում է ՄՕԿ-ի տարածած հաղորդագրությունում: Նշվում է նաև , որ Պեկինի Oլիմպիական խաղերի ժամանակ վիրուսի տարածմանը հակազդելուծրագրի բոլոր կետերը կենսականորեն կարևոր են և խաղերը անվտանգ դարձնելուհամար։ Սահմանված կանոնագրքի առաջին հրատարակությունը արդեն ներկայացվել է, իսկերկրորդը կթողարկվի առաջիկայում: ՄՕԿ-ը նաև ասել է, որ բոլոր միջոցառումները, անհրաժեշտության դեպքում, կարող ենհարմարեցվել՝ հաշվի առնելով ցանկացած կոնկրետ հանգամանք։ Ըստ կանոնադրության խաղերի անվտանգ անցկացումն ապահովելու համար հունվարի 23-ից կներդրվի փակ օղակի կառավարման համակարգ:

21:51 - 01 դեկտեմբերի, 2021

Տոկիոյում մարեց 32-րդ ամառային Օլիմպիական խաղերի կրակը |armenpress.am|

armenpress.am: Տոկիոյում ավարտվել են 32-րդ ամառային Օլիմպիական խաղերը: Փակման արարողությունըսկսվել է պատվիրակությունների մուտքով, որտեղ Հայաստանի դրոշակակիրը Օլիմպիական խաղերի բրոնզե մեդալակիր, բռնցքամարտիկ Հովհաննես Բաչկովն էր: Տոկիո-2020-ի փակման արարողությունը լի է եղել երաժշտական դադարներով և փոքրիկ ներկայացումներով: Փակման արարողություն ընթացքում պարգևատրվել են Մարաթոնյան վազքի կանանց և տղամարդկանց մրցաշարի գաղթողները: Պարգևատրությունը կատարել են Միջազգային օլիմպիական կոմիտեի նախագահ Թոմաս Բախը և այլոք: Մարաթոնյան վազքում հաղթողները Քենիայի ներկայացուցիչներն են եղել: Հատուկ տեսանյութով ներկայացվել էխաղերի կամավորների աշխատանքը, որոնց մեծամասնությունը հենց Ճապոնիայից էին. այլ երկրներից կամավորները քիչ էին՝ պայմանավորված կորոնավիրուսի պանդեմիայով: Փակման պաշտոնական արարողության եզրափակիչ մասում Տոկիոյի քաղաքապետը Օլիմպիական խաղերի դրոշը փոխանցել է Փարիզի քաղաքապետ Անն Հիդալգոյին՝ հաջորդ խաղերը հյուրընկալող քաղաքի ղեկավարին: «Տոկիոյի Օլիմպիական խաղերը հույսի և խաղաղության խաղերն էին: Շնորհակալություն Տոկիո, շնորհակալություն Ճապոնիա: Առանձնակի շնորհակալություն կամավորներին»,- ասել է ՄՕԿ-ի նախագահ Թոմաս Բախը: Փակման արարողությունը եզրափակվել է կրակի մարման արարողությամբ: Հայաստանը 32-րդ ամառային Օլիմպիական խաղերում նվաճել է 4 մեդալ: Ծանրորդ Սիմոն Մարտիրոսյանը և հունահռոմեական ոճի ըմբիշ Արթուր Ալեքսանյանը նվաճել են արծաթե, իսկ մարմնամարզիկ Արթուր Դավթյանն ու բռնցքամարտիկ Հովհաննես Բաչկովը՝ բրոնզե մեդալներ, և դրանով զբաղեցրել 47-րդ տեղն ընդհանուր մեդալային հաշվարկում։

17:45 - 08 օգոստոսի, 2021

Տոկիո-2020. Հայաստանը 47-րդն է ընդհանուր մեդալային հաշվարկում |armenpress.am|

armenpress.am: Հայաստանն ընդհանուր մեդալային հաշվարկի 47-րդ տեղով եզրափակեց Տոկիոյի 32-րդ ամառային Օլիմպիական խաղերը. մեր երկրի հավաքականը, որ ներկայացված էր 17 մարզիկով՝ նվաճեց 2 արծաթե և 2 բրոնզե մեդալ։ Տոկիո-2020-ի պաշտոնական կայքի տեղեկացմամբ՝ 1-ին տեղում ԱՄՆ-ի հավաքականն է, որին գրեթե վերջին պահին հաջողվել շրջանցել Չինաստանին. ԱՄՆ-ն նվաճել է 39 ոսկե, 41 արծաթե, 33 բրոնզե մեդալ, ընդհանուր՝ 113 մեդալ, Չինաստանի ցուցանիշն է՝ 38 ոսկե,, 32 արծաթե, 18 բրոնզե մեդալ (ընդհանուր՝ 88 մեդալ։ Ռուսաստանը նվաճել է 71 մեդալ, որից 20-ը՝ ոսկե, 28-ն՝ արծաթե և 23-ը՝ բրոնզե։ Չորրորդը դարձած Մեծ Բրիտանիայի հավաքականի 65 մեդալներից 22-ն ունեն ոսկե, 21-ն՝ արծաթե և 22-ը՝ բրոնզե փայլ, իսկ Օլիմպիական խաղերն ընդունած երկրի ներկայացուցիչները նվաճել են 58 մեդալ, որից 27-ը՝ ոսկե, 14-ն՝ արծաթե և 17-ը՝ բրոնզե։ Հայաստանին հարևան երկրներից Տոկիո-2020-ի ընդհանուր մեդալային հաշվարկում Թուրքիան 13-րդն է՝ 13 մեդալ, որից 2-ը՝ ոսկե, Վրաստանը 29-րդն է, նվաճել է 8 մեդալ (2), Իրանի և Ադրբեջանի հավաքականներն ընդհանուր մեդալային հաշվարկում զբաղեցրել են նույն 33-րդ տեղը, սակայն Իրանն ունի 2 ոսկե մեդալ, իսկ Ադրբեջանը չունի։ Տոկիոյի Օլիմպիադայի ծրագրում ընդգրկված էր 33 մարզաձև, որոնք միավորում էին 50 մրցաձև։ Խաղերում խաղարկվել է մեդալների 339 հավաքածու (33-ով ավելի, քան 2016-ի Ռիո դե Ժանեյրոյում ամառային Օլիմպիական խաղերում):

15:24 - 08 օգոստոսի, 2021

Տոկիո-2020. Ուրախ և տխուր եմ օլիմպիական այս առաջին մեդալի համար. Հովհաննես Բաչկով |armenpress.am|

armenpress.am: Տոկիոյում կայացել է Օլիմպիական խաղերի բռնցքամարտի 63 կգ քաշային կարգի պարգևատրության արարողությունը, որի ժամանակ իր նվաճած բրոնզե մեդալն է ստացել Հայաստանի բռնցքամարտի հավաքականի Հովհաննես Բաչկովը։ Հովհաննես Բաչկովն արարաողությունից հետո լրագրողների հետ զրույցում, մասնավորապես, ասել է . «Ինձ համար մեծ պատիվ է Հայաստանի համար բրոնզե մեդալ նվաճելը: Սպասում էի ավելիին, բայց էլի, փառք Աստծո, որ կարողացանք այս մեդալը նվաճել: Ուրախ և տխուր եմ օլիմպիական այս առաջին մեդալի համար: Շատերը կմտածեն, թե ինչու եմ տխուր բրոնզե մեդալի համար, սակայն, երբ դու քո քաշում ֆավորիտ ես, մի քիչ տխրում ես նման մեդալի համար»: Բաչկովը շեշտել է, որ ամեն մի մեդալի հետևում հսկայական աշխատանք կա: «Եթե հնարավոր լինի պրոֆեսիոնալ և սիրողական բռնցքամարտը համատեղել, ապա գուցե հաջորդ խաղերին էլ մասնակցեմ»,-շեշտել է նա: Հայաստանի բռնցքամարտի հավաքականի առաջատար Հովհաննես Բաչկովը, որ արդեն իսկ ապահովել էր օլիմպիական բրոնզե մեդալը, կիսաեզրափակիչում մրցեց աշխարհի առաջնության փոխչեմպիոն, Պանամերիկյան խաղերի արծաթե մեդալակիր Դեյվիս Քեյշոուի հետ: Տոկիոյի Կոկգիկան արենայում կայացած կիսաեզրափակիչ մենամարտում Բաչկովը զիջեց և դարձավ բրոնզե մեդալակիր:

11:55 - 08 օգոստոսի, 2021

Հովհաննես Բակչովը՝ բրոնզե մեդալակիր |armlur.am|

armlur.am: Բռնցքամարտիկ Հովհաննես Բաչկովը (63 կգ) դարձել է 32-րդ ամառային Օլիմպիական խաղերի բրոնզե մեդալակիր: Տոկիոյում ընթացող խաղերի կիսաեզրափակչում Բաչկովը պարտվել է ամերիկացի Քեյշոն Դևիսին՝ այդպիսով արժանանալով բրոնզե մեդալի: Սա Տոկիո-2020-ում Հայաստանի 4-րդ մեդալն է. ավելի վաղ ծանրորդ Սիմոն Մարտիրոսյանը (109 կգ) և հունահռոմեական ոճի ըմբիշ Արթուր Ալեքսանյանը (97 կգ) դարձել են արծաթե մեդալակիր, մարմնամարզիկ Արթուր Դավթյանը՝ բրոնզե:

10:17 - 06 օգոստոսի, 2021

Տոկիո-2020. ըմբիշ Վազգեն Թևանյանը պարտվեց մեկնարկային գոտեմարտում |armenpress.am|

armenpress.am: Տոկիոյի օլիմպիական Մակուհարկի Մես Արենայում շարունակվում է օլիմպիական ըմբշամարտի մրցաշարը: Հայաստանը ներկայացնող ըմբիշներից վերջինը պայքարի մեջ մտավ 65 կգ քաշային Վազգեն Թևանյանը: Առաջին գոտեմարտում Թևանյանի մրցակիցը Ռուսաստանի օլիմպիական կոմիտեի թիմի ներկայացուցիչ Գաջիմուրադ Ռաշիդովն էր: Ռաշիդովն աշխարհի չեմպիոն է, Եվրոպայի առաջնության կրկնակի ոսկե մեդալակիր: Թևանյանը պարտվեց մեկնարկում` 6:0 հաշվով: Հայ ըմբիշը կպայքարի բրոնզի համար, եթե Ռաշիդովը դուրս գա եզրափակիչ: Ավելի ուշ` Հայաստանի ներկայացուցիչներից բռնցքամարտիկ Հովհաննես Բաչկովը պայքարի մեջ կմտնի Երևանի ժամանակով ժամը 09:30-ին: Նրա մրցակիցն ԱՄՆ-ից Դեյվիդ Քեյշուն է: Վերջինս աշխարհի առաջնության փոխչեմպիոն է, Պանամերիկյան խաղերի արծաթե մեդալակիր: Բաչկովը մինչ այս հաղթել է երեք մենամարտում` առավելության հասնելով Անտիգուա և Բարբուդայի, Ադրբեջանի և Ուզբեկստանի ներկայացուցիչների նկատմամբ: Հայաստանը 32-րդ ամառային Օլիմպիական խաղերում նվաճել է երեք մեդալ: Ծանրորդ Սիմոն Մարտիրոսյանը և հունահռոմեական ոճի ըմբիշ Արթուր Ալեքսանյանը նվաճել են արծաթե, իսկ մարմնամարզիկ Արթուր Դավթյանը՝ բրոնզե մեդալ: Տոկիոյի ամառային Օլիմպիական խաղերը կավարտվեն օգոստոսի 8-ին:

09:17 - 06 օգոստոսի, 2021

Օլիմպիական խաղերի ժամանակ ավելի քան 300 մարդ է վարակվել կորոնավիրուսով |factor.am|

factor.am: Տոկիոյում անցկացվող 2020 թվականի ամառային օլիմպիական խաղերի ժամանակ գրանցվել է կորոնավիրուսով վարակման ամենաբարձր օրական ցուցանիշը․ մեկ օրվա ընթացքում խաղերում ներգրավված 29 մարդ է վարակվել: Այս մասին ասված է այսօր՝ օգոստոսի 4-ին Տոկիո 2020-ի կազմկոմիտեի հրապարակած զեկույցում, հաղորդում է DW-ի ռուսական ծառայությունը։ Վարակվածների թվում չորս մարզիկ կա: Մրցույթին մասնակցած անձանց շրջանում կորոնավիրուսով վարակման դեպքերի ընդհանուր թիվը, այսպիսով, հասել է 322-ի: Ճապոնիայի մայրաքաղաքում համաճարակաբանական իրավիճակի վատթարացման պատճառով արտակարգ ռեժիմը երկարաձգվել է մինչև օգոստոսի 31 -ը: Այն ենթադրում է, մասնավորապես, սննդի օբյեկտներում ալկոհոլի վաճառքի արգելք և հանրային միջոցառումներին հանդիսատեսի մուտքի սահմանափակում:

22:58 - 04 օգոստոսի, 2021

Պետք է Ռուսաստանից լինել հաղթելու համար․ Արթուր Ալեքսանյանը հեգնել է մրցավարությունը |lragir.am|

lragir.am: Տոկիոյում ընթացող օլիմպիական խաղերի փոխչեմպիոն, ըմբիշ Արթուր Ալեքսանյանը ռուսական Матч ТВ հեռուստաընկերության լրագրողի հարցին ի պատասխան մեկնաբանել է եզրափակիչ գոտեմարտը Ռուսաստանի ներկայացուցիչ Մուսա Եվլոևի հետ։ «Պետք է Ռուսաստանից լինել հաղթելու համար», – ասել է Ալեքսանյանը։ Տեղեկացնենք, որ հայ ըմբիշը հրաժարվել է պարգևատրման արարողության ժամանակ արծաթե մեդալը կախել վզից։ Ալեքսանյանը դժգոհ է գոտեմարտի մրցավարների կայացրած որոշումներից։

18:14 - 03 օգոստոսի, 2021