Հայաստանի ֆուտբոլի ազգային հավաքական

Ֆուտբոլային երկրպագուների մասնակցությամբ միջադեպի առնչությամբ 9 անձի նկատմամբ հարուցվել է քրեական հետապնդում |armenpress.am|

armenpress.am: Հայաստանի ֆուտբոլի Պրեմիեր Լիգայի 21-րդ տուրի շրջանակներում մարտի 1-ին կայացած «Փյունիկ»-«Արարատ-Արմենիա» հանդիպումից առաջ երկրպագուների մասնակցությամբ տեղի ունեցած միջադեպի առնչությամբ 9 անձի նկատմամբ հարուցվել է հանրային քրեական հետապնդում: «Արմենպրես»-ի հետ զրույցում այս մասին ասաց Քննչական կոմիտեի նախագահի մամուլի քարտուղար Կիմա Ավդալյանը։ Միջադեպի կապակցությամբ 9 անձի նկատմամբ հարուցվել է հանրային քրեական հետապնդում՝ Քրեական օրենսգրքի 297-րդ հոդվածի 2-րդ մասի 1-ին կետով: Վերջիններիս նկատմամբ որպես խափանման միջոց ընտրվել է բացակայելու արգելքը: Ավելի վաղ հայտնի էր դարձել, որ երկրպագուները ազատ են արձակվել: Հայաստանի ֆուտբոլի ֆեդերացիան (ՀՖՖ) ավելի վաղ դատապարտել էր երկրպագուների նման պահվածքը՝ ընդգծելով, որ նման միջադեպերի կրկնվելու դեպքում իրավապահ մարմինների հետ համատեղ ձեռնարկվելու են բոլոր անհրաժեշտ միջոցառումները՝ հանդիպումների բնականոն ընթացքն ապահովելու համար։

11:02 - 04 մարտի, 2025

Հայաստանի ֆուտբոլի կանանց թիմը երկրորդ անընդմեջ հաղթանակը տոնեց Ազգերի լիգայում |armenpress.am|

armenpress.am: Հայաստանի ֆուտբոլի կանանց հավաքականը երկրորդ հաղթանակը տոնեց Ազգերի լիգայի ընտրական փուլում: Ազգերի լիգայի ընտրական փուլի երկրորդ խաղում Հայաստանի հավաքականը Արմավիրի Հակոբ Տոնոյանի անվան «Քաղաքային» մարզադաշտում մրցեց Ղազախստանի հավաքականի հետ և երկու գնդակ ուղարկեց մրցակցի դարպասը` սեփականը պահելով անառիկ: Առաջին խաղակեսի 15-րդ րոպեին Հայաստանի հավաքականի կազմում աչքի ընկավ Սվետլանա Ղարագյոզյանը: Թիմերն ընդմիջման գնացին 1:0 hաշվի պայմաններում: Երկրորդ խաղակեսի 56-րդ րոպեին Օքսանա Պիզլովան, դիպուկ իրացնելով 11-մետրանոց հարվածը, կրկնապատկեց Հայաստանի հավաքականի առավելությունը: Հայաստանի կանանց ընտրանին հաջորդ հանդիպումը կանցկանցի ապրիլի 4-ին` հյուրընկալելով Լյուքսեմբուրգին:

17:00 - 25 փետրվարի, 2025

Հայաստանի կանանց ֆուտբոլի ընտրանին հաղթանակով մեկնարկեց Ազգերի լիգայում |armenpress.am|

armenpress.am: Հայաստանի ֆուտբոլի կանանց ազգային հավաքականը մեկնարկեց Կանանց Ազգերի լիգայի 2025 թվականի խաղարկությունում: Արմավիրի Հակոբ Տոնոյանի անվան «Քաղաքային» մարզադաշտում Հայաստանի կանանց ընտրանին հյուրընկալեց Լիխտենշտեյնին: Առաջին կեսում Հայաստանի հավաքականը կարողացավ երեք անգամ գրավել մրցակցի դարպասը. աչքի ընկան Մարալ Արթինը, Օքսաննա Պիզլովան ու Լարա Կազանչյանը: Երկրորդ կեսում Հայաստանի ընտրանին ևս 3 գնդակ ուղարկեց մրցակցի դարպասը` սեփականն ընդունելով միայն մեկը: Դուբլ ձևակերպեց Լարա Կազանչյանը, մեկ գոլ էլ խփեց Աննա Դալլաքյանը: Հայաստան-Լիխտենշտեյն` 6:1: Հաջորդ հանդիպումը կանանց ընտրանին կանցկացնի փետրվարի 25-ին` հյուրընկալելով Ղազախստանի հավաքականին:

16:56 - 21 փետրվարի, 2025

Ջոն վան’տ Սխիպը՝ Հայաստանի ազգային հավաքականի գլխավոր մարզիչ

«Այաքսի» և Հունաստանի ազգային հավաքականի նախկին գլխավոր մարզիչը կգլխավորի Հայաստանի ազգային հավաքականը: Այս մասին հայտնում են Հայաստանի ֆուլտբոլի ֆեդերացիայից։ 61-ամյա նիդերլանդացի մարզիչ Ջոն վան’տ Սխիպը կգլխավորի Հայաստանի ազգային հավաքականը: Նրա օգնականի պարտականությունները կկատարի Նիդերլանդների հավաքականի նախկին ֆուտբոլիստ Արոն Վինտերը: ՀՖՖ նախագահ Արմեն Մելիքբեկյանն այսօր ներկայացրել է Ջոն վան’տ Սխիպին ՀՖՖ Գործադիր կոմիտեի անդամներին: ՀՖՖ Գործկոմը հաստատել է վան’տ Սխիպի թեկնածությունը Հայաստանի Ազգային հավաքականի գլխավոր մարզչի պաշտոնում: Մարզիչը կանցնի իր պարտականությունների կատարմանը 2025 թ. մարտի 1-ից: Պայմանագիրը նախատեսված է 1+1 ձևաչափով: Ջոն վան’տ Սխիպը ծնվել է 1963 թվականի դեկտեմբերի 30-ին:Ֆուտբոլիստի կարիերանՆիդերլանդների հավաքական - 41 խաղ, 2 գոլ1981-1992 Այաքս (Նիդերլանդներ) - 273 խաղ, 29 գոլ1992-1996 Ջենոա (Իտալիա) – 107 խաղ, 11 գոլ Որպես ֆուտբոլիստ՝ Նիդերլանդների հավաքականի կազմում դարձել է Եվրոպայի 1988 թ. չեմպիոն, «Այաքսի» կազմում 4 անգամ (1981-1982, 1982-1983, 1984-1985, 1989-1990) նվաճել է Նիդերլանդների չեմպիոնի տիտղոսը, ևս 3 անգամ՝ Նիդերլանդների գավաթը (1982-1983, 1985-1986, 1986-1987), ՈՒԵՖԱ-ի Գավաթակիրների Գավաթի (1986-1987) և ՈՒԵՖԱ-ի գավաթի (1991-1992) հաղթող է: Որպես մարզիչ՝ գլխավորել է «Այաքսը» և Հունաստանի հավաքականը, եղել է Նիդերլանդների ազգային հավաքականի գլխավոր մարզիչ Մարկո Վան Բաստենի օգնականը: Ավստրալական «Մելբուռն Սիթին» նրա գլխավորությամբ 2016 թ. նվաճել է Ավստրալիայի գավաթը:Մարզչական կարիերան1997-2000 «Այաքս» (եր)2000-2001 «Այաքս» - Գլխավոր մարզչի օգնական2001–2002 «Տվենտե»2002–2004 «Յոնգ Այաքս»2004-2008 Նիդերլանդների ազգային հավաքական (գլխավոր մարզչի օգնական)2008-2010 «Այաքս» - Գլխավոր մարզչի օգնական2009 «Այաքս» - Գլխավոր մարզչի ժամանակավոր պաշտոնակատար2010–2012 «Մելբուռն Հարթ»2012–2013 «Գվադալահարա»2013- 2017 «Մելբուռն Սիթի»2017–2018 «Ցվոլե»2019–2021 Հունաստան2023–2024 «Այաքս»

16:05 - 17 փետրվարի, 2025

FAF-ի եւ Red Eagles-ի միասնական երթ են իրականացնում՝ ազգային հավաքականի աջակցության և ՀՖՖ-ի ղեկավարության հրաժարականի պահանջով |sport.news.am|

sport.news.am: Ֆուտբոլի Հայաստանի ազգային հավաքականի երկրպագուների Red Eagles եւ FAF շարժումները Ազգերի լիգայի 5-րդ տուրի Հայաստան - Ֆարերյան կղզիներ հանդիպումից առաջ անցկացնում են միասնական երթ՝ ազգային հավաքականի աջակցության և ՀՖՖ-ի ղեկավարության հրաժարականի պահանջով։ Այն մեկնարկել է Սախարովի հրապարակում եւ կավարտվի Վազգեն Սարգսյանի անվան «Հանրապետական» ստադիոնում: Հայաստան - Ֆարերյան կղզիներ հանդիպումը տեղի կունենա նոյեմբերի 14-ին եւ կմեկնարկի 21:00-ին։

20:19 - 14 նոյեմբերի, 2024

Հայաստանի ֆուտբոլի հավաքականը 4։1 հաշվով հաղթեց Լատվիայի հավաքականին

ՈւԵՖԱ Ազգերի լիգայի խաղարկության մեկնարկային տուրում Հայաստանի ազգային հավաքականն այսօր Երևանում ընդունել է Լատվիային։Հայաստան-Լատվիա խաղում Հայաստանի հավաքականը 4։1 հաշվով հաղթեց Լատվիայի հավաքականին:

21:55 - 07 սեպտեմբերի, 2024

Հայաստանի ֆուտբոլի ազգային թիմը Երևանում զիջեց Կոսովոյին |armenpress.am|

armenpress.am: Հայաստանի ֆուտբոլի ազգային թիմը 2024 թվականի առաջին և պատմության 250-րդ խաղում ընկերական հանդիպման շրջանակներում Երևանում հյուրընկալեց Կոսովոյին: Վազգեն Սարգսյանի անվան Հանրապետական մարզադաշտում կայացած խաղի մեկնարկային րոպեներին հավասար պայքար էր ծավալվել, սակայն ժամանակի ընթացքում Կոսովոն սկսեց առավել շատ տիրել գնդակին: Եվ խաղային իրավիճակներից մեկում` պաշտպանների սխալից հետո, Հայաստանի հավաքականի դարպասը գրավեց Միլոտ Ռաշիցան (24-րդ րոպե): Հայաստանի ֆուտբոլի ազգային թիմին առաջին կեսում այդպես էլ չհաջողվեց հետ բերել կորցրածը: Թիմերն ընդմիջման գնացին Կոսովոյի նվազագույն առավելությամբ: Երկրորդ կեսի մեկնարկում Հայաստանի հավաքականն առավել ակտիվ էր: Բայց ավելի վտանգավոր էին Կոսովոյի ընտրանու գրոհները: Գնդակին հիմնականում տիրում է Հայաստանի ընտրանին, սակայն գրոհների եզրափակումն անհաջող էր ստացվում: Հայաստան-Կոսովո` 0:1:

22:12 - 22 մարտի, 2024

ՈՒելսի 16 երկրպագուներ ձերբակալվել, ապա ազատ են արձակվել, 16-ը՝ խուլիգանություն կատարելու հիմքով ձերբակալվել և ներկայացվել են քննչական․ ՆԳՆ ոստիկանություն |azatutyun.am|

azatutyun.am: 16 օտարերկրացի խուլիգանություն կատարելու հիմքով ձերբակալվել և համապատասխան փաստաթղթերով ներկայացվել են քննչական։ Այս մասին փոխանցել են Ոստիկանությունից։ Ոստիկանությունից նաև տեղեկացնում են, որ ևս «16-ը հասարակական վայրում ոգելից խմիչքի ազդեցության տակ երևալու հիմքով ձերբակալվել, բերվել են բաժին և ազատ են արձակվել»։ Հիշեցնենք, որ ավելի վաղ BBC-ն գրել էր, որ Հայաստան-Ուելս հանդիպմանը ներկա լինելու համար Հայաստան եկած Ուելսի հավաքականի 30-ից ավելի ֆուտբոլասերներ ձերբակալվել են։

23:03 - 18 նոյեմբերի, 2023