Հնդկաստան

Հայաստանը մանրակրկիտ կուսումնասիրի MR-SAM-ի և Akash-NG համակարգերի հնարավորությունները, որից հետո որոշում կկայացնի․ Indian Defense Research Wing
 |armenpress.am|

Հայաստանը մանրակրկիտ կուսումնասիրի MR-SAM-ի և Akash-NG համակարգերի հնարավորությունները, որից հետո որոշում կկայացնի․ Indian Defense Research Wing |armenpress.am|

armenpress.am: Հայաստանն ընդլայնում է պաշտպանական գնումների իր ռազմավարությունը՝ ձգտելով Հնդկաստանից ձեռքբերել ռազմական արտադրանքի ավելի լայն տեսականի, այդ թվում՝ ժամանակակից ռազմական անօդաչու թռչող սարքեր և միջին հեռահարության «երկիր-օդ» դասի հրթիռներ: Այս մասին հայտնում է «Indian Defense Research Wing» պորտալը։ Նշվում է, որ Հայաստանն արդեն ձեռք է բերել Akash 1S հակաօդային պաշտպանության համակարգը և քննարկում է հնդկա-իսրայելական արտադրության MR-SAM միջին հեռահարության հրթիռների և Akash-NG միջին հեռահարության հակաօդային պաշտպանության համակարգերի ձեռքբերման հնարավորությունը։ «Չնայած Հնդկաստանը դեռ չի սկսել Akash 1S համակարգի մատակարարումը Հայաստան, ակնկալվում է, որ այդ մատակարարումները կսկսվեն հաջորդ տարի:  Akash 1S-ը հակաօդային պաշտպանության ժամանակակից համակարգ է, որն ունակ է խոցել ինքնաթիռները մինչև 30 կմ հեռավորության վրա՝ ապահովելով հուսալի պաշտպանություն օդային սպառնալիքներից: Բացի Akash 1S-ից, Հայաստանը հետաքրքրություն է ցուցաբերել հակահրթիռային պաշտպանության երկու այլ համակարգերի նկատմամբ։ MR-SAM-ը, որը մշակվել է Հնդկաստանի և Իսրայելի միջև համագործակցության արդյունքում, արդեն արտադրության մեջ է և հաստատվել է որպես արդյունավետ սարք:  Եվ Akash-NG-ը՝ Akash հրթիռի կատարելագործված տարբերակը, դեռ պատվերներ է սպասում հնդկական բանակից և ռազմաօդային ուժերից, ինչը կարող է հետաձգել նրա մուտքը 2-3 տարի»,-նշում է «IDRW» պորտալը։ Ըստ «IDRW»-ի աղբյուրների՝Akash 1S-ի մատակարարումները սկսելուց հետո Հայաստանը նախատեսում է իրականացնել MR-SAM-ի և Akash-NG համակարգի մանրակրկիտ տեխնիկական գնահատումներ՝ համոզվելու համար, որ այն համապատասխանում է իրենց պաշտպանական պահանջներին:  «Այս գնահատումների հիման վրա որոշում կկայացվի MR-SAM-ի և Akash-NG-ի միջև»,-նշում է «IDRW» պորտալը։
Այսօր 16:21
Գևորգ Պապոյանն ու Հնդկաստանի դեսպանը քննարկել են մի շարք ոլորտներում համագործակցության ընդլայնմանը վերաբերող հարցեր

Գևորգ Պապոյանն ու Հնդկաստանի դեսպանը քննարկել են մի շարք ոլորտներում համագործակցության ընդլայնմանը վերաբերող հարցեր

Հայաստանի էկոնոմիկայի նախարար Գևորգ Պապոյանը հունիսի 7-ին ընդունել է Հայաստանում Հնդկաստանի արտակարգ և լիազոր դեսպան Նիլակշի Սահա Սինհային: Այս մասին հաղորդագրություն է տարածել ՀՀ էկոնոմիկայի նախարարությունը։ Զրուցակիցները քննարկել են հայ-հնդկական առևտրատնտեսական հարաբերությունների զարգացմանը, գյուղատնտեսության և արդյունաբերության ոլորտներում համագործակցության ընդլայնմանը վերաբերող հարցեր։ Նախարարն առաջարկել է դիտարկել Հայաստանում պղնձաձուլարանի կառուցման տարբերակը՝ օգտագործելով Հնդկաստանի առաջադեմ տեխնոլոգիաները։  Գևորգ Պապոյանը նաև հնարավոր է համարել համագործակցության խորացումը ոսկերչության ոլորտում և Հնդկաստանի ոսկերչական ցուցահանդեսներում Հայաստանի ներկայացումը ազգային տաղավարով։ Ընդգծելով, որ Հայաստանի կառավարությունը կարևորում է քիմիական և մետալուրգիական արդյունաբերությունը՝ նախարարը հրավիրել է հնդկական ընկերություններին հայկական կողմի հետ համագործակցել «Կանաչ քիմիա» նախագծերի շրջանակում: Երկուստեք կարևորվել է միջազգային և մասնագիտացված ցուցահանդեսների ու գործարար համաժողովների կազմակերպումը՝ երկու երկրների գործարար համայնքների միջև համագործակցությունը խթանելու նպատակով: Կողմերն անդրադարձել են նաև «Խաղաղության խաչմերուկ» նախագծին, որը կարող է դառնալ ինչպես տարածաշրջանային, այնպես էլ ավելի լայն տնտեսական համագործակցության կարևոր բաղկացուցիչ։
16:11 - 07 հունիսի, 2024
Հնդկաստանի վարչապետը հայտարարել է խորհրդարանական ընտրություններում հաղթանակի մասին

 |factor.am|

Հնդկաստանի վարչապետը հայտարարել է խորհրդարանական ընտրություններում հաղթանակի մասին |factor.am|

factor.am: Հնդկաստանի վարչապետ Նարենդրա Մոդին հայտարարել է երկրում անցկացված խորհրդարանական ընտրություններում իր Բհարաթիա Ջանատա կուսակցության («Հնդկաստանի ժողովրդական կուսակցություն») և Ազգային դեմոկրատական դաշինքի (NDA) ընդհանուր հաղթանակի մասին, հաղորդում է CNN-ը։ «Այսօր փառավոր օր է։ Ազգային դեմոկրատական դաշինքը պատրաստվում է երրորդ անգամ կառավարություն ձևավորել, մենք երախտապարտ ենք ժողովրդին։ Սա աշխարհի ամենամեծ ժողովրդավարության հաղթանակն է»,- ասել է Մոդին Նյու Դելիում իր համախոհներին։ Միևնույն ժամանակ, Մոդիի կուսակցությունը չի կարողացել մեծամասնություն ստանալ խորհրդարանում: Հնդկաստանի ընտրական հանձնաժողովի հրապարակած ընտրությունների վերջնական արդյունքների համաձայն՝ Բհարաթիա Ջանատա կուսակցությունը 543 անդամ ունեցող խորհրդարանում ստացել է 240 տեղ։ Սակայն ԱԺԴ դաշինքը, ընդհանուր առմամբ, ստացել է 292 մանդատ։ Ուկրաինայի նախագահ Վլադիմիր Զելենսկին արդեն շնորհավորել է Նարենդրա Մոդիին և նրա կուսակցությանը ընտրություններում տարած հաղթանակի կապակցությամբ։ «Ողջունում եմ աշխարհի ամենամեծ ժողովրդավարական ընտրությունների հաջող անցկացումը Հնդկաստանում։ Շնորհավորում եմ Հնդկաստանի վարչապետ Նարենդրա Մոդիին, որը գլխավորում է BJP-ն և NDA-ն, խորհրդարանական ընտրություններում երրորդ անընդմեջ հաղթանակի կապակցությամբ։ Հնդկաստանը և Ուկրաինան կիսում են ընդհանուր արժեքները և ունեն հարուստ պատմություն, թող մեր գործընկերությունը շարունակի ծաղկել՝ բերելով առաջընթաց և փոխըմբռնում մեր երկրներին»,- գրել է Զելենսկին սոցիալական ցանցում։ Ավելի վաղ, Մոդիին հղումով հաղորդվել էր, որ Հնդկաստանը մասնակցելու է առաջիկա Խաղաղության գագաթնաժողովին, որը կանցկացվի հունիսի 15-16-ը Շվեյցարիայում։  
17:28 - 05 հունիսի, 2024
Արարատ Միրզոյանը շնորհավորել է Հնդկաստանի ԱԳ նախարարին՝ համապետական ընտրությունների հաջող ավարտի առթիվ
 |armenpress.am|

Արարատ Միրզոյանը շնորհավորել է Հնդկաստանի ԱԳ նախարարին՝ համապետական ընտրությունների հաջող ավարտի առթիվ |armenpress.am|

armenpress.am: Հայաստանի արտաքին գործերի նախարար Արարատ Միրզոյանը շնորհավորել է Հնդկաստանի արտաքին գործերի նախարար Սուբրամանյամ Ջայշանկարին՝ Հնդկաստանում համապետական ընտրությունների հաջող անցկացման առթիվ։ Այս մասին Արարատ Միրզոյանը գրել է X-ի իր միկրոբլոգում։ «Սրտանց շնորհավորում եմ իմ սիրելի գործընկեր Սուբրամանյամ Ջայշանկարին և Հնդկաստանում իմ բոլոր ընկերներին ամենամեծ ժողովրդավարական ընտրությունների հաջող ավարտի և ժողովրդավարությանն ու մարդու իրավունքներին հավատարմությունը վերահաստատելու  առթիվ։ Սա այն է, ինչ մենք կիսում ենք, ինչպես նաև՝ մեր քաղաքացիների համար ավելի խաղաղ ու անվտանգ միջավայրի տեսլականը։ Ակնկալում ենք ընդլայնել մեր երկխոսությունն ու համագործակցությունը»,- գրել է Միրզոյանը։ Հնդկաստանում յոթ փուլից բաղկացած ընտրությունները, որոնք աշխարհում ամենախոշորն էին, սկսվել էին ապրիլի 19-ին և եզրափակվել են հունիսի 4-ին։ Ընտրությունների արդյունքներով «Ազգային դեմոկրատական ​​դաշինքը» (NDA – National Democratic Alliance)՝ վարչապետ Նարենդրա Մոդիի «Հնդկաստանի ժողովրդական կուսակցության» (BJP – Bharatiya Janata Party) գլխավորությամբ, ընտրությունների նախնական արդյունքներով ստացել է Հնդկաստանի խորհրդարանի ստորին պալատի տեղերի կեսից ավելին։ Վերջին տվյալների համաձայն՝ Մոդիի կոալիցիան ստացել է 298 տեղ խորհրդարանի 543-տեղանոց ստորին պալատում՝ Լոկ Սաբհայում։ Ընդդիմադիր I.N.D.I.A. (Indian National Developmental Inclusive Alliance - «Հնդկաստանի զարգացման ազգային ներառական դաշինք») կոալիցիան, որը ներառում է 28 կուսակցություն, վերջին տվյալներով ունի 225 տեղ։
15:26 - 05 հունիսի, 2024
Լիահույս եմ՝ մոտ ապագայում առիթ կունենանք քննարկելու Հայաստան- Հնդկաստան օրակարգի առաջմղման մեր տեսլականը. Փաշինյանը շնորհավորել է Մոդիին

Լիահույս եմ՝ մոտ ապագայում առիթ կունենանք քննարկելու Հայաստան- Հնդկաստան օրակարգի առաջմղման մեր տեսլականը. Փաշինյանը շնորհավորել է Մոդիին

Հայաստանի Հանրապետության վարչապետ Նիկոլ Փաշինյանը շնորհավորական ուղերձ է հղել Հնդկաստանի Հանրապետության վարչապետ Նարենդա Մոդիին՝ համապե­տական խորհրդարանական ընտրությունների հաջող անցկացման և Ազգային ժողովրդավարական դաշինքի կարևորագույն հաղթանակի առիթով: Ուղերձում ասված է. «Ջերմորեն շնորհավորում եմ Ձեզ Հնդկաստանի Հանրապետության համապե­տական խորհրդարանական ընտրությունների հաջող անցկացման և Ձեր գլխավորած Ազգային ժողովրդավարական դաշինքի կարևորագույն հաղթանակի կապակցությամբ: Պատմական այս ընտրությունները վերստին հաստատեցին հնդիկ ժողովրդի հանձնառությունը ժողովրդավարական արժեքներին՝ ամրապնդելով ու ապահովելով բարեկամ Հնդկաստանի շարունակական դինամիկ զարգացումն ու նվաճումները ամենատարբեր ոլորտներում։ Համոզված եմ, որ Ձեր կառավարման հետագա տարիներին ևս «Vasudhaiva Kutumbakam»` «Աշխարհը մեկ ընտանիք է» կարգախոսի ներքո, Հնդկաստանը տնտեսության, տեխնոլոգիաների, կրթության, առողջապահու­թյան, տիեզերքի ուսումնասիրության և այլ ոլորտներում իր ձեռքբերումները կշարունակի ծառայեցնել ի նպաստ համաշխարհային բարօրության։ Ուրախությամբ եմ փաստում, որ  վերջին տարիներին մեզ հաջողվեց մեր երկու ժողովուրդների բարեկամական հարաբերությունները հասցնել որակապես նոր մակարդակի` ամուր հիմք ստեղծելով ռազմավարական երկխոսության ձևավորման համար։ Հայաստանի կառավարությունը պատրաստակամ է գործադրելու բոլոր ջանքերը՝ այդ երկխոսությունն էլ ավելի ամրապնդելու և զարգացնելու ուղղությամբ։ Լիահույս եմ, որ մոտ ապագայում առիթ կունենանք հանդիպելու և քննարկելու Հայաստան-Հնդկաստան երկկողմ օրակարգի առաջմղման մեր տեսլականը։ Օգտվելով առիթից՝ մաղթում եմ Ձեզ քաջառողջություն և նորանոր ձեռք­բերում­ներ, իսկ Հնդկաստանի բարեկամ ժողովրդին` հարատև խաղաղություն և բարգավաճում»:
11:24 - 05 հունիսի, 2024
Հնդկաստանում Հայաստանի դեսպանը մասնակցել է Հնդկաստանում կայացած Համաշխարհային գործարարության հնդկական ֆորումին

Հնդկաստանում Հայաստանի դեսպանը մասնակցել է Հնդկաստանում կայացած Համաշխարհային գործարարության հնդկական ֆորումին

Մայիսի 18-ին Հնդկաստանում ՀՀ դեսպան Վահագն Աֆյանը մասնակցել է Հնդկաստանի Պունե քաղաքում կայացած Համաշխարհային գործարարության հնդկական ֆորումի (GIBF) քննարկումներին: Դեսպան Վ. Աֆյանը Հայաստանի Ներդրումների աջակցման կենտրոնի (Enterprise Armenia) հետ համագործակցությամբ կազմված սահիկաշարով ֆորումի մասնակիցներին տեղեկություններ է ներկայացրել Հայաստանի գործարար հնարավորությունների, մասնավորապես՝ վերջին շրջանում գրանցված տնտեսական նպաստավոր ցուցանիշների և ներդրումային միջավայրի առավելությունների մասին: Հաջորդիվ կայացած հարց ու պատասխանի ընթացքում, անդրադարձ է կատարվել հայ-հնդկական առևտրատնտեսական համագործակցության խորացման ոլորտային ուղղություններին, իսկ այնուհետև՝ գործարարների հետ առանձին ձևաչափով հանդիպումներին, տեղեկություններ են փոխանցվել Հայաստանում բիզնես գործունեություն ծավալելու հնարավորությունների վերաբերյալ:
10:39 - 19 մայիսի, 2024
Չաբահար նավահանգստից օգտվելու հարցում Հնդկաստանը սպասում է հայկական կողմի հստակ առաջարկներին․ դեսպան
 |armenpress.am|

Չաբահար նավահանգստից օգտվելու հարցում Հնդկաստանը սպասում է հայկական կողմի հստակ առաջարկներին․ դեսպան |armenpress.am|

armenpress.am: Չաբահար նավահանգստից օգտվելու հարցի առնչությամբ հայկական կողմից Հնդկաստանը սպասում է մանրամասների հայկական կողմից և անպայման հաշվի կառնի, երբ այդ առումով Հայաստանից հստակ առաջարկներ ստանա։ «Արմենպրես»-ին տված հարցազրույցում այս մասին ասաց Հայաստանում Հնդկաստանի արտակարգ և լիազոր դեսպան Նիլակշի Սահա Սինհան՝ հայտնելով, որ նավահանգստից օգտվելու հարցի կապակցությամբ ՀՀ տարածքային կառավարման և ենթակառուցվածքների նախարար Գնել Սանոսյանը 2023 թվականի դեկտեմբերին այցելել է Չաբահար նավահանգիստ։ Հնդկաստանի դեսպանն ուշադրություն հրավիրեց այն փաստի վրա, որ Չաբահար նավահանգիստը համատեղ զարգացվում է Հնդկաստանի և Իրանի կողմից։ «Հայկական կողմից մենք սպասում ենք մանրամասներին, և մենք դա անպայման հաշվի կառնենք, երբ հայկական կողմից հստակ առաջարկներ ստանանք»,- ընդգծեց դեսպանը՝ նշելով, որ երկու երկրների միջև տեղի ունեցած քննարկումներում ՀՀ ներկայացուցիչները Չաբահար նավահանգստից օգտվելու հետաքրքրություն են ցուցաբերել։ Անդրադառնալով Հնդկաստանից մինչև Չաբահար նավահանգիստ, այնուհետև դեպի Սև ծով հաղորդակցման ուղու զարգացման գործում Երևանի հնարավոր դերակատարությանը՝ դեսպան Նիլակշի Սահա Սինհան նշեց, որ Հայաստանը, լինելով դեպի ծով ելք չունեցող երկիր, միանշանակ կապի ավելի շատ ծրագրերի կարիք ունի։ «Եթե դա իրականանա, ապա կարծում եմ՝ կօգնի, որ Հայաստանը կարողանա հաղթահարել այն փաստը, որ հանդիսանում է դեպի ծով ելք չունեցող երկիր»,- եզրափակեց դեսպանը։ Դեսպանի ամբողջական հարցազրույցը կհրապարակվի մայիսի 20-ին։
19:34 - 17 մայիսի, 2024
Հաստատվել է Հայաստանի և Հնդկաստանի ՊՆ-ների միջև 2024-2025 թթ. համագործակցության պլանը

Հաստատվել է Հայաստանի և Հնդկաստանի ՊՆ-ների միջև 2024-2025 թթ. համագործակցության պլանը

Մայիսի 14-ին ՀՀ ՊՆ վարչական համալիրում տեղի են ունեցել Հայաստանի և Հնդկաստանի պաշտպանության նախարարությունների միջև առաջին պաշտպանական խորհրդակցությունները՝ ՀՀ ՊՆ պաշտպանական քաղաքականության և միջազգային համագործակցության վարչության պետ Լևոն Այվազյանի և Հնդկաստանի ՊՆ միջազգային համագործակցության հարցերով միացյալ քարտուղար Շրի Վիշվեշ Նեգիի նախագահությամբ:   Խորհրդակցություններին մասնակցել է նաև ՀՀ-ում Հնդկաստանի արտակարգ և լիազոր դեսպան Նիլակշի Սահա Սինհան ու ռազմական կցորդ, բրիգադի գեներալ Նավին Նիջհավանը:   ՊՆ-ից տեղեկացնում են, որ խորհրդակցությունների ընթացքում քննարկվել են պաշտպանության ոլորտում Հայաստան-Հնդկաստան համագործակցության ընթացքն ու զարգացման հեռանկարները՝ ներառյալ ռազմատեխնիկական, անձնակազմի ռազմական կրթության ու մարտավարական պատրաստության, փորձի փոխանակման և այլ բնագավառներում:   Քննարկվել են նաև տարածաշրջանային անվտանգությանն առնչվող հարցեր։  Լևոն Այվազյանը ներկայացրել է ՀՀ զինված ուժերում ընթացող բարեփոխումները։    Խորհրդակցությունների ավարտին ստորագրվել է խորհրդակցությունների արդյունքների վերաբերյալ արձանագրությունը, որով նախատեսվել է երկկողմ պաշտպանական համագործակցության հարցերով համատեղ աշխատանքային խմբի ստեղծումն ու հաստատվել է Հայաստանի և Հնդկաստանի պաշտպանության նախարարությունների միջև 2024-2025 թթ. համագործակցության պլանը։
20:50 - 14 մայիսի, 2024
ԱՄՆ պատժամիջոցները կարող են սպառնալ Չաբահար նավահանգստի շահագործման շուրջ Հնդկաստանի և Իրանի համաձայնագրին
 |armenpress.am|

ԱՄՆ պատժամիջոցները կարող են սպառնալ Չաբահար նավահանգստի շահագործման շուրջ Հնդկաստանի և Իրանի համաձայնագրին |armenpress.am|

armenpress.am: Հնդկաստանի և Իրանի` Չաբահար նավահանգստի համատեղ շահագործման շուրջ համաձայնագիրը կարող է ենթարկվել ԱՄՆ-ի պատժամիջոցների ազդեցության։ Այս մասին լրագրողների հետ ճեպազրույցում հայտարարել է ԱՄՆ պետքարտուղարության պաշտոնական ներկայացուցչի տեղակալ Վեդանտ Պատելը։ «Մեզ հայտնի են այն տեղեկությունները, որ Հնդկաստանը և Իրանը պայմանագիր են ստորագրել Չաբահար նավահանգստի վերաբերյալ: Հնդկաստանի կառավարությունն ինքը կարող է խոսել Չաբահար նավահանգստի հետ կապված իր արտաքին քաղաքականության նպատակների, ինչպես նաև Իրանի հետ իր երկկողմ հարաբերությունների մասին։ Ես պարզապես կասեմ, որ ինչ վերաբերում է ԱՄՆ-ին, ապա Իրանի նկատմամբ ամերիկյան պատժամիջոցները մնում են ուժի մեջ, և մենք կշարունակենք գործի դնել դրանք», - ասել է պաշտոնյան: Նա հավելել է, որ ցանկացած մեկը, որը դիտարկում է Իրանի հետ գործարքներ կնքելու հնարավորությունը, «պետք է գիտակցի այն հնարավոր ռիսկը, որին նա ենթարկվում է, ինչպես նաև պատժամիջոցների հնարավոր ռիսկը»: Հարցին՝ արդյոք Հնդկաստանը կարող էր ազատված լինել ԱՄՆ-ի հնարավոր պատժամիջոցներից՝ կապված այս գործարքի հետ, Պատելը բացասական պատասխան է տվել։ Հիշեցնենք, որ մայիսի 13-ին Հնդկաստանը համաձայնագիր է ստորագրել Իրանի հետ Չաբահար նավահանգստի կառավարման վերաբերյալ։ Համաձայնագիրը կգործի 10 տարի և ավտոմատ կերպով կերկարացվի։ Ենթադրվում է, որ այս նավահանգիստը, որը Հնդկաստանի հանգուցային կապող օղակն է Աֆղանստանի, Կենտրոնական Ասիայի և եվրասիական տարածաշրջանի հետ, կարող է մրցակցության մեջ մտնել Պակիստանի Գվադար նավահանգստի, ինչպես նաև չինական «Մեկ գոտի, մեկ ճանապարհ» նախաձեռնության հետ: Ապագայում պլանավորվում է Չաբահարը կապել Հյուսիս-Հարավ միջազգային տրանսպորտային միջանցքի հետ, որը Հնդկաստանն Իրանի միջոցով կմիացնի Ռուսաստանին։ Այս առևտրային ուղիով նախատեսված է Հնդկաստանից և Պարսից ծոցի երկրներից Իրանի, Ադրբեջանի և Ռուսաստանի տարածքներով բեռներ փոխադրել Արևմտյան և Հյուսիսային Եվրոպա՝ բեռների առաքման ժամկետները կրճատելով երկու կամ երեք անգամ։
17:31 - 14 մայիսի, 2024
Իրանը և Հնդկաստան Չաբահարի նավահանգստի վերազինման երկարաժամկետ պայմանագիր են կնքել. Բազրփաշ
 |1lurer.am|

Իրանը և Հնդկաստան Չաբահարի նավահանգստի վերազինման երկարաժամկետ պայմանագիր են կնքել. Բազրփաշ |1lurer.am|

1lurer.am: Իրանն ու Հնդկաստանը Չաբահարի Շահիդ Բեհեշթի նավահանգստի վերազինման և շահագործման մասին երկարաժամկետ պայմանագիր են ստորագրել, գրում է IRNA գործակալությունը: «Համաձայնագիրը երկու երկրի առևտրի զարգացման նոր սկիզբ կլինի: Չաբահարի նավահանգստով Հնդկաստանն Իրանի ճանապարհային ու երկաթուղային ցանցով հասանելիություն է ունենում Աֆղանստան, Կենտրոնական Ասիա, Թուրքիա, Ադրբեջան և նույնիսկ Ռուսաստան: Սա Հնդկաստանի համար այս նախագծի առավելություններից մեկն է»,- հայտարարել է Իրանի ճանապարհների ու քաղաքաշինության նախարար Մեհրդադ Բազրփաշը: Նա ընդգծել է, որ նախարարության օրակարգում են Հյուսիս-հարավ միջանցքի ու տարանցիկ այլ նախագծերի զարգացումը: Նախարարը հայտնել է, որ նախատեսված է նաև ստեղծել նավագնացային իրանա-հնդկական համատեղ կազմակերպություն:
18:08 - 13 մայիսի, 2024
Պարեկին մեղադրանք է ներկայացվել Հնդկաստանի քաղաքացուց կաշառք ստանալու համար. ՔԿ-ն մանրամասներ է հայտնում

Պարեկին մեղադրանք է ներկայացվել Հնդկաստանի քաղաքացուց կաշառք ստանալու համար. ՔԿ-ն մանրամասներ է հայտնում

Բացահայտվել է Հայաստանի Հանրապետության ոստիկանության պարեկային ծառայության աշխատակցի կողմից Հնդկաստանի Հանրապետության քաղաքացուց կաշառք ստանալու դեպք: Այս մասին հայտնում են Քննչական կոմիտեից, նշելով, որ քրեական վարույթի ընթացքում ՀՀ ՆԳՆ ներքին անվտանգության և հակակոռուպցիոն վարչության հետ համատեղ իրականացված քննչական գործողությունների արդյունքում հիմնավորվել է, որ 2024 թվականի մարտի սկզբին, Երևան քաղաքի Կիևյան փողոցում ոստիկանության պարեկային երկու ծառայողներ կանգնեցրել են Հնդկաստանի Հանրապետության քաղաքացու կողմից վարվող ավտոմեքենան և պահանջել ներկայացնել փաստաթղթերը, որից հետո ոստիկանության աշխատակից Վ. Ա.-ն նրանից որպես կաշառք պահանջել է 20.000 ՀՀ դրամ գումար՝ տրանսպորտային միջոցը ՀՀ օրենսդրությամբ սահմանված կարգով տեխնիկական զննություն անցած չլինելու համար վարչական իրավախախտման վերաբերյալ արձանագրություն չկազմելու նպատակով: Վ. Ա.-ն միաժամանակ նշել է, որ չվճարելու դեպքում Հնդկաստանի Հանրապետության քաղաքացուց կվերցնի վարորդական իրավունքի վկայականը: Սակարկելու արդյունքում պայմանավորվել են 7000 ՀՀ դրամ կաշառքի գումարի շուրջ:   Վ. Ա.-ին մեղադրանք է ներկայացվել: Ներկայացված մեղադրանքում վերջինս  իրեն ամբողջությամբ մեղավոր է ճանաչել: Քրեական վարույթով նախաքննությունն ավարտվել է, և վարույթի նյութերը մեղադրական եզրակացությամբ ուղարկվել են դատարան՝ ըստ էության քննելու համար: Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
16:52 - 13 մայիսի, 2024
ՀԱԷԿ-ի գլխավոր տնօրենը Հնդկաստանում մասնակցել է ատոմակայանների անվտանգության բարձրացման հարցերի քննակմանը

ՀԱԷԿ-ի գլխավոր տնօրենը Հնդկաստանում մասնակցել է ատոմակայանների անվտանգության բարձրացման հարցերի քննակմանը

2024 թ. ապրիլի 23-ից 26-ը Հնդկաստանի Հանրապետության Մումբայ քաղաքում «ՀԱԷԿ» ՓԲԸ գլխավոր տնօրեն Է. Մարտիրոսյանը մասնակցել է ՇԿՀԱ մոսկովյան կենտրոնի կառավարիչների խորհրդի հերթական նիստին և ընդհանուր ժողովին: Այդ մասին ասված է Հայկական ատոմային էլեկտրակայանի Ֆեյսբուքի էջում: «ՇԿՀԱ մոսկովյան կենտրոնի ղեկավարությունը մասնակիցներին է ներկայացրել կազմակերպության աշխատանքային պլանի առավել նշանակալի ուղղությունների իրականացման արդյունքները:ՇԿՀԱ մոսկովյան կենտրոնի տնօրեն Վ. Ակսյոնովն ամփոփել է բոլոր հարցերը «ՇԿՀԱ մոսկովյան կենտրոնի կազմակերպական կայունության ապահովմանն ուղղված կոմպենսացնող միջոցառումների պլան 2024-2026 թթ. համար» ելույթով: Նիստի ընթացքում Է. Մարտիրոսյանը հանդես է եկել զեկույցով՝ նվիրված ՇԿՀԱ մոսկովյան կենտրոնի գործունեության նկարագրին և գնահատմանը: Ընդհանուր ժողովի աշխատանքի ավարտով օրակարգերը համարվել են սպառված: Միջոցառումների ծրագրերից դուրս կառավարիչների խորհրդի մասնակիցները քննարկել են ասոցիացիայի՝ 2024 թ. գործունեության առանձին ուղղությունները՝ ըստ ամիսների, որոնք ոլորտային ընդհանուր բնույթ են կրում և պետք է հաշվի առնվեն տարածաշրջանային կենտրոնների կողմից: Հանդիպումների ընթացքում քննարկվել են նաև կազմակերպության աշխատանքի պլանավորմանը, ֆինանսական վիճակին, ԱԷԿ-ների անվտանգության միջոցառումների բարձրացման ուղղությամբ մշտապես գործուն քայլեր ձեռնարկելուն ուղղված և առաջնահերթ կարևորության այլ հարցեր»,- նշված է գրառման մեջ:  
11:43 - 06 մայիսի, 2024
Հնդկաստանը Հայաստանի համար արդիականացնում է ATAGS հրետանային համակարգը
 |news.am|

Հնդկաստանը Հայաստանի համար արդիականացնում է ATAGS հրետանային համակարգը |news.am|

news.am: Հնդկաստանից վերջերս ձեռք բերված «ATAGS» հրետանային համակարգն արդիականացվել է։ Այս մասին հայտնել է «Bharat Forge» ընկերությունը: «Indian Defense Research Wing»-ի փոխանցմամբ՝ Հայաստանում տեղակայված «ATAGS» համակարգերը հագեցած են հայերեն ինտերֆեյսով բալիստիկ համակարգիչներով։ Այս կարգավորումը հեշտացնում է հայկական հրետանային անձնակազմի աշխատանքը՝ նվազեցնելով ուսուցման ժամանակահատվածն ու սխալների հավանականությունը: Բալիստիկ համակարգիչները նաև հեշտորեն համակցվել են հայաստանյան ցամաքային տեղորոշման համակարգի հետ․ դա թույլ է տալիս ավելի ճշգրիտ թիրախավորել՝ մարտի դաշտում բարձրացնելով «ATAGS»-ի արդյունավետությունը: Հրետանային համակարգը կարող է հարմարեցվել հայկական արբանյակային համակարգի հետ կապ ապահովելու համար, ինչը թիրախավորման առավել առաջադեմ հնարավորություններ կընձեռի: Հարմարեցվելով հայաստանյան պայմաններին՝ Հնդկաստանը ցույց է տալիս գործընկեր երկրներին հարմարավետ ռազմական լուծումներ առաջարկելու հանձնառությունը։ 
16:37 - 04 մայիսի, 2024