Հունգարիա

Անհրաժեշտ է կասեցնել ԵՄ Խորհրդում Հունգարիայի ձայնի իրավունքը. Էստոնիայի ԱԳ նախարար |1lurer.am|

1lurer.am: Էստոնիայի արտաքին գործերի նախարար Մարգուս Ցահկնան, մեկնաբանելով հակառուսական պատժամիջոցների վերաբերյալ Բուդապեշտի դիրքորոշումը, կոչ է արել կասեցնել ԵՄ Խորհրդում Հունգարիայի ձայնի իրավունքը՝ Եվրոպայի ընդհանուր շահերի դեմ համակարգված գործողությունների պատճառով: Պաշտոնյան ընդգծել է, որ Ռուսաստանի դեմ պատժամիջոցները հանելու կամ թուլացնելու հիմքեր չկան, քանի որ Մոսկվան չի հրաժարվել Ուկրաինան գրավելու և եվրոպական անվտանգության ճարտարապետությունը փոխելու իր նպատակից: «Հունգարիան համակարգված կերպով աշխատում է Եվրոպայի անվտանգության ընդհանուր շահերի դեմ, ուստի մենք պետք է արագ կոնկրետ քայլեր ձեռնարկենք և առաջ շարժվենք 7-րդ հոդվածի ընթացակարգով, այսինքն՝ Հունգարիայի ձայնի իրավունքի կասեցմամբ»,- հավելել է Ցահկնան:Լուսանկարը՝ AP photo։

20:43 - 05 ապրիլի, 2025

Հունգարիան հայտարարել է Միջազգային քրեական դատարանից դուրս գալու մասին |news.am|

news.am: Հունգարիան սկսում է Միջազգային քրեական դատարանի (ՄՔԴ) իրավասությունից դուրս գալու գործընթացը։ Այս մասին հայտարարել է երկրի վարչապետի աշխատակազմի ղեկավար Գերգելի Գուլյասը։ «Հինգշաբթի կառավարությունը սկսելու է սահմանադրական և միջազգային իրավական նորմերին համապատասխան [ՄՔԴ-ից] դուրս գալու աշխատանքները»,- գրել է նա Facebook-ի իր էջում։ Հունգարիայի իշխանությունների՝ ՄՔԴ-ից դուրս գալու մասին հայտարարությունն արվել է Իսրայելի վարչապետ Բենիամին Նեթանյահուի այցի ֆոնին, ում նկատմամբ կալանավորման միջազգային օրդեր է տրվել։ Reuters-ը հիշեցնում է, որ Հունգարիայի վարչապետ Վիկտոր Օրբանը Նեթանյահուին հրավիրել է երկիր Իսրայելի վարչապետի ձերբակալության օրդեր տրամադրելու ՄՔԴ-ի որոշման հաջորդ օրը։ Միևնույն ժամանակ Օրբանը խոստացավ, որ Նեթանյահուն չի ձերբակալվի և ՄՔԴ որոշումը անվանեց «լկտի, ցինիկ և լիովին անընդունելի»: Հունգարիան 1999 թվականին ստորագրել է Հռոմի ստատուտը, միջազգային պայմանագիրը, որը ստեղծել է ՄՔԴ-ն և վավերացրել այն երկու տարի անց: Reuters-ի փոխանցմամբ՝ ՄՔԴ-ից Հունգարիայի դուրս գալու գործընթացը կտեւի մեկ տարի։

14:26 - 03 ապրիլի, 2025

Նեթանյահուն Հունգարիա է մեկնել՝ անտեսելով ձերբակալման օրդերը |civilnet.am|

civilnet.am: Իսրայելի վարչապետ Բենյամին ՆԵթանյահուն ժամանել է Հունգարիա, այն դեպքում, երբ Միջազգային քրեական դատարանը նրան ձերբակալելու օրդեր է տվել՝ Գազայում ռազմական հանցագործությունների մեղադրանքով, հայտնում է The Guardian-ը։ Միջազգային քրեական դատարանը (ՄՔԴ) Նեթանյահուին ձերբակալելու օրդեր է տվել 2024-ի նոյեմբերին։ Այս որոշումից հետո, սա Նեթանյահույի առաջին եվրոպական այցն է։ Միջազգային քրեական դատարանի որոշումից ժամեր անց Հունգարիայի նախագահ Վիկտոր Օրբանը հայտարարեց, որ պատրաստ է Նեթանյահույին ընդունել Հունգարիայում՝ երաշխավորելով, որ ՄՔԴ-ի ձերբակալման օրդերը «չի կիրառվի» իր երկրում։

10:41 - 03 ապրիլի, 2025

Եվրոպացի առաջնորդները Լոնդոնում որոշել են շարունակել պատերազմը. Հունգարիայի վարչապետ

Հունգարիայի վարչապետը հայտնում է՝ եվրոպացի առաջնորդները Լոնդոնում որոշել են շարունակել պատերազմը: «Եվրոպացի առաջնորդները Լոնդոնում որոշել են, որ իրենք ցանկանում են շարունակել պատերազմը խաղաղությունն ընտրելու փոխարեն: Նրանք որոշել են, որ Ուկրաինան պետք է շարունակի պատերազմը: Սա վատ է, վտանգավոր և սխալ: Հունգարիան շարունակում է մնալ խաղաղության կողմում»,- X-ում գրել է Հունգարիայի վարչապետ Վիկտոր Օրբանը:

10:20 - 03 մարտի, 2025

Հայաստանի և Հունգարիայի միջև համատեղ տնտեսական միջկառավարական հանձնաժողով կստեղծվի |armenpress.am|

armenpress.am: Կառավարության հավանությանն է արժանացել 2024 թ. մայիսի 6-ին Բուդապեշտում ստորագրված «Հայաստանի և Հունգարիայի կառավարությունների միջև տնտեսական համագործակցության մասին» համաձայնագիրը հաստատելու մասին» ՀՀ նախագահի հրամանագրի նախագիծը: Համաձայնագիրը հնարավորություն է ընձեռում իրավահավասարության և փոխշահավետության հիման վրա երկու երկրների միջև զարգացնել և խորացնել երկարատև տնտեսական հարաբերություններ այնպիսի բնագավառներում, ինչպիսիք են առևտուրը, դեղագործական արդյունաբերությունը, զբոսաշրջությունը, էներգետիկան, տրանսպորտ և նյութատեխնիկական ապահովում, գյուղատնտեսություն և անտառատնտեսություն, հետազոտություն և նորարարություն, շրջակա միջավայրի պաշտպանություն և ջրային ռեսուրսների կառավարում և փոխադարձ հետաքրքրություն ներկայացնող համագործակցության այլ ոլորտներ։ Համաձայնագիրն ուղղված է երկու երկրների միջև փոխշահավետ համագործակցության զարգացմանը, տնտեսական կապերի ընդլայնման համար բարենպաստ պայմանների ստեղծմանը, գործարար ակտիվության բարձրացմանը, երկու երկրների տնտեսական համագործակցության ասպարեզում առկա ներուժի օգտագործմանը: Համաձայնագրով նախատեսվում է փոխշահավետ համագործակցության զարգացումն ու դիվերսիֆիկացումը փոխադարձ հետաքրքրություն ներկայացնող տնտեսական բոլոր ոլորտներում: Համաձայնագրով նախատեսվում է նաև Հայաստանի Հանրապետության և Հունգարիայի միջև համատեղ տնտեսական միջկառավարական հանձնաժողովի ստեղծումը՝ երկկողմ առևտրատնտեսական համագործակցությունը համակարգելու և խթանելու նպատակով:

16:31 - 27 փետրվարի, 2025

Կառավարությունը հաստատեց Հայաստանի և Հունգարիայի միջև տնտեսական համագործակցության մասին համաձայնագիրը

ՀՀ կառավարությունը հաստատեց Հայաստանի և Հունգարիայի միջև տնտեսական համագործակցության մասին համաձայնագիրը: Ըստ հիմնավորման՝ այն հնարավորություն է ընձեռում իրավահավասարության և փոխշահավետության հիման վրա երկու երկրների միջև զարգացնել և խորացնել երկարատև տնտեսական հարաբերություններ այնպիսի բնագավառներում, ինչպիսիք են առևտուրը, դեղագործական արդյունաբերությունը, զբոսաշրջությունը, էներգետիկան, տրանսպորտ և նյութատեխնիկական ապահովում, գյուղատնտեսություն և անտառատնտեսություն, հետազոտություն և նորարարություն, շրջակա միջավայրի պաշտպանություն և ջրային ռեսուրսների կառավարում և փոխադարձ հետաքրքրություն ներկայացնող համագործակցության այլ ոլորտներ։ «Համաձայնագիրը հանդիսանում է տնտեսական բնույթի տիպային Համաձայնագիր, որն ուղղված է երկու երկրների միջև փոխշահավետ համագործակցության զարգացմանը, տնտեսական կապերի ընդլայնման համար բարենպաստ պայմանների ստեղծմանը, գործարար ակտիվության բարձրացմանը, երկու երկրների տնտեսական համագործակցության ասպարեզում առկա ներուժի օգտագործմանը: Նման բովանդակության համաձայնագրեր Հայաստանի Հանրապետության կառավարությունը կնքել է բազմաթիվ երկրների հետ: Համաձայնագրով նախատեսվում է փոխշահավետ համագործակցության զարգացումն ու դիվերսիֆիկացումը փոխադարձ հետաքրքրություն ներկայացնող տնտեսական բոլոր ոլորտներում»,- ասվում է հիմնավորման մեջ: Համաձայնագրով նախատեսվում է նաև Հայաստանի Հանրապետության և Հունգարիայի միջև համատեղ տնտեսական միջկառավարական հանձնաժողովի ստեղծումը՝ երկկողմ առևտրատնտեսական համագործակցությունը համակարգելու և խթանելու նպատակով: «Համաձայնագիրը համահունչ է ՀՀ կառավարության 2021 թվականի նոյեմբերի 18-ի N 1902-Լ որոշման Հայաստանի Հանրապետության կառավարության 2021-2026 թվականների գործունեության միջոցառումների «Էկոնոմիկայի նախարարություն» բաժնի 6-րդ կետին (Միջազգային առևտրատնտեսական համագործակցության ընդլայնում և խորացում)»,- ասվում է նախագծի հիմնավորման մեջ:

11:16 - 27 փետրվարի, 2025

Հունգարիան արգելափակել է Ուկրաինայի համար ԵՄ-ի ռազմական օգնության փաթեթը |azatutyun.am|

azatutyun.am: Հունգարիան արգելափակել է Ուկրաինայի համար Եվրամիության (ԵՄ) ռազմական օգնության նոր փաթեթը։ Ավելի վաղ ԵՄ արտաքին կապերի ծառայությունն առաջարկել էր լրացուցիչ ռազմական օգնություն տրամադրել Ուկրաինային մոտ 6 միլիարդ եվրոյի չափով: Հունգարիայի արտաքին գործերի նախարար Պետեր Սիյարտոն X-ում գրել է, որ իր երկիրը Եվրամիության արտաքին քաղաքականության պատասխանատու Կայա Կալլասի նախաձեռնությունը համարում է բանակցություններում Կիևի դիրքերի ամրապնդմանն ուղղված քայլ, այլ ոչ թե խաղաղությանը հասնելուն։ Հունգարիան չի աջակցի «եվրոպացի հարկատուների գումարները պատերազմի երկարացման վրա ծախսելուն», հայտարարել է Սիյարտոն, նշելով նաև Ռուսաստանի դեմ գործող պատժամիջոցների երկարաձգման որոշումը հետաձգելու ցանկության մասին։

13:43 - 21 փետրվարի, 2025

Հունգարիան արգելափակել է ԵՄ համատեղ հայտարարությունը Բելառուսի ընտրությունների վերաբերյալ |azatutyun.am|

azatutyun.am: Հունգարիայի ներկայացուցիչներն արգելափակել են Եվրամիության երկրների համատեղ հայտարարությունը Բելառուսի նախագահական ընտրությունները մերժելու վերաբերյալ, հայտնում են «Ազատություն» ռադիոկայանի Բրյուսելի աղբյուրները։ Չունենալով ԵՄ բոլոր 27 երկրների ներկայացուցիչների ստորագրությունները՝ Եվրամիության արտաքին քաղաքականության պատասխանատու Կայա Կալասը հանդես է եկել հայտարարությամբ՝ ասելով, որ հունվարի 26-ի քվեարկությունն ազատ ու արդար չէր և Բելառուսի իշխանություններին կոչ արել ազատ արձակել բոլոր քաղբանտարկյալներին։ Նա ասել է, որ ԵԱՀԿ ընտրությունների անկախ դիտորդներին թույլ չտվեցին մուտք գործել ընտրական գործընթացի առանցքային փուլեր՝ հավելելով՝ «սա հերթական վկայությունն է այս ընտրությունների նկատմամբ վստահության իսպառ բացակայության մասին»։ Կալասը հավելել է, որ այս պատճառներով և Ուկրաինայի դեմ Ռուսաստանի պատերազմին Բելառուսի վարչակարգի ներգրավվածության լույսի ներքո «ԵՄ-ն կշարունակի սահմանափակումներ և պատժամիջոցներ սահմանել ռեժիմի դեմ և ապահովել ֆինանսական աջակցություն քաղաքացիական հասարակությանը, վտարանդի բելառուսական ժողովրդավարական ուժերին և բելառուսական մշակույթին»։ Անցյալ շաբաթ Հունգարիան հրաժարվեց ստորագրել ԵՄ 27 երկրների անունից Բելառուսում անցկացված «ոչ ժողովրդավարական նախագահական ընտրությունների մասին» հայտարարության նախագիծը։ Բայց նա միայնակ չէր, որ դեմ էր նախագծին: Սլովակիան նույնպես հրաժարվել է այն ստորագրել։ Ավելի ուշ Սլովակիայի ներկայացուցիչները համաձայնեցին ստորագրել հայտարարությունը, սակայն Հունգարիայի իշխանությունները շարունակեցին մերժել։

09:40 - 27 հունվարի, 2025

Հունգարիան զրկվեց Եվրամիության մոտ 1 միլիարդ եվրոյի ֆինանսական հատկացումից |azatutyun.am|

azatutyun.am: Հունգարիան զրկվեց Եվրամիության մոտ 1 միլիարդ եվրոյի ֆինանսական հատկացումից՝ կոռուպցիոն կասկածների պատճառով։ Սա առաջին դեպքն է, երբ պաշտոնական Բրյուսելը նման պատժամիջոց է կիրառում դաշինքի անդամ երկրի նկատմամբ։ Բուդապեշտը դեռևս չի մեկնաբանել ֆինանսավորման սահմանափակումները։ Գումարը ավելի մեծ՝ 19 միլիարդ եվրո արժողությամբ փաթեթի մաս է կազմում։ Եվրամիության ղեկավարությունը սկսեց արգելափակել այդ միջոցների հատկացումը Հունգարիային մեղադրելով պետական գնումների կանոնները խախտելու, վերահսկողության և թափանցիկության բացակայության համար: Բուդապեշտի կողմից իրականացված մի շարք բարեփոխումների շնորհիվ միջոցների մի մասը հասանելի դարձան, սակայն վերջին տրանշի տրամադրման վերջնաժամկետը լրացավ դեկտեմբերի 31-ին։ Ամիսներ առաջ հրապարակված զեկույցում Եվրահանձնաժողովը պնդել է, որ Հունգարիան չի համապատասխանում ԵՄ ժողովրդավարական չափանիշներին, մասնավորապես՝ քաղաքական ֆինանսների, շահերի բախման և ԶԼՄ-ների անկախության հարցերում: Վարչապետ Վիկտոր Օրբանը հայտարարել է, որ այդ գումարներն «իրենցն են»՝ խոստանալով պայքարել ֆինանսական փաթեթը ստանալու համար։ «Նրանք պարբերաբար փորձում են տարատեսակ միջոցներով և մեթոդներով հունգարացիներից խլել փողերը»,- անցած ամիս հայտարարում էր Օրբանը։

22:03 - 01 հունվարի, 2025

Եվրամիության խորհրդի վեցամսյա նախագահությունը Հունգարիայից անցավ Լեհաստանին |azatutyun.am|

azatutyun.am: 2025 թվականի հունվարի 1-ին Եվրամիության խորհրդի վեցամսյա նախագահությունը Հունգարիայից անցավ Լեհաստանին։ Պաշտոնական Վարշավան նախագահության կարգախոս է հռչակել՝ «Անվտանգություն, Եվրոպա», այս մասին հայտարարել է Լեհաստանի կառավարության Եվրոպական միության հարցերով նախարար Ադամ Շլապկան։ Լեհ պաշտոնյայի խոսքով՝ Վարշավան մտադիր է կենտրոնանալ անվտանգության յոթ ասպեկտների վրա՝ արտաքին, ներքին, տեղեկատվական, տնտեսական, էներգետիկ, պարենային և առողջապահական անվտանգություն: Լեհաստանի վարչապետ Դոնալդ Տուսկը բազմիցս հայտարարել է, որ Եվրամիությունը պետք է ավելի մեծ պատասխանատվություն ստանձնի սեփական անվտանգության ապահովման համար։ «Մենք պետք է պահպանենք հարաբերությունները Միացյալ Նահանգների հետ, բայց Եվրոպան պետք է դառնա անկախ, պետք է ոտքի կանգնի։ Ռուսաստանի հետ հարաբերություններում վախի և անորոշության դարաշրջանը պետք է ավարտվի», - հայտարարում էր Տուսկը։

18:52 - 01 հունվարի, 2025

Հայաստանը և Հունգարիան տնտեսական համագործակցության համաձայնագիր կստորագրեն

Հայաստանի Հանրապետության կառավարությունը հավանություն է տվել Հայաստանի և Հունգարիայի միջև տնտեսական համագործակցության մասին համաձայնագիրը ստորագրելու հարցին։ Նախագիծը ներառված էր ՀՀ կառավարության դեկտեմբերի 19-ի նիստի չզեկուցվող հարցերի փաթեթում։ Համաձայնագիրը նախատեսում է երկկողմ տնտեսական կապերի ընդլայնում և խորացում, որն ուղղված է իրավահավասար և փոխշահավետ համագործակցության զարգացմանը։ Համաձայնագիրը հնարավորություն է ընձեռում զարգացնել և խորացնել համագործակցությունը հետևյալ ոլորտներում․ առևտուր, դեղագործություն, զբոսաշրջություն, էներգետիկա, տրանսպորտ և նյութատեխնիկական ապահովում, գյուղատնտեսություն և անտառատնտեսություն, հետազոտություն և նորարարություն, շրջակա միջավայրի պաշտպանություն և ջրային ռեսուրսների կառավարում։ Համագործակցությունն ընդգրկելու է նաև փոխադարձ հետաքրքրություն ներկայացնող այլ տնտեսական ոլորտներ՝ նպաստելով տնտեսական կապերի դիվերսիֆիկացմանը և գործարար միջավայրի ակտիվացմանը։ Համաձայնագրով նախատեսվում է երկկողմ առևտրատնտեսական համագործակցության խթանում, Հայաստանի և Հունգարիայի միջև համատեղ տնտեսական միջկառավարական հանձնաժողովի ստեղծում, որը կկազմակերպի և կխթանի փոխադարձ տնտեսական ծրագրերը, նոր գործարար հնարավորությունների ձևավորում՝ երկու երկրների տնտեսությունների ներուժը լիարժեք օգտագործելու նպատակով։

11:35 - 19 դեկտեմբերի, 2024

Հունգարիան և Սլովակիան արգելափակեցին Վրաստանի առաջնորդների դեմ ԵՄ պատժամիջոցների ընդունումը |azatutyun.am|

azatutyun.am: Հունգարիան և Սլովակիան դեկտեմբերի 16-ին արգելափակեցին վրացի պաշտոնյաների դեմ պատժամիցներ սահմանելու Եվրամիության առաջարկած փաթեթը։ Հունգարիայի և Սլովակիայի գործողությունները խոչընդոտում են նաև վրացի պաշտոնյաների դեմ մուտքի արտոնագրի արգելքի և ակտիվների սառեցման գործընթացին։ ԵՄ առաջնորդները ձգտում են պատժել Վրաստանի իշխանություններին այլախոհների նկատմամբ դաժան ճնշումների և ռուսամետ քաղաքականության համար: Եվրամիության դիվանագիտության ղեկավար Կայա Կալլասն նախքան Եվրոպական միության արտաքին հարաբերությունների խորհուրդի երեկվա նիստը հայտարարել էր, որ պատժամիջոցների ցանկն արդեն պատրաստ է։ «Իհարկե, բոլոր իրադարձությունները, որոնք տեղի են ունենում Վրաստանում, չեն գնում այն ուղղությամբ, որով պետք է շարժվի ԵՄ թեկնածու երկիրը։ Հետևաբար մենք պատրաստվում ենք քննարկել, թե ինչ հետևանքներ կլինեն վրացական կառավարության համար, որը բռնաճնշումներ է կիրառում ընդդիմության դեմ՝ օգտագործելով տարատեսակ գործիքներ», - ասել է ԵՄ բարձր ներկայացուցիչը: Հունգարիայի արտաքին գործերի նախարար Պետեր Սիյարտոն օրերս հայտարարել էր, որ Բուդապեշտը դեմ է վրացի պաշտոնյաների դեմ ցանկացած պատժամիջոց կիրառելու առաջարկին և վետո կկիրառի: Թբիլիսիում շարունակվում են իշխանությունների հրաժարականի պահանջով զանգվածային ցույցերը, որոնք սկսվեցին, երբ վարչապետ Իրակլի Կոբախիձեն հայտարարեց, որ ժամանակավորապես կասեցվում են Եվրոպական միության հետ անդամակցության բանակցությունները: Հազարավոր քաղաքացիներ Թբիլիսիի փողոցներում այս օրերին ցույցեր էին անում, որոնք ուղեկցվում են ուժայինների հետ բախումներով։

09:52 - 17 դեկտեմբերի, 2024

Անկարայում տեղի է ունեցել Էրդողան-Օրբան հանդիպումը |1lurer.am|

1lurer.am: Թուրքիայի նախագահն ընդունել է Հունգարիայի վարչապետին: Ռեջեփ Էրդողանի և Վիկտոր Օրբանի հանդիպման օրակարգում են ռուս-ուկրաինական հակամարտությունը, Մերձավոր Արևելքում զարգացումները, ինչպես նաև Անկարա-Բուդապեշտ հարաբերությունները: Օրբանը դեկտեմբերի 9-ին Ֆլորիդայում հանդիպել էր Դոնալդ Թրամփի հետ: Դեկտեմբերի 11-ին էլ հեռախոսազրույց ունեցել ՌԴ նախագահի հետ։ Շփումների հիմնական թեման է եղել ռուս-ուկրաինական կարգավորումը:

21:39 - 12 դեկտեմբերի, 2024

Հունգարիան խոստացել է վետո կիրառել Վրաստանի իշխանությունների դեմ ԵՄ հնարավոր պատժամիջոցների նկատմամբ |1lurer.am|

1lurer.am: Հունգարիան դեմ է, որ վրացի պաշտոնյաները ներառվեն պատժամիջոցների ցուցակում, հայտարարել է Հունգարիայի արտգործնախարար Պետեր Սիյարտոն: «Եթե լինեն նման առաջարկներ, մենք վետո կկիրառենք, դուք կարող եք դրանում վստահ լինել»,- հայտարարել է Սիյարտոն Վրաստանի արտգործնախարար Մակա Բոճորիշվիլու հետ համատեղ ասուլիսում։ Հունգարիայի ԱԳՆ ղեկավարի խոսքով՝ Բրյուսելից առաջարկներ կան Վրաստանի ներքին գործերի նախարարի և բարձրաստիճան ոստիկանների դեմ եվրոպական պատժամիջոցներ կիրառելու վերաբերյալ, ինչը «վրդովեցուցիչ է և անհիմն»։ Վրաստանի արտգործնախարար Մակա Բոճորիշվիլին, որն իր առաջին պաշտոնական այցով գտնվում է Բուդապեշտում, շնորհակալություն է հայտնել Հունգարիային՝ Եվրամիությունում Վրաստանի իշխանությունների դեմ պատժամիջոցներ սահմանելու հնարավոր առաջարկների հանդեպ վետո կիրառելու պատրաստակամության համար։

11:28 - 11 դեկտեմբերի, 2024

Օրբանն ԱՄՆ-ում հանդիպել է Թրամփի և Մասկի հետ |shantnews.am|

shantnews.am: Հունգարիայի վարչապետ Վիկտոր Օրբանը նորընտիր նախագահ Դոնալդ Թրամփի հրավերով այցելել է ԱՄՆ և հանդիպել նրա հետ Ֆլորիդայում գտնվող Մար-ա-Լագո կալվածքում։ Հանդիպմանը մասնակցել են նաև ձեռնարկատեր Իլոն Մասկը, ով կարող է միանալ ամերիկյան նոր վարչակազմին, Թրամփի կողմից ազգային անվտանգության գծով նախագահի օգնական նշանակված Մայք Վալցը և Հունգարիայի արտաքին գործերի նախարար Պետեր Սիյարտոն։ «Մի օր Մար-ա-Լագոյում Դոնալդ Թրամփի և Իլոն Մասկի հետ»,- գրել է Հունգարիայի կառավարության ղեկավարը ֆեյսբուքյան իր էջում:

09:35 - 10 դեկտեմբերի, 2024

Հունգարիայում կբացվի Հայաստանի Հանրապետության դեսպանություն |1lurer.am|

1lurer.am: Կառավարությունը հավանություն տվեց Հունգարիայում Հայաստանի Հանրապետության դեսպանություն ստեղծելու, Հայաստանի Հանրապետության կառավարության 2014 թվականի հուլիսի 3-ի N 738-Ն և 2005 թվականի դեկտեմբերի 29-ի N 2335-Ն որոշումներում լրացում կատարելու մասին հարցին: Հիշեցնենք՝ 2022 թ․ դեկտեմբերի 1-ին Լոձում՝ ԵԱՀԿ նախարարական համաժողովի շրջանակներում, տեղի է ունեցել Հայաստանի և Հունգարիայի ԱԳ նախարարներ Արարատ Միրզոյանի և Պետեր Սիյարտոյի հանդիպումը, որի ընթացքում պայմանավորվածություն է ձեռք բերվել վերականգնել լիարժեք դիվանագիտական հարաբերությունները: 2024 թ. մայիսի 6-ին նախարար Սիյարտոյի հրավերով կայացել է ՀՀ ԱԳ նախարար Արարատ Միրզոյանի պատասխան այցը Հունգարիա, որի ընթացքում պայմանավորվածություն է ձեռք բերվել մայրաքաղաքներում փոխադարձաբար դեսպանությունների բացման վերաբերյալ: ՀՀ արտաքին գործերի նախարարությունը նպատակահարմար է գտնում Հունգարիայում ՀՀ դեսպանության բացումը, ինչը թույլ կտա ավելի ընդլայնել համագործակցությունը՝ նոր լիցք հաղորդելով տարբեր ոլորտում համագործակցությանը։ Ինչպես նշված է Կառավարության որոշման հիմնավորման մեջ, «Դիվանագիտական ծառայության մասին» օրենքի 11-րդ հոդվածի 1-ի մասի համաձայն՝ Հայաստանի Հանրապետության դեսպանությունն ստեղծվում է Կառավարության որոշմամբ` Հայաստանի Հանրապետության և տվյալ օտարերկրյա պետության միջև նախապես ձեռք բերված պայմանավորվածության հիման վրա: Հիմք ընդունելով «Դիվանագիտական ծառայության մասին» օրենքի 11-րդ հոդվածի 1-ի մասը՝ նախագծով առաջարկվում է Հունգարիայում ստեղծել Հայաստանի Հանրապետության դեսպանություն, նստավայրը՝ Բուդապեշտում:

15:56 - 28 նոյեմբերի, 2024