Վլադիմիր Պուտին

Ռուսաստանի Դաշնության գործող նախագահ։ Ծնվել է 1952թ. հոկտեմբերի 7-ին։ 1975-1991թթ․ ծառայել է ՊԱԿ-ում (КГБ), զբաղեցրել հետախուզական պաշտոններ։ 1991թ. ըստ պաշտոնական տեղեկատվության սեփական զեկուցագրով զորացրվել է ՊԱԿ-ից։ 1990-1995թթ. զբաղեցրել է Լենինգրադի քաղաքային իշխանության տարբեր պաշտոններ։ 1996-1998թթ․ արագ վերելք է գրանցել Կրեմլի տարբեր պաշտոններում՝ ի վերջո ստանձնելով Նախագահի աշխատակազմի ղեկավարի տեղակալի պաշտոնը։ 1998-ին նշանակվում է ԱԴԾ (ФСБ) տնօրեն։

1999-ի օգոստոսին ընդունելով նախագահ Ելցինի առաջարկը ստանձնել է ՌԴ վարչապետի պաշտոնը։ 1999-ի դեկտեմբերի 31-ին հրաժարական տվեց Ելցինը եւ Պուտինը դարձավ նախագահի պաշտոնակատար։ 2000թ․ մարտին ընտրվեց նախագահ եւ պաշտոնավարեց առավելագույն երկու ժամկետով։ 2008-ին՝ վարչապետ Մեդվեդեւի նախագահ ընտրվելուց հետո Պուտինը ստանձնեց Վարչապետի պաշտոնը։ Այս դրվագը հանրային լայն շրջանակներում ընկալվեց որպես «փոխատեղում»։ 2012-ից ի վեր Պուտինը նորից նախագահի պաշտոնում է։ 

Պուտինը հեռախոսազրույց է ունեցել ԱՄԷ նախագահի հետ
 |armenpress.am|

Պուտինը հեռախոսազրույց է ունեցել ԱՄԷ նախագահի հետ |armenpress.am|

armenpress.am: ՌԴ նախագահ Վլադիմիր Պուտինը հեռախոսազրույց է ունեցել Արաբական Միացյալ Էմիրությունների նախագահ Մուհամեդ բին Զայեդ Ալ-Նահյանի հետ։ Պետությունների ղեկավարները քննարկել են ռուս-էմիրաթական բարեկամական հարաբերությունների զարգացումը` հաշվի առնելով ՌԴ նախագահի դեկտեմբերի 6-ի այցի արդյունքները: Ինչպես տեղեկացնում է «ՌԻԱ Նովոստի»-ն, այդ մասին հայտնել է Կրեմլի մամլո ծառայությունը։ Վլադիմիր Պուտինը և Արաբական Միացյալ Էմիրությունների նախագահ Մուհամեդ բեն Զայեդ Ալ-Նահյանը քննարկել են նաև Գազայի հատվածին հավելյալ մարդասիրական օգնություն տրամադրելու քայլերը։ «Պաղեստինա-իսրայելական հակամարտության գոտում շարունակվող ռազմական առճակատման ֆոնին քննարկվել են Գազայի հատվածին հավելյալ հումանիտար օգնություն տրամադրելու քայլերը։ Ռուսաստանը և ԱՄԷ-ն կիսում են սկզբունքային դիրքորոշումը՝ հօգուտ շուտափույթ զինադադարի և քաղաքական բանակցությունների վերսկսման։ Հաստատվել է միջազգայնորեն հայտնի իրավական հիմքերի վրա պաղեստինյան հիմնախնդրի երկարաժամկետ և արդարացի լուծման անհրաժեշտությունը»,- ասված է հաղորդագրության մեջ։ Ուկրաինայի շուրջ ստեղծված իրավիճակի մասին զրույցելիս՝ Վլադիմիր Պուտինը շնորհակալություն է հայտնել Մուհամեդ բեն Զայեդ Ալ-Նահյանին՝ գերեվարված անձանց փոխանակման հարցում միջնորդական օգնության համար։
22:25 - 05 փետրվարի, 2024
Պուտինի խոսքով՝ Ուկրաինայի դեմ պատերազմող ռուսական զորքի թիվը 600 հազար է՝ բանակի գրեթե կեսը
 |azatutyun.am|

Պուտինի խոսքով՝ Ուկրաինայի դեմ պատերազմող ռուսական զորքի թիվը 600 հազար է՝ բանակի գրեթե կեսը |azatutyun.am|

azatutyun.am: Ռուսաստանի նախագահ Վլադիմիր Պուտինի խոսքով՝ Ուկրաինայի դեմ պատերազմող ռուսական զորքերի թիվը 600 հազար է․ սա երկրի կանոնավոր բանակի գրեթե կեսն է: Այս մասին Կրեմլի ղեկավարը հայտարարել է Ուկրաինայի դեմ պատերազմին մասնակցած ռուսաստանցի ուսանողների հետ հանդիպմանը։ Դեկտեմբերի 1-ին նախագահ Պուտինը հրամանագիր է արձակել՝ ռուսական բանակում զինվորականների թիվը 130 հազար հոգով ավելացնելով մինչև 1 միլիոն 320 հազար, այդ թվում՝ 130 հազար ժամկետային զինծառայող։ Ռուսաստանի նախագահի ներկայացրած թվերը անկախ ստուգման ենթակա չեն և կարող են տարբերվել իրականությունից։ Սակայն, եթե այդ տվյալները մոտ են իրականությանը, ապա դա նշանակում է, որ ավելի քան մեկ միլիոն ռուսաստանցի Ուկրաինայի դեմ Ռուսաստանի պատերազմի մասնակից է։ Դեկտեմբերին CNN-ը, հղում անելով ԱՄՆ հետախուզության տվյալներին ծանոթ աղբյուրներին, հայտնել էր, որ Ուկրաինայում ռուսական բանակի զոհերի թիվը կարող է հասնել 315 հազարից մինչև 360 հազարի։
21:07 - 26 հունվարի, 2024
Պուտինը հրամանագիր է ստորագրել զինվորագրվող օտարերկրացիներին քաղաքացիություն տրամադրելու մասին
 |armenpress.am|

Պուտինը հրամանագիր է ստորագրել զինվորագրվող օտարերկրացիներին քաղաքացիություն տրամադրելու մասին |armenpress.am|

armenpress.am: Ռուսաստանի նախագահ Վլադիմիր Պուտինը հրամանագիր է ստորագրել Ռուսաստանի Դաշնության զինված ուժերում կամ զինվորական կազմավորումներում զինվորական ծառայության անցնելու պայմանագիր կնքած օտարերկրյա քաղաքացիներին և նրանց ընտանիքների անդամներին ՌԴ քաղաքացիություն տրամադրելու մասին: Այս մասին հաղորդում է «Ինտերֆաքս»-ը։ Ըստ հրապարակման՝ բացի օրենքով նախատեսված այլ դեպքերից, ՌԴ քաղաքացիություն ստանալու համար դիմում կարող են ներկայացնել օտարերկրյա քաղաքացիները, որոնք «հատուկ ռազմական գործողության անցկացման ժամանակաշրջանում պայմանագիր են կնքել Ռուսաստանի զինված ուժերում կամ զինվորական կազմավորումներում զինվորական ծառայություն անցնելու վերաբերյալ կամ հատուկ ռազմական գործողության անցկացման ժամանակաշրջանում զինվորական ծառայություն են անցել Ռուսաստանի Դաշնության զինված ուժերում կամ զինվորական կազմավորումներում»։ Բացի այդ, քաղաքացիություն ստանալու համար կարող են դիմել այն օտարերկրյա քաղաքացիները, որոնք «հատուկ ռազմական գործողության ընթացքում» Ռուսաստանի զինված ուժերում կամ զինվորական կազմավորումներում զինվորական ծառայությունից ազատվել են տարիքի, առողջական վիճակի և մոբիլիզացիայի ժամանակաշրջանի ավարտի կամ ռազմական դրության չեղարկման պատճառով։
15:59 - 04 հունվարի, 2024
Պուտինը Բելգորոդում տեղի ունեցածն ահաբեկչություն է անվանել |armeniasputnik.am|

Պուտինը Բելգորոդում տեղի ունեցածն ահաբեկչություն է անվանել |armeniasputnik.am|

armeniasputnik.am: Ռուսաստանի նախագահ Վլադիմիր Պուտինը Բելգորոդում տեղի ունեցածն ահաբեկչություն է անվանել։ Այս մասին նա ասել է այսօր հատուկ ռազմական գործողության մասնակիցների հետ հանդիպմանը։ Հիշեցնենք, որ դեկտեմբերի 30-ին հայտարարվել էր, ուկրաինական զինված ուժերը հարվածներ են հասցրել Բելգորոդին, ինչի հետևանքով զոհվել է 24 մարդ, այդ թվում՝ չորս երեխա։ Տուժել է 131 մարդ։ «Այն, ինչ տեղի ունեցավ Բելգորոդում, իհարկե ահաբեկչություն է: Ինչու, որովհետև երկու «Վիլխա» հրթիռների անվան տակ, իմ կարծիքով, նրանք կրակեցին բազմակի հրթիռային համակարգերից: Այդ զենքերով նրանք հարվածում են հրապարակներին, հենց քաղաքի կենտրոնին, որտեղ մարդիկ պատրաստվում են Ամանորի»,- ասել է Պուտինը։ Նրա խոսքով, Ռուսաստանը, իհարկե, կարող է հարվածել նաև Կիևի ու ցանկացած այլ քաղաքի հրապարակներին․ «Բայց ՌԴ-ն հարվածում է ռազմական թիրախներին, և կշարունակի դա անել»։
17:18 - 01 հունվարի, 2024
ԵՏՄ բարձրագույն խորհրդի նիստից հետո 22 փաստաթուղթ է ստորագրվել

 |factor.am|

ԵՏՄ բարձրագույն խորհրդի նիստից հետո 22 փաստաթուղթ է ստորագրվել |factor.am|

factor.am: Եվրասիական տնտեսական միության (ԵՏՄ) անդամ երկրների ղեկավարները հավանության են արժանացրել մինչև 2045 թվականը տնտեսական գործընթացների զարգացման մասին հռչակագիրը: Այս մասին տեղեկացնում է ՏԱՍՍ-ը: ՌԴ նախագահ Վլադիմիր Պուտինը նշել է, որ, ընդհանուր առմամբ, տեղի է ունեցել մտքերի փոխանակում գործունեության կարևոր ասպեկտների վերաբերյալ, նախանշվել են ինտեգրացիոն համագործակցության խորացման ռազմավարական հեռանկարները։ «Մասնավորապես, քննարկվել է ԵՏՄ-ում մինչև 2030 թվականը, նաև մինչև 2045 թվականն ընկած ժամանակահատվածի համար տնտեսական գործընթացների հետագա զարգացման մասին հռչակագիր ընդունելու հարցը։ Այս գաղափարը հավանության է արժանացել, ԵՏՄ Բարձրագույն խորհրդի բոլոր անդամները համաձայնել են հաստատել հռչակագիրը։ Համապատասխան որոշումը մենք կձևակերպենք մեր հանդիպման արդյունքների հիման վրա»,- ասել է Պուտինը՝ բացելով ընդլայնված կազմով հանդիպումը։ Նա ընդգծել է, որ հռչակագիրը նոր ծրագրային փաստաթուղթ է, որը նախատեսում է առանցքային ոլորտներում համատեղ ջանքերն ավելացնելու քայլերը և նախանշում համագործակցության լրացուցիչ ոլորտներ, ինչպիսիք են կլիմայի օրակարգը, բժշկությունը, զբոսաշրջությունը և մի շարք այլ ոլորտներ։ Բացի հռչակագրից՝ հանդիպման շրջանակում ստորագրվել է ևս 21 փաստաթուղթ։ Դրանք ներառում են արձանագրություններ, հրամաններ և որոշումներ համագործակցության հետագա զարգացման վերաբերյալ։  
18:23 - 26 դեկտեմբերի, 2023
ԵԱՏՄ-Իրան ազատ առևտրի համաձայնագիրը կօգնի արտահանմանը և Հյուսիս–հարավ երթուղուն. Պուտին
 |armeniasputnik.am|

ԵԱՏՄ-Իրան ազատ առևտրի համաձայնագիրը կօգնի արտահանմանը և Հյուսիս–հարավ երթուղուն. Պուտին |armeniasputnik.am|

armeniasputnik.am: v class="article__block" data-type="text"> ԵԱՏՄ-ի և Իրանի միջև ազատ առևտրի մասին համաձայնագիրը Եվրասիական միության երկրների համար մուտք կբացի դեպի Եվրասիական տարածաշրջանի խոշորագույն և առավել զարգացած տնտեսություններից մեկի շուկա: Այս մասին Սանկտ Պետերբուրգում Եվրասիական տնտեսական բարձրագույն խորհրդի նիստում հայտարարել է Ռուսաստանի նախագահ Վլադիմիր Պուտինը` մեկնաբանելով նիստի մեկնարկից առաջ ստորագրված համաձայնագիրը։   Համաձայնագիրն ուժի մեջ մտնելուց հետո (երբ այն վավերացնեն և՛ Իրանը, և՛ ԵԱՏՄ բոլոր հինգ երկրները,–խմբ.,) Միությունում արտադրվող ապրանքների գրեթե բոլոր կատեգորիաները հասանելիություն կստանան իրանական 90 միլիոնանոց շուկային (զրոյական կամ նվազեցված մաքսատուրքերի շնորհիվ խմբ.): ՌԴ նախագահը հիշեցրել է, որ ոչ սակագնային արգելքները նույնպես զգալիորեն կնվազեն։   Նա նշել է, որ ԵԱՏՄ երկրների գործարար շրջանակները հետաքրքրված են դրանով, քանի որ ակտիվ առևտուր են անում իրանցի գործընկերների հետ, և հիմա առևտրի պայմանները նկատելիորեն կբարելավվեն։ ՌԴ ղեկավարի խոսքով` ակնհայտ է նաև, որ Իրանի հետ առևտրի ազատականացումը լրացուցիչ խթան կհաղորդի տրանսպորտային-լոգիստիկ երթուղիների, այդ թվում «Հյուսիս-հարավ» միջանցքի զարգացմանը, ինչպես նաև նախադրյալներ կստեղծի գիտական և արտադրական համագործակցության համար։   «Հյուսիս-հարավը» ամենամասշտաբային նախագծերից մեկն է։ Այս ճանապարհը կկրճատի Իրան-Հայաստանի սահմանից մինչև Վրաստանի-Հայաստանի սահմանը տանող ճանապարհ (550-ից հասցնելով 490 կմ), ինչպես նաև կհեշտացնի ելքը դեպի Սև ծով ոչ միայն Հայաստանի, այլև Իրանի համար:
19:57 - 25 դեկտեմբերի, 2023
Պուտինն ակնկալում է դեկտեմբերի վերջին հանդիպել ԱՊՀ երկրների ղեկավարների հետ
 |factor.am|

Պուտինն ակնկալում է դեկտեմբերի վերջին հանդիպել ԱՊՀ երկրների ղեկավարների հետ |factor.am|

factor.am: Վլադիմիր Պուտինը հայտնել է, որ ակնկալում է դեկտեմբերի վերջին Սանկտ Պետերբուրգում ոչ պաշտոնական հանդիպում անցկացնել ԱՊՀ երկրների ղեկավարների հետ, փոխանցում է ՌԻԱ Նովոստին։ «Կխնդրեի ձեզ փոխանցել իմ ջերմ ողջույնները ձեր պետությունների ղեկավարներին, որոնց ես ակնկալում եմ տեսնել շատ շուտով՝ դեկտեմբերի վերջին, Եվրասիական տնտեսական բարձրագույն խորհրդի նիստին և ԱՊՀ երկրների ղեկավարների ավանդական ոչ պաշտոնական հանդիպմանը Սանկտ Պետերբուրգում»,- ասել է ՌԴ նախագահը ԱՊՀ կառավարությունների ղեկավարների խորհրդի նիստի մասնակիցներին ուղղված ուղերձում։ Պուտինը հիշեցրել է, որ հունվարի 1-ին կազմակերպության նախագահությունն անցնում է Ռուսաստանին, հավելել, որ նախատեսվում է շարունակել և զարգացնել արվեստի, կրթության և գիտության տարբեր ոլորտներում համատեղ միջոցառումների անցկացման պրակտիկան։ Բացի այդ, կառույցում նախագահության ընթացքում Ռուսաստանը հատուկ ուշադրություն կդարձնի ռուսաց լեզվի պահպանման խնդրին։
14:44 - 18 դեկտեմբերի, 2023