ՀՀ կառավարություն

Կառավարությունը գործադիր իշխանության բարձրագույն մարմինն է: Կառավարությունն իր ծրագրի հիման վրա մշակում եւ իրականացնում է պետության ներքին եւ արտաքին քաղաքականությունը, իրականացնում է պետական կառավարման համակարգի մարմինների ընդհանուր ղեկավարումը: Կառավարության լիազորությունները սահմանվում են Սահմանադրությամբ եւ օրենքներով: Կառավարության իրավասությանն են ենթակա գործադիր իշխանությանը վերաբերող բոլոր այն հարցերը, որոնք վերապահված չեն պետական կառավարման կամ տեղական ինքնակառավարման այլ մարմինների: Կառավարությունը կազմված է վարչապետից, փոխվարչապետներից եւ նախարարներից:

Հանրապետության նախագահը վարչապետ է նշանակում խորհրդարանական մեծամասնության ընտրած թեկնածուին, իսկ փոխվարչապետները եւ նախարարները նշանակվում են Հանրապետության նախագահի կողմից՝ վարչապետի առաջարկությամբ: Այժմ գործում է Նիկոլ Փաշինյանի գլխավորած կառավարությունը։

 Քաշաթաղից տեղահանված բնակիչները  բողոքի ակցիա են իրականացրել կառավարության շենքի դիմաց |news.am|

Քաշաթաղից տեղահանված բնակիչները բողոքի ակցիա են իրականացրել կառավարության շենքի դիմաց |news.am|

news.am: Արցախից տեղահանված, տուն ու տեղ կորցրած մեր հայրենակիցները կանգնել են փաստի առջև․ Քաշաթաղից տեղահանվածներին տալիս են տան գնման սերտիֆիկատ, բայց բանկերը հրաժարվում են գումար տրամադրել, գործարք կնքել՝  նրանց կանգնեցնելով խնդրի առջև։ Այսօր՝ նոյեմբերի 24-ին, կառավարության դիմաց բողոքի ակցիա իրականացնող քաշաթաղցիներից մեկը լրագրողների հետ զրույցում նշեց, որ Արցախից տեղահանված քաղաքացիների խնդիրներն այս ընթացքում ավելացել են, որովհետեւ բնակարաններ գնելու սերտիֆիկաների բաժանումն սկսվել է: «Մոտ 4 հազար շահառու է, որ պետք է սերտիֆիկաներից օգտվի, նրանցից երեք հազարն արդեն ստացել է սերտիֆիկատները: Նրանց երեւի թե 90 տոկոսը մոտեցել են բանկերին, բայց որեւէ գործխարք անել չի հաջողվել: Այս ընթացքում ընդամենը 1-2 շահառու է կարողացել գործարք կատարել եւ ավարտին հասցնել գործարքը: մեկը նորապսակների ծրագրով են, այսինքն լրացուցիչ հիփոթեքային վարկ են վերցրել, որ կարողանան տուն առնել, երկրորդն էլ ավելի նորմալ պայմաններով բնակարան են վերցրել: Մնացածի մոտ չի ստացվում, քանի որ  մարդիկ հենց Քաշաթաղից ունեն խնդիրներ, որոնք լուծված չեն, իսկ բանկային համակարգն ունի իր կանոնները: Պետք է կառավարությունը ԿԲ-ի հետ համագործակցելով չեղարկեն այդ կանոնները, որպեսզի ամեն շահառու կարողանար բանկում կատարել իր գործարքը, ոչ թե ընկներ բանկային ողջ շղթայի մեջ; Դա եւ կանխավծարի մուծումն է, եւ տների գնահատումը եւ կադաստրի վճարումներ կատարելը եւ վարկային մաքուր պատմություն ունենալը: Այս բոլորը խանգարում է, որ մարդը կարողանա օգտագործել իր սերտիֆիկատը: Իսկ սերտիֆիկատն էլ տրվում է մեկ տարի ժամկետով, որից երեք ամիսն անցել է: Սերտիֆիկատի մեջ նաեւ գումար է նշված՝ մինչեւ 10 մլն դրամ, Երեւանի համար մինչեւ 8 մլն դրամ, սահմանամերձ գյուղերի համար՝ մինչեւ 14 մլն դրամ, եւ Արցախում՝ մինչեւ 12 մլն դրամ»,-ասաց նա: Հարցին, թե որքանով է հնարավոր 14 մլն դրամով սահմանամերձ գոտում բնակարան գնել, Քաշաթաղի բնակիչը պատասխանեց. «Սահմանամերձում ռեալ է, բայց բանկը կգնահատի՞ սահմանամերձում որեւէ տուն 14 մլն կամ 12 մլն դրամ, միանշանակ չի գնահատում բանկը: Բանկերի 90 տոկոսն ասում է՝ մենք գործարք չենք անում: Շահառուներին ասել են՝ հունվարին մոտեցեք»:
18:07 - 24 նոյեմբերի, 2022
Կառավարությունը «Գազպրոմ Արմենիա»-ին տարեկան 34,79 մլն ԱՄՆ դոլար կվճարի. սա հնարավորություն կտա 10 տարի գազի գինը հաստատուն պահել

Կառավարությունը «Գազպրոմ Արմենիա»-ին տարեկան 34,79 մլն ԱՄՆ դոլար կվճարի. սա հնարավորություն կտա 10 տարի գազի գինը հաստատուն պահել

Կառավարությունն այսօրվա՝ նոյեմբերի 24-ի նիստում հաստատեց «ՀայՌուսգազարդ» ՓԲԸ–ի առուվաճառքի մասին 2013 թվականին կնքված համաձայնագրում համապատասխան փոփոխություն կատարելու մասին արձանագրության նախագիծը։ Ըստ այդմ, կառավարությունը «Գազպրոմ Արմենիա» ՓԲԸ-ին տարեկան 34,79 մլն ԱՄՆ դոլար կվճարի` որպես Հրազդանի 5-րդ էներգաբլոկի տարեկան հզորության վճար։ Այդ 34,79 մլն ԱՄՆ դոլարից 31,79 մլն–ը կուղղվի ներդրումների վերադարձի ապահովմանը, 3 մլն–ը` 5-րդ էներգաբլոկի ընթացիկ շահագործման և սպասարկման ծախսերի փոխհատուցմանը։ Նախագծի հիմնավորման մեջ նշվում է, որ Հրազդանի ՋԷԿ–ն այսօր աշխատում է թերբռնված ու պարբերաբար ստիպված է լինում դադարեցնել աշխատանքը` էլեկտրաէներգիայի գերարտադրությունը կանխելու համար։ «Հրազդանի 5-րդ էներգաբլոկի թերբեռնվածությունը մեծապես կախված է եղել առևտրային պայմանագրերի բացակայությամբ, ինչպես նաև Իրան-Հայաստան 400 կՎ էլեկտրահաղորդման գծի կառուցման ժամկետների ուշացմամբ։ Էներգաբլոկի ոչ լրիվ հզորությամբ աշխատելու հետևանքով  «Գազպրոմ» ՀԲԸ-ի կողմից կատարված ներդրումները ոչ միայն ետ չեն գնվել, այլև վարկային պարտավորություններն ավելացել են հասնելով շուրջ 100 մլն դոլարի։ Արձանագրությամբ սահմանված պայմանների իրագործումը կնպաստի Հրազդանի 5-րդ էներգաբլոկի  վերագործարկմանը, ինչպես նաև հնարավորություն կստեղծվի տասը տարվա կտրվածքով հաստատուն պահել Հայաստան մատակարարվող գազի գինը։ Բացի այդ Արձանագրությամբ նախատեսվում է«Երևանի ՋԷԿ»-ի «Գազպրոմ Արմենիա» ՓԲԸ-ին ունեցած շուրջ 30 մլն դոլար պարտավորությունների մարման հետ կապված հարցերի կարգավորումը։ Արձանագրությունը կազմվել և ստորագրվել է ռուսական կողմի հետ շուրջ 2 տարի տևած բանակցությունների արդյունքում»,- ասված է հիմնավորման մեջ: Բացի այդ, արձանագրությամբ նախատեսվում է Երևանի ՋԷԿ-ի՝ «Գազպրոմ Արմենիա» ՓԲԸ-ին ունեցած շուրջ 30 մլն դոլար պարտավորությունների մարման հետ կապված հարցերի կարգավորումը։ Կառավարության նիստում հավանություն արժանանալուց հետո այն կներկայացվի ՀՀ նախագահի վավերացմանը, ուժի մեջ կմտնի վավերացումից անմիջապես հետո։
16:00 - 24 նոյեմբերի, 2022
Երևանում կազինոներ կբացվեն, որոնք անապահով խավի խաղադրույքների վրա աչք չեն դնի. Փաշինյան
 |news.am|

Երևանում կազինոներ կբացվեն, որոնք անապահով խավի խաղադրույքների վրա աչք չեն դնի. Փաշինյան |news.am|

news.am: 4 տարվա երկարատեւ եւ համառ պայքարից հետո մենք կարողանում ենք խաղային ոլորտը կարգավորել: Այս մասին, այսօր՝ նոյեմբերի 24-ին, կառավարության նիստում հայտարարեց ՀՀ վարչապետ Նիկոլ Փաշինյանը: «Հիմա բուքմեյքերներ եւ օնլայն կազինոների ոլորտում ունենք պետական տուրք տարեկան 600 մլն դրամի չափով: Հիմա մենք ասում ենք՝ այդ գումարը մուծում եք, աշխատում եք՝ շատ լավ, բայց ամեն 100 միլիարդ դրամ խաղադրույքի համար պետք է լրացուցիչ 75 մլն դրամ տուրք վճարեք: Սա ազնիվ է, որովհետեւ կախված նրանից, թե որքան հաջողակ է տվյալ ընկերությունը, համապատասխանաբար ավելանում է գումարի չափը»,-ասաց նա: Փաշինյանը տեղեկացրեց, որ ՊԵԿ-ն ու Ֆինանսների նախարարությունը համատեղ մշակում են խաղատների, շահումներով խաղերի հաշվարկման եւ հարկման նոր համակարգ: «Հաջորդ խնդիրն այն է, որ մենք այսօր ունենք կարգավորումներ, որ կազինոներ գործելու հնարավորություն տվել ենք որոշակի տեղանքներում: Բայց նաեւ 100 մլն դոլար ներդրման պարագայում հնարավորություն կա բացել կազինոներ: Ֆիննախում քննարկումների արդյունքում հանգեցինք այն եզրակացության, թե ինչպես ենք հաշվարկելու, թե արդյոք  100 մլն դոլարի ներդրում է արված։ Օրինակ, արդեն Երեւանում ազդակներ ունենք, որ 100 մլն և ավելի դոլար ներդրմամբ հյուրանոցներ են կառուցում, որոնք նպատակ ունեն կազինո բացելու։ Բնականաբար, Երևանում բացվող խաղատները կլինեն ավելի այլ կարգի, որը սոցիալապես անապահով խավի խաղադրույքների վրա աչք չի դնի, այլ բոլորովին այլ տրամաբանությամբ կաշխատի»,– ասաց Փաշինյանը։ Վարչապետի խոսքով` մի քանի ամսվա ընթացքում կարող են նախագիծը շրջանառության մեջ դնել, թե ինչպես են ներդրումները հաշվարկվելու, որպեսզի չարաշահումներ չլինեն։ Նշենք, որ ըստ օրենքի՝ խաղատներ կարող են բացվել Երևանից 50 կմ հեռավորության վրա։
13:58 - 24 նոյեմբերի, 2022
Հայաստանը 100 մլն եվրո վարկ կվերցնի՝ պետբյուջեի դեֆիցիտի համար. վարչապետը հետաքրքրվեց՝ որքա՞ն է ՀՀ-ի պետական պարտքը

 |armtimes.com|

Հայաստանը 100 մլն եվրո վարկ կվերցնի՝ պետբյուջեի դեֆիցիտի համար. վարչապետը հետաքրքրվեց՝ որքա՞ն է ՀՀ-ի պետական պարտքը |armtimes.com|

armtimes.com: Կառավարությունն այսօրվա նիստում հավանություն տվեց «Հայաստանի Հանրապետության և «Զարգացման ֆրանսիական գործակալության» միջև 2022 թվականի նոյեմբերի 17-ին ստորագրված թիվ CAM 1016 01 վարկային համաձայնագիրը վավերացնելու մասին» օրենքի նախագծին: Նախագծում նշվում է, որ խոսքը 100 մլն եվրո վարկային համաձայնագրի մասին է, որը տրամադրվելու է երկու մասնաբաժնով: Ֆինանսների նախարար Տիգրան Խաչատրյանը տեղեկացրեց, որ «Զարգացման ֆրանսիական գործակալություն»-ը որոշում է կայացրել Հայաստանում բացել ներկայացուցչություն. «Այս վարկը նախատեսված է, որ լինի 20 տարով, որից 5 տարին՝ արտոնյալ ժամանակահատվածով: Մենք կարող ենք ընտրել թե՛ լողացող, թե՛ ֆիքսված տոկոսադրույք»: ՀՀ վարչապետ Նիկոլ Փաշինյանն էլ նշեց, որ ունենք շատ դրական վիճակ, երբ պետական պարտք/ՀՆԱ հարաբերակցությունը 50 տոկոս է: «Սա, մեղմ ասած, դրական ցուցանիշ է: Արդյոք սա փոխարժեքի փոփոխության արդյո՞ւնք է: Իհարկե, փոխարժեքի փոփոխությունն ունի դերակատարում, բայց հաճույքով արձանագրեցինք, որ սա մեծապես կախված է պետական պարտքի կառավարման որակից: Հիմա շատ շահարկում են, ասում՝ «վա՜յ, Հայաստանի պետական պարտքը դարձել է 7 միլիարդ»: Յոթ միլիա՞րդ, քանի՞ միլիարդ է դարձել»,- ՀՀ ֆինանսների նախարարից հետաքրքրվեց Փաշինյանը։ «Այս տարվա վերջ 10 միլիարդից մի քիչ բարձր կլինի»,- արձագանքեց Տիգրան Խաչատրյանը։ «10 միլիարդ և այլն, այդ թիվն էական չէ, էականը, թե ՀՆԱ-ի նկատմամբ պետական պարտքն ինչ ծավալ է կազմում։ Ենթադրենք, էս ինչ մարդը 50 հազար դոլար պարտք ունի, ոնց է լինելու, ենթադրենք, այդ մարդն ամիսը 45 հազար դոլար աշխատավարձ է ստանում, իր համար 50 հազար դոլար պարտքը խնդիր չէ։ Մեր խնդիրն այն չէ, որ մեր պարտքը 10 կամ 15 միլիարդ չլինի, մեր խնդիրն այն է, որ մեր պարտքը ոչ թե ՀՆԱ-ի նկատմամբ աճի, այլ նվազի»,- նկատեց Փաշինյանը։ Վերջինս անդրադարձավ նաև օնլայն կազինոներին և նշեց՝ 4 տարվա համառ պայքարից հետո կարողանում ենք խաղային ոլորտը կարգավորել: «Եթե մինչև հիմա օնլայն կազինոները, բուքմեյքերական գրասենյակները վճարում էին ընդամենը 600 միլիոն դրամ պետական տուրք, ապա այսուհետև ամեն 100 միլիարդ դրամ խաղադրույքի համար կվճարեն 170 միլիոն դրամ տուրք 600 միլիոն դրամ պետական տուրքի հետ միասին։ Մյուս փոփոխությունը, որն անում ենք, հետևյալն է. եթե այսօրվա օրենքով կազինոների գործունեության թույլտվություն ենք տվել որոշակի տեղանքում, իսկ 100 միլիոն դոլարի ներդրման դեպքում անձը կարող էր ցանկացած տեղ բացել կազինո, ապա հիմա Ֆինանսների նախարարության հետ եկել ենք այն եզրահանգման, որ պետք է ստեղծել մեթոդաբանություն՝ հաշվարկելու՝ արդյոք 100 միլիոնի ներդրումն իսկապես արվա՞ծ է. որովհետև արդեն իսկ ունենք ազդակներ, որ Երևանում 100 միլիոն դոլարի ներդրմամբ հյուրանոց է կառուցվում՝ հետագայում կազինո բացելու նպատակադրումով, որը կաշխատի այլ տրամաբանությամբ: Ուստի խնդիր կա հաշվարկել՝ արդյոք 100 միլիոն դոլարի ներդրումն արվա՞ծ է, թե՞ ոչ»,- ընդգծեց Կառավարության ղեկավարը:
13:51 - 24 նոյեմբերի, 2022
Նոր նախարարության ստեղծումից հետո ոստիկանության և փրկարար ծառայության ծառայողների համար կսկսվի կամավոր ատեստավորման գործընթաց

 |armenpress.am|

Նոր նախարարության ստեղծումից հետո ոստիկանության և փրկարար ծառայության ծառայողների համար կսկսվի կամավոր ատեստավորման գործընթաց |armenpress.am|

armenpress.am: Ներքին գործերի նախարարության ձևավորման մեկնարկից պետք է սկսվի կամավոր ատեստավորման գործընթացը, որի հիմնական նպատակը կլինի ոստիկանության և փրկարար ծառայության ծառայողների աշխատավարձերի առնվազն կրկնապատկումը: Այս մասին կառավարության նիստում ասաց վարչապետ Նիկոլ Փաշինյանը՝ հավելելով, որ  զուգահեռաբար այդ ամենը կկիրառվի նաև ազգային անվտանգության ծառայության, պետական պահպանության ծառայության ոլորտներում: «Որպեսզի շփոթ չլինի, այս փուլում մենք այս մեխանիզմը ներդնում  ենք այն ծառայությունների համար, որոնք համարվում են զինվորական բնույթի: Կարճ ասած ուսադիրներ կրող մարդկանց համար ենք մենք այս համակարգը ներդնում: 2023 թվականից գործընթացը պետք է գնա նաև քրեակատարողական ծառայության համակարգում, և 2023 թվականին արդեն բոլոր համակարգերում պետք է լինեն մարդիկ, ովքեր արդեն կաշխատեն կրկնապատկված աշխատավարձերով»,-ասաց նա: Վարչապետը նշեց, որ խնդիր է  առաջադրել՝ մյուս տարվանից նոր ստանդարտի ոստիկանության տարածքային կառույցների շենքեր ունենալու հետ կապված: «Արդեն իսկ նախագծման աշխատանքները մեկնարկել են: Մենք կսկսենք Մեղրիի ոստիկանությունից: ԱԻՆ փրկարար ծառայությունում մենք Միացյալ Նահանգների կառավարության աջակցությամբ մի քանի տեղ նոր ստանդարտի ֆիզիկական ենթակառուցվածքներ ենք ստեղծել»,-նշեց վարչապետը: Արդարադատության նախարարի պարտականությունները կատարող  Գրիգոր Մինասյանն  էլ հավելեց, որ ստեղծվելիք Ներքին գործերի նախարարությունն է առաջնորդելու բոլոր մեկնարկած ռեֆորմների ընթացքը: «Հունվար ամսին պարեկային ծառայությունը կգործարկվի Արագածոտնի,  Կոտայքի, Գեղարքունիքի և Տավուշի մարզերում, որտեղ կահավորանքներն արդեն պատրաստ են:  Նախատեսվում է միջմարզային կառույցներ ունենալ ոստիկանության գվարդիայի տրամաբանության ներքո, որտեղ կներառվեն երեք հիմնական կառուցվածքային ստորաբաժանումներ ` ոստիկանության զորքերը, ճանապարհային ոստիկանության  ուղեկցող գունդն ու պետական պահպանության գլխավոր վարչությունը»,-ասաց Մինասյանը՝ հավելելով, որ նախատեսվում է ստեղծել մեկ օպերատորական խումբ, և քաղաքացին այլևս ստիպված չի լինի ոստիկանություն կամ ԱԻՆ զանգելու համար տարբեր համարներ հավաքել:  Վարչապետ Նիկոլ Փաշինյանն էլ հավելեց, որ ոստիկանության պարկային ծառայության  նոր մեքենաները հասել են Հայաստան, և արդեն դրանց կահավորման աշխատանքներն են ընթանում: Նա նշեց, որ պարեկային ծառայության ներդրման հետ կապված մի խնդիր կա միայն ` համակարգում կանանց ներգրավվածությունը:
13:36 - 24 նոյեմբերի, 2022
Մոտ 2 մլրդ դրամ հատկացվեց 96 դպրոցի շենքային պայմանների և գույքային հագեցվածությունն ապահովելու նպատակով
 |armtimes.com|

Մոտ 2 մլրդ դրամ հատկացվեց 96 դպրոցի շենքային պայմանների և գույքային հագեցվածությունն ապահովելու նպատակով |armtimes.com|

armtimes.com: Այսօր Կառավարության նիստում ԿԳՄՍ նախարարությանը 2022 թվականին հատկացված միջոցներից կատարվեց վերաբաշխում 1 մլրդ 933 մլն դրամի չափով՝ 96 դպրոցի շենքային պայմանների և գույքային հագեցվածությունն ապահովելու նպատակով: ԿԳՄՍ նախարար Վահրամ Դումանյանը, խոսելով այս մասին հայտնեց, որ նախագծով նաև գումար է հատկացվում Գեղարքունիքի և Վայոց ձորի մարզի որոշ դպրցների՝ գույքային ապահովման նպատակով: «Այս աշխատանքները հնարավորություն են տալիս լուծել մարզպետարանների կողմից գույքագրված՝ դպրոցներում առկա հրատապ խնդիրները՝ ջեռուցման, տանիքի և սանհանգույցների վերանորոգման տեսանկյունից»,- ասաց նա:  Դումանյանը նշեց, որ չզեկուցվող փաթեթում ընդգրկված 8 մանկապարտեզի և 13 դպրոցի գույքով ապահովելու որոշումներ են ընդունել. դրանք ընդգրկված են «300 դպրոց, 500 մանկապարտեզ» ծրագրում: «Ինչպես զեկուցվող նախագիծը, այնպես էլ չզեկուցվող հարցերի փաթեթում ընդունված երկու նախագծերն այն որոշումներից են, որոնք համոզված եմ՝ մեծ էներգիա են տալիս, որովհետև մենք տեսնում ենք, որ հանրակրթության ոլորտում ռազմավարական ներդրումներ իրականացնելու մեր որոշման թափանիվը սկսել է շարժվել, և մենք շարունակում ենք խոշոր ներդրումներ անել հանրակրթության և նախադպրոցական կրթության ոլորտում»,- ասաց ՀՀ վարչապետ Նիկոլ Փաշինյանը:
13:21 - 24 նոյեմբերի, 2022
Պաշտոնաթող նախագահին և վարչապետին պետական պահպանությունն այլևս ցմահ չի տրվի․ Գրիգորյան
 |civilnet.am|

Պաշտոնաթող նախագահին և վարչապետին պետական պահպանությունն այլևս ցմահ չի տրվի․ Գրիգորյան |civilnet.am|

civilnet.am: Պետական պահպանության ծառայությունը կառանձնացվի ազգային անվտանգության ծառայությունից և կդառնա վարչապետին ենթակա մարմին։ Կառավարության նոյեմբերի 24-ի նիստում հայտարարեց անվտանգության խորհրդի քարտուղար Արմեն Գրիգորյանը։ «Այս բարեփոխումն ընդհանուր անվտանգության համակարգերի բարեփոխումների շրջանակներում է։ Կարևոր կետերից մեկն այն է, որ նախկինում այս կարգավորման շրջանակում նախագահին տրվում էր ցմահ պետական պահպանություն, և հիմա փոփոխություն է կատարվում օրենքում։ Այդ ծառայությունը նախագահներին կտրամադրվի պաշտոնաթող լինելուց հետո ևս 7 տարի, վարչապետի դեպքում դա կլինի 10 տարի»,- ասաց Գրիգորյանը։ Հարցի քննարկման ժամանակ Նիկոլ Փաշինյանն ընդգծեց, որ պաշտոնաթող նախագահին և վարչապետին պետական պահպանությունը երկարացնելու հնարավորություն կտրվի՝ ըստ անհրաժեշտության։  
12:25 - 24 նոյեմբերի, 2022
Դրական եմ համարում ՀԱՊԿ շրջանակում և Ռուսաստանի Դաշնության հետ երկկողմ քննարկումները․ Նիկոլ Փաշինյան
 |tert.am|

Դրական եմ համարում ՀԱՊԿ շրջանակում և Ռուսաստանի Դաշնության հետ երկկողմ քննարկումները․ Նիկոլ Փաշինյան |tert.am|

tert.am: Կառավարության հերթական նիստին Նիկոլ Փաշինյանն անդրադարձավ երեկ Երևանում տեղի ունեցած ՀԱՊԿ գագաթնաժողովին։ «Տեղյակ եք, որ երեկ տեղի է ունեցել ՀԱՊԿ գագաթնաժողովը, որի արդյունքնում, ցավոք, մեզ չի հաջողվել ընդհանուր հայտարարի գալ երկու շատ կարևոր փաստաթղթերի շուրջ, բայց ես նաև ուզում եմ ասել, որ տեղի է ունեցել շատ բաց, անկեղծ քննարկում, և այդ երկու փաստաթղթերն ուղարկվել են լրամշակման»,– ասաց Փաշինյանը՝ հույս հայտնելով, որ կհասնեն ընդհանուր հայտարարի։ «Չնայած նրան, որ ՀԱՊԿ խորհրդի հռչակագիրը չընդունվեց, այսինքն, մենք չստորագրեցինք հռչակագիրը, սեպտեմբերի 13-ի էսկալացիայի վերաբերյալ ՀԱՊԿ արձագանքի որոշումը չընդունվեց, կրկին մեր չստորագրելու պատճառով, բայց ես էլի ուզում եմ ասել, որ դրական եմ համարում քննարկումը և դրական եմ համարում Ռուսաստանի Դաշնության հետ երկկողմ քննարկումները և հույս ունեմ, որ այն պայմանավորվածությունները, որոնք արձանագրվեցին, դրանք հնարավորինս արագ կիրականացնենք»,– ասաց Փաշինյանը։ Հիշեցնենք, որ նոյեմբերի 23-ին Երևանում տեղի է ունեցել ՀԱՊԿ Հավաքական անվտանգության խորհրդի հերթական նիստը` Նիկոլ Փաշինյանի նախագահությամբ: Վարչապետը չէր ստորագրել ՀԱՊԿ Հավաքական անվտանգության խորհրդի հռչակագիրը ու նշել․ «ՀԱՊԿ Հավաքական անվտանգության խորհրդի հռչակագրի և Հայաստանի Հանրապետությանը օժանդակություն ցուցաբերելու համատեղ միջոցառումների մասին» նախագիծը բավականաչափ վերջնական տեսքի չի բերվել, և այս տեսքով, ամենայն հարգանքով, ես պատրաստ չեմ ստորագրել այս փաստաթղթերը»։
12:14 - 24 նոյեմբերի, 2022
ՆԳՆ-ն կներառի 3 ծառայություն. կառավարությունը հավանություն տվեց նախարարության ստեղծման նախագծին
 |1lurer.am|

ՆԳՆ-ն կներառի 3 ծառայություն. կառավարությունը հավանություն տվեց նախարարության ստեղծման նախագծին |1lurer.am|

1lurer.am: ՀՀ արդարադատության նախարարի պարտականությունները կատարող Գրիգոր Մինասյանը Կառավարության նիստի ընթացքում ներկայացրեց օրենքի նախագիծ, որով առաջարկվում է ստեղծվել Ներքին գործերի նախարարություն: Նոր նախարարության ստեղծումը, ըստ նախագծի, թույլ կտա նաև ապահովել ոստիկանության ոլորտի թե՛ խորհրդարանական, թե՛ քաղաքացիական վերահսկողություն, ինչպես նաև այն կդառնա ոլորտի բարեփոխումների իրագործողն ու պատասխանատուն: «Ներքին գործերի նախարարությունը ներառելու է 3 խոշոր ծառայություն՝ ոստիկանությունը, փրկարար ծառայությունը և միգրացիայի և քաղաքացիության ծառայությունը: Նախարարությունում կկենտրոնացվի ֆունկցիոնալ 5 հիմնական ոլորտ՝ հասարակական կարգի պահպանություն, հանցագործությունների կանխում և բացահայտում, աղետների ռիսկի կառավարում, միգրացիա և քաղաքացիություն, պետական ռեզերվների կառավարում և հումանիտար հարցեր»,- ասաց Մինասյանը: Մինասյանի խոսքով՝ նոր նախարարության ստեղծման փաթեթի մշակման փուլում իրականացվել են դրա կազմում ընդգրկվող բոլոր ծառայությունների և մարմինների, դրանց գործառույթների մասնագիտական խոր ուսումնասիրություններ: «Ծառայությունների ղեկավարները նշանակվելու են վարչապետի կողմից, տեղակալները՝ ՆԳ նախարարի առաջարկությամբ նշանակվելու և ազատվելու են կրկին վարչապետի կողմից»,- ասաց Մինասյանը: Անդրադառնալով թեմային՝ ՀՀ վարչապետ Նիկոլ Փաշինյանը նշեց, որ նախագծի նպատակը նոր որակի ոստիկանություն ու փրկարար ծառայություն ունենալն է: «Մեր կարգավորումներով՝ ոստիկանության պետը կլինի ՆԳ նախարարի տեղակալ: Ոստիկանության պետը կլինի նաև անվտանգության խորհրդի անդամ: Մենք ոստիկանության զորքերը կվերակազմակերպենք որպես ոստիկանության գվարդիա: Այն ավելի ընդլայնված գործառույթներ կունենա անվտանգության ապահովման առումով, քան այսօր ունեն ոստիկանության զորքերը»,- ասաց Փաշինյանը:
11:30 - 24 նոյեմբերի, 2022
Պետք է քննարկենք օրակարգը, որը հույս ունենք՝  կբերի մեր տարածաշրջանում երկարատև խաղաղության. Փաշինյանը՝  Պուտինի հետ հանդիպմանը

Պետք է քննարկենք օրակարգը, որը հույս ունենք՝ կբերի մեր տարածաշրջանում երկարատև խաղաղության. Փաշինյանը՝ Պուտինի հետ հանդիպմանը

Երևանում անցկացված ՀԱՊԿ Հավաքական անվտանգության խորհրդի նիստից հետո տեղի է ունեցել Հայաստանի Հանրապետության վարչապետ Նիկոլ Փաշինյանի և Ռուսաստանի Դաշնության նախագահ Վլադիմիր Պուտինի հանդիպումը: Իր խոսքում վարչապետ Փաշինյանը, մասնավորապես, նշել է. «Հարգելի Վլադիմիր Վլադիմիրի, ողջունում եմ Ձեզ Հայաստանի Հանրապետությունում՝ մեր մայրաքաղաքում: Այսօր մենք անցկացրեցինք ՀԱՊԿ Հավաքական անվտանգության խորհրդի նիստ, իհարկե ոչ բոլոր հարցերի շուրջ հաջողվեց հասնել կոնսենսուսի, 17 որոշումներից 15-ն ընդունվեցին: Հույս ունեմ, որ այս ձևաչափով մեզ կհաջողվի քննարկել մեր երկկողմ հարաբերությունների օրակարգը, որը շատ հագեցած է: Պետք է ընդգծել, որ մեր երկկողմ տնտեսական կապերը զարգանում են մեծ տեմպերով: Ես նկատեցի, որ այս տարի Հայաստանից Ռուսաստանի Դաշնություն արտահանումն աճել է 80 տոկոսով: Իհարկե, դա կապված է լոգիստիկ շղթաների որոշ փոփոխություններով, բայց դա փաստ է, որը ստեղծում է նոր հնարավորություններ տնտեսական համագործակցության համար: Իհարկե, մենք այսօր արդեն քննարկել ենք և կքննարկենք տարածաշրջանային բնույթի հարցեր, տարածաշրջանային անվտանգության հարցեր: Կան բազմաթիվ հարցեր, ՀԱԽ նիստում ես խոսեցի եռակողմ հայտարարություններով ձեռք բերված պայմանավորվածությունների պահպանման մասին, որոնք մենք Ձեր օգնությամբ և միջնորդությամբ ընդունել ենք Ադրբեջանի նախագահի հետ: Դրանք շատ կարևոր հարցեր են, որոնք իհարկե պետք է քննարկենք, ինչպես նաև քննարկենք օրակարգը, որը հույս ունենք կբերի մեր տարածաշրջանում երկարատև խաղաղության»: Իր հերթին Վլադիմիր Պուտինը նշել է. «Հարգելի Նիկոլ Վլադիմիրի, առաջին հերթին ցանկանում եմ շնորհակալություն հայտնել Ձեզ հրավերի համար, շնորհավոր ՀԱՊԿ-ում հաջող նախագահության ավարտի կապակցությամբ: Իսկապես Հայաստանն այդ աշխատանքն իրականացրեց շատ բարձր մակարդակով, ակտիվորեն: Իհարկե, հազվադեպ է հաջողվում խոսել բոլոր հարցերի շուրջ, բայց ընդհանուր առմամբ, աշխատանքը շատ ինտենսիվ տարվեց և օգտակար: Դուք ընդգծեցիք նաև մեր երկկողմ հարաբերությունները, որոնք, անկասկած, համարվում են դաշնակցային, ունեն խորը հին արմատներ, հաճախ նաև անհրաժեշտություն չկա մտնել պատմության մեջ, մեզ համար առանց այդ էլ պարզ է ինչ է դա, ինչպիսի նշանակություն այն ունի մեր երկկողմ հարաբերությունների համար: Ինչ վերաբերում է այսօրվան, ապա եթե նախորդ տարի ապրանքաշրջանառությունն աճել էր 12 տոկոսով, ապա ընթացիկ տարվա 9 ամիսներին այն արդեն աճել է 67 տոկոսով: Այո, դա պայմանավորված է այսօրվա առանձնահատկություններով, բայց, անկասկած, այն կլինի հիմք նաև ապագայի համար: Այստեղ որևէ կասկած չկա: Երբ հանդիպեցինք, ավտոմեքենայով գալիս էինք, քննարկեցինք տարածաշրջանային բնույթի հարցեր, այդ թվում՝ տարածաշրջանում կարգավորմանը վերաբերող հարցեր, խոսեցինք տրանսպորտային ենթակառուցվածքների ապաշրջափակման մասին: Շատ ուրախ եմ, որ այսօրվա միջոցառումների շրջանակում երկկողմ հանդիպում անցկացնելու հնարավորություն կա: Շնորհակալ եմ հրավերի համար»:
23:53 - 23 նոյեմբերի, 2022
Կառավարությունը միջոցներ է ձեռնարկում գյուղատնտեսական արտադրանքի ինտենսիվացման և ծավալների ավելացման ուղղությամբ. Քերոբյան

Կառավարությունը միջոցներ է ձեռնարկում գյուղատնտեսական արտադրանքի ինտենսիվացման և ծավալների ավելացման ուղղությամբ. Քերոբյան

ՀՀ էկոնոմիկայի նախարար Վահան Քերոբյանը տեղակալ Արման Խոջոյանի ու ԵՏՀ Ագրոարդյունաբերական վարչության տնօրեն Արմեն Հարությունյանի հետ տեսակապով մասնակցել է ԵԱՏՄ ագրոարդյունաբերական քաղաքականության խորհրդի երրորդ նիստին։   «Նիստի ընթացքում քննարկել ենք ԵԱՏՄ-ում պարենային անվտանգության ապահովման ներկա վիճակին, խնդիրներին ու հեռանկարներին, գյուղատնտեսության ոլորտում նյութատեխնիկական ռեսուրսներով ապահովվածության մակարդակին, ԵԱՏՄ անդամ-երկրներում դաբաղի նկատմամբ կայուն անասնահամաճարակային իրավիճակի ապահովմանը վերաբերող հարցեր։   Իմ ելույթում նշել եմ, որ ներկայումս մեր կառավարությունը միջոցներ է ձեռնարկում գյուղատնտեսական արտադրանքի ինտենսիվացման, արդյունաբերականացման և ծավալների ավելացման ուղղությամբ։ Այդ նպատակով ընդունվել է ՀՀ գյուղատնտեսության ոլորտի տնտեսական զարգացումն ապահովող հիմնական ուղղությունների 2020-2030 թվականների ռազմավարությունը, որում ներկայացված են գյուղատնտեսական քաղաքականության մեջ պետության հիմնական առաջնահերթությունները, սահմանված են առաջնային խնդիրներն ու ռազմավարության իրականացման գործողությունների պլանը»,- Ֆեյսբուքի իր էջում գրել է Քերոբյանը։
15:12 - 22 նոյեմբերի, 2022
ՀՀ վարչապետին է ներկայացվել Ֆինանսների նախարարության 2022 թվականի գործունեության հաշվետվությունը

ՀՀ վարչապետին է ներկայացվել Ֆինանսների նախարարության 2022 թվականի գործունեության հաշվետվությունը

Վարչապետ Նիկոլ Փաշինյանն այցելել է Ֆինանսների նախարարություն՝ գերատեսչության 2022 թ. գործունեության հաշվետվությունը քննարկելու նպատակով: Խորհրդակցությանը մասնակցել են փոխվարչապետեր Մհեր Գրիգորյանը և Համբարձում Մաթևոսյանը, վարչապետի աշխատակազմի ղեկավար Արայիկ Հարությունյանը, Պետական վերահսկողական ծառայության ղեկավար Ռոմանոս Պետրոսյանը, վարչապետի աշխատակազմի պաշտոնյաներ, Ֆինանսների նախարարության աշխատակազմի ղեկավար կազմը, պաշտոնատար այլ անձինք: «Հարգելի գործընկերներ, ինչպես պայմանավորվել ենք, մենք ըստ նախարարությունների սկսում ենք 2022 թվականին կատարված աշխատանքների ամփոփումը և սկսում ենք Ֆինանսների նախարարությունից: Իհարկե, տարվա ավարտին դեռ բավական ժամանակ կա, բայց կարծում ենք, որ նաև Ֆինանսների նախարարության գործունեության առանձնահատկությունները հաշվի առնելով՝ կարող ենք արվածի որոշակի ամփոփում անել», - քննարկման սկզբում ասել է վարչապետը: Ֆինանսների նախարար Տիգրան Խաչատրյանն ամփոփ ներկայացրել է նախարարության ընթացիկ ու առաջիկա ծրագրերը, ապա խոսքը փոխանցել ՖՆ տեղակալներին և գլխավոր քարտուղարին: Փոխնախարար Վահե Հովհաննիսյանը զեկուցել է  բյուջետային համակարգի բարելավման և միջազգային համագործակցության զարգացման ուղղությամբ կատարված աշխատանքների մասին. գույքագրվել են առկա ռազմավարական փաստաթղթերը, քարտեզագրվել է դրանցով սահմանված քաղաքականության շրջանակը: Բյուջեի պլանավորման գործընթացում ուշադրության կենտրոնում է եղել ՄԺԾԾ գործընթացը, մշակվել են բյուջետային ծրագրերի գնահատման հայեցակարգը և ուղեցույցը, իրականացվել է մի քանի բյուջետային ծրագրի պիլոտային գնահատում, վերանայվել է գնահատման մեթոդաբանությունը։ Առաջիկա ծրագրերի շրջանակում նախատեսվում է իրականացնել ՄԺԾԾ և տարեկան բյուջետային հայտերի ներկայացման մեթոդական ցուցումների լրամշակում, գործընթացների պարզեցում, բյուջետային ծրագրերի ներդաշնակեցում, ՖՆ ֆինանսաբյուջետային վերահսկողության վարչության՝ որպես մոնիթորինգի և գնահատման ստորաբաժանման կայացում, մասնակցային բյուջետավորման ներդրում և այլն: Միջազգային համագործակցության ոլորտում՝ իրականացվել են 200 մլն ԱՄՆ դոլար և 150 մլն եվրո ծավալով բյուջետային աջակցության 4 վարկային ծրագրի նախապատրաստական աշխատանքներ՝ Համաշխարհային բանկի, Ասիական զարգացման բանկի, Զարգացման ֆրանսիական գործակալության և ՕՊԵԿ-ի միջազգային զարգացման հիմնադրամի հետ, 49.1 մլն եվրո ծավալով 2 վարկային համաձայնագրի կնքման աշխատանքներ ՀԲ հետ, փորձի փոխանակման նպատակով կայացել են ՖՆ բարձրաստիճան պատվիրակությունների այցեր ՌԴ, Վրաստան, Իրան և այլն: Փոխնախարար Արման Պողոսյանը նշել է, որ հարկաբյուջետային քաղաքականության ոլորտում աշխատանք է տարվել հարկային եկամուտների կանխատեսման ու ներուժի գնահատման, ռոյալթիի համակարգի կատարելագործման ուղղությամբ, Կառավարության նիստում հաստատվել և Ազգային ժողով է ներկայացվել ֆիզիկական անձանց եկամուտների համընդհանուր հայտարարագրման համակարգի ներդրման օրենսդրական փաթեթը: ԱԺ քննարկմանն է ներկայացվել միկրոձեռնարկատիրության հարկման արտոնյալ համակարգի կատարելագործման օրենսդրական փաթեթը, քայլեր են ձեռնարկվել կառուցապատման պատասխանատու կազմակերպման իրավական հիմքերի ամրապնդման, խաղային ոլորտի հարկման համակարգի վերանայման, աուդիտորական ծառայությունների որակի բարելավման, հաշվապահության ու աուդիտի ոլորտում հանրային վերահսկողության խորհրդի ձևավորման ուղղությամբ: Առաջիկա ծրագրերի շրջանակում նախատեսվում է հարկման այլընտրանքային համակարգերի վերանայում, աուդիտորական կազմակերպությունների ստուգումների կազմակերպում՝ անկախ փորձագետների ներգրավմամբ և այլն: Փոխնախարար Արմեն Հայրապետյանը ներկայացրել է մակրոտնտեսական քաղաքականության և պարտքի կայունության բնագավառում իրականացված միջոցառումները. բարելավվել է հարկաբյուջետային քաղաքականության վերլուծության և կանխատեսումների գործիքակազմը, շարունակվել է միջազգային գործընկերների հետ աշխատանքը, իրականացվել է և նախատեսվում է շարունակել դրամային պարտքի կշռի հավասարակշռված և սահուն ընդլայնում, ներդրվել է «Կայունացման հաշվի» կառավարման համակարգը, որը թույլ կտա աջակցել հարկաբյուջետային քաղաքականության կայուն իրականացմանը, հակազդել տնտեսական շոկերին: Առաջիկա ծրագրերի շարքում կիրականացվեն հարկային եկամուտների կանխատեսման և պարտքի կառավարման համակարգերի բարելավման ծրագրեր: Փոխնախարար Ավագ Ավանեսյանն անդրադարձել է գնումների քաղաքականությանը և ֆիսկալ ռիսկերի կառավարմանը: Նշվել է, որ կատարվել են գնումների համակարգի արագության և որակի արդյունավետ հավասարակշռությանն ուղղված աշխատանքներ: Մասնավորապես, բողոքարկման համակարգը տեղափոխվել է դատարան, սահմանվել է արտակարգ իրավիճակներում շինարարական աշխատանքների  նոր գործընթաց, բարեփոխվել են մեկ անձից գնման ընթացակարգը և այլն: Կարողությունների զարգացման նպատակով վերապատրաստվել է 270 մասնագետ, օպտիմալացվել են թվային համակարգի բիզնես գործընթացները, կանխատեսելիության նպատակով ընդունվել է գնումների համակարգի զարգացման տեսլականը ձևավորող հայեցակարգ: Առաջիկա ծրագրերի շրջանակում նախատեսվում է թվային համակարգի կատարելագործում, շինարարության ռիսկերի կառավարում, կարողությունների զարգացում, վերլուծական գործիքակազմի զարգացում: Ինչ վերաբերում է ֆիսկալ ռիսկերի կառավարմանը, այստեղ իրականացվել է պատասխանատու ստորաբաժանման վերակազմավորում, սահմանվել են ֆիսկալ ռիսկերի առաջնային ուղղությունները: Նախատեսվում է շարունակել վերլուծական կարողությունների և գործիքակազմի զարգացումը, երկարաժամկետ ֆիսկալ կայունության գնահատումը և այլն: ՖՆ գլխավոր քարտուղար Կարեն Սարգսյանն էլ զեկուցել է, որ կառավարման բարեփոխումների շրջանակում իրականացվել են մասնագիտական ստորաբաժանումների կառուցվածքային փոփոխություններ, գույքագրվել են ֆինանսների կառավարման տեղեկատվական համակարգի բիզնես գործընթացները, կազմակերպվել են արտագնա դասընթացներ և քննարկումներ: Առաջիկա ծրագրերի շրջանակում շարունակվելու են գործառույթների օպտիմալացմանն ու թվայնացմանը, աշխատակազմի կոմպետենցիաների զարգացմանն ուղղված ծրագրերը: Վարչապետը կարևորել է կատարված աշխատանքները և ՖՆ ղեկավար կազմի ուշադրությունը հրավիրել մի շարք թեմաների ու բարեփոխումների վրա: Նիկոլ Փաշինյանը, մասնավորապես, անդրադարձել է սուբվենցիոն ծրագրերին, որոնք իրականացվում են Կառավարություն-համայնքներ համաֆինանսավորմամբ և նշել, որ ծրագրերի արդյունավետության համար կարևոր է համայնքային բյուջեների ձևավորման գործընթացը: Վարչապետի խոսքով՝ այն պետք է լինի հստակ պատկերացնելի, հաշվարկելի, և անհրաժեշտ է միջգերատեսչական համագործակցությամբ շարունակաբար բարձրացնել այս գործընթացի ինստիտուցիոնալացվածության մակարդակը: Այս համատեքստում Կառավարության ղեկավարը կարևորել է ծրագրային բյուջետավորման մեխանիզմի կատարելագործումը: Նիկոլ Փաշինյանը կարևորել է հարկաբյուջետային քաղաքականության մի շարք ուղղություններով մեկնարկած բարեփոխումները, այդ թվում՝ ֆիզիկական անձանց եկամուտների համընդհանուր հայտարարագրման համակարգի ներդրումը և հանձնարարել պատշաճ հանրային իրազեկում իրականացնել: Վարչապետը նշել է, որ հասցեական հանրային հաղորդակցությունը կնպաստի Կառավարություն-հանրություն կապի ամրապնդմանը և հարկային քաղաքականության հաշվետվողականության բարձրացմանը: Կառավարության ղեկավարն անդրադարձել է զեկուցված մյուս թեմաներին ևս՝ պետական պարտքի կառավարում, վարկային ծրագրերի արդյունավետություն, հարկային եկամուտներ, գնումների գործընթաց, մասնագիտական կարողությունների զարգացում, և այլն և հետագա անելիքների մասով հանձնարարականներ տվել պատասխանատուներին:
19:51 - 21 նոյեմբերի, 2022
44-օրյա պատերազմում անհետ կորած և գերեվարված զինծառայողների ընտանիքների անդամներն այսօր Ազատության հրապարակից երթով շարժվեցին կառավարություն |aravot.am|

44-օրյա պատերազմում անհետ կորած և գերեվարված զինծառայողների ընտանիքների անդամներն այսօր Ազատության հրապարակից երթով շարժվեցին կառավարություն |aravot.am|

aravot.am: 2020թ․ պատերազմում անհետ կորած և գերեվարված զինծառայողների ընտանիքների անդամներն այսօր Ազատության հրապարակից երթով շարժվեցին կառավարություն՝ բարձրաձայնելու, որ իրենց որդիների ճակատագիրը մինչև հիմա հայտնի չէ, որ պատերազմում գերեվարվածները դեռևս չեն վերադարձել, որ նոյեմբերի 9-ի եռակողմ հայտարարությամբ ամրագրված կետերը չեն կատարվում։ Պաստառների վրա խնդրանք էր գրված նաև ՌԴ նախագահ Վլադիմիր Պուտինին՝ օգնեու վերադարձնել իրենց որդիներին։ Ադրբեջանի կողմից բռնազավթված Շուշիի բնակիչ Վլադիմիր Հարությունյանի (լուսանկարում) որդին անհետ կորած է համարվում, բայց ծնողի տվյալներով՝ նա գերի է, որովհետև տեսնող է եղել, թե ինչպես են ադրբեջանցիները նրան Հադրութում վիրավոր վիճակում տանում։ «Կարծում էինք՝ սպանված է, բայց հետո տեսնող է եղել, թե ինչպես են տանում։ Հոկտեմբերին վերջին անգամ ենք խոսել։ Հաջորդ օրը մարտ է եղել։ Ալիևը ցինիկի պես ասում է, թե գերիներ չկան, մեր տղաների վրա կեղծ քրեական գործեր են հարուցում։ Կարմիր խաչն առայժմ անզոր է»,-լրագրողներին ասաց ծնողը։ Վլադիմիր Հարությունյանը նշեց, որ գերիների վերադարձի առնչությամբ ՀՀ իշխանությունների աշխատանքը բավարար չի գնահատում։
15:27 - 21 նոյեմբերի, 2022
Փոխվարչապետ Համբարձում Մաթևոսյանի գլխավորությամբ տեղի է ունեցել ժողովրդագրական իրավիճակի բարելավման խորհրդի հերթական նիստը

Փոխվարչապետ Համբարձում Մաթևոսյանի գլխավորությամբ տեղի է ունեցել ժողովրդագրական իրավիճակի բարելավման խորհրդի հերթական նիստը

ՀՀ փոխվարչապետ Համբարձում Մաթևոսյանի գլխավորությամբ գումարվել է Ժողովրդագրական իրավիճակի բարելավման խորհրդի հերթական նիստը: Օրակարգում Ժողովրդագրության ռազմավարության շրջանակներում մշակված` Հայաստանում ժողովրդագրական իրավիճակի վերլուծության քննարկումն է եղել։ Այս մասին տեղեկացնում են կառավարության մամուլի ծառայությունից։ Ռազմավարությունը մշակում է Աշխատանքի և սոցիալական հարցերի նախարարությունը` ՄԱԿ-ի Բնակչության հիմնադրամի հայաստանյան գրասենյակի աջակցությամբ և «Ամերիա» խորհրդատվական ընկերության հետ համագործակցությամբ: Փաստաթղթի մշակման գործում ներգրավված են նաև ժողովրդագրական հետազոտությունների ոլորտում առաջատար ինստիտուտներ` Վիտգենշտայնի ժողովրդագրության ու համաշխարհային մարդկային կապիտալի կենտրոնը և Պրահայի Չարլզի համալսարանը: Կարևորելով Հայաստանի ժողովրդագրական ռազմավարություն ունենալու անհրաժեշտւթյունը՝ փոխվարչապետը բարձր է գնահատել ՀՀ-ում ժողովրդագրական իրավիճակի բարելավմանն ուղղված փաստահենք քաղաքականությունների մշակմանը միտված աշխատանքների իրականացումը: Փոխվարչապետը հատկապես ընդգծել է ռազմավարության մշակման ներառական և մասնակցային գործընթացի ապահովման անհրաժեշտությունը: Աշխատանքների ամփոփումից հետո Ռազմավարության վերջնական տարբերակը կքննարկվի Վիտգենշտեյնի ժողովրդագրության և համաշխարհային մարդկային կապիտալի կենտրոնում, որից հետո կդրվի հանրային քննարկման։
16:59 - 19 նոյեմբերի, 2022
Քաղաքացիների եկամուտների հայտարարագրման նախագիծը կառավարությունը համարել է անհետաձգելի և ուղարկել ԱԺ

Քաղաքացիների եկամուտների հայտարարագրման նախագիծը կառավարությունը համարել է անհետաձգելի և ուղարկել ԱԺ

ԱԺ տնտեսական հարցերի մշտական հանձնաժողովի՝ դեկտեմբերի 5-ի արտահերթ նիստում քննարկվելու է եկամուտների միասնական հայտարարագրման նախագիծը: Այս մասին իր ֆեյսբուքյան էջում գրել է հանձնաժողովի փոխնախագահ Բաբկեն Թունյանը: Պատգամավորը հիշեցրել է, որ կառավարությունը երեկվա նիստում հավանություն է տվել «Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» և «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություն և լրացում կատարելու մաuին» փաթեթին: Փաթեթի համաձայն՝Հայաստանի Հանրապետությունում ներդրվում է ֆիզիկական անձանց եկամուտների համընդհանուր հայտարարագրման համակարգ: «Կառավարությունը օրենսդրական նախաձեռնությունը համարել է անհետաձգելի և սահմանված կարգով ներկայացնել Հայաստանի Հանրապետության Ազգային Ժողով:   Այն կքննարկվի ԱԺ տնտեսական հարցերի մշտական հանձնաժողովի՝ դեկտեմբերի 5-ի արտահերթ նիստում և դրական եզրակացություն ստանալու դեպքում՝ առաջին ընթերցմամբ կքննարկվի ԱԺ դեկտեմբերի 6-ին մեկնարկող լիագումար նիստում:   Մինչև հանձնաժողովի նիստը կկազմակերպվի աշխատանքային քննարկում, որին կհրավիրվեն նաև անկախ փորձագետներ:   Իսկ առաջին ընթերցումից մինչև երկրորդն ընկած ժամանակահատվածում կկազմակերպվեն խորհրդարանական լսումներ: Համակարգը ներդրվելու է 2023 թվականից, փուլային տարբերակով: Առաջին հայտարարագրերը կլրացվեն 2024 թվականի սկզբին:   Նախագծերի փաթեթը և հիմնավորումները ներկայացված են e-gov.am կայքի՝ կառավարության նոյեմբերի 17-ի նիստի օրակարգում (34-րդ կետ)»,-գրել է Բաբկեն Թունյանը:
22:37 - 18 նոյեմբերի, 2022
«Սեքյուրիթի Դրիմ»-ը Կառավարության դեմ հայց է ներկայացրել Վարչական վերաքննիչ դատարան

 |factor.am|

«Սեքյուրիթի Դրիմ»-ը Կառավարության դեմ հայց է ներկայացրել Վարչական վերաքննիչ դատարան |factor.am|

factor.am: ՀՀ-ում արագաչափերը և ճանապարհային տեսախցիկները սպասարկող «Սեքյուրիթի Դրիմ» ՍՊԸ-ն դիմել էր Վարչական դատարան՝ վիճարկելով կառավարության որոշումը «Ոստիկանության տեսալուսանկարահանող էլեկտրոնային համակարգերի կառավարման կենտրոն» ՊՈԱԿ հիմնադրելու մասին: Ինչպես տեղեկանում ենք «Դատալեքս» դատական-տեղեկատվական համակարգից, Ոստիկանության և «Սեքյուրիթի Դրիմ» ՍՊԸ-ի միջև 2017թ. փետրվարի 15-ին հինգ տարի ժամկետով գույքի հավատարմագրային կառավարման պայմանագիր էր կնքվել, որով վերջինիս հանձնվել էր պետական որոշակի գույք՝ ճանապարհային երթևեկության անվտանգության ապահովման բնագավառի օրենսդրության վերահսկողության իրականացման համար նախատեսված համակարգերը կառավարելու, շահագործելու և տեխնիկական սպասարկում իրականացնելու նպատակով: Այսինքն, այն գրեթե նույն գործառույթներն ուներ, ինչ նորաստեղծ ՊՈԱԿ-ը: Նշենք՝ Կառավարության 14.07.2022թ. որոշմամբ «Ոստիկանության տեսալուսանկարահանող էլեկտրոնային համակարգերի կառավարման կենտրոն» ՊՈԱԿ է ստեղծվել: Գործունեության նպատակը Հայաստանի ամբողջ տարածքում տեխնիկական միջոցների (տեսախցիկներ, ֆոտոխցիկներ, արագաչափ սարքեր և այլն) օգտագործմամբ հանցագործությունների և վարչական իրավախախտումների հայտնաբերումն է: ՍՊԸ-ի հետ կնքված պայմանագրի գործողության ժամկետն ավարտվել է 2022 թ. փետրվարի 15-ին, դրանից հետո կողմերից որևէ մեկը պայմանագիրը դադարեցնելու մասին գրավոր դիմում չի ներկայացրել մյուս կողմին: «Սեքյուրիթի Դրիմ» ՍՊԸ-ն համարում է, որ նման պայմաններում պայմանագիրը համարվում է երկարաձգված նույն ժամկետով և պայմաններում: Ընկերության կարծիքով, «Ոստիկանության տեսալուսանկարահանող էլեկտրոնային համակարգերի կառավարման կենտրոն» ՊՈԱԿ ստեղծելու որոշմամբ խախտվում են նշված պայմանագրից բխող իր իրավունքները: Վարչական դատարանը, սակայն, որոշում է կայացրել մերժել դիմումի ընդունումը՝ պատճառաբանելով, թե Կառավարության նշված որոշումը ենթաօրենսդրական նորմատիվ իրավական ակտ չէ, քանի որ չի պարունակում վարքագծի պարտադիր կանոններ անորոշ թվով անձանց համար. Շարունակությունը՝ factor.am-ում
12:35 - 18 նոյեմբերի, 2022