ՀԱՊԿ

Հավաքական անվտանգության մասին Պայմանագիրը ստորագրվել է 1992թ. մայիսի 15-ին Հայաստանի, Ղազախստանի, Ղրղզստանի, Ռուսաստանի, Տաջիկստանի եւ Ուզբեկստանի ղեկավարների կողմից:

Հավաքական անվտանգության մասին Պայմանագրում առանձնահատուկ կարեւորություն ունի վերջինիս 4-րդ հոդվածը, համաձայն որի «եթե անդամ պետություններից որեւէ մեկը ենթարկվի ագրեսիայի որեւէ պետության կամ պետությունների խմբի կողմից, ապա անդամ պետությունների կողմից դա կհամարվի որպես ագրեսիա սույն Պայմանագրի բոլոր մասնակից պետությունների դեմ:

Մասնակից պետություններից որեւէ մեկի դեմ ագրեսիայի ակտի ի հայտ գալու պարագայում, մնացած մասնակից պետությունները կցուցաբերեն անհրաժեշտ օժանդակություն` ներառյալ ռազմական օգնությունը, նաեւ կցուցաբերեն օժանդակություն իրենց տրամադրության տակ գտնվող միջոցներով` հավաքական պաշտպանության իրավունքի իրագործման կարգին համապատասխան` համաձայն ՄԱԿ-ի կանոնադրության 51-րդ հոդվածի»:

Պայմանագրով նաեւ նախատեսված է խորհրդատվությունների մեխանիզմ` մասնակից պետության կամ մի քանի մասնակից պետությունների անվտանգությունը, տարածքային ամբողջականությունը եւ ինքնիշխանությունը վտանգող սպառնալիքի դեպքում, կամ միջազգային խաղաղությանը եւ անվտանգությանը սպառնալիքի պարագայում:

ՀԱՊԿ գլխավոր քարտուղարն ընդգծել է, որ Հայաստանը մնում է կազմակերպության դաշնակիցը
 |armenpress.am|

ՀԱՊԿ գլխավոր քարտուղարն ընդգծել է, որ Հայաստանը մնում է կազմակերպության դաշնակիցը |armenpress.am|

armenpress.am: Հավաքական անվտանգության պայմանագրի կազմակերպության գլխավոր քարտուղարը հայտարարել է, որ Հայաստանը մնում է կազմակերպության դաշնակիցը և միևնույն ժամանակ հավելել, որ ՀԱՊԿ-ը Հայաստանի ղեկավարության կողմից քաղաքական սթափություն է ակնկալում։    ՀԱՊԿ գլխավոր քարտուղար Իմանղալի Թասմագամբետովը նման կարծիք է հայտնել «Նացիոնալնայա օբորոնա» ամսագրին տված հարցազրույցում։ «Մենք Հայաստանի ղեկավարության կողմից ակնկալում ենք  քաղաքական սթափություն և կազմակերպության հետ կապված տարբեր սցենարների իրականացման հեռանկարների հավասարակշռված գնահատական։ Ընդգծեմ, որ Հայաստանը մնում է մեր դաշնակիցը, գործող բոլոր պարտավորությունները մնում են ուժի մեջ»,- նշել է քարտուղարն՝ անդրադառնալով  հարցին, թե արդյոք ՀԱՊԿ-ում սպասո՞ւմ են կազմակերպության անդամակցության դադարեցման վերաբերյալ Հայաստանի կողմից հայտարարության։ Իմանղալի Թասմագամբետովը հավելել է, որ ինչպես ինքն, այնպես էլ քարտուղարությունն աշխատում են կազմակերպությունում ընդունված կանոնակարգերին և ընթացակարգերին համապատասխան։ «Մենք, բնականաբար, մեր վերլուծաբանների և նրանց հասանելի գործիքակազմի ուժերով վերլուծում ենք իրավիճակը Հայաստանի շուրջ և իրավիճակը Հայաստանի ու կազմակերպության փոխհարաբերություններում»,- ասել է Թասմագամբետովը։
Այսօր 14:38
ՀԱՊԿ գլխավոր քարտուղարը չի բացառել տեսանելի ապագայում կազմակերպության ընդլայնումը
 |factor.am|

ՀԱՊԿ գլխավոր քարտուղարը չի բացառել տեսանելի ապագայում կազմակերպության ընդլայնումը |factor.am|

factor.am: Տեսանելի ապագայում ՀԱՊԿ-ի ընդլայնումը, ամենայն հավանականությամբ, կավելացնի կազմակերպության խաղաղապահ առաքելությունների անհրաժեշտությունն աշխարհում։ Այս մասին հայտարարել է ՀԱՊԿ գլխավոր քարտուղար Իմանգալի Թասմագամբետովը «Ազգային պաշտպանություն» ամսագրի գլխավոր խմբագիր Իգոր Կորոտչենկոյի հետ հարցազրույցում, գրում է ՏԱՍՍ-ը։ «Իհարկե, սկզբունքորեն չի կարելի բացառել նման հնարավորությունը»,- ասել է նա՝ պատասխանելով համապատասխան հարցին։ Ըստ Թասմագամբետովի՝ հին աշխարհակարգի փլուզման պայմաններում, որն ուղեկցվում է հնի վերսկսմամբ և նոր հակամարտությունների ի հայտ գալով, զգալիորեն մեծանում է ռազմաքաղաքական դաշինքի անհրաժեշտությունը։ «Հնարավոր է, որ մեր խաղաղապահ գործունեությունը, որի անհրաժեշտությունը, ցավոք, տեսանելի ապագայում միայն կավելանա, դառնա կազմակերպության ընդլայնման կամ ՀԱՊԿ-ի հիման վրա համագործակցության նոր ձևաչափերի ի հայտ գալու շարժիչ»,- նշել է գլխավոր քարտուղարը։ Ըստ Տասմագամբետովի՝ «ՀԱՊԿ-ն առաջարկում է շատ բարենպաստ պայմաններ մասնակցության համար»։ «Գլխավոր բաներից մեկը, կարծում եմ, կարելի է համարել բլոկային խիստ կարգապահության բացակայությունը և կազմակերպության ներսում որոշումների կայացման ժողովրդավարական ընթացակարգը»,- ընդգծել է ՀԱՊԿ գլխավոր քարտուղարը։ Նա հավելել է՝ կարևոր է նաև այն, որ ՀԱՊԿ-ն առաջնահերթություն է տալիս ճգնաժամային իրավիճակների լուծման քաղաքական և դիվանագիտական մեթոդներին։  
Այսօր 12:53
ՀՀ-ն չի միացել ՀԱՊԿ ԽՎ պատվիրակությունների՝ Մոսկվայի աhաբեկչությունը դատապարտող հայտարարությանը
 |tert.am|

ՀՀ-ն չի միացել ՀԱՊԿ ԽՎ պատվիրակությունների՝ Մոսկվայի աhաբեկչությունը դատապարտող հայտարարությանը |tert.am|

tert.am: ՀՀ-ն չի միացել ՀԱՊԿ ԽՎ պատվիրակությունների՝ Մոսկվայի ահաբեկչությունը դատապարտող հայտարարությանը։ Tert.am-ի հարցին ի պատասխան՝ ԱԺ նախագահի մամուլի խոսնակ Նելլի Ղուլյանը պարզաբանել է պատճառը․ «Չի միացել։ Հայաստանը սառեցրել է անդամակցությունը ՀԱՊԿ-ում։ ՀԱՊԿ-ի կողմից առաջարկ եղել է հայկական կողմին,մենք մերժել ենք»,- նշել է Ղուլյանը։ Հիշեցնենք, որ ՀԱՊԿ անդամ պետությունների խորհրդարանական պատվիրակությունները համատեղ հայտարարություն են տարածել՝ դատապարտելով մարտի 22-ին Մոսկվայի Crocus City Hall-ում տեղի ունեցած ահաբեկչությունը։ «Մենք՝ ՀԱՊԿ ԽՎ անդամ պետությունների խորհրդարանական պատվիրակությունների ղեկավարներս, վճռականորեն դատապարտում ենք 2024 թվականի մարտի 22-ին Մոսկվայի մարզում տեղի ունեցած ահաբեկչական գործողությունը, որը հանգեցրել է խաղաղ բնակչության մեջ բազմաթիվ զոհերի»,- ասված է հայտարարության մեջ։
15:53 - 27 մարտի, 2024
ՀԱՊԿ-ի քաղաքականության գործնական արդյունքն այն է, որ փաստացի սառեցրել ենք մեր մասնակցությունը կառույցում․ Փաշինյան
 |factor.am|

ՀԱՊԿ-ի քաղաքականության գործնական արդյունքն այն է, որ փաստացի սառեցրել ենք մեր մասնակցությունը կառույցում․ Փաշինյան |factor.am|

factor.am: Հունական ekathimerini-ին տված հարցազրույցում ՀՀ վարչապետ Նիկոլ  Փաշինյանն անդրադարձել է ՀԱՊԿ-ի հետ հարաբերություններին և կառույցին Հայաստանի մասնակցության փաստացի սառեցմանը։ «Հավաքական անվտանգության պայմանագրի կազմակերպությունը (ՀԱՊԿ), մեր գնահատմամբ, չի կատարել Հայաստանի Հանրապետության նկատմամբ ստանձնած անվտանգային պարտավորությունները, մասնավորապես, 2021-2022 թվականներին։ Գործնական արդյունքը [ՀԱՊԿ-ի այս քաղաքականության] այն է, որ մենք փաստացի սառեցրել ենք մեր մասնակցությունը կազմակերպությունում։ 2023 թվականի սեպտեմբերի դրությամբ՝ մենք չունենք մշտական ներկայացուցիչ ՀԱՊԿ-ում և չենք մասնակցում ՀԱՊԿ բանակցություններին բարձր և ամենաբարձր մակարդակով։ Սակայն մենք չենք արգելափակում ՀԱՊԿ-ի որոշումները, ոչ էլ մասնակցում ենք դրանց»,- ասել է Փաշինյանը։ Հարցին՝ այս ամենը հաշվի առնելով՝ արդյո՞ք Հայաստանը միջազգային քաղաքականությունում ավելի արևմտյան մոտեցում է ընդունել, Փաշինյանն ընդգծել է․ «Կարող եմ նշել, որ Հայաստանը բաց է բոլոր գործընկերների հետ փոխշահավետ հարաբերություններ հաստատելու և զարգացնելու համար, ունի հստակ դիրքորոշում տարածաշրջանում կայուն ու տևական խաղաղություն հաստատելու հարցում։ Այս առումով մենք դիվերսիֆիկացնում ենք մեր հարաբերություններն անվտանգության հարցերի շուրջ»։  
11:54 - 26 մարտի, 2024
ՀԱՊԿ-ից Հայաստանի դուրս գալը չպետք է հիմնված լինի Արևմուտքի հետ «սիրախաղի» վրա. Զախարովան |azatutyun.am|

ՀԱՊԿ-ից Հայաստանի դուրս գալը չպետք է հիմնված լինի Արևմուտքի հետ «սիրախաղի» վրա. Զախարովան |azatutyun.am|

azatutyun.am: ՀԱՊԿ-ից Հայաստանի հնարավոր ելքը պետք է հիմնված լինի երկրի իրական կարիքների վրա, այլ ոչ թե Արևմուտքի հետ «սիրախաղի», նման որոշումը չի առնչվում երկրի բուն ազգային շահերին, ռուսական պետական ՌԻԱ Նովոստիին ասել է ՌԴ ԱԳՆ պաշտոնական ներկայացուցիչ Մարիա Զախարովան։ Նա հայտարարել է, թե չգիտի՝ ինչու են Երևանում քաղաքական գործիչները «Հայաստանի քաղաքացիներին պարտադրում ՀԱՊԿ-ի բացասական դերի մասին կարծիք»։ «Ինձ թվում է, որ դա չի առնչվում Հայաստանի իսկական սկզբնական և ազգային շահերին»,- նշել է նա՝ Բրյուսելին մեղադրելով Հայաստանի քաղաքացիներն ՀԱՊԿ-ի դեմ տրամադրելու համար։ Հիշեցնենք, որ ՀՀ վարչապետը հայտնել է, որ Հայաստանը «սառեցրել է» իր մասնակցությունը ՀԱՊԿ-ում։ Պատճառների մասին բազմիցս հայտնել են ՀՀ բարձրաստիճան պաշտոնյաները․ մասնավորապես՝ որ, չնայած Երևանի պահանջներին, ՀԱՊԿ-ը մինչև օրս չի դատապարտել դաշինքի անդամ Հայաստանի դեմ 2022թ․ հարձակումը և չի արձանագրել, որ Ադրբեջանը Հայաստանից տարածքներ է օկուպացրել։ Ավելի վաղ Հայաստանի վարչապետը հայտարարել էր, որ Հայաստանը դուրս կգա ռազմական դաշինքից, եթե կազմակերպությունը չպատասխանի Երևանի բարձրացրած հարցերին։ Իր վերջին ասուլիսին ևս կրկնեց այդ միտքը։
10:37 - 16 մարտի, 2024
Ինչքա՞ն եք «նեղացած հարսի» քաղաքականությունը շարունակելու, արդյո՞ք ՀԱՊԿ-ից դուրս գալու հարցը քննարկել եք. Խամոյանը՝ Միրզոյանին
 |tert.am|

Ինչքա՞ն եք «նեղացած հարսի» քաղաքականությունը շարունակելու, արդյո՞ք ՀԱՊԿ-ից դուրս գալու հարցը քննարկել եք. Խամոյանը՝ Միրզոյանին |tert.am|

tert.am: Դուք մեր երկրի թիվ 1 դիվանագետն եք և ցավում եմ ձեր այսպիսի նյարդային պահվածքի համար, քանի որ հայ ժողովուրդը լավ հետևություններ չի անի թե ինչպիսին է ձեր վարքագիծը բանակցությունների սեղանին, ևս մեկ անգամ ձեզ զսպվածության կոչ եմ անում՝ հաշվի առնելով ձեր պաշտոնը: Այսպես սկսեց իր հարցն ԱԺ «Հայաստան» խմբակցության պատգամավոր Ագնեսա Խամոյանն ուղղված ԱԳ նախարար Արարատ Միրզոյանին: Ի վերջո՝ այսօր ինչպիսի՞ն են ՀՀ-ՌԴ հարաբերությունները՝ լավ, վատ, վատթար, գերազանց: Ինչպիսի՞ գնահատական կտաք: Ո՞ւր է տանելու ՀՀ իշխանությունների ռազմավարությունը ՀԱՊԿ-ի մասով, ի՞նչ եք ուզում ՀԱՊԿ-ից: Սառեցման գործընթացը քաղաքական դիրքորոշում է հիշեցնում, ինչքա՞ն եք «նեղացած հարսի» քաղաքականությունը շարունակելու: Արդյո՞ք եղել է ՀԱՊԿ-ից դուրս գալու մասով քննարկում: «Պետք չի ինձ զսպվածության կոչ անել, ձեր կոչի հասցեատերը ձեզ ավելի մոտ է գտնվում: Ձեզ կոչ կանեմ ինձ կոչ չանել: Մենք ոչ մեկից ոչ մի բան չենք ուզում, մենք առաջնորդվում ենք ՀՀ շահերով: Այլ բան, քան մեր սահմանների անվտանգությունը մենք չենք ուզում: Դուք ո՞ւմ կողմից եք: Ցավ եմ ապրում, որ ձեր քաղաքական ուժը վերաբերվում է ՀՀ-ին որպես «նեղացած հարսի», բացի զուտ սեռային հարգանքի կոնտեքստից, բայց մի քիչ հարգանք ունենանք մեր ինքնիշխանության մասին: Ոչ բան ենք ուզել, ոչ նեղացել ենք, մենք շատ ռացիոնալ աշխարհում ենք ապրում: Ոչ նեղանում ենք, ոչ չենք նեղանում»,- պատասխանեց Միրզոյանը:
16:56 - 15 մարտի, 2024
Դուք ո՞ւմ կողմից եք՝ ՀԱՊԿ-ի թե Հայաստանի. Միրզոյանը՝ Ռուստամյանին
 |tert.am|

Դուք ո՞ւմ կողմից եք՝ ՀԱՊԿ-ի թե Հայաստանի. Միրզոյանը՝ Ռուստամյանին |tert.am|

tert.am: Այսօր՝ մարտի 15-ին ԱԺ արտաքին հարաբերությունների մշտական հանձնաժողովի նիստին մասնակցում է նաև ԱԳ նախարար Արարատ Միրզոյանը: «Հայաստան» խմբակցության պատգամավոր Արմեն Ռուստամյանը հարց ուղղեց նրան առ այն, որ ԱԺ-ն հաստատել է մի ծրագիր, որտեղ գրված է մի բան և դուք անում եք լրիվ այլ բան, կամ ճիշտ հակառակը. «Ինչպե՞ս կմեկնաբանեք ՀԱՊԿ-ի հետ կապված, քանի որ ՀԱՊԿ-ն այդտեղ դիտարկվում է, որպես Հայաստանի անվտանգային համակարգի կարևորագույն օղակ և Կառավարությունը շարունակելու է ակտիվ ներգրավված լինել ՀԱՊԿ-ի աշխատանքներին, սակայն ձեր կատարողականում նշում եք, որ սառեցվել է ակտիվությունը»,- հարցրել է Ռուստամյանը: Արարատ Միրզոյանը հարցին ի պատասխան ասել է. «Այո, ես ներկայացնում եմ 2021-2026թթ Կառավարության ծրագրի 2023թ հաշվետվությունը: Գործընկերների մի մասը կարծում եմ կգնահատեն կատարողականը համապատասխան ծրագրի, մի մասը ելնելով քաղաքական նախատրամադրվածությունից կգնահատեն անբավարար: Ցանկացած միջին վիճակագրական երկրի համար է աքսիոմատիկ, որ ինչ-որ բաներ ինչքան էլ ջանք գործադրես չես կարող իրագործել: Տեղի են ունեցել իրադարձություններ, որոնք առանձին բաներ կատարելը դարձել են անհնար: Հանգամանքների բերումով՝ ՀԱՊԿ-ում մասնակցությունը չենք արել այնպես, ինչպես 2021-ին ներկայացրել ենք ԱԺ-ում: Մեր սահմանները խախտվել են՝ ՀԱՊԿ-ը չի արձագանքել: Հրապարակային փաստի ընդունումը, որ ՀՀ ինքնիշխան տարածքն ոտնահարվել է, անգամ այս փաստի ընդունումը տեղի չի ունեցել: Պարոն Ռուստամյան, հիմա դուք ո՞ւմ կողմից եք՝ ՀԱՊԿ-ի թե՞ Հայաստանի:»,- պատասխանեց Արարատ Միրզոյանը: «Ես ԱԺ-ի կողմից եմ այստեղ: Խորհրդարանական երկրում, երբ ծրագիր է ընդունվում, ապա Կառավարությունը պարտավոր է իրականացնել այդ ծրագիրը»,- պատասխանեց Ռուստամյանը:
13:10 - 15 մարտի, 2024
ՀԱՊԿ-ի հասցեին Հայաստանի իշխանությունների հռետորաբանությունը մտահոգիչ է․ Զախարովա
 |1lurer.am|

ՀԱՊԿ-ի հասցեին Հայաստանի իշխանությունների հռետորաբանությունը մտահոգիչ է․ Զախարովա |1lurer.am|

1lurer.am: ՌԴ ԱԳՆ-ն ՀԱՊԿ-ի վերաբերյալ Հայաստանի ղեկավարության հայտարարությունները համարում է վերջնագրային և վիրավորական հռետորաբանություն, մինչդեռ Մոսկվան կասկածի տակ չի դնում յուրաքանչյուր երկրի ինքնիշխան իրավունքը՝ դաշինքներն ընտրելու հարցում, ասել է ՌԴ ԱԳՆ պաշտոնական ներկայացուցիչ Մարիա Զախարովան՝ ճեպազրույցի ժամանակ։ Ավելի վաղ ՀՀ վարչապետ Նիկոլ Փաշինյանը հայտարարել էր, որ Հայաստանը դուրս կգա ՀԱՊԿ-ից, եթե կազմակերպությունը չպատասխանի Երևանի բարձրացրած հարցերին՝ երկրի ինքնիշխան տարածքի վերաբերյալ։ «Մենք երբեք կասկածի տակ չենք դրել, չենք դնում և չենք դնի ցանկացած պետության ինքնիշխան իրավունքը՝ որոշելու իր արտաքին քաղաքական կուրսը, ներառյալ այս կամ այն միջազգային կամ տարածաշրջանային կառույցների աշխատանքին մասնակցության աստիճանը՝ ելնելով իր ազգային շահերից և ստանձնած պարտավորություններից։ Դա լիովին վերաբերում է նաև ՀԱՊԿ-ին»,- ասել է Զախարովան: «Միաժամանակ մեզ չի կարող չանհանգստացնել  ոչ արդյունավետ, վերջնագրային, իսկ երբեմն էլ վիրավորական հռետորաբանությունը, որն այսօր գերիշխում է կազմակերպության վերաբերյալ Հայաստանի ղեկավարության արտահայտություններում և պարտադրվում է հայ հասարակությանը»,- հավելել է նա: Զախարովան նշել է, որ Մոսկվայում տարակուսած են ՀԱՊԿ-ի արդյունավետության հարցերն «այդ կազմակերպությունից դուրս քննարկելու Հայաստանի ղեկավարության ձգտումից, այն դեպքում, երբ դրա համար կան փոխգործակցության բոլոր մեխանիզմները, ձևաչափերն ու ուղիները»: Մինչդեռ, ըստ Զախարովայի, Երևանը բառացիորեն խուսափում է առարկայական փորձագիտական երկխոսությունից ՀԱՊԿ-ի հարթակում:  «Եվ դա այն դեպքում, երբ նման աշխատանքի համար կազմակերպությունը բաց է ու պատրաստ»,- հայտարարել է ՌԴ ԱԳՆ ներկայացուցիչը: «Հայաստանի ղեկավարության ներկայիս կուրսի շարունակությունը կարող է անուղղելի վնաս հասցնել Մոսկվայի և Երևանի միջև առկա դաշնակցային հարաբերություններին և ռիսկեր ստեղծել հենց Հայաստանի ինքնիշխանության համար»,- ասել է դիվանագետը։
18:58 - 13 մարտի, 2024
Մոսկվան արձագանքել է Փաշինյանի՝ ՀԱՊԿ-ից դուրս գալու մասին հայտարարությանը
 |armenpress.am|

Մոսկվան արձագանքել է Փաշինյանի՝ ՀԱՊԿ-ից դուրս գալու մասին հայտարարությանը |armenpress.am|

armenpress.am:  ՌԴ նախագահի մամուլի քարտուղար Դմիտրի Պեսկովը նշել է, որ Մոսկվան տեղյակ է ՀՀ վարչապետ Նիկոլ Փաշինյանի կողմից արված այն հայտարարությանը, որ Հայաստանը հնարավոր է՝ դուրս գա Հավաքական անվտանգության պայմանագրի կազմակերպությունից։      Այս մասին հայտնում է ՏԱՍՍ-ը՝ մեջբերելով Պեսկովի խոսքերը։ «Իհարկե, մենք լսել ենք այս հայտարարությունները։ Առջևում, բնականաբար, շատ աշխատանք է սպասվում։ Մեզ անհրաժեշտ են շփումներ մեր հայ գործընկերների հետ ինչպես ՀԱՊԿ-ի շրջանակներում, այնպես էլ երկկողմ մակարդակով։ Կպարզաբանենք ու կխոսենք պարոն վարչապետի (ՀՀ վարչապետ Նիկոլ Փաշինյան) հայտարարություններին համահունչ»,-ասել է խոսնակն՝ ի պատասխան Նիկոլ Փաշինյանի՝ ՀԱՊԿ-ից դուրս գալու մասին նախօրեին արված հայտարարություններին։ Դմիտրի Պեսկովը հավելել է, որ Մոսկվան կշարունակի կապերը Երևանի հետ և կպարզաբանի իրավիճակը ՀԱՊԿ-ի՝ Հայաստանի շարունակական անդամակցության հարցում։  «Եթե ՀԱՊԿ-ն կպատասխանի հարցին՝ թե որն է իր պատկերացրած ՀՀ ինքնիշխան տարածքը և այդ պատասխանը կհամապատասխանի հայկական կողմի պատկերացումներին, դա կնշանակի՝ Հայաստանի և ՀԱՊԿ միջև հարցերը հասցեագրված են, լուծված և ամփոփված՝ դրանից բխող հետևանքներով, եթե ոչ՝ Հայաստանը դուրս կգա ՀԱՊԿ-ից։  Թե երբ՝ չեմ կարող ասել»,-նախօրեին տված հարցազրույցում նշել էր վարչապետ Նիկոլ Փաշինյանը։
14:55 - 13 մարտի, 2024
Փաշինյանը հայտնեց, թե որ դեպքում Հայաստանը պաշտոնապես դուրս կգա ՀԱՊԿ- ից
 |armenpress.am|

Փաշինյանը հայտնեց, թե որ դեպքում Հայաստանը պաշտոնապես դուրս կգա ՀԱՊԿ- ից |armenpress.am|

armenpress.am: Հայաստանը փաստացիորեն սառեցրել է իր գործունեությունը Հավաքական անվտանգության պայմանագրի կազմակերպության (ՀԱՊԿ) կազմում․ սա պետության քաղաքական որոշումն ու դիրքորոշումն է, որը պետք չէ շփոթել իրավական գործընթացների հետ։ Այս մասին մարտի 12-ին հրավիրված մամուլի ասուլիսի ժամանակ հայտարարեց վարչապետ Նիկոլ Փաշինյանը՝ հիշեցնելով, որ Հայաստանը չի մասնակցում կառույցի նիստերին, չունի մշտական ներկայացուցիչ ՀԱՊԿ-ում, չի օգտագործում իր քվոտան գլխավոր քարտուղարի տեղակալ նշանակելու համար, կարծիք չի արտահայտում ՀԱՊԿ-ում շրջանառվող փաստաթղթերի վերաբերյալ։ «Քաղաքական որոշումն ու դիրքորոշումը պետք չէ շփոթել իրավական գործընթացների հետ։ Այո, մենք ՀԱՊԿ-ում փաստացիորեն մեր գործունեությունը սառեցրել ենք»,- ասաց վարչապետը։ Խոսելով այն մասին, թե ինչքանով է հայկական կողմի դիրքորոշումը ՀԱՊԿ նկատմամբ ազնիվ, արդար և բարոյապես ճիշտ, նա նկատեց, որ ՀՀ խնդրանքը և նաև պահանջը ՀԱՊԿ-ին մեկն է՝ հստակեցնել, թե որն է կառույցի պատասխանատվության գոտին Հայաստանի Հանրապետությունում։ «Մենք ՀԱՊԿ-ի հետ կապված խնդիր չենք ստեղծել։ Բոլոր խնդիրները ստեղծվել են այն կետից, երբ մենք հարց ենք բարձրացրել, թե որն է ՀԱՊԿ պատասխանատվության գոտին ՀՀ-ում և այդ հարցի պատասխանը չենք ստացել»,- ասաց Փաշինյանը։ Վարչապետը նկատեց, որ տարբեր քննարկումների ժամանակ Հայաստանը ստացել է ՀԱՊԿ և Ռուսաստանի Դաշնության իր գործընկերների շատ հստակ, տարակարծության և տարընթերցման տեղ չտվող դիրքորոշումն այն մասին, որ ՀՀ ինքնիշխան տարածքը կարմիր գիծ է իրենց համար։ Սակայն, 2021 թվականի մայիսին, նոյեմբերին, ինչպես նաև 2022 թվականի սեպտեմբերին տեղի են ունեցել իրադարձություններ, երբ այդ կարմիր գիծը հատվել է, մինչդեռ դրանց չեն հետևել ՀԱՊԿ կանոնադրության և ճգնաժամային իրավիճակներին արձանագրման կարգի մեջ նախանշված քայլերը։ Փաշինյանն արձանագրեց՝ եթե ՀԱՊԿ -ն կպատասխանի հարցին՝ թե որն է իր պատկերացրած ՀՀ ինքնիշխան տարածքը և այդ պատասխանը կհամապատասխանի հայկական կողմի պատկերացումներին, դա կնշանակի ՝ Հայաստանի և ՀԱՊԿ միջև հարցերը հասցեագրված են, լուծված և ամփոփված՝ դրանից բխող հետևանքներով։ «Եթե ոչ, Հայաստանը դուրս կգա ՀԱՊԿ-ից։ Թե երբ, չեմ կարող ասել»,- եզրափակեց վարչապետը։
14:13 - 12 մարտի, 2024
ՀԱՊԿ-ը Երևանից պաշտոնական հայտարարություն չի ստացել կազմակերպությանն անդամակցությունը կասեցնելու վերաբերյալ. Տասմագամբետով
 |tert.am|

ՀԱՊԿ-ը Երևանից պաշտոնական հայտարարություն չի ստացել կազմակերպությանն անդամակցությունը կասեցնելու վերաբերյալ. Տասմագամբետով |tert.am|

tert.am: Երևանը վերջին շրջանում չի մասնակցում Հավաքական անվտանգության պայմանագրի կազմակերպության (ՀԱՊԿ) քարտուղարության աշխատանքներին, սակայն կազմակերպությանը Հայաստանի անդամակցությունը կասեցնելու մասին պաշտոնական հայտարարություններ չեն եղել։ Այս մասին ՏԱՍՍ-ին տված հարցազրույցում հայտարարել է ՀԱՊԿ գլխավոր քարտուղար Իմանղալի Տասմագամբետովը։ «Երևանն իսկապես վերջերս չի մասնակցում ՀԱՊԿ քարտուղարության աշխատանքներին։ Սա Հայաստանի որոշումն է այս փուլում, և մենք՝ որպես միջազգային կազմակերպություն, հարգում ենք ինքնիշխան պետության ցանկացած որոշում։ Այնուամենայնիվ, կազմակերպության գործունեությունը շարունակվում է ամբողջ ծավալով, բոլոր ընթացակարգերը պահպանվում են ՀԱՊԿ կանոնակարգային դաշտին ամբողջությամբ համապատասխան: Քարտուղարությունը պարբերաբար Երևանի համապատասխան կառույցներին տեղեկացնում է ընդունած և ընդունվող որոշումների մասին։ Հայաստանի Հանրապետության պաշտոնատար անձանց նշված հայտարարությունների առնչությամբ նշեմ, որ Երևանից քարտուղարությունը կազմակերպությանն անդամակցությունը կասեցնելու վերաբերյալ պաշտոնական հայտարարություններ չի ստացել», - ասել է Տասմագամբետովը։ Ավելի վաղ Հայաստանի վարչապետ Նիկոլ Փաշինյանը France 24 հեռուստաալիքին տված հարցազրույցում ասել էր, որ Երևանը սառեցրել է մասնակցությունը ՀԱՊԿ-ին՝ նշելով, որ կազմակերպությունը չի կատարել հանրապետության նկատմամբ ստանձնած պարտավորությունները Ադրբեջանի հետ սահմանին 2021-ին և 2022-ին սրման ժամանակ։ ՌԴ նախագահի մամուլի քարտուղար Դմիտրի Պեսկովը նշել է, որ Մոսկվան շարունակում է շփումը Երևանի հետ՝ պարզաբանելու Փաշինյանի հայտարարությունները։
10:11 - 12 մարտի, 2024
ՀԱՊԿ գլխավոր քարտուղարը հայտարարել է տարածաշրջանից դուրս խաղաղապահ առաքելություններին ընդլայնելու մտադրության մասին |news.am|

ՀԱՊԿ գլխավոր քարտուղարը հայտարարել է տարածաշրջանից դուրս խաղաղապահ առաքելություններին ընդլայնելու մտադրության մասին |news.am|

news.am: Հավաքական անվտանգության պայմանագրի կազմակերպությունը (ՀԱՊԿ) նպատակ ունի ընդլայնել մասնակցությունը խաղաղապահ նախաձեռնություններին իր պատասխանատվության շրջանակից դուրս։ Այս մասին ՏԱՍՍ-ին տված հարցազրույցում հայտարարել է կազմակերպության գլխավոր քարտուղար Իմանգալի Տասմագամբետովը։ «Կազմակերպությունն ավանդաբար հատուկ ուշադրություն է դարձնում խաղաղապահությանը։ Հիշեցնեմ, որ ՀԱՊԿ խաղաղապահ ուժերը հաջողությամբ իրենց դրսևորեցին 2022 թվականի հունվարին (Ղազախստանում իրավիճակի կայունացման ժամանակ,- նշում է ՏԱՍՍ-ը)։ Այնուամենայնիվ, ՀԱՊԿ-ը նպատակ ունի ընդլայնել մասնակցությունը խաղաղապահ նախաձեռնություններին կազմակերպության պատասխանատվության շրջանակից դուրս»,- ասել է նա։ Տասմագամբետովը, մասնավորապես, ընդգծել է, որ խաղաղապահ գործունեության ընդլայնումն անհնար է առանց միջազգային հեղինակավոր կազմակերպությունների հետ սերտ համագործակցության, ինչպիսին ՄԱԿ-ն է։ «Այս պահին ակտիվորեն ձևավորվում են վարչական, իրավական և կազմակերպչական պայմաններ ՀԱՊԿ-ի հավաքական խաղաղապահ ներուժը ՄԱԿ-ի խաղաղապահ գործունեության մեջ ինտեգրելու համար»,- նշել է Տասմագամբետովը։ -Այսպիսով, Ղազախստանի Հանրապետությունը մասնակցում է ՄԱԿ-ի խաղաղապահ գործողություններին Արեւմտյան Սահարայում, Կենտրոնական Աֆրիկյան Հանրապետությունում, Կոնգոյի Դեմոկրատական ​​Հանրապետությունում եւ Լիբանանում։ Եվ մենք նախատեսում ենք ընդլայնել փոխգործակցության ձևաչափերը»,- հավելել է նա: Գլխավոր քարտուղարի խոսքով՝ այս ոլորտում ՄԱԿ-ի հետ հարաբերությունների ընդլայնման ուղղությամբ կարևոր քայլ է եղել «համակարգող պետության» ինստիտուտի ներդրումը, որը իրավասու է հանդես գալ ՀԱՊԿ անդամ երկրների անունից՝ համաշխարհային կազմակերպության քարտուղարության հետ շփումներում։ Տասմագամբետովը հիշեցրել է, որ 2023 թվականի սեպտեմբերին Մոսկվայում ՀԱՊԿ երկրների ներկայացուցիչները հանդիպում են անցկացրել ՄԱԿ-ի Գլխավոր ասամբլեայի 78-րդ նստաշրջանի օրակարգում, որտեղ քննարկվել են կազմակերպության ներուժը ՄԱԿ-ի խաղաղապահ գործունեության հետ կապելու հեռանկարները, այնուհետև կողմերը նշել են. խաղաղության պահպանման գլոբալ ջանքերում ՀԱՊԿ արդյունավետ մասնակցության կարևորությունը»։
10:05 - 12 մարտի, 2024
Այսքանից հետո էլ ի՞նչ պետք է լինի, որ մենք ՀԱՊԿ-ում մնանք, ինչի՞ համար մնանք, մնանք, որ ի՞նչ անենք. Սամվել Բաբայան
 |news.am|

Այսքանից հետո էլ ի՞նչ պետք է լինի, որ մենք ՀԱՊԿ-ում մնանք, ինչի՞ համար մնանք, մնանք, որ ի՞նչ անենք. Սամվել Բաբայան |news.am|

news.am: Հայաստանը հայտարարում է, որ սառեցնում է անդամակցությունը ՀԱՊԿ-ում ու չի բացատրում, թե ինչու է սառեցնում: Այս մասին NEWS.am-ի հետ զրույցում նշեց Արցախի նախկին պետնախարար Սամվել Բաբայանը: «Ես ժամանակին իմ կարծիքը հրապարակային եւ գործող իշխանությանը գրավոր ներկայացրել եմ, որ պետք է սառեցնել: Պատճառն այն է, որ Բելառուսը լինելով ՀԱՊԿ-ի անդամ, Ադրբեջանին զենք է տվել, «Պոլոնեզ» ու էլի զենքեր է տվել, որոնք անգամ Ռուսաստանը չի վաճառել եւ լոբբինգ է անում Ադրբեջանին ՀԱՊԿ-ի շրջանակներում: Այսինքն Բելառուսը շահագրգիռ կողմ է եւ Ադրբեջանի շահերը լոբբին է անում այդ կառույցում: Կենտրոնական Ասիայի երկրները այդ նույն վիճակում են, 20 մլրդ-ից ավելի ներդրում է արել Ադրբեջանը այդ երկրներում, նրանք լոբբինգ են անում, չեն էլ թաքցնում: Շնորհավորում են Ադրբեջանի հաղթանակը, ամեն ինչ արել են, որ Ռուսաստանը, ՀԱՊԿ-ը որեւէ դիրքորոշում չձեւակերպի 2020-ի պատերազմի ժամանակ: Այսինքն մենք այնտեղ չունենք դաշնակիցներ: Ունենք Ռուսաստանի հետ հարաբերություն, մնացածը ավելի շատ ադրբեջանամետ են: Մի ընտանիքի մեջ, որտեղ 6 հոգուց 4-ը քո դեմ են, հարց է ծագում՝ դու այնտեղ ի՞նչ ես անում: Դրա համար ես առաջարկել եմ Ռուսաստանի հետ ուղիղ ճանապարհային քարտեզ, պայմանագրերը փոխել, մինչեւ նորմալ վիճակի կգա Ռուսաստանը, հսկողություն կլինի այդ ընտանիքում, կհասկանանք՝ ով որտեղ է գնում: Այսքանից հետո էլ ի՞նչ պետք է լինի, որ մենք ՀԱՊԿ-ում մնանք, ինչի՞ համար մնանք, մնանք, որ ի՞նչ անենք, ինչ խնդիր լուծենք: Պարզ չի՞, որ անգամ Ռուսաստանի ցանկության դեպքում, այդ պետությունները դեմ են ՀՀ սահմանների պաշտպանության համար զորքեր մտցնելուն: Դրա համար ես դեռ 2021-ին առաջարկել եմ ուղիղ Ռուսաստանի հետ երկխոսության նստեն»,-ասաց Սամվել Բաբայանը: Ավելի մանրամասն՝ սկզբնաղբյուրում։      
18:40 - 11 մարտի, 2024
Մեծ Բրիտանիան «կաշխատի դաշնակիցների հետ՝ աջակցելու Երևանին ռուսական պատասխան սպառնալիքների դեպքում» |azatutyun.am|

Մեծ Բրիտանիան «կաշխատի դաշնակիցների հետ՝ աջակցելու Երևանին ռուսական պատասխան սպառնալիքների դեպքում» |azatutyun.am|

azatutyun.am: Մեծ Բրիտանիան ընդունում է ՀԱՊԿ-ին անդամակցությունը սառեցնելու Հայաստանի որոշումը՝ որպես այդ երկրի ինքնիշխան իրավունք և աշխատելու է եվրատլանտյան դաշնակիցների հետ՝ աջակցելու Երևանին ռուսական պատասխան սպառնալիքների դեպքում, հայտարարել է ՄԹ զինված ուժերի նախարար Ջեյմս Հիպպին։ Նա նշել է, որ Հայաստանը սառեցրել է իր անդամակցությունը Հավաքական անվտանգության պայմանագրի կազմակերպությանը՝ հայտարարելով, որ Ռուսաստանը չի կատարել Հայաստանի նկատմամբ անվտանգային իր պարտավորությունները, միաժամանակ բրիտանացի պաշտոնյան նկատել է, որ սա դեռ չի նշանակում կազմակերպությունից պաշտոնական դուրս գալ: «Միացյալ Թագավորությունը ստորագրել է ԵԱՀԿ սպառազինությունների էմբարգոն, և, որպես այդպիսին, Միացյալ Թագավորության պաշտպանական արդյունաբերության համար ցանկացած օգուտ պետք է իրականացվի մանդատային սահմանափակումների շրջանակներում: Մենք կշարունակենք սերտորեն աշխատել Հայաստանի հետ՝ ավելի սերտ համագործակցության հնարավորությունները բացահայտելու նպատակով», - ի պատասխան պատգամավորներից մեկի հարցման՝ նշել է Ջեյմս Հիպպին։
19:11 - 10 մարտի, 2024
Արևմուտք գնալու դեպքում Երևանը Մոսկվայի նման թշնամի կունենա, դեպի ՌԴ՝ նշանակում է ՀՀ կորուստ. Գագիկ Մելքոնյան
 |azatutyun.am|

Արևմուտք գնալու դեպքում Երևանը Մոսկվայի նման թշնամի կունենա, դեպի ՌԴ՝ նշանակում է ՀՀ կորուստ. Գագիկ Մելքոնյան |azatutyun.am|

azatutyun.am: Հայաստանն այժմ կանգնած է ընտրության առջև՝ Արևմո՞ւտք, թե՞ Ռուսաստան, Երևանը պետք է կողմնորոշվի՝ իր անվտանգային խնդիրները որ դեպքում ինչ կերպ կլուծվեն, հայտարարում է իշխող խմբակցության պատգամավոր Գագիկ Մելքոնյանը։ Ըստ նրա՝ Հայաստանն ինչ-որ պահի այդ ընտրությունը պետք է կատարի։ «Լավրովն ասում է՝ Հայաստանը պետք է կողմնորոշվի, Արևմուտքն ասում է՝ Հայաստանը պետք է կողմնորոշվի։ Հիմա գնացիր դեպի Արևմուտք, Ռուսաստանի նման թշնամի ես ունենալու, գնացիր դեպի Ռուսաստան, դա նշանակում է Հայաստանի կորուստ՝ իր տարածքներով, Հայաստանի անկախությունը վերացնում եք, որովհետև վերջը մենք գիտենք՝ այնտեղ ինչ է, երբ մեզ առաջարկում են մտնել ռուս-բելառուս կազմ՝ դաշինք, դա արդեն Հայաստանի վերջն է», - ասաց «Քաղաքացիական պայմանագրի» անդամը։ Վարչապետ Նիկոլ Փաշինյանն ացնած շաբաթ չբացառեց՝ Հայաստանը կարող է նաև դե յուրե սառեցնել անդամակցությունը ՀԱՊԿ-ին: Կազմակերպության վերաբերյալ Երևանից հնչող գնահատականներին շաբաթավերջին արձագանքեց նաև Ռուսաստանի արտաքին գործերի նախարարը: Անթալիայի դիվանագիտական ֆորումին հաջորդած մամուլի ասուլիսում Սերգեյ Լավրովն ընդգծեց՝ հետևում են Հայաստանի ղեկավարության հայտարարություններին և և հետևություններ կանեն սեփական գործնական քայլերը պլանավորելիս: Լավրովի խոսքով՝ ժամանակն է, որ Հայաստանը կողմնորոշվի ՀԱՊԿ-ում իր կարգավիճակի շուրջ: Երևանը ոչ այս, ոչ էլ ՀԱԿՊ-ից դուրս գալու հարցով դեռ որոշում չունի, վստահեցնում է իշխանական պատգամավորը: Միևնույն ժամանակ Գագիկ Մելքոնյանը չի բացառում՝ եթե Հայաստանը շարունակի այժմյան քաղաքականությունը, կհեռացվի Մոսկվայի առաջնորդած դաշինքից: «Այդ ամեն ինչը քննարկվում է, այդ քննարկումից հետո կերևա՝ իրե՞նք են մեզ դուրս հանելու, թե՞ մենք ենք դուրս գալու։ Բայց ժամանակ կա, որովհետև քննարկումները դեռ գնում են», - շեշտեց իշխանական պատգամավորը։
19:29 - 04 մարտի, 2024