Ինֆոթեգեր Մեր մասին
hy en ru
Նվիրաբերել

Հարավային Կորեա

Հարավային Կորեան (պաշտոնապես՝ Կորեայի Հանրապետություն) պետություն է Արեւելյան Ասիայում։ Ըստ 2017 թվականի մարդահամարի տվյալների՝ Հարավային Կորեայի բնակչությունը կազմում է 51 միլիոն մարդ։ Ընդհանուր հաշվով՝ պետության մակերեսը կազմում է 100 210 հազար կմ²։ Պետական լեզուն է կորեերենը, որով խոսում է ավելի քան 77 միլիոն մարդ։ Մայրաքաղաքը Սեուլն է։
 
Ունիտար նախագահական հանրապետություն է։ 2017 թվականի մայիսի 10-ից երկրի նախագահն է Մուն Ջեինը։ Հարավային Կորեան վարչականորեն բաժանված է 16 վարչական միավորների՝ 9 նահանգների եւ 7 քաղաքների։
 
Տեղակայված է Կորեական թերակղզու հարավային հատվածում: Ցամաքային սահման ունի Հյուսիսային Կորեայի հետ եւ ջրային սահման՝ Ճապոնիայի հետ: Արեւմուտքում երկիրը ողովում է Դեղին ծովով, արեւելքից՝ Ճապոնական ծովով, իսկ հարավից՝ Կորեական նեղուցով եւ Արեւելաչինական ծովով:
 
Կորեայի Հանրապետության բնակչության 96%-ը կազմում են կորեացիները: Պետության բնակչության ավելի քան 65%-ը անկրոն են, հիմնական կրոններն են՝ բուդդայականությունը եւ քրիստոնեությունը: Արդյունաբերական պետություն է ՝ զարգացած տնտեսությամբ: 2018 թվականի տվյալների համաձայն՝ Հարավային Կորեայի ՀԱՀ-ը կազմել է 2,137 տրիլիոն ԱՄՆ դոլար: Ազգային արժույթը հարավկորեական վոնան է։
 
Հարավային Կորեայի նախագահը հրաժարվել է ցուցմունք տալուց |armenpress.am|

Հարավային Կորեայի նախագահը հրաժարվել է ցուցմունք տալուց |armenpress.am|

armenpress.am: Կորեայի Հանրապետության նախագահ Յուն Սոկ Յոլը, որը ձերբակալվել է ապստամբության գործով և տարվել Բարձրաստիճան պաշտոնյաների նկատմամբ հակակոռուպցիոն հետաքննության վարչություն, հրաժարվել է ցուցմունք տալուց։  Այդ մասին հայտնել է Yonhap գործակալությունը։ Yonhap գործակալությունը նաև հաղորդել է, որ Կորեայի Հանրապետության նախագահի ձերբակալման գործողությունը տեւել է ավելի քան յոթ ժամ: 2024 թվականի դեկտեմբերի 3-ի երեկոյան Յուն Սոկ Յոլը երկրում ռազմական դրություն էր հայտարարել, որը չեղարկվել էր 6 ժամ հետո։ Դեկտեմբերի 14-ին Հարավային Կորեայի խորհրդարանը իմփիչմենթ էր հայտարարել երկրի նախագահին, սակայն մինչև Սահմանադրական դատարանի որոշումը նրա լիազորությունները շարունակում են ուժի մեջ մնալ։  Դեկտեմբերի 31-ին դատարանը նախագահին ձերբակալելու օրդեր էր տվել ապստամբության գործով՝ կապված ռազմական դրություն հայտարարելու իրադարձությունների հետ։ Հունվարի 7-ին դատարանը կրկնել էր նախագահին ձերբակալելու օրդեր տալու որոշումը։ Հարավային Կորեայի նախագահը կասկածվում է ապստամբության մեջ՝ որպես խռովարարների լիդեր։  Հունվարի 15-ին Կորեայի Հանրապետության պատմության մեջ առաջին անգամ երկրի նախագահը ձերբակալվել է։ 
10:59 - 15 հունվարի, 2025
Հարավային Կորեայի պաշտոնանկ արված նախագահը ձերբակալվել է․ Yonhap |tert.am|

Հարավային Կորեայի պաշտոնանկ արված նախագահը ձերբակալվել է․ Yonhap |tert.am|

tert.am: Քննիչները ձերբակալել են Հարավային Կորեայի պաշտոնանկ արված նախագահ Յուն Սեոկ Յոլին՝ ապստամբության մեղադրանքով, հայտնում է Yonhap-ը, փոխանցում է rbc.ru-ն։ Նշվում է, որ նրան տարել են հարցաքննության։ Պաշտոնանկ արված նախագահն ասել է, որ որոշել է ինքնակամ ներկայանալ հարցաքննության՝ «արյունահեղությունից խուսափելու համար»: Նա իր հետապնդումն անօրինական է համարում։ Հիշեցնենք, որ Հարավային Կորեայի նախագահ Յուն Սոկ Յոլը դեկտեմբերի 3-ին երկրում ռազմական դրություն էր հայտարարել՝ պնդելով, որ երկրում որոշ տարրեր սպառնում են պետականությանը։ Այնուհետև Հարավային Կորեայի վեց կուսակցություններ, այդ թվում՝ հիմնական ընդդիմությունը, խորհրդարանին են ներկայացրել նախագահի դեմ իմփիչմենթի նախագիծը։ Հարավային Կորեայի ոստիկանությունը հետաքննություն է սկսել նախկին նախագահի դեմ։ Նրան կասկածում են ռազմական դրություն մտցնելու որոշման պատճառով ապստամբության համար։ Ընդդիմությունը պնդում է, որ նախագահը ռազմական դրություն հայտարարելու հիմքեր չի ունեցել:
09:59 - 15 հունվարի, 2025
Հարավային Կորեայում վթարի ենթարկված ինքնաթիռի սև արկղերը դադարեցրել են ձայնագրությունը վթարից մոտ չորս րոպե առաջ

Հարավային Կորեայում վթարի ենթարկված ինքնաթիռի սև արկղերը դադարեցրել են ձայնագրությունը վթարից մոտ չորս րոպե առաջ

Հարավային Կորեայում վթարի ենթարկված մարդատար ինքնաթիռի սև արկղերը դադարեցրել են ձայնագրությունը վթարից մոտ չորս րոպե առաջ, ինչպես հաղորդում է CBS news լրատվամիջոցը՝ հունվարի 11-ին հայտնել են հարավկորեական պաշտոնյաները: Սարքերը վերլուծելուց հետո ԱՄՆ Տրանսպորտի անվտանգության ազգային խորհուրդը եզրակացրեց, որ ինչպես թռիչքի տվյալները, այնպես էլ օդաչուների խցիկի ձայնագրիչները դադարել են աշխատել վթարից մոտ չորս րոպե առաջ, հայտնել է Հարավային Կորեայի տրանսպորտի նախարարությունը: Jeju Air-ի կողմից շահագործվող Boeing 737-800-ը դեկտեմբերի 29-ին շեղվել է թռիչքուղուց հարավկորեական Մուան քաղաքում և կործանվել, ինչի հետևանքով զոհվել է 181 հոգի, բացառությամբ երկուսի: Տրանսպորտի նախարարությունը հայտնել է, որ պարզ չէ, թե ինչու սարքերը չեն գրանցել տվյալները վերջին չորս րոպեների ընթացքում: Հարավային Կորեայի քննիչները հայտնել են, որ օդային երթևեկության վերահսկիչները զգուշացրել են օդաչուին թռչունների հնարավոր հարվածների մասին օդանավի աղետի ազդանշան տալուց երկու րոպե առաջ, որը հաստատում է, որ թռչնի հարված է տեղի ունեցել, որից հետո օդաչուն փորձել է վթարային վայրէջք կատարել:Lուսանկարում՝ փրկարարական խմբի անդամներն աշխատում են 2024 թվականի դեկտեմբերի 31-ին Հարավային Կորեայի Մուան քաղաքի Մուան միջազգային օդանավակայանում ինքնաթիռի կործանման վայրում/Ahn Young-Jon /AP։
17:47 - 12 հունվարի, 2025
Հարավային Կորեայի նախագահին քննիչները չեն կարողացել ձերբակալել թիկնապահների դիմադրության պատճառով |factor.am|

Հարավային Կորեայի նախագահին քննիչները չեն կարողացել ձերբակալել թիկնապահների դիմադրության պատճառով |factor.am|

factor.am: Հարավկորեացի քննիչները, որոնք վարում են երկրի պաշտոնանկ արված նախագահ Յուն Սոկ Յոլի գործը, հունվարի 3-ի առավոտյան ժամանել են Սեուլի նստավայր՝ նրան ձերբակալելու, գրում է DW-ի ռուսական ծառայությունը։ Yonhap գործակալության փոխանցմամբ Հարավային Կորեայի բարձրաստիճան պաշտոնյաների քրեական հետախուզության ծառայության (CIO) և ոստիկանության աշխատակիցները Յունի նստավայր են ժամանել տեղական ժամանակով ժամը 07:20-ի սահմաններում։ Ժամը 08:00-ի սահմաններում 50 հոգանոց քննչական խումբը մուտք է գործել նստավայրի տարածք, սակայն արգելափակվել է զինվորականների կողմից։ Քննիչներին հաջողվել է ճեղքել զինվորականների երկու շարքերը, սակայն նրանց խոչընդոտել են Յունի թիկնապահները։ Նախագահական նստավայրի մերձակայքում կարգուկանոն պահպանելու համար ոստիկանությունը տեղակայել է 45 հատուկ նշանակության ստորաբաժանման 2,7 հազար աշխատակցի։ Յունի կողմնակիցները կոչ են արել «պաշտպանել նախագահին» և «չեղարկել իմփիչմենթը»։ Նրանցից ոմանք բախվել են ոստիկանների հետ։ Ի վերջո, քննիչները նախագահի թիկնապահների հետ երկար առճակատումից հետո հրաժարվել են նրան ձերբակալել։ Սեուլի Արևմտյան շրջանային դատարանը դեկտեմբերի 31-ին Յունի ձերբակալության օրդեր է տվել CIO-ին: Սա տեղի է ունեցել այն բանից հետո, երբ պաշտոնանկ արված նախագահը երեք անգամ չի ներկայացել հարցաքննության։
15:11 - 03 հունվարի, 2025
Փաշինյանը ցավակցական հեռագիր է հղել Չոյ Սան Մոկին՝ Հարավային Կորեայի Մուան օդանավակայանում տեղի ունեցած ավիավթարի կապակցությամբ

Փաշինյանը ցավակցական հեռագիր է հղել Չոյ Սան Մոկին՝ Հարավային Կորեայի Մուան օդանավակայանում տեղի ունեցած ավիավթարի կապակցությամբ

Վարչապետ Նիկոլ Փաշինյանը ցավակցական հեռագիր է հղել Կորեայի Հանրապետության փոխվարչապետ, նախագահի պաշտոնակատար Չոյ Սան Մոկին՝ Մուան միջազգային օդանավակայանում տեղի ունեցած ողբերգական ավիավթարի կապակցությամբ: Այս մասին հայտնում են ՀՀ վարչապետի աշխատակազմից։Հեռագրում ասված է. «Խոր ցավով տեղեկացա Կորեայի Հանրապետության Մուան միջազգային օդանավակայանում տեղի ունեցած ողբերգական ավիավթարի մասին, որը բազմաթիվ  մարդկանց կյանքեր է խլել։  Իմ կարեկցանքն ու զորակցությունն եմ հայտնում զոհերի ընտանիքներին և հարազատներին՝ մաղթելով տոկունություն, իսկ վիրավորներին՝ շուտափույթ ապաքինում»:
17:13 - 30 դեկտեմբերի, 2024
Հարավային Կորեայում ավիավթարից զոհված 141 մարդու մասունքներ նույնականացվել են |hetq.am|

Հարավային Կորեայում ավիավթարից զոհված 141 մարդու մասունքներ նույնականացվել են |hetq.am|

hetq.am: Երեկ՝ տեղական ժամանակով ժամը 9-ին, Jeju Air ավիաընկերության ինքնաթիռը Հարավային Կորեայի Մուան միջազգային օդանավակայանում վայրէջքի ժամանակ դուրս է եկել թռիչքուղուց, բախվել պատին ու պայթել։ Ինքնաթիռում եղած 181 ուղևորից 179-ը զոհվել են։ Նրանք վերադառնում էին Թաիլանդի մայրաքաղաք Բանգոկից։ Տեղացի լրագրողները հայտնում են, որ զոհվածները հիմնականում ընտանիքներ էին, որոնք մեկնել էին Թաիլանդ՝ նշելու Ամանորը։ Սեուլից 288 կիլոմետր դեպի հարավ գտնվող Մուան միջազգային օդանավակայանում զոհերի ընտանիքների համար կազմակերպված ճեպազրույցի ժամանակ Հողի, տրանսպորտի և ենթակառուցվածքների նախարարությունից հայտնել են, որ բոլոր 179 մարմինները տեղափոխվել են ժամանակավոր դիահերձարան: Այս մասին հաղորդում է է Yonhap լրատվական գործակալությունը: Իշխանությունները հայտնել են, որ իրենք կկապվեն զոհերի հարազատների հետ այն ժամանակ, երբ դատաբժշկական փորձաքննությունների ավարտից հետո պատրաստ լինեն ուղարկելու զոհվածների մարմինները։ Նախնական տվյալներով 141 զոհվածի մասունքներ նույնականացվել են։ Հարավկորեական մի շարք քաղաքներ և շրջաններ հայտնել են, որ զոհերի հիշատակին կկազմակերպեն մոմավառություն և կբացեն հուշանկյուններ միչև յոթօրյա համազգային սգի ավարտը։  Որպես ինքնաթիռի վթարման նախնական պատճառ նշվում է թռչունների հետ բախումը։ Դեպքի վայրը սահմանազատվել է, հետաքննությունը շարունակվում է։
12:03 - 30 դեկտեմբերի, 2024
Հարավային Կորեայում ավիավթարի զոհերի թիվը հասել է 177-ի |armenpress.am|

Հարավային Կորեայում ավիավթարի զոհերի թիվը հասել է 177-ի |armenpress.am|

armenpress.am: Հարավային Կորեայում ավիավթարի զոհերի թիվը հասել է 177-ի:Այս մասին հայտնում է Yonhap-ը։ Հրատարակության տվյալներով՝ երկուսը ողջ են մնացել, ևս երեքն անհայտ կորած են ճանաչվել։ Նրանց որոնողական աշխատանքները կշարունակվեն մինչև գիշեր։Հարավային Կորեայի Մուան միջազգային օդանավակայանում 181 ուղևորներով ինքնաթիռը վայրէջք կատարելիս, դուրս է եկել թռիչքուղուց և վթարի ենթարկվել՝ մխրճվելով ցանկապատի մեջ: 
16:35 - 29 դեկտեմբերի, 2024
ՀՀ ԱԳՆ-ն ցավակցություն է հայտնել Հարավային Կորեայում տեղի ունեցած ավիավթարի կապակցությամբ

ՀՀ ԱԳՆ-ն ցավակցություն է հայտնել Հարավային Կորեայում տեղի ունեցած ավիավթարի կապակցությամբ

ՀՀ ԱԳ նախարարությունը X-ի էջում ցավակցություն է հայտնել Հարավային Կորեայում տեղի ունեցած ինքնաթիռի կործանման կապակցությամբ։«Խորապես վշտացած ենք Հարավային Կորեայի Մուան միջազգային օդանավակայանում տեղի ունեցած ողբերգական ինքնաթիռի վթարից, որը այդքան շատ կյանքեր է խլել։ Մեր սրտանց ցավակցությունն ու կարեկցանքն ենք հայտնում զոհվածների ընտանիքներին, իսկ վիրավորներին մաղթում շուտափույթ ապաքինում», - նշված է ԱԳՆ-ի X-ի էջում։
14:45 - 29 դեկտեմբերի, 2024
Առնվազն 85 զոհ Հարավային Կորեայում ավիավթարի հետևանքով |azatutyun.am|

Առնվազն 85 զոհ Հարավային Կորեայում ավիավթարի հետևանքով |azatutyun.am|

azatutyun.am: Առնվազն 85 մարդ է զոհվել Հարավային Կորեայի Մուան միջազգային օդանավակայանում Boeing 737 ինքնաթիռի վայրէջքի ժամանակ։ Երկրի ազգային հրշեջ ծառայությունը հաղորդում է, որ ինքնաթիռը դուրս է եկել թռիչքուղուց և բռնկվել՝ բախվելով պատին։ Jeju Air 7C2216 չվերթը ժամանել էր Թաիլանդի մայրաքաղաք Բանգկոկից, ինքնաթիռում 181 ուղևոր է եղել։ Yonhap լրատվական գործակալությունը, վկայակոչելով հրշեջ պաշտոնյային, հայտնում է, որ 175 ուղևորներից և անձնակազմի վեց անդամներից շատերը ենթադրաբար զոհված են: Հարավային Կորեայի տրանսպորտի նախարարությունը մինչ այս պահը հաստատել է, որ 85 զոհ կա։ Փրկարարական աշխատանքները շարունակվում են։ Տեղական լրատվամիջոցների տեսանյութերում երևում է, որ երկշարժիչ ինքնաթիռը սահում է թռիչքուղու վրա, ապա պատին բախվում, ինչի հետևանքով պայթյուն է տեղի ունենում: Մյուս լուսանկարներում երևում է, որ ծուխն ու կրակը ամբողջությամբ պատել են ինքնաթիռը:Շարունակությունը՝ սկզբնաղբյուր կայքում։
10:30 - 29 դեկտեմբերի, 2024
Հարավային Կորեայի խորհրդարան առաջարկ է ուղարկվել նախագահի պաշտոնակատարի իմփիչմենթի վերաբերյալ |armenpress.am|

Հարավային Կորեայի խորհրդարան առաջարկ է ուղարկվել նախագահի պաշտոնակատարի իմփիչմենթի վերաբերյալ |armenpress.am|

armenpress.am: Հարավային Կորեայի հիմնական ընդդիմադիր Դեմոկրատական ​​կուսակցությունը դեկտեմբերի 26-ին խորհրդարան է ներկայացրել նախագահի և վարչապետի պաշտոնակատար Հան Դոկ Սուի իմփիչմենթի նախաձեռնությունը: Այս մասին հաղորդում է Yonhap գործակալությունը: Ըստ օրենքի՝ խորհրդարանից այժմ պահանջվում է իմփիչմենթի հարցի շուրջ քվեարկություն անցկացնել 24-ից 72 ժամվա ընթացքում: Դեմոկրատական ​​կուսակցությունը պլանավորում է այն կազմակերպել դեկտեմբերի 27-ին։ Կուսակցությունն այս քայլին է դիմել այն բանից հետո, երբ Հան Դոկ Սուն հրաժարվեց Սահմանադրական դատարանում նշանակել պակասող երեք դատավորներին մինչև կուսակցությունների միջև փոխզիջման ձեռքբերումը։  Yonhap-ը նշում է, որ ընդդիմության կողմից վերահսկվող խորհրդարանը դեկտեմբերի 26-ի առավոտյան կողմ է քվեարկել դատավորների պաշտոնում երեք առաջադրված թեկնածուների նշանակմանը։ Եթե նրանք նշանակվեն նախագահի պաշտոնակատարի կողմից, ապա կմիանան վեց այլ դատավորների, և Սահմանադրական դատարանը կկարողանա քննել իշխանությունից հեռացված նախագահ Յուն Սոկ Յոլի գործը։ Դատարանն առաջիկա ամիսներին պետք է որոշի, թե արդյոք ուժի մեջ թողնել նախագահի իմփիչմենթի վերաբերյալ խորհրդարանի որոշումը։  Եթե ​​դատարանն, այնուամենայնիվ, որոշի նախագահին հեռացնել իշխանությունից, ապա 60 օրվա ընթացքում անհրաժեշտ կլինի արտահերթ նախագահական ընտրություններ անցկացնել։ Նախագահին իշխանությունից հեռացնելու պատճառը դարձել է քաղաքական ընդդիմախոսների դեմ պայքարելու համար դեկտեմբերի 3-ին երկրում ռազմական դրություն մտցնելու նրա փորձը։ Այս որոշումն առաջացրել է երկրի բնակիչների վրդովմունքը, և խորհրդարանն արագ ու միաձայն քվեարկել է ռազմական դրությունը չեղարկելու օգտին: Արդյունքում Յուն Սոկ Յոլը համաձայնել է չեղարկել իր կարգադրությունը։
11:59 - 26 դեկտեմբերի, 2024
Կորեան Հայաստանին է նվիրաբերել շտապօգնության 6 մեքենա

Կորեան Հայաստանին է նվիրաբերել շտապօգնության 6 մեքենա

Հայաստանի Հանրապետության Առողջապահության նախարարի առաջին տեղակալ Լենա Նանուշյանը և նախարարի տեղակալ Արմեն Գասպարյանն ընդունել են Կորեայի Հանրապետության դեսպանության և Կորեայի միջազգային համագործակցության գործակալության (ԿՄՀԳ) ներկայացուցիչներին:  Առողջապահության նախարարության տարածած հաղորդագրության մեջ նշվում է, որ Լենա Նանուշյանն ընդգծել է հատկապես առողջության համապարփակ ապահովագրության, բժշկական ծառայությունների որակի բարելավման և էլեկտրոնային առողջապահության ոլորտում կորեական լավագույն փորձի ուսումնասիրությունը: Նա կարևորել է նաև Երևանում Կորեայի միջազգային համագործակցության գործակալության գրասենյակի բացումը, ինչը կնպաստի հետագա համագործակցությանը: Ի նշան փոխադարձ բարեկամության և համագործակցության` Կորեայի Հանրապետության կառավարությունը Զարգացման պաշտոնական աջակցության (ODA) 2024 թ. ծրագրի շրջանակներում ՀՀ առողջապահության նախարարությանը նվիրաբերել է շտապօգնության 6 մեքենա, որոնցով կթարմացվի Հանրապետական շտապօգնության ծառայության ավտոպարկը: «Այս փուլում, երբ իրականացնում ենք շտապօգնության ոլորտի բարեփոխումներ, շտապօգնության ավտոպարկը ևս 6 մեքենայով համալրելը կօգնի ավելի լավ կատարել մեր առջև դրված խնդիրները»,- նշել է փոխնախարար Արմեն Գասպարյանը:  Քննարկվել է նաև մոր և մանկան առողջության պահպանման ոլորտում աջակցության հնարավորությունը:  
11:14 - 19 դեկտեմբերի, 2024
Պենտագոնը հայտնել է Կուրսկի մոտ տեղի ունեցած մարտերի ընթացքում հյուսիսկորեացի զինվորականների շրջանում զոհերի մասին |news.am|

Պենտագոնը հայտնել է Կուրսկի մոտ տեղի ունեցած մարտերի ընթացքում հյուսիսկորեացի զինվորականների շրջանում զոհերի մասին |news.am|

news.am: ԱՄՆ պաշտպանության նախարարությունը տեղեկություն ունի, որ հյուսիսկորեացի զինվորականներն առաջին անգամ մասնակցել են ռազմական գործողություններին Կուրսկի շրջանում ռուսական բանակի կողմից և կորուստներ են կրել։ Այս մասին մամուլի ասուլիսի ժամանակ հայտարարել է Պենտագոնի խոսնակ գեներալ-մայոր Փեթ Ռայդերը։ «Մենք տեղեկություններ ունենք, որ հյուսիսկորեացիները կորուստներ են կրել, սպանվածներ և վիրավորներ ունեն»,- ասել է Ռայդերը, հայտնում է Reuters-ը։ Նա պարզաբանել է, որ զոհերի թվի մասին ստույգ տվյալներ դեռ չկան, սակայն ԿԺԴՀ-ի զինվորականների մասնակցությամբ մարտերը տեղի են ունեցել անցյալ շաբաթ՝ դեկտեմբերի 9-ից 15-ը։ Ուկրաինայի պաշտպանության նախարարության գլխավոր հետախուզական վարչությունը (GUR) հաստատել է մարտերին հյուսիսկորեական զորքերի մասնակցությունը և հայտնել է հյուսիսկորեացի զինվորների «զգալի կորուստների» մասին։ Հետախուզության գլխավոր վարչության տվյալներով՝ միայն դեկտեմբերի 14-ին և 15-ին Հյուսիսային Կորեայի ստորաբաժանումները Կուրսկի մարզի Սուդժանսկի շրջանի Պլեխովո, Վորոժբա և Մարտինովկա գյուղերի շրջանում ուկրաինական դիրքերի վրա հարձակման ժամանակ կորցրել են առնվազն 30 մարդ և վիրավորվել։ ԿԺԴՀ-ի զինվորականների մասնակցությամբ առաջին ռազմական բախումների մասին հաղորդագրությունները հայտնվեցին նախօրեին ռուսական պատերազմամետ հեռագրային ալիքներում։ Պնդում էր արվում, որ հյուսիսկորեական ստորաբաժանումները ուկրաինական զորքերից հաջողությամբ հետ են գրավել Պլեխովո գյուղը։ Այս տվյալները հրապարակել են Romanov Light, Oleg Tsarev, Alex Parker Returns եւ Voenkor Kotenok ալիքները:
10:07 - 17 դեկտեմբերի, 2024
Հարավային Կորեայի ընդդիմությունն իմփիչմենթի ենթարկեց նախագահին |azatutyun.am|

Հարավային Կորեայի ընդդիմությունն իմփիչմենթի ենթարկեց նախագահին |azatutyun.am|

azatutyun.am: Հարավային Կորեայի ընդդիմությունն իմփիչմենթի ենթարկեց նախագահ Յուն Սեոկ Յոլին՝ պատճառն անցած շաբաթ ռազմական դրություն մտցնելու նրա փորձն էր, հաղորդում է Reuters-ը։ Նախօրեին հաղորդվեց, որ Հարավային Կորեայի խորհրդարանական հիմնական ընդդիմադիր Դեմոկրատական կուսակցությունը և հինգ փոքր ընդդիմադիր կուսակցությունները դարձյալ նախագահին իմպիչմենթի ենթարկելու գործընթաց են սկսել՝ նոր համատեղ նախագիծ ներկայացնելով։ Նախագիծը խորհրդարանը քննարկեց ուրբաթ օրը, իսկ քվեարկությունն այսօր էր։ Դեկտեմբերի 3-ին Յունի կարճատև ռազմական դրության հռչակումը քաղաքական քաոսի և մեծ բողոքի ալիք էր բարձրացրել՝ նրա հրաժարականի պահանջով։ Ռազմական դրությունը տևեց ընդամենը վեց ժամ, քանի որ Յունը ստիպված եղավ չեղարկել որոշումը, երբ Ազգային ժողովը միաձայն դեմ քվեարկեց: Դեմոկրատական կուսակցությունը պնդում է, որ Յունի հրամանագիրը՝ հեղաշրջման փորձ էր: Յունը պաշտպանել է իր հրամանագիրը՝ հերքելով հեղաշրջման մեղադրանքները:
13:03 - 14 դեկտեմբերի, 2024
Հարավային Կորեայի պաշտպանության նախկին նախարարն ինքնասպանության փորձ է արել կալանավայրում |armenpress.am|

Հարավային Կորեայի պաշտպանության նախկին նախարարն ինքնասպանության փորձ է արել կալանավայրում |armenpress.am|

armenpress.am: Հարավային Կորեայի պաշտպանության նախկին նախարար Կիմ Յոն Հյուն, որն այժմ ձերբակալված է երկրում ռազմական դրություն հայտարարելու գործում իր դերակատարման համար, ինքնասպանության փորձ է կատարել։ Այս մասին հաղորդում է Yonhap գործակալությունը։ Ըստ երկրի Արդարադատության նախարարության՝ այժմ նա գտնվում է կայուն վիճակում։ Կիմ Յոն Հյունին գտել են այն ժամանակ, երբ նա փորձել է կախվել հագուստից պատրաստված պարանի միջոցով՝ Սեուլի ուղղիչ գաղութներից մեկի լոգարանում։ Կիմ Յոն Հյունը պաշտոնապես ձերբակալվել է դեկտեմբերի 11-ին: Նա մեղադրվում է ապստամբություն կազմակերպելու և անկարգություններ հրահրելու գործում նախագահ Յուն Սոկ Յոլին օգնելու համար: Ըստ հարավկորեական օրենսդրության՝ ապստամբություն կազմակերպելու մասնակիցներին սպառնում է մահապատիժ, ցմահ ազատազրկում կամ առնվազն հինգ տարվա ազատազրկում։ Ինքը՝ Հարավային Կորեայի նախագահը, ապստամբություն կազմակերպելու գործով կասկածյալ է ճանաչվել, նրան արգելված է հեռանալ երկրից։ Հարավկորեական օրենսդրության համաձայն՝ պաշտոնավարման ընթացքում պետության ղեկավարն անձեռնմխելիություն ունի քրեական հետապնդումից, բացառությամբ ապստամբության մեղադրանքի:  Yonhap-ը նաև հայտնում է, որ դեկտեմբերի 11-ին ոստիկանությունը խուզարկություններ է կատարել նախագահի գրասենյակում և ոստիկանության կենտրոնական վարչությունում՝ Յուն Սոկ Յոլի կողմից ռազմական դրություն մտցնելու հետաքննության շրջանակներում:  Յուն Սոկ Յոլն անակնկալ կերպով արտակարգ ռազմական դրություն էր հայտարարել դեկտեմբերի 3-ի երեկոյան՝ ընդդիմությանը մեղադրելով «հակապետական» գործողությունների միջոցով կառավարությունը «կաթվածահար անելու» մեջ։ Դեկտեմբերի 4-ի վաղ առավոտյան նախագահը չեղարկել էր ռազմական դրությունն Ազգային ժողովի քվեարկությունից հետո, որի արդյունքում պատգամավորները միաձայն պահանջել էին չեղյալ համարել այն։ Հարավկորեական ընդդիմությունը նախագահի դեմ իմփիչմենթի գործընթաց էր սկսել, սակայն Յուն Սոկ Յոլին հաջողվեց խուսափել իմփիչմենթից, քանի որ իշխող «Ժողովրդի ուժ» կուսակցության պատգամավորների ճնշող մեծամասնությունը հրաժարվել էր մասնակցել քվեարկությանը։
10:30 - 11 դեկտեմբերի, 2024
Հարավային Կորեայի խորհրդարանը հավանություն է տվել նախագահ Յունի նկատմամբ հետաքննություն անցկացնելուն |factor.am|

Հարավային Կորեայի խորհրդարանը հավանություն է տվել նախագահ Յունի նկատմամբ հետաքննություն անցկացնելուն |factor.am|

factor.am: Կորեայի Հանրապետության Ազգային ժողովն օրինագիծ է ընդունել մշտական հատուկ դատախազ նշանակելու մասին, որը հետաքննություն է անցկացնելու նախագահ Յուն Սոկ Յոլի՝ ռազմական դրություն մտցնելու կապակցությամբ: Նախաձեռնությանը պաշտպանել է 210 պատգամավոր, 63-ը դեմ է հանդես եկել, ևս 14-ը ձեռնպահ է մնացել, հայտնում է Yonhap-ը։ Հետաքննությունը վերաբերում է ապստամբության շուրջ կասկածներին։ Հարավային Կորեայի օրենսդրության համաձայն՝ խոսքը սահմանադրական իշխանությունների աշխատանքը խաթարելուն ուղղված գործողությունների մասին է։ Նախագահը չի կարող վետո դնել մշտական հատուկ դատախազի մասին օրինագծի վրա։ Ենթադրվում է, որ հետաքննությունը կազդի նաև հակահետախուզության հրամանատար Յո Ին Հյունի վրա։ Խորհրդարանը նաև բանաձև է ընդունել՝ Յուն Սոկ Յոլին ու յոթ այլ պաշտոնատար անձանց ձերբակալելու կոչով։ Նրանց թվում են ռազմական դրության նախաձեռնող, պաշտպանության նախկին նախարար Կիմ Յոնգ Հյունը և բանակի շտաբի պետ Պարկ Ան Սուն, որը պատասխանատու էր անհրաժեշտ միջոցառումների իրականացման համար։ Նախագահը և մի քանի պաշտոնյաներ հետաքննվում են պետական դավաճանության և իշխանության չարաշահման մեղադրանքով։ Նրանց արգելվում է լքել երկիրը։
17:27 - 10 դեկտեմբերի, 2024
Հարավային Կորեայի խորհրդարանը նախագահի իմփիչմենթի հարցն է քննարկում |azatutyun.am|

Հարավային Կորեայի խորհրդարանը նախագահի իմփիչմենթի հարցն է քննարկում |azatutyun.am|

azatutyun.am: Հարավային Կորեայի նախագահի՝ ռազմական դրություն հայտարարելուց, ապա ժամեր անց այն չեղարկելուց հետո երկրի խորհրդարանն այսօր նախագահ Յուն Սոկ Յոլին անվստահություն հայտնելու հարցն է քննարկում։ Նախագահին հեռացնելու համար 200 ձայն է պետք, սակայն իշխող «Ժողովրդի ուժը» խմբակցության պատգամավորները բոյկոտում են քվեարկությունը։ Յուն Սոկ Յոլին հեռացնելու պահանջով խորհրդարանի առջև տասնյակ հազարավոր մարդիկ են հավաքվել։ BBC-ն հաղորդում է՝ քաղաքացիները կանգնած են ելքերի մոտ, որպեսզի թույլ չտան պատգամավորներին լքել շենքը։ Ընդդիմությանը նախագահի կուսակցության պատգամավորներից 8-ի ձայնն է պետք իմփիչմենթի համար։
17:18 - 07 դեկտեմբերի, 2024