Պաղեստին

Դե յուրե ինքնիշխան պետություն Միջին Արեւելքում՝ Հորդանան գետի արեւմտյան ափին (սահմանակցում է Իսրայելին եւ Հորդանանին) եւ Գազայի հատվածին (սահմանակցում է Իսրայելին եւ Եգիպտոսին), որի մայրաքաղաքն է համարվում Արեւելյան Երուսաղեմը՝ չնայած վարչական կենտրոնը Ռամալլահում է: Պաղեստին պետության մեծ հատվածն, ըստ համացանցի աղբյուրների, օկուպացված է Իսրայելի կողմից՝ 1967 թվականի Վեցօրյա պատերազմից հետո:

Երկրորդ համաշխարհային պատերազմից հետո, 1947 թվականին ՄԱԿ-ը հաստատեց Բաժանման նախագիծը Պաղեստինի համար, որը հորդորում էր ստեղծել անկախ արաբական եւ հրեական պետություններ` առանձնացնելով Երուսաղեմը, որը պետք է ղեկավարվեր ՄԱԿ-ի հատուկ միջազգային կառավարման ռեժիմով: Հրեական պետության հիմնադրումից հետո, որը 1948 թվականի մայիսի 14-ին ստացավ Իսրայել անվանում, ներքաշվեց պատերազմների մեջ արաբական բանակների հետ: Ավելի ուշ Արաբական լիգայի կողմից ստեղծվեց Համապաղեստինյան կառավարությունը, որը կառավարեց Եգիպտոսի կողմից վերահսկվող Գազայի հատվածը: Այն շուտով ճանաչվեց Արաբական լիգայի անդամ բոլոր պետությունների կողմից՝ բացառությամբ Հորդանանի: Չնայած Համապաղեստինյան կառավարությունը իրեն հռչակեց ոչ միայն Գազայի հատվածի, այլ ամբողջ նախկին Բրիտանական Պաղեստինի կառավարիչ, այն միայն սահմանափակվում էր Գազայի հատվածով: Իսրայելը ավելի ուշ նվաճեց Գազայի հատվածը եւ Սինայի թերակղզին Եգիպտոսից, Հորդանանի գետի արեւմտյան ափը Հորդանանից եւ Գոլանի բարձունքները՝ Սիրայից՝ Վեցօրյա պատերազմի ընթացքում:

Իսրայելը Գազայի հատվածում վերսկել է ռազմական գործողությունները |hetq.am|

hetq.am: Իսրայելի պաշտպանության բանակը (ՑԱԽԱԼ) հայտնել է, որ Գազայի հատվածում վերսկսում է ռազմական գործողությունները՝ «պաղեստինյան ՀԱՄԱՍ շարժման սադրանքներից հետո»: Երևանի ժամանակով ժամը 07:54-ին ՑԱԽԱԼ-ը հայտնել է, որ ՀՕՊ ուժերը խոցել են Գազայի հատվածից արձակված հրթիռը: «ՀԱՄԱՍ-ը խախտել է օպերատիվ դադարը և կրակ բացել իսրայելական տարածքի ուղղությամբ։ Իսրայելի պաշտպանության բանակը Գազայի հատվածում վերսկսել է ռազմական գործողությունները՝ ՀԱՄԱՍ ահաբեկչական կազմակերպության դեմ»,- ասված է Իսրայելի պաշտպանության բանակի հաղորդագրության մեջ, որը տարածվել է բանակի տելեգրամյան ալիքում։ Գազայի հատվածից հրթիռային արձակումների մասին նախազգուշացնող ազդանշանները հնչել էին տեղի ժամանակով առավոտյան մոտ ժամը 6-ին և 7-ին: Դեռ այս գիշեր The Wall Street Journal թերթը, հղում անելով եգիպտացի պաշտոնյաներին, պնդում էր, որ Իսրայելն ու ՀԱՄԱՍ-ը պայմանավորվել են ևս մեկ օրով երկարաձգել հրադադարի ռեժիմը: Թերթի աղբյուրների փոխանցմամբ՝ պայմանավորվածության շրջանակներում պետք է ազատ արձակվեին ևս 10 պատանդներ՝ հիմնականում կանայք և երեխաներ: Հիշեցնենք, որ ժամանակավոր հրադադարի պայմանավորվածությունը ուժի մեջ էր մտել անցած ուրբաթ: Այն ձեռք էր բերվել Կատարի, Եգիպտոսի և ԱՄՆ-ի միջնորդությամբ։ Պայմանավորվածությունը ներառում էր Գազայի հատված մարդասիրական օգնության մատակարարումը և իսրայելցի պատանդների փոխանակումը պաղեստինցի բանտարկյալների հետ՝ «երեք բանտարկյալ մեկ պատանդի դիմաց» սկզբունքով: Նախնական պայմանավորվածությունը ենթադրում էր քառօրյա հրադադար։ Դրանից հետո պայմանավորվածությունը երկարաձգվեց ևս 2 օրով, իսկ հետո՝ 1-ով։ Հրադադարի յուրաքանչյուր լրացուցիչ օրվա պայմանը ևս 10-ը պատանդների վերադարձն էր։ Նախօրեին ՀԱՄԱՍ-ը ազատ էր արձակել ընդամենը 8 մարդու, սակայն Իսրայելը համաձայնել էր երկարաձգել հրադադարը: Ենթադրվում էր, որ հրադադարի ռեժիմը կերկարաձգվի ևս մի քանի օրով։ Այդ ուղղությամբ աշխատում էին միջազգային միջնորդները, այդ թվում՝ նախօրեին Իսրայել այցելած ԱՄՆ պետքարտուղար Էնթոնի Բլինքենը։ Հրադադարի մեկ շաբաթվա ընթացքում ազատ է արձակվել իսրայելցի 81 պատանդ: Գերության մեջ շարունակում է մնալ ևս 137-ը։ ՀԱՄԱՍ-ը պնդում է, որ նրանցից մի քանիսը ողջ չեն։

Այսօր 11:11

Գազայում ևս մեկ օրով կերկարաձգվի հրադադարը |panorama.am|

panorama.am: Իսրայելի պաշտպանության բանակը (ՑԱԽԱԼ) հայտնել Է Գազայի հատվածում հրադադարի երկարաձգման մասին, գրում է ՏԱՍՍ-ը։ Ըստ գործակալության՝ հայտարարութունն արվել է հրադադարի մասին վերջին պայմանավորվածության ավարտից 20 րոպե առաջ: «Հաշվի առնելով միջնորդների ջանքերը՝ շարունակելու պատանդների ազատ արձակման գործընթացը, օպերատիվ դադարը Գազայի հատվածում կշարունակվի», - հայտնել են զինվորականները: Իր կողմից ՀԱՄԱՍ-ը նաև հաստատել է, որ Գազայի հատվածում Իսրայելի հետ հրադադարը երկարաձգվել է ևս մեկ օրով: «Համաձայնություն է ձեռք բերվել զինադադարը 7-րդ օրը՝ հինգշաբթի երկարաձգելու մասին»,-ասվում է ՀԱՄԱՍ-ի հայտարարության մեջ: Կատարի արտաքին գործերի նախարարությունը հայտարարել է, որ Իսրայելի և պաղեստինյան ՀԱՄԱՍ արմատական շարժման միջև հրադադարի ռեժիմը կգործի ևս մեկ օր նույն պայմաններով:

10:08 - 30 նոյեմբերի, 2023

Ստոլտենբերգ. կարևոր է, որ «Համաս»-ի և Իսրայելի միջև հակամարտությունը չվերաճի ավելի մեծ՝ տարածաշրջանային հակամարտության |azatutyun.am|

azatutyun.am: Կարևոր է, որ «Համաս»-ի և Իսրայելի միջև հակամարտությունը չվերաճի ավելի մեծ՝ տարածաշրջանային հակամարտության, հայտարարել է ՆԱՏՕ-ի գլխավոր քարտուղար Յենս Ստոլտենբերգը նոյեմբերի 28-ին դաշինքի արտաքին գործերի նախարարների հանդիպմանը հաջորդած մամուլի ասուլիսում: Ողջունելով «Համաս»-ի և Իսրայելի միջև հրադադարը և գերիների փոխանակումը՝ ՆԱՏՕ-ի գլխավոր քարտուղարը նշել է, որ դաշինքը ակտիվ դեր չի խաղում այս պատերազմում: «Բայց ՆԱՏՕ-ն որպես կազմակերպություն անմիջականորեն ներգրավված չէ: Մենք ներկա ենք ավելի լայն Մերձավոր Արևելքի տարածաշրջանում։ Մենք սերտ գործընկերություն ունենք Պարսից ծոցի, Հյուսիսային Աֆրիկայի և Մերձավոր Արևելքի արաբական շատ պետությունների հետ, ներառյալ շատ սերտ գործընկերություն Հորդանանի հետ, որտեղ մենք իրականացնում ենք պաշտպանական կարողությունների զարգացման որոշ գործողություններ: Հորդանանի թագավորը հենց նոր այցելեց ՆԱՏՕ. Եվ ես նաև, ըստ էության, մոտ ապագայում կայցելեմ նաև Ծոցի տարածաշրջան՝ այնտեղ հանդիպելու ՆԱՏՕ-ի գործընկերների հետ»։ Յենս Ստոլտոնբերգն անդրադարձել նաև Իրանին՝ նշելով՝ «նրանք չպետք է օգտագործեն հակամարտությունը, և պետք է սանձեն «Համաս»-ին և «Հեզբոլլահ»-ին»: «Համաս»-ը Միացյալ Նահանգներում և Եվրամիությունում ճանաչվել է ահաբեկչական կառույց:

10:44 - 29 նոյեմբերի, 2023

Իսրայելն ազատ է արձակել 30 պաղեստինցի բանտարկյալի ՀԱՄԱՍ-ի կողմից պահվող 10 պատանդի ազատ արձակման դիմաց. Կատարի ԱԳՆ |tert.am|

tert.am: Իսրայելական կողմը պաղեստինյան ՀԱՄԱՍ շարժման հետ Գազայի հատվածում մարդասիրական զինադադարի շուրջ ձեռք բերված համաձայնագրի շրջանակներում երեքշաբթի՝ նոյեմբերի 28-ին ազատ է արձակել 30 պաղեստինցի բանտարկյալի։ Այս մասին X-ի իր միկրոբլոգում հայտնել է Կատարի արտաքին գործերի նախարարության պաշտոնական ներկայացուցիչ Մաջիդ բեն Մուհամմեդ ալ Անսարին։ «Մարդասիրական զինադադարի համաձայնագրի հինգերորդ օրը ստանձնած պարտավորությունների կատարման շրջանակներում այսօր 30 պաղեստինցի խաղաղ բնակիչ ազատ կարձակվի Գազայում պահվող 10 իսրայելցի պատանդի ազատ արձակման դիմաց»,- գրել է ալ-Անսարին: Ինչպես նշել է գերատեսչության ներկայացուցիչը, ազատ արձակված պաղեստինցիների թվում են 15 կին և 15 երեխա ու դեռահաս։

09:29 - 29 նոյեմբերի, 2023

Գազայի հատվածում մարդասիրական hրադադարը կերկարաձգվի ևս երկու օրով․ Կատարի ԱԳՆ |tert.am|

tert.am: Իսրայելն ու պաղեստինյան արմատական ՀԱՄԱՍ շարժումը համաձայնության են եկել Գազայի հատվածում մարդասիրական հրադադարը ևս երկու օրով երկարաձգելու շուրջ։ Այս մասին, ինչպես գրում է ՏԱՍՍ գործակալությունը, հայտնել է Կատարի ԱԳՆ պաշտոնական ներկայացուցիչ Մաջիդ բեն Մուհամմեդ ալ Անսարին։ «Կատարի պետությունը հայտարարում է, որ շարունակական միջնորդության շրջանակներում պայմանավորվածություն է ձեռք բերվել Գազայի հատվածում մարդասիրական հրադադարը ևս երկու օրով երկարաձգելու վերաբերյալ», - գրել է ալ Անսարին X սոցիալական ցանցի իր միկրոբլոգում: ՀԱՄԱՍ-ի քաղբյուրոյի ղեկավարի մամուլի քարտուղար Իսմայիլ Հանիյա Թահեր ալ-Նունուն ՏԱՍՍ գործակալությանը հայտնել է, որ պայմանավորվածությունը «գործելու է նույն պայմաններով»։

22:00 - 27 նոյեմբերի, 2023

Նեթանյահուն դրական է գնահատել ՀԱՄԱՍ-ի հետ գործարքի երկարաձգումը |hetq.am|

hetq.am: Իսրայելի վարչապետ Բենյամին Նեթանյահուն ԱՄՆ նախագահ Ջո Բայդենի հետ հեռախոսազրույցից հետո հայտնել է, որ դրական է գնահատում ՀԱՄԱՍ-ի հետ՝ Գազայի հատվածում հումանիտար դադարի մասով պայմանավորվածության երկարաձգման հնարավորությունը։ Այդ մասին նա հայտնել է իր տեսաուղերձում, որը հրապարակվել է Իսրայելի վարչապետի տելեգրամյան ալիքում։ «Մենք ամեն օր ևս 10 պատանդ ազատ արձակելու հնարավորություն ունենք։ Դա լավ բան է»,- ասել է նա։ Նեթանյահուն նաև նշել է, որ հումանիտար դադարից հետո Իսրայելի պաշտպանության բանակը Գազայի հատվածում կվերսկսի ռազմական գործողությունները։ Ինչպես ավելի վաղ հայտնել էր Սպիտակ տունը, երկու երկրների առաջնորդները համաձայնության էին եկել, որ «աշխատանքները դեռևս ավարտված չեն, և նրանք կշարունակեն հասնել բոլոր պատանդների ազատ արձակմանը»։

12:29 - 27 նոյեմբերի, 2023

ՀԱՄԱՍ-ն ազատ է արձակել Գազայում պահվող 24 պատանդի, Իսրայելն ի պատասխան ազատել է 39 պաղեստինցի կալանավորի |tert.am|

tert.am: Գազայի հատվածում իսրայելցի պատանդների առաջին խումբը հանձնվել է Կարմիր խաչի ներկայացուցիչներին։«ՀԱՄԱՍ-ի կողմից ազատ արձակված 13 իսրայելցի պատանդների խումբը հատել է Եգիպտոսի սահմանը», -հաստատել է The Times of Israel-ը:Բացի այդ, ինչպես գրում է Haaretz-ը, Գազայի հատվածում ազատ արձակված 11 թաիլանդացի և ֆիլիպինցի պատանդների խումբն արդեն ժամանել է Իսրայել։ Սրան ի պատասխան Իսրայելի բանտային ծառայությունը հաստատել է, որ 39 պաղեստինցի կին և անչափահաս ազատ են արձակվել բանտերից և ժամանել են Բեյթունիա անցակետ: Պատանդների և կալանավորների ազատ արձակումը տեղի է ունեցել Իսրայելի և ՀԱՄԱՍ-ի միջև կնքված գործարքի շրջանակում:Առաջին 13 իսրայելցի պատանդների ազատ արձակումից հետո իր առաջին հայտարարության մեջ երկրի վարչապետ Բենիամին Նեթանյահուն ասել է. «Մենք այժմ ավարտել ենք մեր պատանդների առաջին խմբի՝ երեխաների, նրանց մայրերի և մյուս կանանց վերադարձը: Նրանցից յուրաքանչյուրը մի ամբողջ աշխարհ է: Բայց ես շեշտում եմ ձեզ՝ պատանդների ընտանիքներին, և ձեզ՝ Իսրայելի քաղաքացիներին՝ սա պատերազմի նպատակներից մեկն է, և մենք հանձնառու ենք հասնելու պատերազմի բոլոր նպատակներին»:

22:29 - 24 նոյեմբերի, 2023

Իսրայելական բանակը Գազայի վրա թռուցիկներ է նետել՝ մարդկանց կոչ անելով չվերադառնալ իրենց տներ |news.am|

news.am: Իսրայելի պաշտպանության բանակը (ՑԱԽԱԼ) թռուցիկներ է բաց թողել Գազայի հատվածի վրա՝ բնակիչներին կոչ անելով չվերադառնալ անկլավի հյուսիս, որը, ըստ ՑԱԽԱԼ-ի, մնում է հակամարտության գոտի՝ չնայած զինադադարին, հաղորդում է Times of Israel-ը: Ուրբաթ առավոտյան տեղական ժամանակով ժամը 07.00-ին (Մոսկվայի ժամանակով 08.00-ին) իսրայելական բանակի և Գազայի հատվածում իշխող պաղեստինյան ՀԱՄԱՍ շարժման միջև քառօրյա զինադադար է սկսվել։ «Իսրայելական բանակը թռուցիկներ է նետել Գազայի վրա՝ կոչ անելով բնակիչներին չվերադառնալ Գազայի հատվածի իրենց տները, քանի որ տարածքները շարունակում են մնալ ռազմական գոտիներ՝ չնայած ուժի մեջ մտած քառօրյա զինադադարին», - գրում է թերթը: Ինչպես նշում է պարբերականը, պաղեստինյան իշխանությունները տեղահանված Գազայի բնակիչներին կոչ են արել հրադադարի մեկնարկից հետո վերադառնալ տուն։

13:19 - 24 նոյեմբերի, 2023

Գազայի հատվածում իսրայելա-պաղեստինյան hրադադարն ուժի մեջ է մտել |tert.am|

tert.am: Իսրայելական բանակի և Գազայի հատվածում իշխող պաղեստինյան ՀԱՄԱՍ շարժման միջև չորսօրյա հրադադարն ուժի մեջ է մտել։ Ինչպես հայտնում է ՌԻԱ Նովոստին՝ հրադադարն ուժի մեջ է մտել ուրբաթ՝ նոյեմբերի 24-ին, տեղական ժամանակով 07։00-ից (երևանյան ժամանակով՝ 09։00)։ Հիշեցնենք՝ չորեքշաբթի հայտնի դարձավ, որ Իսրայելն ու ՀԱՄԱՍ-ը Կատարի միջնորդությամբ հոկտեմբերի 7-ին հակամարտության սրումից հետո առաջին լայնամասշտաբ պայմանավորվածությունն են ձեռք բերել, որով կողմերը համաձայնել են չորս օրով դադարեցնել ռազմական գործողությունները տասնյակ պատանդներին ու կալանավորներին փոխանակելու, ինչպես նաև Գազայի հատված մարդասիրական օգնություն հասցնելու համար։

09:50 - 24 նոյեմբերի, 2023

Նոյեմբերի 24-ի առավոտյան Գազայի հատվածում հրադադար կհաստատվի |armeniasputnik.am|

armeniasputnik.am: v class="article__block" data-type="text"> Նոյեմբերի 24-ին` ժամը 7:00-ին (Երևանի ժամանակով 9:00-ին), Գազայի հատվածում հումանիտար հրադադար կհաստատվի։ Տեղեկությունը հայտնում է Կատարի ԱԳՆ-ն: ՀԱՄԱՍ–ը իսրայելցի պատանդների առաջին խմբին` 13 կանայք և երեխաներ, կփոխանցի Երևանի ժամանակով 18:00-ին: Կատարի ԱԳՆ–ն նաև նշել է, որ դադարեցրել է շփումները հրադադարի բոլոր կողմերի և միջնորդների հետ, ազատ արձակվածների ցուցակները պատրաստ են։

19:34 - 23 նոյեմբերի, 2023

G20-ի երկրները կոնսենսուսի են եկել Իսրայելի և Պաղեստինի խնդրի լուծման հարցում |armenpress.am|

armenpress.am: G20-ի երկրները կոնսենսուսի են եկել Իսրայելի և Պաղեստինի խնդրի լուծման շուրջ՝ հիմք ընդունելով երկու պետությունների ստեղծման սկզբունքը։ Ինչպես փոխանցում է ՌԻԱ Նովոստին՝ այս մասին հայտարարել է Հնդկաստանի վարչապետ Նարենդրա Մոդին G20-ի ղեկավարների առցանց գագաթնաժողովի փակման խոսքում։ «Իսրայելի և Պաղեստինի խնդիրը պահանջում է. մշտական լուծում՝ երկու պետություն ստեղծելով»,- ասել է Մոդին։ Իր խոսքում նա ընդգծել է, որ Մերձավոր Արևելքում տիրող իրավիճակի վերաբերյալ G20-ում շատ հարցերի շուրջ կա կոնսենսուս: Ըստ Հնդկաստանի վարչապետի՝ մասնավորապես, բոլորը խստորեն դատապարտում են ահաբեկչությունն ու բռնությունը, ինչպես նաև անընդունելի են համարում դրանց պատճառով անմեղ մարդկանց, հատկապես՝ երեխաների ու կանանց մահը։ Նրա խոսքով՝ դիվանագիտությունն ու երկխոսությունը աշխարհաքաղաքական լարվածության կարգավորման միակ ուղին են՝ հավելելով, որ G20-ը պատրաստ է այդ հարցում ցուցաբերել հնարավոր բոլոր աջակցությունը։

21:33 - 22 նոյեմբերի, 2023

Հռոմի պապն ասել է, որ Իսրայել-ՀԱՄԱՍ հակամարտությունն անցել է պատերազմի սահմանները և հասել «ահաբեկչության» |armenpress.am|

armenpress.am: Հռոմի Ֆրանցիսկոս պապը նոյեմբերի 22-ին առանձին հանդիպումներ է ունեցել պաղեստինյան ՀԱՄԱՍ շարժման կողմից Գազայում պահվող իսրայելցի պատանդների հարազատների, ինչպես նաև պաղեստինցիների հետ, որոնց հարազատները Գազայում են։ «Արմենպրես»-ի փոխանցմամբ՝ Reuters գործակալությունը հաղորդում է, որ այդ հանդիպումներից հետո սուրբ Պետրոսի հրապարակում գլխավոր ուկնկնդրության ժամանակ Ֆրանցիսկոս պապը հայտնել է, որ քիչ առաջ լսել է, թե ինչպես են հակամարտությունից տառապում երկու կողմերը։ «Ահա թե ինչ են անում պատերազմները։ Բայց այստեղ մենք անցել ենք պատերազմների սահմանը։ Սա պատերազմ չէ։ Սա ահաբեկչություն է», - ասել է Հռոմի պապը։ Ֆրանցիսկոս պապը խնդրել է աղոթել, որպեսզի երկու կողմերն էլ «տեղի չտան կրքերին, ինչը, ի վերջո, բոլորին կսպանի»։ Հռոմի պապը կողմերի հետ հանդիպումներ է ունեցել այն բանից հետո, երբ Իսրայելը և ՀԱՄԱՍ-ը համաձայնության են եկել քառօրյա հրադադարի, ինչպես նաև Գազայում պահվող 50 պատանդների և Իսրայելում բանտարկված 150 պաղեստինցիների փոխանակման շուրջ։ Հոկտեմբերի 7-ին ՀԱՄԱՍ-ի ներխուժման հետևանքով Իսրայելում զոհերի թիվը շուրջ 1200 է, 240 մարդ գերեվարվել է։ Ռազմական գործողությունների ընթացքում զոհված իսրայելցի զինծառայողների թիվը գերազանցել է 380-ը։ Իսկ իսրայելական գնդակոծությունների հետևանքով Գազայի հատվածում կա ավելի քան 13 300 զոհ, որոնցից 5600-ը երեխաներ են։

16:18 - 22 նոյեմբերի, 2023

ՀԱՄԱՍ-ն ու Իսրայելը քառօրյա հրադադարի պայմանավորվածություն են ձեռք բերել. Reuters |1lurer.am|

1lurer.am: ՀԱՄԱՍ-ն Իսրայելի հետ Գազայի հատվածում քառօրյա դադարի մասին պայմանավորվածություն է ձեռք բերել` բոլոր ռազմական գործողությունների ընդհատմամբ և 150 պաղեստինցի ձերբակալվածի դիմաց 50 իսրայելցի գերու ազատ արձակման պայմանով: Reuters-ի փոխանցմամբ՝ այդ մասին բանակցությունների արդյունքները ներկայացնելիս հայտարարել է ՀԱՄԱՍ-ը: «Երկար օրեր տևած դժվար ու բարդ բանակցություններից հետո մենք հայտարարում ենք, որ Ամենակարող Աստծո օգնությամբ հումանիտար հրադադարի մասին համաձայնության ենք հասել` քառօրյա ժամկետով: Այս համաձայնությանը հասել ենք Եգիպտոսի ու Կատարի ջանքերի շնորհիվ։ Երկու կողմից դադարեցվում են կրակը, ինչպես նաև ռազմական բոլոր գործողությունները, նաև ռազմական տեխնիկայի տեղաշարժը դեպի Գազայի հատված»,- ասված է հայտարարության մեջ:

09:47 - 22 նոյեմբերի, 2023

BRICS-ի երկրները Գազայում հումանիտար հրադադարի կոչ են արել |armenpress.am|

armenpress.am: BRICS-ի երկրները պաղեստինա-իսրայելական հակամարտության հարցով արտահերթ գագաթնաժողովի արդյունքներով հումանիտար հրադադարի կոչ են արել Գազայի հատվածում: Այս մասին հայտնում է «Ինտերֆաքս»-ը՝ վկայակոչելով BRICS-ի հայտարարությունը: «Մենք կոչ ենք արել անհապաղ և կայուն հումանիտար հրադադար հաստատել, որը պետք է հանգեցնի ռազմական գործողությունների դադարեցմանը»,-ասված է BRICS-ի հայտարարության մեջ, որն ընդունվել Է գագաթնաժողովի արդյունքներով: Հանդիպման մասնակիցները կոչ են արել բոլոր կողմերին զսպվածություն ցուցաբերել: Բացի այդ, BRICS-ի երկրների ղեկավարները կոչ են անում կողմերին, որոնք ազդեցություն ունեն Իսրայելի և պաղեստինցիների վրա, օգնել կանխել հակամարտության ընդլայնումը:

21:58 - 21 նոյեմբերի, 2023

ՌԴ նախագահը կոչ է արել աշխարհին միավորել ջանքերը պաղեստինա- իսրայելական հակամարտությունը դադարեցնելու համար |armenpress.am|

armenpress.am: Ռուսաստանի նախագահ Վլադիմիր Պուտինն անհրաժեշտ է համարում միավորել միջազգային հանրության ջանքերը՝ պաղեստինա-իսրայելական հակամարտության քաղաքական կարգավորում գտնելու համար: Այս մասին հայտնում է ՏԱՍՍ-ը՝ վկայակոչելով նրա հայտարարությունը: «Մենք կոչ ենք անում միավորել միջազգային հանրության ջանքերը՝ ուղղված իրավիճակի ապաԷսկալացմանը, կրակի դադարեցմանը և պաղեստինա-իսրայելական հակամարտության քաղաքական լուծման որոնմանը»,-ասել է ՌԴ նախագահը BRICS-ի արտահերթ գագաթնաժողովում: Պուտինի կարծիքով ՝ այդ աշխատանքում առանցքային դեր կարող են խաղալ BRICS-ի պետությունները և տարածաշրջանի երկրները: «Այդ պատճառով հատկապես նշանակալի է մեր այսօրվա նիստին Մերձավոր Արևելքի պետությունների գործընկերների մասնակցությունը, որոնք այս տարի BRICS-ի լիաֆորմատ անդամ դառնալու հրավեր են ստացել: Օգտվելով առիթից՝ կցանկանայի հարգանքով նշել իրավիճակի կարգավորմանն ուղղված նրանց ջանքերը և, մասնավորապես, նկատի ունեմ Եգիպտոսում խաղաղության գագաթնաժողովի և Սաուդյան Արաբիայում արաբա-իսլամական արտակարգ գագաթնաժողովի անցկացումը», - նշել է Ռուսաստանի ղեկավարը:

19:47 - 21 նոյեմբերի, 2023

Իսրայելն ու ՀԱՄԱՍ-ը հերքում են հրադադարի և պատանդների ազատ արձակման շուրջ համաձայնության մասին լուրերը |armenpress.am|

armenpress.am: Իսրայելը և պաղեստինյան ՀԱՄԱՍ արմատական շարժումը հերքում են այն լուրերը, թե կողմերը նոյեմբերի 19-ին համաձայնության են եկել հրադադարի և Գազայի հատվածում պահվող մի շարք պատանդների ազատ արձակման շուրջ։ Այդ մասին հաղորդում է The Jerusalem Post պարբերականը։ Ըստ հրապարակման՝ իսրայելցի մի բարձրաստիճան աղբյուր և ՀԱՄԱՍ-ի բարձրաստիճան մի անդամ հերքել են հորդանանյան al-Ghad թերթի հրապարակումը, համաձայն որի Իսրայելն ու ՀԱՄԱՍ-ը նոյեմբերի 19-ին, իբր, համաձայնագիր են կնքել, որը պետք է ուժի մեջ մտներ նոյեմբերի 20-ին։ Պարբերականը, վկայակոչելով ՀԱՄԱՍ-ի աղբյուրին, նշել էր, թե ըստ ձեռք բերված գործարքի՝ 5 օրով հրադադարի ռեժիմ կհայտարարվի, իսկ 50 իսրայելցի պատանդների կփոխանակեն Իսրայելում ազատազրկված 50 պաղեստինցի բանտարկյալների հետ: «Այս պահին մենք ոչինչ չունենք», - հայտնել է իսրայելցի աղբյուրը The Jerusalem Post-ին։ Տարածված լուրերը հերքել է նաև ՀԱՄԱՍ-ի բարձրաստիճան անդամ Իզզաթ ար Ռիշեքը։ «Լրատվամիջոցներում հրապարակված հաղորդումները՝ ՀԱՄԱՍ-ի աղբյուրների վկայակոչմամբ, թե փոխանակումը տեղի կունենա այսօր (խմբ․՝ նոյեմբերի 20-ին), չեն համապատասխանում իրականությանը», - հայտարարել է նա նոյեմբերի լույս 20-ի գիշերը:

12:42 - 20 նոյեմբերի, 2023