Պաղեստին

Դե յուրե ինքնիշխան պետություն Միջին Արեւելքում՝ Հորդանան գետի արեւմտյան ափին (սահմանակցում է Իսրայելին եւ Հորդանանին) եւ Գազայի հատվածին (սահմանակցում է Իսրայելին եւ Եգիպտոսին), որի մայրաքաղաքն է համարվում Արեւելյան Երուսաղեմը՝ չնայած վարչական կենտրոնը Ռամալլահում է: Պաղեստին պետության մեծ հատվածն, ըստ համացանցի աղբյուրների, օկուպացված է Իսրայելի կողմից՝ 1967 թվականի Վեցօրյա պատերազմից հետո:

Երկրորդ համաշխարհային պատերազմից հետո, 1947 թվականին ՄԱԿ-ը հաստատեց Բաժանման նախագիծը Պաղեստինի համար, որը հորդորում էր ստեղծել անկախ արաբական եւ հրեական պետություններ` առանձնացնելով Երուսաղեմը, որը պետք է ղեկավարվեր ՄԱԿ-ի հատուկ միջազգային կառավարման ռեժիմով: Հրեական պետության հիմնադրումից հետո, որը 1948 թվականի մայիսի 14-ին ստացավ Իսրայել անվանում, ներքաշվեց պատերազմների մեջ արաբական բանակների հետ: Ավելի ուշ Արաբական լիգայի կողմից ստեղծվեց Համապաղեստինյան կառավարությունը, որը կառավարեց Եգիպտոսի կողմից վերահսկվող Գազայի հատվածը: Այն շուտով ճանաչվեց Արաբական լիգայի անդամ բոլոր պետությունների կողմից՝ բացառությամբ Հորդանանի: Չնայած Համապաղեստինյան կառավարությունը իրեն հռչակեց ոչ միայն Գազայի հատվածի, այլ ամբողջ նախկին Բրիտանական Պաղեստինի կառավարիչ, այն միայն սահմանափակվում էր Գազայի հատվածով: Իսրայելը ավելի ուշ նվաճեց Գազայի հատվածը եւ Սինայի թերակղզին Եգիպտոսից, Հորդանանի գետի արեւմտյան ափը Հորդանանից եւ Գոլանի բարձունքները՝ Սիրայից՝ Վեցօրյա պատերազմի ընթացքում:

Արաբա-իսլամական գագաթնաժողովի մասնակիցները ՄԱԿ ԱԽ-ից պահանջում են Իսրայելի հանցագործությունները ուսումնասիրող հանձնաժողով ստեղծել |1lurer.am|

1lurer.am: Էր-Ռիադում 50 երկրի ղեկավարների և ներկայացուցիչների մասնակցությամբ Իսլամական համագործակցության կազմակերպության և Արաբական պետությունների լիգայի համատեղ արտահերթ գագաթնաժողովի մասնակիցները ՄԱԿ ԱԽ-ից պահանջել են ստեղծել հատուկ անկախ հանձնաժողով՝ Գազայի հատվածում Իսրայելի հանցագործությունների ուսումնասիրության համար, ասված է գագաթնաժողովի արդյունքում ընդունված հայտարարության մեջ։ «Ամենավճռական ձևով դատապարտում ենք սարսափեցնող և ցնցող հանցագործությունները, որ իրագործվել են Գազայի հատվածում իսրայելական օկուպացիոն բանակի կողմից, որոնք տեղավորվում են «ցեղասպանություն» հասկացության մեջ՝ այդ թվում՝ տեղում խաղաղ բնակիչների խոշտանգումները, մահապատիժները, զանգվածային հուղարկավորումները, բռնի անհետացումները, թալանն ու էթնիկ զտումները, որ հատկապես տեղի են ունենում Գազայի հատվածում վերջին մի քանի շաբաթում։ Որոշում է կայացվել կոչ անել ՄԱԿ-ի Անվտանգության խորհրդին՝ ստեղծել անկախ և վստահելի միջազգային հանձնաժողով՝ այդ հանցագործությունները հետաքննելու համար, և լուրջ քայլեր ձեռնարկել՝ կանխելու ապացույցների քողարկումը և մեղավորներին պատասխանատվությանենթարկելու, նաև երաշխավորելու, որ նրանք չեն խուսափելու պատժից»,- ամփոփել են գագաթնաժողովի մասնակիցները։

09:24 - 12 նոյեմբերի, 2024

Ամստերդամում ավելի քան հարյուր պաղեստինամետ ցուցարար է ձերբակալվել |azatutyun.am|

azatutyun.am: Ամստերդամում կիրակի օրը քաղաքի կենտրոնական Դամ հրապարակում տեղի ունեցած բողոքի ակցիայի ժամանակ ավելի քան հարյուր պաղեստինամետ ցուցարար է ձերբակալվել։ Չնայած արգելքին, որը սահմանվել էր իսրայելցի ֆուտբոլասերների վրա հարձակումներից հետո՝ հարյուրավոր քաղաքացիներ դուրս էին եկել փողոց՝ վանկարկելով` «Ազատությո'ւն Պաղեստինին», «Ամստերդամն ասում է ո'չ ցեղասպանությանը»։ Ակցիան Գազայի հատվածում տեղի ունեցող իրադարձությունների դեմ էր, որտեղ Իսրայելը 2023 թվականի հոկտեմբերից ի վեր խոշոր գործողություն է իրականացնում ԱՄՆ-ի և ԵՄ-ի կողմից ահաբեկչական ճանաչված պաղեստինյան արմատական «Համաս» խմբավորման դեմ։ Իսրայելը հերքում է ցեղասպանության մեղադրանքները։ Նախորդ շաբաթ Նիդերլանդների դատարանն արգելեց փողոցային ցույցերը, երբ Ամստերդամում իսրայելական «Մաքքաբի» (Թել Ավիվ) ֆուտբոլային թիմի երկրպագուները հարձակման ենթարկվեցին տեղի «Այաքսի» հետ խաղից հետո։ Որոշ հարձակվողներ կրում էին պաղեստինյան դրոշներ, արաբերեն և թուրքերեն վանկարկում՝ «Ազատություն Պաղեստինին»։ Անկարգությունների հետևանքով ավելի քան 60 մարդ էր ձերբակալվել, ավելի քան 5 տուժած տեղափոխվել հիվանդանոց։ Տեղի ունեցածը Նիդերլանդները, ինչպես նաև միջազգային առաջնորդներն, այդ թվում՝ Իսրայելի վարչապետ Բենյամին Նեթանյահուն հակասեմական գործողություն էին որակել: Նեթանյահուի գրասենյակը հայտարարել է, որ պաղեստինամետ խմբեր փորձում են վնասել իսրայելցիներին Նիդերլանդներում, Մեծ Բրիտանիայում, Ֆրանսիայում, Բելգիայում և մի շարք այլ երկրներում։ Ավելի վաղ Իսրայելը հատուկ չվերթներ էր կազմակերպել Ամստերդամից իր քաղաքացիներին տարհանելու համար, ինչի արդյունքում մոտ երկու հազար մարդ տեղափոխվել է հայրենիք։ Ֆրանսիայի նախագահի գրասենյակը հայտնել է, որ Էմանյուել Մակրոնը նոյեմբերի 14-ին կմասնակցի Փարիզի «Ստադ դե Ֆրանս» մարզադաշտում կայանալիք ֆրանսիական և իսրայելական հավաքականների խաղին՝ «եղբայրության և համերաշխության ուղերձ» հղելու նպատակով։

10:59 - 11 նոյեմբերի, 2024

Բլինքենը հայտնել է, որ ՀԱՄԱՍ-ը մերժել է Գազայի հատվածի վերաբերյալ Եգիպտոսի խաղաղ առաջարկը |news.am|

news.am: ՀԱՄԱՍ-ի գրոհայինները չեն համաձայնել Գազայի հատվածում կարճատեւ հրադադարի հաստատմանը եւ չորս պատանդների ազատ արձակմանը։ Առաջարկն արել էր Եգիպտոսը։ Այս մասին հայտնել է ԱՄՆ պետքարտուղար Էնթոնի Բլինքենը։ Նշվել է, որ երեկ նա խոսակցություն է ունեցել Եգիպտոսի արտաքին գործերի նախարար Բադր Աբդելաթիի հետ, մասնավորապես՝ Մերձավոր Արեւելքի իրավիճակը քննարկելու համար։ «Պետքարտուղարը ընդգծել է Գազայում հրադադարի, բոլոր պատանդների ազատման կարեւորությունը, ինչպես նաեւ հումանիտար օգնության առաքման կայունությունը»,- նշել են պետդեպարտամենտում։ Բլինքենը նշել է նաեւ, որ ՀԱՄԱՍ-ը «նորից հրաժարվել է ազատ արձակել անգամ սահմանափակ թվով պատանդների, որպեսզի ապահովվի հրադադարն ու օգնությունը Գազայի բնակիչներին», ավելացրել են գերատեսչությունում։ «Նա քննարկել է հետհակամարտային շրջանի ուղու հաստատման կարեւորությունը, որը կապահովի կառավարումը, անվտանգությունը եւ վեականգնումը»,- ավելացրել են պետդեպարտամենտում։

11:01 - 05 նոյեմբերի, 2024

Իրանի նախագահը հայտարարել է, որ հրադադարը կարող է ազդել Իսրայելին Թեհրանի պատասխանի վրա |azatutyun.am|

azatutyun.am: Իրանի նախագահ Մասուդ Փեզեշքիանը հայտարարել է, որ եթե Իսրայելը և Թեհրանի դաշնակից խմբավորումները հրադադար հաստատեն տարածաշրջանում, ապա դա «կարող է ազդել իրանական բանակի ցանկացած պատասխան հարվածի ուժգնության վրա»: Այս մասին հաղորդում է պետական IRNA գործակալությունը: «Եթե նրանք [իսրայելցիները] վերանայեն իրենց պահվածքը, ընդունեն հրադադարը և դադարեցնեն ճնշված և անմեղ մարդկանց սպանությունը տարածաշրջանում, դա կարող է ազդել մեր արձագանքի ինտենսիվության և բնույթի վրա»,- ասել է նա։ Սակայն, Իրանի նախագահը շեշտել է՝ Թեհրանը «անպատասխան չի թողնի իր ինքնիշխանության և անվտանգության դեմ ուղղված որևէ ագրեսիա»։ Վերջին մի քանի ամիսների ընթացքում Իսրայելը թիրախավորել է «Հեզբոլլահ»-ի ենթադրյալ թիրախները։ Խմբավորումը Միացյալ Նահանգների կողմից ճանաչվել է ահաբեկչական կազմակերպություն, մինչդեռ Եվրամիությունն իր սև ցուցակում ներառել է նրա զինված թևը, բայց ոչ քաղաքական կուսակցությունը: «Հեզբոլլահ»-ը հարյուրավոր հրթիռներ և անօդաչու թռչող սարքեր է արձակել Իսրայելի վրա՝ հայտարարելով, որ կշարունակի իր հարձակումները մինչև Գազայի հատվածում հրադադարի հաստատումը: Իրանի նախագահի այս խոսքերը հաջորդում են Իրանի ու Իսրայելի փոխադարձ օդային հարվածներին: Ի պատասխան Թեհրանի կողմից հոկտեմբերի 1-ի հրթիռակոծման՝ Իսրայելը մոտ 10 օր առաջ պատասխան հարվածներ հասցրեց։ Նախօրեին Իրանի գերագույն առաջնորդ այաթոլլա Ալի Խամենեին սպառնացել էր Իսրայելին և Միացյալ Նահանգներին «ջախջախիչ պատասխան տալ»:

09:56 - 04 նոյեմբերի, 2024

ՀԱՄԱՍ-ը պատրաստ է Իսրայելի հետ գործարք կնքել Գազայի հարցով

«Համաս»-ի բարձրաստիճան պաշտոնյան հայտարարել է, որ խմբավորումը բաց է Իսրայելի հետ բանակցությունների համար: Այս մասին գրում է Times of Israel-ը: «Համաս»-ի՝ Կատարի քաղաքական բյուրոյի ավագ անդամ Հուսամ Բադրանը Shehab լրատվական գործակալության հրապարակած հաղորդագրությունում հայտարարել է, որ համաձայնությունը հնարավոր է: «Մեր պահանջները պարզ ու հայտնի են, և համաձայնության հասնելը հնարավոր է, եթե [Իսրայելի նախագահ Բենիամին] Նեթանյահուն հավատարիմ մնա այն ամենին, ինչն արդեն իսկ համաձայնեցված է»,- ասել է Հուսամ Բադրանը: Times of Israel-ը գրում է, որ պարզ չէ, թե արդյոք Բադրանի հայտարարությունները արձագանքն են եգիպտական կողմի՝ Գազայում երկօրյա հրադադարի առաջարկին՝ գերիների փոխանակման համար: Al Arabiya-ն ավելի վաղ հաղորդել էր, որ «Համաս»-ը հակված է ընդունելու Եգիպտոսի առաջարկը՝ միաժամանակ ակնկալելով երաշխիքներ, որ Իսրայելը հավատարիմ կմնա այս առաջարկին՝ որպես համապարփակ համաձայնության մի մասի: «Համաս»-ի աղբյուրները Asharq News-ին նաև հայտնել են, որ խմբավորումը ավելի շատ նախընտրում է համաձայնության համապարփակ տարբերակը, քան փուլայինը:

09:26 - 28 հոկտեմբերի, 2024

Գազայի ողջ բնակչությունը կարող է զոհվել մեր աչքի առաջ կատարվող ցեղասպանության հետևանքով․ ՄԱԿ հատուկ զեկուցող |news.am|

news.am: Գազայի հատվածի ամբողջ բնակչությունը կարող է զոհվել մեր աչքի առաջ իրականացվող ցեղասպանության պատճառով, ասել է Պաղեստինի օկուպացված տարածքների գծով ՄԱԿ-ի հատուկ զեկուցող Ֆրանչեսկա Ալբանեզեն։ «Գազայի ամբողջ բնակչությունը կարող է զոհվել մեր աչքի առաջ հայտարարված և իրականացվող ցեղասպանության հետևանքով»,- X սոցիալական ցանցի իր միկրոբլոգում գրել է նա։ Ալբանեզեն այսպես է արձագանքել ՄԱԿ-ի հումանիտար առաքելության ղեկավար Ջոյս Մսուիի ավելի վաղ արած հայտարարությանը, որում նա նախազգուշացրել էր, որ Իսրայելի պաշարման պայմաններում «Գազայի հյուսիսային մասի ողջ բնակչությունը ոչնչացման վտանգի տակ է»:

10:56 - 27 հոկտեմբերի, 2024

Գազայի հատվածում դպրոցի վրա իսրայելական օդային հարվածի հետևանքով զոհվել է առնվազն 17 մարդ |hy.armradio.am|

hy.armradio.am: Գազայում տեղահանվածներին ապաստանած դպրոցի վրա իսրայելական օդային հարվածի հետևանքով զոհվել է առնվազն 17 մարդ՝ գրեթե բոլորը կանայք և երեխաներ։ Եվս 42 մարդ վիրավորվել է խիտ բնակեցված ճամբարի հրթիռակոծման հետևանքով, հայտնել է Ավդա հիվանդանոցը, որը ընդունել է տուժածներին: Ըստ հիվանդանոցի տվյալների՝ մահացածների թվում 13 երեխա և երեք կին կա։ Իսրայելական զինվորականները հայտարարել են, որ իրենց թիրախում դպրոցի շենքում թաքնված ՀԱՄԱՍ-ի զինյալներն են եղել, սակայն ապացույցներ չեն ներկայացրել: Հարվածն իրականացվել է այն ժամանակ, երբ ԱՄՆ պետքարտուղար Անտոնի Բլինկենը հայտարարել է, որ Իսրայելը հասել է ՀԱՄԱՍ-ի արդյունավետ ապամոնտաժման իր նպատակին, և որ հրադադարի շուրջ բանակցությունները կվերսկսվեն առաջիկա օրերին: Քաթարում լրագրողների հետ զրույցում Բլինկենն ասել է, որ երկու կողմերի բանակցողները կվերադառնան Դոհա՝ բանակցությունները վերսկսելու համար: «Մեզ մնում է իսկապես պարզել, թե արդյոք ՀԱՄԱՍ-ը պատրաստ է մասնակցել», — ասել է Բլինկենը պատերազմի սկզբից ի վեր տարածաշրջան կատարած իր 11-րդ այցի ժամանակ: ՀԱՄԱՍ-ի քաղաքական ներկայացուցիչները մինչ այժմ չեն հայտարարել իրենց ավելի մեղմ դիրքորոշման մասին։

09:28 - 25 հոկտեմբերի, 2024

Գազայի տնտեսության վերականգնման համար հարյուրավոր տարիներ պետք կգան․ ՄԱԿ-ի զեկույց |azatutyun.am|

azatutyun.am: «Շարունակվող պատերազմի ավարտից հետո, 2022 թվականի տնտեսական մակարդակին վերադառնալու համար, Գազային ոչ թե տասնամյակներ, այլ հարյուրավոր տարիներ պետք կգան», - փաստում է ՄԱԿ-ի զեկույցը։ Ըստ նոր զեկույցի, եթե պատերազմը վաղն ավարտվի և Գազան վերադառնա 2023-ի հոկտեմբերի 7-ին «Համաս»-ի՝ Իսրայելի վրա հարձակմանը նախորդած ստատուս քվոյին, 350 տարի կպահանջվի տնտեսությունը նախապատերազմական վիճակին վերադարձնելու համար։ Նշվում է, որ ավելի քան մեկ տարվա ընթացքում բնակավայրեր են հիմնովին ոնչացվել, ճանապարհների ու տարբեր ենթակառուցվածնքերի փոխարեն այժմ ավերակներ են։

14:25 - 23 հոկտեմբերի, 2024

Պուտինն ու Աբասը Կազանում կքննարկեն Գազայի ճգնաժամին վերջ տալու միջոցառումները |shantnews.am|

shantnews.am: Ռուսաստանի նախագահ Վլադիմիր Պուտինը և Պաղեստինի առաջնորդ Մահմուդ Աբասը Կազանում մտքեր կփոխանակեն Գազայի հատվածում արյունահեղության արագ դադարեցմանն ուղղված միջոցառումների շուրջ։ Այս մասին ասվում է BRICS-ի գագաթնաժողովի համար նախապատրաստված ՌԴ պետության ղեկավարի մամուլի ծառայության նյութերում։ «Ակնկալվում է մտքերի փոխանակում Գազայի հատվածում արյունահեղության արագ դադարեցման և մերձավորարևելյան կարգավորման խաղաղ գործընթացի վերսկսման հնարավոր միջոցների շուրջ»,-նշում է մամուլի ծառայությունը։ Մերձավորարևելյան կարգավորման հարցում Ռուսաստանի դիրքորոշումը նախատեսում է քաղաքական և դիվանագիտական լուծում, որի շրջանակներում պետք է ստեղծվի անկախ Պաղեստին պետություն՝ Իսրայելի հետ խաղաղ և անվտանգ գոյակցող։ Կրեմլը, միաժամանակ, նշել է, որ Ռուսաստանը պարբերաբար մարդասիրական օգնություն է ցուցաբերում տուժած բնակիչներին։

20:52 - 21 հոկտեմբերի, 2024

Իսրայելի բանակը հաստատում է, որ ՀԱՄԱՍ-ի առաջնորդը սպանվել է |arm.sputniknews.ru|

arm.sputniknews.ru: Իսրայելի պաշտպանության բանակը (ՑԱԽԱԼ) պաշտոնապես հաստատել է Գազայի հատվածում պաղեստինյան ՀԱՄԱՍ շարժման ղեկավար Յահյա Սինվարի սպանության լուրը։ Այս մասին գրում է ՌԻԱ Նովոստին։ Ավելի վաղ Իսրայելի պաշտպանության բանակը հայտնել էր, որ ստուգում է տեղեկատվությունը, թե արդյոք ՀԱՄԱՍ-ի քաղբյուրոյի ղեկավար Յահյա Սինվարը Գազայի հատվածում վերջին գործողություններից մեկի ժամանակ եղել է պաղեստինյան արմատական խմբավորումների ոչնչացված անդամների շարքում։ «Իսրայելի պաշտպանության բանակն ու Անվտանգության ընդհանուր ծառայությունը հաստատում են, որ մեկ տարվա հետապնդումից հետո երեկ՝ 2024 թվականի հոկտեմբերի 16-ին, Իսրայելի հարավային հրամանատարության զինվորները վերացրել են ՀԱՄԱՍ ահաբեկչական կազմակերպության առաջնորդ Յահյա Սինվարին։ Դա տեղի է ունեցել Գազայի հատվածի հարավում իրականացրած գործողությունների ընթացքում։ Յահյա Սինվարը հոկտեմբերի 7-ին ծրագրել և իրականացրել էր ջարդ, քարոզում էր իր մահաբեր գաղափարախոսությունը և՛ պատերազմից առաջ, և՛ դրա ընթացքում, ինչպես նաև պատասխանատու է եղել բազմաթիվ իսրայելցիների սպանության և առևանգման համար, – ասվում է հաղորդագրության մեջ: Իսրայելը 2023 թվականի հոկտեմբերի 7-ին Գազայի հատվածից աննախադեպ մասշտաբային հրթիռային հարձակման է ենթարկվել։ Դրանից հետո ՀԱՄԱՍ պաղեստինյան շարժման մարտիկները ներթափանցել են սահմանամերձ շրջաններ` կրակ բացելով զինվորականների և քաղաքացիական անձանց ուղղությամբ և պատանդ վերցնելով ավելի քան 200 հոգու։ Իսրայելի պաշտպանության բանակը Գազայի հատվածում սկսեց «Երկաթե թրեր» գործողությունը, որը ներառում է նաև հարվածներ քաղաքացիական օբյեկտների ուղղությամբ: Իսրայելը հայտարարեց անկլավի ամբողջական շրջափակման մասին՝ դադարեցվեցին ջրի, էլեկտրաէներգիայի, վառելիքի, սննդի և դեղորայքի մատակարարումները։

10:18 - 18 հոկտեմբերի, 2024

Իսրայելը հարվածել է Գազայի մզկիթին և դպրոցին. առնվազն 24 մարդ է զոհվել |armtimes.com|

armtimes.com: Հոկտեմբերի 6-ի առավոտյան Իսրայելի օդային հարձակման հետևանքով Գազայի կենտրոնում առնվազն 24 մարդ է զոհվել, 93-ը՝ վիրավորվել: Հարձակումը տեղի է ունեցել Դեյր ալ-Բալահ քաղաքի դպրոցի և մզկիթի վրա, որտեղ պատսպարվում են տեղահանված մարդիկ: Իսրայելի պաշտպանության բանակի մամուլի գրասենյակը հայտարարել է, որ հարձակման ենթարկված կենտրոնները ՀԱՄԱՍ-ն օգտագործել է Իսրայելի դեմ ահաբեկչություններ նախապատրաստելու և իրականացնելու համար։Լուսանկարում՝ պաղեստինցի երեխաները նստած են մզկիթի փլատակների վրա, որը ավերվել է իսրայելական հարվածի հետևանքով/ 3 սեպտեմբերի, 2024 թ/ Reuters.

11:15 - 06 հոկտեմբերի, 2024

«Համասը» և «Հեզբոլլահը» հայտարարել են Իսրայելի դեմ միասնական ճակատ ստեղծելու մասին |tert.am|

tert.am: Պաղեստինյան «Համաս» շարժումը Միջազգային քրեական դատարանին (ՄՔԴ) կոչ է արել միջոցներ ձեռնարկել «Հեզբոլլահի» գլխավոր քարտուղար Հասան Նասրալլայի սպանության առնչությամբ։ «Համասը» նրա մահվան մեջ մեղադրել է ԱՄՆ-ին։ «Մենք վերահաստատում ենք մեր համերաշխությունն ու աջակցությունը «Հեզբոլլահ» եղբայրներին և կոչ ենք անում Միջազգային քրեական դատարանին անհրաժեշտ միջոցներ ձեռնարկել սիոնիստական կազմակերպության առաջնորդներին որպես ռազմական հանցագործների հետապնդելու և ձերբակալելու համար»,-հայտարարել է «Համասը»-ը: ««Համասը» և «Հեզբոլլահը» հայտարարում են Իսրայելի դեմ միասնական ճակատ ստեղծելու մասին»,- հավելել է շարժումը։

21:16 - 28 սեպտեմբերի, 2024

Բայդենը հանձնարարել է ուժեղացնել ռազմական ուժերի պաշտպանական դիրքը Մերձավոր Արևելքում

ԱՄՆ նախագահ Ջո Բայդենը անդրադարձել է «Հեզբոլլահի» գլխավոր քարտուղար Հասան Նասրալլայի սպանությանը, նշելով, որ Իսրայելի ավիահարվածից նրա մահը արդարության միջոց է բազմաթիվ զոհերի համար, այդ թվում՝ հազարավոր ամերիկացիների, իսրայելցիների և լիբանանցիների: Այս մասին տեղեկանում ենք Սպիտակ տան պաշտոնական հայտարարությունից։ «Միացյալ Նահանգները լիովին աջակցում է Իսրայելի իրավունքին՝ պաշտպանվելու Հեզբոլլահից, Համասից, Հութիներից և Իրանի կողմից աջակցվող ցանկացած այլ ահաբեկչական խմբավորումներից: Հենց երեկ ես իմ պաշտպանության նախարարին հանձնարարեցի ավելի ուժեղացնել ԱՄՆ ռազմական ուժերի պաշտպանական դիրքը Մերձավոր Արևելքի տարածաշրջանում՝ զսպելու ագրեսիան և նվազեցնելու ավելի լայն տարածաշրջանային պատերազմի վտանգը», - նշված է Սպիտակ տան հայտարարությունում։

21:05 - 28 սեպտեմբերի, 2024

Ստորագրվել է Հայաստանի և Պաղեստինի միջև դիվանագիտական հարաբերությունների հաստատման մասին կոմյունիկե

Սեպտեմբերի 27-ին Նյու Յորքում ՄԱԿ-ի գլխավոր ասամբլեայի շրջանակներում ՀՀ ԱԳ նախարար Արարատ Միրզոյանը հանդիպում է ունեցել Պաղեստինի վարչապետ Մուհամեդ Մուստաֆայի հետ: Այս մասին տեղեկանում ենք ՀՀ ԱԳՆ-ից։ Զրուցակիցները մտքեր են փոխանակել տարածաշրջանային իրավիճակի շուրջ։ ՀՀ ԱԳ նախարար Արարատ Միրզոյանը և Պաղեստինի Պետության վարչապետ Մուհամեդ Մուստաֆան ստորագրել են «Հայաստանի Հանրապետության և Պաղեստինի Պետության միջև դիվանագիտական հարաբերությունների հաստատման մասին» համատեղ կոմյունիկե։

12:01 - 28 սեպտեմբերի, 2024

Իսրայելական զորքերը Գազայում գտնվող դպրոց են ռմբակոծել. 18 զոհերից 6-ը ՄԱԿ աշխատակիցներ են |news.am|

news.am: Իսրայելական զորքերը ռմբակոծել են ՄԱԿ-ի կողմից ղեկավարվող Ալ-Ջաունի դպրոցը Գազայի հատվածի կենտրոնում, ինչի հետևանքով զոհվել է առնվազն 18 մարդ, հայտնում է Al Jazeera-ն։ Ականատեսները պատմել են, որ իսրայելական հարձակման արդյունքում «կանայք ու երեխաներ են պատառոտվել»։ Պայթյունի զոհերից վեցը եղել են Պաղեստինի փախստականների հարցերով ՄԱԿ-ի գործակալության՝ UNRWA-ի աշխատակիցներ։ Նրանց թվում էր նաև մանկատան դպրոցի տնօրենը։ Գործակալությունը հայտնել է, որ սա 11-ամսյա պատերազմի ընթացքում մեկ միջադեպի հետևանքով զոհերի ամենաբարձր ցուցանիշն է եղել իր անձնակազմի շրջանում՝ հավելելով, որ 5-րդ անգամ է, որ դպրոցը թիրախավորվում է։

10:17 - 12 սեպտեմբերի, 2024

Գազայում ռազմական գործողությունների ակտիվացումը կարող է հանգեցնել պատանդների մահվան. ՑԱՀԱԼ |1lurer.am|

1lurer.am: Իսրայելի պաշտպանության բանակը զգուշացրել է երկրի քաղաքական գործիչներին, որ Գազայի հատվածում մարտերի սրումը սպառնում է ՀԱՄԱՍ-ի կողմից պահվող պատանդների կյանքին, հաղորդում է Channel 13-ը: «Իսրայելի պաշտպանության բանակը նախազգուշացրել է երկրի քաղաքական ղեկավարությանը, որ Գազայի հատվածում ռազմական գործողությունների ցանկացած ընդլայնում վտանգի տակ է դնում պատանդների կյանքը»,- ասվում է հայտարարության մեջ։ Հանգստյան օրերին Ռաֆահի թունելում հայտնաբերվել էր վեց պատանդի մարմին։ Ըստ The Times of Israel-ի՝ Իսրայելի պաշտպանության բանակը փորձում է չմտնել այն տարածքները, որտեղ, ըստ տեղեկությունների, կարող են պատանդներ պահվել։ Տվյալ դեպքում հետախուզական տվյալները, ըստ երևույթին, բավականաչափ ճշգրիտ չեն եղել, ենթադրում է պարբերականը։ Նախնական հետաքննությունը ցույց է տվել, որ Ռաֆահի թունելի մոտ տեղակայված ՀԱՄԱՍ-ի դիտորդները, հավանաբար, նկատել են իսրայելցի զինվորականների մոտենալը և ահազանգել պահակներին, որոնք էլ սպանել են գերիներին:

12:41 - 04 սեպտեմբերի, 2024