Երևանի քաղաքապետարան

Երևանի քաղաքապետարանը համայնքային ծառայություններ իրականացնող պետական մարմին, որի նպատակն ու խնդիրն ավագանու և քաղաքապետի լիազորությունների լիարժեք և արդյունավետ իրականացման, ինչպես նաև քաղաքացիական իրավահարաբերություններին ավագանու և քաղաքապետի մասնակցության ապահովումն է։ Երևանի քաղաքապետը և ավագանին քաղաքապետարանի միջոցով համակարգում Երևանի ենթակայության հիմնարկների, առևտրային և ոչ առևտրային կազմակերպությունների գործունեությունը, կազմակերպում հանրապետական գործադիր մարմինների և դրանց՝ Երևանի տարածքային ծառայությունների հետ հարաբերությունները։

Քաղաքապետարանը ստեղծվում, վերակազմակերպվում և նրա գործունեությունը դադարեցվում է ավագանու որոշմամբ։ 

Երևան քաղաքի ոչ մի կամուրջ չունի անձնագիր, ինչպես նաև կրողունակությունը հաշվարկված չէ. Արեյան
 |1lurer.am|

Երևան քաղաքի ոչ մի կամուրջ չունի անձնագիր, ինչպես նաև կրողունակությունը հաշվարկված չէ. Արեյան |1lurer.am|

1lurer.am: Երևանի քաղաքապետարանի գործակարգավարական խորհրդակցության ժամանակ Երևանի քաղաքապետի խորհրդական Կամո Արեյանը խնդրեց Երևանի քաղաքապետ Տիգրան Ավինյանին հանձնարարական տալ, որպեսզի կազմվի տեխնիկական առաջադրանք Երևան քաղաքի բոլոր կամրջային կառուցվածքների, տրանսպորտային հանգույցների, թունելային կառույցների, ինչպես նաև ջրատար համակարգի թունելների, կամուրջների սեյսմիկ վիճակի ուսումնասիրության համար: «Ինչքան էլ տարօրինակ թվա, Երևան քաղաքի ոչ մի կամուրջ չունի անձնագիր, ինչպես նաև կրողունակությունը հաշվարկված չէ: Նախագծային տվյալներում դրանք առկա են, բայց քանի որ փոխվել է քաղաքի երթևեկի ինտենսիվությունը, պետք է ուսումնասիրենք սեյսմիկ վիճակը, և հաշվի առնենք նախագծային կրողունակությունը՝ արդյոք ինչքա՞ն կդիմանա այսօրվա ծանրաքաշ մեքենաների ինտենսիվությանը»,- ասել է Արեյանը: Ըստ Երևանի քաղաքապետի խորհրդականի՝ հանձնարարականը կատարելու դեպքում 2025 թվականին կունենանք կամրջային հիմնական հանգույցների անձնագրերը, որտեղ ներառված կլինեն բոլոր տվյալները:
12:22 - 17 հունիսի, 2024
Միասնական տոմսային համակարգի ներդրման ժամկետները կերկարաձգվեն, քանի որ նոր ավտոբուսները դեռ չեն հասել
 |news.am|

Միասնական տոմսային համակարգի ներդրման ժամկետները կերկարաձգվեն, քանի որ նոր ավտոբուսները դեռ չեն հասել |news.am|

news.am: Երևանի քաղաքապետ Տիգրան Ավինյանն այսօր՝ հունիսի 17-ին, քաղաքապետարանի հերթական գործակարգավարական խորհրդակցության ժամանակ անդրադարձել է մայրաքաղաքի համար նոր ավտոբուսների խմբաքանակի ձեռքբերման ուղղությամբ տարվող աշխատանքներին։ Փոխքաղաքապետ Սուրեն Գրիգորյանը հայտնել է, որ ժամանակացույցով նախատեսված է հոկտեմբերի վերջ-նոյեմբերի սկզբին, սակայն աշխատում են, որ դրանք ավելի շուտ լինեն Երևանում։ Այս համատեքստում քաղաքապետ Տիգրան Ավինյանը խոսել է միասնական տոմսային համակարգի ներդրման գործընթացի մասին. «Միասնական տոմսային համակարգի ներդրումը տեղի է ունենում, երբ նոր ավտոբուսները գալիս և մտնում են գիծ»: Քաղաքապետը հանձնարարել է ներկայացնել ավագանու որոշման նախագիծ, որով կերկարաձգվի միասնական տոմսային համակարգի ներդրման ժամկետը մեկ կամ երկու ամսով. «Որպեսզի մեր խոստումը հստակ կատարված լինի»,- ասել է նա։ Սուրեն Գրիգորյանը տեղեկացրել է, որ արդեն պատրաստել են նախագիծը։ Հիշեցնենք՝ մարտի 12-ին Երևանի ավագանու 32 անդամի կողմ և 2 դեմ ձայներով ընդունվեց մայրաքաղաքի տրանսպորտի սակագնի վերաբերյալ լրամշակված նախագիծը։ Այսպիսով՝ սեպտեմբերի 1-ից ուժի մեջ մտնող նախագծով 1 ամիս անսահմանափակ երթևեկելու համար պետք է վճարել 8800 դրամ, երեք ամսվա համար անսահմանափակ երթևեկելու համար՝ 23 հազար 600 դրամ, իսկ մեկ տարի անսահմանափակ երթևեկելու համար՝ 88 հազար դրամ:
11:41 - 17 հունիսի, 2024
Հունիսի 11-ից հուլիսի 1-ը Դ. Բեկի- Հ. Ավետիսյան և Վիլնյուս փողոցների հատվածը երեկոյան ժամերին կլինի փակ․ քաղաքապետարան

Հունիսի 11-ից հուլիսի 1-ը Դ. Բեկի- Հ. Ավետիսյան և Վիլնյուս փողոցների հատվածը երեկոյան ժամերին կլինի փակ․ քաղաքապետարան

Հունիսի 11-ից հուլիսի 1-ը Դ. Բեկի- Հ. Ավետիսյան և Վիլնյուս փողոցների հատվածը երեկոյան ժամերին կլինի փակ։ Այս մասին հայտնում են Երևանի քաղաքապետարանից։«Հարգելի՛  քաղաքացիներ, ճանապարհաշինարարական աշխատանքներով պայմանավորված՝ հունիսի 11-ից մինչև հուլիսի 1-ը՝ ժամը 21:00-ից մինչև 07:00-ն փակ է լինելու Դ. Բեկի փող. - Հ. Ավետիսյան փող. խաչմերուկից մինչև Հ. Ավետիսյան փող. – Վիլնյուս փող. խաչմերուկ, նաև Ավետիսյան փող. – Վիլնյուս փող. խաչմերուկից մինչև 40 համարի երթուղու վերջնակետ ճանապարհահատվածները:  Վարորդներին հորդորում ենք՝ աշխատանքի արդյունավետությունն ապահովելու նպատակով գիշերային ժամերին տրանսպորտային միջոցները  չկայանել նշված ճանապարահատվածի երթևեկելի մասում: Պատճառվող ժամանակավոր անհարմարությունների համար հայցում ենք քաղաքացիների ներողամտությունը»,-ասված է հայտարարության մեջ:
19:07 - 11 հունիսի, 2024
Երևանի բազմաբնակարան շենքերի պատերին հասցեների առկայությունն ապահովելու նպատակով կտեղադրվի երկու տեսակի ցուցանակ

Երևանի բազմաբնակարան շենքերի պատերին հասցեների առկայությունն ապահովելու նպատակով կտեղադրվի երկու տեսակի ցուցանակ

Հունիս ամիսը հագեցած է մշակութային աննախադեպ միջոցառումներով: Աշնանը ևս մայրաքաղաքում սպասվում են բացօթյա նախագծեր ու նոր ծրագրեր: Քաղաքապետ Տիգրան Ավինյանն ընդգծել է, որ Երևանը շարունակելու է քաղաքի բնակիչներին ու հյուրերին մատուցել բարձրարժեք արվեստ: Այս մասին տեղեկացնում է Երևանի քաղաքապետարանի լրատվության վարչությունը։ ««Երևանի քաղաքապետարանը շեշտը դնում է բարձրարժեք արվեստի վրա, և նախաձեռնված ծրագրերը դրա բաղկացուցիչ մասն են»,- նշել է Տիգրան Ավինյանը:***Մայրաքաղաքում շարունակվում է ասֆալտապատման և դիտահորերի բարձրացման գործընթացը: Միջին ծածկի նորոգման աշխատանքները Նոր Նորքից կտեղափոխվեն այլ վարչական շրջաններ, կշարունակվեն նաև փոսալցման աշխատանքները, կհայտարարվի նոր մրցույթ՝ տեխնիկական նոր առաջադրանքով:  ***Մայրաքաղաքի բազմաբնակարան շենքերի պատերին համապատասխան հասցեների առկայությունն ապահովելու նպատակով կտեղադրվեն երկու տեսակի ցուցանակներ: Միասնական մոտեցում կցուցաբերվի նաև փողոցների վերաբերյալ տեղեկություն տրամադրող ուղեցույց-ցուցանակների պարագայում:  ***Հեղեղումներից հետո Ալավերդում իրականացվող մաքրման ու վերականգնողական գործին ներգրավվել են նաև «Երևանի աղբահանություն և սանիտարական մաքրում» համայնքային հիմնարկի հատուկ տեխնիկան ու աշխատուժը: Զեկուցվել է, որ տրամադրվել են որոշ գոտիներ՝ երթևեկելի հատվածները տիղմից մաքրելու, ինչպես նաև գետում կուտակված աղբը տեղափոխելու համար: ***Երևանի քաղաքապետարանի «Զանգերի սպասարկման և աջակցման» բաժնում նկատվել է զանգերի թվի կտրուկ նվազում, բարձրացվել է առաջին զանգից սպասարկման ցուցանիշը: Եթե նախորդ տարեվերջին մեկ ամսվա ընթացքում ստացվել էր 25 788 զանգ, որով սպասարկվել էր 18 203 քաղաքացի. առաջին զանգից՝ քաղաքացիների 60%-ը, հետադարձով՝ 40%-ը, ապա նախորդ մեկ ամսվա ընթացքում բաժինը ստացել է 14 443 զանգ, որով սպասարկվել է 14 147 քաղաքացի: Առաջին զանգից սպասարկվել է քաղաքացիների 92%-ը, հետադարձով՝ 8%-ը: Զեկուցվել է, որ նկատվել է զանգերի կտրուկ նվազում, որը պայմանավորված է առաջին հերթին առաջին իսկ զանգից պատասխանելու հանգամանքով: Քաղաքապետ Տիգրան Ավինյանը հանձնարարել է հետևողականորեն ուշադրություն դարձնել ինչպես զանգերի, այնպես էլ էլեկտրոնային «Ակտիվ քաղաքացի» հավելվածով քաղաքացիների կողմից բարձրացվող խնդիրներին՝ դրանց կարճ ժամկետում լուծումներ տալու նկատառումով»,- նշված է հաղորդագրության մեջ:
12:05 - 10 հունիսի, 2024
Երևանի առանձին հատվածներում արգելվելու է շրջիկ երաժիշտների գործունեությունը

Երևանի առանձին հատվածներում արգելվելու է շրջիկ երաժիշտների գործունեությունը

Երևանի քաղաքապետարանի լրատվության վարչությունը տեղեկացնում է, որ Հանրապետության հրապարակի, Հյուսիսային պողոտայի և Ալեքսանդր Սպենդիարյանի անվան օպերայի և բալետի ազգային ակադեմիական թատրոնի հարակից շենքերի բնակիչները պարբերաբար դժգոհում են, որ տարածքում հնչող երաժշտությունը խաթարում է իրենց անդորրը: «Ըստ այդմ՝ շրջանառության մեջ է դրվել Երևանի ավագանու որոշման նախագիծ, որով Երևանի երեք հատվածում արգելվելու է շրջիկ երաժիշտների մշակութային գործունեության իրականացումը: Դրանք են՝ Հանրապետության հրապարակը, Մաշտոցի պողոտա-Սայաթ-Նովա պողոտա-Տերյան-Թումանյան փողոցներով պարփակված տարածքը, Հյուսիսային պողոտան և դրանց հարակից 100 մետր շառավղով տարածքները: Երևանի քաղաքապետարանի աշխատակազմի հասարակական կարգի պահպանության ծառայության պետ Արամ Գյուլզադյանը շրջայց է կատարել նշված փողոցներով և գործունեություն իրականացնող երաժիշտներին իրազեկել սպասվող փոփոխությունների մասին»,- նշված է հաղորդագրության մեջ: 
11:57 - 06 հունիսի, 2024
«Երևանի գինու օրեր» փառատոնով պայմանավորված՝ փակ կլինեն մայրաքաղաքի կենտրոնի որոշ հատվածներ

«Երևանի գինու օրեր» փառատոնով պայմանավորված՝ փակ կլինեն մայրաքաղաքի կենտրոնի որոշ հատվածներ

Երևանի քաղաքապետարանից տեղեկացնում են, որ «Երևանի գինու օրեր» ամենամյա փառատոնի կազմակերպչական աշխատանքների, տաղավարների և բեմերի տեղադրման և այլ բարձր ձայնով մոնտաժային և ապամոնտաժային աշխատանքների իրականացման նպատակով մի քանի փողոցների երթևեկությունը դադարեցվելու է միջոցառումներից 2 օր շուտ՝ հունիսի 5-ի առավոտյան ժամը 08:00-ից սկսած մինչև հունիսի 10-ի առավոտյան ժամը 08:00-ը:   Ըստ այդմ՝ դադարեցվում են հետևյալ փողոցների երթևեկությունը՝ •    Սարյան-Եկմալյան խաչմերուկից դեպի Սարյան-Պուշկինի խաչմերուկը: Սարյան փողոցից դեպի Եկմալյան փողոց տանող ներքին փողոցը բաց կլինի երթևեկության համար:•    Պուշկինից-Սարյան խաչմերուկից դեպի Սարյան-Մոսկովյան-Թումանյան խաչմերուկը:•    Սարյան-Մոսկովյան-Թումանյան խաչմերուկից դեպի Սպենդիարյան-Մոսկովյան խաչմերուկը, երթևեկությունը՝ Սպենդիարյան փողոցով դեպի Մոսկովյան 28 շենքի հետնաբակը՝ միայն բնակիչների համար անցանելիությամբ: •    Սպենդիարյան-Մոսկովյան խաչմերուկից դեպի Մոսկովյան-Զորյան խաչմերուկը, երթևեկությունը՝ Բաղրամյան-Մաշտոցի հատման հատվածի անցանելիությամբ:•    Սարյան-Մոսկովյան-Թումանյան խաչմերուկից դեպի Թումանյան-Փարպեցու խաչմերուկը՝ Փարպեցու փողոցով ձախ դեպի Թումանյան փողոց անցանելիությամբ: Պատճառված ժամանակավոր անհարմարության համար հայցում ենք ձեր ներողամտությունը:
19:19 - 05 հունիսի, 2024
Մոտավորապես 80 հազար քմ փոսալցման աշխատանքներ ենք արել այս տարի. Ավինյան |1lurer.am|

Մոտավորապես 80 հազար քմ փոսալցման աշխատանքներ ենք արել այս տարի. Ավինյան |1lurer.am|

1lurer.am: Մենք մոտավորապես 80 հազար քմ փոսալցման աշխատանքներ արդեն իսկ արել ենք այս տարվա ընթացքում, և դեռևս ունենք կարիք հավելյալ փոսալցման աշխատանքներ անելու: Լրագրողների հետ ճեպազրույցում ասաց Երևանի քաղաքապետ Տիգրան Ավինյանը: «Բայց փոսալցման աշխատանքներից զատ՝ մենք Երևան քաղաքում այս տարի արդեն երկրորդ տարին է, որ իրականացնելու ենք միջին նորոգման աշխատանքներ՝ մոտավորապես 55 կմ ճանապարհներ»,- նշեց նա: Քաղաքային երթևեկությունը թեթևացնելու համար այլընտրանքային ճանապարհների վերաբերյալ Երևանի քաղաքապետն ասաց. «Այս տարի քննարկել ենք և ներդրումային կոմիտեում հաստատել ենք Թբիլիսյանը Եղվարդի խճուղուն միացնող կամուրջը և ճանապարհը: Դա, կարծում եմ՝ ամենախոշոր նախագիծն է ճանապարհային, որը վերջին շրջանում պետք է սկսի տեղի ունենալ: Ունենք Արշակունյաց-Իսակովի ճանապարհները միացնող նախագիծը, հիմա այնտեղ իրականացվում են օտարման գործընթացները, և, կարծում եմ՝ հաջորդ տարվանից մենք ունենալու ենք շինարարություն։
16:50 - 05 հունիսի, 2024
Հանդիպել ենք Կոմիտասի շուկայի առևտրականների հետ և տեղեկացրել նրանց, որ ևս երեք ամիս նրանք կարող են ազատ շարունակել իրենց գործունեությունը․ Արամ Ազատյան

Հանդիպել ենք Կոմիտասի շուկայի առևտրականների հետ և տեղեկացրել նրանց, որ ևս երեք ամիս նրանք կարող են ազատ շարունակել իրենց գործունեությունը․ Արամ Ազատյան

Հանդիպել ենք Կոմիտասի շուկայի առևտրականների հետ և տեղեկացրել նրանց, որ ևս երեք ամիս վերջիններս կարող են ազատ շարունակել իրենց գործունեությունը․ Այս մասին ֆեյսբուքյան իր էջում գրել է Արաբկիր վարչական շրջանի ղեկավար Արամ Ազատյանը։ «Երևանի քաղաքապետի առաջին տեղակալ Արմեն Փամբուխչյան գլխավորությամբ այսօր հանդիպել ենք Կոմիտասի շուկայի առևտրականների հետ և տեղեկացրել նրանց, որ Երևանի քաղաքապետ Տիգրան Ավինյանի հանձնարարությամբ` մեր կողմից տարված բանակցությունների արդյունքում, ևս երեք ամիս վերջիններս կարող են ազատ շարունակել իրենց գործունեությունը: Այս ընթացքում կիրականացվեն շուկայի այլատրանքային տարածք գտնելու աշխատանաքներ: Այցելել ենք նաև Կոմիտաս 49/9 հասցեում զբոսայգու և ժամանցի կենտրոնի շինհրապարակ, ծանոթացել ընթացիկ աշխատանքներին: Քանաքեռ ՀԷԿ բանավանի տարածքում կառուցվում է շների զբոսանքի համար նախատեսված առանձնացված վայր, որի աշխատանքները մոտենում են ավարտին: Այցելել ենք նաև տեղի մանկապարտեզ, որը վթարային է, ապամոնտաժվելու է ու կառուցվելու նոր շենք:Քանաքեռ ՀԷԿ բանավանում նոր հիմնանորոգված բակային տարածքում հանդիպել ենք տեղի բնակիչներին և լսել նրանց մտահոգություններն ու առաջարկությունները: Արմեն Փամբուխչյանին ներկայացրել ենք նաև Մամիկոնյանց փողոցի վերջնամասում նոր ճանապարհին հարակից հատվածում ճեմուղու կառուցման վերաբերյալ ծրագիրը, որը հետիոտնային ճանապարհով Մամիկոնյանց փողոցը կմիացնի Կոմիտասի պողոտային: Քոչար 27, 27ա հասցեում հիմնանորոգվում է բակային տարածքը, կառուցվում է մարզադաշտ: Կոմիտաս 22 հասցեում ապամոնտաժվել են ավտոտնակները, տարածքը բացազատվել է, հիմնանորոգվում է, առաջիկայում կունենանք գեղեցիկ ու կանաչապատ բակային տարածք և մարզադաշտ: Երևանի քաղաքապետի առաջին տեղակալ Արմեն Փամբուխչյանի հետ միասին այցելել ենք վերակառուցվող Մերգելյան զգոսայգի, ծանոթացել աշխատանքների ընթացքին: Քայլել ենք Հակոբյան փողոցով, այցելել Բարեկամության գետնանցում»,- գրել է նա:  
21:03 - 04 հունիսի, 2024
Արգելվելու է մշակութային գործունեության իրականացումը Երևանի որոշ տարածքներում. շրջանառության մեջ կդրվի ավագանու որոշման նախագիծ

Արգելվելու է մշակութային գործունեության իրականացումը Երևանի որոշ տարածքներում. շրջանառության մեջ կդրվի ավագանու որոշման նախագիծ

Երևանի քաղաքապետի մամուլի քարտուղար Հայկ Կոստանյանը գրել է, որ Հանրապետության հրապարակի, Հյուսիսային պողոտայի և Ա.Սպենդիարյանի անվան օպերայի և բալետի ազգային ակադեմիական թատրոնի հարակից տարածնքերի շենքերի բնակիչները պարբերաբար բարձրաձայնում են նշված հատվածներում շրջիկ երաժիշտների մշակութային գործունեության հետևանքով իրենց անդորրը խախտվելու և առողջությանը վնաս պատճառելու մասին: «Բացի դրանից՝ բազմաթիվ խնդիրներ են առաջանում նշված հատվածների հարակից տարածքներում առևտրային գործունեություն իրականացնող սուբյեկտների համար` բացասական ազդեցություն թողնելով զբոսաշրջության վրա: Ելնելով վերը թվարկված հանգամանքներից՝ Երևանի քաղաքապետարանի աշխատակազմի հասարակական կարգի պահպանության ծառայությունը հանդես է եկել նախաձեռնությամբ, համաձայն որի՝ շրջանառության մեջ է դրվելու Երևանի ավագանու որոշման նախագիծ: Ըստ այդմ՝ արգելվելու է մշակութային գործունեության իրականացումը Երևան քաղաքի հետևյալ տարածքներում. Հանրապետության հրապարակ և դրան հարակից 100 մետր շառավղով տարածք. Մաշտոցի պողոտա-Սայաթ-Նովա պողոտա-Տերյան-Թումանյան փողոցներով պարփակված տարածք. Հյուսիսային պողոտա և դրան հարակից 100 մետր շառավղով տարածք: Հիշեցնեմ, որ Երևանի ավագանու 12 սեպտեմբերի, 2023 թվական N 849-Ն որոշմամբ սահմանվել են մշակութային գործունեության իրականացման նպատակով Երևան քաղաքի հանրային բացօթյա վայրերի (փողոց, մայթ, հրապարակ, այգի, պուրակ և այլն) օգտագործման պայմանները, պահանջները և սահմանափակումները»,- ասված է գրառման մեջ:
14:37 - 03 հունիսի, 2024
Տիգրան Ավինյանի անունից Կիևի քաղաքապետ Վիտալի Կլիչկոյին հրավիրել են Երևան

Տիգրան Ավինյանի անունից Կիևի քաղաքապետ Վիտալի Կլիչկոյին հրավիրել են Երևան

Ուկրաինա կատարած աշխատանքային այցի շրջանակում Երևան քաղաքի Նոր Նորք վարչական շրջանի ղեկավար Տիգրան Տեր-Մարգարյանը և Ուկրաինայում Հայաստանի դեսպան Վլադիմիր Կարապետյանը հանդիպում են ունեցել Ուկրաինայի Բուչա քաղաքի քաղաքապետ Անատոլի Ֆեդորուկի հետ։ ️Հանդիպման ընթացքում քննարկվել են Բուչա համայնքի և Երևանի Նոր Նորք վարչական շրջանի միջև համագործակցության հաստատման հնարավորությունները։ ️«Մենք հպարտ ենք ուկրաինացի ժողովրդի խիզախությամբ և մշտապես պատրաստ ենք աջակցելու Բուչային և պատերազմական գործողությունների արդյունքում տուժած մյուս համայնքներին»,- ընդգծել է Տիգրան Տեր-Մարգարյանը։ Հյուրերը ծաղիկներ են խոնարհել և հարգանքի տուրք մատուցել Բուչայի անմեղ զոհերի հիշատակը հավերժացնող հուշահամալիրում։ Ուկրաինա կատարած աշխատանքային այցի շրջանակներում Նոր Նորք վարչական շրջանի ղեկավար Տիգրան Տեր-Մարգարյանն այցելել է նաև Նոր Նորքի գործընկեր Կիևի Գոլոսեևսկի շրջան։ ️Պաշտոնական հանդիպման ընթացքում շրջանի ղեկավար Սերգեյ Սադովոյի հետ քննարկվել են ձևավորված երկկողմ հարաբերությունների ամրապնդման, հետագա համագործակցության զարգացման հնարավորությունները։ ️Կողմերը կարևորել են երկուստեք համագործակցությունը, հատկապես քաղաքային տնտեսության որոշակի ոլորտներում նկատվող համանման խնդիրների շուրջ համատեղ լուծումներ գտնելու, այդ թվում նաև փորձի փոխանակման տեսակետից: Հայկական պատվիրակությունը դեղորայքի տեսքով մարդասիրական օգնություն է փոխանցել ուկրաինական կողմի առողջապահական հաստատություններին։ Աշխատանքային այցի ընթացքում հունիսի 2-ին, Նոր Նորք վարչական շրջանի ղեկավարը դեսպան Վլադիմիր Կարապետյանի հետ հանդիպել է նաև Օդեսայի հայկական համայնքի ներկայացուցիչներին, այնուհետև մասնակցել կիրակնօրյա դպրոցի շրջանավարտներին նվիրված միջոցառմանը, որտեղ դեսպանը և Տիգրան Տեր-Մարգարյանը հանդես են եկել ողջույնի խոսքով։ ️Ուկրաին կատարած աշխատանքային այցի շրջանակում Նոր Նորք վարչական շրջանի ղեկավարը Երևանի քաղաքապետ Տիգրան Ավինյանի անունից Երևան այցելության պաշտոնական հրավեր է փոխանցել Կիևի քաղաքապետ Վիտալի Կլիչկոյին։
10:14 - 03 հունիսի, 2024