Իրան

Իրանի Իսլամական Հանրապետությունն ինքնիշխան պետություն է Արևմտյան Ասիայում: Ավելի քան 83 միլիոն բնակչությամբ։ Իրանը աշխարհում բնակչության թվով 18-րդն է: 1.648.195 կմ քառակուսի տարածքով այն երկրորդ ամենախոշոր երկիրն է Մերձավոր Արևելքում և 17-րդը` աշխարհում: Իրանը հյուսիս արևմուտքում սահմանակից է Հայաստանին, Արցախին, Ադրբեջանին և Ադրբեջանի մաս կազմող Նախիջևանին, հյուսիսում Կասպից ծովին, հյուսիս արևելքում Թուրքմենստանին, արևելքում Աֆղանստանին և Պակիստանին, հարավում Պարսից ծոցին և Օմանի ծոցին, արևմուտքում Թուրքիային և Իրաքին :

Երկրի մայրաքաղաքը և խոշորագույն քաղաքը Թեհրանն է, որը համարվում է նաև երկրի մշակութային և տնտեսական կենտրոնը: Երկրի նախագահը Հասան Ռոհանին է, հոգևոր առաջնորդը Այաթոլլա Ալի Խամենեին է։

Իրարամերժ տեղեկություններ Իրանի «բարոյականության ոստիկանության» լուծարման մասին |azatutyun.am|

Իրարամերժ տեղեկություններ Իրանի «բարոյականության ոստիկանության» լուծարման մասին |azatutyun.am|

azatutyun.am: Թեհրանից իրարամերժ տեղեկություններ են ստացվում «բարոյականության ոստիկանության» լուծարման մասին։ Շաբաթ օրը կիսապաշտոնական ISNA գործակալությունը մեջբերել էր Իրանի գլխավոր դատախազ Մոհամադ Ջաֆար Մոնտազերիի խոսքերը, որոնց համաձայն, հանրային վայրերում կանանց պատշաճ հագուկապին հետևող «բարոյականության ոստիկանությունը» լուծարվել է։ Հաջորդ օրը պաշտոնական IRNA գործակալությունը հաղորդել էր Մոնտազերիի խոսքերի մեկ այլ տարբերակը, որի համաձայնմ Գլխավոր դատախազը ընդամենը արձանագրել էր, թե ոստիկանական այդ ստորաբաժանումը «չի ենթարկվում երկրի դատական համակարգին»։ Մինչ օրս Իրանի կառավարության ներկայացուցիչները, այդ թվում՝ երկրի Ներքին գործերի նախարարությունը, որևէ կերպ չեն մեկնաբանել «բարոյականության ոստիկանության» լուծարման մասին լուրերը։ Կանանց հանրային վայրերում իսլամի կանոններին համապատասխան պահվածքին, մասնավորաբար, գլխաշորի պարտադիր կրման պահանջի կատարմանը հետևող հատուկ ոստիկանական կառույցը ստեղծվել էր 2006 թվականին՝ նախագահ Մահմուդ Ահմադինեժադի պաշտոնավարման տարիներին։  
14:49 - 05 դեկտեմբերի, 2022
Իրանի նախագահը հնարավոր է համարել Սահմանադրության վերանայումը
 |1lurer.am|

Իրանի նախագահը հնարավոր է համարել Սահմանադրության վերանայումը |1lurer.am|

1lurer.am: Իրանի հիմնական օրենքը, որն ընդունվել է 1979 թվականին Իսլամական հեղափոխությունից հետո, կարող է վերանայվել՝ հայտարարել է նախագահ Էբրահիմ Ռայիսին՝ ելույթ ունենալով Սահմանադրության օրվա կապակցությամբ, հայտնում է Al Hadath-ը։ Նախագահը հայտարարությունն արել է սեպտեմբերի կեսին սկսված և շարունակվող բողոքի ցույցերի ֆոնին, որի պատճառը ծագումով քուրդ 22-ամյա ուսանողուհի Մահսա Ամինիի մահն էր: Նրան ձերբակալել էր բարքերի ոստիկանությունը հիջաբը սխալ կրելու համար: Դեկտեմբերի 4-ին հայտնի դարձավ, որ Իրանում վերացվել է բարքերի ոստիկանությունը։ Երկրի գլխավոր դատախազ Մոհամմադ Ջաֆար Մոնթազերիի խոսքով՝ այդ կառույցը «դատական ​​համակարգի հետ կապ չի ունեցել, և այն փակվել է»։ Բացի այդ, նա հայտնել է, որ աշխատում են կանանց՝ հիջաբ կրելու պահանջի մասին օրենքի փոփոխության շուրջ: Դատախազը, սակայն, չի մանրամասնել, թե ինչ փոփոխությունների մասին է խոսքը։
13:55 - 05 դեկտեմբերի, 2022
Ադրբեջանն ու Թուրքիան զորավարժություններ են անցկացնում Իրանի հետ սահմանի մոտ |tert.am|

Ադրբեջանն ու Թուրքիան զորավարժություններ են անցկացնում Իրանի հետ սահմանի մոտ |tert.am|

tert.am: Ադրբեջանի և Թուրքիայի միջև ստորագրված ռազմական ոլորտում համագործակցության համաձայնագրի համաձայն՝ անցկացվում են թուրք-ադրբեջանական համատեղ զորավարժություններ։Զորավարժությունները, որոնք անցկացվում են տարբեր տիպի զորքերի անձնակազմի, ռազմական և հատուկ ինժեներա-սակրավորային տեխնիկայի, ինչպես նաև ադրբեջանական բանակի և Թուրքիայի զինված ուժերի ռազմական ավիացիայի ներգրավմամբ, ընդգրկում են Բաքու քաղաքի, Աստարայի, օկուպացված Ջրականի (Ջաբրայիլ) և Իմիշլիի շրջանների տարածքները։Ըստ սցենարի՝ ադրբեջանական բանակի ցամաքային զորքերի, ռազմաօդային ուժերի, հատուկ նշանակության ուժերի, ինժեներական զորքերի, հրթիռահրետանային զորքերի ստորաբաժանումները Թուրքիայի զինված ուժերի զինծառայողների հետ համատեղ իրականացնում են մարտական պատրաստության տարբեր առաջադրանքներ։Զորավարժություններում, հաշվի առնելով ժամանակակից մարտական գործողությունների անցկացման մեթոդները, տարբեր առաջադրանքներ են կատարվում մարտական, համակարգման ապահովելու, գետերի վրայով պոնտոնային կամուրջներ կառուցելու համար անցումներ կատարելու, ինչպես նաև թշնամու խոր թիկունքում դեսանտի վայրէջքի վերաբերյալ:  Նշենք նաև, որ Ադրբեջան է ժամանել Թուրքիայի պաշտպանության նախարար Հուլուսի Աքարը։
11:30 - 05 դեկտեմբերի, 2022
Ադրբեջանի պնդմամբ՝ Բաքվի մաքսակետերից մեկում հայկական արտադրության շինարարական ապրանքներ են հայտնաբերվել

Ադրբեջանի պնդմամբ՝ Բաքվի մաքսակետերից մեկում հայկական արտադրության շինարարական ապրանքներ են հայտնաբերվել

Բաքվի մաքսակետերից մեկում այլ ապրանքների մեջ հայտնաբերվել են, ըստ ապրանքների վրայի գրության, հայկական արտադրության շինարարական ապրանքներ, որոնք չեն հայտարարագրել մաքսայի մարմնի կողմից։ Այս մասին հաղորդագրություն է տարածել Ադրբեջանի պետական մաքսային կոմիտեն։ «Մինչ այժմ ապօրինի ճանապարհով Ադրբեջան մտցվող ապրանքների թվում եղել են միայն հայկական արտադրության մթերքներ կամ ալկոհոլային խմիչքներ։ Իսկ այս անգամ հայտնաբերված ապրանքների մեջ էին շինարարական աշխատանքների մեջ օգտագործվող սիլիկոնե արտադրանքի համար նախատեսված 24 820 տարա և սիլիկոնե արտադրանքը փաթեթավորելու համար նախատեսված 1050 դատարկ ստվարաթղթե տուփ»,- ասված է հաղորդագրության մեջ։  Ըստ հաղորդագրության՝ ապրանքներն ուղարկվել են Իրանի Իսլամական Հանրապետությունում գործող ընկերության կողմից՝ Ադրբեջանում գտնվող ֆիզիկական անձի հասցեով։ Նշվում է, որ պետական մաքսային կոմիտեն և պետական ​​անվտանգության ծառայությունը համատեղ քննություն են իրականացնում։ Լուսանկարը՝ Ադրբեջանի պետական մաքսային կոմիտեի
14:35 - 01 դեկտեմբերի, 2022
Ադրբեջանի խորհրդարանում առաջարկել են փոխել երկրի անունը
 |tert.am|

Ադրբեջանի խորհրդարանում առաջարկել են փոխել երկրի անունը |tert.am|

tert.am: Ադրբեջանի խորհրդարանի պատգամավոր Գուդրաթ Հասանգուլիևն առաջարկել է փոխել երկրի անունը՝ այն դարձնելով Հյուսիսային Ադրբեջան: Նրա կարծիքով՝ Ադրբեջանում պետականաշինությանն ուղղված քայլերն անհրաժեշտ են դարձնում նոր Սահմանադրության ընդունումը, գրում է minval.az-ը:«Առաջին քայլը պետք է լինի Ադրբեջանի անունը փոխելը։ Երկիրը պետք է կոչվի Հյուսիսային Ադրբեջան։ Նաև, ինչպես մյուս բաժանված ժողովուրդների սահմանումներում, առկա են հյուսիս և հարավ բառերը: Կարծում եմ՝ սա խթան կհանդիսանա նաև հարավային ադրբեջանցիների (ակնարկում է Իրանում բնակվող էթնիկ ադրբեջանցիներին-խմբ․) համար»,- ասել է նա։Հասանգուլիևը հիշեցրել է, որ վերջերս Իլհամ Ալիևը դատապարտել է Ադրբեջանի նկատմամբ Իրանի «թշնամական քաղաքականությունը»։ Դրանից հետո Ադրբեջանում Իրանի դեսպանը երկաթե բռունցքի ֆիգուր է դրել Իրանի դրոշի վրա և սոցցանցում տարածել այս լուսանկարը։  Նշենք, որ Իրան-Ադրբեջան հարաբերությունները վերջին շրջանում լարված են։ Նախ Իրանի Իսլամական Հանրապետության հետախուզության նախարարությունը հայտարարեց, որ Շիրազ քաղաքի Շահ Չըրաղ դամբարանում ահաբեկչական գործողությունը կազմակերպողների թվում Ադրբեջանի քաղաքացի կամ քաղաքացիներ կան: Այնուհետև Բաքուն պնդեց, որ Նախիջևանում «սադրիչները» Իրանին միանալու մասին Թեհրանին ուղղված խնդրանքներ են տարածում։ Ավելի ուշ՝ նոյեմբերի 10-ին էլ Իրանում Ադրբեջանի դեսպան Ալի Ալիզադեն կանչվեց Իրանի ԱԳՆ. նրան բողոքի նոտա էր փոխանցվել հակաիրանական քարոզչության համար։ Ապա Իրանի դեսպան Սեյիդ Աբբաս Մուսավին կանչվեց Ադրբեջանի արտաքին գործերի նախարարություն, որտեղ իրանական կողմին ներկայացվեց Բաքվի մտահոգությունը՝ կապված Իրանի բարձրաստիճան քաղաքական և ռազմական գործիչների կողմից հակաադրբեջանական քարոզչության, զրպարտչական արշավի, սպառնալից հռետորաբանության հետ։ Ավելի ուշ Ադրբեջանի պետական անվտանգության ծառայությունը հաղորդագրություն տարածեց, որ հայտնաբերել է Իրանի հատուկ ծառայությունների ստեղծած լրտեսական ցանց ու հայտարարեցին, թե Իրանի հատուկ ծառայությունները ակտիվ հետախուզական գործողություններ են իրականացնում Ադրբեջանի դեմ։ 
12:33 - 29 նոյեմբերի, 2022
Փոխվարչապետ Մհեր Գրիգորյանն ընդունել է Իրանի դեսպանին

Փոխվարչապետ Մհեր Գրիգորյանն ընդունել է Իրանի դեսպանին

Փոխվարչապետ Մհեր Գրիգորյանն ընդունել է Հայաստանում Իրանի Իսլամական Հանրապետության դեսպան Աբաս Բադախշան Զոհուրիին: Ողջունելով դեսպանին՝ փոխվարչապետը կարևորել է բարեկամ Իրանի հետ հարաբերությունների զարգացումը և շնորհակալություն հայտնել Հայաստանի ինքնիշխան տարածքի նկատմամբ Ադրբեջանի ծավալած ագրեսիայի վերաբերյալ Իրանի կողմից հնչեցված հասցեական հայտարարությունների համար: Հանդիպման ընթացքում քննարկվել են երկկողմ օրակարգի առանցքային հարցերը, մասնավորապես համագործակցությունը էներգետիկայի և տրանսպորտի ոլորտներում: Առանձնակի շեշտվել է տարածաշրջանային տրանսպորտային կապերի հնարավոր ապաշրջափակման պարագայում Հայաստանի և Իրանի միջև երկաթգծի գործարկման կարևորությունը և դրա ներքո համագործակցության ընդլայնման հեռանկարները: Պայմանավորվածություն է ձեռք բերվել առաջիկայում Իրանում կազմակերպել Հայ-իրանական միջկառավարական հանձնաժողովի 17-րդ նիստի փոխըմբռնման հուշագրի կետերի կատարման ընթացքին հետևող հանձնախմբի նիստը, որի ընթացքում առավել մանրամասն կքննարկվեն երկկողմ հետաքրքրություն ներկայացնող հարցերը: 
13:38 - 25 նոյեմբերի, 2022
Ալիևի կարծիքով՝ Իրանը չի արգելափակի, այսպես կոչված, «Զանգեզուրի միջանցք»-ի բացումը

Ալիևի կարծիքով՝ Իրանը չի արգելափակի, այսպես կոչված, «Զանգեզուրի միջանցք»-ի բացումը

«Զանգեզուրի միջանցք»-ն ուղղված չէ որևէ մեկի դեմ, հակառակը՝ այն կծառայի ի շահ բոլոր շահագրգիռ կողմերի։ Այս մասին, ադրբեջանական լրատվամիջոցների փոխանցմամբ, ասել է Ադրբեջանի նախագահ Իլհամ Ալիևը։ «Զանգեզուրի միջանցքի մասին հարցը իմ վերջին զրույցի ժամանակ քննարկել ենք ռուս պաշտոնյաների հետ։ Չեմ կարծում, որ Հայաստանն ի վիճակի է արգելափակել այս միջանցքը։ Ինչ վերաբերում է Իրանին, ապա կարծում եմ, որ Իրանը նույնպես դա չի անի՝ հաշվի առնելով իր հետաքրքրությունը տարածաշրջանային հաղորդակցության նախագծերում։ Այդ նախագծերն ուղղված չեն որեւէ մեկի դեմ, այլ ընդհակառակը, կծառայեն միայն ի շահ բոլոր շահագրգիռ կողմերի»,- ասել է Ալիևը։ Նշենք, որ Իրանի բարձրաստիճան պաշտոնյանները բազմիցս ընդգծել են տարածաշրջանում երկրների տարածքային ամբողջականության եւ միջազգայնորեն ճանաչված սահմնանների անխախտելիության կարևորությունը, ինչպես նաև նշել, որ տարածաշրջանում աշխարհաքաղաքական ցանկացած փոփոխություն կբախվի Իրանի լուրջ արձագանքին։ Հիշեցնենք, որ երեկ Ադրբեջանում Իլհամ Ալիևի հետ հանդիպում է ունեցել Հայաստանի և Ադրբեջանի հարաբերությունների կարգավորման հարցով ՌԴ ԱԳՆ հատուկ ներկայացուցիչ Իգոր Խովաևը։  Ըստ Ադրբեջանի նախագահի աշխատակազմի հաղորդագրության՝ տեղի է ունեցել մտքերի փոխանակում Հայաստանի և Ադրբեջանի հարաբերությունների կարգավորման բանակցային գործընթացի, խաղաղության պայմանագրի պատրաստման շուրջ։ Ալիևը նշել է, թե, իբր, հայկական կողմը չի կատարում 2020 թվականի նոյմեբերի 9-ի եռակողմ համաձայնությամբ ստանձնած պարտավորությունները։ Մինչ այդ, Իգոր Խովաևը եղել էր Հայաստանում, որտեղ հանդիպումներ էր ունեցել ՀՀ վարչապետ Նիկոլ Փաշինյանի, ԱԳ նախարար Արարատ Միրզոյանի հետ։   
11:57 - 25 նոյեմբերի, 2022
ՄԱԿ-ը Իրանում մարդու իրավունքների խախտումները հետաքննող առաքելություն է ստեղծել․ Հայաստանը դեմ է քվեարկել նախագծին

ՄԱԿ-ը Իրանում մարդու իրավունքների խախտումները հետաքննող առաքելություն է ստեղծել․ Հայաստանը դեմ է քվեարկել նախագծին

ՄԱԿ-ի մարդու իրավունքների խորհուրդը 35-րդ հատուկ նիստի ժամանակ որոշում է կայացրել ստեղծելու նոր փաստահավաք առաքելություն, որը կհետաքննի Իրանի Իսլամական Հանրապետությունում մարդու իրավունքների խախտումները՝ կապված երկրում սեպտեմբերի 16-ին մեկնարկած և ցայսօր շարունակվող բողոքի ակցիաների հետ։ Այս մասին տեղեկանում ենք կազմակերպության թվիթերյան գրառումից։ Ըստ հրապարակված տվյալների՝ քվեարկությանը 47 երկրից մասնակցել է 31-ը, որոնցից կողմ են քվեարկել 25-ը, դեմ՝ 6-ը։ Դեմ քվեարկող երկրներն են Հայաստանը, Չինաստանը, Կուբան, Էրիթրեան, Պակիստանը և Վենեսուելան։ Նշենք, որ Iran Human Rights իրավապաշտպան կազմակերպության տվյալներով Իրանում այս տարվա սեպտեմբեր ամսից սկսված ցույցերի ընթացքում ոստիկանների հետ բախումներում զոհվել է առնվազն 304 մարդ, զոհերի թվում կան 41 երեխա և 24 կին։ 
11:09 - 25 նոյեմբերի, 2022
Բաքվում Իրանին մեղադրել են Ադրբեջանի դեմ ակտիվ հետախուզական գործողություններ իրականացնելու մեջ

Բաքվում Իրանին մեղադրել են Ադրբեջանի դեմ ակտիվ հետախուզական գործողություններ իրականացնելու մեջ

Իրանի հատուկ ծառայությունները ակտիվ հետախուզական գործողություններ են իրականացնում Ադրբեջանի դեմ։  Այս մասին, ինչպես փոխանցում է ադրբեջանական APA գործակալությունը, ասել է Ադրբեջանի պետական անվտանգության ծառայության ղեկավարի առաջին խորհրդական, գեներալ-լեյտենանդ Ջեյհուն Շադլինսկին։ Նա ընդգծել է այս ուղղությամբ անհրաժեշտ միջոցառումներ են ձեռնարկվել։ Նշենք, որ Իրան-Ադրբեջան հարաբերությունները վերջին շրջանում լարված են։ Իրանի Իսլամական Հանրապետության հետախուզության նախարարությունը հայտարարեց, որ Շիրազ քաղաքի Շահ Չըրաղ դամբարանում ահաբեկչական գործողությունը կազմակերպողների թվում Ադրբեջանի քաղաքացի կամ քաղաքացիներ կան: Այնուհետև Բաքուն պնդեց, որ Նախիջևանում «սադրիչները» Իրանին միանալու մասին Թեհրանին ուղղված խնդրանքներ են տարածում։ Ավելի ուշ՝ նոյեմբերի 10-ին էլ Իրանում Ադրբեջանի դեսպան Ալի Ալիզադեն կանչվեց Իրանի ԱԳՆ. նրան բողոքի նոտա էր փոխանցվել հակաիրանական քարոզչության համար։ Ապա Իրանի դեսպան Սեյիդ Աբբաս Մուսավին կանչվեց Ադրբեջանի արտաքին գործերի նախարարություն։ ԱԳՆ-ն նշեց․ «Հանդիպման ընթացքում հնչեցվել է դժգոհություն և իրանական կողմին է ներկայացվել Բաքվի մտահոգությունը՝ կապված Իրանի բարձրաստիճան քաղաքական և ռազմական գործիչների կողմից հակաադրբեջանական քարոզչության, զրպարտչական արշավի, սպառնալից հռետորաբանության հետ, որը չի համապատասխանում երկու երկրների հարաբերություններին հռետորաբանությանը»։ Ավելի ուշ Ադրբեջանի պետական անվտանգության ծառայությունը հաղորդագրություն տարածեց, որ հայտնաբերել է Իրանի հատուկ ծառայությունների ստեղծած լրտեսական ցանց։  Իրանի ԱԳՆ խոսնակ Նասեր Քանանին անդրադառնալով Ադրբեջանից հնչող հակաիրանական հայտարարություններին ասել էր, թե Իրանի համբերությունը չպետք է շփոթել թուլության հետ։ «Ոչ ոք չպետք է մեկնաբանի Իրանի համբերությունը որպես թուլություն. տարածաշրջանի երկրների պատմությունը պարզ է ու խոսուն, այն չի կարելի խեղաթյուրել, պատմությունն ավելի լավ է ճիշտ կարդալ։ Մեր քաղաքականությունը մեր հարևանների հետ հարաբերություններում բարիդրացիական լինելն է, Իրանի ու նրա հարևանների միջև հարգանքն ու եղբայրական կապերը պահպանելը, հատկապես՝ Ադրբեջանի երկրի և ժողովրդի հետ»։
11:05 - 24 նոյեմբերի, 2022
Հայաստանն ու Ադրբեջանը մեր հարևաններն են, մենք երբեք չենք կարգավորել հարաբերությունները մի կողմի հետ՝ մյուսի հաշվին. Իրանի արտգործնախարար
 |tert.am|

Հայաստանն ու Ադրբեջանը մեր հարևաններն են, մենք երբեք չենք կարգավորել հարաբերությունները մի կողմի հետ՝ մյուսի հաշվին. Իրանի արտգործնախարար |tert.am|

tert.am: Իրանի արտգործնախարար Հոսեյն Ամիր Աբդոլլահիանը մամուլի ասուլիսի ընթացքում անդրադարձել է Նիկոլ Փաշինյանի՝ Իրան կատարած այցին և դրան ադրբեջանական կողմի արձագանքին: «Հայաստանն ու Ադրբեջանը մեր հարեւաններն են, և մենք երբեք չենք կարգավորել հարաբերությունները մի կողմի հետ՝ մյուսի հաշվին։ Ելնելով փոխադարձ շահերից՝ մենք առաջնահերթ ենք համարում բոլոր հարևանների հետ հարաբերությունների զարգացումը»,- ասել է Աբդոլլահիանը։ Նա ընդգծել է, որ Իրանը տարածքային հավակնություններ չունի հարևան երկրներից որևէ մեկի, այդ թվում՝ Ադրբեջանի նկատմամբ, սակայն Թեհրանը հասկացրել է, որ տարածաշրջանում աշխարհաքաղաքական ցանկացած փոփոխություն կբախվի Իրանի լուրջ արձագանքին։ «Տարածաշրջանի պաշտոնյաները մեզ վստահեցրել են, որ իրենք նման մոտեցում չունեն և պետք չէ մտահոգվել։ Մենք շարունակում ենք մեր հարաբերությունները Ադրբեջանի և մյուս հարևանների հետ՝ բարիդրացիության և եղբայրության սկզբունքների հիման վրա»,- հավելել է Իրանի ԱԳՆ ղեկավարը։
18:39 - 23 նոյեմբերի, 2022
Սիրիայում Իրանի Իսլամական հեղափոխության պահապանների կորպուսի գնդապետ է սպանվել
 |azatutyun.am|

Սիրիայում Իրանի Իսլամական հեղափոխության պահապանների կորպուսի գնդապետ է սպանվել |azatutyun.am|

azatutyun.am: Սիրիայում սպանվել է Իրանի Իսլամական հեղափոխության պահապանների կորպուսի գնդապետ Դավուդ Ջաֆարին: Այս մասին տեղեկանում ենք «Իսլամական հեղափոխության պահապանների կորպուս»-ի (ԻՀՊԿ) պաշտոնական հաղորդագրությունից։ Սիրիայում իրանցի բարձրաստիճան պաշտոնյայի մահվան համար Թեհրանը մեղադրում է Իսրայելին: «Հեղափոխության պահապանների կորպուսի օդատիեզերական ուժերի ավագ սպա, գնդապետ Դավուդ Ջաֆարին, ով Սիրիայում ռազմական խորհրդական էր աշխատում, երեքշաբթի առավոտյան զոհվել է Դամասկոսի մոտ ռումբի պայթյունի հետևանքով, որն իրականացրել են Իսրայելի գործակալները», - ըստ իրանական լրատվամիջոցների՝ ասվում է պաշտոնական հաղորդագրությունում։ԻՀՊԿ-ն հայտարարել է, որ Իսրայելը «պատասխան կտա այդ հանցագործության համար»։
17:33 - 23 նոյեմբերի, 2022
Սյունիքի մարզի նկատմամբ որևէ պետություն չպետք է ունենա որևէ նկրտում․ ՀՀ-ում Իրանի դեսպանը՝ ՀՀ գլխավոր դատախազին

Սյունիքի մարզի նկատմամբ որևէ պետություն չպետք է ունենա որևէ նկրտում․ ՀՀ-ում Իրանի դեսպանը՝ ՀՀ գլխավոր դատախազին

Հայաստանի Հանրապետության գլխավոր դատախազ Աննա Վարդապետյանը նոյեմբերի 22-ին ընդունել է ՀՀ-ում Իրանի Իսլամական Հանրապետության արտակարգ և լիազոր դեսպան Աբբաս Բադախշան Զոհուրիի գլխավորած պատվիրակությանը: Այս մասին հայտնում են Գլխավոր դատախազությունից։  Աննա Վարդապետյանը բարձր է գնահատել դիվանագիտական հարաբերությունների հարուստ փորձառության հիման վրա երկու երկրների իրավապահ կառույցների միջև առկա համագործակցությունը և վստահեցրել է, որ երկուստեք արդյունավետ աշխատանքի հիման վրա այն կընդլայնվի և նոր որակ ձեռք կբերի: Դեսպանը շնորհակալություն է հայտնել ՀՀ գլխավոր դատախազին հանդիպման հնարավորության համար և ընդգծել, որ Իրանի ու Հայաստանի միջև 3000-ամյա պատմամշակութային ամուր կապերը լավ հիմք են բոլոր ուղղություններով հարաբերությունների զարգացման համար, ինչն ականառու է հատկապես վերջին երկու տարիների ընթացքում: Այս համատեքստում դեսպան Զոհուրին ընդգծել է, որ Իրանի համար հարևան երկիր Հայաստանի հետ հարաբերությունները առաջնահերթություն են, որի փոխադարձ լինելը հաստատված է նաև երկու երկրների ղեկավարությունների կողմից: Ի պատասխան Աննա Վարդապետյանի՝ Սյունիքում Իրանի գլխավոր հյուպատոսություն բացելու վերաբերյալ բարձր գնահատականի, դեսպան Զոհուրին վերահաստատել է Իրանի համար Հայաստանի Սյունիքի մարզի կարևորությունն ու ընդգծել, որ մարզի նկատմամբ որևէ պետություն չպետք է ունենա որևէ նկրտում: Հանդիպման ընթացքում Հայաստանի գլխավոր դատախազը և Հայաստանում Իրանի դեսպանը անդրադարձ են կատարել փոխադարձ հետաքրքրություն ներկայացնող մի շարք հարցերի, որոնք հիմնականում վերաբերել են դատապարտյալների արտահանձնմանն ու քրեական գործերով իրավական օգնությանը, թմրամիջոցների ապօրինի շրջանառության դեմ պայքարի հարցերով արդյունավետ ու օպերատիվ փոխգործակցությանը:
16:26 - 22 նոյեմբերի, 2022
ԱԳ նախարարի տեղակալը Իրանում ներկայացրել է հայ-ադրբեջանական հարաբերությունների կարգավորման վերաբերյալ հայկական կողմի դիրքորոշումը

ԱԳ նախարարի տեղակալը Իրանում ներկայացրել է հայ-ադրբեջանական հարաբերությունների կարգավորման վերաբերյալ հայկական կողմի դիրքորոշումը

Նոյեմբերի 20-ին Թեհրանում ՀՀ ԱԳ նախարարի տեղակալ Մնացական Սաֆարյանի և ԻԻՀ ԱԳ նախարարի տեղակալ Ալի Բաղերի Քանիի գլխավորությամբ կայացել են Հայաստանի և Իրանի ԱԳ նախարարությունների հերթական քաղաքական խորհրդակցությունները։ ՀՀ ԱԳ նախարարի տեղակալ Մնացական Սաֆարյանի գլխավորած պատվիրակությանն ընդունել է նաև ԻԻՀ ԱԳ նախարար Հոսեյն Ամիր Աբդոլլահիանը։ Կողմերը քննարկել են Հայաստանի և Իրանի միջև վերջին շրջանի ակտիվ փոխգործակցության, ձեռք բերված պայմանավորվածությունների իրականացման ընթացքի, քաղաքական, առևտրատնտեսական և տարածաշրջանային անվտանգության ապահովման, բազմակողմ հարթակներում համագործակցության մի շարք հարցեր։ Երկկողմ առևտրատնտեսական նախագծերի իրականացման և հնարավոր այլ ոլորտներում փոխշահավետ գործակցության շուրջ մտքեր են փոխանակվել նաև ԻԻՀ ԱԳ նախարարի տնտեսական հարցերով տեղակալ Մեհդի Սաֆարիի հետ։ Խորհրդակցությունների ժամանակ Մնացական Սաֆարյանը ներկայացրել է, Հայաստանի և Ադրբեջանի միջև հարաբերությունների կարգավորման, Լեռնային Ղարաբաղի հակամարտության հանգուցալուծման վերաբերյալ հայկական կողմի դիրքորոշումները:
18:19 - 21 նոյեմբերի, 2022
Իրանը հյուսիս-արևմուտքում ուժեղացնում է ուժերը՝ «տարածաշրջանում անջատողական խմբավորումների տեղաշարժերին դիմակայելու համար»
 |tert.am|

Իրանը հյուսիս-արևմուտքում ուժեղացնում է ուժերը՝ «տարածաշրջանում անջատողական խմբավորումների տեղաշարժերին դիմակայելու համար» |tert.am|

tert.am: Իսլամական հեղափոխության պահապանների կորպուսը (ԻՀՊԿ) տարածել է հայտարարություն, ըստ որի՝ ուժեղացնում է իր ուժերը Իրանի հյուսիս-արևմտյան շրջանում՝ տարածաշրջանում անջատողական ահաբեկչական խմբավորումների տեղաշարժերին դիմակայելու համար: Այս մասին գրում է mehrnews.com-ը:«Հետևելով երկրի հյուսիս-արևմուտքում չարագործների և հակաիրանական անջատողական ահաբեկչական խմբավորումների տեղաշարժերին և որոշ շրջաններում չարության և անապահովության ստեղծմանը` ԻՀՊԿ-ի ցամաքային ուժերի «Համզե Սեյեդ ալ Շոհադա» բազան, ամրապնդելով սեփական ուժերն առաքելության աշխարհագրության շրջանակում և օգտվելով տեղի քաջարի ժողովրդի համագործակցությունից, ձեռնամուխ է լինում տարածաշրջանում անապահովության գործոններին վճռականորեն դիմակայելուն», - ասվում է  «Համզե Սեյեդ ալ Շոհադա» բազայի հայտարարության մեջ:Դրանում նաև նշվում է, որ իրանցի ազգի թշնամիները բազմիցս զգացել են, որ Իսլամական հեղափոխության պահապանների կորպուսի խիզախ ուժերը տարածաշրջանի քաջարի ժողովրդի հետ չեզոքացրել են համաշխարհային ամբարտավանության վարձկան խմբերի դավադրությունները և պաշտպանել կայուն անվտանգությունն ու կայունությունը։
12:39 - 21 նոյեմբերի, 2022