Օլաֆ Շոլց

Օլաֆ Շոլցը Գերմանիայի կալնցլերն է։ Այդ պաշտոնը զբաղեցնում է 2021 թվականից։

Պուտինը Շոլցի հետ զրույցում ընդգծել է՝ Կիևի ռեժիմն ամեն կերպ փորձում է հետաձգել բանակցային գործընթացը՝ առաջ քաշելով ավելի ու ավելի անիրատեսական առաջարկներ

Պուտինը Շոլցի հետ զրույցում ընդգծել է՝ Կիևի ռեժիմն ամեն կերպ փորձում է հետաձգել բանակցային գործընթացը՝ առաջ քաշելով ավելի ու ավելի անիրատեսական առաջարկներ

Գերմանական կողմի նախաձեռնությամբ կանցլեր Օլաֆ Շոլցն ու Ռուսաստանի նախագահ Վլադիմիր Պուտինը հեռախոսազրույց են ունեցել։ Այս մասին հայտնում է Կրեմլի մամուլի ծառայությունը։  «Շարունակվել է Ուկրաինայում ստեղծված իրավիճակի շուրջ քննարկումը։ Ռուսաստանի նախագահը ուշադրություն է հրավիրել Դոնեցկի և Մակիիվկայի բնակելի թաղամասերի վրա ուկրաինական ուժայինների հրթիռակոծությունների վրա, որոնք հանգեցրել են մեծ զոհերի»։  Կրեմլի պնդմամբ՝ «այս պատերազմական հանցագործությունները անտեսվել են Արևմուտքում»։ «Վլադիմիր Պուտինը ներկայացրել է իր գնահատականները Ռուսաստանի և Ուկրաինայի ներկայացուցիչների միջև ընթացող բանակցությունների վերաբերյալ։ Ընդգծվել է, որ Կիևի ռեժիմն ամեն կերպ փորձում է հետաձգել բանակցային գործընթացը՝ առաջ քաշելով ավելի ու ավելի անիրատեսական առաջարկներ։ Այդուհանդերձ, ռուսական կողմը պատրաստ է, իր հայտնի սկզբունքային մոտեցումներին համահունչ, շարունակել լուծումների որոնումը»,- նշվում է հաղորդագրության մեջ։ Կրեմլի փոխանցմամբ՝ Պուտինը նաև նշել է, որ ռուսական ԶՈՒ-ն անում է հնարավոր ամեն բան խաղաղ բնակիչների կյանքերը փրկելու համար, այդ թվում՝ բնակչության տարհանման համար «անվտանգ միջանցքներ» է ապահովում։  Գերմանիայի կառավարության խոսնակն էլ, «Reuters»-ի փոխանցմամբ, հայտնել է, որ Շոլցը զրույցի ընթացքում Պուտինին հրադադար հաստատելու կոչ է արել։ Շոլցը նաև ընդգծել է, որ հումանիտար իրավիճակը պետք է բարելավվի, և հնարավորինս շուտ դիվանագիտական լուծում գտնելու ուղղությամբ առաջընթաց պետք է գրանցվի։
14:45 - 18 մարտի, 2022
Զելենսկու խոսքով՝  «Եվրոպայի մեջտեղում՝ ազատության և անազատության միջև, նոր պատ է առաջացել», որի կառուցմանը նպաստել է Գերմանիան

Զելենսկու խոսքով՝  «Եվրոպայի մեջտեղում՝ ազատության և անազատության միջև, նոր պատ է առաջացել», որի կառուցմանը նպաստել է Գերմանիան

Ուկրաինայի նախագահ Վլադիմիր Զելենսկին Գերմանիայի Բունդեսթագում ելույթ ունենալիս հիշել է Բեռլինի պատի փլուզումը։ Նա Գերմանիայի կանցլեր Օլաֆ Շոլցին հորդորել է քանդել, ինչպես ինքն է աում, «ազատ և անազատ» Եվրոպայի միջև պատն ու դադարեցնել պատերազմն Ուկրաինայում։ Այս մասին հայտնում է «Reuters»-ը։ Զելենսկու խոսքով՝  «Եվրոպայի մեջտեղում՝ ազատության և անազատության միջև, նոր պատ է առաջացել», որի կառուցմանը նպաստել է Գերմանիան՝ մեկուսացնելով Ուկրաինային Ռուսաստանի հետ իր բիզնես կապերով և «Հյուսիսային հոսք 2» գազատարին նախկինում աջակցելով։ Բունդեսթագում Զելենսկուն ողջունել են բուռն ծափահարություններով։ Հիշեցնենք, որ Գերմանիան անցյալ ամիս դադարեցրել էր «Հյուսիսային հոսք 2» գազատարի նախագիծը, որով կրկնապատկվելու էր ռուսական գազի ուղիղ հոսքը դեպի Գերմանիա: 
16:06 - 17 մարտի, 2022
Թուրքիան զգալի առաջընթաց է գրանցել ՌԴ-ի և Ուկրաինայի մերձեցման և երկխոսության հաստատման գործում․ Էրդողան

Թուրքիան զգալի առաջընթաց է գրանցել ՌԴ-ի և Ուկրաինայի մերձեցման և երկխոսության հաստատման գործում․ Էրդողան

Մեր տարածաշրջանում տեղի ունեցած վերջին զարգացումները ապացուցեցին, որ Թուրքիան առանցքային դերակատարում ունի բազմաթիվ ոլորտներում, հատկապես անվտանգության և էներգետիկայի ոլորտներում։ Այս մասին Թուրքիայի նախագահ Էրդողանը ընդգծել է իր հայտարարությունների ընթացքում, որոնք արել է Գերմանիայի Դաշնային Հանրապետության կանցլեր Շոլցի հետ համատեղ ասուլիսի ընթացքում, հայտնում է Թուրքիայի նախագահի աշխատակազմը։  «Նախագահ Էրդողանն իր ելույթում նշել է, որ Գերմանիայի Դաշնային Հանրապետության կանցլեր Շոլցն իր առաջին պաշտոնական այցն է կատարել Թուրքիա, որի ընթացքում ընդգծել է, որ թուրք-գերմանական հարաբերությունների չափերն ու ինտենսիվությունը, որոնք չափազանց դինամիկ են և ամուր, անզուգական են։ Նշելով, որ հիմնականում քննարկվել են Ուկրաինայի և Ռուսաստանի համատեքստում զարգացումները, ինչպես նաև երկկողմ հարաբերությունները՝ նախագահ Էրդողանն ասել է. «Որպես ՆԱՏՕ-ի երկու դաշնակիցներ՝ մենք հաստատել ենք, որ ունենք ընդհանուր տեսակետներ և մտահոգություններ։ Եվրոպական անվտանգության համար անհրաժեշտ միջոցներ ձեռնարկելիս մենք պայմանավորվեցինք, որ լուծման ուղղությամբ դիվանագիտական ​​ջանքերը պետք է արագացվեն»,- ասել է Էրդողանը։ Շեշտելով, որ Թուրքիան զգալի առաջընթաց է գրանցել կողմերի մերձեցման և երկխոսության հաստատման գործում, Էրդողանն ասել է. «Մեր ջանքերի արդյունքում Անթալիայում իմ արտգործնախարարի մասնակցությամբ հանդիպեցին Ռուսաստանի և Ուկրաինայի արտգործնախարարները։ Նույնիսկ այս հանդիպման կազմակերպումը այնպիսի միջավայրում, որտեղ պատերազմը շարունակվում է, դիվանագիտության արձանագրության մեջ կարևոր հաջողություն է։ Մենք առանց վարանելու կշարունակենք մեր ջանքերը՝ մշտական ​​հրադադարի հաստատման ուղղությամբ»,- ասել է Էրդոողանը։  
20:45 - 14 մարտի, 2022
Պուտինը, Մակրոնը և Շոլցը հեռախոսազրույց են ունեցել. ղեկավարները որոշել են շարունակել շփումները Ուկրաինայի հարցով

Պուտինը, Մակրոնը և Շոլցը հեռախոսազրույց են ունեցել. ղեկավարները որոշել են շարունակել շփումները Ուկրաինայի հարցով

Տեղի է ունեցել ՌԴ նախագահ Վլադիմիր Պուտինի, Ֆրանսիայի նախագահ Էմանուել Մակրոնի և Գերմանիայի կանցլեր Օլաֆ Շոլցի հեռախոսազրույցը։ Այս մասին հայտնում է Կրեմլի մամուլի ծառայությունը, հաղորդում է «ՏԱՍՍ»-ը։ «Պուտինն ասել է, որ Ուկրաինայի ազգայնական գումարտակները համակարգված կերպով խափանում են բնակչության փրկության գործողությունը։ Պուտինը Մակրոնին և Շոլցին ներկայացրել է Ուկրաինայի անվտանգության ուժերի կողմից միջազգային մարդասիրական իրավունքի կոպիտ խախտման բազմաթիվ փաստեր։ Ղեկավարները քննարկել են Ուկրաինայի վերաբերյալ Ռուսաստանի Դաշնության պահանջների կատարման շուրջ մշակվող համաձայնագրերին առնչվող  հարցեր։ ՌԴ նախագահը Մակրոնին և Շոլցին կոչ է արել ազդել Կիևի իշխանությունների վրա՝ Ուկրաինայի ազգայնական գումարտակների «հանցավոր» գործողությունները դադարեցնելու համար»,-նշված է Կրեմլի մամուլի ծառայության հաղորդագրության մեջ։ Պուտինը մանրամասն անդրադարձել է ռուս-ուկրաիանական բանակցությունների փուլերին։ Ղեկավարները որոշել են շարունակել շփումները Ուկրաինայի հարցով։
18:12 - 12 մարտի, 2022
Պուտինն ու Շոլցը քննարկել են քաղաքական և դիվանագիտական ​​ջանքերի տարբերակները՝ Ուկրաինայի շուրջ ստեղծված իրավիճակի համատեքստում

Պուտինն ու Շոլցը քննարկել են քաղաքական և դիվանագիտական ​​ջանքերի տարբերակները՝ Ուկրաինայի շուրջ ստեղծված իրավիճակի համատեքստում

Ռուսաստանի նախագահ Վլադիմիր Պուտինը և Գերմանիայի կանցլեր Օլաֆ Շոլցը հեռախոսազրույց են ունեցել։ Կողմերը քննարկել են քաղաքական և դիվանագիտական ​​ջանքերի տարբերակները՝ Ուկրաինայի  շուրջ ստեղծված իրավիճակի համատեքստում։ ՏԱՍՍ-ի փոխանցմամբ՝ այս մասին հայտնում է Կրեմլի մամուլի ծառայությունը։ «Դոնբասի պաշտպանության հատուկ ռազմական գործողության շուրջ իրավիճակի զարգացման համատեքստում քննարկվել են քաղաքական և դիվանագիտական ​​ջանքերի տարբերակները, մասնավորապես՝ Ռուսաստանի պատվիրակության և Կիևի իշխանությունների ներկայացուցիչների միջև բանակցությունների երրորդ փուլի արդյունքները»,- հայտնում են Կրեմլի մամուլի ծառայությունից։ Քաղաքացիական բնակչության տարհանում «Պուտինը Շոլցին ներկայացրել է Ուկրաինայում ազգայնականների կողմից խաղաղ բնակչության անվտանգ տարհանումը կանխելու փորձերի մասին։ Հատկապես ուշադրություն է դարձվել Ուկրաինայի և Դոնբասի հանրապետություններում իրավիճակի հումանիտար ասպեկտներին: Ռուսաստանի նախագահը տեղեկացրել է բախումների վայրերից խաղաղ բնակչությանը տարհանելու համար մարդասիրական միջանցքների կազմակերպման և ազգայնական կազմավորումների՝ մարդկանց անվտանգ տարհանումը խափանելու փորձերի մասին»,- ասվում է հաղորդագրության մեջ։  
19:52 - 09 մարտի, 2022
ԱՄՆ-ի, Գերմանիայի, Ֆրանսիայի և Մեծ Բրիտանիայի ղեկավարները հայտարարել են Կիևին հետագա օգնություն ցուցաբերելու իրենց հանձնառության մասին

ԱՄՆ-ի, Գերմանիայի, Ֆրանսիայի և Մեծ Բրիտանիայի ղեկավարները հայտարարել են Կիևին հետագա օգնություն ցուցաբերելու իրենց հանձնառության մասին

ԱՄՆ նախագահ Ջո Բայդենը, Ֆրանսիայի նախագահ Էմանուել Մակրոնը, Գերմանիայի կանցլեր Օլաֆ Շոլցը և Մեծ Բրիտանիայի վարչապետ Բորիս Ջոնսոնը երկուշաբթի օրը տեսակոնֆերանսի միջոցով խորհրդակցությունների ժամանակ հայտարարել են Կիևին հետագա օգնություն ցուցաբերելու իրենց  հանձնառության մասին, այդ թվում՝ ռազմական: Այս մասին բանակցություններից հետո հայտնել է Սպիտակ տան մամուլի ծառայությունը։ «Ղեկավարները վերահաստատել են իրենց վճռականությունը՝ շարունակելու Ռուսաստանի Դաշնության համար մեծացնել պետական ծախսերը՝ կապված Ուկրաինայում նրա հատուկ ռազմական գործողության հետ։   Նրանք նաև ընդգծել են Ուկրաինային տնտեսական, հումանիտար և անվտանգության ոլորտում աջակցություն ցուցաբերելու իրենց հանձնառությունը։ Բացի այդ, ղեկավարներրը քննարկել են իրենց վերջին հաղորդակցությունները Ուկրաինայի և Ռուսաստանի նախագահների հետ»:     
23:53 - 07 մարտի, 2022
 Պուտինը Շոլցի հետ զրույցում ընդգծել է, որ Ուկրաինայում ռազմական հատուկ գործողության նպատակներն ու խնդիրներն անպայման կիրագործվեն

Պուտինը Շոլցի հետ զրույցում ընդգծել է, որ Ուկրաինայում ռազմական հատուկ գործողության նպատակներն ու խնդիրներն անպայման կիրագործվեն

ՌԴ նախագահ Վլադիմիր Պուտինի եւ Գերմանիայի կանցլեր Օլավ Շոլցի միջեւ հեռախոսազրույցը Բեռլինի նախաձեռնությամբ է կայացել։ Կրեմլի մամուլի ծառայության հաղորդագրության մեջ ասվում է, որ Շոլցն իր մտահոգությունն է հայտնել Ուկրաինայի տարածում ռուս եւ ուկրաինացի զինվորականների ակտիվ ռազմական գործողությունների, կողմերի ռազմական կորուստների եւ խաղաղ բնակիչների շրջանում զոհերի առնչությամբ։ Ի պատասխան՝ Պուտինը հիշեցրել է, որ Արեւմուտքն ութ տարվա ընթացքում աչք է փակել Դոնբասում մոտ 14 հազար մարդկանց, այդ թվում՝ երեխաների մահվան վրա, այն ցեղասպանության վրա, որը Կիեւն իրագործել է հարավ-արեւելքի բնակիչների նկատմամբ։ Ռուսաստանի ղեկավարն ընդգծել է, որ Ուկրաինայում ռազմական հատուկ գործողության նպատակներն ու խնդիրներն անպայման կիրագործվեն։ Միեւնույն ժամանակ Պուտինն ընդգծել է, որ Կիեւում եւ այլ խոշոր քաղաքներում իբրեւ թե գնդակոծությունների մասին տեղեկատվական լցոնումները քարոզչական կոպիտ կեղծիքներ են։ Բացի դրանից՝ ՌԴ նախագահն իր զրուցակցին տեղեկացրել է, որ Ուկրաինայում հիմնական վտանգը գալիս է նեոնացիստների զինված կազմավորումներից, որոնք ռազմական հանցագործություններ են կատարում, կիրառում են ահաբեկչական մեթոդներ, բնակելի թաղամասերում տեղակայում են հարվածային զենքեր եւ խաղաղ բնակչությանն օգտագործում որպես վահան՝ ցինիկաբար թաքնվելով նրանց հետեւում։ Նախագահը նշել է, որ նման դեպքերն ավելի են շատանում։ Իսկ պաշտոնական Կիեւը, ընդգծել է Պուտինը, չի կատարում այդ բարբարոսությունը դադարեցնելու իր խոստումը։ Պուտինի խոսքով՝ ռադիկալներն ավելի քան 6 հազար օտարերկրյա քաղաքացիների պատանդ են վերցրել, մեծ մասամբ ուսանողների։ՌԴ նախագահն ասել է, որ նրանք օտարերկրացիներին օգտագործում են որպես կենդանի վահան եւ զենքի օգնությամբ կանխում երկիրը լքելու նրանց փորձերը։ Պուտինը որպես ահավոր փաստ՝ հիշատակել է Սումի քաղաքում օտարերկրյա ուսանողների հանրակացարանի գնդակոծությունը նեոնացիստների կողմից։ Նա նշել է, որ այդ գնդակոծության հետեւանքով վիրավորներ կան։ Նախագահ Պուտինը Շոլցին խնդրել է օգտագործել իր ազդեցությունը Կիեւի իշխանությունների վրա՝ օտարերկրացիների շուտափույթ ազատմանն ու նրանց անվտանգ տարհանմանը հասնելու համար։ Բացի դրանից, շարունակել է Պուտինը, Ուկրաինայում ավելի հաճախ է արձանագրվում վարձկանների հայտնվելը այլ երկրներից, օրինակ՝ մարտիկներ Ալբանիայից, Խորվաթիայից, Կոսովոյից եւ մարտական փորձ ունեցողներ՝ Սիրիայից։ Պուտինն ու Շոլցը հույս են հայտնել, որ Կիեւի ներկայացուցիչները բանակցությունների երրորդ փուլում խելամիտ եւ կառուցողական դիրքորոշում կունենան։ Պուտինը հույս ունի նաեւ, որ կհաջողվի պայմանավորվել հակամարտության գոտուց խաղաղ բնակիչներին դուրս հանելու մարդասիրական միջանցքների ստեղծման աշխատանքների շուրջ։ Գերմանիայի կանցլերն ու ՌԴ նախագահը պայմանավորվել են շարունակել շփումը։
22:55 - 04 մարտի, 2022
Արևմուտքի անգործությունը կամ թույլ արձագանքը աներևակայելի հետևանքներ կարող է ունենալ․ Բորիս Ջոնսոն

Արևմուտքի անգործությունը կամ թույլ արձագանքը աներևակայելի հետևանքներ կարող է ունենալ․ Բորիս Ջոնսոն

Վարչապետ Բորիս Ջոնսոնը հեռախոսազրույց է ունեցել Գերմանիայի կանցլեր Օլաֆ Շոլցի հետ։ Կողմերը քննարկել են Ռուսաստանի ներխուժումը Ուկրաինա։  Մեծ Բրիտանիայի վարչապետը այս առավոտյան տեղի ունեցածը որակել է իր քաղաքական կյանքում հանդիպած՝ ագրեսիայի ամենասարսափելի դրսևորում, և ընդգծել է Ռուսաստանի գործողություններին ի պատասխան դաշնակիցների լիակատար միասնության անհրաժեշտությունը: Ջոնսոնը հայտարարել է, որ նախագահ Պուտինը պետք է անհաջողության մատնվի, և այդ նպատակին հասնելու համար արևմտյան աշխարհը պետք է մեկուսացնի նրան ինչպես քաղաքականապես, այնպես էլ տնտեսապես:  Նա նաև ողջունել է «Հյուսիսային հոսք 2»-ի շինարարությունը դադարեցնելու Գերմանիայի որոշումը, սակայն նշել է, որ այժմ դաշնակիցները պետք է համաձայնեցված ջանքեր գործադրեն Պուտինի ռեժիմի նկատմամբ ամենախիստ պատժամիջոցները կիրառելու համար: Մեծ Բրիտանյայի վարչապետը ընդգծել է, որ Արևմուտքի անգործությունը կամ թույլ արձագանքը աներևակայելի հետևանքներ կարող են ունենալ։ Առաջնորդները պայմանավորվել են պահպանել սերտ կապ և շարունակել իրենց պատասխանի քննարկումը այսօրվա «Մեծ յոթնյակի» առաջնորդների հանդիպմանը։
20:22 - 24 փետրվարի, 2022
Գերմանիայի կանցլերը ՌԴ իշխանություններին մեղադրում է միջազգային իրավունքը խախտելու մեջ |factor.am|

Գերմանիայի կանցլերը ՌԴ իշխանություններին մեղադրում է միջազգային իրավունքը խախտելու մեջ |factor.am|

factor.am: Գերմանիայի իշխանությունները դատապարտել են Ուկրաինային պատերազմ հայտարարելու՝ Ռուսաստանի նախագահ Վլադիմիր Պուտինի որոշումը, որը նա անվանել է «հատուկ ռազմական գործողություն Դոնբասում»։ Մոսկվայի որոշումը «միջազգային իրավունքի կոպտագույն խախտում է», փետրվարի 24-ին հայտարարել է Գերմանիայի կանցլեր Օլաֆ Շոլցը, գրում է DW-ի ռուսական ծառայությունը։ «Ոչինչ չի կարող դա արդարացնել»,- հավելել է Շոլցը՝ Ռուսաստանի իշխանություններին կոչ անելով անհապաղ դադարեցնել ռազմական գործողությունը։ Գերմանիան առաջիկա ժամերին կհամակարգի իր հետագա գործողությունները ԵՄ-ի, ՆԱՏՕ-ի և G7 երկրների շրջանակում, հավելել է կանցլերը։ «Սա սարսափելի օր է Ուկրաինայի համար և սև օր՝ Եվրոպայի համար»,- ընդգծել է Գերմանիայի կառավարության ղեկավարը։ Մինչդեռ Գերմանիայի փոխկանցլեր Ռոբերտ Հաբեկը Մոսկվայի պահվածքն անվանել է «անամոթ»: «Եվրոպայում ցամաքային պատերազմ է, որի մասին մենք կարծում էինք, որ կարելի է կարդալ միայն պատմության գրքերում»,- ասել է նա: Վերջին մի քանի ամիսների ընթացքում Գերմանիան ամեն ինչ անում է՝ դիվանագիտական ուղիով Ռուսաստանում այս ճգնաժամի խաղաղ լուծումը գտնելու համար, ասել է Գերմանիայի արտգործնախարարը՝ նշելով, որ Մոսկվան չի արձագանքել բանակցությունների առաջարկներին։
16:55 - 24 փետրվարի, 2022
Գերմանիայի կանցլերը կասեցրել է «Հյուսիսային հոսք 2»-ի հավաստագրման գործընթացը |armenpress.am|

Գերմանիայի կանցլերը կասեցրել է «Հյուսիսային հոսք 2»-ի հավաստագրման գործընթացը |armenpress.am|

armenpress.am: Գերմանիայի կանցլեր Օլաֆ Շոլցը հայտարարել է, որ դադարեցրել է «Հյուսիսային հոսք 2»-ի հավաստագրման գործընթացը: «Այսօր ես էկոնոմիկայի դաշնային նախարարությանը խնդրել եմ Դաշնային ցանցային գործակալությունից (գերմանական կարգավորիչ) հետ կանչել էներգաանվտանգության ապահովման վերաբերյալ զեկույցը: Դա հնչում է որպես տեխնիկական պահ, բայց դա անհրաժեշտ քայլ է, որպեսզի այժմ չկարողանա կայանալ գազատարի հավաստագրումը: Առանց այդ հավաստագրման «Հյուսիսային հոսք 2»-ը չի կարող գործարկվել»,-ասել է Գերմանիայի կանցլերը: «Տարեկան 55 միլիարդ խորանարդ մետր հզորությամբ «Հյուսիսային հոսք 2» գազատարն անցնում է Լենինգրադի մարզի Կինգիսեպսկի շրջանի «Սլավյանսկայա» կոմպրեսորային կայանից մինչեւ Գերմանիայի մերձբալթյան ափ: «Գազպրոմ»-ը «Հյուսիսային հոսք 2»-ի կառուցումն ավարտին է հասցրել սեփական ուժերով, քանի որ ԱՄՆ-ի սահմանած պատժամիջոցների պատճառով նրա շվեյցարական կապալառուն դադարեցրել է աշխատանքը: Առաջին խողովակաշարի գցումն ավարտվել է հունիսի սկզբին, երկրորդը՝ սեպտեմբերին: Գերմանիայի Դաշնային ցանցային գործակալության կողմից գազատարի հավաստագրման գործընթացն ըստ օրենքի կարող է տեւել չորս ամիս: Այն բանից հետո, երբ կստացվի հավաստագրման վերաբերյալ եզրակացությունը, եւ կավարտվի չորսամսյա ժամկետը, փաստաթուղթը կուղարկվի Եվրահանձնաժողով: Եվրահանձնաժողովը երկու ամիս ունի դիտարկման համար: Բացի այդ, նա կարող է եւս երկու ամսով երկարացում խնդրել, հաղորդել է «Ինտերֆաքս»-ը:
16:27 - 22 փետրվարի, 2022
Զելենսկին Ազգային անվտանգության և պաշտպանության խորհրդի հրատապ նիստ է հրավիրել |hetq.am|

Զելենսկին Ազգային անվտանգության և պաշտպանության խորհրդի հրատապ նիստ է հրավիրել |hetq.am|

hetq.am: Ուկրաինայի նախագահ Վլադիմիր Զելենսկին հայտնել է Ազգային անվտանգության և պաշտպանության խորհրդի արտահերթ նիստի հրավիրելու մասին, որը պայմանավորված է Ռուսաստանի անվտանգության խորհրդի նիստում հնչած հայտարարությունների հետ։ «Ռուսաստանի Դաշնության անվտանգության խորհրդի նիստում հնչած հայտարարությունների հետ կապված, հրատապ խորհրդակցություններ եմ վարել Էմանուել Մակրոնի և Օլաֆ Շոլցի հետ և հրավիրել ԱԱՊԽ նիստ»,- նշվում է Ուկրաինայի առաջնորդի թվիթերյան միկրոբլոգում։ Նիստը մեկնարկել է Երևանի ժամանակով 22:00-ին։ Մի քանի ժամ առաջ Ռուսաստանում կայացել է Անվտանգության խորհրդի նիստ, որի մասնակիցները քննարկում էին Լուգանսկի և Դոնեցկի ինքնահռչակ հանրապետությունների ճանաչման հարցը։ Խորհրդի անդամներին լսելուց հետո Պուտինը հայտարարեց, որ այսօր որոշում կկայացնի այդ մասով։ Բացի այդ, նաև հայտնի դարձավ, որ այսօր՝ փետրվարի 21-ին, Պուտինը ուղերձով կդիմի ռուսաստանցիներին։
23:06 - 21 փետրվարի, 2022