Էմանուել Մակրոն

Էմանուել Մակրոնը (դեկտեմբերի 21, 1977, Ամյեն, Ֆրանսիա) Ֆրանսիայի նախագահն է 2017 թվականից: 2014 թվականի օգոստոսի 26-ին նշանակվել է Ֆրանսիայի էկոնոմիկայի, արդյունաբերության եւ թվային գործերի նախարար՝ Մանուել Վալսի կառավարությունում: Հրաժարականի դիմում է ներկայացրել 2016թ․ օգոստոսի 30-ին: Անցնելով երկրորդ փուլ՝ հաղթել է նախագահական ընտրություններում։

Երիտասարդ տարիքում Մակրոնը աշխատել է որպես Փարիզի քաղաքապետ Գյորգիս Սարեի օգնական։ Եղել է Սոցիալիստական կուսակցության անդամ 2006-2009թթ․։
 
Մակրոնը հանդիպել է Ֆրանսուա Օլանդի հետ 2006 թվականին եւ միացել նրա աշխատակազմին մինչեւ 2010 թվականը։ 2007թ․ Մակրոնը փորձեց մասնակցել Ազգային Ժողովի ընտրություններին Պիկարդիա երկրամասից Սոցիալիստական Կուսակցության անունից, սակայն նրա դիմումը մերժվեց։ 2010-ին նա հնարավորություն է ստացել աշխատել որպես վարչապետ Ֆրանսուա Օլանդի աշխատակազմի ղեկավարի տեղակալ, սակայն մերժել է առաջարկը։ 2017 թվականի մայիսի 14-ից Ֆրանսիայի նախագահն է։
Կրեմլը մեկնաբանել է Մակրոնի այցը Ղազախստան |factor.am|

Կրեմլը մեկնաբանել է Մակրոնի այցը Ղազախստան |factor.am|

factor.am: Ղազախստանն ինքնիշխան պետություն է, որն իր հայեցողությամբ զարգացնում է հարաբերություններն այլ երկրների հետ։ Այն ռազմավարական գործընկերային հարաբերություններ ունի Ռուսաստանի Դաշնության հետ, Ռուսաստանը և Ղազախստանը դաշնակիցներ են։ Լրագրողներին այս մասին ասել է ՌԴ նախագահի մամուլի քարտուղար Դմիտրի Պեսկովը՝ պատասխանելով հարցին, թե ինչպե՞ս է Կրեմլը վերաբերվում Ֆրանսիայի նախագահ Էմանուել Մակրոնի այցին Ղազախստան, գրում է ՌԻԱ Նովոստին։ Ավելի վաղ Մակրոնը ժամանել էր Ղազախստան և հանդիպել երկրի նախագահ Կասիմ-Ժոմարտ Տոկաևի հետ։ «Այն (Ղազախստանը) ինքնիշխան պետություն է և, իհարկե, իր հայեցողությամբ զարգացնում է հարաբերությունները բոլոր երկրների հետ»,- ասել է Պեսկովը։ Նա նշել է, որ Ռուսաստանն ու Ղազախստանն ունեն «պատմական, ռազմավարական գործընկերային հարաբերություններ»։ «Նրանք մեր դաշնակիցներն են: Մեր շահերը միավորված են բազմաթիվ ինտեգրացիոն ձևաչափերում: Եվ մենք զարգացնում ենք մեր սեփական հարաբերությունները Ղազախստանի հետ, ինչը մենք շատ ենք գնահատում»,- հավելել է Պեսկովը՝ ընդգծելով «Աստանայի կողմից լիակատար փոխադարձությունը»:
17:27 - 01 նոյեմբերի, 2023
Կասիմ-Ժոմարտ Տոկաևը «պատմական» է անվանել Էմանյուել Մակրոնի այցը Ղազախստան |azatutyun.am|

Կասիմ-Ժոմարտ Տոկաևը «պատմական» է անվանել Էմանյուել Մակրոնի այցը Ղազախստան |azatutyun.am|

azatutyun.am: Ղազախստանի նախագահ Կասիմ-Ժոմարտ Տոկաևը գովեստով է խոսել Աստանա Ֆրանսիայի առաջնորդ Էմանուել Մակրոնի պաշտոնական այցի մասին: «Մենք ողջունում ենք ձեր այցը, սա շատ մեծ իրադարձություն է։ Շնորհակալ եմ, որ ընդունեցիք հրավերս և պաշտոնական այցով ժամանեցիք Ղազախստան: Մեր երկրների համագործակցությունը դինամիկ զարգանում է, սակայն անհրաժեշտ է դրան լրացուցիչ խթան հաղորդել։ Մենք կարող ենք ձեր այցն անվանել «պատմական», վստահ եմ, որ այսօրվա բանակցություններն արդյունավետ կլինեն», - ասել է Տոկաևը Մակրոնի հետ նեղ ձևաչափով բանակցությունների ժամանակ։ Ղազախստանի ղեկավարը նաև նշել է, որ Ֆրանսիան հանրապետության առանցքային և վստահելի գործընկերն է Եվրոպական միությունում և, բացի այդ, հանդիսանում է Ղազախստանի տնտեսության խոշորագույն ներդրողներից մեկը։
16:15 - 01 նոյեմբերի, 2023
Էմանուել Մակրոնը կայցելի Իսրայել |hetq.am|

Էմանուել Մակրոնը կայցելի Իսրայել |hetq.am|

hetq.am: Ֆրանսիայի նախագահ Էմանուել Մակրոնը երեքշաբթի օրը՝ հոկտեմբերի 24-ին, պլանավորում է այցելել Իսրայել։ Այդ մասին հայտնում է The Times of Israel-ը։ Այցի ծրագիրը ենթադրում է Իսրայելի վարչապետ Բենյամին Նեթանյահուի հետ հանդիպում: Առաջիկա ուղևորության մասին այլ մանրամասներ չեն հաղորդվում: Ինքը՝ Մակրոնը, դեռ հոկտեմբերի 20-ին լրագրողներին հայտարարել էր, որ տարածաշրջան կայցելի «առաջիկա օրերին կամ շաբաթներին», սակայն միայն այն դեպքում, եթե այդ այցը «թույլ տա օգտակար արդյունքների հասնել»։ Կիրակի երեկոյան Ֆրանսիայում Պաղեստինի դեսպան Հալա Աբու Հասիրան LCI հեռուստաալիքի եթերում հույս է հայտնել, որ այդ ուղևորության ընթացքում Ֆրանսիայի առաջնորդը «խաղաղության, լարվածության թուլացման և կրակի լիարժեք դադարեցման կոչ կտարածի»՝ Գազայի հատվածի խաղաղ բնակիչների շրջանում նոր զոհերից խուսափելու համար: «Ես կցանկանայի, որ նա այցելեր և՛ Պաղեստին, և՛ Իսրայել», - հայտարարել է պաղեստինցի դեսպանը՝ մանրամասնելով, որ խոսքը Հորդանան գետի արևմտյան ափին գտնվող տարածքների մասին է: Դեսպանը հավելել է, որ ակնկալում է Մակրոնի հանդիպումը Պաղեստինի նախագահ Մահմուդ Աբբասի հետ: Ավելի վաղ Նեթանյահուն հեռախոսազրույցներ էր ունեցել Մակրոնի և Նիդերլանդների վարչապետ Մարկ Ռյուտեի հետ: Հեռախոսազրույցներից հետո նա հայտարարել էր այդ առաջնորդների՝ հոկտեմբերի 23-ին և 24-ին Իսրայել կատարվելիք այցերի մասին։
11:31 - 23 հոկտեմբերի, 2023
Փաշինյանն ասել է՝ որոնք պետք է լինեն տարածաշրջանում խաղաղության հենասյուները՝ ըստ Գրանադայի հայտարարությունների

Փաշինյանն ասել է՝ որոնք պետք է լինեն տարածաշրջանում խաղաղության հենասյուները՝ ըստ Գրանադայի հայտարարությունների

Բացարձակ իդեալական վիճակներ չկան և չեն էլ լինելու։ Այս մասին Հանրային ՀԸ-ին տված հարցազրույցի ժամանակ ասել է ՀՀ վարչապետ Նիկոլ Փաշինյանը՝ անդրադառնալով Գրանադայում ստորագրված հայտարարությանը։ «Գրանադան մեզ տվեց երկու շատ կարևոր հայտարարություն՝ 1-ինը՝ քառակողմ հայտարարություն (Ն․ Փաշինյան, Է․ Մակրոն, Օ․ Շոլց, Շ․ Մեշել) և 2-րդը՝ Եվրոպական հանձնաժողովի նախագահ Ուրսուլա Ֆոն Դեր Լայենի հետ։  Ըստ էության, սրանով արձանագրվեց, չեմ ուզում ասել աննախադեպ, բայց շատ կարևոր արձանագրում [եղավ], որ ԵՄ-ում Հայաստանի հետ հարաբերությունների խորացման առումով կա կոնսենսուս։ Որովհետև ԵՄ երկու սյուները՝ Եվրամիության խորհուրդը և Եվրահանձնաժողովը, արձանագրեցին այս փաստը»,- ասել է Փաշինյանը։ Ըստ ՀՀ վարչապետի՝ երկու հայտարարություններում էլ արձանագրվեցին և՛ մեր, և՛ ԵՄ տեսակետից, թե որոնք պետք է լինեն տարածաշրջանում խաղաղության հենասյուները․ «1-ինը՝ Հայաստանի և Ադրբեջանի փոխադարձաբար տարածքային ամբողջականության ճանաչումն է՝ ընդծումով տարածքների չափերը։  2-րդը՝ դելիմիտացիայի գործընթացը պետք է տեղի ունենա 1991թ․ կնքված Ալմա-Աթայի հռչակագրի հիման վրա և համաձայն կողմերին փոխանցված ԽՍՀՄ վերջին շրջանի քարտեզների։  3-րդը՝ տարածաշրջանային կոմունիկացիաների ապաշրջափակումը պետք է տեղի ունենա երկրների սուվերենության լիարժեք պաշտպանության, իրավազորության, հավասարության և փոխադարձության ներքո»։ Ըստ Նիկոլ Փաշինյանի՝ Գրանադայում կայացած հանդիպումների բացն այն է, որ այնտեղ ընդունված առաջին հայտարարությունը քառակողմ է, այլ ոչ թե հնգակողմ։ «Այսինքն՝ ի սկզբանե պլանավորված էր, որ այն լինելու է հնգակողմ, բայց Ադրբեջանի բացակայությունը՝ այդ փաստաթղթի ներքո, թերություններից է։ Եթե այդ թղթի ներքո լիներ Ադրբեջանի ստորագրությունը, ապա ես հիմա կասեի, որ հավանականությունը, որ մինչև տարվա վերջ մենք կստորագրենք խաղաղության պայմանագիր, 70%-ից բարձր կլիներ»,- հավելել է նա։ Որպես Գրանադայում տեղի ունեցած հանդիպումների արդյունքում արձանագրված կարեւոր դրվագ՝ Փաշինյանը նշել է, որ արձանագրվել եւ դատապարտվել է Արցախի նկատմամբ Ադրբեջանի կողմից ուժի կիրառումը եւ Արցախի ժողովրդի բռնի տեղահանումը․ «Արձանագրվեց ԵՄ և ԱՄՆ պատրաստակամությունը՝ հումանիտար իրավիճակը կարգավորելու համար։ Արձանագրվեց, որ ԼՂ հայերը ԼՂ վերադառնալու իրավունք պետք է ունենան առանց նախապայմանների, և նրանց այդ իրավունքը պետք է պաշտպանվի։  Արձանագրվեց, որ ԵՄ-ն պատրաստ է հարաբերությունները Հայաստանի հետ խորացնել այնքան, ինչքան Հայաստանը կցանկանա, կամ այնքան, ինչքան համապատասխան է Հայաստանի կարիքներին։ Սրանք առավելություններն են»,- ասել նա։ Պատասխանելով հարցին, թե արդյոք քառակողմ հայտարարությունը չեզոքացրե՞լ է ՀՀ անվտանգային խնդիրները, արդյոք Ադրբեջանը դուրս կգա՞ ՀՀ ինքնիշխան տարածքներից, որոնք գրավել է, Փաշինյանը նշել է. «Եթե մենք դելիմիտացիայի հիմքում դնում ենք կոնկրետ քարտեզներ, արձանագրվում են սահմանի խախտումները, դա նշանակում է, որ դելիմիտացիայի պրոցեսում այդ խախտումները պետք է վերացվեն։ Հիմա խնդիրը այն է, որ այս ձևակերպման տակ չկա Ադրբեջանի ստորագրությունը, բայց մյուս կողմից՝ առնվազն արևմտյան տիրույթում ձևավորվել է արդեն պաշտոնական ըմբռնում, որ սա պետք է լինի ապագա խաղաղ կարգավորման հիմքը»։ Փաշինյանը հայտնել է նաև, որ իրականում այդ հայտարարության մեջ գերիների թեմային անդրադարձ կար. «Այնտեղ կոչ էր հղված բոլոր կողմերին, որ նրանք բոլոր գերիներին ազատ արձակեն։ Մենք միշտ էլ պատրաստակամություն ենք հայտնել ենք՝ գնալ այդպիսի լուծումների։ Իմիջիայլոց, քառակողմ հայտարարության մեջ կա նաև անդրադարձ անհետ կորած անձանց խնդրին»։
23:43 - 10 հոկտեմբերի, 2023
Անիմաստ և անընդունելի է Ադրբեջանի հետ ճնշման լեզվով խոսելը․ Ադրբեջանի ԱԳՆ-ն արձագանքել է Մակրոնի հայտարարություններին

Անիմաստ և անընդունելի է Ադրբեջանի հետ ճնշման լեզվով խոսելը․ Ադրբեջանի ԱԳՆ-ն արձագանքել է Մակրոնի հայտարարություններին

«Ադրբեջանի ԱԳՆ-ն խստորեն դատապարտում և մերժում է Գրանադայում Ֆրանիսայի նախագահ Էմանուել Մակրոնի հայտարարությունները»։ Այս մասին հայտարարություն է տարածել Արդբեջանի արտաքին գերատեսչությունը։ «Մակրոնի պնդումները, թե Ադրբեջանն ու Թուրքիան հրաժարվել են Գրանադայում մասնակցությունից կեղծավորության օրինակ են։ Միջոցառման մասնակիցներից յուրաքանչյուրը քաջատեղյակ է, որ հանդիպմանը Թուրքիայի մասնակցությանը դեմ է հանդես եկել ֆրանսիական կողմը։ Ֆրանսիայի նախագահի կողմից այս հարցում կեղծ տեղեկությունների տարածումը պետության ղեկավարին ոչ վայել մոտեցում է»,- նշված է ԱԳՆ հայտարարության մեջ։  Նշենք, որ Էմանուել Մակրոնն ափսոսանք էր հայտնել իր ադրբեջանցի գործընկերներ Իլհամ Ալիևի և թուրք Ռեջեփ Թայիփ Էրդողանի՝ Եվրոպական քաղաքական համայնքի գագաթնաժողովին բացակայության համար։  Ադրբեջանի ԱԳՆ-ն պնդել է, թե «Ֆրանսիան՝ որպես միջնորդ, տարիներ շարունակ աչք է փակել Հայաստանի կողմից ադրբեջանական տարածքների օկուպացիայի և անօրինականությունների վրա»։  «Ծիծաղելի է, որ Ֆրանսիան, որը 30 տարի աչք է փակել Հայաստանի կողմից Ադրբեջանի տարածքների մոտ 20%-ի օկուպացման վրա, և որ Հայաստանը դեռևս շարունակում է օկուպացված պահել ադրբեջանական 8 գյուղեր, Ադրբեջանին մեղադրում է 150 քառ․կմ հայկական տարածքներ օկուպացնելու մեջ։ Ադրբեջանը ոչ մի երկրի տարածք չի օկուպացրել, և անտրամաբանական է պնդել, որ այն տարածքները, որտեղ ադրբեջանական ուժերը տեղակայված են չսահմանազատված սահմանին, պատկանում են Հայաստանին»,- ասված է Արդբեջանի ԱԳՆ հաղորդագրության մեջ։  Ադրբեջանական կողմը հայտարարության մեջ նշում է, թե միջնորդական ջանքերը, որոնցում ներգրավված էր նաև Ֆրանսիան, արդյունք չեն տվել, այդ պատճառով էլ «Ադրբեջանը գնաց ռազմական ճանապարհով իր տարածքների ազատագրման»։  «Ֆրանսիական կողմին, որը կոչ է անում ճնշում գործադրել Ադրբեջանի վրա, ուզում ենք հիշեցնել, որ անիմաստ և անընդունելի է Ադրբեջանի հետ ճնշման լեզվով խոսելը։ Նման անպատասխանատու հայտարարություններ անելու փոխարեն Ֆրանսիային ավելի ձեռնտու կլինի վերջ տալ տարածաշրջանում խաղաղությանն ու կայունությանը խոչընդոտող ագրեսոր Հայաստանին աջակցելու և զինելու իր նենգ քաղաքականությունը»,- նշել են ԱԳՆ-ից՝ պնդելով, թե «Ադրբեջանը ամենաշատն է շահագրգռված տարածաշրջանում խաղաղության հաստատման գործում՝ հիմնված Հայաստանի հետ ինքնիշխանության և տարածքային ամբողջականության փոխադարձ հարգանքի վրա»։ Հիշեցնենք՝ Էմանուել Մակրոնը երեկ Գրենադայում ընդգծել էր, որ կրկին կզանգահարի Իլհամ Ալիևին՝ Ադրբեջանի վրա «ճնշումը պահպանելու համար»։
11:32 - 06 հոկտեմբերի, 2023
Գրանադայի քառակողմ հանդիպման արդյունքում հայտարարություն ընդունվեց
 |azatutyun.am|

Գրանադայի քառակողմ հանդիպման արդյունքում հայտարարություն ընդունվեց |azatutyun.am|

azatutyun.am: Հայաստանի վարչապետ Նիկոլ Փաշինյանը, Եվրոպական խորհրդի նախագահ Շառլ Միշելը, Ֆրանսիայի նախագահ Էմանյուել Մակրոնը և Գերմանիայի կանցլեր Օլաֆ Շոլցը այսօր Գրանադայում կայացած հանդիպման արդյունքում հայտարարություն են ընդունել։ Հայտարարությունում Եվրոպական խորհրդի նախագահը, Ֆրանսիայի նախագահը և Գերմանիայի կանցլերն ընդգծում են «իրենց անսասան աջակցությունը Հայաստանի անկախությանը, ինքնիշխանությանը, տարածքային ամբողջականությանը և սահմանների անձեռնմխելիությանը»։ «Նրանք նաև իրենց աջակցությունը հայտնեցին ԵՄ-Հայաստան հարաբերությունների ամրապնդմանը՝ իր բոլոր չափումներով՝ հիմնված Հայաստանի Հանրապետության կարիքների վրա», - ասված է հայտարարությունում։ «Նրանք համաձայնեցին Հայաստանին հավելյալ մարդասիրական օգնություն տրամադրելու անհրաժեշտության շուրջ, քանի որ այն բախվում է Ղարաբաղի հայերի վերջին զանգվածային տեղահանման հետևանքներին։ Նրանք ընդգծեցին, որ այդ փախստականները պետք է ազատորեն օգտվեն իրենց տներ և իրենց բնակության վայրեր վերադառնալու իրավունքից՝ առանց որևէ պայմանների, միջազգային մոնիտորինգի ներքո և հարգելով իրենց պատմությունը, մշակույթը և մարդու իրավունքները», - նշված է քառակողմ հայտարարությունում։ «Նրանք հավատարիմ են մնում Հայաստանի և Ադրբեջանի միջև հարաբերությունների կարգավորմանն ուղղված բոլոր ջանքերին՝ հիմնված Հայաստանի (29 հազար 800 քկմ) և Ադրբեջանի (86 հազար 600 քկմ) ինքնիշխանության, սահմանների անձեռնմխելիության և տարածքային ամբողջականության փոխադարձ ճանաչման վրա, ինչպես նշված է նախագահ Միշելի հայտարարությունում։ 2023 թվականի մայիսի 14-ին և հուլիսի 15-ին նրանք կոչ են արել խստորեն պահպանել ուժի չկիրառման և ուժի կիրառման սպառնալիքի սկզբունքը։ Նրանք ընդգծել են սահմանազատման ուղղությամբ աշխատելու հրատապ անհրաժեշտությունը՝ հիմնվելով ԽՍՀՄ Գլխավոր շտաբի ամենավերջին քարտեզների վրա, որոնք տրամադրվել են կողմերին և պետք է հիմք հանդիսանան նաև ուժերի միջև հեռավորություն պահպանելու, խաղաղության պայմանագիրը վերջնական տեսքի բերելու և հումանիտար բոլոր խնդիրների լուծման համար», - ասված է հայտարարությունում։ «Նրանք կոչ արեցին ավելի մեծ տարածաշրջանային համագործակցության և բոլոր սահմանների, այդ թվում՝ Հայաստանի և Թուրքիայի միջև սահմանների բացման, ինչպես նաև տարածաշրջանային կապերի բացման՝ երկրների ինքնիշխանության և իրավասության լիակատար հարգման, ինչպես նաև հավասարության և փոխադարձության սկզբունքների հիման վրա», - նշված է հայտարարությունում։ «Եվրոպացի առաջնորդները կոչ արեցին Հայաստանին և Ադրբեջանին ազատ արձակել բոլոր ձերբակալվածներին և համագործակցել անհետ կորածների ճակատագրին լուծում տալու և ականազերծման աշխատանքները հեշտացնելու համար», - ասված է քառակողմ փաստաթղթում։
19:35 - 05 հոկտեմբերի, 2023
Ֆրանսիան հետ է կանչում Նիգերում իր դեսպանին և դուրս է բերում իր զորքերը
 |factor.am|

Ֆրանսիան հետ է կանչում Նիգերում իր դեսպանին և դուրս է բերում իր զորքերը |factor.am|

factor.am: Ֆրանսիայի նախագահ Էմանուել Մակրոնը հայտարարել է, որ Փարիզը դադարեցնում է ռազմական համագործակցությունը Նիգերի հետ, որտեղ հուլիսին ռազմական հեղաշրջում էր տեղի ունեցել, և հետ է կանչում իր դեսպանին, գրում է BBC-ի ռուսական ծառայությունը։ France 2 հեռուստաընկերությանը տված հարցազրույցում Մակրոնն ասել է, որ իր որոշման մասին տեղեկացրել է պաշտոնանկ արված նախագահ Մուհամեդ Բազումին։ Մակրոնը Բազումին  անվանել է «պատանդ» և ասել, որ Ֆրանսիան նրան համարում է երկրի միակ օրինական ընտրված առաջնորդը: Ֆրանսիան հրաժարվել է ճանաչել նոր կառավարությունը, իսկ օգոստոսին զինվորականները դեսպան Սիլվեն Իտային 48 ժամ են տվել Նիգերը լքելու համար։ Ֆրանսիայի դեսպանատան աշխատակիցները, այդ թվում նաև ինքը՝ դեսպանը, փաստացի արգելափակվել են դեսպանատանը և ստիպված են եղել զինվորական օրապահիկով սնվել՝ վախենալով դուրս գալ դեսպանատան տարածքից։ Հարցազրույցում Մակրոնը նաև ասել է, որ Ֆրանսիան «կդադարեցնի ռազմական համագործակցությունը Նիգերի իշխանությունների հետ, քանի որ նրանք այլևս չեն ցանկանում պայքարել ահաբեկչության դեմ»: Ֆրանսիական ռազմական ներկայությունն այս երկրում կազմում է մոտ 1500 մարդ։ Մակրոնն ասել է, որ Ֆրանսիան մինչև տարեվերջ իր ուժերն աստիճանաբար դուրս է բերելու։
14:06 - 25 սեպտեմբերի, 2023
Մենք կշարունակենք մարդասիրական մոբիլիզացիան, որպեսզի օգնենք Լեռնային Ղարաբաղում գտնվող բնակչությանը․ Էմանուել Մակրոն

Մենք կշարունակենք մարդասիրական մոբիլիզացիան, որպեսզի օգնենք Լեռնային Ղարաբաղում գտնվող բնակչությանը․ Էմանուել Մակրոն

Վերջին օրերին մենք կրկին տեսել ենք անթույլատրելի հանցագործություններ և ռազմական գործողություններ։ Փոքրամասնությունների, և հատկապես մի շարք քրիստոնյաների իրավունքները ամբողջովին խախտվել են։ Այս մասին TF1 և France 2 լրատվամիջոցներին տված հարցազրույցում ասել է Ֆրանսիայի նախագահ Էմանուել Մակրոնը՝ անդրադառնալով ԼՂ-ում իրավիճակին։ «Ուստի, թույլ չտալու համար, որ դա շարունակվի, մենք անում ենք և կշարունակենք մարդասիրական մոբիլիզացիան, որպեսզի օգնենք Լեռնային Ղարաբաղում գտնվող բնակչությանը և օգնության հասնենք նրանց սննդի և անհրաժեշտ օգնության հարցում»,- ասել է Ֆրանսիայի նախագահը:  Նա նաև հայտնել է, որ Ֆրանսիան այսօր շատ աչալուրջ է Հայաստանի տարածքային ամբողջականության հարցում, քանի որ այժմ դա է վտանգված։ Պետք է շատ հստակ լինել։  «Այսօր մենք ունենք Ռուսաստան, որն Ադրբեջանի հանցակիցն է, Թուրքիա, որը միշտ աջակցել է նրա մանևրներին և եղել է Հայաստանի սահմաններին սպառնացող անխոչընդոտ ուժ»,- ասել է Մակրոնը։
00:04 - 25 սեպտեմբերի, 2023