ԵՄ

Եվրոպական միությունը (ԵՄ) իրավունքի քաղաքական համայնք է, որի նպատակն է Եվրոպայի երկրների ու ժողովուրդների ինտեգրման ու կառավարման գործառույթի կազմակերպումը: Հիմնվել է 1993 թվականի նոյեմբերի 1-ին, բաղկացած է եվրոպական 27 երկրներից։ ԵՄ կառույցներն են Եվրոպական խորհրդարանը, Եվրամիության խորհուրդը, Եվրոպական խորհուրդ, Եվրոպական խորհուրդ, Եվրամիության Արդարադատության դատարանը, Հաշիվների դատարանը, Եվրոպական կենտրոնական բանկը։

Լիսաբոնյան համաձայնագրի ընդունմամբ՝ Եվրոպական արտաքին գործերի ծառայության պատասխանատվության տակ անցան Եվրոպական միությունը և իր քաղաքացիներին ներկայացնող 140 պատվիրակությունները և գրասենյակները:

Հայաստանում Եվրոպական միության դեսպանն ու ԵՄ պատվիրակության ղեկավարն է Ն.Գ. Անդրեա Վիկտորին։

«Ես գիտեմ, որ հայկական զորքերը գտնվում են այնտեղ, որտեղ պետք է այս պահին գտնվեն». Անդրանիկ Քոչարյան |aravot.am|

aravot.am: Հայաստանում ԵՄ պատվիրակության ղեկավար, դեսպան Անդրեա Վիկտորինն այսօր հայտարարել է, որ հայկական զորքերը գտնվում են ադրբեջանական սահմանին՝ 1-2 կետով: Խորհրդարանում լրագրողներն ԱԺ պաշտպանության եւ անվտանգության հարցերով հանձնաժողովի նախագահ Անդրանիկ Քոչարյանից հետաքրքրվեցին՝ ինչի՞ մասին է խոսքը: «Չեմ կարող ասել: Ես գիտեմ, որ հայկական զորքերը գտնվում են այնտեղ, որտեղ պետք է այս պահին գտնվեն: Ես գիտեմ, որ ադրբեջանական զորքերը խախտել են ՀՀ ինքնիշխան տարածքը: Նորից կրկնում եմ՝ այն, ինչը որ մերն է՝ մերն է. շուտ թե ուշ՝ ամեն ինչ պետք է գա՝ հագնի այն իրողության հետ, որ եթե ճանաչում եք մեր սահմանները, ուրեմն, այդ սահմաններն անձեռնմխելի են, ուրեմն, դրա հիմնական գրավականը լինելու են մեր զինված ուժերը»,- պատասխանեց Անդրանիկ Քոչարյանը: Հարցին՝ ադրբեջանական զորքերը պետք է ետ գնան՝ նո՞ր խաղաղության պայմանագիրը ստորագրվի, նա պատասխանեց, որ կան տարբեր տեսակետներ՝ սահմանազատման-սահմանագծման աշխատանքները չավարտված, ո՞ր քարտեզներով, նույնիսկ հումորի առարկա է դառնում՝ քանի՞ դար հետ գնանք եւ այլն: «Հիմք ընդունած ինչ-որ քարտեզ անպայման գոյություն ունի, դա սովետական քարտեզներ կան, սովետական ԶՈւ-ում գործող քարտեզներ կան: Երկու կողմերից էլ պետք է ճանաչենք այդ քարտեզների իրողությունը, որը ճշտման գուցե, առանձին դեպքերում, կարիք կունենա: Կարծում եմ, այստեղ պետք է մենք շարժվենք մեր շահերի տեսանկյունից, նրանք էլ փորձելու են շարժվել իրենց շահերի տեսանկյունից»,- ասաց Անդրանիկ Քոչարյանը՝ հավելելով, որ նույնիսկ մինչեւ բանակցությունների գնալն ադրբեջանական կողմը գնում է սադրանքների. դրանից առաջ էլ գնում էին եւ ինչ-որ հաջողություններ արձանագրում էին, բայց վերջին գործողությունների ժամանակ ակնհայտ դարձավ, որ ադրբեջանական կողմին չհաջողվեց իր խնդիրը լուծել: Սա, ըստ նրա, փաստում է մեկ բան՝ ՀՀ ԶՈՒ-ը պետք է ծառայեն մեկ նպատակի՝ փորձելով օր առաջ վերականգնել կորցրածը, լավ սպառազինվել, լավ կառավարվել:

13:50 - 15 մայիսի, 2023

Ես չեմ հիշում որևէ հիշատակում՝ փոխանակման առումով․ ԱԳ փոխնախարարը՝ Շառլ Միշելի հայտարարության մասին |tert.am|

tert.am: Բրյուսելում մայիսի 14-ին կայացած Փաշինյան-Միշել-Ալիև եռակողմ բանակցություններում խոսակցությունն առավել առարկայական է եղել: Այս մասին այսօր Եվրոպայի օրվան և Եվրոպական միություն-Հայաստան հարաբերություններին նվիրված ասուլիսի ժամանակ ասաց ՀՀ արտաքին գործերի փոխնախարար Պարույր Հովհաննիսյանը։ Անդրադառնալով հարցին, թե արդյոք բանակցություններից հետո ԵԽ նախագահի հայտարարությունում արված դիտարկումը անազատության մեջ պահվող անձանց ազատ արձակման վերաբերյալ չի նշանակում, որ վերջերս ՀՀ ներթափանցած ադրբեջանցի զինծառայողները փոխանակվելու են Ադրբեջանում ապօրինաբար պահվող հայ գերիների հետ՝ փոխնախարարն ասաց. «Շատ պարզ ասվեց, որ հայ գերիների վերաբերյալ կային բազմաթիվ պայմանավորվածություններ, և պետք է այդ պայմանավորվածությունները կատարվեն: Դա ուղիղ ուղերձ էր, ես չեմ հիշում որևէ հիշատակում՝ փոխանակման առումով: Կոչը պարզապես նախկինում ձեռք բերված համաձայնությունների մասին էր»: Նա նաև շեշտեց, որ հանդիպումն առավելապես ուղղված էր կոնկրետ քայլերով առաջընթացի հասնելուն: «Այն հարցերը, որոնք հայտարարել էր ԵԽ նախագահը, վկայությունն էին, որ խոսակցությունն առավել առարկայական էր այս անգամ»,-ասաց Հովհաննիսյանը:

13:49 - 15 մայիսի, 2023

Ու՞ր է ԵՄ դիտորդների հաշվետվությունը վերջին էսկալացիաների մասին. ԵՄ դեսպանը հստակեցնում է |armeniasputnik.am|

armeniasputnik.am: class="article__text">Հայ-ադրբեջանական սահմանին տեղի ունեցած բախումների, էսկալացիայի մասին հաշվետվությունները ԵՄ քաղաքացիական դիտորդները չեն ներկայացնում ոչ Հայաստանին, ոչ էլ Ադրբեջանին։ Մամուլի ասուլիսի ժամանակ նշեց ՀՀ-ում Եվրամիության պատվիրակության ղեկավար, դեսպան Անդրեա Վիկտորինը։ «Քանի որ առաքելությանը միացած են նաև պաշտպանության նախարարության սպաները, հայկական կողմը հստակ արձանագրում է իրադարձությունները, այսինքն` դա կարող է ամեն օր լինել, արձանագրում են և հաղորդում Բրյուսել»,– նշեց Վիկտորինը։ Անդրադառնալով Սոթքի հատվածում վերջերս տեղի ունեցած դեպքերին` ԵՄ դեսպանը նշեց` այնտեղ դիտորդները ներկա չեն եղել։ «Բայց սահմանի բավականին զգալի երկայնքով ներկա են, և կա նաև վերակարգ շաբաթական կտրվածքով իրականացվող։ Այնպես չէ, որ նրանք ցանկություն չունեն հայտնվելու այնտեղ, որտեղ ինչ-որ բան տեղի է ունենում, բայց նրանք չեն կարող ամեն տեղ լինել։ Նրանք իրականացնում են սահմանի մշտադիտարկում և արձանագրում են այն, ինչ տեսնում են, բայց դա չի նշանակում, որ ավտոմատ կերպով հայտնվեն այն կետում, որտեղ ինչ-որ բան է տեղի ունենում»,– նշեց դեսպանը Վիկտորինը։ Պատասխանելով լրագրողի այն հարցին, թե արդյոք ԵՄ դիտորդները չպետք է գոնե «գնան այն տարածք, որտեղ էսկալացիա է տեղի ունեցել», դեսպան Վիկտորինը նշեց` նրանք ավելի ուշ նման հնարավորություն ստացել են, բայց պետք է հիշել, որ հայկական կողմն է առաջին հերթին պատասխանատու ԵՄ դիտորդների անվտանգության համար։ Դեսպանը հավելեց` կարող են լինել իրավիճակներ, երբ դիտորդները հրաժարվեն կոնկրետ կետ գնալ, բայց այս դեպքում գնացել են, գնահատական տվել և ուղարկել ուղիղ Բրյուսել։ Հիշեցնենք, որ ապրիլի 10-ին Եվրոպական հեղինակավոր Politico պարբերականը Հայաստան-Ադրբեջան հարաբերություններին վերաբերող իր հոդվածում մեջբերել է ԵՄ անանուն բարձրաստիճան մի պաշտոնյայի խոսք, որի համաձայն, ԵՄ դիտորդական առաքելությունը պարեկների գործունեության վերաբերյալ, ինչպես նաև այլ տեղեկություններ տրամադրում է Ադրբեջանին։

13:42 - 15 մայիսի, 2023

«Պարզ չէ՝ ինչի մասին է խոսքը»․ ԱԳ փոխնախարարը անդրադարձավ ԵՄ դեսպանի խոսքին, թե կետեր կան, որ հայկական զորքերը Ադրբեջանի սահմանին են |aysor.am|

aysor.am: ՀՀ արտաքին գործերի փոխնախարար Պարույր Հովհաննիսյանի համար պարզ չէ՝ ի՞նչ նկատի ուներ ՀՀ-ում ԵՄ դեսպան Անդրեա Վիկտորինը, երբ հայտարարում էր, թե մեկ-երկու կետ կա, որտեղ հայկական զորքերը Ադրբեջանի սահմանին են։ «Ինձ համար էլ պարզ չէ՝ ինչի մասին է խոսքը, հավանաբար, խոսքը վերաբերում է ԼՂ առաջին պատերազմին, թերևս, այդ տեսանկյունից պետք է նայել, բայց ես էլ եմ դժվարանում ասել, թե ինչի մասին է խոսքը», - լրագրողների հետ զրույցում ասաց նա։ Փոխնախարարի խոսքով՝ ընդունված ձևաչափ է միշտ դիմել երկու կողմերին, բայց ակնհայտ է, որ խոսքը գնում է ՀՀ տարածքից ադրբեջանական զորքերի դուրսբերմանը։

13:00 - 15 մայիսի, 2023

«Մեկ-երկու կետ կա, որտեղ հայկական զորքերն են սահմանային տարածքներում»․ Վիկտորինը պարզաբանեց, թե ինչու է նշվում երկու կողմից զորքերի հետքաշման մասին

Հայաստանն ու Ադրբեջանը պետք է հետ քաշեն իրենց զորքերը։ Այս մասին Եվրոպայի օրվան և ԵՄ-Հայաստան հարաբերություններին նվիրված մամուլի ասուլիսի ժամանակ Հայաստանում Եվրոպական միության պատվիրակության ղեկավար, դեսպան Անդրեա Վիկտորինը։ Հարցին, թե երբ ասում է՝ երկու կողմերն էլ պետք է հետ քաշեն իրենց զորքերը սահմանից, ինչ նկատի ունի հայկական կողմի մասով, երբ ադրբեջանական զորքերն են ՀՀ տարածքում, Վիկտորինը պատասխանեց՝ շատ հստակ նշվել է, որ մեկ-երկու կետ կա, որտեղ հայկական զորքերն են սահմանային տարածքներում․ «Շատ հստակ սահմանազատում և սահմանագծում պետք է լինի։ Դա եղել է ձևակերպումը, որը օգտագործվել է Բրյուսելում»։ Լրագրողի խնդրանքին՝ հստակեցնել՝ որ կետերի կամ հատվածների մասին է խոսքը, կարո՞ղ է նա մանրամասներ ներկայացնել, Վիկտորինը պատասխանեց. «Ոչ։ Մանրամասներին ծանոթ չեմ, բայց դա ես լսել եմ բանակցություններից»։ Նշենք, որ ՀՀ գլխավոր շտաբի պետ Էդվարդ ասատրյանը ապրիլի 28-ին հայտնել էր, որ ներկա դրությամբ ադրբեջանական կողմը մոտ 139 քառակուսի կիլոմետր տարածքում գտնվում է ՀՀ ինքնիշխան տարածքում:

12:55 - 15 մայիսի, 2023

Փաստը, որ բազմաթիվ ճամփորդական ընկերություններ բոլոր ազատ ժամերը նախապես ամրագրում են, խնդիր է․ ԵՄ դեսպանը՝ եվրոպական վիզաներ ստանալու շուրջ իրադրության վերաբերյալ

Եվրոպայի օրվան և ԵՄ-Հայաստան հարաբերություններին նվիրված մամուլի ասուլիսի ժամանակ ԵՄ պատվիրակության ղեկավար, դեսպան Անդրեա Վիկտորինը անդրադարձավ Հայաստանում եվրոպական վիզաների խնդրին։ Նա նշեց՝ գիտի, որ բարդ իրավիճակ է այս պահին։ «Մենք սերտ կապը պահում ենք ՀՀ ԱԳՆ-ի, նաև անդամ երկրների հետ՝ փորձելով հասկանալ՝ այցագրերի տրամադրման ընթացակարգերը որքանով կարելի է պարզեցնել և բարելավել»,- հավելեց նա։ Վիկտորինի խոսքով փաստը, որ բազմաթիվ ճամփորդական ընկերություններ բոլոր ազատ ժամերը նախապես ամրագրում են, խնդիր է․ «Այդ պատճառով էլ անհրաժեշտ է աշխատել այս ուղղությամբ։ հենց այս պատճատով էլ Գերմանիան է ընթացակարգ փոխել, եթե չեմ սխալվում, Լիտվան էլ է փոխել»։ Նա ընդգծեց, որ վճարել պետք չէ ժամ նշանակելու համար վիզայի համար փաստաթղթեր ներկայացնելիս։ Անդրադառնալով վիզաների վերաբերյալ երկխոսությանը՝ Վիկտորինը նշեց, որ այն սկսելու համար պետք է թույլտվություն ստանալ բոլոր անդամ երկրներից․ «բայց ես գիտեմ՝ ԱԳՆ-ն ներգրավված է ու փոխգործակցում է այն երկրներիի հետ, որոնք մեկ կամ երկու մտահոգիչ հարց ունեն, որ պետք է քննարկեն»։

12:39 - 15 մայիսի, 2023

Հայաստանն ու Ադրբեջանը պետք է հետ քաշեն իրենց զորքերը․ ԵՄ պատվիրակության ղեկավար |armeniasputnik.am|

armeniasputnik.am: class="article__text">Հայաստանում Եվրամիության պատվիրակության ղեկավար Անդրեա Վիկտորինը Հայաստանին և Ադրբեջանին կոչ է անում փոխադարձաբար հետ քաշել զորքերը սահմանի երկայնքով: Նա այդ մասին հայտարարեց այսօր մամուլի ասուլիսի ժամանակ՝ խոսելով Նիկոլ Փաշինյանի, Իլհամ Ալիևի և Շառլ Միշելի բրյուսելյան բանակցությունների արդյունքների մասին։ «Մենք հասկանում ենք, որ չափազանց կարևոր է համաձայնության գալ։ Մենք հույս ունենք, որ երկու կողմերն էլ դուրս կբերեն իրենց զորքերը և կանցնեն դելիմիտացիայի և դեմարկացիայի գործընթաց», - նշեց Վիկտորինը։ Դեսպան Անդրեա Վիկտորինը կողմ է հայ-ադրբեջանական սահմանի երկայնքով զորքերի հայելային հետքաշմանը:

12:34 - 15 մայիսի, 2023

Աջակցում ենք Հայաստանի տարածքային ամբողջականությանը. ՀՀ-ում ԵՄ դեսպան |news.am|

news.am: Սյունիքում 55 մլն եվրոյի աջակցություն ենք տրամադրել, որով հստակ ազդակ ենք ուղարկում, որ աջակցում ենք Հայաստանին եւ Հայաստանի տարածքային ամբողջականությանը: Այս մասին այսօր՝ մայիսի 15-ին, Եվրոպայի օրվան և Եվրոպական միություն - Հայաստան հարաբերություններին նվիրված մամուլի ասուլիսլի ասուլի ժամանակ նշեց ԵՄ պատվիրակության ղեկավար, դեսպան Անդրեա Վիկտորինը: «Ռուսական ագրեասիան Ուկրաինայի դեմ մեզ դարձրել է ավելի միասնական եւ պատրաստ ենք պայքարելու մեր արժեքների՝ ժողովրդավարության եւ իրավունքի գերակայության համար: Այդ ուղեցույցով շարժվում ենք առաջ նաեւ Հայաստանում, այստեղ աջակցել ենք բարեփոխումների գործընթացին: Առաջընթացը ապահովվել է բավականին մարտահրավերներով չի ժամանակաշրջանում՝ կովիդ, պատերազմ, հետո արտահերթ ընտրություններ: Մինչ օրս բավականին լարված իրավիճակ է աշխարհում»,-ասաց նա: Անդրադառնալով նախօրեին Փաշինյան-Ալիեւ-Միշել հանդիպմանը, Վիկտորինն ասաց. «Մենք եւս մեկ անգամ ընդգծում ենք, որ ԵՄ-ն հանձնառու է եւ պատրաստ է աջակցելու Հայաստանին եւ Ադրբեջանին հարատեւ եւ խաղաղ լուծում գտնելու ճանապարհին, ինչը ոչ միայն խաղաղության կապահովի, այլեւ կերաշխավորի կայունություն յս տարծաշրջանում»:

11:54 - 15 մայիսի, 2023

ՀՀ ԱԳ փոխնախարարը տեղյակ չէ՝ արդյո՞ք Միշել-Փաշինյան-Ալիև հանդիպմանը քննարկվել է անկլավների թեման |news.am|

news.am: ՀՀ արտաքին գործերի փոխնախարար Պարույր Հովհաննիսյանի գնահատմամբ Եվրոպական խորհրդի նախագահ Շառլ Միշելի հիմնական ուղերձն այն է, որ Հայաստանն ու Ադրբեջանը պետք է ճանաչեն միմյանց տարածքային ամբողջականությունը։ «Խոսքը գնում էր այն սահմանների մասին, որոնք գոյություն ունեին Սովետական Միության փլուզման պահին, ինչը համապատասխանում է Ալմաթիի հայտարարությանը։ Մյուս կողմից, իհարկե, ակնհայտ էր, որ հանդիպումն ուղղված էր կոնկրետ քայլերով առաջընթացի հասնելուն»,- լրագրողների հետ հանդիպմանն ասաց նա։ Փոխնախարարը տեղյակ չէ՝ արդյո՞ք Միշել-Փաշինյան-Ալիև հանդիպմանը քննարկվել է անկլավների թեման։ Նրա խոսքով նման քննարկումների մասին վերջին շրջանում, նաև նախկինում ինքը տեղեկություն չունի։ Ինչ վերաբերում է ՀՀ տարածքից ադրբեջանական զորքերի դուսբերմանը, Հովհաննիսյանն ասաց, որ այդ գաղափարը քննարկվել է մի շարք գործընկերների կողմից, ոչ միայն ԵՄ-ի կողմից, ԱՄՆ-ի կողմից․ «Արդեն իսկ ճանաչումը այդ սահմանների, որի միասին խոսեցինք, իհարկե ենթադրում է նման դուրսբերում»։ Նշենք, որ ՀՀ գլխավոր շտաբի պետ Էդվարդ ասատրյանը ապրիլի 28-ին հայտնել էր, որ ներկա դրությամբ ադրբեջանական կողմը մոտ 139 քառակուսի կիլոմետր տարածքում գտնվում է ՀՀ ինքնիշխան տարածքում: Հիշեցնենք՝ երեկ Բրյուսելում տեղի է ունեցել Հայաստանի վարչապետ Նիկոլ Փաշինյանի, Եվրոպական խորհրդի նախագահ Շառլ Միշելի և Ադրբեջանի նախագահ Իլհամ Ալիևի եռակողմ հանդիպումը: Հանդիպման վերաբերյալ ԵՄ խորհդրի նախագահ Շառլ Միշելը նաև հայտարարել է, որ կողմերը հաստատել են՝ հարգում են միմյանց տարածքային ամբողջականությունը՝ Հայաստանը՝ 29 800 քառ․ կմ, Ադրբեջանը՝ 86 600 քառ․ կմ (ներառյալ ԼՂԻՄ-ը և յոթ շրջանները)։ Ըստ Միշելի՝ քննարկվել է «նախկին ԼՂԻՄ-ում ապրող հայերի իրավունքների ու անվտանգության խնդիրը»։

11:42 - 15 մայիսի, 2023

Բրյուսելում, ի թիվս այլնի, քննարկվել են գերիների, անհետ կորածների խնդիրներին վերաբերող հարցեր

Բրյուսելում տեղի է ունեցել Հայաստանի վարչապետ Նիկոլ Փաշինյանի, Եվրոպական խորհրդի նախագահ Շառլ Միշելի և Ադրբեջանի նախագահ Իլհամ Ալիևի եռակողմ հանդիպումը: Այս մասին հաղորդագրություն է տարածել ՀՀ վարչապետի աշխատակազմը։ «Հանդիպման ընթացքում քննարկվել են տարածաշրջանային տրանսպորտային և տնտեսական ենթակառուցվածքների ապաշրջափակմանը, երկու երկրների միջև սահմանազատման և սահմանային անվտանգության ապահովման աշխատանքներին, Հայաստանի և Ադրբեջանի միջև հարաբերությունների կարգավորման համաձայնագրին, Լեռնային Ղարաբաղի ժողովրդի իրավունքների և անվտանգության հասցեագրման անհրաժեշտությանը, ինչպես նաև գերիների, անհետ կորածների և այլ հումանիտար խնդիրներին վերաբերող հարցեր: Պայմանավորվածություն է ձեռք բերվել շարունակել քննարկումները հունիսի 1-ին Քիշնևում՝ Եվրոպական քաղաքական համայնքի գագաթնաժողովի շրջանակներում` ՀՀ վարչապետի, Ադրբեջանի նախագահի, Ֆրանսիայի նախագահի և Գերմանիայի կանցլերի, Եվրոպական խորհրդի նախագահի մասնակցությամբ հնգակողմ և հուլիսին` Բրյուսելում ՀՀ վարչապետի, Ադրբեջանի նախագահի, Եվրոպական խորհրդի նախագահի եռակողմ հանդիպումների շրջանակում»,- ասվում է հաղորդագրության մեջ։

21:29 - 14 մայիսի, 2023

Ըստ Միշելի՝ քննարկվել է «նախկին ԼՂԻՄ-ում ապրող հայերի իրավունքների ու անվտանգության խնդիրը»

Մենք շարունակել ենք մտքեր փոխանակել «նախկին Լեռնային Ղարաբաղի ինքնավար մարզում ապրող հայերի իրավունքների ու անվտանգության խնդրի վերաբերյալ»։ Այս մասին հայտարարել է Եվրոպական խորհրդի նախագահ Շառ Միշելը՝ ամփոփելով այսօր՝ մայիսի 14-ին, Բրյուսելում կայացած եռակողմ հանդիպումը՝ իր, ՀՀ վարչապետ Նիկոլ Փաշինյանի ու Ադրբեջանի նախագահ Իլհամ Ալիևի մասնակցությամբ։ «Ես հորդորել եմ Ադրբեջանի նախագահին ներգրավվելու դրական օրակարգ ձևավորելու մեջ՝ միջազգային հանրության հետ սերտ համագործակցությամբ ապահովելու այդ (ԼՂ՝ խմբ․) բնակչության իրավունքներն ու անվտանգությունը։ Ես նաև բարձրացրել եմ այն հարցը, որ Բաքվի ու այս (ԼՂ՝ խմբ․) բնակչության միջև թափանցիկ ու կառուցողական երկխոսության կարիք կա»,- նշել է նա։ Նույն ելույթի ժամանակ Միշելը նաև հայտարարել է, որ կողմերը հաստատել են՝ հարգում են միմյանց տարածքային ամբողջականությունը՝ Հայաստանը՝ 29 800 քառ․ կմ, Ադրբեջանը՝ 86 600 քառ․ կմ։

21:24 - 14 մայիսի, 2023

Հրապարակվել է Բրյուսելում կայանալիք երկկողմ և եռակողմ հանդիպումների ժամանակացույցը

Եվրոպական խորհրդի կայքում հրապարակվել է Բրյուսելում կայանալիք երկկողմ ու եռակողմ հանդիպման հանդիպումների ժամանակացույցը։ Այսօր՝ մայիսի 13-ին՝ տեղի ժամանակով ժամը 19։00-ին (Երևանի ժամանակով 21։00-ին), տեղի կունենա Շառլ Միշելի հանդիպումը ՀՀ վարչապետ Նիկոլ Փաշինյանի հետ։ Վաղը՝ մայիսի 14-ին՝ ժամը 09։00-ին (Երևանի ժամանակով 11։00-ին), նշանակված է Միշելի հանդիպումն Ադրբեջանի նախագահ Իլհամ Ալիևի հետ։ Իսկ Հայաստանի և Ադրբեջանի ղեկավարների հետ Շառլ Միշելի եռակողմ հանդիպումը նշանակված է վաղը՝ տեղի ժամանակով ժամը 13։00-ին (Երևանի ժամանակով 15։00-ին)։ Հիշեցնենք, որ Եվրոպական խորհրդի նախագահի գրասենյակը հայտարարել է, որ վաշինգտոնում ԱԳ նախարարների բանակցություններից հետո Փաշինյանն ու Ալիևը համաձայնել են հանդիպել Բրյուսելում։ Նրանց քննարկումները պետք է շարունակվեն նաև Ֆրանսիայի նախագահի և Գերմանիայի կանցլերի հետ համատեղ հանդիպմանը 2023թ. հունիսի 1-ին Քիշնևում կայանալիք Եվրոպական քաղաքական համայնքի գագաթնաժողովի շրջանակում։ Ադրբեջանի ԱԳՆ-ից արձագանքել էին՝ նշելով, որ Բաքուն համաձայնություն է տվել Քիշնևում Ֆրանսիայի նախագահի և Գերմանիայի կանցլերի մասնակցությամբ ոչ պաշտոնական հանդիպմանը, պայմանով, որ այն չի փոխարինելու բրյուսելյան ձևաչափը․ «Սակայն վերջնական որոշում քիշնևյան հանդիպման մասին չկա, քանի որ դրա մանրամասները դեռ հայտնի չեն»։ Այնուհետև, չնայած Բաքվից հնչող հայտարարություններին, Եվրամիությունը վերահաստատել է, որ համաձայնություն կա, որ Հայաստանի և Ադրբեջանի առաջնորդները ոչ միայն Բրյուսելում, այլև Մոլդովայում են հանդիպելու՝ Ֆրանսիայի նախագահի ու Գերմանիայի կանցլերի մասնակցությամբ: Հիշեցնենք, որ Բրյուսելում կայանալիք եռակողմ հանդիպմանն ընդառաջ մայիսի 11-ից Ադրբեջանի ԶՈՒ ստորաբաժանումները սահմանային լարվածություն են ստեղծել՝ սահմանագոտու Գեղարքունիքի մարզի, մասնավորապես Սոթքի, Կութի, Վերին Շորժայի հայկական դիրքերի ուղղությամբ կրակ բացելով։ Կիրառվել են հրետանային և ականանետային միջոցներ, ԱԹՍ։ Մինչև մայիսի 12-ի գիշերը ժամանակ առ ժամանակ ընդհատվող, ապա դարձյալ շարունակվող ադրբեջանական սադրանքների հետևանքով հայկական կողմից մեկ զինծառայող է զոհվել, ևս ութը՝ վիրավորվել։ Վիրավորների կյանքին վտանգ չի սպառնում, մի մասը դուրս է գրվել։ Մայիսի 13-ի առավոտյան ՀՀ ՊՆ-ն հաղորդել է, որ իրադրությունը առաջնագծում կայուն է։ Մայիսի 11-ին՝ ադրբեջանական կողմի սադրանքի առաջին օրը՝ ՀՀ կառավարության նիստի ժամանակ, Նիկոլ Փաշինյանը հայտարարել է, որ ադրբեջանական կողմի այս գործողությունները սադրիչ են ու այլոց շարքում նպատակ ունեն զրոյացնել այն առաջընթացը, որ գրանցվել է մայիսի 1-4-ը Վաշինգտոնում տեղի ունեցած բանակցությունների ընթացքում․ «Այսօրվա սադրանքը նպատակ ունի նաև խաթարել կիրակի օրը Բրյուսելում եռակողմ ֆորմատով, իսկ հունիսի 1-ին Քիշնևում հնգակողմ ֆորմատով նախատեսված բանակցությունները»։ Չնայած դրան՝ ՀՀ վարչապետը նշել է, որ կիրակնօրյա բանակցությունների համար Բրյուսել մեկնելու իր որոշումը չի փոխել։ Հիշեցնենք, որ 2022 թվականի նոյեմբերի 25-ին Ադրբեջանի նախագահ Իլհամ Ալիևը հայտարարել էր, թե դեկտեմբերի 7-ին Բրյուսելում Նիկոլ Փաշինյանի հետ հանդիպում է նախատեսված եղել, որը, սակայն, չի կայանա, քանի որ Նիկոլ Փաշինյանը համաձայնել է հանդիպմանը միայն այն դեպքում, եթե դրան մասնակցի Ֆրանսիայի նախագահ Էմանուել Մակրոնը, իսկ Ադրբեջանի նախագահի համար այս նախապայմանը անընդունելի էր։ Ադրբեջանի նախագահի հայտարարությանը անդրադարձել էին ՀՀ ԱԳՆ-ից՝ նշելով, որ ՀՀ-ն պատրաստ է դեկտեմբերի 7-ի հանդիպմանը՝ Պրահայում ձեռք բերված պայմանավորվածության և ձևաչափի համաձայն, որը տեղի էր ունեցել քառակողմ ձևաչափում, և տրամաբանական է, որ հանդիպման ձևաչափը և մասնակիցների կազմը պիտի նույնը լինի:

14:18 - 13 մայիսի, 2023

ԵՄ առաքելությունը չկարողացավ նպաստել Հարավային Կովկասում հարաբերությունների կարգավորմանը. Զախարովա |1lurer.am|

1lurer.am: Եվրամիության ազնիվ միջնորդի դերի անկարողությունը դրսևորվում է ցանկացած բանակցային գործընթացում, որին այն միանում է: Այս մասին հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան՝ մեկնաբանելով ԵՄ միջնորդությամբ Սերբիայի և Կոսովոյի ներկայացուցիչների հանդիպումը: Նրա խոսքով ԵՄ-ն ճնշում է գործադրում Բելգրադի վրա՝ նպատակ ունենալով դրդել նրան ճանաչելու Կոսովոյի պետականությունը: «Եվրամիության «ազնիվ միջնորդի» դերի անկարողությունը դրսևորվում է ցանկացած բանակցային գործընթացում, որին այն միանում է: Նույն իրավիճակն է նաև Հայաստանում ԵՄ «քաղաքացիական» առաքելության պարագայում, որը ծավալվել է այս տարվա փետրվարին: Այն նախկինի պես ոչ մի կերպ չկարողացավ նպաստել Անդրկովկասում հարաբերությունների կարգավորմանը»,- ասել է Զախարովան:

13:07 - 13 մայիսի, 2023

Փաշինյանը մեկնել է Բրյուսել․ առանձին հանդիպում կկայանա Շառլ Միշելի հետ

ՀՀ վարչապետ Նիկոլ Փաշինյանը մայիսի 13-14-ին աշխատանքային այցով մեկնել է Բրյուսել: Այս մասին հայտնում են ՀՀ վարչապետի աշխատակազմից։ Նշվում է, որ Փաշինյանը հանդիպում կունենա Եվրոպական խորհրդի նախագահ Շառլ Միշելի հետ։ «Այնուհետև նախատեսված է ՀՀ վարչապետի, Եվրոպական խորհրդի նախագահի և Ադրբեջանի նախագահի եռակողմ հանդիպումը»,- ասվում է հաղորդագրության մեջ։ Հիշեցնենք, որ Եվրոպական խորհրդի նախագահի գրասենյակը հայտարարել է, որ վաշինգտոնում ԱԳ նախարարների բանակցություններից հետո Փաշինյանն ու Ալիևը համաձայնել են հանդիպել Բրյուսելում։ Նրանց քննարկումները կշարունակվեն նաև Ֆրանսիայի նախագահի և Գերմանիայի կանցլերի հետ համատեղ հանդիպմանը 2023թ. հունիսի 1-ին Քիշնևում կայանալիք Եվրոպական քաղաքական համայնքի գագաթնաժողովի շրջանակում։ Ադրբեջանի ԱԳՆ-ից արձագանքել էին՝ նշելով, որ Բաքուն համաձայնություն է տվել Քիշնևում Ֆրանսիայի նախագահի և Գերմանիայի կանցլերի մասնակցությամբ ոչ պաշտոնական հանդիպմանը, պայմանով, որ այն չի փոխարինելու բրյուսելյան ձևաչափը․ «Սակայն վերջնական որոշում քիշնևյան հանդիպման մասին չկա, քանի որ դրա մանրամասները դեռ հայտնի չեն»։ Այնուհետև, չնայած Բաքվից հնչող հայտարարություններին, Եվրամիությունը վերահաստատել է, որ համաձայնություն կա, որ Հայաստանի և Ադրբեջանի առաջնորդները ոչ միայն Բրյուսելում, այլև Մոլդովայում են հանդիպելու՝ Ֆրանսիայի նախագահի ու Գերմանիայի կանցլերի մասնակցությամբ: Հիշեցնենք, որ Բրյուսելում կայանալիք եռակողմ հանդիպմանն ընդառաջ մայիսի 11-ից Ադրբեջանի ԶՈՒ ստորաբաժանումները սահմանային լարվածություն են ստեղծել՝ սահմանագոտու Գեղարքունիքի մարզի, մասնավորապես Սոթքի, Կութի, Վերին Շորժայի հայկական դիրքերի ուղղությամբ կրակ բացելով։ Կիրառվել են հրետանային և ականանետային միջոցներ, ԱԹՍ։ Մինչև մայիսի 12-ի գիշերը ժամանակ առ ժամանակ ընդհատվող, ապա դարձյալ շարունակվող ադրբեջանական սադրանքների հետևանքով հայկական կողմից մեկ զինծառայող է զոհվել, ևս ութը՝ վիրավորվել։ Վիրավորների կյանքին վտանգ չի սպառնում, մի մասը դուրս է գրվել։ Մայիսի 13-ի առավոտյան ՀՀ ՊՆ-ն հաղորդել է, որ իրադրությունը առաջնագծում կայուն է։ Մայիսի 11-ին՝ ադրբեջանական կողմի սադրանքի առաջին օրը՝ ՀՀ կառավարության նիստի ժամանակ, Նիկոլ Փաշինյանը հայտարարել է, որ ադրբեջանական կողմի այս գործողությունները սադրիչ են ու այլոց շարքում նպատակ ունեն զրոյացնել այն առաջընթացը, որ գրանցվել է մայիսի 1-4-ը Վաշինգտոնում տեղի ունեցած բանակցությունների ընթացքում․ «Այսօրվա սադրանքը նպատակ ունի նաև խաթարել կիրակի օրը Բրյուսելում եռակողմ ֆորմատով, իսկ հունիսի 1-ին Քիշնևում հնգակողմ ֆորմատով նախատեսված բանակցությունները»։ Չնայած դրան՝ ՀՀ վարչապետը նշել է, որ կիրակնօրյա բանակցությունների համար Բրյուսել մեկնելու իր որոշումը չի փոխել։ Հիշեցնենք, որ 2022 թվականի նոյեմբերի 25-ին Ադրբեջանի նախագահ Իլհամ Ալիևը հայտարարել էր, թե դեկտեմբերի 7-ին Բրյուսելում Նիկոլ Փաշինյանի հետ հանդիպում է նախատեսված եղել, որը, սակայն, չի կայանա, քանի որ Նիկոլ Փաշինյանը համաձայնել է հանդիպմանը միայն այն դեպքում, եթե դրան մասնակցի Ֆրանսիայի նախագահ Էմանուել Մակրոնը, իսկ Ադրբեջանի նախագահի համար այս նախապայմանը անընդունելի էր։ Ադրբեջանի նախագահի հայտարարությանը անդրադարձել էին ՀՀ ԱԳՆ-ից՝ նշելով, որ ՀՀ-ն պատրաստ է դեկտեմբերի 7-ի հանդիպմանը՝ Պրահայում ձեռք բերված պայմանավորվածության և ձևաչափի համաձայն, որը տեղի էր ունեցել քառակողմ ձևաչափում, և տրամաբանական է, որ հանդիպման ձևաչափը և մասնակիցների կազմը պիտի նույնը լինի:

12:33 - 13 մայիսի, 2023

Հայաստանի և Արցախի սահմանին մոտ 6000 ադրբեջանցի հատուկ ջոկատային է տեղակայված. Սիրանուշ Սահակյան |news.am|

news.am: Հայաստանի և Արցախի սահմանամերձ հատվածներում մոտ 6000 ադրբեջանցի հատուկ ջոկատային է տեղակայված։ Այս մասին այսօր՝ մայիսի 12-ին, մամուլի ասուլիսի ժամանակ նշեց Համեմատական իրավունքի կենտրոնի ղեկավար, ՄԻԵԴ-ում հայ գերիների շահերի ներկայացուցիչ, փաստաբան Սիրանուշ Սահակյանը՝ ներկայացնելով նախկին ՄԻՊ Արման Թաթոյանի հետ համատեղ ստեղծած նոր հատուկ զեկույցը։ Նշենք, որ 2020 թվականի 44-օրյա պատերազմական գործողություններում ներգրավվել էր ադրբեջանական «Յաշմա» հատուկ ջոկատայինների ստորաբաժանումը։ Դրա անդամները հատկապես դաժան էին եղել Հադրութում։ 2022 թվականին էլ թուրքական բանակի մոդելով ստեղծվել էր «Կոմանդո» ստորաբաժանումը, նրանց պատրաստությունը եղել է հենց թուրք զինծառայողների ներգրավվածությամբ։ ««Կոմանդո» ստորաբաժանումը տեղակայված է Հադրութում և Քարվաճառում։ Այս պահին 5 միավոր կա, սակայն դրանցից 3-ի գտնվելու վայրը գաղտնի է պահվում։ Նրանց ղեկավար անձնակազմի հարցազրույցներում որպես նպատակ արձանագրվել է Ադրբեջանի տարածքում գործող ոչ կանոնավոր զինվորական միավորումների դեմ պայքարը, որի տակ նրանք հասկանում են Արցախի պաշտպանության բանակը»,– նշեց Սիրանուշ Սահակյանը։ Իրավապաշպանը վստահ է` ադրբեջանցի հատուկ ջոկատայինների առջև խնդիր է դրված ոչնչացնել Արցախի զորամիավորումները։ Հիշեցնենք, որ դեռ 2022 թվականին Սիրանուշ Սահակյանը հայտնել էր, որ հստակ ապացույցներ կան` Իշխանասարի դիրքերից մեկում` «Հովազ 1» բարձունքում հայ ռազմագերիների գնդակահարությանը ներգրավված է եղել «Կոմանդո» ստորաբաժանումը։ Այդ ժամանակ դեպքի վերաբերյալ տեսանյութ էր տարածվել, որտեղ երևում էր, որ դիրքում 9 զինծառայող է եղել, 4-ին գնդակահարում են ադրբեջանցի զինծառայողները, սակայն հնարավոր էր եղել նույնականացնել նրանցից 2-ին։

13:59 - 12 մայիսի, 2023

Հայաստանում ԵՄ առաքելությունն ամբողջությամբ կատարում է իր մանդատը. ԱԳ փոխնախարար |armenpress.am|

armenpress.am: Հայաստանում Եվրամիության քաղաքացիական առաքելությունն ամբողջությամբ կատարում է իր մանդատը, ադրբեջանական ագրեսիային իրենք չէին կարող արձագանք տալ, իրենց դերակատարումն է պարբերաբար այցելել սահմանի բոլոր հատվածներ, զեկույցներ պատրաստել Բրյուսելի համար: «Արմենպրես»-ի հաղորդմամբ՝ այս մասին լրագրողների հետ զրույցում հայտարարեց ՀՀ արտաքին գործերի փոխնախարար Պարույր Հովհաննիսյանն՝ անդրադառնալով մայիսի 11-ից Սոթքի ուղղությամբ Ադրբեջանի ագրեսիային ու ԵՄ առաքելության արձագանքին: «Դիտորդները չէին կարող որևէ արձագանք տալ: Իրենց դերակատարումն է պարբերաբար զեկույցներ պատրաստել Բրյուսելի, ԵՄ անդամ երկրների համար, պարբերաբար այցելել սահմանի բոլոր հատվածներ: Իրենց ներկայությունն արդեն իսկ ներդրում է իրավիճակը բարելավելու առումով: Դա ստեղծում է հոգեբանական առումով ավելի ապահով մթնոլորտ տեղում: Եվ այդ առումով առաքելությունն ամբողջությամբ կատարում է իր վրա դրված մանդատը»,-ասաց Հովհաննիսյանը: Նա հավելեց՝ ոչ ոք կասկած չուներ, որ որոշակի սադրանքներ կլինեին, և դրանք եղան: «Սակայն այս պահին մենք կարող ենք դրական գնահատել առաքելության գործունեությունը»,-նշեց փոխնախարարը:

13:53 - 12 մայիսի, 2023