Պաղեստին

Դե յուրե ինքնիշխան պետություն Միջին Արեւելքում՝ Հորդանան գետի արեւմտյան ափին (սահմանակցում է Իսրայելին եւ Հորդանանին) եւ Գազայի հատվածին (սահմանակցում է Իսրայելին եւ Եգիպտոսին), որի մայրաքաղաքն է համարվում Արեւելյան Երուսաղեմը՝ չնայած վարչական կենտրոնը Ռամալլահում է: Պաղեստին պետության մեծ հատվածն, ըստ համացանցի աղբյուրների, օկուպացված է Իսրայելի կողմից՝ 1967 թվականի Վեցօրյա պատերազմից հետո:

Երկրորդ համաշխարհային պատերազմից հետո, 1947 թվականին ՄԱԿ-ը հաստատեց Բաժանման նախագիծը Պաղեստինի համար, որը հորդորում էր ստեղծել անկախ արաբական եւ հրեական պետություններ` առանձնացնելով Երուսաղեմը, որը պետք է ղեկավարվեր ՄԱԿ-ի հատուկ միջազգային կառավարման ռեժիմով: Հրեական պետության հիմնադրումից հետո, որը 1948 թվականի մայիսի 14-ին ստացավ Իսրայել անվանում, ներքաշվեց պատերազմների մեջ արաբական բանակների հետ: Ավելի ուշ Արաբական լիգայի կողմից ստեղծվեց Համապաղեստինյան կառավարությունը, որը կառավարեց Եգիպտոսի կողմից վերահսկվող Գազայի հատվածը: Այն շուտով ճանաչվեց Արաբական լիգայի անդամ բոլոր պետությունների կողմից՝ բացառությամբ Հորդանանի: Չնայած Համապաղեստինյան կառավարությունը իրեն հռչակեց ոչ միայն Գազայի հատվածի, այլ ամբողջ նախկին Բրիտանական Պաղեստինի կառավարիչ, այն միայն սահմանափակվում էր Գազայի հատվածով: Իսրայելը ավելի ուշ նվաճեց Գազայի հատվածը եւ Սինայի թերակղզին Եգիպտոսից, Հորդանանի գետի արեւմտյան ափը Հորդանանից եւ Գոլանի բարձունքները՝ Սիրայից՝ Վեցօրյա պատերազմի ընթացքում:

Մենք չենք հանձնվելու․ մենք ապագայում կստեղծենք մեր անկախ Պաղեստին պետությունը՝ Արևելյան Երուսաղեմ մայրաքաղաքով․ Աբաս |tert.am|

tert.am: «Մեր ժողովուրդը նվիրված է իր հողին ու հայրենիքին, և ամեն գնով կվտարի յուրայիներին իր հողից»։ Այս մասին Թուրքիայի խորհրդարանում ելույթի ժամանակ հայտարարել է Պաղեստինի Պետության նախագահ Մահմուդ Աբասը: Նրա խոսքով՝ հոկտեմբերի 7-ից Գազայի հատվածում 40 հազար մարդ է զոհվել, 80 հազարը՝ վիրավորվել, 10 հազարը՝ անհետ կորել։ «Չնայած դրան, մեր ժողովրդին կոտրել չի հաջողվի, մենք չենք հանձնվելու և չենք լքի մեր հողը։ Գազան Պաղեստին պետության անբաժանելի մասն է։ Գազայի հատվածում այլ պետություն չի կարող ստեղծվել. մենք կվերակառուցենք Գազան։ Մենք դա կանենք, որպեսզի ապագայում ստեղծենք մեր անկախ Պաղեստին պետությունը, որի մայրաքաղաքն Արևելյան Երուսաղեմն է»,- ընդգծել է Մահմուդ Աբասը։ Աբասը նաև նշել է, որ չնայած մահվան սպառնալիքին, նա կմեկնի Գազա։

18:55 - 15 օգոստոսի, 2024

Պաղեստինի նախագահը պաշտոնական այցով Թուրքիայում է |amerikayidzayn.com|

amerikayidzayn.com: v class="intro intro--bold"> Պաղեստինի ինքնավարության ղեկավար Մահմուդ Աբասը երկօրյա այցով ժամանել է Թուրքիա։ Դիտորդների խոսքով՝ Անկարան ձգտելու է օգտագործել այս այցը՝ իր տարածաշրջանային ազդեցությունը ամրապնդելու համար՝ «Համասի» առաջնորդ Իսմայիլ Հանիեի սպանությանը հաջորդած լարվածության աճի պայմաններում: Գազայում չդադարող հակամարտության ֆոնին՝ Պաղեստինի ինքնավարության ղեկավար Մահմուդ Աբասը երկօրյա այցով ժամանել է Թուրքիա, որի ընթացքում ելույթ կունենա Թուրքիայի խորհրդարանում: Դիտորդների խոսքով, այցը դժվար թե ընդլայնի Անկարայի ներգրավվածությունը մերձավորարևելյան բանակցություններում, բայց կարող է նպաստել Թուրքիայի նախագահ Ռեջեփ Թայիփ Էրդողանի ներքաղաքական դիրքերի ամրապնդմանը: «[Այս այցը] ավելի շատ սեփական լսարանին ուղերձ հղելու համար է: Չեմ կարծում, թե միջազգային ասպարեզում կա մեկը, որ Թուրքիան ընկալում է որպես առաջադեմ ուժ կամ Էրդողանին՝ որպես պաղեստինյան իրավունքների պաշտպան: Ընդհակառակը, կարծում եմ, նման բան ոչ ոք չի մտածում»,- ասում է թուրքական Politikyol լրատվական հարթակի մեկնաբան Սեզին Օնեյը։ Հիշեցնենք՝ վերջերս Էրդողանը հրապարակավ կշտամբեց Աբասին՝ մեղադրելով պաղեստինյան առաջնորդին Թուրքիա այցելելու իր հրավերն ի սկզբանե մերժելու մեջ։ Թուրքիայի ղեկավարի ներկայացմամբ Անկարան կամուրջ է Պաղեստինի ինքնավարության և «Համասի» միջև։ Սակայն դիտորդները նշում են՝ վերջերս Չինաստանի կողմից պաղեստինյան խմբակցությունների առաջնորդներին հյուրընկալելը նշան է, որ Էրդողանը զրկվել է այդ դերից:

09:58 - 15 օգոստոսի, 2024

«Համաս»-ը չի ցանկանում մասնակցել «բանակցություններին հանուն բանակցությունների». BBC |azatutyun.am|

09:32 - 15 օգոստոսի, 2024

Թուրքիայում հանդիպել են Էրդողանն ու Աբասը |tert.am|

tert.am: Անկարայում փակ ձևաչափով անցկացվել է Թուրքիայի նախագահ Ռեջեփ Թայիփ Էրդողանի և Պաղեստինի ղեկավարներ Մահմուդ Աբասի հանդիպումը։ Օգոստոսի 15-ին Աբբասի ելույթ կունենա Թուրքիայի խորհրդարանում։ Նախօրեին Պաղեստինի նախագահը Մոսկվայում բանակցություններ էր վարել Պուտինի հետ։

21:15 - 14 օգոստոսի, 2024

Իսրայելի պաշտպանության բանակը հայտարարել է Գազայում արմատականների 40 ռազմական օբյեկտների վրա հարձակման մասին

Իսրայելի ռազմաօդային ուժերը վերջին 24 ժամվա ընթացքում հարվածներ են հասցրել Գազայի հատվածի 40 տարբեր ռադիկալ թիրախների ուղղությամբ։ Այս մասին հայտնում է բանակի մամուլի ծառայությունը։ Ցամաքային ստորաբաժանումները «օպերատիվ գործողություններ» են իրականացնում Գազայի հատվածի հարավային մասում՝ Խան Յունիս քաղաքի մոտ և Ռաֆահից արևմուտք գտնվող Թել էս-Սուլթանում, որտեղ «վերջին 24 ժամվա ընթացքում զորքերը ոչնչացրել են զինված ահաբեկիչներին և հայտնաբերել մեծ թվով զենքեր»,- շարունակել է մամուլի ծառայությունը։ Բացի այդ, Գազայի կենտրոնական հատվածում «զորքերը չեզոքացրել են ՀԱՄԱՍ-ի ահաբեկիչների թիրախները», ինչպես նաև ոչնչացրել են արմատականների «դիպուկահարների և դիտորդական դիրքերը»,-հավելել է գերատեսչությունը։

11:23 - 14 օգոստոսի, 2024

Իրանն առաջիկա ժամերին կարող է Իսրայելին պատասխան տալու որոշում կայացնել․Պաղեստինի նախագահ Մահմուդ Աբաս |tert.am|

tert.am: Իրանն առաջիկա ժամերին կարող է պատասխան տալ Իսրայելին պաղեստինյան արմատական ՀԱՄԱՍ շարժման քաղբյուրոյի ղեկավար Իսմայիլ Հանիյեի սպանության վերաբերյալ։ Այս մասին հայտարարել է Պաղեստինի նախագահ Մահմուդ Աբբասը ՏԱՍՍ-ի գլխավոր տնօրենի առաջին տեղակալ Միխայիլ Գուսմանին տված հարցազրույցում։ «Որոշումը կարող է կայացվել առաջիկա մի քանի օրվա ընթացքում կամ նույնիսկ հաջորդ մի քանի ժամվա ընթացքում»,-ասել է Աբասը: «Նախ՝ մենք՝ որպես պաղեստինցիներ, դեմ ենք պատերազմին։ 2023 թվականի հոկտեմբերի 7-ին մենք պաշտոնապես հայտարարեցինք, որ դեմ ենք պատերազմին և դեմ ենք խաղաղ բնակիչների, կանանց և երեխաների սպանությանը։ Մենք դեռ չենք կարող կանխատեսել, թե ինչ կլինի, բայց կարող ենք հուսալ, որ սրացում չի լինի, պատերազմ չի լինի, որի հետևանքները դժվար է գնահատել»,-ասել է Աբասը։

20:47 - 13 օգոստոսի, 2024

Պուտինն ու Աբասն անդրադարձել են Պաղեստինի անկախ պետություն ստեղծելու հարցին |1lurer.am|

1lurer.am: Վլադիմիր Պուտինն ընդունել է Մահմուդ Աբասին։ Ռուսաստանի նախագահը նշել է, որ չնայած Ուկրաինայում ընթացող ռազմական գործողություններին՝ Մոսկվան չի անտեսում այն, ինչ տեղի է ունենում Մերձավոր Արևելքում, մասնավորապես՝ Պաղեստինում: «Մենք մեծ ցավով ու տագնապով ենք հետևում այն մարդասիրական աղետին, որը ծավալվում է Պաղեստինում։ Մեր կողմից ամեն ինչ անում ենք պաղեստինցի ժողովրդին աջակցելու համար։ Դուք գիտեք, որ մենք միշտ հանդես ենք եկել խաղաղ կարգավորման օգտին և հասկանում ենք, որ մենք ձեզ հետ ընդհանուր դիրքորոշում ունենք, այն է, որ այդ խնդրի արմատները հեռու են անցյալից և կապված են միջազգային կազմակերպությունների, առաջին հերթին՝ ՄԱԿ-ի մակարդակով ընդունված որոշումների անտեսման հետ՝ անկախ պաղեստինյան պետության ձևավորման ու ստեղծման հետ»,- ասել է Պուտինը։ Նա հավելել է, որ տարածաշրջանում տևական, հուսալի, կայուն խաղաղություն ապահովելու համար անհրաժեշտ է կատարել ՄԱԿ-ի բոլոր որոշումները և առաջին հերթին ստեղծել լիարժեք պաղեստինյան պետություն: Աբասն էլ նշել է, որ Ռուսաստանն իսկապես բարեկամական երկիր է Պաղեստինի ժողովրդի համար։ Նրա խոսքով՝ «Մոսկվան միշտ կանգնած է իրավունքի, ճշմարտության կողքին»։ Պաղեստինի նախագահը քննադատել է ՄԱԿ-ը՝ նշելով, որ այն ձախողել է իր առաքելություն՝ ապահովելու պաղեստինցի ժողովրդի իրավունքի իրացումը։ Աբասը նշել է, որ Պաղեստինն ակնկալում է Ռուսաստանի աջակցությունը անկախ պետություն ստեղծելու հարցում։

19:24 - 13 օգոստոսի, 2024

Դոնալդ Թրամփը՝ հնարավոր միջուկային պատերազմի մասին |factor.am|

factor.am: Այս պահին մարդկության համար ամենալուրջ սպառնալիքը միջուկային պատերազմի հավանականությունն է, այլ ոչ թե գլոբալ տաքացումը։ Նման կարծիք է հայտնել նոյեմբերին կայանալիք նախագահական ընտրություններում Հանրապետական կուսակցությունը ներկայացնող ԱՄՆ նախկին նախագահ Դոնալդ Թրամփը՝ X հարթակում խոսելով դրա սեփականատեր և իր աջակից, միլիարդատեր Իլոն Մասկի հետ։ Շուրջ երկու ժամ տևած հարցազրույցը տեղի է ունեցել օգոստոսի 12-ին, փոխանցում է DW-ի ռուսական ծառայությունը։ Թրամփը ԱՄՆ գործող նախագահ Ջո Բայդենին անվանել է «հիմար մարդ»։ «Դուք պարզապես կունենաք ավելի շատ սեփականություն օվկիանոսի տեսարանով, այնպես չէ՞։ Ամենամեծ սպառնալիքն այլ տեղ է: Ամենամեծ սպառնալիքը միջուկային տաքացումն է, քանի որ մենք այժմ ունենք զգալի միջուկային հնարավորություններ ունեցող հինգ երկիր, և մենք չենք կարող թույլ տալ, որ Բայդենի նման հիմար մարդկանց հետ որևէ բան պատահի»,- այսպես է մեկնաբանել Դոնալդ Թրամփը գլոբալ կլիմայի փոփոխության խնդիրը։ Ուկրաինայի դեմ Ռուսաստանի շարունակվող պատերազմի և Մոսկվայի հայտարարությունների ֆոնին դիտորդները բազմիցս մտահոգություն են հայտնել միջուկային էսկալացիայի հնարավորության վերաբերյալ։ Նույնը վերաբերում է նաև այն պատերազմին, որն Իսրայելը մղում է Մերձավոր Արևելքում ՀԱՄԱՍ-ի դեմ։

12:23 - 13 օգոստոսի, 2024

Պաղեստինի նախագահը ժամանել է Մոսկվա |tert.am|

tert.am: Պաղեստինի նախագահ Մահմուդ Աբասը ժամանել է Մոսկվա։ Այս մասին հայտնում է ՌԻԱ Նովոստին։ Սպասվում է, որ երեքշաբթի Աբասը բանակցություններ կվարի Վլադիմիր Պուտինի հետ։ Ինչպես հաղորդում է Կրեմլի մամուլի ծառայությունը, կողմերը մտքեր կփոխանակեն Մերձավոր Արևելքում տիրող իրավիճակի շուրջ։

21:03 - 12 օգոստոսի, 2024

Թուրքիան մարդկության դեմ նոր հանցագործություն կատարելու մեղադրանք է ներկայացրել Իսրայելին |armenpress.am|

armenpress.am: Թուրքիան մարդկության դեմ նոր հանցագործություն կատարելու մեղադրանք է ներկայացրել Իսրայելին։ Գազայի հատվածում դպրոցի շենքի հրթիռակոծմանը կատարած անդրադարձում արձանագրել է Թուրքիայի արտգործնախարարությունը։ «Իսրայելը մարդկության դեմ նոր հանցագործություն է գործել՝ հաշվեհարդար տեսնելով Գազայի Դարաջի թաղամասի դպրոցի շենքում ապաստանած ավելի քան հարյուր խաղաղ բնակիչների հետ: Այս հարձակումը ևս մեկ անգամ ցույց տվեց, որ Նեթանյահուի կառավարությունը ցանկանում է ձախողել կայուն հրադադարի հասնելու վերաբերյալ բանակցությունները: Այդ հանցագործությունների մեղսակից են միջազգային այն դերակատարները, որոնք քայլեր չեն ձեռնարկում Իսրայելին կանգնեցնելու համար»,- նշվում է հայտարարությունում։ Ավելի վաղ պաղեստինյան շտապ օգնության ծառայությունները հայտնել էին, որ իսրայելական ինքնաթիռը երեք հրթիռ է արձակել Գազայի Ալ-Թաբային դպրոցի ուղղությամբ, որտեղ առավոտյան աղոթքի էին հավաքվել փախստականները: Նախնական տվյալներով՝ զոհվել է 100 մարդ։ Իսրայելի Պաշտպանության բանակը պնդում է, որ դպրոցում գտնվում էին ՀԱՄԱՍ-ի զինյալները։

19:52 - 10 օգոստոսի, 2024

Ժոզեպ Բորելը Գազայի հատվածում դպրոցի վրա իսրայելական հարվածի կադրերը սարսափելի է որակել |armenpress.am|

armenpress.am: ԵՄ արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը հայտարարել է, որ սարսափած է Գազայի հատվածում դպրոցի վրա իսրայելական հարվածից՝ հավելելով, որ նման զանգվածային սպանություններն արդարացում չունեն: Այս մասին հայտնում է «ՌԻԱ Նովոստի»-ն: Ավելի վաղ Իսրայելի պաշտպանության բանակը հայտարարել էր Գազայի հատվածում դպրոցին հարվածելու մասին ՝ պնդելով, որ այնտեղ ՀԱՄԱՍ-ի մարտիկներ են տեղակայված: Հարվածի հետևանքով առնվազն 100 մարդ է զոհվել, տասնյակ մարդիկ վիրավորվել են:

17:28 - 10 օգոստոսի, 2024

Գազայում գտնվող դպրոցին իսրայելական հարվածի հետևանքով մոտ 100 մարդ է զոհվել |1lurer.am|

1lurer.am: Իսրայելի բանակը հայտարարել է Գազայի հատվածում գտնվող դպրոցին հարվածելու մասին՝ պնդելով, որ դրանում ՀԱՄԱՍ-ի զինյալներ էին տեղավորված։ Հաղորդվում է հարվածի հետևանքով 100 մարդու զոհվելու մասին։ Ավելի ուշ Գազայի իշխանությունները հաստատել են այդ տեղեկությունը՝ նշելով, որ իսրայելական կողմը երեք հրթիռի հարված է հասցրել դպրոցին։ Արտակարգ ծառայությունները շարունակում են որոնողափրկարարական աշխատանքը, սակայն այն բարդանում է բռնկված հրդեհի պատճառով։

10:14 - 10 օգոստոսի, 2024

Եվրահանձնաժողովի ղեկավարն աջակցել է ՀԱՄԱՍ-ի և Իսրայելի միջև հրադադարի շուրջ բանակցությունների վերսկսմանը |armenpress.am|

armenpress.am: Եվրահանձնաժողովի ղեկավար Ուրսուլա ֆոն դեր Լայենն աջակցել է ԱՄՆ-ի, Եգիպտոսի և Կատարի ջանքերին ՝ վերսկսելու ՀԱՄԱՍ-ի և Իսրայելի միջև հրադադարի շուրջ բանակցությունները: Այս մասին նա հայտարարել է X-ի իր միկրոբլոգում։ Ֆոն դեր Լայենն ընդգծել է, որ Գազայում հրադադարը պետք է անհապաղ, քանի որ դա կյանքեր փրկելու, խաղաղության հույսը վերականգնելու և պատանդների վերադարձն ապահովելու միակ միջոցն է: «Այդ պատճառով ես վճռականորեն աջակցում եմ ԱՄՆ-ի, Եգիպտոսի և Կատարի ջանքերին՝ ուղղված խաղաղության և կայունության ձեռքբերմանը, որի կարիքն ունի տարածաշրջանը», - գրել է Ուրսուլա ֆոն դեր Լայենը։

22:15 - 09 օգոստոսի, 2024

ՀԱՄԱՍ-ը հայտարարություն է արել Իսրայելի հետ բանակցությունների վերաբերյալ |factor.am|

factor.am: Պաղեստինյան ՀԱՄԱՍ շարժման ղեկավարությունը դեռևս որոշում չի կայացրել Գազայի հատվածում հրադադարի շուրջ բանակցություններին մասնակցելու վերաբերյալ, որոնք նախաձեռնել են Եգիպտոսը, Կատարը և ԱՄՆ-ը, ՌԻԱ Նովոստիին հայտնել է Լիբանանում ՀԱՄԱՍ-ի մամուլի ծառայության ղեկավար Վալիդ Քեյլանին։ Ավելի վաղ Եգիպտոսը, Կատարը և ԱՄՆ-ն Իսրայելին և պաղեստինյան ՀԱՄԱՍ շարժմանը կոչ էին արել օգոստոսի 14-15-ը վերսկսել հրադադարի շուրջ քննարկումները։ Երեք երկրների ղեկավարները նշել են, որ պատրաստ են վերջնական առաջարկ ներկայացնել գործարքին հասնելու համար։ «Այս պահին ՀԱՄԱՍ-ի պաշտոնական դիրքորոշումն առաջիկա բանակցություններին մասնակցելու վերաբերյալ դեռևս չի հայտարարվել: Երեք երկրների համատեղ հայտարարության վերաբերյալ, որը հրապարակվել է երեկ, պաշտոնական մեկնաբանություն չկա», – ասել է Քեյլանին: Նրա խոսքով՝ բանակցություններին մասնակցելու վերաբերյալ պաշտոնական դիրքորոշումը և նախաձեռնող երեք երկրների հայտարարության գնահատականը կհրապարակվեն այսօր կամ վաղը։

21:57 - 09 օգոստոսի, 2024

Պենտագոնն ընդգծել է Գազայում հրադադարի մասին համաձայնագրի կնքման կարևորությունը |armenpress.am|

armenpress.am: ԱՄՆ պաշտպանության նախարար Լլոյդ Օսթինն ընդգծել է Գազայում հրադադարի մասին համաձայնագրի կնքման կարևորությունը։ «Արմենպրես»-ի հաղորդմամբ՝ այս մասին նա գրել է X-ի իր միկրոբլոգում։ «Այսօր ես զանգահարեցի Իսրայելի պաշտպանության նախարար Գալանտին, որպեսզի տեղեկացնեմ նրան ԱՄՆ-ի ուժերի տեղակայման փոփոխությունների մասին և հաստատեմ իմ ամուր աջակցությունը Իսրայելի պաշտպանությանը: Ամերիկյան F-22 Raptor կործանիչները, որոնք այսօր ժամանել են տարածաշրջան, ներկայացնում են ագրեսիայի զսպման, տարածաշրջանում Իսրայելի և ԱՄՆ զինված ուժերի պաշտպանության բազմաթիվ միջոցառումներից մեկը: Ես նաև ընդգծել եմ Գազայում հրադադարի մասին համաձայնագրի կնքման կարևորությունը, որը թույլ կտա ազատ արձակել պատանդներին»,- գրել է Օսթինը։

21:05 - 09 օգոստոսի, 2024

Իսրայելի վրա հարձակման կազմակերպիչներից Յահյա Սինվարին նշանակվել է «Համաս»-ի քաղբյուրոյի ղեկավար |azatutyun.am|

azatutyun.am: Ծայրահեղական «Համաս» խմբավորումը Գազայի հատվածում իր առաջնորդ Յահյա Սինվարին նշանակել է քաղբյուրոյի ղեկավար, հաղորդում է Reuters-ը։ Նշվում է, որ Սինվարը 2023-ի հոկտեմբերի 7-ին Իսրայելի վրա հարձակման գլխավոր կազմակերպիչներից է։ Նա իր չափահաս կյանքի կեսն անցկացրել է իսրայելական բանտերում, «Համաս»-ի ամենահզոր առաջնորդներից է, և թաքնվում է Գազայում՝ դիմակայելով պատերազմի սկզբից ի վեր իրեն սպանելու Իսրայելի փորձերին: ԱՄՆ-ի և ԵՄ-ի կողմից ահաբեկչական կազմակերպություն ճանաչված խմբավորման քաղբյուրոյի ղեկավարը Իսմայիել Հանիեին էր, որ սպանվեց Թեհրանում հուլիսի 31-ին, ուր նախօրեին մասնակցում էր Իրանի նորընտիր նախագահ Մասուդ Փեզեշքիանի երդմնակալության արարողությանը։ Սինվարի նշանակումը կոշտ ու անզիջում պայքարի ուղերձ ունի, Reuters-ին ասել է տարածաշրջանային դիվանագետը, որ ծանոթ է Եգիպտոսի և Կատարի միջնորդությամբ անցկացվող բանակցություններին, որոնց նպատակն է դադարեցնել մարտերը Գազայում և վերադարձնել 115 իսրայելցի և օտարերկրյա պատանդներին: Իրավիճակը Մերձավոր Արևելքում կտրուկ սրվել է 2023 թվականի հոկտեմբերի 7-ին, երբ «Համաս»-ի զինյալները Գազայի հատվածից անսպասելիորեն հարձակվել են հրեական խաղաղ ավանների վրա: Այդ գրոհների հետևանքով սպանվել է մոտ 1200 իսրայելցի, ևս ավելի քան 250 իսրայելցի պատանդառվել է: Ըստ պաղեստինյան անկլավի առողջապահության նախարարության՝ Գազայի հատվածում իսրայելան ռազմական գործողությունների հետևանքով զոհված պաղեստինցիների թիվը գերազանցել է 37 հազարը։ Մերձավոր Արևելքում շուրջ 10 ամիս ընթացող պատերազմն էլ ավելի թեժացավ անցյալ շաբաթ՝ Լիբանանում «Հեզբոլա»-ի բարձրաստիճան հրամանատարի և Թեհրանում ծայրահեղական «Համաս»-ի բարձրաստիճան քաղաքական առաջնորդի սպանությունից հետո։ Թեհրանը և իր դաշնակիցները մեղադրանքի սլաքներն ուղղել են դեպի Իսրայելը և սպառնացել պատասխան գործողություններով:

09:10 - 07 օգոստոսի, 2024