Վլադիմիր Զելենսկի

Վլադիմիր Ալեքսանդրովիչ Զելենսկին Ուկրաինայի նախագահ, քաղաքական գործիչ, շոումեն, արտիստ, կատակերգու, «Թաղամաս-95» ստուդիայի գեղարվեստական ղեկավար և մշտական առաջնորդ, պրոդյուսեր և սցենարիստ:

Ծնվել է 1978 թվականի հունվարի 25-ին Կրիվոյ Ռոգ քաղաքում:

1998-2003 թվականներին «95-րդ թաղամասը» ելույթ է ունեցել ՈւՀԱ-ի բարձրագույն լիգայում։  Եղել է Ուկրաինայի Հանրապետության կառավարության անդամ և «Ինտեր» հեռուստաալիքի գլխավոր պրոդյուսեր 

2019 թվականի հունվարի 21-ին «Ժողովրդի ծառա» կուսակցությունն առաջարկել է Վլադիմիր Զելենսկու թեկնածությունը որպես նախագահ։ Ուկրաինայի նախագահական ընտրությունների երկու փուլերի հաղթել է։

 

Զելենսկին պատրաստ է Պուտինի հետ հանդիպել, բայց չի բացառում, որ հանդիպում կարող է չլինել

Զելենսկին պատրաստ է Պուտինի հետ հանդիպել, բայց չի բացառում, որ հանդիպում կարող է չլինել

Ուկրաինայի նախագահ Վլադիմիր Զելենսկին հերթական անգամ հայտարարել է, որ պատրաստ է հանդիպելու Ռուսաստանի նախագահ Վլադիմիր Պուտինի հետ, բայց չի բացառել, որ հանդիպումը կարող է նաև չկայանալ։ Այս մասին, ինչպես գրում է ՈՒՆԻԱՆ-ը, նա ասել է լրագրողներին տված հարցազրույցում, որը հեռարձակվել է տեղեկատվական հեռուստամարաթոնի ժամանակ։ Անդրադառնալով ռուս-ուկրաինական բանակցությունների վրա Բուչայի դեպքերի ազդեցությանը՝ նա նշել է, որ «միևնույն է, պետք է հնարավորություններ գտնել այդպիսի քայլեր [բանակցելու] համար»։ Զելենսկին ընդգծել է, որ այդ բանակցություններում Ուկրաինան պետք է ավելի ուժեղ դիրքեր ունենա, քան ՌԴ-ն։ «Բանակցությունների հարցը հաստատ լինելու է։ Հարցը միայն այն է, թե որքան ամուր [դիրքեր] կունենաս բանակցությունների սեղանի շուրջ», - ասել է նա՝ հավելելով, որ դիրքորոշումը, թե Պուտինի հետ բանակցություններ վարել պետք չէ, «ամենահեշտն է»։ «Հեշտ է ասել՝ ես քեզ հետ չեմ խոսելու։ Եվ պարզ է, թե ինչու՝ հաշվի առնելով այն, ինչ արել եք։ [․․․] Մենք կարծում ենք, որ դա ցեղասպանություն է, որ նրանք բոլորը պետք է պատժվեն դրա համար, և այդ դիրքորոշմամբ հանդերձ պետք է հնարավորություն գտնել հանդիպելու։ Եվ այդ հանդիպման ժամանակ ելք գտնել այս իրավիճակից, և այդ ելքի դեպքում չկորցնել սեփական տարածքը»,- կարծում է Ուկրաինայի նախագահը։ Նա նաև նշել է, որ «կարող է այնպես լինել, որ հանդիպում չլինի էլ, կարող է այդպիսի բան լինել»։   Նորա Վանյան
13:42 - 05 ապրիլի, 2022
Ռուսաստանն Ուկրաինայում ցեղասպանություն է անում, քանի որ վստահ է, որ Եվրոպան չի կարող դիմադրել․ Զելենսկի

Ռուսաստանն Ուկրաինայում ցեղասպանություն է անում, քանի որ վստահ է, որ Եվրոպան չի կարող դիմադրել․ Զելենսկի

«Ուկրաինացիների ցեղասպանության բացահայտ կոչերը» և Ուկրաինայի տարածքում «ռուսական զորքերի կողմից դրանց իրականացման փաստերը» հնարավոր են դարձել ՌԴ՝ «ադեկվատությունը կորցրած ղեկավարության» և նրա վստահության շնորհիվ, որ եվրոպացի առաջնորդները չեն կարող դիմադրել։ Liga.net-ի փոխանցմամբ այս մասին ասել է Զելենսկին Ռումինիայի խորհրդարանում տեսակապով ելույթ ունենալիս։ Զելենսկին պատմել է Կիևի մարզի Բուչա քաղաք իր այցելության մասին, որտեղ ուկրաինական տվյալներով տեղի բնակիչների ավելի քան 300 դի է հայտնաբերվել ռուսական զորքերի նահանջից հետո։ Զելենսկին ընդգծել է, որ նույն օրը՝ ապրիլի 3-ին, երբ համաշխարհային լրատվամիջոցները կադրեր են հրապարակել Բուչայից, ռուսական պետական ՌԻԱ Նովոստի լրատվական գործակալության կայքում հոդված է հրապարակվել՝ «ուկրաինացիների ցեղասպանության հիմնավորմամբ»։ Ուկրաինայի նախագահը նշել է, որ գործակալությունը չէր կարող հրապարակել մի բան, որը չի համապատասխանում ՌԴ ղեկավարության գաղափարական դիրքորոշմանը։ «Այսինքն՝ ուզում եմ՝ ինձ ճիշտ հասկանաք․ նրանք նույնիսկ չեն թաքցնում դա։ Նրանք բացահայտ խոսում են Ուկրաինայի տարածք ներխուժելու նպատակների մասին»,- ասել է Զելենսկին։ Նա հավելել է, որ «դաժան ապամարդկային քաղաքականության բացահայտ դրսևորումները» հնարավոր են դարձել երկու պատճառով՝ Ռուսաստանի ղեկավարության «անադեկվատության» և նրա համոզվածության, որ «եվրոպացի առաջնորդները թույլ են»։ «Երկրորդ պատճառը […] Ռուսաստանի բարձրաստիճան պաշտոնյաների վստահությունն է, որ եվրոպացի առաջնորդները չեն կարող [իրենց դիմակայել], նրանք թույլ են։ […] Որ եվրոպական ժողովուրդներն ունակ չեն աշխարհամասը միավորող արժեքները պաշտպանել»,- ասել է Ուկրաինայի նախագահը։ Նա Ռումինիայի ժողովրդին կոչ է արել միասին կանգնեցնելու «այդ անադեկվատ մարդկանց»։ «Մենք միասին պետք է կանգնեցնենք նրանց, ովքեր ցեղասպաննություն են ուզում Եվրոպայում»,- ասել է Զելենսկին։   Նորա Վանյան
11:18 - 05 ապրիլի, 2022
Զելենսկին «Գրեմմի»-ի մասնակիցներին կոչ է արել սատարելու Ուկրաինային

Զելենսկին «Գրեմմի»-ի մասնակիցներին կոչ է արել սատարելու Ուկրաինային

Լուսանկարը՝ Reuters-ի Ուկրաինայի նախագահ Վլադիմիր Զելենսկին այս գիշեր հեռուստաուղերձ է հղել «Գրեմմի» երաժշտական մրցանակաբաշխության մասնակիցներին՝ նրանց և հանդիսատեսին կոչ անելով «ցանկացած կերպ» աջակցելու իր երկրին Ռուսաստանի դեմ պատերազմում։ Այս մասին հայտնում է Deutsche Welle-ն։ «Ո՞րն է երաժշտության ամենամեծ հակադրությունը․ ավերված քաղաքների և սպանված մարդկանց լռությունը»,- ասել է նա։ Նա հավելել է․ «Լցրե՛ք լռությունը ձեր երաժշտությամբ։ Արեք դա այսօր՝ մեր պատմությունը պատմելու համար։ Սատարե՛ք մեզ, ինչպես կարող եք։ Ցանկացած ձևով, բայց ոչ լռությամբ»։ Զելենսկիի ուղերձից հետո ամերիկացի երգիչ Ջոն Լեջենդը և ուկրաինացի պոետ Լյուբով Յակիմչուկն Ուկրաինային նվիրված ստեղծագործություն են կատարել։ 2022թ․-ին «Գրեմմի» մրցանակաբաշխությունն անցկացվում է 64-րդ անգամ։ Ի սկզբանե միջոցառումը պլանավորվում էր հունվարի 31-ին, սակայն կորոնավիրուսի «օմիկրոն» շտամի տարածման պատճառով այն հետաձգվել էր։   Նորա Վանյան
10:37 - 04 ապրիլի, 2022
Կիևը տարածքային զիջումների չի գնա. Զելենսկի |tert.am|

Կիևը տարածքային զիջումների չի գնա. Զելենսկի |tert.am|

tert.am: Ուկրաինայի տարածքային ամբողջականությունը ՌԴ-ի հետ բանակցությունների գլխավոր թեման է: Այս մասին Fox News-ին տված հարցազրույցում ասել է Ուկրաինայի նախագահ Վլադիմիր Զելենսկին։ Լրագրողների հետ զրույցում Զելենսկին նշել է, որ դժվար է կանխատեսել պատերազմի ավարտի ժամկետները, և դա «խորը, ցավոտ հարց է», սակայն ընդգծել է, որ ուկրաինացի ժողովուրդը հաղթանակից բացի այլ արդյունք չի ընդունի։ Պատասխանելով հարցին, թե արդյոք նախագահը պատրա՞ստ է տարածքային զիջումների գնալ Ռուսաստանին՝ հանուն խաղաղության համաձայնագրի ստորագրման, Զելենսկին ասել է, որ դա տեղի չի ունենա։ «Մենք մեր տարածքն առևտրի չենք հանում, տարածքային ամբողջականության և ինքնիշխանության հարց չի քննարկվում»,- ասել է նա։ Զելենսկին նաև ասել է, որ Ուկրաինան ակնկալում է պարտավորություններ աշխարհի «առաջատար երկրներից», որ ուկրաինական պետության անվտանգությունը պաշտպանված կլինի համաձայնագրով։
11:00 - 02 ապրիլի, 2022
Ուկրաինայի արևելքում իրավիճակը շարունակում է մնալ ծայրահեղ ծանր․ Վլադիմիր Զելենսկի

Ուկրաինայի արևելքում իրավիճակը շարունակում է մնալ ծայրահեղ ծանր․ Վլադիմիր Զելենսկի

Եվրոպան իրավունք չունի լռությամբ արձագանքել Մարիուպոլում տեղի ունեցածին։ Ամբողջ աշխարհը պետք է արձագանքի այս հումանիտար աղետին։ Այս մասին իր տեսաուղերձում հայտարարել է Ուկրաինայի նախագահ Վլադիմիր Զելենսկին, հայտնում է Ukrinform-ը։«Մեր երկրի արևելքում իրավիճակը շարունակում է մնալ ծայրահեղ ծանր։ Ռուսաստանը ուժեր է կուտակում Դոնբասի և Խարկովի ուղղությամբ։ Նրանք պատրաստվում են նոր հզոր հարվածների։ Մենք պատրաստվում ենք էլ ավելի ակտիվ պաշտպանության։ Մենք օգտագործում ենք բոլոր հնարավորությունները՝ և՛ ներքին, և՛ արտաքին: Դա միանշանակ է»,- ասել է նախագահը։Նա հայտարարել է, որ ավելի վաղ Ուկրաինայի հումանիտար իրավիճակի շուրջ խոսակցություն է ունեցել Ֆրանսիայի նախագահ Էմանուել Մակրոնի հետ։  «Առանձին քննարկվել է իրավիճակը Մարիուպոլում։ Սրա համար, հուսով եմ, դեռ լուծումներ կարող են լինել։ Եվրոպան իրավունք չունի լռությամբ արձագանքել այն ամենին, ինչ կատարվում է մեր Մարիուպոլում։ Ողջ աշխարհը պետք է արձագանքի այս հումանիտար աղետին»,- ընդգծել է Ուկրաինայի ղեկավարը։
03:12 - 02 ապրիլի, 2022
Էրդողանը հայտարարել է, որ Պուտին-Զելենսկի հանդիպումը կարող է տեղի ունենալ Ստամբուլում |factor.am|

Էրդողանը հայտարարել է, որ Պուտին-Զելենսկի հանդիպումը կարող է տեղի ունենալ Ստամբուլում |factor.am|

factor.am: ՌԴ-ի նախագահ Վլադիմիր Պուտինի ու Ուկրաինայի նախագահ Վլադիմիր Զելենսկիի հանդիպումը կարող է տեղի ունենալ Ստամբուլում։ Նման կարծիք է հայտնել Թուրքիայի նախագահ Ռեջեփ Թայիփ Էրդողանը, գրում է ՏԱՍՍ-ը։ «Ես երեկ  բանակցություններ ունեցա պարոն Զելենսկիի հետ, այսօր էլ բանակցություններ կլինեն պարոն Պուտինի հետ։ Նախնական խորհրդակցությունների արդյունքում մենք այժմ կարող ենք հանդիպել ամենաբարձր մակարդակով ղեկավարների հետ՝  քայլեր ձեռնարկելու համար հատկապես Ղրիմի և Դոնբասի առնչությամբ։ Պարոն Զելենսկին դրական կարծիք ունի, հուսով եմ, պարոն Պուտինի մոտ ևս դրական կլինի։ Եթե մենք կարողանանք գագաթնաժողովը Ստամբուլում անցկացնել, որ նրան որոշում ընդունեն բացասական տենդենցը վերածել դրականի, ապա ուրախ կլինենք»,-ասել է Էրդողանը։ 
17:19 - 01 ապրիլի, 2022
Պուտինն ու Զելենսկին կարող են հանդիպել խաղաղության համաձայնագրի նախաստորագրման ժամանակ․ Մեդինսկի
 |azatutyun.am|

Պուտինն ու Զելենսկին կարող են հանդիպել խաղաղության համաձայնագրի նախաստորագրման ժամանակ․ Մեդինսկի |azatutyun.am|

azatutyun.am: Նախագահներ Պուտինն ու Զելենսկին կարող են հանդիպել խաղաղության համաձայնագրի նախաստորագրման ժամանակ, այսօր Ստամբուլում կայացած ռուս-ուկրաինական բանակցություններից հետո հայտարարել է ռուսական կողմի գլխավոր բանագնաց Վլադիմիր Մեդինսկին։ «Այսօրվա բովանդակալից հանդիպումից հետո համաձայնեցրել ենք և առաջարկում ենք լուծում, որով նախագահների հանդիպումը հնարավոր է՝ համաձայնագրի նախաստորագրման հետ», - ասել է Ռուսաստանի նախագահի օգնականը։ «Եթե արագ աշխատանք կատարվի համաձայնագրի վրա և գտնենք անհրաժեշտ փոխզիջումները, խաղաղության կնքումը շատ ավելի կմոտենա»,- ասել է նա՝ առանց հավելյալ մանրամասների։ Ուկարինական պատվիրակության անդամ Դավիդ Արախամիան մինչդեռ պնդել է, թե Կիևը պահանջում է, որ այդ փաստաթուղթը լինի միջազգային և այն ստորագրեն ու վավերացնեն Ուկարինայի անվտանգության բոլոր երաշխավորները։
17:32 - 29 մարտի, 2022
Ուկրաինա-ՌԴ բանակցությունները Ստամբուլում կմեկնարկեն վաղը․ Պուտին-Զելենսկի հանդիպում չի սպասվում

 |factor.am|

Ուկրաինա-ՌԴ բանակցությունները Ստամբուլում կմեկնարկեն վաղը․ Պուտին-Զելենսկի հանդիպում չի սպասվում |factor.am|

factor.am: Ստամբուլում Ռուսաստանի և Ուկրաինայի պատվիրակությունների միջև բանակցությունները դժվար թե մեկնարկեն այսօր, ակնկալվում է, որ դրանք կսկսվեն մարտի 29-ին։ Այս մասին լրագրողներին հայտնել է ՌԴ նախագահի խոսնակ Դմիտրի Պեսկովը, գրում է ՌԻԱ Նովոստին։ «Այսօր բանակցությունները դժվար թե շարունակվեն։ Այսօր իսկապես պատվիրակությունները մեկնում են Թուրքիա, սակայն ակնկալում ենք, որ վաղը դրանք կարող են տեղի ունենալ»,- ասել է Պեսկովը։ Պեսկովը նաև հայտարարել է, որ Ստամբուլում պատվիրակությունների հանդիպումից հետո նախագահներ Վլադիմիր Պուտինի և Վլադիմիր Զելենսկիի հանդիպում հազիվ թե կայանա՝ հավելելով, որ նման հանդիպման կազմակերպման համար դեռևս առաջընթաց չկա։ «Ո՛չ, առաջընթաց չկա»,- ասել է Պեսկովը՝ պատասխանելով Պուտին-Զելենսկի հնարավոր հանդիպման կազմակերպման գործում առաջընթացի մասին հարցին։
14:36 - 28 մարտի, 2022
Զելենսկին հարցազրույց է տվել ռուսական մի շարք լրատվամիջոցների․ «Ռոսկոմնադզոր»-ը զգուշացրել է դրա հրապարակումից հրաժարվելու մասին

Զելենսկին հարցազրույց է տվել ռուսական մի շարք լրատվամիջոցների․ «Ռոսկոմնադզոր»-ը զգուշացրել է դրա հրապարակումից հրաժարվելու մասին

Ուկրաինայի նախագահ Վլադիմիր Զելենսկին պատերազմի սկսվելուց հետո առաջին երկար հարցազրույցն է տվել ռուսական լրատվամիջոցներին։ Այս մասին հաղորդում է suspilne.media-ն։ Զելենսկիից հարցազրույց են վերցրել «Մեդուզա»-ի գլխավոր խմբագիր Իվան Կոլպակովը, «Դոժդ» հեռուստաընկերության գլխավոր խմբագիր Տիխոն Ձյադկոն, լրագրող Միխայլո Զիհարը: Վերջինս Զելենսկիին է ուղղել նաև «Նովայա գազետա»-ի գլխավոր խմբագրի, Նոբելյան մրցանակակիր Դմիտրի Մուրատովի և «Կոմերսանտի» հատուկ թղթակից Վլադիմիր Սոլովյովի (չշփոթել «Соловьёв LIVE»-ի հաղորդավար Վլադիմիր Սոլովյովի հետ) հարցերը: «Ռոսկոմնադզոր»-ը զգուշացրել է ռուսական լրատվամիջոցներին Զելենսկիի հարցազրույցը չհրապարակելու մասին․ «Հարցազրույց վերցրած լրատվամիջոցներում ստուգումներ են սկսվել՝ պատասխանատվության չափը որոշելու և քայլեր ձեռնարկելու համար»։
21:29 - 27 մարտի, 2022
Ռուսաստանն ու Ուկրաինան բանակցային վեց կետերից չորսի շուրջ համաձայնության են եկել․ Էրդողան

Ռուսաստանն ու Ուկրաինան բանակցային վեց կետերից չորսի շուրջ համաձայնության են եկել․ Էրդողան

Թուրքիայի նախագահ Ռեջեփ Թայիփ Էրդողանը ՆԱՏՕ-ի գագաթնաժողովի շրջանակներում Բելգիա այցից վերադառնալիս մի շարք հայտարարություններ է արել ռուս-ուկրաինական պատերազմի առնչությամբ։ Այս մասին հայտնում է թուրքական Hurriyet-ը։  Մասնավորապես, Էրդողանը հայտարարել է, որ Ռուսաստանը և Ուկրաինան բանակցությունների ընթացքում քննարկված վեց կետերից չորսի շուրջ կարծես թե համաձայնության են հասել։  «Դրանցից մեկը կապված է ՆԱՏՕ-ի հետ․ սկզբում Ուկրաինան կախված էր այս թեմայից, սակայն ավելի ուշ Զելենսկին հայտարարեց, որ կարող է հրաժարվել ՆԱՏՕ-ին անդամակցությունից։ Մեկ այլ հարց էր ռուսերենը պաշտոնական լեզու ընդունելու հարցը։ Զելենսկին սրան էլ է համաձայնել։ Ռուսերենով խոսում են Ուկրաինայում գրեթե ամենուր: Այս պահին այդ հարցով էլ խնդիր չկա։ Մեկ այլ խնդիր զինաթափումն է։ Իհարկե, Ուկրաինան պետություն է, ուստի ամբողջովին զինաթափման մասին խոսք լինել չի կարող։ Բայց այս հարցն էլ անընդունելի չէ։ Այսինքն՝ ուկրաինական կողմը հայտարարեց, որ այստեղ էլ կարելի է որոշակի զիջումների գնալ»,-ասել է նա։  Էրդողանի խոսքով՝ չորրորդ հարցը կապված է հավաքական անվտանգության համաձայնագրերի հետ, որի դեպքում նույնպես Ուկրաինան դրական մոտեցում է ցուցաբերել։  Սակայն, Էրդողանի պնդմամբ, Ուկրաինան այնքան էլ «հանգիստ» չէ Ղրիմի ու Դոնբասի հարցերում։  «Բայց, իհարկե, Ուկրաինային այնքան էլ «հանգիստ» չէ Ղրիմի ուԴոնբասի հարցերում։ Զելենսկին վերջերս լավ քայլ արեց՝ ասելով, որ Դոնբասի հարցում պետք է գնա հանրաքվեի։ Իմ կարծիքով՝  դա կարելի է անվանել խելացի ղեկավարության քայլ»,-ընդգծել է Էրդողանը։     
18:26 - 25 մարտի, 2022
Բորիս Ջոնսոնը հայտարարել է, որ «դժվար է» բավարարել Ուկրաինայի՝ ռազմական ինքնաթիռներ և տանկեր ուղարկելու խնդրանքը

Բորիս Ջոնսոնը հայտարարել է, որ «դժվար է» բավարարել Ուկրաինայի՝ ռազմական ինքնաթիռներ և տանկեր ուղարկելու խնդրանքը

ՆԱՏՕ, ԵՄ և «Մեծ յոթնյակի» (G7) առաջնորդները Բրյուսելում երեկ արտակարգ հանդիպումներ են անցկացրել՝ քննարկելու Ուկրաինայում իրավիճակը։ Հանդիպումներից հետո Մեծ Բրիտանիայի վարչապետ Բորիս Ջոնսոնը ասուլիս է տվել, որի ընթացքում նախազգուշացրել է, որ եթե ՌԴ նախագահ Պուտինը քիմիական զենք օգտագործի, ապա դրա հետևանքները «աղետալի կլինեն նրա համար»։ Այս մասին հայտնում է BBC-ն։ Բորիս Ջոնսոնը նաև ասել է, որ Մեծ Բրիտանիայի կառավարությունը նախատեսում է Ուկրաինա ուղարկել ևս 6000 հրթիռ, ինչպես նաև լրացուցիչ 25 միլիոն ֆունտ ստեռլինգ աջակցություն՝ օգնելու Ուկրաինային վճարել աշխատավարձերը զինված ուժերում։ Նա նաև խոստացել է բրիտանական նոր զորքեր տեղակայել Բուլղարիայում՝ ի հավելումն Լեհաստանում և Էստոնիայում զորքերի կրկնապատկմանը: Ջոնսոնը հավելել է, որ արևմտյան երկրները ձգտում են «անշեղորեն ավելացնել» ռազմական սարքավորումների քանակը, որոնք ուղարկում են Ուկրաինա, սակայն «դժվար է» բավարարել Ուկրաինայի խնդրանքը՝ ռազմական ինքնաթիռներ և տանկեր ուղարկելու մասով: Ավելի վաղ Ուկրաինայի նախագահ Վլադիմիր Զելենսկին ՆԱՏՕ-ին ասել էր, որ խնդրում է «Դաշինքի բոլոր ինքնաթիռների 1%-ը և բոլոր տանկերի 1%-ը»: Ջոնսոնն ասուլիսի ընթացքում ասել է. «Նախագահ Զելենսկին փորձում է ազատել Մարիուպոլը և օգնել քաղաքում գտնվող հազարավոր ուկրաինացի մարտիկներին: Այդ նպատակով նրան, ինչպես ինքն է ասում, զրահատեխնիկա է պետք։ Մենք փորձում ենք հասկանալ, թե ինչ կարող ենք անել օգնելու համար: Բայց լոգիստիկ առումով դա շատ դժվար է թվում և՛ զրահատեխնիկայի, և՛ ինքնաթիռների մասով»,- ասել է Մեծ Բրիտանիայի վարչապետը: Ջոնսոնը հավելել է, որ արևմտյան ոչ մի ուժ չի ձգտում «ոչ թռիչքային» գոտի սահմանել Ուկրաինայի երկնքում։
13:29 - 25 մարտի, 2022
Զելենսկին Եվրամիությանը կոչ է արել չհետաձգելու Ուկրաինայի անդամակցության որոշումը

Զելենսկին Եվրամիությանը կոչ է արել չհետաձգելու Ուկրաինայի անդամակցության որոշումը

Ուկրաինայի նախագահ Վլադիմիր Զելենսկին կոչ է արել Եվրամիությանը չհետաձգելու Ուկրաինայի անդամակցության որոշումը։ Այս մասին, «Ukrinform»-ի փոխանցմամբ, Զելենսկին ասել է Եվրոպական խորհրդին և Եվրոպայի ժողովուրդներին ուղղված տեսաուղերձում։ «Գլխավորն այն է, որ դուք համախմբվել եք, և մենք, իհարկե, գնահատում ենք դա։ դուք պատժամիջոցներ կիրառեցիք, դրանք հզոր քայլեր են, բայց մի փոքր ուշացած: Քանի որ եթե դա կանխարգելիչ լիներ, Ռուսաստանը չէր գնա պատերազմի: Դուք արգելափակեցիք «Հյուսիսային Հոսք-2»-ը, մենք դրա համար շնորհակալ ենք, և դա ճիշտ էր, բայց էլի մի փոքր ուշացած: Որովհետև եթե դա արվեր ժամանակին, Ռուսաստանը գազային ճգնաժամ չէր ստեղծի»,- ասել է Զելենսկին։ Հիշեցնենք, որ երեկ Բրյուսելում տեղի է ունեցել ԵՄ գագաթնաժողովը, որտեղ քննարկվել է Ուկրաինայում իրադրությունը։
09:53 - 25 մարտի, 2022
Ուկրաինան ՆԱՏՕ-ից խնդրում է տրամադրել Դաշինքի ինքնաթիռների մեկ տոկոսը․ Վլադիմիր Զելենսկի

Ուկրաինան ՆԱՏՕ-ից խնդրում է տրամադրել Դաշինքի ինքնաթիռների մեկ տոկոսը․ Վլադիմիր Զելենսկի

Ուկրաինայի նախագահ Վլադիմիր Զելենսկին ՆԱՏՕ գագաթնաժողովում ելույթի ընթացքում դաշինքին կրկին խնդրել է զենք տրամադրել ՌԴ-ից պաշտպանվելու համար։ Այս մասին հայտնում է «Українська правда»-ն։  Զելենսկին հիշեցրել է Դաշինքի առաջնորդներին, որ Ռուսաստանը տեխնիկայի պաշարներով գերազանցում է Ուկրաինային․ «Ուկրաինան չունի հզոր հակահրթիռային սպառազինություն, մենք զգալիորեն ավելի քիչ ավիացիա ունենք, քան Ռուսաստանը... Ուկրաինան դիմել է ձեզ ինքնաթիռների համար: Որպեսզի մենք այսքան մարդ չկորցնենք: Դուք հազարավոր մարտական ​​ինքնաթիռներ ունեք: Բայց մեզ ոչ մի ինքնաթիռ չտրվեց»։ «Մենք դիմել ենք տանկերի համար։ Որպեսզի կարողանանք ապաշրջափակել մեր քաղաքները, որտեղ Ռուսաստանը պատանդ է պահում հարյուր հազարավոր մարդկանց, արհեստականորեն սով է ստեղծում, տառացիորեն մոխրացնում է բնակելի տարածքները։ Դուք ունեք առնվազն 20 հազար տանկ: Ուկրաինան խնդրել է ձեր տանկերի մեկ տոկոսը․ տալ կամ վաճառել: Բայց մենք հստակ պատասխան չենք ստացել»,- նշել է Զելենսկին։ Նա ընդգծել է, որ ՆԱՏՕ-ից խնդրում է տրամադրել Դաշինքի ինքնաթիռների մեկ տոկոսը, ինչպես նաև մի քանի հրթիռային կայաններ, հականավային միջոցներ, ՀՕՊ համակարգեր։ Ուկրաինայի նախագահը նաև ասել է, որ Ուկրաինան երախտապարտ է բոլոր դաշնակիցներին արդեն իսկ տրամադրված ռազմական օգնության համար, սակայն «դա բավարար չէ ռուսական հարձակումն արդյունավետ դադարեցնելու համար»։ Հիշեցնենք, որ Բրյուսելում ընթանում է ՆԱՏՕ գագաթնաժողովը, որին մասնակցում են ԱՄՆ նախագահ Բայդենը, Թուրքիայի նախագահ Էրդողանը, Եվրոպական մի շարք երկրների առաջնորդներ։  Գագաթնաժողովից առաջ ՆԱՏՕ գլխավոր քարտուղարը հայտարարել է, որ ՆԱՏՕ-ն աջակցություն է տրամադրում Ուկրաինային, բայց հակամարտության մաս չէ։  
15:22 - 24 մարտի, 2022
Պուտինի և Զելենսկու հանդիպումը հնարավոր է միայն նախապես մշակված պայմանավորվածությունների պայմանով․ Մատվիենկո

Պուտինի և Զելենսկու հանդիպումը հնարավոր է միայն նախապես մշակված պայմանավորվածությունների պայմանով․ Մատվիենկո

Ռուսաստանի նախագահ Վլադիմիր Պուտինի և Ուկրաինայի նախագահ Վլադիմիր Զելենսկու միջև հանդիպումը հնարավոր է միայն երկու երկրների միջև պայմանավորվածությունների նախնական մշակման պայմանով։ Այս մասին, «ՌԻԱ Նովոստի»-ի փոխանցմամբ, ասել է ՌԴ Դաշնային ժողովի Դաշնության խորհրդի նախագահ Վալենտինա Մատվիենկոն։ «[Հանդիպումը հնարավոր կլինի այն ժամանակ], երբ ուկրաինական և ռուսական կողմերը համաձայնության գան օրակարգի շուրջ և որևէ վերջնական փաստաթուղթ [մշակեն], որը պետք է լինի։ Այլապես [ի՞նչ իմաստ ունի] հույս տալը, թե հիմա նախագահները կհանդիպեն, կխոսեն, իսկ արդյունք չի լինի, ինչի՞ համար են ուրեմն այդ հանդիպումները»,- ասել է Մատվիենկոն CCTV հեռուստաալիքին տված հարցազրույցում։ Վերջնական փաստաթղթի դեպքում «առարկայական» հանդիպման այս ձևաչափին Ռուսաստանը պատրաստ է, ասել է Մատվիենկոն։ «Բայց հանդիպումը պետք է արդյունք տա։ Այդպիսի հանդիպումները նախապատրաստվում են, այնպես չէ, որ հանդիպեցին և խոսեցին ոչ մի բանի մասին»,- ընդգծել է նա։   Նորա Վանյան
12:05 - 24 մարտի, 2022
Գերմանիայի կանցլերը զրուցել է ՌԴ և Ուկրաինայի նախագահների հետ, հրադադարի կոչ արել |1lurer.am|

Գերմանիայի կանցլերը զրուցել է ՌԴ և Ուկրաինայի նախագահների հետ, հրադադարի կոչ արել |1lurer.am|

1lurer.am: Գերմանիայի կանցլեր Օլաֆ Շոլցը ՌԴ նախագահ Վլադիմիր Պուտինի հետ հեռախոսազրույցի ժամանակ Ուկրաինայում շտապ հրադադարի հաստատման և այնտեղ հումանիտար իրավիճակի բարելավման կոչ է արել: ՌԴ նախագահի հետ զրույցից հետո Շոլցը հեռախոսազրույց է ունեցել Ուկրաինայի նախագահ Վոլոդիմիր Զելենսկու հետ, ծանոթացել ընթացիկ իրավիճակին և ՌԴ-ի հետ բանակցություններին նրա գնահատականին: Նրանք պայմանավորվածություն են ձեռք բերել շարունակել սերտ շփումները: Իսկ Կրեմլի հաղորդագրությունում նշվում է․ «Ուշադրություն է դարձվել Ռուսաստանի և Ուկրաինայի ներկայացուցիչների միջև ընթացող բանակցությունների խնդիրների վրա: Վլադիմիր Պուտինը մի շարք նկատառումներ է նախանշել այդ բանակցություններում Ռուսաստանի Դաշնության սկզբունքային դիրքորոշման համատեքստում»։
10:34 - 24 մարտի, 2022