16:26 - 14 ապրիլի, 2023
Միրզոյանն ու Լավրովը կարևորել են Երևանի և Բաքվի միջև հարաբերությունների կարգավորման ջանքերի ակտիվացումը
Միրզոյանն ու Լավրովը քննարկել են երկկողմ օրակարգի մի շարք արդիական հարցեր։ Տեղի է ունեցել մտքերի փոխանակում տարածաշրջանային խնդիրների շուրջ։ Այս մասին հայտնում է ՌԴ ԱԳՆ-ն։
«Նախանշվել է հայ-ադրբեջանական հարաբերությունների կարգավորման համար բոլոր ուղղություններով ջանքերի ակտիվացումը՝ եռակողմ պայմանավորվածություններին համապատասխան։ Պայմանավորվածություն է ձեռք բերվել դիվանագիտական հետագա շփումների մասին»։
Հիշեցնենք, որ ՀՀ և ՌԴ ԱԳ նախարարներ Արարատ Միրզոյանն ու Սերգեյ Լավրովը հանդիպել են ԱՊՀ ԱԳ նախարարների խորհրդի նիստի շրջանակներում։
Նշենք, որ ՀՀ ԱԳ նախարար Արարատ Միրզոյանն Ուզբեկստանի Սամարղանդ քաղաքում մասնակցում է ԱՊՀ արտաքին գործերի նախարարների խորհրդի նիստին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)