10:57 - 11 սեպտեմբերի, 2023
Նախընտրական շրջանում փորձում են ապօրինի շինություններ կառուցել, պետք է շուտ քանդենք դրանք. Տիգրան Ավինյան |tert.am|
tert.am: Նախընտրական շրջանում ակնհայտորեն փորձեր են կատարվում ժամանակը օգտագործել, տարբեր ձեղնահարկերի, կրպակների և այլ տեսակի շինությունների ինքնակամ կառուցելու համար:
Այս մասին այսօր գործակարգավարական նիստում ասել է Երևանի փոխքաղաքապետ Տիգրան Ավինյանը:
Ըստ Ավինյանի՝ այս ամենին իրենց արձագանքը պետք է լինի մաքսիմալ կոշտ և ոչ միայն պետք է կասեցվի, այլ պետք է քանդեն այդ շինությունները ու շուտ:
Քաղաքաշինության և հողի վերահսկողության վարչության ղեկավար Յակով Ասատրյանը փոխքաղաքապետին ներկայացրեց, որ օգոստոս ամսվա ընթացքում իրականացվել է շուրջ 31 քանդման աշխատանքներ:
«Դրանցից 8-ը շատ կարևոր են Երևան քաղաքի համար, դրանք բենզալցակայաններն են՝ Կենտրոն, Արաբկիր և Աջափնյակ վարչական շրջաններում, նաև ուզում եմ տեղեկացնել, որ Թումանյան 39 հասցեում կառուցված վերնահարկը ամբողջությամբ ակամոնտաժվել է»,- ասել է նա:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)