16:41 - 24 նոյեմբերի, 2023
Ղարիբաշվիլին Ալիևի հետ հանդիպմանը հայ-ադրբեջանական խաղաղության համաձայնագրի ստորագրման հույս է հայտնել |tert.am|
tert.am: Վրաստանի վարչապետ Իրակլի Ղարիբաշվիլին Բաքվում Ադրբեջանի նախագահ Իլհամ Ալիևի հետ հանդիպմանը հույս է հայտնել, որ Ադրբեջանն ու Հայաստանը մոտ ժամանակում կստորագրեն խաղաղության համաձայնագիրը։
Ըստ Վրաստանի կառավարության մամուլի ծառայության՝ հանդիպմանը նրանք քննարկել են անվտանգության հարցերն աշխարհում և տարածաշրջանում։ Վրաստանի կառավարության ղեկավարը հույս է հայտնել, որ Ադրբեջանը շուտով կձևակերպի խաղաղության համաձայնագիրը Հայաստանի հետ։
Նրանք քննարկել են նաև տնտեսական ծրագրեր։
Ղարիբաշվիլին Ալիևի հրավերով Բաքվում է՝ մասնակցելու Կենտրոնական Ասիայի երկրների տնտեսական համաժողովին։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)