17:02 - 15 հունվարի, 2024
Սամվել Շահրամանյանի ավտոշարասյան հետ կապված միջադեպի մասին Հայաստանի ՆԳՆ ղեկավարը տեղեկացել է լրատվամիջոցներից |news.am|
news.am: Արցախի վերջին նախագահ Սամվել Շահրամանյանի ավտոշարասյան հետ կապված միջադեպի մասին Հայաստանի ՆԳՆ ղեկավար Վահե Ղազարյանը տեղեկացել է լրատվամիջոցներից։
Հունվարի 15-ին լրագրողների հետ հանդիպմանը, պատասխանելով հարցին, թե պարեկը կոպիտ է խոսել Արցախի նախկին նախագահի հետ, ՆԳՆ ղեկավարը վստահեցրեց. «Նման հրահանգ (շարասյունը կանգնեցնել-խմբ.) նույնպես չի եղել։ Ես գիտեմ լրատվամիջոցներից, որ պարեկը զգուշացրել է, որ ավտոշարասյունով տեղաշարժվելու իրավունք չունի։ Ընդհանուր առմամբ քաղաքացիներին հորդորում եմ չերթևեկել ավտոշարասյունով: Դա հնարավոր է միայն նրանց համար, ում դա թույլատրվում է կառավարության որոշմամբ։ Ընդհակառակը, ես գիտեմ, որ պարեկը իրեն քաղաքակիրթ է պահել, մոտեցել ու զգուշացրել է: Կարծում եմ՝ ավելորդ բան չկար։ Եթե ինչ-որ բան է լինում, ապա հրամայում եմ ուսումնասիրել, զեկուցել»,- ասաց Ղազարյանը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)