ԱՄՆ նախագահ ընտրված Դոնալդ Թրամփը հայտարարել է, որ միլիարդատեր Իլոն Մասկը և Վիվեք Ռամասվամին կղեկավարեն ԱՄՆ պետարդյունավետության դեպարտամենտը:
Թրամփի խոսքով նրանք միասին կաշխատեն «վերացնել կառավարական բյուրոկրատիան, կրճատել ավելորդ կանոնակարգերը ու անտեղի ծախսերը և վերակառուցել դաշնային գործակալությունները»:
«Սա ունի պոտենցիալ դառնալու մեր ժամանակի «Մանհեթենի նախագիծը»,- ասվում է երեքշաբթի երեկոյան հայտարարության մեջ:
Դոնալդ Թրամփը նշել է, որ Մասկը և Ռամասվամին կառավարությունից դուրս խորհուրդներ ու ցուցումներ կհայթայթեն և կհամագործակցեն Սպիտակ տան ու Կառավարման և բյուջեի գրասենյակի հետ կառուցվածքային լայնածավալ բարեփոխումներ իրականացնելու և Կառավարության նկատմամբ ձեռնարկատիրական մոտեցում ցուցաբերելու ուղղությամբ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)