Իլոն Մասկ

Բեզոսը «գահընկեց է արել» Մասկին՝ կրկին դառնալով աշխարհի ամենահարուստ մարդը |armenpress.am|

armenpress.am: Amazon ընկերության հիմնադիր ղեկավար Ջեֆ Բեզոսը կրկին գլխավորում է աշխարհի ամենահարուստ մարդկանց ցուցակը՝ 2021 թվականից ի վեր առաջին անգամ։ Այս մասին է վկայում Bloomberg գործակալության «Միլիարդատերերի ինդեքս»-ը։ Ըստ վարկանիշային աղյուսակի՝ Amazon ընկերության և Blue Origin օդատիեզերական ընկերության հիմնադիր Ջեֆ Բեզոսի կարողությունը նվազել է 500 միլիոն դոլարով և այժմ կազմում է 200 միլիարդ դոլար։ 198 միլիարդ դոլար կարողությամբ նրան հաջորդում է Tesla, Space X ընկերությունների հիմնադիր և ղեկավար Իլոն Մասկը, որը նաև Open AI-ի համանախագահն է, Neuralink-ի հիմնադիրը և X-ի սեփականատերը։ Ըստ ինդեքսի՝ Մասկը վերջին մեկ տարվա ընթացքում կորցրել է 31 միլիարդ դոլար, իսկ Բեզոսի կարողությունն ավելացել է 23 միլիարդ դոլարով։ Երրորդ հորիզոնականը զբաղեցնում է LVMH-ի գործադիր տնօրեն Բեռնար Առնոն, որի ղեկավարած կոնգլոմերատը ներառում է Louis Vuitton, Dior և Celine բրենդները։ Բեռնար Առնոյի կարողությունը կազմում է 197 միլիարդ դոլար։

12:08 - 05 մարտի, 2024

Իլոն Մասկը հայտարարել է մարդու ուղեղում չիպի հաջող ներդրման մասին |factor.am|

factor.am: Միլիարդատեր Իլոն Մասկը հայտարարել է, որ իր Neuralink ընկերությունն առաջին անգամ հաջողությամբ անլար չիպ է տեղադրել մարդու ուղեղում։ Մասկը X-ի իր էջում գրել է, որ ներդրված սարքի առաջին արդյունքները խոստումնալից են՝ այն լավ է հայտնաբերում նյարդային ազդակները։ Չիպը պետք է ծառայի որպես կապող օղակ մարդու ուղեղի և համակարգչի միջև․ Neuralink-ը խոստանում է, որ այն կօգնի պայքարել ինչպես ֆիզիկական խնդիրների, այնպես էլ հոգեկան խանգարումների դեմ: Neuralink-ը հեռու է այս ոլորտում առաջամարտիկ լինելուց. տասնյակ ընկերություններ տարիներ շարունակ փորձարկումներ են անցկացնում, որոշները՝ հուսադրող արդյունքներով: Բայց այն ամենն, ինչ անում է Մասկը, ավանդաբար մեծ ուշադրություն է գրավում նրա փորձառության և ինքնագովազդի շնորհիվ, գրում է BBC-ի ռուսական ծառայությունը: Ամերիկյան իշխանությունները Մասկի ընկերությանը թույլտվություն են տվել՝ փորձարկելու իր չիպը մարդկանց վրա անցյալ տարվա մայիսին։ Նախատեսվում է, որ փորձարկումները կտևեն 6 տարի։

14:42 - 30 հունվարի, 2024

Tesla-ի և SpaceX-ի տնօրենների խորհրդի անդամների «անհանգստության» ֆոնին՝ Մասկը հերքել է թմրանյութերի օգտագործումը |tert.am|

tert.am: Ամերիկյան Tesla և SpaceX ընկերությունների ղեկավար միլիարդատեր Իլոն Մասկը, ի պատասխան թմրամոլության մասին լուրերին, ասել է, որ թմրանյութեր չի օգտագործում։ Այս մասին գրում է Forbes-ը։ Ձեռնարկատերը հավելել է, որ երեք տարվա ընթացքում արգելված նյութերի հայտնաբերմանն ուղղված պատահական թեստերը ցույց են տվել, որ նրա օրգանիզմում նույնիսկ փոքր քանակությամբ թմրանյութ կամ ալկոհոլ չկա: Մասկի փաստաբան Ալեքս Սպիրոն նույնպես նախկինում հաստատել է, որ թեստը երբեք դրական չի եղել և հերքել է գործարարի դեմ ուղղված մեղադրանքները՝ ասելով, որ դրանք ներառում են «կեղծ փաստեր»: Նախօրեին The Wall Street Journal-ը, վկայակոչելով Մասկի ընկերությունների թոփ մենեջերներին, գրել էր, որ միլիարդատերը թմրանյութեր է օգտագործում, և նրա կախվածությունը անհանգստություն է առաջացնում Tesla-ի և SpaceX-ի տնօրենների խորհրդի անդամների շրջանում:The Wall Street Journal-ը պարզաբանել է, որ Մասկի առողջությունից են կախված վեց ընկերություն, ներդրողների ակտիվները՝ մոտ 1 տրիլիոն դոլար արժողությամբ, տասնյակ հազարավոր աշխատատեղեր և ԱՄՆ տիեզերական ծրագրի մի մասը։

13:43 - 08 հունվարի, 2024

Մասկն, ի պատասխան Գազայում StarLink-ը միացնելու կոչերին, ասել է՝ կօգնեն ՄԱԿ-ին ու աջակցման այլ խմբերի

Իլոն Մասկը, պատասխանելով X-ի (նախկին Twitter) օտգատերերի գրառումներին, որ Գազան զրկված է ինտերնետից ու հեռախահաղորդակցությունից, և այնտեղ անհապաղ StarLink-ի կարիքը կա, գրել է․ «Մենք կօգնենք ՄԱԿ-ին և միջազգայնորեն ճանաչված աջակցման այլ խմբերի»։ Հիշեցնենք` Իսրայելը հայտարարել է, որ «ընդլայնում է» ցամաքային գործողությունները Գազայում։ Գազան այս պահին շրջափակման մեջ է, և այնտեղ գտնվող պաղեստինցիները կտրված են արտաքին աշխարհից։

16:30 - 28 հոկտեմբերի, 2023

Twitter-ը սպառնացել է իրավական գործընթաց սկսել մրցակից Threads-ի դեմ |armenpress.am|

armenpress.am: Twitter ընկերությունը դիտարկում է Meta ընկերության նկատմամբ իրավական գործընթաց սկսելու հնարավորությունը՝ մրցակից Threads-ի մեկնարկով պայմանավորված։ «Արմենպրես»-ի փոխանցմամբ՝ այս մասին հաղորդում է BBC-ն։ Հուլիսի 5-ին մեկնարկելուց հետո Threads-ին միացել է արդեն ավելի քան 30 միլիոն օգտատեր։ Ըստ պարբերականի՝ Meta-ի ղեկավարները հայտարարել են, որ նոր սոցիալական հարթակը կլինի Twitter-ի «բարեկամական» այլընտրանք։ Սակայն Twitter-ի սեփականատեր Իլոն Մասկը նշել է, որ «մրցակցությունը լավ բան է, իսկ խաբելը՝ ոչ»։ Իր հերթին Meta-ն հերքել է ավելի վաղ հնչեցված այն մեղադրանքները, թե Threads-ի ստեղծմանն աջակցել են Twitter-ի նախկին աշխատակիցները։ Threads-ի ստեղծումը Meta-ի հիմնադիր Մարկ Ցուկերբերգի և Իլոն Մասկի միջև մրցակցության առիթ էր դարձել։ Հունիսի 22-ին Ցուկերբերգն ընդունել էր Մասկի հրավերը՝ հարաբերությունները պարզելու խառը կանոններով մենամարտում: Առայժմ պարզ չէ, թե որքան լրջորեն են երկու տղամարդիկ տրամադրված այս մենամարտի անցկացմանը։

10:21 - 07 հուլիսի, 2023

Twitter-ի մրցակից Threads սոցիալական հարթակում առաջին 7 ժամում 10 միլիոնից ավելի օգտատեր է գրանցվել |armenpress.am|

armenpress.am: Twitter սոցցանցի մրցակից Threads-ում մեկնարկից հետո առաջին 7 ժամվա ընթացքում 10 միլիոնից ավելի օգտատեր է գրանցվել։ Իսկ մեկնարկից հետո առաջին 4 ժամում հարթակում գրանցվել էր 5 միլիոն օգտատեր։ Այս մասին Threads-ի իր էջում հայտնել է Meta-ի հիմնադիր Մարկ Ցուկերբերգը։ Ցուկերբերգն ակնկալում է, որ ժամանակի ընթացքում Threads-ը կունենա ավելի քան 1 միլիարդ օգտատեր։ Threads-ն այժմ կարող են ներբեռնել շուրջ 100 երկրում, սակայն ոչ Եվրոպական Միությունում, ինչը պայմանավորված է կանոնակարգման հետ կապված մտահոգություններով։ BBC-ն նշում է, որ ըստ փորձագետների՝ Threads-ը կարող է գրավել Twitter-ի այն օգտատերերին, որոնք դժգոհ են Մասկի կատարած վերջին փոփոխություններից։ Հենց Twitter-ի մրցակից հավելվածի ստեղծումն է դարձել Մարկ Ցուկերբերգի և Իլոն Մասկի միջև մրցակցության առիթ։ Հունիսի 22-ին Ցուկերբերգն ընդունել էր Մասկի հրավերը՝ հարաբերությունները պարզելու խառը կանոններով մենամարտում: Առայժմ պարզ չէ, թե որքան լրջորեն են երկու տղամարդիկ տրամադրված այս մենամարտի անցկացմանը։

11:09 - 06 հուլիսի, 2023

Meta-ն հայտարարել է Twitter-ի մրցակից սոցիալական հարթակի մեկնարկի օրը |armenpress.am|

armenpress.am: Ամերիկացի ծրագրավորող, ձեռնարկատեր Մարկ Ցուկերբերգի Meta ընկերությունը կմեկնարկի միլիարդատեր, ճարտարագետ Իլոն Մասկին պատկանող Twitter ընկերության մրցակից հավելվածը հուլիսի 6-ին։ Այս մասին տեղեկանում ենք BBC-ից։ Հավելվածը կոչվում է Threads, և դրա նախնական պատվերներն արդեն հասանելի են Apple-ի սարքերի համար։ Threads-ը կլինի Instagram-ի հարթակի մի մաս և կապված կլինի հարյուր միլիոնավոր օգտահաշիվների հետ։ Ինչպես բնութագրում է ընկերությունը, այն իրենից կներկայացնի «տեքստի վրա հիմնված զրույցի հավելված»։ Հենց Twitter-ի մրցակից հավելվածի ստեղծումն է դարձել Մարկ Ցուկերբերգի և Իլոն Մասկի միջև մրցակցության առիթ։ Հունիսի 22-ին Ցուկերբերգն ընդունել էր Մասկի հրավերը՝ հարաբերությունները պարզելու խառը կանոններով մենամարտում: Ultimate Fighting Championship-ի (UFC) նախագահ Դեյնա Ուայթի կարծիքով՝ Մասկ-Ցուկերբերգ մենամարտը կլինի պատմության մեջ ամենադիտվածը և հարյուրավոր միլիոն դոլար կհավաքի բարեգործական նպատակներով: Ուայթը մտադիր է կազմակերպել երկու միլիարդատերերի մարտը: Առայժմ պարզ չէ, թե որքան լրջորեն են երկու տղամարդիկ տրամադրված այս մենամարտի անցկացմանը։ Այնուամենայնիվ, Իլոն Մասկը, կարծես, մարզումներ է անցկացնում։ Հուլիսի 3-ին UFC-ի նախկին կրկնակի չեմպիոն Ժորժ Սեն Պիեռը Instagram-ում լուսանկար է հրապարակել Մասկի հետ մարզումներից հետո։ Լուսանկարում են նաև ռուս-ամերիկացի հայտնի բլոգեր և գիտնական, ջիու ջիցուի սև գոտի ունեցող Լեքս Ֆրիդմանը և ջիու ջիցուի մարզիչ Ջոն Դանահերը:

12:58 - 04 հուլիսի, 2023

Իլոն Մասկը և Մարկ Ցուկերբերգը պատրաստվում են «դարի մենամարտին» |shantnews.am|

shantnews.am: Միլիարդատերեր Իլոն Մասկը և Մարկ Ցուկերբերգը պատրաստվում են «դարի մենամարտին», որը պետք է տեղի ունենա նրանց միջև Լաս Վեգասում խառը մենամարտերի (MMA) կանոնների համաձայն և UFC-ի հովանու ներքո։ Առաջիկա մենամարտի երկու մասնակիցներն էլ հրապարակել են իրենց մարզումների կադրերը։ Twitter-ի սեփականատեր Իլոն Մասկը մարզվել է բրազիլական ջիու-ջիցուի վարպետ Լեքս Ֆրիդմանի հետ։ «Մենք Իլոն Մասկի հետ մի քանի ժամ մարզվել ենք։ Ես աներևակայելի տպավորված եմ նրա ուժով, ոտքերով աշխատելու վարպետությամբ, գետնի վրա ունեցած հմտություններով: Շատ ոգեշնչող է, որ Իլոնն ու Մարկը հրապարակայնորեն քարոզում են մարտարվեստը, բայց ես կարծում եմ, որ ավելի լավ է, նրանք շարունակեն պարապել, այլ ոչ թե ռինգում կռվել», – ասել է Ֆրիդմանը: Ցուկերբերգը, առանձնապես չի գովազդում իր մարզումները, սակայն հայտնի է, որ Ֆրիդմանը նրա հետ ևս աշխատել է։ Ամեն ինչ սկսվեց նրանից, որ Մասկը հունիսին մարտահրավեր նետեց Ցուկերբերգին, երբ Meta-ի ղեկավարը հայտարարեց Twitter-ին մրցակից ստեղծելու ցանկության մասին: Մասկն առաջարկեց մենամարտել Լաս Վեգասում MMA-ի կանոններով, և այս մարտահրավերն ընդունվեց։ Tesla-ի հիմնադիրին փորձել է հետ պահել կռվից իր մայրը՝ Մեյ Մասկը, ով առաջարկել է «խոսքերով մենամարտ» կազմակերպել, սակայն գործարարը չի լսել նրան։ Twitter-ի սեփականատիրոջ հայրը՝ Էրոլ Մասկը, նույնպես դեմ է արտահայտվել Ցուկերբերգի հետ մենամարտին։ «Բանն այն է, որ եթե այս խելահեղ կռիվը տեղի ունենա, և եթե Իլոնը ծեծի այս տղային, ապա նրան կկոչեն «խուլիգան»: Ի վերջո, Իլոնը շատ ավելի ծանր ու բարձրահասակ է։ Միևնույն ժամանակ, եթե նա պարտվի, նվաստացումը կլինի բացարձակ: Իլոնի համար սա անելանելի վիճակ է։ Նա և՛ պարտվելու, և՛ հաղթելու դեպքում կհամարվի պարտված: Կարծում եմ, որ Իլոնը ծանր դրության մեջ է հայտնվել»,- Էրոլ Մասկի խոսքերն է մեջբերում The Sun-ը: 52-ամյա Մասկը պատմել է, որ Հարավային Աֆրիկայում, որտեղ ինքը մեծացել է, հաճախ ստիպված է եղել կռիվների մեջ մտնել, քանի որ դա «վտանգավոր վայր» էր։ Իսկ 39-ամյա Ցուկերբերգը բավականին երկար ժամանակ մարտարվեստով է զբաղվում։ Մայիսին Սիլիկոնյան հովտում անցկացված ոչ պրոֆեսիոնալ ջիու-ջիցուի մրցաշարում նա գրավել է առաջին տեղը: UFC-ի ղեկավար Դանա Ուայթն ասել է, որ երկու գործարարներն էլ լրջորեն են տրամադրված մենամարտ անցկացնելու հարցում։ Մենամարտը դիտելու վճարովի բաժանորդագրության արժեքը այս դեպքում կկազմի 100 դոլար, ինչը 20 դոլարով ավելին է, քան մյուս մենամարտերի դիտման գինը:

13:25 - 30 հունիսի, 2023

Լինդա Յակարինոն կփոխարինի Իլոն Մասկին Twitter-ի գլխավոր տնօրենի պաշտոնում |hetq.am|

hetq.am: Գործարար Իլոն Մասկը կլքի Twitter-ի գլխավոր տնօրենի պաշտոնը։ Այդ մասին նա գրառում է արել իր թվիթերյան միկրոբլոգում։ Մասկի խոսքով՝ նա արդեն իսկ գտել է նոր գլխավոր տնօրենին, որն աշխատանքի կանցնի մոտ վեց շաբաթ անց։ Խոսքը Լինդա Յակարինոյի մասին է, որը մինչ այս զբաղեցնում էր NBCUniversal-ի գլոբալ գովազդի և գործընկերության բաժնի ղեկավարի պաշտոնը։ Մասկը կզբաղեցնի տնօրենների խորհրդի նախագահի ու ընկերության տեխնիկական տնօրենի պաշտոնը։ «Ուրախ եմ ողջունել Twitter-ի նոր գլխավոր տնօրեն Լինդա Յակարինոյին»,- գրել է Մասկը։ Գործարարի խոսքով՝ Յակարինոն հիմնականում կզբաղվի ընկերության բիզնեսի վարմամբ, իսկ ինքը «կկենտրոնանա արտադրանքի մշակման ու նոր տեխնոլոգիաների վրա»։

17:13 - 13 մայիսի, 2023

Իլոն Մասկը կհեռանա Twitter-ի ղեկավարի պաշտոնից. նրան փոխարինողը կին է |tert.am|

tert.am: Twitter ընկերության սեփականատեր Իլոն Մասկը հայտարարել է, որ վեց շաբաթից կլքի գլխավոր տնօրենի պաշտոնը։ Մի կին, որի անունը Մասկը չի նշել, կդառնա ընկերության նոր գործադիր տնօրենը:«Ուրախ եմ տեղեկացնել, որ վարձել եմ X/Twitter-ի նոր գործադիր տնօրենին: Նա աշխատանքի կանցնի մոտ վեց շաբաթից»,- գրել է Մասկը թվիթերյան միկրոբլոգում:Նա մանրամասնել է, որ ինքը կզբաղեցնի գործադիր նախագահի և տեխնիկական տնօրենի պաշտոններն ընկերությունում։Հիշեցնենք, որ 2022 թվականի դեկտեմբերին Twitter-ի սեփականատերը սոցցանցի օգտատերերին խնդրել էր քվեարկել, թե արդյոք նա պետք է հեռանա ընկերության ղեկավարի պաշտոնից, որը նա ստանձնել էր սոցիալական ցանցը գնելուց հետո: Մասկը խոստացել է ընդունել հարցման մասնակիցների որոշումը։ Քվեարկությանը մասնակցել է 17,5 մլն օգտատեր, նրանցից 57,5%-ը կողմ է արտահայտվել Մասկի հրաժարականին։

10:50 - 12 մայիսի, 2023

«Թվիթեր»-ը փակել է գրասենյակներն աշխատակիցների առաջ մինչև հաջորդ շաբաթ |armenpress.am|

armenpress.am: «Թվիթեր»-ն իր աշխատակիցներին ասել է, որ ընկերության գրասենյակային շենքերը ժամանակավորապես փակ կլինեն և կբացվեն երկուշաբթի՝ նոյեմբերի 21-ին: Ընկերությունը նման քայլի դիմելու ոչ մի պատճառաբանություն չի ներկայացրել: BBC-ի տրամադրության տակ հայտնված հաղորդագրությունում նշվում է, որ աշխատակիցները շարունակեն հետևել ընկերության քաղաքականությանը և «զերծ մնան ընկերության գաղտնի տեղեկատվությունը սոցիալական ցանցերում, լրատվամիջոցների հետ և այլ հարթակներում քննարկելուց»: Ըստ օրերս լրատվամիջոցներում տարածված լուրերի՝ Իլոն Մասկը «Թվիթեր»-ի անձնակազմին հայտնել էր, որ նրանք պետք է համաձայնեն արտաժամյա և առավելագույն արյունավետությամբ աշխատել կամ հեռանան աշխատանքից: Այն աշխատակիցները, ովքեր մինչև նոյեմբերի 17-ը չեն հայտնել ընկերությունում մնալու իրենց որոշման մասին, կստանան երեք ամսվա աշխատավարձ և կհեռացվեն աշխատանքից: Գրասենյակները ժամանակավորապես փակելու մասին հայտարարության հետ մեկտեղ սկսել են լուրեր շրջանառվել, որ մեծ թվով աշխատակիցներ ազատման դիմում են ներկայացրել, քանի որ չեն ընդունել Մասկի առաջադրած պայմանները: Ընկերությունն ավելի վաղ նաև տեղեկացրել էր, որ կհրաժարվի աշխատակիցների շուրջ 50 %-ից: Ամերիկացի ձեռնարկատեր, ճարտարագետ, գյուտարար Իլոն Մասկը «Թվիթեր»-ի ձեռքբերման գործարքը կնքել է հոկտեմբերի 27-ին՝ սոցիալական հարթակի սեփականատերը դառնալու համար վճարելով 44 միլիարդ դոլար:

11:17 - 18 նոյեմբերի, 2022

Իլոն Մասկը 44 մլրդ դոլարով գնել է Թվիթերը |azatutyun.am|

azatutyun.am: Tesla և SpaceX ընկերությունների սեփականատեր Իլոն Մասկը 44 մլրդ դոլարով ձեռք է բերել Թվիթերը՝ գործարքից անմիջապես հետո հեռացնելով ընկերության բարձր ղեկավարությանը։ Ամերիկացի միլիարդատերը և նորարարը Թվիթերի իր միկրոբլոգում ավելի վաղ նշել էր, որ ընկերության ղեկավարն է։ «Թռչունն ազատ է», - գրել է նա Թվիթերում։ Մասկն ավելի վաղ ասել էր, որ սոցիալական ցանցը, որն ինքը հաճախ է քննադատել, պետք է մասնավորեցվի արդյունավետ բարեփոխումներ իրականացնելու համար: Սակայն, նա դեռ մանրամասներ չի ներկայացրել, թե ինչպես է հասնելու այդ ամենին և ով է ղեկավարելու ընկերությունը։ Մասկը հայտնել է, որ ծրագրում է կրճատել ընկերության աշխատատեղերը։ Նա նաև ասել է, թե գնել է Թվիթերը ոչ թե ավելի շատ փող աշխատելու, այլ «փորձելու օգնել մարդկությանը, ում սիրում եմ»: Մասկը պաշտոնանկ է արել Թվիթերի գործադիր տնօրեն Պարագ Ագրավալին, ֆինանսական տնօրեն Նեդ Սեգալին և իրավական հարցերով և քաղաքականության ղեկավար Վիջայա Գադդեին՝ խնդրին ծանոթ մարդկանց: Նա նրանց մեղադրել է իրեն և Թվիթերի ներդրողներին հարթակում կեղծ հաշիվների քանակի հետ կապված մոլորության մեջ գցելու համար։

12:40 - 28 հոկտեմբերի, 2022

Twitter ընկերությունը դատի է տվել Իլոն Մասկին սոցցանցի գնումից հրաժարվելու համար |hetq.am|

hetq.am: Twitter ընկերությունը դատի է տվել Tesla և SpaceX ընկերության հիմնադիր, միլիարդատեր Իլոն Մասկին, որը հրաժարվել է 44 միլիարդ ԱՄՆ դոլարով ձեռք բերել Twitter ընկերությունը։ Այդ մասին հայտնում են The New York Times-ը և The Guardian-ը։ Դատական հայցը ներկայացվել է Դելավեր նահանգի կանցլերի դատարան։ Ինչպես հայտարարել են Twitter-ում, ընկերությունը ցանկանում է ստիպել գործարարին «կատարել իր իրավական պարտավորությունները և ստիպել ավարտին հասցնել միաձուլման գործողությունը՝ մի քանի պայմանների կատարման դեպքում»։ Ապրիլի վերջին Twitter-ն ընդունել էր Մասկի առաջարկը՝ սոցիալական ցանցը 44 միլիարդ ԱՄՆ դոլարով ձեռք բերելու համար։ Սակայն մայիսի վերջին նա հայտարարել էր, որ գործարքի հետագա շարժում չի լինի, քանի դեռ Twitter-ը չի հստակեցնի իրավիճակը կապված սոցիալական ցանցում ֆեյքային օգտահաշիվների տոկոսի հետ։ Ծառայությունը հայտարարել է, որ ֆեյքային օգտահաշիվների թիվը չի գերազանցում 5 %-ը, սակայն Մասկը կասկածում է՝ նշելով, որ այն կազմում է առնվազն 20 %։ Ընկերության կարծիքով՝ Մասկը և նրա ներկայացուցիչները «գիտակցաբար, միտումնավոր, դիտավորյալ և էականորեն խախտել են համաձայնագիրը»։ Twitter-ում նաև հայտարարել են, որ վստահ են ֆեյքային օգտահաշիվների մասով իրենց հրապարակած տվյալների վրա։ Հուլիսի 8-ին Մասկը հայտարարել էր Twitter-ի գնումից հրաժարման մասին։ Միլիարդատիրոջ փաստաբանները հայտարարել էին, որ ֆեյքային օգտահաշիվներից զատ, միլիարդատերը դժգոհ է, որ Twitter-ը հեռացրել է բարձրաստիճան ղեկավարներին և տաղանդների ներգրավման թիմի մեկ երրորդին։

12:19 - 13 հուլիսի, 2022

Իլոն Մասկը հրաժարվում է 44 միլիարդ դոլարով ձեռք բերել Twitter-ը. ընկերությունը կդիմի դատարան |hetq.am|

hetq.am: Միլիարդատեր Իլոն Մասկը հայտարարել է, որ դուրս է գալիս Twitter սոցիալական ցանցի ձեռքբերման գործարքից։ Այն գնահատվում էր 44 միլիարդ դոլար։ Ընկերությունը պատրաստվում է դատի տալ Մասկին, որպեսզի հասնի համաձայնագրի կատարման։ BBC-ն, հղում անելով Մասկի փաստաբանների դատարան ներկայացրած նյութերին, գրում է, որ ընկերությունը Մասկին չի ներկայացրել մանրամասն տեղեկատվություն ֆեյքային օգտահաշիվների մասին, որոնք առկա են հարթակում։ Մասկի կողմից գործարքից հրաժարման նորությունից հետո Twitter-ի բաժնետոմսերն ընկել են 6 %-ով։ Ընկերության տնօրենների խորհրդի նախագահ Բրեթ Թեյլորն ի պատասխան հայտարարել է, որ ընկերությունը նախատեսում է դիմել դատարան՝ միաձուլման մասին համաձայնագրի կատարումն ապահովելու համար։ «Twitter-ի տնօրենների խորհուրդը մտադիր է փակել գնի և պայմանների շուրջ գործարքը, որը համաձայնեցվել է պարոն Մասկի հետ և նախատեսում է դիմել դատարան, որպեսզի ապահովվի միաձուլման շուրջ համաձայնագրի կատարումը։ Մենք վստահ ենք, որ հաղթանակ կտանենք Դելավերի դատարանում»,- թվիթերյան իր միկրոբլոգում գրել է Թեյլորը։ Մասկի փաստաբանների հայտարարության մեջ էլ նշվում է, որ Twitter-ը չի կարողացել կամ հրաժարվել է պատասխանել բազմաթիվ հարցումներին, որոնք խնդրում էին տեղեկատվություն տրամադրել հարթակում կեղծ կամ սփամ օգտահաշիվների մասին, ինչը հիմնարար նշանակություն ունի ընկերության բիզնես արդյունավետության համար։ Փաստաբանները պնդում են, որ Twitter-ը խախտում է գործարքի դրույթները և արել է կեղծ ու շփոթության մեջ գցող հայտարարություններ, որոնց վրա հույս է դրել Մասկը՝ համաձայնագրի կնքման ժամանակ։ Ավելի վաղ, Իլոն Մասկն սպառնում էր դուրս գալ գործարքից, եթե սոցիալական ցանցի ղեկավար կազմն իրեն չապացուցի, որ ֆեյքային ու սփամ օգտահաշիվները կազմում են Twitter-ի օգտատերերի 5 %-ից ոչ ավելին։ Հունիսին ուղարկված պաշտոնական նամակում Մասկը գրում էր, որ որպես ընկերության գնորդ, իրավունք ունի ինքնուրույն գնահատել Twitter-ի օգտատերերի սփամ օգտահաշիվների թիվը։ Մասկի կողմը պնդում է, որ ընկերությունում այդպիսով խախտել են վաճառքի համաձայնագրի պայմանները։ Twitter ընկերությունը պնդում էր, որ սփամ օգտահաշիվների թվի մոտավոր գնահատականները ճիշտ են, սակայն, Մասկի կարծիքով, սոցիալական ցանցում կեղծ օգտահաշիվների թիվն ավելի շատ է, քան պաշտոնապես հայտարարված 5 %-ը։ Ինքը Մասկը նշում է, որ Twitter-ի օգտահաշիվների մինչև 20 %-ը կարող են կեղծ լինել։ Շարունակությունը՝ hetq.am-ում Իլյուստրացիան՝ CNN-ից

12:58 - 09 հուլիսի, 2022

Իլոն Մասկը և Հռոմի պապը հանդիպման ընթացքում քննարկել են մարդկության ապագան |armenpress.am|

armenpress.am: Ամերիկացի գործարար, Tesla էլեկտրական մեքենաներ արտադրող ընկերության ղեկավար Իլոն Մասկը հայտնել է, որ հանդիպել է Հռոմի պապ Ֆրանցիսկոսի հետ։ Այս մասին հաղորդում է ՌԻԱ նովոստին։ «Ինձ համար մեծ պատիվ էր երեկ հանդիպել Հռոմի պապ Ֆրանցիսկոսի հետ», - գրել է Մասկը Twitter-ում՝ հրապարակելով լուսանկարը: Իտալական Repubblica թերթը հայտնում է, որ դա մասնավոր այց է եղել: Զրույցը տեւել է 40 րոպե, որի ընթացքում Մասկն ու Հռոմի պապը քննարկել են բնապահպանական խնդիրներն ու մարդկության ապագան։ Հռոմի պապի հետ հանդիպման էին եկել նաև մասկի չորս երեխաները։

12:40 - 02 հուլիսի, 2022

Իլոն Մասկը հայտարարել է, որ «Սթարլինք» արբանյակային ինտերնետը լիցենզավորում է ստացել Նիգերիայում և Մոզամբիկում |armenpress.am|

armenpress.am: «Սթարլինք» արբանյակային ինտերնետը տեղակայվել է նաև Նիգերիայում և Մոզամբիկում: Այս մասին իր «Թվիթեր»-ի միկրոբլոգում գրել Իլոն Մասկը։ ««Սթարլինք»-ի կարգավորող հաստատումը նշանակում է, որ ինտերնետ ցանցը այժմ լիցենզավորված է բոլոր յոթ մայրցամաքներում», - ասել է ընկերության գործադիր տնօրենը: Նիգերական Nairametrics հրատարակությունը հայտնել է, որ Մասկի թվիթից հետո «Հաղորդակցության հանձնաժողով»-ը հաստատել է, որ արբանյակային ինտերնետ համակարգը լիցենզավորվել է։ «Սթարլինք»-ն աշխատում էր դրա վրա ավելի քան մեկ տարի և պետք է թարմացնի թույլտվությունը 10 տարի հետո: Աշխարհում տեղակայված «Սթարլինք» համակարգի հիմնական առավելությունները պետք է լինեն հասանելիությունը և ազդանշանի արագ արձագանքումը, հետևաբար արբանյակները տեղադրվում են ցածր ուղեծրերում: Այս առումով երկիրն ամբողջությամբ ծածկելու համար պետք է լինեն շատ՝ տասնյակ հազարավոր արբանյակներ, որոնցից մոտ երկու հազարն արդեն արձակվել է։

16:15 - 28 մայիսի, 2022