10:43 - 08 հոկտեմբերի, 2019
Երևանի քաղաքապետարանի և Սանիթեքի պայմանագիրը շատ մեծ կասկածներ է առաջացնում. Մարության |lragir.am|
lragir.am: «Սանիթեք» ընկերության կողմից աղբի հավաքագրման այն թերացումներից բացի, որոնք մենք տեսել ենք ամիսներ ու գուցե տարիներ շարունակ, եղել են շատ տարօրինակ ընթացքներ: Օրինակ՝ շատ մեծ կասկած է առաջացնում պայմանագրի կնքման, մրցույթների անցկացման օրինականությունը: Այս մասին Երևանի ավագանու այսօրվա նիստում ասաց քաղաքապետ Հայկ Մարությանը՝ անդրադառնալով հարցին, որ «Սանիթեք» ընկերությունը սպառնում է դիմել միջազգային արբիտրաժ:
«Հետաքրքիր փաստեր կան ընթացիկ փաստաթղթերի վարման, Սանիթեք-քաղաքապետարան հարաբերությունների վերաբերյալ և այլն: Այնպես որ, այստեղ շատ հարցեր կան»,- ասաց նա:
Ինչ վերաբերում է արբիտրաժ դիմելուն, Հայկ Մարությանն ասաց, որ քաղաքապետարանի կողմից մանրակրկիտ ուսումնասիրվել են բոլոր փաստաթղթերը: «Եթե այնուամենայնիվ Սանիթեք ընկերությունը որոշում կայացնի գնալ արբիտրաժային դատարան, ենք լիովին պատրաստ ենք դրան»,- նշեց Մարությանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)